ଶ୍ରୀମଦ୍ଵାଲ୍ମୀକୀଯ ରାମାଯଣେ ଅଯୋଧ୍ଯାକାଣ୍ଡମ୍ ।
ଅଥ ଦ୍ଵିତୀଯସ୍ସର୍ଗଃ ।
ତତଃ ପରିଷଦଂ ସର୍ଵାମାମନ୍ତ୍ର୍ଯ ଵସୁଧାଧିପଃ ।
ହିତମୁଦ୍ଧର୍ଷଣଂ ଚୈଵମୁଵାଚ ପ୍ରଥିତଂ ଵଚଃ ॥ 1 ॥
ଦୁନ୍ଦୁଭିସ୍ଵନକଲ୍ପେନ ଗମ୍ଭୀରେଣାନୁନାଦିନା ।
ସ୍ଵରେଣ ମହତା ରାଜା ଜୀମୂତ ଇଵ ନାଦଯନ୍ ॥ 2 ॥
ରାଜଲକ୍ଷଣଯୁକ୍ତେନ କାନ୍ତେନାନୁପମେନ ଚ ।
ଉଵାଚ ରସଯୁକ୍ତେନ ସ୍ଵରେଣ ନୃପତିର୍ନୃପାନ୍ ॥ 3 ॥
ଵିଦିତଂ ଭଵତାମେତଦ୍ଯଥା ମେ ରାଜ୍ଯମୁତ୍ତମମ୍ ।
ପୂର୍ଵକୈର୍ମମ ରାଜେନ୍ଦ୍ରୈସ୍ସୁତଵତ୍ପରିପାଲିତମ୍ ॥ 4 ॥
ସୋଽହମିକ୍ଷ୍ଵାକୁଭି ସ୍ସର୍ଵୈର୍ନରେନ୍ଦ୍ରୈଃ ପରିପାଲିତମ୍ ।
ଶ୍ରେଯସା ଯୋକ୍ତୁକାମୋଽସ୍ମି ସୁଖାର୍ହମଖିଲଂ ଜଗତ୍ ॥ 5 ॥
ମଯାପ୍ଯାଚରିତଂ ପୂର୍ଵୈଃ ପନ୍ଥାନମନୁଗଚ୍ଛତା ।
ପ୍ରଜା ନିତ୍ଯମନିଦ୍ରେଣ ଯଥାଶକ୍ତ୍ଯଭିରକ୍ଷିତାଃ ॥ 6 ॥
ଇଦଂ ଶରୀରଂ କୃତ୍ସ୍ନସ୍ଯ ଲୋକସ୍ଯ ଚରତା ହିତମ୍ ।
ପାଣ୍ଡୁରସ୍ଯାଽତପତ୍ରସ୍ଯଚ୍ଛାଯାଯାଂ ଜରିତଂ ମଯା ॥ 7 ॥
ପ୍ରାପ୍ଯ ଵର୍ଷସହସ୍ରାଣି ବହୂନ୍ଯାଯୂଂଷି ଜୀଵତଃ ।
ଜୀର୍ଣସ୍ଯାସ୍ଯ ଶରୀରସ୍ଯ ଵିଶ୍ରାନ୍ତିମଭିରୋଚଯେ ॥ 8 ॥
ରାଜପ୍ରଭାଵଜୁଷ୍ଟାଂ ହି ଦୁର୍ଵହାମଜିତେନ୍ଦ୍ରିଯୈଃ ।
ପରିଶ୍ରାନ୍ତୋଽସ୍ମି ଲୋକସ୍ଯ ଗୁର୍ଵୀଂ ଧର୍ମଧୁରଂ ଵହନ୍ ॥ 9 ॥
ସୋଽହଂ ଵିଶ୍ରମମିଚ୍ଛାମି ପୁତ୍ରଂ କୃତ୍ଵା ପ୍ରଜାହିତେ ।
ସନ୍ନିକୃଷ୍ଟାନିମାନ୍ସର୍ଵାନନୁମାନ୍ଯ ଦ୍ଵିଜର୍ଷଭାନ୍ ॥ 10 ॥
ଅନୁଜାତୋ ହି ମାଂ ସର୍ଵୈର୍ଗୁଣୈର୍ଜ୍ଯେଷ୍ଠୋ ମମାତ୍ମଜଃ ।
ପୁରନ୍ଦରସମୋ ଵୀର୍ଯେ ରାମଃ ପରପୁରଞ୍ଜଯଃ ॥ 11 ॥
ତଂ ଚନ୍ଦ୍ରମିଵ ପୁଷ୍ଯେଣ ଯୁକ୍ତଂ ଧର୍ମଭୃତାଂ ଵରମ୍ ।
ଯୌଵରାଜ୍ଯେ ନିଯୋକ୍ତାଽସ୍ମି ପ୍ରୀତଃ ପୁରୁଷପୁଙ୍ଗଵମ୍ ॥ 12 ॥
ଅନୁରୂପସ୍ସ ଵୈ ନାଥୋ ଲକ୍ଷ୍ମୀଵାନ୍ ଲକ୍ଷ୍ମଣାଗ୍ରଜଃ ।
ତ୍ରୈଲୋକ୍ଯମପି ନାଥେନ ଯେନ ସ୍ଯାନ୍ନାଥଵତ୍ତରମ୍ ॥ 13 ॥
ଅନେନ ଶ୍ରେଯସା ସଦ୍ଯସ୍ସଂଯୋଜ୍ଯୈଵମିମାଂ ମହୀମ୍ ।
ଗତକ୍ଲେଶୋ ଭଵିଷ୍ଯାମି ସୁତେ ତସ୍ମିନ୍ନିଵେଶ୍ଯ ଵୈ ॥ 14 ॥
ଯଦିଦଂ ମେଽନୁରୂପାର୍ଥଂ ମଯା ସାଧୁ ସୁମନ୍ତ୍ରିତମ୍ ।
ଭଵନ୍ତୋ ମେଽନୁମନ୍ଯନ୍ତାଂ କଥଂ ଵା କରଵାଣ୍ଯହମ୍ ॥ 15 ॥
ଯଦ୍ଯପ୍ଯେଷା ମମ ପ୍ରୀତିର୍ହିତମନ୍ଯଦ୍ଵିଚିନ୍ତ୍ଯତାମ୍ ।
ଅନ୍ଯା ମଧ୍ଯସ୍ଥଚିନ୍ତା ହି ଵିମର୍ଦାଭ୍ଯଧିକୋଦଯା ॥ 16 ॥
ଇତି ବ୍ରୁଵନ୍ତଂ ମୁଦିତାଃ ପ୍ରତ୍ଯନନ୍ଦନ୍ନୃପା ନୃପମ୍ ।
ଵୃଷ୍ଟିମନ୍ତଂ ମହାମେଘଂ ନର୍ଦନ୍ତ ଇଵ ବର୍ହିଣଃ ॥ 17 ॥
ସ୍ନିଗ୍ଧୋଽନୁନାଦୀ ସଞ୍ଜଜ୍ଞେ ତତ୍ର ହର୍ଷସମୀରିତଃ ।
ଜନୌଘୋଦ୍ଘୁଷ୍ଟସନ୍ନାଦୋ ଵିମାନଂ କମ୍ପଯନ୍ନିଵ ॥ 18 ॥
ତସ୍ଯ ଧର୍ମାର୍ଥଵିଦୁଷୋ ଭାଵମାଜ୍ଞାଯ ସର୍ଵଶଃ ।
ବ୍ରାହ୍ମଣା ଜନମୁଖ୍ଯାଶ୍ଚ ପୌରଜାନପଦୈ ସ୍ସହ ॥ 19 ॥
ସମେତ୍ଯ ମନ୍ତ୍ରଯିତ୍ଵା ତୁ ସମତାଗତବୁଦ୍ଧଯଃ ।
ଊଚୁଶ୍ଚ ମନସା ଜ୍ଞାତ୍ଵା ଵୃଦ୍ଧଂ ଦଶରଥଂ ନୃପମ୍ ॥ 20 ॥
ଅନେକଵର୍ଷସାହସ୍ରୋ ଵୃଦ୍ଧସ୍ତ୍ଵମସି ପାର୍ଥିଵ ।
ସ ରାମଂ ଯୁଵରାଜାନମଭିଷିଞ୍ଚିସ୍ଵ ପାର୍ଥିଵମ୍ ॥ 21 ॥
ଇଚ୍ଛାମୋ ହି ମହାବାହୁଂ ରଘୁଵୀରଂ ମହାବଲମ୍ ।
ଗଜେନ ମହତାଽଯାନ୍ତଂ ରାମଂ ଛତ୍ରାଵୃତାନନମ୍ ॥ 22 ॥
ଇତି ତଦ୍ଵଚନଂ ଶ୍ରୁତ୍ଵା ରାଜା ତେଷାଂ ମନଃପ୍ରିଯମ୍ ।
ଅଜାନନ୍ନିଵ ଜିଜ୍ଞାସୁରିଦଂ ଵଚନମବ୍ରଵୀତ୍ ॥ 23 ॥
ଶ୍ରୁତ୍ଵୈଵ ଵଚନଂ ଯନ୍ମେ ରାଘଵଂ ପତିମିଚ୍ଛଥ ।
ରାଜାନ ସ୍ସଂଶଯୋଽଯଂ ମେ କିମିଦଂ ବ୍ରୂତ ତତ୍ତ୍ଵତଃ ॥ 24 ॥
କଥଂ ନୁ ମଯି ଧର୍ମେଣ ପୃଥିଵୀମନୁଶାସତି ।
ଭଵନ୍ତୋ ଦ୍ରଷ୍ଟୁମିଚ୍ଛନ୍ତି ଯୁଵରାଜଂ ମମାତ୍ମଜମ୍ ॥ 25 ॥
ତେ ତମୂଚୁର୍ମହାତ୍ମାନଂ ପୌରଜାନପଦୈସ୍ସହ ।
ବହଵୋ ନୃପ କଲ୍ଯାଣା ଗୁଣାଃ ପୁତ୍ରସ୍ଯ ସନ୍ତି ତେ ॥ 26 ॥
ଗୁଣାନ୍ ଗୁଣଵତୋ ଦେଵ ଦେଵକଲ୍ପସ୍ଯ ଧୀମତଃ ।
ପ୍ରିଯାନାନନ୍ଦନାନ୍କୃତ୍ସ୍ନାନ୍ପ୍ରଵକ୍ଷ୍ଯାମୋଽଦ୍ଯ ତାନ୍ ଶୃଣୁ ॥ 27 ॥
ଦିଵ୍ଯୈର୍ଗୁଣୈଶ୍ଶକ୍ରସମୋ ରାମସ୍ସତ୍ଯପରାକ୍ରମଃ ।
ଇକ୍ଷ୍ଵାକୁଭ୍ଯୋଽପି ସର୍ଵେଭ୍ଯୋ ହ୍ଯତିରିକ୍ତୋ ଵିଶାମ୍ପତେ ॥ 28 ॥
ରାମ ସ୍ସତ୍ପୁରୁଷୋ ଲୋକେ ସତ୍ଯଧର୍ମପରାଯଣଃ ।
ସାକ୍ଷାଦ୍ରାମାଦ୍ଵିନିର୍ଵୃତ୍ତୋ ଧର୍ମଶ୍ଚାପି ଶ୍ରିଯା ସହ ॥ 29 ॥
ପ୍ରଜାସୁଖତ୍ତ୍ଵେ ଚନ୍ଦ୍ରସ୍ଯ ଵସୁଧାଯାଃ କ୍ଷମାଗୁଣୈଃ ।
ବୁଦ୍ଧ୍ଯା ବୃହସ୍ପତେସ୍ତୁଲ୍ଯୋ ଵୀର୍ଯେ ସାକ୍ଷାଚ୍ଛଚୀପତେଃ ॥ 30 ॥
ଧର୍ମଜ୍ଞଃ ସତ୍ଯସନ୍ଧଶ୍ଚ ଶୀଲଵାନନସୂଯକଃ ।
କ୍ଷାନ୍ତଃ ସାନ୍ତ୍ଵଯିତା ଶ୍ଲକ୍ଷ୍ଣଃ କୃତଜ୍ଞୋ ଵିଜିତେନ୍ଦ୍ରିଯଃ ॥ 31 ॥
ମୃଦୁଶ୍ଚ ସ୍ଥିରଚିତ୍ତଶ୍ଚ ସଦା ଭଵ୍ଯୋଽନସୂଯକଃ ।
ପ୍ରିଯଵାଦୀ ଚ ଭୂତାନାଂ ସତ୍ଯଵାଦୀ ଚ ରାଘଵଃ ॥ 32 ॥
ବହୁଶ୍ରୁତାନାଂ ଵୃଦ୍ଧାନାଂ ବ୍ରାହ୍ମଣାନାମୁପାସିତା ।
ତେନାସ୍ଯେହାଽତୁଲା କୀର୍ତିର୍ଯଶସ୍ତେଜଶ୍ଚ ଵର୍ଧତେ ॥ 33 ॥
ଦେଵାସୁରମନୁଷ୍ଯାଣାଂ ସର୍ଵାସ୍ତ୍ରେଷୁ ଵିଶାରଦଃ ।
ସମ୍ଯଗ୍ଵିଦ୍ଯାଵ୍ରତସ୍ନାତୋ ଯଥାଵତ୍ସାଙ୍ଗଵେଦଵିତ୍ ॥ 34 ॥
ଗାନ୍ଧର୍ଵେ ଚ ଭୁଵି ଶ୍ରେଷ୍ଠୋ ବଭୂଵ ଭରତାଗ୍ରଜଃ ।
କଲ୍ଯାଣାଭିଜନ ସ୍ସାଧୁରଦୀନାତ୍ମା ମହାମତିଃ ॥ 35 ॥
ଦ୍ଵିଜୈରଭିଵିନୀତଶ୍ଚ ଶ୍ରେଷ୍ଠୈର୍ଧର୍ମାର୍ଥନୈପୁଣୈଃ ।
ଯଦା ଵ୍ରଜତି ସଙ୍ଗ୍ରାମଂ ଗ୍ରାମାର୍ଥେ ନଗରସ୍ଯ ଵା ॥ 36 ॥
ଗତ୍ଵା ସୌମିତ୍ରିସହିତୋ ନାଽଵିଜିତ୍ଯ ନିଵର୍ତତେ ।
ସଙ୍ଗ୍ରାମାତ୍ପୁନରାଗମ୍ଯ କୁଞ୍ଜରେଣ ରଥେନ ଵା ॥ 37 ॥
ପୌରାନ୍ ସ୍ଵଜନଵନ୍ନିତ୍ଯଂ କୁଶଲଂ ପରିପୃଚ୍ଛତି ।
ପୁତ୍ରେଷ୍ଵଗ୍ନିଷୁ ଦାରେଷୁ ପ୍ରେଷ୍ଯଶିଷ୍ଯଗଣେଷୁ ଚ ॥ 38 ॥
ନିଖିଲେନାନୁପୂର୍ଵ୍ଯାଚ୍ଚ ପିତାପୁତ୍ରାନିଵୌରସାନ୍ ।
ଶୁଶ୍ରୂଷନ୍ତେ ଚ ଵ ଶ୍ଶିଷ୍ଯାଃ କଚ୍ଚିତ୍କର୍ମସୁ ଦଂଶିତାଃ ॥ 39 ॥
ଇତି ନଃ ପୁରୁଷଵ୍ଯାଘ୍ର ସ୍ସଦା ରାମୋଽଭିଭାଷତେ ।
ଵ୍ଯସନେଷୁ ମନୁଷ୍ଯାଣାଂ ଭୃଶଂ ଭଵତି ଦୁଃଖିତଃ ॥ 40 ॥
ଉତ୍ସଵେଷୁ ଚ ସର୍ଵେଷୁ ପିତେଵ ପରିତୁଷ୍ଯତି ।
ସତ୍ଯଵାଦୀ ମହେଷ୍ଵାସୋ ଵୃଦ୍ଧସେଵୀ ଜିତେନ୍ଦ୍ରିଯଃ ॥ 41 ॥
ସ୍ମିତପୂର୍ଵାଭିଭାଷୀ ଚ ଧର୍ମଂ ସର୍ଵାତ୍ମନା ଶ୍ରିତଃ ।
ସମ୍ଯଗ୍ଯୋକ୍ତା ଶ୍ରେଯସାଂ ଚ ନ ଵିଗୃହ୍ଯ କଥାରୁଚିଃ ॥ 42 ॥
ଉତ୍ତରୋତ୍ତରଯୁକ୍ତୌ ଚ ଵକ୍ତା ଵାଚସ୍ପତିର୍ଯଥା ।
ସୁଭ୍ରୂଃ ଆଯତତାମ୍ରାକ୍ଷଃ ସାକ୍ଷାଦ୍ଵିଷ୍ଣୁରିଵ ସ୍ଵଯମ୍ ॥ 43 ॥
ରାମୋ ଲୋକାଭିରାମୋଽଯଂ ଶୌର୍ଯଵୀର୍ଯପରାକ୍ରମୈଃ ।
ପ୍ରଜାପାଲନତତ୍ତ୍ଵଜ୍ଞୋ ନ ରାଗୋପହତେନ୍ଦ୍ରିଯଃ ॥ 44 ॥
ଶକ୍ତସ୍ତ୍ରୈଲୋକ୍ଯମପ୍ଯେକୋ ଭୋକ୍ତୁଂ କିନ୍ନୁ ମହୀମିମାମ୍ ।
ନାସ୍ଯ କ୍ରୋଧଃ ପ୍ରସାଦଶ୍ଚ ନିରର୍ଥୋଽସ୍ତି କଦାଚନ ॥ 45 ॥
ହନ୍ତ୍ଯେଵ ନିଯମାଦ୍ଵଧ୍ଯାନଵଧ୍ଯେ ନ ଚ କୁପ୍ଯତି ।
ଯୁନକ୍ତ୍ଯର୍ଥୈଃ ପ୍ରହୃଷ୍ଟଶ୍ଚ ତମସୌ ଯତ୍ର ତୁଷ୍ଯତି ॥ 46 ॥
ଶାନ୍ତୈ ସ୍ସର୍ଵପ୍ରଜାକାନ୍ତୈଃ ପ୍ରୀତିସଞ୍ଜନନୈର୍ନୃଣାମ୍ ।
ଗୁଣୈର୍ଵିରୁରୁଚେ ରାମୋ ଦୀପ୍ତ ସ୍ସୂର୍ଯ ଇଵାଂଶୁଭିଃ ॥ 47 ॥
ତମେଵଙ୍ଗୁଣସମ୍ପନ୍ନଂ ରାମଂ ସତ୍ଯପରାକ୍ରମମ୍ ।
ଲୋକପାଲୋପମଂ ନାଥମକାମଯତ ମେଦିନୀ ॥ 48 ॥
ଵତ୍ସଶ୍ଶ୍ରେଯସି ଜାତସ୍ତେ ଦିଷ୍ଟ୍ଯାଽସୌ ତଵ ରାଘଵ ।
ଦିଷ୍ଟ୍ଯା ପୁତ୍ରଗୁଣୈର୍ଯୁକ୍ତୋ ମାରୀଚ ଇଵ କାଶ୍ଯପଃ ॥ 49 ॥
ବଲମାରୋଗ୍ଯମାଯୁଶ୍ଚ ରାମସ୍ଯ ଵିଦିତାତ୍ମନଃ ।
ଦେଵାସୁରମନୁଷ୍ଯେଷୁ ସଗନ୍ଧର୍ଵୋରଗେଷୁ ଚ ॥ 50 ॥
ଆଶଂସତେ ଜନସ୍ସର୍ଵୋ ରାଷ୍ଟ୍ରେ ପୁରଵରେ ତଥା ।
ଆଭ୍ଯନ୍ତରଶ୍ଚ ବାହ୍ଯଶ୍ଚ ପୌରଜାନପଦୋ ଜନଃ ॥ 51 ॥
ସ୍ତ୍ରିଯୋ ଵୃଦ୍ଧାସ୍ତରୁଣ୍ଯଶ୍ଚ ସାଯଂ ପ୍ରାତସ୍ସମାହିତାଃ ।
ସର୍ଵାନ୍ ଦେଵାନ୍ ନମସ୍ଯନ୍ତି ରାମସ୍ଯାର୍ଥେ ଯଶସ୍ଵିନଃ ॥ 52 ॥
ତେଷାମାଯାଚିତଂ ଦେଵ ତ୍ଵତ୍ପ୍ରସାଦାତ୍ସମୃଦ୍ଧ୍ଯତାମ୍ ।
ରାମମିନ୍ଦୀଵରଶ୍ଯାମଂ ସର୍ଵଶତ୍ରୁନିବର୍ହଣମ୍ ॥ 53 ॥
ପଶ୍ଯାମୋ ଯୌଵରାଜ୍ଯସ୍ଥଂ ତଵ ରାଜୋତ୍ତମାତ୍ମଜମ୍ ।
ତଂ ଦେଵ ଦେଵୋପମମାତ୍ମଜଂ ତେ ସର୍ଵସ୍ଯ ଲୋକସ୍ଯ ହିତେ ନିଵିଷ୍ଟମ୍ ।
ହିତାଯ ନଃ କ୍ଷିପ୍ରମୁଦାରଜୁଷ୍ଟଂ ମୁଦାଽଭଷେକ୍ତୁଂ ଵରଦ ତ୍ଵମର୍ହସି ॥ 54 ॥
ଇତ୍ଯାର୍ଷେ ଶ୍ରୀମଦ୍ରାମାଯଣେ ଵାଲ୍ମୀକୀଯ ଆଦିକାଵ୍ଯେ ଅଯୋଧ୍ଯାକାଣ୍ଡେ ଦ୍ଵିତୀଯସ୍ସର୍ଗଃ ॥
Roman (IAST) Transliteration
śrīmadvālmīkīya rāmāyaṇe ayodhyākāṇḍam |
atha dvitīyassargaḥ |
tataḥ pariṣadaṃ sarvāmāmantrya vasudhādhipaḥ |
hitamuddharṣaṇaṃ caivamuvāca prathitaṃ vacaḥ || 1 ||
dundubhisvanakalpena gambhīreṇānunādinā |
svareṇa mahatā rājā jīmūta iva nādayan || 2 ||
rājalakṣaṇayuktena kāntenānupamena ca |
uvāca rasayuktena svareṇa nṛpatirnṛpān || 3 ||
viditaṃ bhavatāmetadyathā me rājyamuttamam |
pūrvakairmama rājendraissutavatparipālitam || 4 ||
so'hamikṣvākubhi ssarvairnarendraiḥ paripālitam |
śreyasā yoktukāmo'smi sukhārhamakhilaṃ jagat || 5 ||
mayāpyācaritaṃ pūrvaiḥ panthānamanugacchatā |
prajā nityamanidreṇa yathāśaktyabhirakṣitāḥ || 6 ||
idaṃ śarīraṃ kṛtsnasya lokasya caratā hitam |
pāṇḍurasyā'tapatrasyacchāyāyāṃ jaritaṃ mayā || 7 ||
prāpya varṣasahasrāṇi bahūnyāyūṃṣi jīvataḥ |
jīrṇasyāsya śarīrasya viśrāntimabhirocaye || 8 ||
rājaprabhāvajuṣṭāṃ hi durvahāmajitendriyaiḥ |
pariśrānto'smi lokasya gurvīṃ dharmadhuraṃ vahan || 9 ||
so'haṃ viśramamicchāmi putraṃ kṛtvā prajāhite |
sannikṛṣṭānimānsarvānanumānya dvijarṣabhān || 10 ||
anujāto hi māṃ sarvairguṇairjyeṣṭho mamātmajaḥ |
purandarasamo vīrye rāmaḥ parapurañjayaḥ || 11 ||
taṃ candramiva puṣyeṇa yuktaṃ dharmabhṛtāṃ varam |
yauvarājye niyoktā'smi prītaḥ puruṣapuṅgavam || 12 ||
anurūpassa vai nātho lakṣmīvān lakṣmaṇāgrajaḥ |
trailokyamapi nāthena yena syānnāthavattaram || 13 ||
anena śreyasā sadyassaṃyojyaivamimāṃ mahīm |
gatakleśo bhaviṣyāmi sute tasminniveśya vai || 14 ||
yadidaṃ me'nurūpārthaṃ mayā sādhu sumantritam |
bhavanto me'numanyantāṃ kathaṃ vā karavāṇyaham || 15 ||
yadyapyeṣā mama prītirhitamanyadvicintyatām |
anyā madhyasthacintā hi vimardābhyadhikodayā || 16 ||
iti bruvantaṃ muditāḥ pratyanandannṛpā nṛpam |
vṛṣṭimantaṃ mahāmeghaṃ nardanta iva barhiṇaḥ || 17 ||
snigdho'nunādī sañjajñe tatra harṣasamīritaḥ |
janaughodghuṣṭasannādo vimānaṃ kampayanniva || 18 ||
tasya dharmārthaviduṣo bhāvamājñāya sarvaśaḥ |
brāhmaṇā janamukhyāśca paurajānapadai ssaha || 19 ||
sametya mantrayitvā tu samatāgatabuddhayaḥ |
ūcuśca manasā jñātvā vṛddhaṃ daśarathaṃ nṛpam || 20 ||
anekavarṣasāhasro vṛddhastvamasi pārthiva |
sa rāmaṃ yuvarājānamabhiṣiñcisva pārthivam || 21 ||
icchāmo hi mahābāhuṃ raghuvīraṃ mahābalam |
gajena mahatā'yāntaṃ rāmaṃ chatrāvṛtānanam || 22 ||
iti tadvacanaṃ śrutvā rājā teṣāṃ manaḥpriyam |
ajānanniva jijñāsuridaṃ vacanamabravīt || 23 ||
śrutvaiva vacanaṃ yanme rāghavaṃ patimicchatha |
rājāna ssaṃśayo'yaṃ me kimidaṃ brūta tattvataḥ || 24 ||
kathaṃ nu mayi dharmeṇa pṛthivīmanuśāsati |
bhavanto draṣṭumicchanti yuvarājaṃ mamātmajam || 25 ||
te tamūcurmahātmānaṃ paurajānapadaissaha |
bahavo nṛpa kalyāṇā guṇāḥ putrasya santi te || 26 ||
guṇān guṇavato deva devakalpasya dhīmataḥ |
priyānānandanānkṛtsnānpravakṣyāmo'dya tān śṛṇu || 27 ||
divyairguṇaiśśakrasamo rāmassatyaparākramaḥ |
ikṣvākubhyo'pi sarvebhyo hyatirikto viśāmpate || 28 ||
rāma ssatpuruṣo loke satyadharmaparāyaṇaḥ |
sākṣādrāmādvinirvṛtto dharmaścāpi śriyā saha || 29 ||
prajāsukhattve candrasya vasudhāyāḥ kṣamāguṇaiḥ |
buddhyā bṛhaspatestulyo vīrye sākṣācchacīpateḥ || 30 ||
dharmajñaḥ satyasandhaśca śīlavānanasūyakaḥ |
kṣāntaḥ sāntvayitā ślakṣṇaḥ kṛtajño vijitendriyaḥ || 31 ||
mṛduśca sthiracittaśca sadā bhavyo'nasūyakaḥ |
priyavādī ca bhūtānāṃ satyavādī ca rāghavaḥ || 32 ||
bahuśrutānāṃ vṛddhānāṃ brāhmaṇānāmupāsitā |
tenāsyehā'tulā kīrtiryaśastejaśca vardhate || 33 ||
devāsuramanuṣyāṇāṃ sarvāstreṣu viśāradaḥ |
samyagvidyāvratasnāto yathāvatsāṅgavedavit || 34 ||
gāndharve ca bhuvi śreṣṭho babhūva bharatāgrajaḥ |
kalyāṇābhijana ssādhuradīnātmā mahāmatiḥ || 35 ||
dvijairabhivinītaśca śreṣṭhairdharmārthanaipuṇaiḥ |
yadā vrajati saṅgrāmaṃ grāmārthe nagarasya vā || 36 ||
gatvā saumitrisahito nā'vijitya nivartate |
saṅgrāmātpunarāgamya kuñjareṇa rathena vā || 37 ||
paurān svajanavannityaṃ kuśalaṃ paripṛcchati |
putreṣvagniṣu dāreṣu preṣyaśiṣyagaṇeṣu ca || 38 ||
nikhilenānupūrvyācca pitāputrānivaurasān |
śuśrūṣante ca va śśiṣyāḥ kaccitkarmasu daṃśitāḥ || 39 ||
iti naḥ puruṣavyāghra ssadā rāmo'bhibhāṣate |
vyasaneṣu manuṣyāṇāṃ bhṛśaṃ bhavati duḥkhitaḥ || 40 ||
utsaveṣu ca sarveṣu piteva parituṣyati |
satyavādī maheṣvāso vṛddhasevī jitendriyaḥ || 41 ||
smitapūrvābhibhāṣī ca dharmaṃ sarvātmanā śritaḥ |
samyagyoktā śreyasāṃ ca na vigṛhya kathāruciḥ || 42 ||
uttarottarayuktau ca vaktā vācaspatiryathā |
subhrūḥ āyatatāmrākṣaḥ sākṣādviṣṇuriva svayam || 43 ||
rāmo lokābhirāmo'yaṃ śauryavīryaparākramaiḥ |
prajāpālanatattvajño na rāgopahatendriyaḥ || 44 ||
śaktastrailokyamapyeko bhoktuṃ kinnu mahīmimām |
nāsya krodhaḥ prasādaśca nirartho'sti kadācana || 45 ||
hantyeva niyamādvadhyānavadhye na ca kupyati |
yunaktyarthaiḥ prahṛṣṭaśca tamasau yatra tuṣyati || 46 ||
śāntai ssarvaprajākāntaiḥ prītisañjananairnṛṇām |
guṇairviruruce rāmo dīpta ssūrya ivāṃśubhiḥ || 47 ||
tamevaṅguṇasampannaṃ rāmaṃ satyaparākramam |
lokapālopamaṃ nāthamakāmayata medinī || 48 ||
vatsaśśreyasi jātaste diṣṭyā'sau tava rāghava |
diṣṭyā putraguṇairyukto mārīca iva kāśyapaḥ || 49 ||
balamārogyamāyuśca rāmasya viditātmanaḥ |
devāsuramanuṣyeṣu sagandharvorageṣu ca || 50 ||
āśaṃsate janassarvo rāṣṭre puravare tathā |
ābhyantaraśca bāhyaśca paurajānapado janaḥ || 51 ||
striyo vṛddhāstaruṇyaśca sāyaṃ prātassamāhitāḥ |
sarvān devān namasyanti rāmasyārthe yaśasvinaḥ || 52 ||
teṣāmāyācitaṃ deva tvatprasādātsamṛddhyatām |
rāmamindīvaraśyāmaṃ sarvaśatrunibarhaṇam || 53 ||
paśyāmo yauvarājyasthaṃ tava rājottamātmajam |
taṃ deva devopamamātmajaṃ te sarvasya lokasya hite niviṣṭam |
hitāya naḥ kṣipramudārajuṣṭaṃ mudā'bhaṣektuṃ varada tvamarhasi || 54 ||
ityārṣe śrīmadrāmāyaṇe vālmīkīya ādikāvye ayodhyākāṇḍe dvitīyassargaḥ ||
Sanskrit — Devanagari (original)
श्रीमद्वाल्मीकीय रामायणे अयोध्याकाण्डम् ।
अथ द्वितीयस्सर्गः ।
ततः परिषदं सर्वामामन्त्र्य वसुधाधिपः ।
हितमुद्धर्षणं चैवमुवाच प्रथितं वचः ॥ 1 ॥
दुन्दुभिस्वनकल्पेन गम्भीरेणानुनादिना ।
स्वरेण महता राजा जीमूत इव नादयन् ॥ 2 ॥
राजलक्षणयुक्तेन कान्तेनानुपमेन च ।
उवाच रसयुक्तेन स्वरेण नृपतिर्नृपान् ॥ 3 ॥
विदितं भवतामेतद्यथा मे राज्यमुत्तमम् ।
पूर्वकैर्मम राजेन्द्रैस्सुतवत्परिपालितम् ॥ 4 ॥
सोऽहमिक्ष्वाकुभि स्सर्वैर्नरेन्द्रैः परिपालितम् ।
श्रेयसा योक्तुकामोऽस्मि सुखार्हमखिलं जगत् ॥ 5 ॥
मयाप्याचरितं पूर्वैः पन्थानमनुगच्छता ।
प्रजा नित्यमनिद्रेण यथाशक्त्यभिरक्षिताः ॥ 6 ॥
इदं शरीरं कृत्स्नस्य लोकस्य चरता हितम् ।
पाण्डुरस्याऽतपत्रस्यच्छायायां जरितं मया ॥ 7 ॥
प्राप्य वर्षसहस्राणि बहून्यायूंषि जीवतः ।
जीर्णस्यास्य शरीरस्य विश्रान्तिमभिरोचये ॥ 8 ॥
राजप्रभावजुष्टां हि दुर्वहामजितेन्द्रियैः ।
परिश्रान्तोऽस्मि लोकस्य गुर्वीं धर्मधुरं वहन् ॥ 9 ॥
सोऽहं विश्रममिच्छामि पुत्रं कृत्वा प्रजाहिते ।
सन्निकृष्टानिमान्सर्वाननुमान्य द्विजर्षभान् ॥ 10 ॥
अनुजातो हि मां सर्वैर्गुणैर्ज्येष्ठो ममात्मजः ।
पुरन्दरसमो वीर्ये रामः परपुरञ्जयः ॥ 11 ॥
तं चन्द्रमिव पुष्येण युक्तं धर्मभृतां वरम् ।
यौवराज्ये नियोक्ताऽस्मि प्रीतः पुरुषपुङ्गवम् ॥ 12 ॥
अनुरूपस्स वै नाथो लक्ष्मीवान् लक्ष्मणाग्रजः ।
त्रैलोक्यमपि नाथेन येन स्यान्नाथवत्तरम् ॥ 13 ॥
अनेन श्रेयसा सद्यस्संयोज्यैवमिमां महीम् ।
गतक्लेशो भविष्यामि सुते तस्मिन्निवेश्य वै ॥ 14 ॥
यदिदं मेऽनुरूपार्थं मया साधु सुमन्त्रितम् ।
भवन्तो मेऽनुमन्यन्तां कथं वा करवाण्यहम् ॥ 15 ॥
यद्यप्येषा मम प्रीतिर्हितमन्यद्विचिन्त्यताम् ।
अन्या मध्यस्थचिन्ता हि विमर्दाभ्यधिकोदया ॥ 16 ॥
इति ब्रुवन्तं मुदिताः प्रत्यनन्दन्नृपा नृपम् ।
वृष्टिमन्तं महामेघं नर्दन्त इव बर्हिणः ॥ 17 ॥
स्निग्धोऽनुनादी सञ्जज्ञे तत्र हर्षसमीरितः ।
जनौघोद्घुष्टसन्नादो विमानं कम्पयन्निव ॥ 18 ॥
तस्य धर्मार्थविदुषो भावमाज्ञाय सर्वशः ।
ब्राह्मणा जनमुख्याश्च पौरजानपदै स्सह ॥ 19 ॥
समेत्य मन्त्रयित्वा तु समतागतबुद्धयः ।
ऊचुश्च मनसा ज्ञात्वा वृद्धं दशरथं नृपम् ॥ 20 ॥
अनेकवर्षसाहस्रो वृद्धस्त्वमसि पार्थिव ।
स रामं युवराजानमभिषिञ्चिस्व पार्थिवम् ॥ 21 ॥
इच्छामो हि महाबाहुं रघुवीरं महाबलम् ।
गजेन महताऽयान्तं रामं छत्रावृताननम् ॥ 22 ॥
इति तद्वचनं श्रुत्वा राजा तेषां मनःप्रियम् ।
अजानन्निव जिज्ञासुरिदं वचनमब्रवीत् ॥ 23 ॥
श्रुत्वैव वचनं यन्मे राघवं पतिमिच्छथ ।
राजान स्संशयोऽयं मे किमिदं ब्रूत तत्त्वतः ॥ 24 ॥
कथं नु मयि धर्मेण पृथिवीमनुशासति ।
भवन्तो द्रष्टुमिच्छन्ति युवराजं ममात्मजम् ॥ 25 ॥
ते तमूचुर्महात्मानं पौरजानपदैस्सह ।
बहवो नृप कल्याणा गुणाः पुत्रस्य सन्ति ते ॥ 26 ॥
गुणान् गुणवतो देव देवकल्पस्य धीमतः ।
प्रियानानन्दनान्कृत्स्नान्प्रवक्ष्यामोऽद्य तान् शृणु ॥ 27 ॥
दिव्यैर्गुणैश्शक्रसमो रामस्सत्यपराक्रमः ।
इक्ष्वाकुभ्योऽपि सर्वेभ्यो ह्यतिरिक्तो विशाम्पते ॥ 28 ॥
राम स्सत्पुरुषो लोके सत्यधर्मपरायणः ।
साक्षाद्रामाद्विनिर्वृत्तो धर्मश्चापि श्रिया सह ॥ 29 ॥
प्रजासुखत्त्वे चन्द्रस्य वसुधायाः क्षमागुणैः ।
बुद्ध्या बृहस्पतेस्तुल्यो वीर्ये साक्षाच्छचीपतेः ॥ 30 ॥
धर्मज्ञः सत्यसन्धश्च शीलवाननसूयकः ।
क्षान्तः सान्त्वयिता श्लक्ष्णः कृतज्ञो विजितेन्द्रियः ॥ 31 ॥
मृदुश्च स्थिरचित्तश्च सदा भव्योऽनसूयकः ।
प्रियवादी च भूतानां सत्यवादी च राघवः ॥ 32 ॥
बहुश्रुतानां वृद्धानां ब्राह्मणानामुपासिता ।
तेनास्येहाऽतुला कीर्तिर्यशस्तेजश्च वर्धते ॥ 33 ॥
देवासुरमनुष्याणां सर्वास्त्रेषु विशारदः ।
सम्यग्विद्याव्रतस्नातो यथावत्साङ्गवेदवित् ॥ 34 ॥
गान्धर्वे च भुवि श्रेष्ठो बभूव भरताग्रजः ।
कल्याणाभिजन स्साधुरदीनात्मा महामतिः ॥ 35 ॥
द्विजैरभिविनीतश्च श्रेष्ठैर्धर्मार्थनैपुणैः ।
यदा व्रजति सङ्ग्रामं ग्रामार्थे नगरस्य वा ॥ 36 ॥
गत्वा सौमित्रिसहितो नाऽविजित्य निवर्तते ।
सङ्ग्रामात्पुनरागम्य कुञ्जरेण रथेन वा ॥ 37 ॥
पौरान् स्वजनवन्नित्यं कुशलं परिपृच्छति ।
पुत्रेष्वग्निषु दारेषु प्रेष्यशिष्यगणेषु च ॥ 38 ॥
निखिलेनानुपूर्व्याच्च पितापुत्रानिवौरसान् ।
शुश्रूषन्ते च व श्शिष्याः कच्चित्कर्मसु दंशिताः ॥ 39 ॥
इति नः पुरुषव्याघ्र स्सदा रामोऽभिभाषते ।
व्यसनेषु मनुष्याणां भृशं भवति दुःखितः ॥ 40 ॥
उत्सवेषु च सर्वेषु पितेव परितुष्यति ।
सत्यवादी महेष्वासो वृद्धसेवी जितेन्द्रियः ॥ 41 ॥
स्मितपूर्वाभिभाषी च धर्मं सर्वात्मना श्रितः ।
सम्यग्योक्ता श्रेयसां च न विगृह्य कथारुचिः ॥ 42 ॥
उत्तरोत्तरयुक्तौ च वक्ता वाचस्पतिर्यथा ।
सुभ्रूः आयतताम्राक्षः साक्षाद्विष्णुरिव स्वयम् ॥ 43 ॥
रामो लोकाभिरामोऽयं शौर्यवीर्यपराक्रमैः ।
प्रजापालनतत्त्वज्ञो न रागोपहतेन्द्रियः ॥ 44 ॥
शक्तस्त्रैलोक्यमप्येको भोक्तुं किन्नु महीमिमाम् ।
नास्य क्रोधः प्रसादश्च निरर्थोऽस्ति कदाचन ॥ 45 ॥
हन्त्येव नियमाद्वध्यानवध्ये न च कुप्यति ।
युनक्त्यर्थैः प्रहृष्टश्च तमसौ यत्र तुष्यति ॥ 46 ॥
शान्तै स्सर्वप्रजाकान्तैः प्रीतिसञ्जननैर्नृणाम् ।
गुणैर्विरुरुचे रामो दीप्त स्सूर्य इवांशुभिः ॥ 47 ॥
तमेवङ्गुणसम्पन्नं रामं सत्यपराक्रमम् ।
लोकपालोपमं नाथमकामयत मेदिनी ॥ 48 ॥
वत्सश्श्रेयसि जातस्ते दिष्ट्याऽसौ तव राघव ।
दिष्ट्या पुत्रगुणैर्युक्तो मारीच इव काश्यपः ॥ 49 ॥
बलमारोग्यमायुश्च रामस्य विदितात्मनः ।
देवासुरमनुष्येषु सगन्धर्वोरगेषु च ॥ 50 ॥
आशंसते जनस्सर्वो राष्ट्रे पुरवरे तथा ।
आभ्यन्तरश्च बाह्यश्च पौरजानपदो जनः ॥ 51 ॥
स्त्रियो वृद्धास्तरुण्यश्च सायं प्रातस्समाहिताः ।
सर्वान् देवान् नमस्यन्ति रामस्यार्थे यशस्विनः ॥ 52 ॥
तेषामायाचितं देव त्वत्प्रसादात्समृद्ध्यताम् ।
राममिन्दीवरश्यामं सर्वशत्रुनिबर्हणम् ॥ 53 ॥
पश्यामो यौवराज्यस्थं तव राजोत्तमात्मजम् ।
तं देव देवोपममात्मजं ते सर्वस्य लोकस्य हिते निविष्टम् ।
हिताय नः क्षिप्रमुदारजुष्टं मुदाऽभषेक्तुं वरद त्वमर्हसि ॥ 54 ॥
इत्यार्षे श्रीमद्रामायणे वाल्मीकीय आदिकाव्ये अयोध्याकाण्डे द्वितीयस्सर्गः ॥
śrīmadvālmīkīya rāmāyaṇe ayodhyākāṇḍam |
atha dvitīyassargaḥ |
tataḥ pariṣadaṃ sarvāmāmantrya vasudhādhipaḥ |
hitamuddharṣaṇaṃ caivamuvāca prathitaṃ vacaḥ || 1 ||
dundubhisvanakalpena gambhīreṇānunādinā |
svareṇa mahatā rājā jīmūta iva nādayan || 2 ||
rājalakṣaṇayuktena kāntenānupamena ca |
uvāca rasayuktena svareṇa nṛpatirnṛpān || 3 ||
viditaṃ bhavatāmetadyathā me rājyamuttamam |
pūrvakairmama rājendraissutavatparipālitam || 4 ||
so'hamikṣvākubhi ssarvairnarendraiḥ paripālitam |
śreyasā yoktukāmo'smi sukhārhamakhilaṃ jagat || 5 ||
mayāpyācaritaṃ pūrvaiḥ panthānamanugacchatā |
prajā nityamanidreṇa yathāśaktyabhirakṣitāḥ || 6 ||
idaṃ śarīraṃ kṛtsnasya lokasya caratā hitam |
pāṇḍurasyā'tapatrasyacchāyāyāṃ jaritaṃ mayā || 7 ||
prāpya varṣasahasrāṇi bahūnyāyūṃṣi jīvataḥ |
jīrṇasyāsya śarīrasya viśrāntimabhirocaye || 8 ||
rājaprabhāvajuṣṭāṃ hi durvahāmajitendriyaiḥ |
pariśrānto'smi lokasya gurvīṃ dharmadhuraṃ vahan || 9 ||
so'haṃ viśramamicchāmi putraṃ kṛtvā prajāhite |
sannikṛṣṭānimānsarvānanumānya dvijarṣabhān || 10 ||
anujāto hi māṃ sarvairguṇairjyeṣṭho mamātmajaḥ |
purandarasamo vīrye rāmaḥ parapurañjayaḥ || 11 ||
taṃ candramiva puṣyeṇa yuktaṃ dharmabhṛtāṃ varam |
yauvarājye niyoktā'smi prītaḥ puruṣapuṅgavam || 12 ||
anurūpassa vai nātho lakṣmīvān lakṣmaṇāgrajaḥ |
trailokyamapi nāthena yena syānnāthavattaram || 13 ||
anena śreyasā sadyassaṃyojyaivamimāṃ mahīm |
gatakleśo bhaviṣyāmi sute tasminniveśya vai || 14 ||
yadidaṃ me'nurūpārthaṃ mayā sādhu sumantritam |
bhavanto me'numanyantāṃ kathaṃ vā karavāṇyaham || 15 ||
yadyapyeṣā mama prītirhitamanyadvicintyatām |
anyā madhyasthacintā hi vimardābhyadhikodayā || 16 ||
iti bruvantaṃ muditāḥ pratyanandannṛpā nṛpam |
vṛṣṭimantaṃ mahāmeghaṃ nardanta iva barhiṇaḥ || 17 ||
snigdho'nunādī sañjajñe tatra harṣasamīritaḥ |
janaughodghuṣṭasannādo vimānaṃ kampayanniva || 18 ||
tasya dharmārthaviduṣo bhāvamājñāya sarvaśaḥ |
brāhmaṇā janamukhyāśca paurajānapadai ssaha || 19 ||
sametya mantrayitvā tu samatāgatabuddhayaḥ |
ūcuśca manasā jñātvā vṛddhaṃ daśarathaṃ nṛpam || 20 ||
anekavarṣasāhasro vṛddhastvamasi pārthiva |
sa rāmaṃ yuvarājānamabhiṣiñcisva pārthivam || 21 ||
icchāmo hi mahābāhuṃ raghuvīraṃ mahābalam |
gajena mahatā'yāntaṃ rāmaṃ chatrāvṛtānanam || 22 ||
iti tadvacanaṃ śrutvā rājā teṣāṃ manaḥpriyam |
ajānanniva jijñāsuridaṃ vacanamabravīt || 23 ||
śrutvaiva vacanaṃ yanme rāghavaṃ patimicchatha |
rājāna ssaṃśayo'yaṃ me kimidaṃ brūta tattvataḥ || 24 ||
kathaṃ nu mayi dharmeṇa pṛthivīmanuśāsati |
bhavanto draṣṭumicchanti yuvarājaṃ mamātmajam || 25 ||
te tamūcurmahātmānaṃ paurajānapadaissaha |
bahavo nṛpa kalyāṇā guṇāḥ putrasya santi te || 26 ||
guṇān guṇavato deva devakalpasya dhīmataḥ |
priyānānandanānkṛtsnānpravakṣyāmo'dya tān śṛṇu || 27 ||
divyairguṇaiśśakrasamo rāmassatyaparākramaḥ |
ikṣvākubhyo'pi sarvebhyo hyatirikto viśāmpate || 28 ||
rāma ssatpuruṣo loke satyadharmaparāyaṇaḥ |
sākṣādrāmādvinirvṛtto dharmaścāpi śriyā saha || 29 ||
prajāsukhattve candrasya vasudhāyāḥ kṣamāguṇaiḥ |
buddhyā bṛhaspatestulyo vīrye sākṣācchacīpateḥ || 30 ||
dharmajñaḥ satyasandhaśca śīlavānanasūyakaḥ |
kṣāntaḥ sāntvayitā ślakṣṇaḥ kṛtajño vijitendriyaḥ || 31 ||
mṛduśca sthiracittaśca sadā bhavyo'nasūyakaḥ |
priyavādī ca bhūtānāṃ satyavādī ca rāghavaḥ || 32 ||
bahuśrutānāṃ vṛddhānāṃ brāhmaṇānāmupāsitā |
tenāsyehā'tulā kīrtiryaśastejaśca vardhate || 33 ||
devāsuramanuṣyāṇāṃ sarvāstreṣu viśāradaḥ |
samyagvidyāvratasnāto yathāvatsāṅgavedavit || 34 ||
gāndharve ca bhuvi śreṣṭho babhūva bharatāgrajaḥ |
kalyāṇābhijana ssādhuradīnātmā mahāmatiḥ || 35 ||
dvijairabhivinītaśca śreṣṭhairdharmārthanaipuṇaiḥ |
yadā vrajati saṅgrāmaṃ grāmārthe nagarasya vā || 36 ||
gatvā saumitrisahito nā'vijitya nivartate |
saṅgrāmātpunarāgamya kuñjareṇa rathena vā || 37 ||
paurān svajanavannityaṃ kuśalaṃ paripṛcchati |
putreṣvagniṣu dāreṣu preṣyaśiṣyagaṇeṣu ca || 38 ||
nikhilenānupūrvyācca pitāputrānivaurasān |
śuśrūṣante ca va śśiṣyāḥ kaccitkarmasu daṃśitāḥ || 39 ||
iti naḥ puruṣavyāghra ssadā rāmo'bhibhāṣate |
vyasaneṣu manuṣyāṇāṃ bhṛśaṃ bhavati duḥkhitaḥ || 40 ||
utsaveṣu ca sarveṣu piteva parituṣyati |
satyavādī maheṣvāso vṛddhasevī jitendriyaḥ || 41 ||
smitapūrvābhibhāṣī ca dharmaṃ sarvātmanā śritaḥ |
samyagyoktā śreyasāṃ ca na vigṛhya kathāruciḥ || 42 ||
uttarottarayuktau ca vaktā vācaspatiryathā |
subhrūḥ āyatatāmrākṣaḥ sākṣādviṣṇuriva svayam || 43 ||
rāmo lokābhirāmo'yaṃ śauryavīryaparākramaiḥ |
prajāpālanatattvajño na rāgopahatendriyaḥ || 44 ||
śaktastrailokyamapyeko bhoktuṃ kinnu mahīmimām |
nāsya krodhaḥ prasādaśca nirartho'sti kadācana || 45 ||
hantyeva niyamādvadhyānavadhye na ca kupyati |
yunaktyarthaiḥ prahṛṣṭaśca tamasau yatra tuṣyati || 46 ||
śāntai ssarvaprajākāntaiḥ prītisañjananairnṛṇām |
guṇairviruruce rāmo dīpta ssūrya ivāṃśubhiḥ || 47 ||
tamevaṅguṇasampannaṃ rāmaṃ satyaparākramam |
lokapālopamaṃ nāthamakāmayata medinī || 48 ||
vatsaśśreyasi jātaste diṣṭyā'sau tava rāghava |
diṣṭyā putraguṇairyukto mārīca iva kāśyapaḥ || 49 ||
balamārogyamāyuśca rāmasya viditātmanaḥ |
devāsuramanuṣyeṣu sagandharvorageṣu ca || 50 ||
āśaṃsate janassarvo rāṣṭre puravare tathā |
ābhyantaraśca bāhyaśca paurajānapado janaḥ || 51 ||
striyo vṛddhāstaruṇyaśca sāyaṃ prātassamāhitāḥ |
sarvān devān namasyanti rāmasyārthe yaśasvinaḥ || 52 ||
teṣāmāyācitaṃ deva tvatprasādātsamṛddhyatām |
rāmamindīvaraśyāmaṃ sarvaśatrunibarhaṇam || 53 ||
paśyāmo yauvarājyasthaṃ tava rājottamātmajam |
taṃ deva devopamamātmajaṃ te sarvasya lokasya hite niviṣṭam |
hitāya naḥ kṣipramudārajuṣṭaṃ mudā'bhaṣektuṃ varada tvamarhasi || 54 ||
ityārṣe śrīmadrāmāyaṇe vālmīkīya ādikāvye ayodhyākāṇḍe dvitīyassargaḥ ||
🕉️ This is the original Sanskrit rendered in Oriya script.
Pronunciation is identical to the Sanskrit Devanagari version.