Aditya Hridayam — Oriya Script

Meaning —

ଧ୍ଯାନମ୍

ନମସ୍ସଵିତ୍ରେ ଜଗଦେକ ଚକ୍ଷୁସେ

ଜଗତ୍ପ୍ରସୂତି ସ୍ଥିତି ନାଶହେତଵେ

ତ୍ରଯୀମଯାଯ ତ୍ରିଗୁଣାତ୍ମ ଧାରିଣେ

ଵିରିଞ୍ଚି ନାରାଯଣ ଶଙ୍କରାତ୍ମନେ

Verse 1

ତତୋ ଯୁଦ୍ଧ ପରିଶ୍ରାନ୍ତଂ ସମରେ ଚିନ୍ତଯାସ୍ଥିତମ୍ ।
ରାଵଣଂ ଚାଗ୍ରତୋ ଦୃଷ୍ଟ୍ଵା ଯୁଦ୍ଧାଯ ସମୁପସ୍ଥିତମ୍ ॥ 1 ॥

tato yuddha pariśrāntaṃ samare cintayāsthitam |
rāvaṇaṃ cāgrato dṛṣṭvā yuddhāya samupasthitam || 1 ||

Verse 2

ଦୈଵତୈଶ୍ଚ ସମାଗମ୍ଯ ଦ୍ରଷ୍ଟୁମଭ୍ଯାଗତୋ ରଣମ୍ ।
ଉପାଗମ୍ଯାବ୍ରଵୀଦ୍ରାମଂ ଅଗସ୍ତ୍ଯୋ ଭଗଵାନ୍ ଋଷିଃ ॥ 2 ॥

daivataiśca samāgamya draṣṭumabhyāgato raṇam |
upāgamyābravīdrāmaṃ agastyo bhagavān ṛṣiḥ || 2 ||

Verse 3

ରାମ ରାମ ମହାବାହୋ ଶୃଣୁ ଗୁହ୍ଯଂ ସନାତନମ୍ ।
ଯେନ ସର୍ଵାନରୀନ୍ ଵତ୍ସ ସମରେ ଵିଜଯିଷ୍ଯସି ॥ 3 ॥

rāma rāma mahābāho śṛṇu guhyaṃ sanātanam |
yena sarvānarīn vatsa samare vijayiṣyasi || 3 ||

Verse 4

ଆଦିତ୍ଯହୃଦଯଂ ପୁଣ୍ଯଂ ସର୍ଵଶତ୍ରୁ-ଵିନାଶନମ୍ ।
ଜଯାଵହଂ ଜପେନ୍ନିତ୍ଯଂ ଅକ୍ଷଯ୍ଯଂ ପରମଂ ଶିଵମ୍ ॥ 4 ॥

ādityahṛdayaṃ puṇyaṃ sarvaśatru-vināśanam |
jayāvahaṃ japennityaṃ akṣayyaṃ paramaṃ śivam || 4 ||

Verse 5

ସର୍ଵମଙ୍ଗଲ-ମାଙ୍ଗଲ୍ଯଂ ସର୍ଵପାପ-ପ୍ରଣାଶନମ୍ ।
ଚିନ୍ତାଶୋକ-ପ୍ରଶମନଂ ଆଯୁର୍ଵର୍ଧନମୁତ୍ତମମ୍ ॥ 5 ॥

sarvamaṅgala-māṅgalyaṃ sarvapāpa-praṇāśanam |
cintāśoka-praśamanaṃ āyurvardhanamuttamam || 5 ||

Verse 6

ରଶ୍ମିମନ୍ତଂ ସମୁଦ୍ଯନ୍ତଂ ଦେଵାସୁର ନମସ୍କୃତମ୍ ।
ପୂଜଯସ୍ଵ ଵିଵସ୍ଵନ୍ତଂ ଭାସ୍କରଂ ଭୁଵନେଶ୍ଵରମ୍ ॥ 6 ॥

raśmimantaṃ samudyantaṃ devāsura namaskṛtam |
pūjayasva vivasvantaṃ bhāskaraṃ bhuvaneśvaram || 6 ||

Verse 7

ସର୍ଵଦେଵାତ୍ମକୋ ହ୍ଯେଷ ତେଜସ୍ଵୀ ରଶ୍ମିଭାଵନଃ ।
ଏଷ ଦେଵାସୁର-ଗଣାନ୍ ଲୋକାନ୍ ପାତି ଗଭସ୍ତିଭିଃ ॥ 7 ॥

sarvadevātmako hyeṣa tejasvī raśmibhāvanaḥ |
eṣa devāsura-gaṇān lokān pāti gabhastibhiḥ || 7 ||

Verse 8

ଏଷ ବ୍ରହ୍ମା ଚ ଵିଷ୍ଣୁଶ୍ଚ ଶିଵଃ ସ୍କନ୍ଦଃ ପ୍ରଜାପତିଃ ।
ମହେନ୍ଦ୍ରୋ ଧନଦଃ କାଲୋ ଯମଃ ସୋମୋ ହ୍ଯପାଂ ପତିଃ ॥ 8 ॥

eṣa brahmā ca viṣṇuśca śivaḥ skandaḥ prajāpatiḥ |
mahendro dhanadaḥ kālo yamaḥ somo hyapāṃ patiḥ || 8 ||

Verse 9

ପିତରୋ ଵସଵଃ ସାଧ୍ଯା ହ୍ଯଶ୍ଵିନୌ ମରୁତୋ ମନୁଃ ।
ଵାଯୁର୍ଵହ୍ନିଃ ପ୍ରଜାପ୍ରାଣଃ ଋତୁକର୍ତା ପ୍ରଭାକରଃ ॥ 9 ॥

pitaro vasavaḥ sādhyā hyaśvinau maruto manuḥ |
vāyurvahniḥ prajāprāṇaḥ ṛtukartā prabhākaraḥ || 9 ||

Verse 11

ଆଦିତ୍ଯଃ ସଵିତା ସୂର୍ଯଃ ଖଗଃ ପୂଷା ଗଭସ୍ତିମାନ୍ ।
ସୁଵର୍ଣସଦୃଶୋ ଭାନୁଃ ହିରଣ୍ଯରେତା ଦିଵାକରଃ ॥ 10 ॥ [ସ୍ଵରଣରେତା ଦିଵାକରଃ]
ହରିଦଶ୍ଵଃ ସହସ୍ରାର୍ଚିଃ ସପ୍ତସପ୍ତି-ର୍ମରୀଚିମାନ୍ ।
ତିମିରୋନ୍ମଥନଃ ଶମ୍ଭୁଃ ତ୍ଵଷ୍ଟା ମାର୍ତାଣ୍ଡକୋଂଽଶୁମାନ୍ ॥ 11 ॥

ādityaḥ savitā sūryaḥ khagaḥ pūṣā gabhastimān |
suvarṇasadṛśo bhānuḥ hiraṇyaretā divākaraḥ || 10 || [svaraṇaretā divākaraḥ]
haridaśvaḥ sahasrārciḥ saptasapti-rmarīcimān |
timironmathanaḥ śambhuḥ tvaṣṭā mārtāṇḍakoṃ'śumān || 11 ||

Verse 12

ହିରଣ୍ଯଗର୍ଭଃ ଶିଶିରଃ ତପନୋ ଭାସ୍କରୋ ରଵିଃ ।
ଅଗ୍ନିଗର୍ଭୋଽଦିତେଃ ପୁତ୍ରଃ ଶଙ୍ଖଃ ଶିଶିରନାଶନଃ ॥ 12 ॥

hiraṇyagarbhaḥ śiśiraḥ tapano bhāskaro raviḥ |
agnigarbho'diteḥ putraḥ śaṅkhaḥ śiśiranāśanaḥ || 12 ||

Verse 13

ଵ୍ଯୋମନାଥ-ସ୍ତମୋଭେଦୀ ଋଗ୍ଯଜୁଃସାମ-ପାରଗଃ ।
ଘନାଵୃଷ୍ଟିରପାଂ ମିତ୍ରଃ ଵିନ୍ଧ୍ଯଵୀଥୀ ପ୍ଲଵଙ୍ଗମଃ ॥ 13 ॥

vyomanātha-stamobhedī ṛgyajuḥsāma-pāragaḥ |
ghanāvṛṣṭirapāṃ mitraḥ vindhyavīthī plavaṅgamaḥ || 13 ||

Verse 14

ଆତପୀ ମଣ୍ଡଲୀ ମୃତ୍ଯୁଃ ପିଙ୍ଗଲଃ ସର୍ଵତାପନଃ ।
କଵିର୍ଵିଶ୍ଵୋ ମହାତେଜା ରକ୍ତଃ ସର୍ଵଭଵୋଦ୍ଭଵଃ ॥ 14 ॥

ātapī maṇḍalī mṛtyuḥ piṅgalaḥ sarvatāpanaḥ |
kavirviśvo mahātejā raktaḥ sarvabhavodbhavaḥ || 14 ||

Verse 15

ନକ୍ଷତ୍ର ଗ୍ରହ ତାରାଣାଂ ଅଧିପୋ ଵିଶ୍ଵଭାଵନଃ ।
ତେଜସାମପି ତେଜସ୍ଵୀ ଦ୍ଵାଦଶାତ୍ମ-ନ୍ନମୋଽସ୍ତୁ ତେ ॥ 15 ॥

nakṣatra graha tārāṇāṃ adhipo viśvabhāvanaḥ |
tejasāmapi tejasvī dvādaśātma-nnamo'stu te || 15 ||

Verse 16

ନମଃ ପୂର୍ଵାଯ ଗିରଯେ ପଶ୍ଚିମାଯାଦ୍ରଯେ ନମଃ ।
ଜ୍ଯୋତିର୍ଗଣାନାଂ ପତଯେ ଦିନାଧିପତଯେ ନମଃ ॥ 16 ॥

namaḥ pūrvāya giraye paścimāyādraye namaḥ |
jyotirgaṇānāṃ pataye dinādhipataye namaḥ || 16 ||

Verse 17

ଜଯାଯ ଜଯଭଦ୍ରାଯ ହର୍ଯଶ୍ଵାଯ ନମୋ ନମଃ ।
ନମୋ ନମଃ ସହସ୍ରାଂଶୋ ଆଦିତ୍ଯାଯ ନମୋ ନମଃ ॥ 17 ॥

jayāya jayabhadrāya haryaśvāya namo namaḥ |
namo namaḥ sahasrāṃśo ādityāya namo namaḥ || 17 ||

Verse 18

ନମ ଉଗ୍ରାଯ ଵୀରାଯ ସାରଙ୍ଗାଯ ନମୋ ନମଃ ।
ନମଃ ପଦ୍ମପ୍ରବୋଧାଯ ମାର୍ତାଣ୍ଡାଯ ନମୋ ନମଃ ॥ 18 ॥

nama ugrāya vīrāya sāraṅgāya namo namaḥ |
namaḥ padmaprabodhāya mārtāṇḍāya namo namaḥ || 18 ||

Verse 19

ବ୍ରହ୍ମେଶାନାଚ୍ଯୁତେଶାଯ ସୂର୍ଯାଯାଦିତ୍ଯ-ଵର୍ଚସେ ।
ଭାସ୍ଵତେ ସର୍ଵଭକ୍ଷାଯ ରୌଦ୍ରାଯ ଵପୁଷେ ନମଃ ॥ 19 ॥

brahmeśānācyuteśāya sūryāyāditya-varcase |
bhāsvate sarvabhakṣāya raudrāya vapuṣe namaḥ || 19 ||

Verse 20

ତମୋଘ୍ନାଯ ହିମଘ୍ନାଯ ଶତ୍ରୁଘ୍ନାଯା ମିତାତ୍ମନେ ।
କୃତଘ୍ନଘ୍ନାଯ ଦେଵାଯ ଜ୍ଯୋତିଷାଂ ପତଯେ ନମଃ ॥ 20 ॥

tamoghnāya himaghnāya śatrughnāyā mitātmane |
kṛtaghnaghnāya devāya jyotiṣāṃ pataye namaḥ || 20 ||

Verse 21

ତପ୍ତ ଚାମୀକରାଭାଯ ଵହ୍ନଯେ ଵିଶ୍ଵକର୍ମଣେ ।
ନମସ୍ତମୋଽଭି ନିଘ୍ନାଯ ରଵଯେ ଲୋକସାକ୍ଷିଣେ ॥ 21 ॥

tapta cāmīkarābhāya vahnaye viśvakarmaṇe |
namastamo'bhi nighnāya ravaye lokasākṣiṇe || 21 ||

Verse 22

ନାଶଯତ୍ଯେଷ ଵୈ ଭୂତଂ ତଦେଵ ସୃଜତି ପ୍ରଭୁଃ ।
ପାଯତ୍ଯେଷ ତପତ୍ଯେଷ ଵର୍ଷତ୍ଯେଷ ଗଭସ୍ତିଭିଃ ॥ 22 ॥

nāśayatyeṣa vai bhūtaṃ tadeva sṛjati prabhuḥ |
pāyatyeṣa tapatyeṣa varṣatyeṣa gabhastibhiḥ || 22 ||

Verse 23

ଏଷ ସୁପ୍ତେଷୁ ଜାଗର୍ତି ଭୂତେଷୁ ପରିନିଷ୍ଠିତଃ ।
ଏଷ ଏଵାଗ୍ନିହୋତ୍ରଂ ଚ ଫଲଂ ଚୈଵାଗ୍ନି ହୋତ୍ରିଣାମ୍ ॥ 23 ॥

eṣa supteṣu jāgarti bhūteṣu pariniṣṭhitaḥ |
eṣa evāgnihotraṃ ca phalaṃ caivāgni hotriṇām || 23 ||

Verse 24

ଵେଦାଶ୍ଚ କ୍ରତଵଶ୍ଚୈଵ କ୍ରତୂନାଂ ଫଲମେଵ ଚ ।
ଯାନି କୃତ୍ଯାନି ଲୋକେଷୁ ସର୍ଵ ଏଷ ରଵିଃ ପ୍ରଭୁଃ ॥ 24 ॥

vedāśca kratavaścaiva kratūnāṃ phalameva ca |
yāni kṛtyāni lokeṣu sarva eṣa raviḥ prabhuḥ || 24 ||

Verse 25

ଫଲଶ୍ରୁତିଃ
ଏନ ମାପତ୍ସୁ କୃଚ୍ଛ୍ରେଷୁ କାନ୍ତାରେଷୁ ଭଯେଷୁ ଚ ।
କୀର୍ତଯନ୍ ପୁରୁଷଃ କଶ୍ଚିନ୍ନାଵଶୀଦତି ରାଘଵ ॥ 25 ॥

phalaśrutiḥ
ena māpatsu kṛcchreṣu kāntāreṣu bhayeṣu ca |
kīrtayan puruṣaḥ kaścinnāvaśīdati rāghava || 25 ||

Verse 26

ପୂଜଯସ୍ଵୈନ ମେକାଗ୍ରଃ ଦେଵଦେଵଂ ଜଗତ୍ପତିମ୍ ।
ଏତତ୍ ତ୍ରିଗୁଣିତଂ ଜପ୍ତ୍ଵା ଯୁଦ୍ଧେଷୁ ଵିଜଯିଷ୍ଯସି ॥ 26 ॥

pūjayasvaina mekāgraḥ devadevaṃ jagatpatim |
etat triguṇitaṃ japtvā yuddheṣu vijayiṣyasi || 26 ||

Verse 27

ଅସ୍ମିନ୍ କ୍ଷଣେ ମହାବାହୋ ରାଵଣଂ ତ୍ଵଂ ଵଧିଷ୍ଯସି ।
ଏଵମୁକ୍ତ୍ଵା ତଦାଗସ୍ତ୍ଯୋ ଜଗାମ ଚ ଯଥାଗତମ୍ ॥ 27 ॥

asmin kṣaṇe mahābāho rāvaṇaṃ tvaṃ vadhiṣyasi |
evamuktvā tadāgastyo jagāma ca yathāgatam || 27 ||

Verse 28

ଏତଚ୍ଛ୍ରୁତ୍ଵା ମହାତେଜାଃ ନଷ୍ଟଶୋକୋଽଭଵତ୍ତଦା ।
ଧାରଯାମାସ ସୁପ୍ରୀତଃ ରାଘଵଃ ପ୍ରଯତାତ୍ମଵାନ୍ ॥ 28 ॥

etacchrutvā mahātejāḥ naṣṭaśoko'bhavattadā |
dhārayāmāsa suprītaḥ rāghavaḥ prayatātmavān || 28 ||

Verse 29

ଆଦିତ୍ଯଂ ପ୍ରେକ୍ଷ୍ଯ ଜପ୍ତ୍ଵା ତୁ ପରଂ ହର୍ଷମଵାପ୍ତଵାନ୍ ।
ତ୍ରିରାଚମ୍ଯ ଶୁଚିର୍ଭୂତ୍ଵା ଧନୁରାଦାଯ ଵୀର୍ଯଵାନ୍ ॥ 29 ॥

ādityaṃ prekṣya japtvā tu paraṃ harṣamavāptavān |
trirācamya śucirbhūtvā dhanurādāya vīryavān || 29 ||

Verse 30

ରାଵଣଂ ପ୍ରେକ୍ଷ୍ଯ ହୃଷ୍ଟାତ୍ମା ଯୁଦ୍ଧାଯ ସମୁପାଗମତ୍ ।
ସର୍ଵଯତ୍ନେନ ମହତା ଵଧେ ତସ୍ଯ ଧୃତୋଽଭଵତ୍ ॥ 30 ॥

rāvaṇaṃ prekṣya hṛṣṭātmā yuddhāya samupāgamat |
sarvayatnena mahatā vadhe tasya dhṛto'bhavat || 30 ||

Verse 31

ଅଧ ରଵିରଵଦନ୍ନିରୀକ୍ଷ୍ଯ ରାମଂ ମୁଦିତମନାଃ ପରମଂ ପ୍ରହୃଷ୍ଯମାଣଃ ।
ନିଶିଚରପତି ସଙ୍କ୍ଷଯଂ ଵିଦିତ୍ଵା ସୁରଗଣ ମଧ୍ଯଗତୋ ଵଚସ୍ତ୍ଵରେତି ॥ 31 ॥

adha raviravadannirīkṣya rāmaṃ muditamanāḥ paramaṃ prahṛṣyamāṇaḥ |
niśicarapati saṅkṣayaṃ viditvā suragaṇa madhyagato vacastvareti || 31 ||

ଇତ୍ଯାର୍ଷେ ଶ୍ରୀମଦ୍ରାମାଯଣେ ଵାଲ୍ମିକୀଯେ ଆଦିକାଵ୍ଯେ ଯୁଦ୍ଧକାଣ୍ଡେ ପଞ୍ଚାଧିକ ଶତତମଃ ସର୍ଗଃ ॥

Sanskrit — Devanagari (original)

ध्यानम्

नमस्सवित्रे जगदेक चक्षुसे

जगत्प्रसूति स्थिति नाशहेतवे

त्रयीमयाय त्रिगुणात्म धारिणे

विरिञ्चि नारायण शङ्करात्मने

ततो युद्ध परिश्रान्तं समरे चिन्तयास्थितम् ।

रावणं चाग्रतो दृष्ट्वा युद्धाय समुपस्थितम् ॥ 1 ॥

दैवतैश्च समागम्य द्रष्टुमभ्यागतो रणम् ।

उपागम्याब्रवीद्रामं अगस्त्यो भगवान् ऋषिः ॥ 2 ॥

राम राम महाबाहो शृणु गुह्यं सनातनम् ।

येन सर्वानरीन् वत्स समरे विजयिष्यसि ॥ 3 ॥

आदित्यहृदयं पुण्यं सर्वशत्रु-विनाशनम् ।

जयावहं जपेन्नित्यं अक्षय्यं परमं शिवम् ॥ 4 ॥

सर्वमङ्गल-माङ्गल्यं सर्वपाप-प्रणाशनम् ।

चिन्ताशोक-प्रशमनं आयुर्वर्धनमुत्तमम् ॥ 5 ॥

रश्मिमन्तं समुद्यन्तं देवासुर नमस्कृतम् ।

पूजयस्व विवस्वन्तं भास्करं भुवनेश्वरम् ॥ 6 ॥

सर्वदेवात्मको ह्येष तेजस्वी रश्मिभावनः ।

एष देवासुर-गणान् लोकान् पाति गभस्तिभिः ॥ 7 ॥

एष ब्रह्मा च विष्णुश्च शिवः स्कन्दः प्रजापतिः ।

महेन्द्रो धनदः कालो यमः सोमो ह्यपां पतिः ॥ 8 ॥

पितरो वसवः साध्या ह्यश्विनौ मरुतो मनुः ।

वायुर्वह्निः प्रजाप्राणः ऋतुकर्ता प्रभाकरः ॥ 9 ॥

आदित्यः सविता सूर्यः खगः पूषा गभस्तिमान् ।

सुवर्णसदृशो भानुः हिरण्यरेता दिवाकरः ॥ 10 ॥ [स्वरणरेता दिवाकरः]

हरिदश्वः सहस्रार्चिः सप्तसप्ति-र्मरीचिमान् ।

तिमिरोन्मथनः शम्भुः त्वष्टा मार्ताण्डकोंऽशुमान् ॥ 11 ॥

हिरण्यगर्भः शिशिरः तपनो भास्करो रविः ।

अग्निगर्भोऽदितेः पुत्रः शङ्खः शिशिरनाशनः ॥ 12 ॥

व्योमनाथ-स्तमोभेदी ऋग्यजुःसाम-पारगः ।

घनावृष्टिरपां मित्रः विन्ध्यवीथी प्लवङ्गमः ॥ 13 ॥

आतपी मण्डली मृत्युः पिङ्गलः सर्वतापनः ।

कविर्विश्वो महातेजा रक्तः सर्वभवोद्भवः ॥ 14 ॥

नक्षत्र ग्रह ताराणां अधिपो विश्वभावनः ।

तेजसामपि तेजस्वी द्वादशात्म-न्नमोऽस्तु ते ॥ 15 ॥

नमः पूर्वाय गिरये पश्चिमायाद्रये नमः ।

ज्योतिर्गणानां पतये दिनाधिपतये नमः ॥ 16 ॥

जयाय जयभद्राय हर्यश्वाय नमो नमः ।

नमो नमः सहस्रांशो आदित्याय नमो नमः ॥ 17 ॥

नम उग्राय वीराय सारङ्गाय नमो नमः ।

नमः पद्मप्रबोधाय मार्ताण्डाय नमो नमः ॥ 18 ॥

ब्रह्मेशानाच्युतेशाय सूर्यायादित्य-वर्चसे ।

भास्वते सर्वभक्षाय रौद्राय वपुषे नमः ॥ 19 ॥

तमोघ्नाय हिमघ्नाय शत्रुघ्नाया मितात्मने ।

कृतघ्नघ्नाय देवाय ज्योतिषां पतये नमः ॥ 20 ॥

तप्त चामीकराभाय वह्नये विश्वकर्मणे ।

नमस्तमोऽभि निघ्नाय रवये लोकसाक्षिणे ॥ 21 ॥

नाशयत्येष वै भूतं तदेव सृजति प्रभुः ।

पायत्येष तपत्येष वर्षत्येष गभस्तिभिः ॥ 22 ॥

एष सुप्तेषु जागर्ति भूतेषु परिनिष्ठितः ।

एष एवाग्निहोत्रं च फलं चैवाग्नि होत्रिणाम् ॥ 23 ॥

वेदाश्च क्रतवश्चैव क्रतूनां फलमेव च ।

यानि कृत्यानि लोकेषु सर्व एष रविः प्रभुः ॥ 24 ॥

फलश्रुतिः

एन मापत्सु कृच्छ्रेषु कान्तारेषु भयेषु च ।

कीर्तयन् पुरुषः कश्चिन्नावशीदति राघव ॥ 25 ॥

पूजयस्वैन मेकाग्रः देवदेवं जगत्पतिम् ।

एतत् त्रिगुणितं जप्त्वा युद्धेषु विजयिष्यसि ॥ 26 ॥

अस्मिन् क्षणे महाबाहो रावणं त्वं वधिष्यसि ।

एवमुक्त्वा तदागस्त्यो जगाम च यथागतम् ॥ 27 ॥

एतच्छ्रुत्वा महातेजाः नष्टशोकोऽभवत्तदा ।

धारयामास सुप्रीतः राघवः प्रयतात्मवान् ॥ 28 ॥

आदित्यं प्रेक्ष्य जप्त्वा तु परं हर्षमवाप्तवान् ।

त्रिराचम्य शुचिर्भूत्वा धनुरादाय वीर्यवान् ॥ 29 ॥

रावणं प्रेक्ष्य हृष्टात्मा युद्धाय समुपागमत् ।

सर्वयत्नेन महता वधे तस्य धृतोऽभवत् ॥ 30 ॥

अध रविरवदन्निरीक्ष्य रामं मुदितमनाः परमं प्रहृष्यमाणः ।

निशिचरपति सङ्क्षयं विदित्वा सुरगण मध्यगतो वचस्त्वरेति ॥ 31 ॥

इत्यार्षे श्रीमद्रामायणे वाल्मिकीये आदिकाव्ये युद्धकाण्डे पञ्चाधिक शततमः सर्गः ॥

🕉️ This is the original Sanskrit rendered in Oriya script. Pronunciation is identical to the Sanskrit Devanagari version. It is a transliteration, not a translation — see “Meaning” for translations where available.

ଆଦିତ୍ଯ ହୃଦଯମ୍