Aditya Hridayam — Grantha Script

Meaning —

𑌧𑍍𑌯𑌾𑌨𑌮𑍍

𑌨𑌮𑌸𑍍𑌸𑌵𑌿𑌤𑍍𑌰𑍇 𑌜𑌗𑌦𑍇𑌕 𑌚𑌕𑍍𑌷𑍁𑌸𑍇

𑌜𑌗𑌤𑍍𑌪𑍍𑌰𑌸𑍂𑌤𑌿 𑌸𑍍𑌥𑌿𑌤𑌿 𑌨𑌾𑌶𑌹𑍇𑌤𑌵𑍇

𑌤𑍍𑌰𑌯𑍀𑌮𑌯𑌾𑌯 𑌤𑍍𑌰𑌿𑌗𑍁𑌣𑌾𑌤𑍍𑌮 𑌧𑌾𑌰𑌿𑌣𑍇

𑌵𑌿𑌰𑌿𑌞𑍍𑌚𑌿 𑌨𑌾𑌰𑌾𑌯𑌣 𑌶𑌙𑍍𑌕𑌰𑌾𑌤𑍍𑌮𑌨𑍇

Verse 1

𑌤𑌤𑍋 𑌯𑍁𑌦𑍍𑌧 𑌪𑌰𑌿𑌶𑍍𑌰𑌾𑌨𑍍𑌤𑌂 𑌸𑌮𑌰𑍇 𑌚𑌿𑌨𑍍𑌤𑌯𑌾𑌸𑍍𑌥𑌿𑌤𑌮𑍍 ।
𑌰𑌾𑌵𑌣𑌂 𑌚𑌾𑌗𑍍𑌰𑌤𑍋 𑌦𑍃𑌷𑍍𑌟𑍍𑌵𑌾 𑌯𑍁𑌦𑍍𑌧𑌾𑌯 𑌸𑌮𑍁𑌪𑌸𑍍𑌥𑌿𑌤𑌮𑍍 ॥ 1 ॥

tato yuddha pariśrāntaṃ samare cintayāsthitam |
rāvaṇaṃ cāgrato dṛṣṭvā yuddhāya samupasthitam || 1 ||

Verse 2

𑌦𑍈𑌵𑌤𑍈𑌶𑍍𑌚 𑌸𑌮𑌾𑌗𑌮𑍍𑌯 𑌦𑍍𑌰𑌷𑍍𑌟𑍁𑌮𑌭𑍍𑌯𑌾𑌗𑌤𑍋 𑌰𑌣𑌮𑍍 ।
𑌉𑌪𑌾𑌗𑌮𑍍𑌯𑌾𑌬𑍍𑌰𑌵𑍀𑌦𑍍𑌰𑌾𑌮𑌂 𑌅𑌗𑌸𑍍𑌤𑍍𑌯𑍋 𑌭𑌗𑌵𑌾𑌨𑍍 𑌋𑌷𑌿𑌃 ॥ 2 ॥

daivataiśca samāgamya draṣṭumabhyāgato raṇam |
upāgamyābravīdrāmaṃ agastyo bhagavān ṛṣiḥ || 2 ||

Verse 3

𑌰𑌾𑌮 𑌰𑌾𑌮 𑌮𑌹𑌾𑌬𑌾𑌹𑍋 𑌶𑍃𑌣𑍁 𑌗𑍁𑌹𑍍𑌯𑌂 𑌸𑌨𑌾𑌤𑌨𑌮𑍍 ।
𑌯𑍇𑌨 𑌸𑌰𑍍𑌵𑌾𑌨𑌰𑍀𑌨𑍍 𑌵𑌤𑍍𑌸 𑌸𑌮𑌰𑍇 𑌵𑌿𑌜𑌯𑌿𑌷𑍍𑌯𑌸𑌿 ॥ 3 ॥

rāma rāma mahābāho śṛṇu guhyaṃ sanātanam |
yena sarvānarīn vatsa samare vijayiṣyasi || 3 ||

Verse 4

𑌆𑌦𑌿𑌤𑍍𑌯𑌹𑍃𑌦𑌯𑌂 𑌪𑍁𑌣𑍍𑌯𑌂 𑌸𑌰𑍍𑌵𑌶𑌤𑍍𑌰𑍁-𑌵𑌿𑌨𑌾𑌶𑌨𑌮𑍍 ।
𑌜𑌯𑌾𑌵𑌹𑌂 𑌜𑌪𑍇𑌨𑍍𑌨𑌿𑌤𑍍𑌯𑌂 𑌅𑌕𑍍𑌷𑌯𑍍𑌯𑌂 𑌪𑌰𑌮𑌂 𑌶𑌿𑌵𑌮𑍍 ॥ 4 ॥

ādityahṛdayaṃ puṇyaṃ sarvaśatru-vināśanam |
jayāvahaṃ japennityaṃ akṣayyaṃ paramaṃ śivam || 4 ||

Verse 5

𑌸𑌰𑍍𑌵𑌮𑌙𑍍𑌗𑌲-𑌮𑌾𑌙𑍍𑌗𑌲𑍍𑌯𑌂 𑌸𑌰𑍍𑌵𑌪𑌾𑌪-𑌪𑍍𑌰𑌣𑌾𑌶𑌨𑌮𑍍 ।
𑌚𑌿𑌨𑍍𑌤𑌾𑌶𑍋𑌕-𑌪𑍍𑌰𑌶𑌮𑌨𑌂 𑌆𑌯𑍁𑌰𑍍𑌵𑌰𑍍𑌧𑌨𑌮𑍁𑌤𑍍𑌤𑌮𑌮𑍍 ॥ 5 ॥

sarvamaṅgala-māṅgalyaṃ sarvapāpa-praṇāśanam |
cintāśoka-praśamanaṃ āyurvardhanamuttamam || 5 ||

Verse 6

𑌰𑌶𑍍𑌮𑌿𑌮𑌨𑍍𑌤𑌂 𑌸𑌮𑍁𑌦𑍍𑌯𑌨𑍍𑌤𑌂 𑌦𑍇𑌵𑌾𑌸𑍁𑌰 𑌨𑌮𑌸𑍍𑌕𑍃𑌤𑌮𑍍 ।
𑌪𑍂𑌜𑌯𑌸𑍍𑌵 𑌵𑌿𑌵𑌸𑍍𑌵𑌨𑍍𑌤𑌂 𑌭𑌾𑌸𑍍𑌕𑌰𑌂 𑌭𑍁𑌵𑌨𑍇𑌶𑍍𑌵𑌰𑌮𑍍 ॥ 6 ॥

raśmimantaṃ samudyantaṃ devāsura namaskṛtam |
pūjayasva vivasvantaṃ bhāskaraṃ bhuvaneśvaram || 6 ||

Verse 7

𑌸𑌰𑍍𑌵𑌦𑍇𑌵𑌾𑌤𑍍𑌮𑌕𑍋 𑌹𑍍𑌯𑍇𑌷 𑌤𑍇𑌜𑌸𑍍𑌵𑍀 𑌰𑌶𑍍𑌮𑌿𑌭𑌾𑌵𑌨𑌃 ।
𑌏𑌷 𑌦𑍇𑌵𑌾𑌸𑍁𑌰-𑌗𑌣𑌾𑌨𑍍 𑌲𑍋𑌕𑌾𑌨𑍍 𑌪𑌾𑌤𑌿 𑌗𑌭𑌸𑍍𑌤𑌿𑌭𑌿𑌃 ॥ 7 ॥

sarvadevātmako hyeṣa tejasvī raśmibhāvanaḥ |
eṣa devāsura-gaṇān lokān pāti gabhastibhiḥ || 7 ||

Verse 8

𑌏𑌷 𑌬𑍍𑌰𑌹𑍍𑌮𑌾 𑌚 𑌵𑌿𑌷𑍍𑌣𑍁𑌶𑍍𑌚 𑌶𑌿𑌵𑌃 𑌸𑍍𑌕𑌨𑍍𑌦𑌃 𑌪𑍍𑌰𑌜𑌾𑌪𑌤𑌿𑌃 ।
𑌮𑌹𑍇𑌨𑍍𑌦𑍍𑌰𑍋 𑌧𑌨𑌦𑌃 𑌕𑌾𑌲𑍋 𑌯𑌮𑌃 𑌸𑍋𑌮𑍋 𑌹𑍍𑌯𑌪𑌾𑌂 𑌪𑌤𑌿𑌃 ॥ 8 ॥

eṣa brahmā ca viṣṇuśca śivaḥ skandaḥ prajāpatiḥ |
mahendro dhanadaḥ kālo yamaḥ somo hyapāṃ patiḥ || 8 ||

Verse 9

𑌪𑌿𑌤𑌰𑍋 𑌵𑌸𑌵𑌃 𑌸𑌾𑌧𑍍𑌯𑌾 𑌹𑍍𑌯𑌶𑍍𑌵𑌿𑌨𑍗 𑌮𑌰𑍁𑌤𑍋 𑌮𑌨𑍁𑌃 ।
𑌵𑌾𑌯𑍁𑌰𑍍𑌵𑌹𑍍𑌨𑌿𑌃 𑌪𑍍𑌰𑌜𑌾𑌪𑍍𑌰𑌾𑌣𑌃 𑌋𑌤𑍁𑌕𑌰𑍍𑌤𑌾 𑌪𑍍𑌰𑌭𑌾𑌕𑌰𑌃 ॥ 9 ॥

pitaro vasavaḥ sādhyā hyaśvinau maruto manuḥ |
vāyurvahniḥ prajāprāṇaḥ ṛtukartā prabhākaraḥ || 9 ||

Verse 11

𑌆𑌦𑌿𑌤𑍍𑌯𑌃 𑌸𑌵𑌿𑌤𑌾 𑌸𑍂𑌰𑍍𑌯𑌃 𑌖𑌗𑌃 𑌪𑍂𑌷𑌾 𑌗𑌭𑌸𑍍𑌤𑌿𑌮𑌾𑌨𑍍 ।
𑌸𑍁𑌵𑌰𑍍𑌣𑌸𑌦𑍃𑌶𑍋 𑌭𑌾𑌨𑍁𑌃 𑌹𑌿𑌰𑌣𑍍𑌯𑌰𑍇𑌤𑌾 𑌦𑌿𑌵𑌾𑌕𑌰𑌃 ॥ 10 ॥ [𑌸𑍍𑌵𑌰𑌣𑌰𑍇𑌤𑌾 𑌦𑌿𑌵𑌾𑌕𑌰𑌃]
𑌹𑌰𑌿𑌦𑌶𑍍𑌵𑌃 𑌸𑌹𑌸𑍍𑌰𑌾𑌰𑍍𑌚𑌿𑌃 𑌸𑌪𑍍𑌤𑌸𑌪𑍍𑌤𑌿-𑌰𑍍𑌮𑌰𑍀𑌚𑌿𑌮𑌾𑌨𑍍 ।
𑌤𑌿𑌮𑌿𑌰𑍋𑌨𑍍𑌮𑌥𑌨𑌃 𑌶𑌮𑍍𑌭𑍁𑌃 𑌤𑍍𑌵𑌷𑍍𑌟𑌾 𑌮𑌾𑌰𑍍𑌤𑌾𑌣𑍍𑌡𑌕𑍋𑌂𑌽𑌶𑍁𑌮𑌾𑌨𑍍 ॥ 11 ॥

ādityaḥ savitā sūryaḥ khagaḥ pūṣā gabhastimān |
suvarṇasadṛśo bhānuḥ hiraṇyaretā divākaraḥ || 10 || [svaraṇaretā divākaraḥ]
haridaśvaḥ sahasrārciḥ saptasapti-rmarīcimān |
timironmathanaḥ śambhuḥ tvaṣṭā mārtāṇḍakoṃ'śumān || 11 ||

Verse 12

𑌹𑌿𑌰𑌣𑍍𑌯𑌗𑌰𑍍𑌭𑌃 𑌶𑌿𑌶𑌿𑌰𑌃 𑌤𑌪𑌨𑍋 𑌭𑌾𑌸𑍍𑌕𑌰𑍋 𑌰𑌵𑌿𑌃 ।
𑌅𑌗𑍍𑌨𑌿𑌗𑌰𑍍𑌭𑍋𑌽𑌦𑌿𑌤𑍇𑌃 𑌪𑍁𑌤𑍍𑌰𑌃 𑌶𑌙𑍍𑌖𑌃 𑌶𑌿𑌶𑌿𑌰𑌨𑌾𑌶𑌨𑌃 ॥ 12 ॥

hiraṇyagarbhaḥ śiśiraḥ tapano bhāskaro raviḥ |
agnigarbho'diteḥ putraḥ śaṅkhaḥ śiśiranāśanaḥ || 12 ||

Verse 13

𑌵𑍍𑌯𑍋𑌮𑌨𑌾𑌥-𑌸𑍍𑌤𑌮𑍋𑌭𑍇𑌦𑍀 𑌋𑌗𑍍𑌯𑌜𑍁𑌃𑌸𑌾𑌮-𑌪𑌾𑌰𑌗𑌃 ।
𑌘𑌨𑌾𑌵𑍃𑌷𑍍𑌟𑌿𑌰𑌪𑌾𑌂 𑌮𑌿𑌤𑍍𑌰𑌃 𑌵𑌿𑌨𑍍𑌧𑍍𑌯𑌵𑍀𑌥𑍀 𑌪𑍍𑌲𑌵𑌙𑍍𑌗𑌮𑌃 ॥ 13 ॥

vyomanātha-stamobhedī ṛgyajuḥsāma-pāragaḥ |
ghanāvṛṣṭirapāṃ mitraḥ vindhyavīthī plavaṅgamaḥ || 13 ||

Verse 14

𑌆𑌤𑌪𑍀 𑌮𑌣𑍍𑌡𑌲𑍀 𑌮𑍃𑌤𑍍𑌯𑍁𑌃 𑌪𑌿𑌙𑍍𑌗𑌲𑌃 𑌸𑌰𑍍𑌵𑌤𑌾𑌪𑌨𑌃 ।
𑌕𑌵𑌿𑌰𑍍𑌵𑌿𑌶𑍍𑌵𑍋 𑌮𑌹𑌾𑌤𑍇𑌜𑌾 𑌰𑌕𑍍𑌤𑌃 𑌸𑌰𑍍𑌵𑌭𑌵𑍋𑌦𑍍𑌭𑌵𑌃 ॥ 14 ॥

ātapī maṇḍalī mṛtyuḥ piṅgalaḥ sarvatāpanaḥ |
kavirviśvo mahātejā raktaḥ sarvabhavodbhavaḥ || 14 ||

Verse 15

𑌨𑌕𑍍𑌷𑌤𑍍𑌰 𑌗𑍍𑌰𑌹 𑌤𑌾𑌰𑌾𑌣𑌾𑌂 𑌅𑌧𑌿𑌪𑍋 𑌵𑌿𑌶𑍍𑌵𑌭𑌾𑌵𑌨𑌃 ।
𑌤𑍇𑌜𑌸𑌾𑌮𑌪𑌿 𑌤𑍇𑌜𑌸𑍍𑌵𑍀 𑌦𑍍𑌵𑌾𑌦𑌶𑌾𑌤𑍍𑌮-𑌨𑍍𑌨𑌮𑍋𑌽𑌸𑍍𑌤𑍁 𑌤𑍇 ॥ 15 ॥

nakṣatra graha tārāṇāṃ adhipo viśvabhāvanaḥ |
tejasāmapi tejasvī dvādaśātma-nnamo'stu te || 15 ||

Verse 16

𑌨𑌮𑌃 𑌪𑍂𑌰𑍍𑌵𑌾𑌯 𑌗𑌿𑌰𑌯𑍇 𑌪𑌶𑍍𑌚𑌿𑌮𑌾𑌯𑌾𑌦𑍍𑌰𑌯𑍇 𑌨𑌮𑌃 ।
𑌜𑍍𑌯𑍋𑌤𑌿𑌰𑍍𑌗𑌣𑌾𑌨𑌾𑌂 𑌪𑌤𑌯𑍇 𑌦𑌿𑌨𑌾𑌧𑌿𑌪𑌤𑌯𑍇 𑌨𑌮𑌃 ॥ 16 ॥

namaḥ pūrvāya giraye paścimāyādraye namaḥ |
jyotirgaṇānāṃ pataye dinādhipataye namaḥ || 16 ||

Verse 17

𑌜𑌯𑌾𑌯 𑌜𑌯𑌭𑌦𑍍𑌰𑌾𑌯 𑌹𑌰𑍍𑌯𑌶𑍍𑌵𑌾𑌯 𑌨𑌮𑍋 𑌨𑌮𑌃 ।
𑌨𑌮𑍋 𑌨𑌮𑌃 𑌸𑌹𑌸𑍍𑌰𑌾𑌂𑌶𑍋 𑌆𑌦𑌿𑌤𑍍𑌯𑌾𑌯 𑌨𑌮𑍋 𑌨𑌮𑌃 ॥ 17 ॥

jayāya jayabhadrāya haryaśvāya namo namaḥ |
namo namaḥ sahasrāṃśo ādityāya namo namaḥ || 17 ||

Verse 18

𑌨𑌮 𑌉𑌗𑍍𑌰𑌾𑌯 𑌵𑍀𑌰𑌾𑌯 𑌸𑌾𑌰𑌙𑍍𑌗𑌾𑌯 𑌨𑌮𑍋 𑌨𑌮𑌃 ।
𑌨𑌮𑌃 𑌪𑌦𑍍𑌮𑌪𑍍𑌰𑌬𑍋𑌧𑌾𑌯 𑌮𑌾𑌰𑍍𑌤𑌾𑌣𑍍𑌡𑌾𑌯 𑌨𑌮𑍋 𑌨𑌮𑌃 ॥ 18 ॥

nama ugrāya vīrāya sāraṅgāya namo namaḥ |
namaḥ padmaprabodhāya mārtāṇḍāya namo namaḥ || 18 ||

Verse 19

𑌬𑍍𑌰𑌹𑍍𑌮𑍇𑌶𑌾𑌨𑌾𑌚𑍍𑌯𑍁𑌤𑍇𑌶𑌾𑌯 𑌸𑍂𑌰𑍍𑌯𑌾𑌯𑌾𑌦𑌿𑌤𑍍𑌯-𑌵𑌰𑍍𑌚𑌸𑍇 ।
𑌭𑌾𑌸𑍍𑌵𑌤𑍇 𑌸𑌰𑍍𑌵𑌭𑌕𑍍𑌷𑌾𑌯 𑌰𑍗𑌦𑍍𑌰𑌾𑌯 𑌵𑌪𑍁𑌷𑍇 𑌨𑌮𑌃 ॥ 19 ॥

brahmeśānācyuteśāya sūryāyāditya-varcase |
bhāsvate sarvabhakṣāya raudrāya vapuṣe namaḥ || 19 ||

Verse 20

𑌤𑌮𑍋𑌘𑍍𑌨𑌾𑌯 𑌹𑌿𑌮𑌘𑍍𑌨𑌾𑌯 𑌶𑌤𑍍𑌰𑍁𑌘𑍍𑌨𑌾𑌯𑌾 𑌮𑌿𑌤𑌾𑌤𑍍𑌮𑌨𑍇 ।
𑌕𑍃𑌤𑌘𑍍𑌨𑌘𑍍𑌨𑌾𑌯 𑌦𑍇𑌵𑌾𑌯 𑌜𑍍𑌯𑍋𑌤𑌿𑌷𑌾𑌂 𑌪𑌤𑌯𑍇 𑌨𑌮𑌃 ॥ 20 ॥

tamoghnāya himaghnāya śatrughnāyā mitātmane |
kṛtaghnaghnāya devāya jyotiṣāṃ pataye namaḥ || 20 ||

Verse 21

𑌤𑌪𑍍𑌤 𑌚𑌾𑌮𑍀𑌕𑌰𑌾𑌭𑌾𑌯 𑌵𑌹𑍍𑌨𑌯𑍇 𑌵𑌿𑌶𑍍𑌵𑌕𑌰𑍍𑌮𑌣𑍇 ।
𑌨𑌮𑌸𑍍𑌤𑌮𑍋𑌽𑌭𑌿 𑌨𑌿𑌘𑍍𑌨𑌾𑌯 𑌰𑌵𑌯𑍇 𑌲𑍋𑌕𑌸𑌾𑌕𑍍𑌷𑌿𑌣𑍇 ॥ 21 ॥

tapta cāmīkarābhāya vahnaye viśvakarmaṇe |
namastamo'bhi nighnāya ravaye lokasākṣiṇe || 21 ||

Verse 22

𑌨𑌾𑌶𑌯𑌤𑍍𑌯𑍇𑌷 𑌵𑍈 𑌭𑍂𑌤𑌂 𑌤𑌦𑍇𑌵 𑌸𑍃𑌜𑌤𑌿 𑌪𑍍𑌰𑌭𑍁𑌃 ।
𑌪𑌾𑌯𑌤𑍍𑌯𑍇𑌷 𑌤𑌪𑌤𑍍𑌯𑍇𑌷 𑌵𑌰𑍍𑌷𑌤𑍍𑌯𑍇𑌷 𑌗𑌭𑌸𑍍𑌤𑌿𑌭𑌿𑌃 ॥ 22 ॥

nāśayatyeṣa vai bhūtaṃ tadeva sṛjati prabhuḥ |
pāyatyeṣa tapatyeṣa varṣatyeṣa gabhastibhiḥ || 22 ||

Verse 23

𑌏𑌷 𑌸𑍁𑌪𑍍𑌤𑍇𑌷𑍁 𑌜𑌾𑌗𑌰𑍍𑌤𑌿 𑌭𑍂𑌤𑍇𑌷𑍁 𑌪𑌰𑌿𑌨𑌿𑌷𑍍𑌠𑌿𑌤𑌃 ।
𑌏𑌷 𑌏𑌵𑌾𑌗𑍍𑌨𑌿𑌹𑍋𑌤𑍍𑌰𑌂 𑌚 𑌫𑌲𑌂 𑌚𑍈𑌵𑌾𑌗𑍍𑌨𑌿 𑌹𑍋𑌤𑍍𑌰𑌿𑌣𑌾𑌮𑍍 ॥ 23 ॥

eṣa supteṣu jāgarti bhūteṣu pariniṣṭhitaḥ |
eṣa evāgnihotraṃ ca phalaṃ caivāgni hotriṇām || 23 ||

Verse 24

𑌵𑍇𑌦𑌾𑌶𑍍𑌚 𑌕𑍍𑌰𑌤𑌵𑌶𑍍𑌚𑍈𑌵 𑌕𑍍𑌰𑌤𑍂𑌨𑌾𑌂 𑌫𑌲𑌮𑍇𑌵 𑌚 ।
𑌯𑌾𑌨𑌿 𑌕𑍃𑌤𑍍𑌯𑌾𑌨𑌿 𑌲𑍋𑌕𑍇𑌷𑍁 𑌸𑌰𑍍𑌵 𑌏𑌷 𑌰𑌵𑌿𑌃 𑌪𑍍𑌰𑌭𑍁𑌃 ॥ 24 ॥

vedāśca kratavaścaiva kratūnāṃ phalameva ca |
yāni kṛtyāni lokeṣu sarva eṣa raviḥ prabhuḥ || 24 ||

Verse 25

𑌫𑌲𑌶𑍍𑌰𑍁𑌤𑌿𑌃
𑌏𑌨 𑌮𑌾𑌪𑌤𑍍𑌸𑍁 𑌕𑍃𑌚𑍍𑌛𑍍𑌰𑍇𑌷𑍁 𑌕𑌾𑌨𑍍𑌤𑌾𑌰𑍇𑌷𑍁 𑌭𑌯𑍇𑌷𑍁 𑌚 ।
𑌕𑍀𑌰𑍍𑌤𑌯𑌨𑍍 𑌪𑍁𑌰𑍁𑌷𑌃 𑌕𑌶𑍍𑌚𑌿𑌨𑍍𑌨𑌾𑌵𑌶𑍀𑌦𑌤𑌿 𑌰𑌾𑌘𑌵 ॥ 25 ॥

phalaśrutiḥ
ena māpatsu kṛcchreṣu kāntāreṣu bhayeṣu ca |
kīrtayan puruṣaḥ kaścinnāvaśīdati rāghava || 25 ||

Verse 26

𑌪𑍂𑌜𑌯𑌸𑍍𑌵𑍈𑌨 𑌮𑍇𑌕𑌾𑌗𑍍𑌰𑌃 𑌦𑍇𑌵𑌦𑍇𑌵𑌂 𑌜𑌗𑌤𑍍𑌪𑌤𑌿𑌮𑍍 ।
𑌏𑌤𑌤𑍍 𑌤𑍍𑌰𑌿𑌗𑍁𑌣𑌿𑌤𑌂 𑌜𑌪𑍍𑌤𑍍𑌵𑌾 𑌯𑍁𑌦𑍍𑌧𑍇𑌷𑍁 𑌵𑌿𑌜𑌯𑌿𑌷𑍍𑌯𑌸𑌿 ॥ 26 ॥

pūjayasvaina mekāgraḥ devadevaṃ jagatpatim |
etat triguṇitaṃ japtvā yuddheṣu vijayiṣyasi || 26 ||

Verse 27

𑌅𑌸𑍍𑌮𑌿𑌨𑍍 𑌕𑍍𑌷𑌣𑍇 𑌮𑌹𑌾𑌬𑌾𑌹𑍋 𑌰𑌾𑌵𑌣𑌂 𑌤𑍍𑌵𑌂 𑌵𑌧𑌿𑌷𑍍𑌯𑌸𑌿 ।
𑌏𑌵𑌮𑍁𑌕𑍍𑌤𑍍𑌵𑌾 𑌤𑌦𑌾𑌗𑌸𑍍𑌤𑍍𑌯𑍋 𑌜𑌗𑌾𑌮 𑌚 𑌯𑌥𑌾𑌗𑌤𑌮𑍍 ॥ 27 ॥

asmin kṣaṇe mahābāho rāvaṇaṃ tvaṃ vadhiṣyasi |
evamuktvā tadāgastyo jagāma ca yathāgatam || 27 ||

Verse 28

𑌏𑌤𑌚𑍍𑌛𑍍𑌰𑍁𑌤𑍍𑌵𑌾 𑌮𑌹𑌾𑌤𑍇𑌜𑌾𑌃 𑌨𑌷𑍍𑌟𑌶𑍋𑌕𑍋𑌽𑌭𑌵𑌤𑍍𑌤𑌦𑌾 ।
𑌧𑌾𑌰𑌯𑌾𑌮𑌾𑌸 𑌸𑍁𑌪𑍍𑌰𑍀𑌤𑌃 𑌰𑌾𑌘𑌵𑌃 𑌪𑍍𑌰𑌯𑌤𑌾𑌤𑍍𑌮𑌵𑌾𑌨𑍍 ॥ 28 ॥

etacchrutvā mahātejāḥ naṣṭaśoko'bhavattadā |
dhārayāmāsa suprītaḥ rāghavaḥ prayatātmavān || 28 ||

Verse 29

𑌆𑌦𑌿𑌤𑍍𑌯𑌂 𑌪𑍍𑌰𑍇𑌕𑍍𑌷𑍍𑌯 𑌜𑌪𑍍𑌤𑍍𑌵𑌾 𑌤𑍁 𑌪𑌰𑌂 𑌹𑌰𑍍𑌷𑌮𑌵𑌾𑌪𑍍𑌤𑌵𑌾𑌨𑍍 ।
𑌤𑍍𑌰𑌿𑌰𑌾𑌚𑌮𑍍𑌯 𑌶𑍁𑌚𑌿𑌰𑍍𑌭𑍂𑌤𑍍𑌵𑌾 𑌧𑌨𑍁𑌰𑌾𑌦𑌾𑌯 𑌵𑍀𑌰𑍍𑌯𑌵𑌾𑌨𑍍 ॥ 29 ॥

ādityaṃ prekṣya japtvā tu paraṃ harṣamavāptavān |
trirācamya śucirbhūtvā dhanurādāya vīryavān || 29 ||

Verse 30

𑌰𑌾𑌵𑌣𑌂 𑌪𑍍𑌰𑍇𑌕𑍍𑌷𑍍𑌯 𑌹𑍃𑌷𑍍𑌟𑌾𑌤𑍍𑌮𑌾 𑌯𑍁𑌦𑍍𑌧𑌾𑌯 𑌸𑌮𑍁𑌪𑌾𑌗𑌮𑌤𑍍 ।
𑌸𑌰𑍍𑌵𑌯𑌤𑍍𑌨𑍇𑌨 𑌮𑌹𑌤𑌾 𑌵𑌧𑍇 𑌤𑌸𑍍𑌯 𑌧𑍃𑌤𑍋𑌽𑌭𑌵𑌤𑍍 ॥ 30 ॥

rāvaṇaṃ prekṣya hṛṣṭātmā yuddhāya samupāgamat |
sarvayatnena mahatā vadhe tasya dhṛto'bhavat || 30 ||

Verse 31

𑌅𑌧 𑌰𑌵𑌿𑌰𑌵𑌦𑌨𑍍𑌨𑌿𑌰𑍀𑌕𑍍𑌷𑍍𑌯 𑌰𑌾𑌮𑌂 𑌮𑍁𑌦𑌿𑌤𑌮𑌨𑌾𑌃 𑌪𑌰𑌮𑌂 𑌪𑍍𑌰𑌹𑍃𑌷𑍍𑌯𑌮𑌾𑌣𑌃 ।
𑌨𑌿𑌶𑌿𑌚𑌰𑌪𑌤𑌿 𑌸𑌙𑍍𑌕𑍍𑌷𑌯𑌂 𑌵𑌿𑌦𑌿𑌤𑍍𑌵𑌾 𑌸𑍁𑌰𑌗𑌣 𑌮𑌧𑍍𑌯𑌗𑌤𑍋 𑌵𑌚𑌸𑍍𑌤𑍍𑌵𑌰𑍇𑌤𑌿 ॥ 31 ॥

adha raviravadannirīkṣya rāmaṃ muditamanāḥ paramaṃ prahṛṣyamāṇaḥ |
niśicarapati saṅkṣayaṃ viditvā suragaṇa madhyagato vacastvareti || 31 ||

𑌇𑌤𑍍𑌯𑌾𑌰𑍍𑌷𑍇 𑌶𑍍𑌰𑍀𑌮𑌦𑍍𑌰𑌾𑌮𑌾𑌯𑌣𑍇 𑌵𑌾𑌲𑍍𑌮𑌿𑌕𑍀𑌯𑍇 𑌆𑌦𑌿𑌕𑌾𑌵𑍍𑌯𑍇 𑌯𑍁𑌦𑍍𑌧𑌕𑌾𑌣𑍍𑌡𑍇 𑌪𑌞𑍍𑌚𑌾𑌧𑌿𑌕 𑌶𑌤𑌤𑌮𑌃 𑌸𑌰𑍍𑌗𑌃 ॥

Sanskrit — Devanagari (original)

ध्यानम्

नमस्सवित्रे जगदेक चक्षुसे

जगत्प्रसूति स्थिति नाशहेतवे

त्रयीमयाय त्रिगुणात्म धारिणे

विरिञ्चि नारायण शङ्करात्मने

ततो युद्ध परिश्रान्तं समरे चिन्तयास्थितम् ।

रावणं चाग्रतो दृष्ट्वा युद्धाय समुपस्थितम् ॥ 1 ॥

दैवतैश्च समागम्य द्रष्टुमभ्यागतो रणम् ।

उपागम्याब्रवीद्रामं अगस्त्यो भगवान् ऋषिः ॥ 2 ॥

राम राम महाबाहो शृणु गुह्यं सनातनम् ।

येन सर्वानरीन् वत्स समरे विजयिष्यसि ॥ 3 ॥

आदित्यहृदयं पुण्यं सर्वशत्रु-विनाशनम् ।

जयावहं जपेन्नित्यं अक्षय्यं परमं शिवम् ॥ 4 ॥

सर्वमङ्गल-माङ्गल्यं सर्वपाप-प्रणाशनम् ।

चिन्ताशोक-प्रशमनं आयुर्वर्धनमुत्तमम् ॥ 5 ॥

रश्मिमन्तं समुद्यन्तं देवासुर नमस्कृतम् ।

पूजयस्व विवस्वन्तं भास्करं भुवनेश्वरम् ॥ 6 ॥

सर्वदेवात्मको ह्येष तेजस्वी रश्मिभावनः ।

एष देवासुर-गणान् लोकान् पाति गभस्तिभिः ॥ 7 ॥

एष ब्रह्मा च विष्णुश्च शिवः स्कन्दः प्रजापतिः ।

महेन्द्रो धनदः कालो यमः सोमो ह्यपां पतिः ॥ 8 ॥

पितरो वसवः साध्या ह्यश्विनौ मरुतो मनुः ।

वायुर्वह्निः प्रजाप्राणः ऋतुकर्ता प्रभाकरः ॥ 9 ॥

आदित्यः सविता सूर्यः खगः पूषा गभस्तिमान् ।

सुवर्णसदृशो भानुः हिरण्यरेता दिवाकरः ॥ 10 ॥ [स्वरणरेता दिवाकरः]

हरिदश्वः सहस्रार्चिः सप्तसप्ति-र्मरीचिमान् ।

तिमिरोन्मथनः शम्भुः त्वष्टा मार्ताण्डकोंऽशुमान् ॥ 11 ॥

हिरण्यगर्भः शिशिरः तपनो भास्करो रविः ।

अग्निगर्भोऽदितेः पुत्रः शङ्खः शिशिरनाशनः ॥ 12 ॥

व्योमनाथ-स्तमोभेदी ऋग्यजुःसाम-पारगः ।

घनावृष्टिरपां मित्रः विन्ध्यवीथी प्लवङ्गमः ॥ 13 ॥

आतपी मण्डली मृत्युः पिङ्गलः सर्वतापनः ।

कविर्विश्वो महातेजा रक्तः सर्वभवोद्भवः ॥ 14 ॥

नक्षत्र ग्रह ताराणां अधिपो विश्वभावनः ।

तेजसामपि तेजस्वी द्वादशात्म-न्नमोऽस्तु ते ॥ 15 ॥

नमः पूर्वाय गिरये पश्चिमायाद्रये नमः ।

ज्योतिर्गणानां पतये दिनाधिपतये नमः ॥ 16 ॥

जयाय जयभद्राय हर्यश्वाय नमो नमः ।

नमो नमः सहस्रांशो आदित्याय नमो नमः ॥ 17 ॥

नम उग्राय वीराय सारङ्गाय नमो नमः ।

नमः पद्मप्रबोधाय मार्ताण्डाय नमो नमः ॥ 18 ॥

ब्रह्मेशानाच्युतेशाय सूर्यायादित्य-वर्चसे ।

भास्वते सर्वभक्षाय रौद्राय वपुषे नमः ॥ 19 ॥

तमोघ्नाय हिमघ्नाय शत्रुघ्नाया मितात्मने ।

कृतघ्नघ्नाय देवाय ज्योतिषां पतये नमः ॥ 20 ॥

तप्त चामीकराभाय वह्नये विश्वकर्मणे ।

नमस्तमोऽभि निघ्नाय रवये लोकसाक्षिणे ॥ 21 ॥

नाशयत्येष वै भूतं तदेव सृजति प्रभुः ।

पायत्येष तपत्येष वर्षत्येष गभस्तिभिः ॥ 22 ॥

एष सुप्तेषु जागर्ति भूतेषु परिनिष्ठितः ।

एष एवाग्निहोत्रं च फलं चैवाग्नि होत्रिणाम् ॥ 23 ॥

वेदाश्च क्रतवश्चैव क्रतूनां फलमेव च ।

यानि कृत्यानि लोकेषु सर्व एष रविः प्रभुः ॥ 24 ॥

फलश्रुतिः

एन मापत्सु कृच्छ्रेषु कान्तारेषु भयेषु च ।

कीर्तयन् पुरुषः कश्चिन्नावशीदति राघव ॥ 25 ॥

पूजयस्वैन मेकाग्रः देवदेवं जगत्पतिम् ।

एतत् त्रिगुणितं जप्त्वा युद्धेषु विजयिष्यसि ॥ 26 ॥

अस्मिन् क्षणे महाबाहो रावणं त्वं वधिष्यसि ।

एवमुक्त्वा तदागस्त्यो जगाम च यथागतम् ॥ 27 ॥

एतच्छ्रुत्वा महातेजाः नष्टशोकोऽभवत्तदा ।

धारयामास सुप्रीतः राघवः प्रयतात्मवान् ॥ 28 ॥

आदित्यं प्रेक्ष्य जप्त्वा तु परं हर्षमवाप्तवान् ।

त्रिराचम्य शुचिर्भूत्वा धनुरादाय वीर्यवान् ॥ 29 ॥

रावणं प्रेक्ष्य हृष्टात्मा युद्धाय समुपागमत् ।

सर्वयत्नेन महता वधे तस्य धृतोऽभवत् ॥ 30 ॥

अध रविरवदन्निरीक्ष्य रामं मुदितमनाः परमं प्रहृष्यमाणः ।

निशिचरपति सङ्क्षयं विदित्वा सुरगण मध्यगतो वचस्त्वरेति ॥ 31 ॥

इत्यार्षे श्रीमद्रामायणे वाल्मिकीये आदिकाव्ये युद्धकाण्डे पञ्चाधिक शततमः सर्गः ॥

🕉️ This is the original Sanskrit rendered in Grantha script. Pronunciation is identical to the Sanskrit Devanagari version. It is a transliteration, not a translation — see “Meaning” for translations where available.

𑌆𑌦𑌿𑌤𑍍𑌯 𑌹𑍃𑌦𑌯𑌮𑍍