📄 Save this Stotram as PDF Click the button to open the Save dialog
How to save: 1 Click "Save as PDF" → 2 A dialog opens → 3 Choose "Save as PDF" as printer → 4 Click Save
ॐ
𑌆𑌦𑌿𑌤𑍍𑌯 𑌹𑍃𑌦𑌯𑌮𑍍
Aditya Hridayam
Surya Hrudayam Valmiki Grantha
𑌧𑍍𑌯𑌾𑌨𑌮𑍍
𑌨𑌮𑌸𑍍𑌸𑌵𑌿𑌤𑍍𑌰𑍇 𑌜𑌗𑌦𑍇𑌕 𑌚𑌕𑍍𑌷𑍁𑌸𑍇
𑌜𑌗𑌤𑍍𑌪𑍍𑌰𑌸𑍂𑌤𑌿 𑌸𑍍𑌥𑌿𑌤𑌿 𑌨𑌾𑌶𑌹𑍇𑌤𑌵𑍇
𑌤𑍍𑌰𑌯𑍀𑌮𑌯𑌾𑌯 𑌤𑍍𑌰𑌿𑌗𑍁𑌣𑌾𑌤𑍍𑌮 𑌧𑌾𑌰𑌿𑌣𑍇
𑌵𑌿𑌰𑌿𑌞𑍍𑌚𑌿 𑌨𑌾𑌰𑌾𑌯𑌣 𑌶𑌙𑍍𑌕𑌰𑌾𑌤𑍍𑌮𑌨𑍇
𑌤𑌤𑍋 𑌯𑍁𑌦𑍍𑌧 𑌪𑌰𑌿𑌶𑍍𑌰𑌾𑌨𑍍𑌤𑌂 𑌸𑌮𑌰𑍇 𑌚𑌿𑌨𑍍𑌤𑌯𑌾𑌸𑍍𑌥𑌿𑌤𑌮𑍍 ।
𑌰𑌾𑌵𑌣𑌂 𑌚𑌾𑌗𑍍𑌰𑌤𑍋 𑌦𑍃𑌷𑍍𑌟𑍍𑌵𑌾 𑌯𑍁𑌦𑍍𑌧𑌾𑌯 𑌸𑌮𑍁𑌪𑌸𑍍𑌥𑌿𑌤𑌮𑍍 ॥ 1 ॥
𑌦𑍈𑌵𑌤𑍈𑌶𑍍𑌚 𑌸𑌮𑌾𑌗𑌮𑍍𑌯 𑌦𑍍𑌰𑌷𑍍𑌟𑍁𑌮𑌭𑍍𑌯𑌾𑌗𑌤𑍋 𑌰𑌣𑌮𑍍 ।
𑌉𑌪𑌾𑌗𑌮𑍍𑌯𑌾𑌬𑍍𑌰𑌵𑍀𑌦𑍍𑌰𑌾𑌮𑌂 𑌅𑌗𑌸𑍍𑌤𑍍𑌯𑍋 𑌭𑌗𑌵𑌾𑌨𑍍 𑌋𑌷𑌿𑌃 ॥ 2 ॥
𑌰𑌾𑌮 𑌰𑌾𑌮 𑌮𑌹𑌾𑌬𑌾𑌹𑍋 𑌶𑍃𑌣𑍁 𑌗𑍁𑌹𑍍𑌯𑌂 𑌸𑌨𑌾𑌤𑌨𑌮𑍍 ।
𑌯𑍇𑌨 𑌸𑌰𑍍𑌵𑌾𑌨𑌰𑍀𑌨𑍍 𑌵𑌤𑍍𑌸 𑌸𑌮𑌰𑍇 𑌵𑌿𑌜𑌯𑌿𑌷𑍍𑌯𑌸𑌿 ॥ 3 ॥
𑌆𑌦𑌿𑌤𑍍𑌯𑌹𑍃𑌦𑌯𑌂 𑌪𑍁𑌣𑍍𑌯𑌂 𑌸𑌰𑍍𑌵𑌶𑌤𑍍𑌰𑍁-𑌵𑌿𑌨𑌾𑌶𑌨𑌮𑍍 ।
𑌜𑌯𑌾𑌵𑌹𑌂 𑌜𑌪𑍇𑌨𑍍𑌨𑌿𑌤𑍍𑌯𑌂 𑌅𑌕𑍍𑌷𑌯𑍍𑌯𑌂 𑌪𑌰𑌮𑌂 𑌶𑌿𑌵𑌮𑍍 ॥ 4 ॥
𑌸𑌰𑍍𑌵𑌮𑌙𑍍𑌗𑌲-𑌮𑌾𑌙𑍍𑌗𑌲𑍍𑌯𑌂 𑌸𑌰𑍍𑌵𑌪𑌾𑌪-𑌪𑍍𑌰𑌣𑌾𑌶𑌨𑌮𑍍 ।
𑌚𑌿𑌨𑍍𑌤𑌾𑌶𑍋𑌕-𑌪𑍍𑌰𑌶𑌮𑌨𑌂 𑌆𑌯𑍁𑌰𑍍𑌵𑌰𑍍𑌧𑌨𑌮𑍁𑌤𑍍𑌤𑌮𑌮𑍍 ॥ 5 ॥
𑌰𑌶𑍍𑌮𑌿𑌮𑌨𑍍𑌤𑌂 𑌸𑌮𑍁𑌦𑍍𑌯𑌨𑍍𑌤𑌂 𑌦𑍇𑌵𑌾𑌸𑍁𑌰 𑌨𑌮𑌸𑍍𑌕𑍃𑌤𑌮𑍍 ।
𑌪𑍂𑌜𑌯𑌸𑍍𑌵 𑌵𑌿𑌵𑌸𑍍𑌵𑌨𑍍𑌤𑌂 𑌭𑌾𑌸𑍍𑌕𑌰𑌂 𑌭𑍁𑌵𑌨𑍇𑌶𑍍𑌵𑌰𑌮𑍍 ॥ 6 ॥
𑌸𑌰𑍍𑌵𑌦𑍇𑌵𑌾𑌤𑍍𑌮𑌕𑍋 𑌹𑍍𑌯𑍇𑌷 𑌤𑍇𑌜𑌸𑍍𑌵𑍀 𑌰𑌶𑍍𑌮𑌿𑌭𑌾𑌵𑌨𑌃 ।
𑌏𑌷 𑌦𑍇𑌵𑌾𑌸𑍁𑌰-𑌗𑌣𑌾𑌨𑍍 𑌲𑍋𑌕𑌾𑌨𑍍 𑌪𑌾𑌤𑌿 𑌗𑌭𑌸𑍍𑌤𑌿𑌭𑌿𑌃 ॥ 7 ॥
𑌏𑌷 𑌬𑍍𑌰𑌹𑍍𑌮𑌾 𑌚 𑌵𑌿𑌷𑍍𑌣𑍁𑌶𑍍𑌚 𑌶𑌿𑌵𑌃 𑌸𑍍𑌕𑌨𑍍𑌦𑌃 𑌪𑍍𑌰𑌜𑌾𑌪𑌤𑌿𑌃 ।
𑌮𑌹𑍇𑌨𑍍𑌦𑍍𑌰𑍋 𑌧𑌨𑌦𑌃 𑌕𑌾𑌲𑍋 𑌯𑌮𑌃 𑌸𑍋𑌮𑍋 𑌹𑍍𑌯𑌪𑌾𑌂 𑌪𑌤𑌿𑌃 ॥ 8 ॥
𑌪𑌿𑌤𑌰𑍋 𑌵𑌸𑌵𑌃 𑌸𑌾𑌧𑍍𑌯𑌾 𑌹𑍍𑌯𑌶𑍍𑌵𑌿𑌨𑍗 𑌮𑌰𑍁𑌤𑍋 𑌮𑌨𑍁𑌃 ।
𑌵𑌾𑌯𑍁𑌰𑍍𑌵𑌹𑍍𑌨𑌿𑌃 𑌪𑍍𑌰𑌜𑌾𑌪𑍍𑌰𑌾𑌣𑌃 𑌋𑌤𑍁𑌕𑌰𑍍𑌤𑌾 𑌪𑍍𑌰𑌭𑌾𑌕𑌰𑌃 ॥ 9 ॥
𑌆𑌦𑌿𑌤𑍍𑌯𑌃 𑌸𑌵𑌿𑌤𑌾 𑌸𑍂𑌰𑍍𑌯𑌃 𑌖𑌗𑌃 𑌪𑍂𑌷𑌾 𑌗𑌭𑌸𑍍𑌤𑌿𑌮𑌾𑌨𑍍 ।
𑌸𑍁𑌵𑌰𑍍𑌣𑌸𑌦𑍃𑌶𑍋 𑌭𑌾𑌨𑍁𑌃 𑌹𑌿𑌰𑌣𑍍𑌯𑌰𑍇𑌤𑌾 𑌦𑌿𑌵𑌾𑌕𑌰𑌃 ॥ 10 ॥ [𑌸𑍍𑌵𑌰𑌣𑌰𑍇𑌤𑌾 𑌦𑌿𑌵𑌾𑌕𑌰𑌃]
𑌹𑌰𑌿𑌦𑌶𑍍𑌵𑌃 𑌸𑌹𑌸𑍍𑌰𑌾𑌰𑍍𑌚𑌿𑌃 𑌸𑌪𑍍𑌤𑌸𑌪𑍍𑌤𑌿-𑌰𑍍𑌮𑌰𑍀𑌚𑌿𑌮𑌾𑌨𑍍 ।
𑌤𑌿𑌮𑌿𑌰𑍋𑌨𑍍𑌮𑌥𑌨𑌃 𑌶𑌮𑍍𑌭𑍁𑌃 𑌤𑍍𑌵𑌷𑍍𑌟𑌾 𑌮𑌾𑌰𑍍𑌤𑌾𑌣𑍍𑌡𑌕𑍋𑌂𑌽𑌶𑍁𑌮𑌾𑌨𑍍 ॥ 11 ॥
𑌹𑌿𑌰𑌣𑍍𑌯𑌗𑌰𑍍𑌭𑌃 𑌶𑌿𑌶𑌿𑌰𑌃 𑌤𑌪𑌨𑍋 𑌭𑌾𑌸𑍍𑌕𑌰𑍋 𑌰𑌵𑌿𑌃 ।
𑌅𑌗𑍍𑌨𑌿𑌗𑌰𑍍𑌭𑍋𑌽𑌦𑌿𑌤𑍇𑌃 𑌪𑍁𑌤𑍍𑌰𑌃 𑌶𑌙𑍍𑌖𑌃 𑌶𑌿𑌶𑌿𑌰𑌨𑌾𑌶𑌨𑌃 ॥ 12 ॥
𑌵𑍍𑌯𑍋𑌮𑌨𑌾𑌥-𑌸𑍍𑌤𑌮𑍋𑌭𑍇𑌦𑍀 𑌋𑌗𑍍𑌯𑌜𑍁𑌃𑌸𑌾𑌮-𑌪𑌾𑌰𑌗𑌃 ।
𑌘𑌨𑌾𑌵𑍃𑌷𑍍𑌟𑌿𑌰𑌪𑌾𑌂 𑌮𑌿𑌤𑍍𑌰𑌃 𑌵𑌿𑌨𑍍𑌧𑍍𑌯𑌵𑍀𑌥𑍀 𑌪𑍍𑌲𑌵𑌙𑍍𑌗𑌮𑌃 ॥ 13 ॥
𑌆𑌤𑌪𑍀 𑌮𑌣𑍍𑌡𑌲𑍀 𑌮𑍃𑌤𑍍𑌯𑍁𑌃 𑌪𑌿𑌙𑍍𑌗𑌲𑌃 𑌸𑌰𑍍𑌵𑌤𑌾𑌪𑌨𑌃 ।
𑌕𑌵𑌿𑌰𑍍𑌵𑌿𑌶𑍍𑌵𑍋 𑌮𑌹𑌾𑌤𑍇𑌜𑌾 𑌰𑌕𑍍𑌤𑌃 𑌸𑌰𑍍𑌵𑌭𑌵𑍋𑌦𑍍𑌭𑌵𑌃 ॥ 14 ॥
𑌨𑌕𑍍𑌷𑌤𑍍𑌰 𑌗𑍍𑌰𑌹 𑌤𑌾𑌰𑌾𑌣𑌾𑌂 𑌅𑌧𑌿𑌪𑍋 𑌵𑌿𑌶𑍍𑌵𑌭𑌾𑌵𑌨𑌃 ।
𑌤𑍇𑌜𑌸𑌾𑌮𑌪𑌿 𑌤𑍇𑌜𑌸𑍍𑌵𑍀 𑌦𑍍𑌵𑌾𑌦𑌶𑌾𑌤𑍍𑌮-𑌨𑍍𑌨𑌮𑍋𑌽𑌸𑍍𑌤𑍁 𑌤𑍇 ॥ 15 ॥
𑌨𑌮𑌃 𑌪𑍂𑌰𑍍𑌵𑌾𑌯 𑌗𑌿𑌰𑌯𑍇 𑌪𑌶𑍍𑌚𑌿𑌮𑌾𑌯𑌾𑌦𑍍𑌰𑌯𑍇 𑌨𑌮𑌃 ।
𑌜𑍍𑌯𑍋𑌤𑌿𑌰𑍍𑌗𑌣𑌾𑌨𑌾𑌂 𑌪𑌤𑌯𑍇 𑌦𑌿𑌨𑌾𑌧𑌿𑌪𑌤𑌯𑍇 𑌨𑌮𑌃 ॥ 16 ॥
𑌜𑌯𑌾𑌯 𑌜𑌯𑌭𑌦𑍍𑌰𑌾𑌯 𑌹𑌰𑍍𑌯𑌶𑍍𑌵𑌾𑌯 𑌨𑌮𑍋 𑌨𑌮𑌃 ।
𑌨𑌮𑍋 𑌨𑌮𑌃 𑌸𑌹𑌸𑍍𑌰𑌾𑌂𑌶𑍋 𑌆𑌦𑌿𑌤𑍍𑌯𑌾𑌯 𑌨𑌮𑍋 𑌨𑌮𑌃 ॥ 17 ॥
𑌨𑌮 𑌉𑌗𑍍𑌰𑌾𑌯 𑌵𑍀𑌰𑌾𑌯 𑌸𑌾𑌰𑌙𑍍𑌗𑌾𑌯 𑌨𑌮𑍋 𑌨𑌮𑌃 ।
𑌨𑌮𑌃 𑌪𑌦𑍍𑌮𑌪𑍍𑌰𑌬𑍋𑌧𑌾𑌯 𑌮𑌾𑌰𑍍𑌤𑌾𑌣𑍍𑌡𑌾𑌯 𑌨𑌮𑍋 𑌨𑌮𑌃 ॥ 18 ॥
𑌬𑍍𑌰𑌹𑍍𑌮𑍇𑌶𑌾𑌨𑌾𑌚𑍍𑌯𑍁𑌤𑍇𑌶𑌾𑌯 𑌸𑍂𑌰𑍍𑌯𑌾𑌯𑌾𑌦𑌿𑌤𑍍𑌯-𑌵𑌰𑍍𑌚𑌸𑍇 ।
𑌭𑌾𑌸𑍍𑌵𑌤𑍇 𑌸𑌰𑍍𑌵𑌭𑌕𑍍𑌷𑌾𑌯 𑌰𑍗𑌦𑍍𑌰𑌾𑌯 𑌵𑌪𑍁𑌷𑍇 𑌨𑌮𑌃 ॥ 19 ॥
𑌤𑌮𑍋𑌘𑍍𑌨𑌾𑌯 𑌹𑌿𑌮𑌘𑍍𑌨𑌾𑌯 𑌶𑌤𑍍𑌰𑍁𑌘𑍍𑌨𑌾𑌯𑌾 𑌮𑌿𑌤𑌾𑌤𑍍𑌮𑌨𑍇 ।
𑌕𑍃𑌤𑌘𑍍𑌨𑌘𑍍𑌨𑌾𑌯 𑌦𑍇𑌵𑌾𑌯 𑌜𑍍𑌯𑍋𑌤𑌿𑌷𑌾𑌂 𑌪𑌤𑌯𑍇 𑌨𑌮𑌃 ॥ 20 ॥
𑌤𑌪𑍍𑌤 𑌚𑌾𑌮𑍀𑌕𑌰𑌾𑌭𑌾𑌯 𑌵𑌹𑍍𑌨𑌯𑍇 𑌵𑌿𑌶𑍍𑌵𑌕𑌰𑍍𑌮𑌣𑍇 ।
𑌨𑌮𑌸𑍍𑌤𑌮𑍋𑌽𑌭𑌿 𑌨𑌿𑌘𑍍𑌨𑌾𑌯 𑌰𑌵𑌯𑍇 𑌲𑍋𑌕𑌸𑌾𑌕𑍍𑌷𑌿𑌣𑍇 ॥ 21 ॥
𑌨𑌾𑌶𑌯𑌤𑍍𑌯𑍇𑌷 𑌵𑍈 𑌭𑍂𑌤𑌂 𑌤𑌦𑍇𑌵 𑌸𑍃𑌜𑌤𑌿 𑌪𑍍𑌰𑌭𑍁𑌃 ।
𑌪𑌾𑌯𑌤𑍍𑌯𑍇𑌷 𑌤𑌪𑌤𑍍𑌯𑍇𑌷 𑌵𑌰𑍍𑌷𑌤𑍍𑌯𑍇𑌷 𑌗𑌭𑌸𑍍𑌤𑌿𑌭𑌿𑌃 ॥ 22 ॥
𑌏𑌷 𑌸𑍁𑌪𑍍𑌤𑍇𑌷𑍁 𑌜𑌾𑌗𑌰𑍍𑌤𑌿 𑌭𑍂𑌤𑍇𑌷𑍁 𑌪𑌰𑌿𑌨𑌿𑌷𑍍𑌠𑌿𑌤𑌃 ।
𑌏𑌷 𑌏𑌵𑌾𑌗𑍍𑌨𑌿𑌹𑍋𑌤𑍍𑌰𑌂 𑌚 𑌫𑌲𑌂 𑌚𑍈𑌵𑌾𑌗𑍍𑌨𑌿 𑌹𑍋𑌤𑍍𑌰𑌿𑌣𑌾𑌮𑍍 ॥ 23 ॥
𑌵𑍇𑌦𑌾𑌶𑍍𑌚 𑌕𑍍𑌰𑌤𑌵𑌶𑍍𑌚𑍈𑌵 𑌕𑍍𑌰𑌤𑍂𑌨𑌾𑌂 𑌫𑌲𑌮𑍇𑌵 𑌚 ।
𑌯𑌾𑌨𑌿 𑌕𑍃𑌤𑍍𑌯𑌾𑌨𑌿 𑌲𑍋𑌕𑍇𑌷𑍁 𑌸𑌰𑍍𑌵 𑌏𑌷 𑌰𑌵𑌿𑌃 𑌪𑍍𑌰𑌭𑍁𑌃 ॥ 24 ॥
𑌫𑌲𑌶𑍍𑌰𑍁𑌤𑌿𑌃
𑌏𑌨 𑌮𑌾𑌪𑌤𑍍𑌸𑍁 𑌕𑍃𑌚𑍍𑌛𑍍𑌰𑍇𑌷𑍁 𑌕𑌾𑌨𑍍𑌤𑌾𑌰𑍇𑌷𑍁 𑌭𑌯𑍇𑌷𑍁 𑌚 ।
𑌕𑍀𑌰𑍍𑌤𑌯𑌨𑍍 𑌪𑍁𑌰𑍁𑌷𑌃 𑌕𑌶𑍍𑌚𑌿𑌨𑍍𑌨𑌾𑌵𑌶𑍀𑌦𑌤𑌿 𑌰𑌾𑌘𑌵 ॥ 25 ॥
𑌪𑍂𑌜𑌯𑌸𑍍𑌵𑍈𑌨 𑌮𑍇𑌕𑌾𑌗𑍍𑌰𑌃 𑌦𑍇𑌵𑌦𑍇𑌵𑌂 𑌜𑌗𑌤𑍍𑌪𑌤𑌿𑌮𑍍 ।
𑌏𑌤𑌤𑍍 𑌤𑍍𑌰𑌿𑌗𑍁𑌣𑌿𑌤𑌂 𑌜𑌪𑍍𑌤𑍍𑌵𑌾 𑌯𑍁𑌦𑍍𑌧𑍇𑌷𑍁 𑌵𑌿𑌜𑌯𑌿𑌷𑍍𑌯𑌸𑌿 ॥ 26 ॥
𑌅𑌸𑍍𑌮𑌿𑌨𑍍 𑌕𑍍𑌷𑌣𑍇 𑌮𑌹𑌾𑌬𑌾𑌹𑍋 𑌰𑌾𑌵𑌣𑌂 𑌤𑍍𑌵𑌂 𑌵𑌧𑌿𑌷𑍍𑌯𑌸𑌿 ।
𑌏𑌵𑌮𑍁𑌕𑍍𑌤𑍍𑌵𑌾 𑌤𑌦𑌾𑌗𑌸𑍍𑌤𑍍𑌯𑍋 𑌜𑌗𑌾𑌮 𑌚 𑌯𑌥𑌾𑌗𑌤𑌮𑍍 ॥ 27 ॥
𑌏𑌤𑌚𑍍𑌛𑍍𑌰𑍁𑌤𑍍𑌵𑌾 𑌮𑌹𑌾𑌤𑍇𑌜𑌾𑌃 𑌨𑌷𑍍𑌟𑌶𑍋𑌕𑍋𑌽𑌭𑌵𑌤𑍍𑌤𑌦𑌾 ।
𑌧𑌾𑌰𑌯𑌾𑌮𑌾𑌸 𑌸𑍁𑌪𑍍𑌰𑍀𑌤𑌃 𑌰𑌾𑌘𑌵𑌃 𑌪𑍍𑌰𑌯𑌤𑌾𑌤𑍍𑌮𑌵𑌾𑌨𑍍 ॥ 28 ॥
𑌆𑌦𑌿𑌤𑍍𑌯𑌂 𑌪𑍍𑌰𑍇𑌕𑍍𑌷𑍍𑌯 𑌜𑌪𑍍𑌤𑍍𑌵𑌾 𑌤𑍁 𑌪𑌰𑌂 𑌹𑌰𑍍𑌷𑌮𑌵𑌾𑌪𑍍𑌤𑌵𑌾𑌨𑍍 ।
𑌤𑍍𑌰𑌿𑌰𑌾𑌚𑌮𑍍𑌯 𑌶𑍁𑌚𑌿𑌰𑍍𑌭𑍂𑌤𑍍𑌵𑌾 𑌧𑌨𑍁𑌰𑌾𑌦𑌾𑌯 𑌵𑍀𑌰𑍍𑌯𑌵𑌾𑌨𑍍 ॥ 29 ॥
𑌰𑌾𑌵𑌣𑌂 𑌪𑍍𑌰𑍇𑌕𑍍𑌷𑍍𑌯 𑌹𑍃𑌷𑍍𑌟𑌾𑌤𑍍𑌮𑌾 𑌯𑍁𑌦𑍍𑌧𑌾𑌯 𑌸𑌮𑍁𑌪𑌾𑌗𑌮𑌤𑍍 ।
𑌸𑌰𑍍𑌵𑌯𑌤𑍍𑌨𑍇𑌨 𑌮𑌹𑌤𑌾 𑌵𑌧𑍇 𑌤𑌸𑍍𑌯 𑌧𑍃𑌤𑍋𑌽𑌭𑌵𑌤𑍍 ॥ 30 ॥
𑌅𑌧 𑌰𑌵𑌿𑌰𑌵𑌦𑌨𑍍𑌨𑌿𑌰𑍀𑌕𑍍𑌷𑍍𑌯 𑌰𑌾𑌮𑌂 𑌮𑍁𑌦𑌿𑌤𑌮𑌨𑌾𑌃 𑌪𑌰𑌮𑌂 𑌪𑍍𑌰𑌹𑍃𑌷𑍍𑌯𑌮𑌾𑌣𑌃 ।
𑌨𑌿𑌶𑌿𑌚𑌰𑌪𑌤𑌿 𑌸𑌙𑍍𑌕𑍍𑌷𑌯𑌂 𑌵𑌿𑌦𑌿𑌤𑍍𑌵𑌾 𑌸𑍁𑌰𑌗𑌣 𑌮𑌧𑍍𑌯𑌗𑌤𑍋 𑌵𑌚𑌸𑍍𑌤𑍍𑌵𑌰𑍇𑌤𑌿 ॥ 31 ॥
𑌇𑌤𑍍𑌯𑌾𑌰𑍍𑌷𑍇 𑌶𑍍𑌰𑍀𑌮𑌦𑍍𑌰𑌾𑌮𑌾𑌯𑌣𑍇 𑌵𑌾𑌲𑍍𑌮𑌿𑌕𑍀𑌯𑍇 𑌆𑌦𑌿𑌕𑌾𑌵𑍍𑌯𑍇 𑌯𑍁𑌦𑍍𑌧𑌕𑌾𑌣𑍍𑌡𑍇 𑌪𑌞𑍍𑌚𑌾𑌧𑌿𑌕 𑌶𑌤𑌤𑌮𑌃 𑌸𑌰𑍍𑌗𑌃 ॥
Roman (IAST) Transliteration
dhyānam
namassavitre jagadeka cakṣuse
jagatprasūti sthiti nāśahetave
trayīmayāya triguṇātma dhāriṇe
viriñci nārāyaṇa śaṅkarātmane
tato yuddha pariśrāntaṃ samare cintayāsthitam |
rāvaṇaṃ cāgrato dṛṣṭvā yuddhāya samupasthitam || 1 ||
daivataiśca samāgamya draṣṭumabhyāgato raṇam |
upāgamyābravīdrāmaṃ agastyo bhagavān ṛṣiḥ || 2 ||
rāma rāma mahābāho śṛṇu guhyaṃ sanātanam |
yena sarvānarīn vatsa samare vijayiṣyasi || 3 ||
ādityahṛdayaṃ puṇyaṃ sarvaśatru-vināśanam |
jayāvahaṃ japennityaṃ akṣayyaṃ paramaṃ śivam || 4 ||
sarvamaṅgala-māṅgalyaṃ sarvapāpa-praṇāśanam |
cintāśoka-praśamanaṃ āyurvardhanamuttamam || 5 ||
raśmimantaṃ samudyantaṃ devāsura namaskṛtam |
pūjayasva vivasvantaṃ bhāskaraṃ bhuvaneśvaram || 6 ||
sarvadevātmako hyeṣa tejasvī raśmibhāvanaḥ |
eṣa devāsura-gaṇān lokān pāti gabhastibhiḥ || 7 ||
eṣa brahmā ca viṣṇuśca śivaḥ skandaḥ prajāpatiḥ |
mahendro dhanadaḥ kālo yamaḥ somo hyapāṃ patiḥ || 8 ||
pitaro vasavaḥ sādhyā hyaśvinau maruto manuḥ |
vāyurvahniḥ prajāprāṇaḥ ṛtukartā prabhākaraḥ || 9 ||
ādityaḥ savitā sūryaḥ khagaḥ pūṣā gabhastimān |
suvarṇasadṛśo bhānuḥ hiraṇyaretā divākaraḥ || 10 || [svaraṇaretā divākaraḥ]
haridaśvaḥ sahasrārciḥ saptasapti-rmarīcimān |
timironmathanaḥ śambhuḥ tvaṣṭā mārtāṇḍakoṃ'śumān || 11 ||
hiraṇyagarbhaḥ śiśiraḥ tapano bhāskaro raviḥ |
agnigarbho'diteḥ putraḥ śaṅkhaḥ śiśiranāśanaḥ || 12 ||
vyomanātha-stamobhedī ṛgyajuḥsāma-pāragaḥ |
ghanāvṛṣṭirapāṃ mitraḥ vindhyavīthī plavaṅgamaḥ || 13 ||
ātapī maṇḍalī mṛtyuḥ piṅgalaḥ sarvatāpanaḥ |
kavirviśvo mahātejā raktaḥ sarvabhavodbhavaḥ || 14 ||
nakṣatra graha tārāṇāṃ adhipo viśvabhāvanaḥ |
tejasāmapi tejasvī dvādaśātma-nnamo'stu te || 15 ||
namaḥ pūrvāya giraye paścimāyādraye namaḥ |
jyotirgaṇānāṃ pataye dinādhipataye namaḥ || 16 ||
jayāya jayabhadrāya haryaśvāya namo namaḥ |
namo namaḥ sahasrāṃśo ādityāya namo namaḥ || 17 ||
nama ugrāya vīrāya sāraṅgāya namo namaḥ |
namaḥ padmaprabodhāya mārtāṇḍāya namo namaḥ || 18 ||
brahmeśānācyuteśāya sūryāyāditya-varcase |
bhāsvate sarvabhakṣāya raudrāya vapuṣe namaḥ || 19 ||
tamoghnāya himaghnāya śatrughnāyā mitātmane |
kṛtaghnaghnāya devāya jyotiṣāṃ pataye namaḥ || 20 ||
tapta cāmīkarābhāya vahnaye viśvakarmaṇe |
namastamo'bhi nighnāya ravaye lokasākṣiṇe || 21 ||
nāśayatyeṣa vai bhūtaṃ tadeva sṛjati prabhuḥ |
pāyatyeṣa tapatyeṣa varṣatyeṣa gabhastibhiḥ || 22 ||
eṣa supteṣu jāgarti bhūteṣu pariniṣṭhitaḥ |
eṣa evāgnihotraṃ ca phalaṃ caivāgni hotriṇām || 23 ||
vedāśca kratavaścaiva kratūnāṃ phalameva ca |
yāni kṛtyāni lokeṣu sarva eṣa raviḥ prabhuḥ || 24 ||
phalaśrutiḥ
ena māpatsu kṛcchreṣu kāntāreṣu bhayeṣu ca |
kīrtayan puruṣaḥ kaścinnāvaśīdati rāghava || 25 ||
pūjayasvaina mekāgraḥ devadevaṃ jagatpatim |
etat triguṇitaṃ japtvā yuddheṣu vijayiṣyasi || 26 ||
asmin kṣaṇe mahābāho rāvaṇaṃ tvaṃ vadhiṣyasi |
evamuktvā tadāgastyo jagāma ca yathāgatam || 27 ||
etacchrutvā mahātejāḥ naṣṭaśoko'bhavattadā |
dhārayāmāsa suprītaḥ rāghavaḥ prayatātmavān || 28 ||
ādityaṃ prekṣya japtvā tu paraṃ harṣamavāptavān |
trirācamya śucirbhūtvā dhanurādāya vīryavān || 29 ||
rāvaṇaṃ prekṣya hṛṣṭātmā yuddhāya samupāgamat |
sarvayatnena mahatā vadhe tasya dhṛto'bhavat || 30 ||
adha raviravadannirīkṣya rāmaṃ muditamanāḥ paramaṃ prahṛṣyamāṇaḥ |
niśicarapati saṅkṣayaṃ viditvā suragaṇa madhyagato vacastvareti || 31 ||
ityārṣe śrīmadrāmāyaṇe vālmikīye ādikāvye yuddhakāṇḍe pañcādhika śatatamaḥ sargaḥ ||
InfoLyter.in — Sacred Vedic Knowledge Portal · Free forever