ଶ୍ରୀମଦ୍ଵାଲ୍ମୀକୀଯ ରାମାଯଣେ ଅଯୋଧ୍ଯାକାଣ୍ଡମ୍ ।
ଅଥ ତ୍ର୍ଯାଶୀତିତମସ୍ସର୍ଗଃ ।
ତତ ସ୍ସମୁତ୍ଥିତଃ କାଲ୍ଯମାସ୍ଥାଯ ସ୍ଯନ୍ଦନୋତ୍ତମମ୍ ।
ପ୍ରଯଯୌ ଭରତଶ୍ଶୀଘ୍ରଂ ରାମଦର୍ଶନକାଙ୍କ୍ଷଯା ॥ 1 ॥
ଅଗ୍ରତଃ ପ୍ରଯଯୁସ୍ତସ୍ଯ ସର୍ଵେ ମନ୍ତ୍ରିପୁରୋଧସଃ ।
ଅଧିରୁହ୍ଯ ହଯୈର୍ଯୁକ୍ତାନ୍ରଥାନ୍ସୂର୍ଯରଥୋପମାନ୍ ॥ 2 ॥
ନଵନାଗସହସ୍ରାଣି କଲ୍ପିତାନି ଯଥାଵିଧି ।
ଅନ୍ଵଯୁର୍ଭରତଂ ଯାନ୍ତମିକ୍ଷ୍ଵାକୁକୁଲନନ୍ଦନମ୍ ॥ 3 ॥
ଷଷ୍ଟୀ ରଥସହସ୍ରାଣି ଧନ୍ଵିନୋ ଵିଵିଧାଯୁଧାଃ ।
ଅନ୍ଵଯୁର୍ଭରତଂ ଯାନ୍ତଂ ରାଜପୁତ୍ରଂ ଯଶସ୍ଵିନମ୍ ॥ 4 ॥
ଶତଂ ସହସ୍ରାଣ୍ଯଶ୍ଵାନାଂ ସମାରୂଢାନି ରାଘଵମ୍ ।
ଅନ୍ଵଯୁର୍ଭରତଂ ଯାନ୍ତଂ ସତ୍ଯସନ୍ଧଂ ଜିତେନ୍ଦ୍ରିଯମ୍ ॥ 5 ॥
କୈକେଯୀ ଚ ସୁମିତ୍ରା ଚ କୌସଲ୍ଯା ଚ ଯଶସ୍ଵିନୀ ।
ରାମାନଯନସଂହୃଷ୍ଟା ଯଯୁର୍ଯାନେନ ଭାସ୍ଵତା ॥ 6 ॥
ପ୍ରଯାତାଶ୍ଚାର୍ଯସଙ୍ଘାତା ରାମଂ ଦ୍ରଷ୍ଟୁଂ ସଲକ୍ଷ୍ମଣମ୍ ।
ତସ୍ଯୈଵ ଚ କଥାଶ୍ଚିତ୍ରାଃ କୁର୍ଵାଣା ହୃଷ୍ଟମାନସାଃ ॥ 7 ॥
ମେଘଶ୍ଯାମଂ ମହାବାହୁଂ ସ୍ଥିରସତ୍ତ୍ଵଂ ଦୃଢଵ୍ରତମ୍ ।
କଦା ଦ୍ରକ୍ଷ୍ଯାମହେ ରାମଂ ଜଗତ ଶ୍ଶୋକନାଶନମ୍ ॥ 8 ॥
ଦୃଷ୍ଟ ଏଵ ହି ନ ଶ୍ଶୋକମପନେଷ୍ଯତି ରାଘଵଃ ।
ତମ ସ୍ସର୍ଵସ୍ଯ ଲୋକସ୍ଯ ସମୁଦ୍ଯନ୍ନିଵ ଭାସ୍କରଃ ॥ 9 ॥
ଇତ୍ଯେଵଂ କଥଯନ୍ତସ୍ତେ ସମ୍ପ୍ରହୃଷ୍ଟାଃ କଥା ଶ୍ଶୁଭାଃ ।
ପରିଷ୍ଵଜାନାଶ୍ଚାନ୍ଯୋନ୍ଯଂ ଯଯୁର୍ନାଗରିକା ଜନାଃ ॥ 10 ॥
ଯେ ଚ ତତ୍ରାପରେ ସର୍ଵେ ସମ୍ମତା ଯେ ଚ ନୈଗମାଃ ।
ରାମଂ ପ୍ରତି ଯଯୁର୍ହୃଷ୍ଟା ସ୍ସର୍ଵାଃ ପ୍ରକୃତଯସ୍ତଥା ॥ 11 ॥
ମଣିକାରାଶ୍ଚ ଯେ କେଚିତ୍କୁମ୍ଭକାରାଶ୍ଚ ଶୋଭନାଃ ।
ସୂତ୍ରକର୍ମକୃତଶ୍ଚୈଵ ଯେ ଚ ଶସ୍ତ୍ରୋପଜୀଵିନଃ ॥ 12 ॥
ମଯୂରକାଃ କ୍ରାକଚିକା ରୋଚକା ଵେଧକାସ୍ତଥା ।
ଦନ୍ତକାରା ସ୍ସୁଧାକାରା ସ୍ତଥା ଗନ୍ଧୋପଜୀଵିନଃ ॥ 13 ॥
ସୁଵର୍ଣକାରାଃ ପ୍ରଖ୍ଯାତାସ୍ତଥା କମ୍ବଲଧାଵକାଃ ।
ସ୍ନାପକୋଷ୍ଣୋଦକା ଵୈଦ୍ଯାଧୂପକାଶ୍ଶୌଣ୍ଡିକାସ୍ତଥା ॥ 14 ॥
ରଜକାସ୍ତୁନ୍ନଵାଯାଶ୍ଚ ଗ୍ରାମଘୋଷମହତ୍ତରାଃ ।
ଶୈଲୂଷାଶ୍ଚ ସହ ସ୍ତ୍ରୀଭିର୍ଯଯୁଃ କୈଵର୍ତକାସ୍ତଥା ॥ 15 ॥
ସମାହିତା ଵେଦଵିଦୋ ବ୍ରାହ୍ମଣା ଵୃତ୍ତସମ୍ମତାଃ ।
ଗୋରଥୈର୍ଭରତଂ ଯାନ୍ତମନୁଜଗ୍ମୁ ସ୍ସହସ୍ରଶଃ ॥ 16 ॥
ସୁଵେଷା ଶ୍ଶୁଦ୍ଧଵସନାସ୍ତାମ୍ରମୃଷ୍ଟାନୁଲେପନାଃ ।
ସର୍ଵେ ତେ ଵିଵିଧୈର୍ଯାନୈ ଶ୍ଶନୈର୍ଭରତମନ୍ଵଯୁଃ ॥ 17 ॥
ପ୍ରହୃଷ୍ଟମୁଦିତା ସେନା ସାଽନ୍ଵଯାତ୍କୈକଯୀସୁତମ୍ ।
ଭ୍ରାତୁରାନଯନେ ଯାନ୍ତଂ ଭରତଂ ଭ୍ରାତୃଵତ୍ସଲମ୍ ॥ 18 ॥
ତେ ଗତ୍ଵା ଦୂରମଧ୍ଵାନଂ ରଥଯାନାଶ୍ଵକୁଞ୍ଜରୈଃ ।
ସମାସେଦୁସ୍ତତୋ ଗଙ୍ଗାଂ ଶୃଙ୍ଗୀବେରପୁରଂ ପ୍ରତି ॥ 19 ॥
ଯତ୍ର ରାମସଖୋ ଵୀରୋ ଗୁହୋ ଜ୍ଞାତିଗଣୈର୍ଵୃତଃ ।
ନିଵସତ୍ଯପ୍ରମାଦେନ ଦେଶଂ ତଂ ପରିପାଲଯନ୍ ॥ 20 ॥
ଉପେତ୍ଯ ତୀରଂ ଗଙ୍ଗାଯାଶ୍ଚକ୍ରଵାକୈରଲଙ୍କୃତମ୍ ।
ଵ୍ଯଵାତିଷ୍ଠତ ସା ସେନା ଭରତସ୍ଯାନୁଯାଯିନୀ ॥ 21 ॥
ନିରୀକ୍ଷ୍ଯାନୁଗତାଂ ସେନାଂ ତାଂ ଚ ଗଙ୍ଗାଂ ଶିଵୋଦକାମ୍ ।
ଭରତସ୍ସଚିଵାନ୍ସର୍ଵାନବ୍ରଵୀଦ୍ଵାକ୍ଯକୋଵିଦଃ ॥ 22 ॥
ନିଵେଶଯତ ମେ ସୈନ୍ଯମଭିପ୍ରାଯେଣ ସର୍ଵତଃ ।
ଵିଶ୍ରାନ୍ତାଃ ପ୍ରତରିଷ୍ଯାମଶ୍ଶ୍ଵ ଇଦାନୀମିମାଂ ନଦୀମ୍ ॥ 23 ॥
ଦାତୁଂ ଚ ତାଵଦିଚ୍ଛାମି ସ୍ଵର୍ଗତସ୍ଯ ମହୀପତେଃ ।
ଔର୍ଧ୍ଵଦେହନିମିତ୍ତାର୍ଥମଵତୀର୍ଯୋଦକଂ ନଦୀମ୍ ॥ 24 ॥
ତସ୍ଯୈଵଂ ବ୍ରୁଵତୋଽମାତ୍ଯାସ୍ତଥେତ୍ଯୁକ୍ତ୍ଵା ସମାହିତାଃ ।
ନ୍ଯଵେଶଯଂସ୍ତାଂ ଛନ୍ଦେନ ସ୍ଵେନ ସ୍ଵେନ ପୃଥକ୍ପୃଥକ୍ ॥ 25 ॥
ନିଵେଶ୍ଯ ଗଙ୍ଗାମନୁ ତାଂ ମହାନଦୀଂ ଚମୂଂ ଵିଧାନୈଃ ପରିବର୍ହଶୋଭିନୀମ୍ ।
ଉଵାସ ରାମସ୍ଯ ତଦା ମହାତ୍ମନୋ ଵିଚିନ୍ତଯାନୋ ଭରତୋ ନିଵର୍ତନମ୍ ॥ 26 ॥
ଇତ୍ଯାର୍ଷେ ଶ୍ରୀମଦ୍ରାମାଯଣେ ଵାଲ୍ମୀକୀଯ ଆଦିକାଵ୍ଯେ ଅଯୋଧ୍ଯାକାଣ୍ଡେ ତ୍ର୍ଯାଶୀତିତମସ୍ସର୍ଗଃ ॥
Roman (IAST) Transliteration
śrīmadvālmīkīya rāmāyaṇe ayodhyākāṇḍam |
atha tryāśītitamassargaḥ |
tata ssamutthitaḥ kālyamāsthāya syandanottamam |
prayayau bharataśśīghraṃ rāmadarśanakāṅkṣayā || 1 ||
agrataḥ prayayustasya sarve mantripurodhasaḥ |
adhiruhya hayairyuktānrathānsūryarathopamān || 2 ||
navanāgasahasrāṇi kalpitāni yathāvidhi |
anvayurbharataṃ yāntamikṣvākukulanandanam || 3 ||
ṣaṣṭī rathasahasrāṇi dhanvino vividhāyudhāḥ |
anvayurbharataṃ yāntaṃ rājaputraṃ yaśasvinam || 4 ||
śataṃ sahasrāṇyaśvānāṃ samārūḍhāni rāghavam |
anvayurbharataṃ yāntaṃ satyasandhaṃ jitendriyam || 5 ||
kaikeyī ca sumitrā ca kausalyā ca yaśasvinī |
rāmānayanasaṃhṛṣṭā yayuryānena bhāsvatā || 6 ||
prayātāścāryasaṅghātā rāmaṃ draṣṭuṃ salakṣmaṇam |
tasyaiva ca kathāścitrāḥ kurvāṇā hṛṣṭamānasāḥ || 7 ||
meghaśyāmaṃ mahābāhuṃ sthirasattvaṃ dṛḍhavratam |
kadā drakṣyāmahe rāmaṃ jagata śśokanāśanam || 8 ||
dṛṣṭa eva hi na śśokamapaneṣyati rāghavaḥ |
tama ssarvasya lokasya samudyanniva bhāskaraḥ || 9 ||
ityevaṃ kathayantaste samprahṛṣṭāḥ kathā śśubhāḥ |
pariṣvajānāścānyonyaṃ yayurnāgarikā janāḥ || 10 ||
ye ca tatrāpare sarve sammatā ye ca naigamāḥ |
rāmaṃ prati yayurhṛṣṭā ssarvāḥ prakṛtayastathā || 11 ||
maṇikārāśca ye kecitkumbhakārāśca śobhanāḥ |
sūtrakarmakṛtaścaiva ye ca śastropajīvinaḥ || 12 ||
mayūrakāḥ krākacikā rocakā vedhakāstathā |
dantakārā ssudhākārā stathā gandhopajīvinaḥ || 13 ||
suvarṇakārāḥ prakhyātāstathā kambaladhāvakāḥ |
snāpakoṣṇodakā vaidyādhūpakāśśauṇḍikāstathā || 14 ||
rajakāstunnavāyāśca grāmaghoṣamahattarāḥ |
śailūṣāśca saha strībhiryayuḥ kaivartakāstathā || 15 ||
samāhitā vedavido brāhmaṇā vṛttasammatāḥ |
gorathairbharataṃ yāntamanujagmu ssahasraśaḥ || 16 ||
suveṣā śśuddhavasanāstāmramṛṣṭānulepanāḥ |
sarve te vividhairyānai śśanairbharatamanvayuḥ || 17 ||
prahṛṣṭamuditā senā sā'nvayātkaikayīsutam |
bhrāturānayane yāntaṃ bharataṃ bhrātṛvatsalam || 18 ||
te gatvā dūramadhvānaṃ rathayānāśvakuñjaraiḥ |
samāsedustato gaṅgāṃ śṛṅgīberapuraṃ prati || 19 ||
yatra rāmasakho vīro guho jñātigaṇairvṛtaḥ |
nivasatyapramādena deśaṃ taṃ paripālayan || 20 ||
upetya tīraṃ gaṅgāyāścakravākairalaṅkṛtam |
vyavātiṣṭhata sā senā bharatasyānuyāyinī || 21 ||
nirīkṣyānugatāṃ senāṃ tāṃ ca gaṅgāṃ śivodakām |
bharatassacivānsarvānabravīdvākyakovidaḥ || 22 ||
niveśayata me sainyamabhiprāyeṇa sarvataḥ |
viśrāntāḥ pratariṣyāmaśśva idānīmimāṃ nadīm || 23 ||
dātuṃ ca tāvadicchāmi svargatasya mahīpateḥ |
aurdhvadehanimittārthamavatīryodakaṃ nadīm || 24 ||
tasyaivaṃ bruvato'mātyāstathetyuktvā samāhitāḥ |
nyaveśayaṃstāṃ chandena svena svena pṛthakpṛthak || 25 ||
niveśya gaṅgāmanu tāṃ mahānadīṃ camūṃ vidhānaiḥ paribarhaśobhinīm |
uvāsa rāmasya tadā mahātmano vicintayāno bharato nivartanam || 26 ||
ityārṣe śrīmadrāmāyaṇe vālmīkīya ādikāvye ayodhyākāṇḍe tryāśītitamassargaḥ ||
Sanskrit — Devanagari (original)
श्रीमद्वाल्मीकीय रामायणे अयोध्याकाण्डम् ।
अथ त्र्याशीतितमस्सर्गः ।
तत स्समुत्थितः काल्यमास्थाय स्यन्दनोत्तमम् ।
प्रययौ भरतश्शीघ्रं रामदर्शनकाङ्क्षया ॥ 1 ॥
अग्रतः प्रययुस्तस्य सर्वे मन्त्रिपुरोधसः ।
अधिरुह्य हयैर्युक्तान्रथान्सूर्यरथोपमान् ॥ 2 ॥
नवनागसहस्राणि कल्पितानि यथाविधि ।
अन्वयुर्भरतं यान्तमिक्ष्वाकुकुलनन्दनम् ॥ 3 ॥
षष्टी रथसहस्राणि धन्विनो विविधायुधाः ।
अन्वयुर्भरतं यान्तं राजपुत्रं यशस्विनम् ॥ 4 ॥
शतं सहस्राण्यश्वानां समारूढानि राघवम् ।
अन्वयुर्भरतं यान्तं सत्यसन्धं जितेन्द्रियम् ॥ 5 ॥
कैकेयी च सुमित्रा च कौसल्या च यशस्विनी ।
रामानयनसंहृष्टा ययुर्यानेन भास्वता ॥ 6 ॥
प्रयाताश्चार्यसङ्घाता रामं द्रष्टुं सलक्ष्मणम् ।
तस्यैव च कथाश्चित्राः कुर्वाणा हृष्टमानसाः ॥ 7 ॥
मेघश्यामं महाबाहुं स्थिरसत्त्वं दृढव्रतम् ।
कदा द्रक्ष्यामहे रामं जगत श्शोकनाशनम् ॥ 8 ॥
दृष्ट एव हि न श्शोकमपनेष्यति राघवः ।
तम स्सर्वस्य लोकस्य समुद्यन्निव भास्करः ॥ 9 ॥
इत्येवं कथयन्तस्ते सम्प्रहृष्टाः कथा श्शुभाः ।
परिष्वजानाश्चान्योन्यं ययुर्नागरिका जनाः ॥ 10 ॥
ये च तत्रापरे सर्वे सम्मता ये च नैगमाः ।
रामं प्रति ययुर्हृष्टा स्सर्वाः प्रकृतयस्तथा ॥ 11 ॥
मणिकाराश्च ये केचित्कुम्भकाराश्च शोभनाः ।
सूत्रकर्मकृतश्चैव ये च शस्त्रोपजीविनः ॥ 12 ॥
मयूरकाः क्राकचिका रोचका वेधकास्तथा ।
दन्तकारा स्सुधाकारा स्तथा गन्धोपजीविनः ॥ 13 ॥
सुवर्णकाराः प्रख्यातास्तथा कम्बलधावकाः ।
स्नापकोष्णोदका वैद्याधूपकाश्शौण्डिकास्तथा ॥ 14 ॥
रजकास्तुन्नवायाश्च ग्रामघोषमहत्तराः ।
शैलूषाश्च सह स्त्रीभिर्ययुः कैवर्तकास्तथा ॥ 15 ॥
समाहिता वेदविदो ब्राह्मणा वृत्तसम्मताः ।
गोरथैर्भरतं यान्तमनुजग्मु स्सहस्रशः ॥ 16 ॥
सुवेषा श्शुद्धवसनास्ताम्रमृष्टानुलेपनाः ।
सर्वे ते विविधैर्यानै श्शनैर्भरतमन्वयुः ॥ 17 ॥
प्रहृष्टमुदिता सेना साऽन्वयात्कैकयीसुतम् ।
भ्रातुरानयने यान्तं भरतं भ्रातृवत्सलम् ॥ 18 ॥
ते गत्वा दूरमध्वानं रथयानाश्वकुञ्जरैः ।
समासेदुस्ततो गङ्गां शृङ्गीबेरपुरं प्रति ॥ 19 ॥
यत्र रामसखो वीरो गुहो ज्ञातिगणैर्वृतः ।
निवसत्यप्रमादेन देशं तं परिपालयन् ॥ 20 ॥
उपेत्य तीरं गङ्गायाश्चक्रवाकैरलङ्कृतम् ।
व्यवातिष्ठत सा सेना भरतस्यानुयायिनी ॥ 21 ॥
निरीक्ष्यानुगतां सेनां तां च गङ्गां शिवोदकाम् ।
भरतस्सचिवान्सर्वानब्रवीद्वाक्यकोविदः ॥ 22 ॥
निवेशयत मे सैन्यमभिप्रायेण सर्वतः ।
विश्रान्ताः प्रतरिष्यामश्श्व इदानीमिमां नदीम् ॥ 23 ॥
दातुं च तावदिच्छामि स्वर्गतस्य महीपतेः ।
और्ध्वदेहनिमित्तार्थमवतीर्योदकं नदीम् ॥ 24 ॥
तस्यैवं ब्रुवतोऽमात्यास्तथेत्युक्त्वा समाहिताः ।
न्यवेशयंस्तां छन्देन स्वेन स्वेन पृथक्पृथक् ॥ 25 ॥
निवेश्य गङ्गामनु तां महानदीं चमूं विधानैः परिबर्हशोभिनीम् ।
उवास रामस्य तदा महात्मनो विचिन्तयानो भरतो निवर्तनम् ॥ 26 ॥
इत्यार्षे श्रीमद्रामायणे वाल्मीकीय आदिकाव्ये अयोध्याकाण्डे त्र्याशीतितमस्सर्गः ॥
śrīmadvālmīkīya rāmāyaṇe ayodhyākāṇḍam |
atha tryāśītitamassargaḥ |
tata ssamutthitaḥ kālyamāsthāya syandanottamam |
prayayau bharataśśīghraṃ rāmadarśanakāṅkṣayā || 1 ||
agrataḥ prayayustasya sarve mantripurodhasaḥ |
adhiruhya hayairyuktānrathānsūryarathopamān || 2 ||
navanāgasahasrāṇi kalpitāni yathāvidhi |
anvayurbharataṃ yāntamikṣvākukulanandanam || 3 ||
ṣaṣṭī rathasahasrāṇi dhanvino vividhāyudhāḥ |
anvayurbharataṃ yāntaṃ rājaputraṃ yaśasvinam || 4 ||
śataṃ sahasrāṇyaśvānāṃ samārūḍhāni rāghavam |
anvayurbharataṃ yāntaṃ satyasandhaṃ jitendriyam || 5 ||
kaikeyī ca sumitrā ca kausalyā ca yaśasvinī |
rāmānayanasaṃhṛṣṭā yayuryānena bhāsvatā || 6 ||
prayātāścāryasaṅghātā rāmaṃ draṣṭuṃ salakṣmaṇam |
tasyaiva ca kathāścitrāḥ kurvāṇā hṛṣṭamānasāḥ || 7 ||
meghaśyāmaṃ mahābāhuṃ sthirasattvaṃ dṛḍhavratam |
kadā drakṣyāmahe rāmaṃ jagata śśokanāśanam || 8 ||
dṛṣṭa eva hi na śśokamapaneṣyati rāghavaḥ |
tama ssarvasya lokasya samudyanniva bhāskaraḥ || 9 ||
ityevaṃ kathayantaste samprahṛṣṭāḥ kathā śśubhāḥ |
pariṣvajānāścānyonyaṃ yayurnāgarikā janāḥ || 10 ||
ye ca tatrāpare sarve sammatā ye ca naigamāḥ |
rāmaṃ prati yayurhṛṣṭā ssarvāḥ prakṛtayastathā || 11 ||
maṇikārāśca ye kecitkumbhakārāśca śobhanāḥ |
sūtrakarmakṛtaścaiva ye ca śastropajīvinaḥ || 12 ||
mayūrakāḥ krākacikā rocakā vedhakāstathā |
dantakārā ssudhākārā stathā gandhopajīvinaḥ || 13 ||
suvarṇakārāḥ prakhyātāstathā kambaladhāvakāḥ |
snāpakoṣṇodakā vaidyādhūpakāśśauṇḍikāstathā || 14 ||
rajakāstunnavāyāśca grāmaghoṣamahattarāḥ |
śailūṣāśca saha strībhiryayuḥ kaivartakāstathā || 15 ||
samāhitā vedavido brāhmaṇā vṛttasammatāḥ |
gorathairbharataṃ yāntamanujagmu ssahasraśaḥ || 16 ||
suveṣā śśuddhavasanāstāmramṛṣṭānulepanāḥ |
sarve te vividhairyānai śśanairbharatamanvayuḥ || 17 ||
prahṛṣṭamuditā senā sā'nvayātkaikayīsutam |
bhrāturānayane yāntaṃ bharataṃ bhrātṛvatsalam || 18 ||
te gatvā dūramadhvānaṃ rathayānāśvakuñjaraiḥ |
samāsedustato gaṅgāṃ śṛṅgīberapuraṃ prati || 19 ||
yatra rāmasakho vīro guho jñātigaṇairvṛtaḥ |
nivasatyapramādena deśaṃ taṃ paripālayan || 20 ||
upetya tīraṃ gaṅgāyāścakravākairalaṅkṛtam |
vyavātiṣṭhata sā senā bharatasyānuyāyinī || 21 ||
nirīkṣyānugatāṃ senāṃ tāṃ ca gaṅgāṃ śivodakām |
bharatassacivānsarvānabravīdvākyakovidaḥ || 22 ||
niveśayata me sainyamabhiprāyeṇa sarvataḥ |
viśrāntāḥ pratariṣyāmaśśva idānīmimāṃ nadīm || 23 ||
dātuṃ ca tāvadicchāmi svargatasya mahīpateḥ |
aurdhvadehanimittārthamavatīryodakaṃ nadīm || 24 ||
tasyaivaṃ bruvato'mātyāstathetyuktvā samāhitāḥ |
nyaveśayaṃstāṃ chandena svena svena pṛthakpṛthak || 25 ||
niveśya gaṅgāmanu tāṃ mahānadīṃ camūṃ vidhānaiḥ paribarhaśobhinīm |
uvāsa rāmasya tadā mahātmano vicintayāno bharato nivartanam || 26 ||
ityārṣe śrīmadrāmāyaṇe vālmīkīya ādikāvye ayodhyākāṇḍe tryāśītitamassargaḥ ||
🕉️ This is the original Sanskrit rendered in Oriya script.
Pronunciation is identical to the Sanskrit Devanagari version.