𑌶𑍍𑌰𑍀𑌮𑌦𑍍𑌵𑌾𑌲𑍍𑌮𑍀𑌕𑍀𑌯 𑌰𑌾𑌮𑌾𑌯𑌣𑍇 𑌅𑌯𑍋𑌧𑍍𑌯𑌾𑌕𑌾𑌣𑍍𑌡𑌮𑍍 ।
𑌅𑌥 𑌪𑌞𑍍𑌚𑌤𑍍𑌰𑌿𑌂𑌶𑌸𑍍𑌸𑌰𑍍𑌗𑌃 ।
𑌤𑌤𑍋 𑌨𑌿𑌰𑍍𑌧𑍂𑌯 𑌸𑌹𑌸𑌾 𑌶𑌿𑌰𑍋 𑌨𑌿𑌶𑍍𑌶𑍍𑌵𑌸𑍍𑌯 𑌚𑌾𑌸𑌕𑍃𑌤𑍍 ।
𑌪𑌾𑌣𑍗 𑌪𑌾𑌣𑌿𑌂 𑌵𑌿𑌨𑌿𑌷𑍍𑌪𑌿𑌷𑍍𑌯 𑌦𑌨𑍍𑌤𑌾𑌨𑍍 𑌕𑌟𑌕𑌟𑌾𑌪𑍍𑌯 𑌚 ॥ 1 ॥
𑌲𑍋𑌚𑌨𑍇 𑌕𑍋𑌪𑌸𑌂𑌰𑌕𑍍𑌤𑍇 𑌵𑌰𑍍𑌣𑌂 𑌪𑍂𑌰𑍍𑌵𑍋𑌚𑌿𑌤𑌂 𑌜𑌹𑌤𑍍 ।
𑌕𑍋𑌪𑌾𑌭𑌿𑌭𑍂𑌤𑌸𑍍𑌸𑌹𑌸𑌾 𑌸𑌨𑍍𑌤𑌾𑌪𑌮𑌶𑍁𑌭𑌂 𑌗𑌤𑌃 ॥ 2 ॥
𑌮𑌨𑌃 𑌸𑌮𑍀𑌕𑍍𑌷𑌮𑌾𑌣𑌶𑍍𑌚 𑌸𑍂𑌤𑍋 𑌦𑌶𑌰𑌥𑌸𑍍𑌯 𑌸𑌃 ।
𑌕𑌮𑍍𑌪𑌯𑌨𑍍𑌨𑌿𑌵 𑌕𑍈𑌕𑍇𑌯𑍍𑌯𑌾 𑌹𑍃𑌦𑌯𑌂 𑌵𑌾𑌕𑍍𑌛𑌰𑍈𑌶𑍍𑌶𑌿𑌤𑍈𑌃 ॥ 3 ॥
𑌵𑌾𑌕𑍍𑌯𑌵𑌜𑍍𑌰𑍈𑌰𑌨𑍁𑌪𑌮𑍈𑌰𑍍𑌨𑌿𑌰𑍍𑌭𑌿𑌨𑍍𑌦𑌨𑍍𑌨𑌿𑌵 𑌚𑌾𑌶𑍁𑌭𑍈𑌃 ।
𑌕𑍈𑌕𑍇𑌯𑍍𑌯𑌾 𑌸𑍍𑌸𑌰𑍍𑌵𑌮𑌰𑍍𑌮𑌾𑌣𑌿 𑌸𑍁𑌮𑌨𑍍𑌤𑍍𑌰𑌃 𑌪𑍍𑌰𑌤𑍍𑌯𑌭𑌾𑌷𑌤 ॥ 4 ॥
𑌤𑌤𑍋 𑌨𑌿𑌰𑍍𑌧𑍂𑌯 𑌸𑌹𑌸𑌾 𑌶𑌿𑌰𑍋 𑌨𑌿𑌶𑍍𑌶𑍍𑌵𑌸𑍍𑌯 𑌚𑌾𑌸𑌕𑍃𑌤𑍍 ।
𑌪𑌾𑌣𑍗 𑌪𑌾𑌣𑌿𑌂 𑌵𑌿𑌨𑌿𑌷𑍍𑌪𑌿𑌷𑍍𑌯 𑌦𑌨𑍍𑌤𑌾𑌨𑍍 𑌕𑌟𑌕𑌟𑌾𑌪𑍍𑌯 𑌚 ॥ 5 ॥
𑌲𑍋𑌚𑌨𑍇 𑌕𑍋𑌪𑌸𑌂𑌰𑌕𑍍𑌤𑍇 𑌵𑌰𑍍𑌣𑌂 𑌪𑍂𑌰𑍍𑌵𑍋𑌚𑌿𑌤𑌂 𑌜𑌹𑌤𑍍 ।
𑌕𑍋𑌪𑌾𑌭𑌿𑌭𑍂𑌤𑌸𑍍𑌸𑌹𑌸𑌾 𑌸𑌨𑍍𑌤𑌾𑌪𑌮𑌶𑍁𑌭𑌂 𑌗𑌤𑌃 ॥ 6 ॥
𑌮𑌨𑌃 𑌸𑌮𑍀𑌕𑍍𑌷𑌮𑌾𑌣𑌶𑍍𑌚 𑌸𑍂𑌤𑍋 𑌦𑌶𑌰𑌥𑌸𑍍𑌯 𑌸𑌃 ।
𑌕𑌮𑍍𑌪𑌯𑌨𑍍𑌨𑌿𑌵 𑌕𑍈𑌕𑍇𑌯𑍍𑌯𑌾 𑌹𑍃𑌦𑌯𑌂 𑌵𑌾𑌕𑍍𑌛𑌰𑍈𑌶𑍍𑌶𑌿𑌤𑍈𑌃 ॥ 7 ॥
𑌵𑌾𑌕𑍍𑌯𑌵𑌜𑍍𑌰𑍈𑌰𑌨𑍁𑌪𑌮𑍈𑌰𑍍𑌨𑌿𑌰𑍍𑌭𑌿𑌨𑍍𑌦𑌨𑍍𑌨𑌿𑌵 𑌚𑌾𑌶𑍁𑌭𑍈𑌃 ।
𑌕𑍈𑌕𑍇𑌯𑍍𑌯𑌾 𑌸𑍍𑌸𑌰𑍍𑌵𑌮𑌰𑍍𑌮𑌾𑌣𑌿 𑌸𑍁𑌮𑌨𑍍𑌤𑍍𑌰𑌃 𑌪𑍍𑌰𑌤𑍍𑌯𑌭𑌾𑌷𑌤 ॥ 8 ॥
𑌯𑌸𑍍𑌯𑌾𑌸𑍍𑌤𑌵 𑌪𑌤𑌿𑌸𑍍𑌤𑍍𑌯𑌕𑍍𑌤𑍋 𑌰𑌾𑌜𑌾 𑌦𑌶𑌰𑌥𑌃 𑌸𑍍𑌵𑌯𑌮𑍍 ।
𑌭𑌰𑍍𑌤𑌾 𑌸𑌰𑍍𑌵𑌸𑍍𑌯 𑌜𑌗𑌤𑌃 𑌸𑍍𑌥𑌾𑌵𑌰𑌸𑍍𑌯 𑌚𑌰𑌸𑍍𑌯 𑌚 ॥ 9 ॥
𑌨 𑌹𑍍𑌯𑌕𑌾𑌰𑍍𑌯𑌤𑌮𑌂 𑌕𑌿𑌞𑍍𑌚𑌿𑌤𑍍𑌤𑌵 𑌦𑍇𑌵𑍀𑌹 𑌵𑌿𑌦𑍍𑌯𑌤𑍇 ।
𑌪𑌤𑌿𑌘𑍍𑌨𑍀𑌂 𑌤𑍍𑌵𑌾𑌮𑌹𑌂 𑌮𑌨𑍍𑌯𑍇 𑌕𑍁𑌲𑌘𑍍𑌨𑍀𑌮𑌪𑌿 𑌚𑌾𑌨𑍍𑌤𑌤𑌃 ॥ 10 ॥
𑌯𑌨𑍍𑌮𑌹𑍇𑌨𑍍𑌦𑍍𑌰𑌮𑌿𑌵𑌾𑌜𑌯𑍍𑌯𑌂 𑌦𑍁𑌷𑍍𑌪𑍍𑌰𑌕𑌮𑍍𑌪𑍍𑌯𑌮𑌿𑌵𑌾𑌚𑌲𑌮𑍍 ।
𑌮𑌹𑍋𑌦𑌧𑌿𑌮𑌿𑌵𑌾𑌕𑍍𑌷𑍋𑌭𑍍𑌯𑌂 𑌸𑌨𑍍𑌤𑌾𑌪𑌯𑌸𑌿 𑌕𑌰𑍍𑌮𑌭𑌿𑌃 ॥ 11 ॥
𑌮𑌾𑌵𑌮𑌂𑌸𑍍𑌥𑌾 𑌦𑌶𑌰𑌥𑌂 𑌭𑌰𑍍𑌤𑌾𑌰𑌂 𑌵𑌰𑌦𑌂 𑌪𑌤𑌿𑌮𑍍 ।
𑌭𑌰𑍍𑌤𑍁𑌰𑌿𑌚𑍍𑌛𑌾 𑌹𑌿 𑌨𑌾𑌰𑍀𑌣𑌾𑌂 𑌪𑍁𑌤𑍍𑌰𑌕𑍋𑌟𑍍𑌯𑌾 𑌵𑌿𑌶𑌿𑌷𑍍𑌯𑌤𑍇 ॥ 12 ॥
𑌯𑌥𑌾𑌵𑌯𑍋 𑌹𑌿 𑌰𑌾𑌜𑍍𑌯𑌾𑌨𑌿 𑌪𑍍𑌰𑌾𑌪𑍍𑌨𑍁𑌵𑌨𑍍𑌤𑌿 𑌨𑍃𑌪𑌕𑍍𑌷𑌯𑍇 ।
𑌇𑌕𑍍𑌷𑍍𑌵𑌾𑌕𑍁𑌕𑍁𑌲𑌨𑌾𑌥𑍇𑌽𑌸𑍍𑌮𑌿𑌂 𑌸𑍍𑌤𑌲𑍍𑌲𑍋𑌪𑌯𑌿𑌤𑍁𑌮𑌿𑌚𑍍𑌛𑌸𑌿 ॥ 13 ॥
𑌰𑌾𑌜𑌾 𑌭𑌵𑌤𑍁 𑌤𑍇 𑌪𑍁𑌤𑍍𑌰𑍋 𑌭𑌰𑌤𑌶𑍍𑌶𑌾𑌸𑍍𑌤𑍁 𑌮𑍇𑌦𑌿𑌨𑍀𑌮𑍍 ।
𑌵𑌯𑌂 𑌤𑌤𑍍𑌰 𑌗𑌮𑌿𑌷𑍍𑌯𑌾𑌮𑍋 𑌰𑌾𑌮𑍋 𑌯𑌤𑍍𑌰 𑌗𑌮𑌿𑌷𑍍𑌯𑌤𑌿 ॥ 14 ॥
𑌨 𑌹𑌿 𑌤𑍇 𑌵𑌿𑌷𑌯𑍇 𑌕𑌶𑍍𑌚𑌿𑌦𑍍 𑌰𑍍𑌬𑍍𑌰𑌾𑌹𑍍𑌮𑌣𑍋 𑌵𑌸𑍍𑌤𑍁𑌮𑌰𑍍𑌹𑌤𑌿 ।
𑌤𑌾𑌦𑍃𑌶𑌂 𑌤𑍍𑌵𑌮𑌮𑌰𑍍𑌯𑌾𑌦𑌮𑌦𑍍𑌯 𑌕𑌰𑍍𑌮 𑌚𑌿𑌕𑍀𑌰𑍍𑌷𑌸𑌿 ॥ 15 ॥
𑌨𑍂𑌨𑌂 𑌸𑌰𑍍𑌵𑍇 𑌗𑌮𑌿𑌷𑍍𑌯𑌾𑌮𑍋 𑌮𑌾𑌰𑍍𑌗𑌂 𑌰𑌾𑌮𑌨𑌿𑌷𑍇𑌵𑌿𑌤𑌮𑍍 ।
𑌤𑍍𑌯𑌕𑍍𑌤𑌾𑌯𑌾 𑌬𑌾𑌨𑍍𑌧𑌵𑍈𑌃 𑌸𑌰𑍍𑌵𑍈𑌰𑍍𑌬𑍍𑌰𑌾𑌹𑍍𑌮𑌣𑍈𑌃 𑌸𑌾𑌧𑍁𑌭𑌿𑌃 𑌸𑌦𑌾 ॥ 16 ॥
𑌕𑌾 𑌪𑍍𑌰𑍀𑌤𑍀 𑌰𑌾𑌜𑍍𑌯𑌲𑌾𑌭𑍇𑌨 𑌤𑌵 𑌦𑍇𑌵𑌿 𑌭𑌵𑌿𑌷𑍍𑌯𑌤𑌿 ।
𑌤𑌾𑌦𑍃𑌶𑌂 𑌤𑍍𑌵𑌮𑌮𑌰𑍍𑌯𑌾𑌦𑌂 𑌕𑌰𑍍𑌮 𑌕𑌰𑍍𑌤𑍁𑌂 𑌚𑌿𑌕𑍀𑌰𑍍𑌷𑌸𑌿 ॥ 17 ॥
𑌆𑌶𑍍𑌚𑌰𑍍𑌯𑌮𑌿𑌵 𑌪𑌶𑍍𑌯𑌾𑌮𑌿 𑌯𑌸𑍍𑌯𑌾𑌸𑍍𑌤𑍇 𑌵𑍃𑌤𑍍𑌤𑌮𑍀𑌦𑍃𑌶𑌮𑍍 ।
𑌆𑌚𑌰𑌨𑍍𑌤𑍍𑌯𑌾 𑌨 𑌵𑌿𑌵𑍃𑌤𑌾 𑌸𑌦𑍍𑌯𑍋 𑌭𑌵𑌤𑌿 𑌮𑍇𑌦𑌿𑌨𑍀 ॥ 18 ॥
𑌮𑌹𑌾𑌬𑍍𑌰𑌹𑍍𑌮𑌰𑍍𑌷𑌿𑌸𑍃𑌷𑍍𑌟𑌾𑌃 𑌵𑌾 𑌜𑍍𑌵𑌲𑌨𑍍𑌤𑍋 𑌭𑍀𑌮𑌦𑌰𑍍𑌶𑌨𑌾𑌃 ।
𑌧𑌿𑌗𑍍𑌵𑌾𑌗𑍍𑌦𑌣𑍍𑌡𑌾 𑌨 𑌹𑌿𑌂𑌸𑌨𑍍𑌤𑌿 𑌰𑌾𑌮𑌪𑍍𑌰𑌵𑍍𑌰𑌾𑌜𑌨𑍇 𑌸𑍍𑌥𑌿𑌤𑌾𑌮𑍍 ॥ 19 ॥
𑌆𑌮𑍍𑌰𑌂 𑌛𑌿𑌤𑍍𑌵𑌾 𑌕𑍁𑌠𑌾𑌰𑍇𑌣 𑌨𑌿𑌮𑍍𑌬𑌂 𑌪𑌰𑌿𑌚𑌰𑍇𑌤𑍍𑌤𑍁 𑌯𑌃 ।
𑌯𑌶𑍍𑌚𑍈𑌨𑌂 𑌪𑌯𑌸𑌾 𑌸𑌿𑌞𑍍𑌚𑍇𑌨𑍍𑌨𑍈𑌵𑌾𑌸𑍍𑌯 𑌮𑌧𑍁𑌰𑍋 𑌭𑌵𑍇𑌤𑍍 ॥ 20 ॥
𑌅𑌭𑌿𑌜𑌾𑌤𑍍𑌯𑌂 𑌹𑌿 𑌤𑍇 𑌮𑌨𑍍𑌯𑍇 𑌯𑌥𑌾 𑌮𑌾𑌤𑍁𑌸𑍍𑌤𑌥𑍈𑌵 𑌚 ।
𑌨 𑌹𑌿 𑌨𑌿𑌮𑍍𑌬𑌾𑌤𑍍𑌸𑍍𑌰𑌵𑍇𑌤𑍍 𑌕𑍍𑌷𑍈𑌦𑍍𑌰𑌂 𑌲𑍋𑌕𑍇 𑌨𑌿𑌗𑌦𑌿𑌤𑌂 𑌵𑌚𑌃 ॥ 21 ॥
𑌤𑌵 𑌮𑌾𑌤𑍁𑌰𑌸𑌦𑍍𑌗𑍍𑌰𑌾𑌹𑌂 𑌵𑌿𑌦𑍍𑌮𑌃 𑌪𑍂𑌰𑍍𑌵𑌂 𑌯𑌥𑌾𑌶𑍍𑌰𑍁𑌤𑌮𑍍 ।
𑌪𑌿𑌤𑍁𑌸𑍍𑌤𑍇 𑌵𑌰𑌦𑌃 𑌕𑌶𑍍𑌚𑌿𑌦𑍍𑌦𑌦𑍗 𑌵𑌰𑌮𑌨𑍁𑌤𑍍𑌤𑌮𑌮𑍍 ॥ 22 ॥
𑌸𑌰𑍍𑌵𑌭𑍂𑌤𑌰𑍁𑌤𑌂 𑌤𑌸𑍍𑌮𑌾𑌤𑍍𑌸𑌞𑍍𑌜𑌜𑍍𑌞𑍇 𑌵𑌸𑍁𑌧𑌾𑌧𑌿𑌪𑌃 ।
𑌤𑍇𑌨 𑌤𑌿𑌰𑍍𑌯𑌗𑍍𑌗𑌤𑌾𑌨𑌾𑌂 𑌚 𑌭𑍂𑌤𑌾𑌨𑌾𑌂 𑌵𑌿𑌦𑌿𑌤𑌂 𑌵𑌚𑌃 ॥ 23 ॥
𑌤𑌤𑍋 𑌜𑍃𑌮𑍍𑌭𑌸𑍍𑌯 𑌶𑌯𑌨𑍇 𑌵𑌿𑌰𑍁𑌤𑌾𑌦𑍍𑌭𑍂𑌰𑌿𑌵𑌰𑍍𑌚𑌸𑌃 ।
𑌪𑌿𑌤𑍁𑌸𑍍𑌤𑍇 𑌵𑌿𑌦𑌿𑌤𑍋 𑌭𑌾𑌵 𑌸𑍍𑌸 𑌤𑌤𑍍𑌰 𑌬𑌹𑍁𑌧𑌾𑌽𑌹𑌸𑌤𑍍 ॥ 24 ॥
𑌤𑌤𑍍𑌰 𑌤𑍇 𑌜𑌨𑌨𑍀 𑌕𑍍𑌰𑍁𑌦𑍍𑌧𑌾 𑌮𑍃𑌤𑍍𑌯𑍁𑌪𑌾𑌶𑌮𑌭𑍀𑌪𑍍𑌸𑌤𑍀 ।
𑌹𑌾𑌸𑌂 𑌤𑍇 𑌨𑍃𑌪𑌤𑍇 𑌸𑍗𑌮𑍍𑌯 𑌜𑌿𑌜𑍍𑌞𑌾𑌸𑌾𑌮𑍀𑌤𑌿 𑌚𑌾𑌬𑍍𑌰𑌵𑍀𑌤𑍍 ॥ 25 ॥
𑌨𑍃𑌪𑌶𑍍𑌚𑍋𑌵𑌾𑌚 𑌤𑌾𑌂 𑌦𑍇𑌵𑍀𑌂 𑌦𑍇𑌵𑌿 𑌶𑌂𑌸𑌾𑌮𑌿 𑌤𑍇 𑌯𑌦𑌿 ।
𑌤𑌤𑍋 𑌮𑍇 𑌮𑌰𑌣𑌂 𑌸𑌦𑍍𑌯𑍋 𑌭𑌵𑌿𑌷𑍍𑌯𑌤𑌿 𑌨 𑌸𑌂𑌶𑌯𑌃 ॥ 26 ॥
𑌮𑌾𑌤𑌾 𑌤𑍇 𑌪𑌿𑌤𑌰𑌂 𑌦𑍇𑌵𑌿 𑌤𑌤𑌃 𑌕𑍇𑌕𑌯𑌮𑌬𑍍𑌰𑌵𑍀𑌤𑍍 ।
𑌶𑌂𑌸 𑌮𑍇 𑌜𑍀𑌵 𑌵𑌾 𑌮𑌾 𑌵𑌾 𑌨 𑌮𑌾𑌮𑌪𑌹𑌸𑌿𑌷𑍍𑌯𑌸𑌿 ॥ 27 ॥
𑌪𑍍𑌰𑌿𑌯𑌯𑌾 𑌚 𑌤𑌥𑍋𑌕𑍍𑌤 𑌸𑍍𑌸𑌨𑍍 𑌕𑍇𑌕𑌯𑌃 𑌪𑍃𑌥𑌿𑌵𑍀𑌪𑌤𑌿𑌃 ।
𑌤𑌸𑍍𑌮𑍈 𑌤𑌂 𑌵𑌰𑌦𑌾𑌯𑌾𑌰𑍍𑌥𑌂 𑌕𑌥𑌯𑌾𑌮𑌾𑌸 𑌤𑌤𑍍𑌤𑍍𑌵𑌤𑌃 ॥ 28 ॥
𑌤𑌤𑌃 𑌸𑍍𑌸 𑌵𑌰𑌦𑌃 𑌸𑌾𑌧𑍁𑌰𑌾𑌜𑌾𑌨𑌂 𑌪𑍍𑌰𑌤𑍍𑌯𑌭𑌾𑌷𑌤 ।
𑌮𑍍𑌰𑌿𑌯𑌤𑌾𑌂 𑌧𑍍𑌵𑌂𑌸𑌤𑌾𑌂 𑌵𑍇𑌯𑌂 𑌮𑌾 𑌕𑍃𑌥𑌾𑌸𑍍𑌤𑍍𑌵𑌂 𑌮𑌹𑍀𑌪𑌤𑍇 ॥ 29 ॥
𑌸 𑌤𑌚𑍍𑌛𑍍𑌰𑍁𑌤𑍍𑌵𑌾 𑌵𑌚𑌸𑍍𑌤𑌸𑍍𑌯 𑌪𑍍𑌰𑌸𑌨𑍍𑌨𑌮𑌨𑌸𑍋 𑌨𑍃𑌪𑌃 ।
𑌮𑌾𑌤𑌰𑌂 𑌤𑍇 𑌨𑌿𑌰𑌸𑍍𑌯𑌾𑌶𑍁 𑌵𑌿𑌜𑌹𑌾𑌰 𑌕𑍁𑌬𑍇𑌰𑌵𑌤𑍍 ॥ 30 ॥
𑌤𑌥𑌾 𑌤𑍍𑌵𑌮𑌪𑌿 𑌰𑌾𑌜𑌾𑌨𑌂 𑌦𑍁𑌰𑍍𑌜𑌨𑌾𑌚𑌰𑌿𑌤𑍇 𑌪𑌥𑌿 ।
𑌅𑌸𑌦𑍍𑌗𑍍𑌰𑌾𑌹𑌮𑌿𑌮𑌂 𑌮𑍋𑌹𑌾𑌤𑍍𑌕𑍁𑌰𑍁𑌷𑍇 𑌪𑌾𑌪𑌦𑌰𑍍𑌶𑌿𑌨𑌿 ॥ 31 ॥
𑌸𑌤𑍍𑌯𑌶𑍍𑌚𑌾𑌦𑍍𑌯 𑌪𑍍𑌰𑌵𑌾𑌦𑍋𑌽𑌯𑌂 𑌲𑍗𑌕𑌿𑌕𑌃 𑌪𑍍𑌰𑌤𑌿𑌭𑌾𑌤𑌿 𑌮𑌾 ।
𑌪𑌿𑌤𑍃𑌨𑍍 𑌸𑌮𑌨𑍁𑌜𑌾𑌯𑌨𑍍𑌤𑍇 𑌨𑌰𑌾 𑌮𑌾𑌤𑌰𑌮𑌙𑍍𑌗𑌨𑌾𑌃 ॥ 32 ॥
𑌨𑍈𑌵𑌂 𑌭𑌵 𑌗𑍃𑌹𑌾𑌣𑍇𑌦𑌂 𑌯𑌦𑌾𑌹 𑌵𑌸𑍁𑌧𑌾𑌧𑌿𑌪𑌃 ।
𑌭𑌰𑍍𑌤𑍁𑌰𑌿𑌚𑍍𑌛𑌾𑌮𑍁𑌪𑌾𑌸𑍍𑌵𑍇𑌹 𑌜𑌨𑌸𑍍𑌯𑌾𑌸𑍍𑌯 𑌗𑌤𑌿𑌰𑍍𑌭𑌵 ॥ 33 ॥
𑌮𑌾 𑌤𑍍𑌵𑌂 𑌪𑍍𑌰𑍋𑌤𑍍𑌸𑌾𑌹𑌿𑌤𑌾 𑌪𑌾𑌪𑍈𑌰𑍍𑌦𑍇𑌵𑌰𑌾𑌜𑌸𑌮𑌪𑍍𑌰𑌭𑌮𑍍 ।
𑌭𑌰𑍍𑌤𑌾𑌰𑌂 𑌲𑍋𑌕𑌭𑌰𑍍𑌤𑌾𑌰𑌮𑌸𑌦𑍍𑌧𑌰𑍍𑌮𑌮𑍁𑌪𑌾𑌦𑌧𑌾𑌃 ॥ 34 ॥
𑌨 𑌹𑌿 𑌮𑌿𑌥𑍍𑌯𑌾 𑌪𑍍𑌰𑌤𑌿𑌜𑍍𑌞𑌾𑌤𑌂 𑌕𑌰𑌿𑌷𑍍𑌯𑌤𑌿 𑌤𑌵𑌾𑌨𑌘𑌃 ।
𑌶𑍍𑌰𑍀𑌮𑌾𑌨𑍍𑌦𑌶𑌰𑌥𑍋 𑌰𑌾𑌜𑌾 𑌦𑍇𑌵𑌿 𑌰𑌾𑌜𑍀𑌵𑌲𑍋𑌚𑌨𑌃 ॥ 35 ॥
𑌜𑍍𑌯𑍇𑌷𑍍𑌠𑍋 𑌵𑌦𑌾𑌨𑍍𑌯𑌃 𑌕𑌰𑍍𑌮𑌣𑍍𑌯𑌃 𑌸𑍍𑌵𑌧𑌰𑍍𑌮𑌪𑌰𑌿𑌰𑌕𑍍𑌷𑌿𑌤𑌾 ।
𑌰𑌕𑍍𑌷𑌿𑌤𑌾 𑌜𑍀𑌵𑌲𑍋𑌕𑌸𑍍𑌯 𑌬𑌲𑍀 𑌰𑌾𑌮𑍋𑌽𑌭𑌿𑌷𑌿𑌚𑍍𑌯𑌤𑌾𑌮𑍍 ॥ 36 ॥
𑌪𑌰𑌿𑌵𑌾𑌦𑍋 𑌹𑌿 𑌤𑍇 𑌦𑍇𑌵𑌿 𑌮𑌹𑌾𑌲𑍍𑌲𑍋𑌕𑍇 𑌚𑌰𑌿𑌷𑍍𑌯𑌤𑌿 ।
𑌯𑌦𑌿 𑌰𑌾𑌮𑍋 𑌵𑌨𑌂 𑌯𑌾𑌤𑌿 𑌵𑌿𑌹𑌾𑌯 𑌪𑌿𑌤𑌰𑌂 𑌨𑍃𑌪𑌮𑍍 ॥ 37 ॥
𑌸 𑌰𑌾𑌜𑍍𑌯𑌂 𑌰𑌾𑌘𑌵𑌃 𑌪𑌾𑌤𑍁 𑌭𑌵 𑌤𑍍𑌵𑌂 𑌵𑌿𑌗𑌤𑌜𑍍𑌵𑌰𑌾 ।
𑌨 𑌹𑌿 𑌤𑍇 𑌰𑌾𑌘𑌵𑌾𑌦𑌨𑍍𑌯𑌃 𑌕𑍍𑌷𑌮𑌃 𑌪𑍁𑌰𑌵𑌰𑍇 𑌵𑌸𑍇𑌤𑍍 ॥ 38 ॥
𑌰𑌾𑌮𑍇 𑌹𑌿 𑌯𑍗𑌵𑌰𑌾𑌜𑍍𑌯𑌸𑍍𑌥𑍇 𑌰𑌾𑌜𑌾 𑌦𑌶𑌰𑌥𑍋 𑌵𑌨𑌮𑍍 ।
𑌪𑍍𑌰𑌵𑍇𑌕𑍍𑌷𑍍𑌯𑌤𑌿 𑌮𑌹𑍇𑌷𑍍𑌵𑌾𑌸𑌃 𑌪𑍂𑌰𑍍𑌵𑌵𑍃𑌤𑍍𑌤𑌮𑌨𑍁𑌸𑍍𑌮𑌰𑌨𑍍 ॥ 39 ॥
𑌇𑌤𑌿 𑌸𑌾𑌨𑍍𑌤𑍍𑌵𑍈𑌶𑍍𑌚 𑌤𑍀𑌕𑍍𑌷𑍍𑌣𑍈𑌶𑍍𑌚 𑌕𑍈𑌕𑍇𑌯𑍀𑌂 𑌰𑌾𑌜𑌸𑌂𑌸𑌦𑌿 ।
𑌸𑍁𑌮𑌨𑍍𑌤𑍍𑌰𑌃 𑌕𑍍𑌷𑍋𑌭𑌯𑌾𑌮𑌾𑌸 𑌭𑍂𑌯 𑌏𑌵 𑌕𑍃𑌤𑌾𑌜𑍍𑌜𑌲𑌿𑌃 ॥ 40 ॥
𑌨𑍈𑌵 𑌸𑌾 𑌕𑍍𑌷𑍁𑌭𑍍𑌯𑌤𑍇 𑌦𑍇𑌵𑍀 𑌨 𑌚 𑌸𑍍𑌮 𑌪𑌰𑌿𑌦𑍂𑌯𑌤𑍇 ।
𑌨 𑌚𑌾𑌸𑍍𑌯𑌾 𑌮𑍁𑌖𑌵𑌰𑍍𑌣𑌸𑍍𑌯 𑌵𑌿𑌕𑍍𑌰𑌿𑌯𑌾 𑌲𑌕𑍍𑌷𑍍𑌯𑌤𑍇 𑌤𑌦𑌾 ॥ 41 ॥
𑌇𑌤𑍍𑌯𑌾𑌰𑍍𑌷𑍇 𑌶𑍍𑌰𑍀𑌮𑌦𑍍𑌰𑌾𑌮𑌾𑌯𑌣𑍇 𑌵𑌾𑌲𑍍𑌮𑍀𑌕𑍀𑌯 𑌆𑌦𑌿𑌕𑌾𑌵𑍍𑌯𑍇 𑌅𑌯𑍋𑌧𑍍𑌯𑌾𑌕𑌾𑌣𑍍𑌡𑍇 𑌪𑌞𑍍𑌚𑌤𑍍𑌰𑌿𑌂𑌶𑌸𑍍𑌸𑌰𑍍𑌗𑌃 ॥
Roman (IAST) Transliteration
śrīmadvālmīkīya rāmāyaṇe ayodhyākāṇḍam |
atha pañcatriṃśassargaḥ |
tato nirdhūya sahasā śiro niśśvasya cāsakṛt |
pāṇau pāṇiṃ viniṣpiṣya dantān kaṭakaṭāpya ca || 1 ||
locane kopasaṃrakte varṇaṃ pūrvocitaṃ jahat |
kopābhibhūtassahasā santāpamaśubhaṃ gataḥ || 2 ||
manaḥ samīkṣamāṇaśca sūto daśarathasya saḥ |
kampayanniva kaikeyyā hṛdayaṃ vākcharaiśśitaiḥ || 3 ||
vākyavajrairanupamairnirbhindanniva cāśubhaiḥ |
kaikeyyā ssarvamarmāṇi sumantraḥ pratyabhāṣata || 4 ||
tato nirdhūya sahasā śiro niśśvasya cāsakṛt |
pāṇau pāṇiṃ viniṣpiṣya dantān kaṭakaṭāpya ca || 5 ||
locane kopasaṃrakte varṇaṃ pūrvocitaṃ jahat |
kopābhibhūtassahasā santāpamaśubhaṃ gataḥ || 6 ||
manaḥ samīkṣamāṇaśca sūto daśarathasya saḥ |
kampayanniva kaikeyyā hṛdayaṃ vākcharaiśśitaiḥ || 7 ||
vākyavajrairanupamairnirbhindanniva cāśubhaiḥ |
kaikeyyā ssarvamarmāṇi sumantraḥ pratyabhāṣata || 8 ||
yasyāstava patistyakto rājā daśarathaḥ svayam |
bhartā sarvasya jagataḥ sthāvarasya carasya ca || 9 ||
na hyakāryatamaṃ kiñcittava devīha vidyate |
patighnīṃ tvāmahaṃ manye kulaghnīmapi cāntataḥ || 10 ||
yanmahendramivājayyaṃ duṣprakampyamivācalam |
mahodadhimivākṣobhyaṃ santāpayasi karmabhiḥ || 11 ||
māvamaṃsthā daśarathaṃ bhartāraṃ varadaṃ patim |
bharturicchā hi nārīṇāṃ putrakoṭyā viśiṣyate || 12 ||
yathāvayo hi rājyāni prāpnuvanti nṛpakṣaye |
ikṣvākukulanāthe'smiṃ stallopayitumicchasi || 13 ||
rājā bhavatu te putro bharataśśāstu medinīm |
vayaṃ tatra gamiṣyāmo rāmo yatra gamiṣyati || 14 ||
na hi te viṣaye kaścid rbrāhmaṇo vastumarhati |
tādṛśaṃ tvamamaryādamadya karma cikīrṣasi || 15 ||
nūnaṃ sarve gamiṣyāmo mārgaṃ rāmaniṣevitam |
tyaktāyā bāndhavaiḥ sarvairbrāhmaṇaiḥ sādhubhiḥ sadā || 16 ||
kā prītī rājyalābhena tava devi bhaviṣyati |
tādṛśaṃ tvamamaryādaṃ karma kartuṃ cikīrṣasi || 17 ||
āścaryamiva paśyāmi yasyāste vṛttamīdṛśam |
ācarantyā na vivṛtā sadyo bhavati medinī || 18 ||
mahābrahmarṣisṛṣṭāḥ vā jvalanto bhīmadarśanāḥ |
dhigvāgdaṇḍā na hiṃsanti rāmapravrājane sthitām || 19 ||
āmraṃ chitvā kuṭhāreṇa nimbaṃ paricarettu yaḥ |
yaścainaṃ payasā siñcennaivāsya madhuro bhavet || 20 ||
abhijātyaṃ hi te manye yathā mātustathaiva ca |
na hi nimbātsravet kṣaidraṃ loke nigaditaṃ vacaḥ || 21 ||
tava māturasadgrāhaṃ vidmaḥ pūrvaṃ yathāśrutam |
pituste varadaḥ kaściddadau varamanuttamam || 22 ||
sarvabhūtarutaṃ tasmātsañjajñe vasudhādhipaḥ |
tena tiryaggatānāṃ ca bhūtānāṃ viditaṃ vacaḥ || 23 ||
tato jṛmbhasya śayane virutādbhūrivarcasaḥ |
pituste vidito bhāva ssa tatra bahudhā'hasat || 24 ||
tatra te jananī kruddhā mṛtyupāśamabhīpsatī |
hāsaṃ te nṛpate saumya jijñāsāmīti cābravīt || 25 ||
nṛpaścovāca tāṃ devīṃ devi śaṃsāmi te yadi |
tato me maraṇaṃ sadyo bhaviṣyati na saṃśayaḥ || 26 ||
mātā te pitaraṃ devi tataḥ kekayamabravīt |
śaṃsa me jīva vā mā vā na māmapahasiṣyasi || 27 ||
priyayā ca tathokta ssan kekayaḥ pṛthivīpatiḥ |
tasmai taṃ varadāyārthaṃ kathayāmāsa tattvataḥ || 28 ||
tataḥ ssa varadaḥ sādhurājānaṃ pratyabhāṣata |
mriyatāṃ dhvaṃsatāṃ veyaṃ mā kṛthāstvaṃ mahīpate || 29 ||
sa tacchrutvā vacastasya prasannamanaso nṛpaḥ |
mātaraṃ te nirasyāśu vijahāra kuberavat || 30 ||
tathā tvamapi rājānaṃ durjanācarite pathi |
asadgrāhamimaṃ mohātkuruṣe pāpadarśini || 31 ||
satyaścādya pravādo'yaṃ laukikaḥ pratibhāti mā |
pitṛn samanujāyante narā mātaramaṅganāḥ || 32 ||
naivaṃ bhava gṛhāṇedaṃ yadāha vasudhādhipaḥ |
bharturicchāmupāsveha janasyāsya gatirbhava || 33 ||
mā tvaṃ protsāhitā pāpairdevarājasamaprabham |
bhartāraṃ lokabhartāramasaddharmamupādadhāḥ || 34 ||
na hi mithyā pratijñātaṃ kariṣyati tavānaghaḥ |
śrīmāndaśaratho rājā devi rājīvalocanaḥ || 35 ||
jyeṣṭho vadānyaḥ karmaṇyaḥ svadharmaparirakṣitā |
rakṣitā jīvalokasya balī rāmo'bhiṣicyatām || 36 ||
parivādo hi te devi mahālloke cariṣyati |
yadi rāmo vanaṃ yāti vihāya pitaraṃ nṛpam || 37 ||
sa rājyaṃ rāghavaḥ pātu bhava tvaṃ vigatajvarā |
na hi te rāghavādanyaḥ kṣamaḥ puravare vaset || 38 ||
rāme hi yauvarājyasthe rājā daśaratho vanam |
pravekṣyati maheṣvāsaḥ pūrvavṛttamanusmaran || 39 ||
iti sāntvaiśca tīkṣṇaiśca kaikeyīṃ rājasaṃsadi |
sumantraḥ kṣobhayāmāsa bhūya eva kṛtājjaliḥ || 40 ||
naiva sā kṣubhyate devī na ca sma paridūyate |
na cāsyā mukhavarṇasya vikriyā lakṣyate tadā || 41 ||
ityārṣe śrīmadrāmāyaṇe vālmīkīya ādikāvye ayodhyākāṇḍe pañcatriṃśassargaḥ ||
Sanskrit — Devanagari (original)
श्रीमद्वाल्मीकीय रामायणे अयोध्याकाण्डम् ।
अथ पञ्चत्रिंशस्सर्गः ।
ततो निर्धूय सहसा शिरो निश्श्वस्य चासकृत् ।
पाणौ पाणिं विनिष्पिष्य दन्तान् कटकटाप्य च ॥ 1 ॥
लोचने कोपसंरक्ते वर्णं पूर्वोचितं जहत् ।
कोपाभिभूतस्सहसा सन्तापमशुभं गतः ॥ 2 ॥
मनः समीक्षमाणश्च सूतो दशरथस्य सः ।
कम्पयन्निव कैकेय्या हृदयं वाक्छरैश्शितैः ॥ 3 ॥
वाक्यवज्रैरनुपमैर्निर्भिन्दन्निव चाशुभैः ।
कैकेय्या स्सर्वमर्माणि सुमन्त्रः प्रत्यभाषत ॥ 4 ॥
ततो निर्धूय सहसा शिरो निश्श्वस्य चासकृत् ।
पाणौ पाणिं विनिष्पिष्य दन्तान् कटकटाप्य च ॥ 5 ॥
लोचने कोपसंरक्ते वर्णं पूर्वोचितं जहत् ।
कोपाभिभूतस्सहसा सन्तापमशुभं गतः ॥ 6 ॥
मनः समीक्षमाणश्च सूतो दशरथस्य सः ।
कम्पयन्निव कैकेय्या हृदयं वाक्छरैश्शितैः ॥ 7 ॥
वाक्यवज्रैरनुपमैर्निर्भिन्दन्निव चाशुभैः ।
कैकेय्या स्सर्वमर्माणि सुमन्त्रः प्रत्यभाषत ॥ 8 ॥
यस्यास्तव पतिस्त्यक्तो राजा दशरथः स्वयम् ।
भर्ता सर्वस्य जगतः स्थावरस्य चरस्य च ॥ 9 ॥
न ह्यकार्यतमं किञ्चित्तव देवीह विद्यते ।
पतिघ्नीं त्वामहं मन्ये कुलघ्नीमपि चान्ततः ॥ 10 ॥
यन्महेन्द्रमिवाजय्यं दुष्प्रकम्प्यमिवाचलम् ।
महोदधिमिवाक्षोभ्यं सन्तापयसि कर्मभिः ॥ 11 ॥
मावमंस्था दशरथं भर्तारं वरदं पतिम् ।
भर्तुरिच्छा हि नारीणां पुत्रकोट्या विशिष्यते ॥ 12 ॥
यथावयो हि राज्यानि प्राप्नुवन्ति नृपक्षये ।
इक्ष्वाकुकुलनाथेऽस्मिं स्तल्लोपयितुमिच्छसि ॥ 13 ॥
राजा भवतु ते पुत्रो भरतश्शास्तु मेदिनीम् ।
वयं तत्र गमिष्यामो रामो यत्र गमिष्यति ॥ 14 ॥
न हि ते विषये कश्चिद् र्ब्राह्मणो वस्तुमर्हति ।
तादृशं त्वममर्यादमद्य कर्म चिकीर्षसि ॥ 15 ॥
नूनं सर्वे गमिष्यामो मार्गं रामनिषेवितम् ।
त्यक्ताया बान्धवैः सर्वैर्ब्राह्मणैः साधुभिः सदा ॥ 16 ॥
का प्रीती राज्यलाभेन तव देवि भविष्यति ।
तादृशं त्वममर्यादं कर्म कर्तुं चिकीर्षसि ॥ 17 ॥
आश्चर्यमिव पश्यामि यस्यास्ते वृत्तमीदृशम् ।
आचरन्त्या न विवृता सद्यो भवति मेदिनी ॥ 18 ॥
महाब्रह्मर्षिसृष्टाः वा ज्वलन्तो भीमदर्शनाः ।
धिग्वाग्दण्डा न हिंसन्ति रामप्रव्राजने स्थिताम् ॥ 19 ॥
आम्रं छित्वा कुठारेण निम्बं परिचरेत्तु यः ।
यश्चैनं पयसा सिञ्चेन्नैवास्य मधुरो भवेत् ॥ 20 ॥
अभिजात्यं हि ते मन्ये यथा मातुस्तथैव च ।
न हि निम्बात्स्रवेत् क्षैद्रं लोके निगदितं वचः ॥ 21 ॥
तव मातुरसद्ग्राहं विद्मः पूर्वं यथाश्रुतम् ।
पितुस्ते वरदः कश्चिद्ददौ वरमनुत्तमम् ॥ 22 ॥
सर्वभूतरुतं तस्मात्सञ्जज्ञे वसुधाधिपः ।
तेन तिर्यग्गतानां च भूतानां विदितं वचः ॥ 23 ॥
ततो जृम्भस्य शयने विरुताद्भूरिवर्चसः ।
पितुस्ते विदितो भाव स्स तत्र बहुधाऽहसत् ॥ 24 ॥
तत्र ते जननी क्रुद्धा मृत्युपाशमभीप्सती ।
हासं ते नृपते सौम्य जिज्ञासामीति चाब्रवीत् ॥ 25 ॥
नृपश्चोवाच तां देवीं देवि शंसामि ते यदि ।
ततो मे मरणं सद्यो भविष्यति न संशयः ॥ 26 ॥
माता ते पितरं देवि ततः केकयमब्रवीत् ।
शंस मे जीव वा मा वा न मामपहसिष्यसि ॥ 27 ॥
प्रियया च तथोक्त स्सन् केकयः पृथिवीपतिः ।
तस्मै तं वरदायार्थं कथयामास तत्त्वतः ॥ 28 ॥
ततः स्स वरदः साधुराजानं प्रत्यभाषत ।
म्रियतां ध्वंसतां वेयं मा कृथास्त्वं महीपते ॥ 29 ॥
स तच्छ्रुत्वा वचस्तस्य प्रसन्नमनसो नृपः ।
मातरं ते निरस्याशु विजहार कुबेरवत् ॥ 30 ॥
तथा त्वमपि राजानं दुर्जनाचरिते पथि ।
असद्ग्राहमिमं मोहात्कुरुषे पापदर्शिनि ॥ 31 ॥
सत्यश्चाद्य प्रवादोऽयं लौकिकः प्रतिभाति मा ।
पितृन् समनुजायन्ते नरा मातरमङ्गनाः ॥ 32 ॥
नैवं भव गृहाणेदं यदाह वसुधाधिपः ।
भर्तुरिच्छामुपास्वेह जनस्यास्य गतिर्भव ॥ 33 ॥
मा त्वं प्रोत्साहिता पापैर्देवराजसमप्रभम् ।
भर्तारं लोकभर्तारमसद्धर्ममुपादधाः ॥ 34 ॥
न हि मिथ्या प्रतिज्ञातं करिष्यति तवानघः ।
श्रीमान्दशरथो राजा देवि राजीवलोचनः ॥ 35 ॥
ज्येष्ठो वदान्यः कर्मण्यः स्वधर्मपरिरक्षिता ।
रक्षिता जीवलोकस्य बली रामोऽभिषिच्यताम् ॥ 36 ॥
परिवादो हि ते देवि महाल्लोके चरिष्यति ।
यदि रामो वनं याति विहाय पितरं नृपम् ॥ 37 ॥
स राज्यं राघवः पातु भव त्वं विगतज्वरा ।
न हि ते राघवादन्यः क्षमः पुरवरे वसेत् ॥ 38 ॥
रामे हि यौवराज्यस्थे राजा दशरथो वनम् ।
प्रवेक्ष्यति महेष्वासः पूर्ववृत्तमनुस्मरन् ॥ 39 ॥
इति सान्त्वैश्च तीक्ष्णैश्च कैकेयीं राजसंसदि ।
सुमन्त्रः क्षोभयामास भूय एव कृताज्जलिः ॥ 40 ॥
नैव सा क्षुभ्यते देवी न च स्म परिदूयते ।
न चास्या मुखवर्णस्य विक्रिया लक्ष्यते तदा ॥ 41 ॥
इत्यार्षे श्रीमद्रामायणे वाल्मीकीय आदिकाव्ये अयोध्याकाण्डे पञ्चत्रिंशस्सर्गः ॥
śrīmadvālmīkīya rāmāyaṇe ayodhyākāṇḍam |
atha pañcatriṃśassargaḥ |
tato nirdhūya sahasā śiro niśśvasya cāsakṛt |
pāṇau pāṇiṃ viniṣpiṣya dantān kaṭakaṭāpya ca || 1 ||
locane kopasaṃrakte varṇaṃ pūrvocitaṃ jahat |
kopābhibhūtassahasā santāpamaśubhaṃ gataḥ || 2 ||
manaḥ samīkṣamāṇaśca sūto daśarathasya saḥ |
kampayanniva kaikeyyā hṛdayaṃ vākcharaiśśitaiḥ || 3 ||
vākyavajrairanupamairnirbhindanniva cāśubhaiḥ |
kaikeyyā ssarvamarmāṇi sumantraḥ pratyabhāṣata || 4 ||
tato nirdhūya sahasā śiro niśśvasya cāsakṛt |
pāṇau pāṇiṃ viniṣpiṣya dantān kaṭakaṭāpya ca || 5 ||
locane kopasaṃrakte varṇaṃ pūrvocitaṃ jahat |
kopābhibhūtassahasā santāpamaśubhaṃ gataḥ || 6 ||
manaḥ samīkṣamāṇaśca sūto daśarathasya saḥ |
kampayanniva kaikeyyā hṛdayaṃ vākcharaiśśitaiḥ || 7 ||
vākyavajrairanupamairnirbhindanniva cāśubhaiḥ |
kaikeyyā ssarvamarmāṇi sumantraḥ pratyabhāṣata || 8 ||
yasyāstava patistyakto rājā daśarathaḥ svayam |
bhartā sarvasya jagataḥ sthāvarasya carasya ca || 9 ||
na hyakāryatamaṃ kiñcittava devīha vidyate |
patighnīṃ tvāmahaṃ manye kulaghnīmapi cāntataḥ || 10 ||
yanmahendramivājayyaṃ duṣprakampyamivācalam |
mahodadhimivākṣobhyaṃ santāpayasi karmabhiḥ || 11 ||
māvamaṃsthā daśarathaṃ bhartāraṃ varadaṃ patim |
bharturicchā hi nārīṇāṃ putrakoṭyā viśiṣyate || 12 ||
yathāvayo hi rājyāni prāpnuvanti nṛpakṣaye |
ikṣvākukulanāthe'smiṃ stallopayitumicchasi || 13 ||
rājā bhavatu te putro bharataśśāstu medinīm |
vayaṃ tatra gamiṣyāmo rāmo yatra gamiṣyati || 14 ||
na hi te viṣaye kaścid rbrāhmaṇo vastumarhati |
tādṛśaṃ tvamamaryādamadya karma cikīrṣasi || 15 ||
nūnaṃ sarve gamiṣyāmo mārgaṃ rāmaniṣevitam |
tyaktāyā bāndhavaiḥ sarvairbrāhmaṇaiḥ sādhubhiḥ sadā || 16 ||
kā prītī rājyalābhena tava devi bhaviṣyati |
tādṛśaṃ tvamamaryādaṃ karma kartuṃ cikīrṣasi || 17 ||
āścaryamiva paśyāmi yasyāste vṛttamīdṛśam |
ācarantyā na vivṛtā sadyo bhavati medinī || 18 ||
mahābrahmarṣisṛṣṭāḥ vā jvalanto bhīmadarśanāḥ |
dhigvāgdaṇḍā na hiṃsanti rāmapravrājane sthitām || 19 ||
āmraṃ chitvā kuṭhāreṇa nimbaṃ paricarettu yaḥ |
yaścainaṃ payasā siñcennaivāsya madhuro bhavet || 20 ||
abhijātyaṃ hi te manye yathā mātustathaiva ca |
na hi nimbātsravet kṣaidraṃ loke nigaditaṃ vacaḥ || 21 ||
tava māturasadgrāhaṃ vidmaḥ pūrvaṃ yathāśrutam |
pituste varadaḥ kaściddadau varamanuttamam || 22 ||
sarvabhūtarutaṃ tasmātsañjajñe vasudhādhipaḥ |
tena tiryaggatānāṃ ca bhūtānāṃ viditaṃ vacaḥ || 23 ||
tato jṛmbhasya śayane virutādbhūrivarcasaḥ |
pituste vidito bhāva ssa tatra bahudhā'hasat || 24 ||
tatra te jananī kruddhā mṛtyupāśamabhīpsatī |
hāsaṃ te nṛpate saumya jijñāsāmīti cābravīt || 25 ||
nṛpaścovāca tāṃ devīṃ devi śaṃsāmi te yadi |
tato me maraṇaṃ sadyo bhaviṣyati na saṃśayaḥ || 26 ||
mātā te pitaraṃ devi tataḥ kekayamabravīt |
śaṃsa me jīva vā mā vā na māmapahasiṣyasi || 27 ||
priyayā ca tathokta ssan kekayaḥ pṛthivīpatiḥ |
tasmai taṃ varadāyārthaṃ kathayāmāsa tattvataḥ || 28 ||
tataḥ ssa varadaḥ sādhurājānaṃ pratyabhāṣata |
mriyatāṃ dhvaṃsatāṃ veyaṃ mā kṛthāstvaṃ mahīpate || 29 ||
sa tacchrutvā vacastasya prasannamanaso nṛpaḥ |
mātaraṃ te nirasyāśu vijahāra kuberavat || 30 ||
tathā tvamapi rājānaṃ durjanācarite pathi |
asadgrāhamimaṃ mohātkuruṣe pāpadarśini || 31 ||
satyaścādya pravādo'yaṃ laukikaḥ pratibhāti mā |
pitṛn samanujāyante narā mātaramaṅganāḥ || 32 ||
naivaṃ bhava gṛhāṇedaṃ yadāha vasudhādhipaḥ |
bharturicchāmupāsveha janasyāsya gatirbhava || 33 ||
mā tvaṃ protsāhitā pāpairdevarājasamaprabham |
bhartāraṃ lokabhartāramasaddharmamupādadhāḥ || 34 ||
na hi mithyā pratijñātaṃ kariṣyati tavānaghaḥ |
śrīmāndaśaratho rājā devi rājīvalocanaḥ || 35 ||
jyeṣṭho vadānyaḥ karmaṇyaḥ svadharmaparirakṣitā |
rakṣitā jīvalokasya balī rāmo'bhiṣicyatām || 36 ||
parivādo hi te devi mahālloke cariṣyati |
yadi rāmo vanaṃ yāti vihāya pitaraṃ nṛpam || 37 ||
sa rājyaṃ rāghavaḥ pātu bhava tvaṃ vigatajvarā |
na hi te rāghavādanyaḥ kṣamaḥ puravare vaset || 38 ||
rāme hi yauvarājyasthe rājā daśaratho vanam |
pravekṣyati maheṣvāsaḥ pūrvavṛttamanusmaran || 39 ||
iti sāntvaiśca tīkṣṇaiśca kaikeyīṃ rājasaṃsadi |
sumantraḥ kṣobhayāmāsa bhūya eva kṛtājjaliḥ || 40 ||
naiva sā kṣubhyate devī na ca sma paridūyate |
na cāsyā mukhavarṇasya vikriyā lakṣyate tadā || 41 ||
ityārṣe śrīmadrāmāyaṇe vālmīkīya ādikāvye ayodhyākāṇḍe pañcatriṃśassargaḥ ||
🕉️ This is the original Sanskrit rendered in Grantha script.
Pronunciation is identical to the Sanskrit Devanagari version.