𑌶𑍍𑌰𑍀𑌮𑌦𑍍𑌵𑌾𑌲𑍍𑌮𑍀𑌕𑍀𑌯 𑌰𑌾𑌮𑌾𑌯𑌣𑍇 𑌅𑌯𑍋𑌧𑍍𑌯𑌾𑌕𑌾𑌣𑍍𑌡𑌮𑍍 ।
𑌅𑌥 𑌚𑌤𑍁𑌃𑌪𑌞𑍍𑌚𑌾𑌶𑌸𑍍𑌸𑌰𑍍𑌗𑌃 ।
𑌤𑍇 𑌤𑍁 𑌤𑌸𑍍𑌮𑌿𑌨𑍍𑌮𑌹𑌾𑌵𑍃𑌕𑍍𑌷𑍇 𑌉𑌷𑌿𑌤𑍍𑌵𑌾 𑌰𑌜𑌨𑍀𑌂 𑌶𑌿𑌵𑌾𑌮𑍍 ।
𑌵𑌿𑌮𑌲𑍇𑌽𑌭𑍍𑌯𑍁𑌦𑌿𑌤𑍇 𑌸𑍂𑌰𑍍𑌯𑍇 𑌤𑌸𑍍𑌮𑌾𑌦𑍍𑌦𑍇𑌶𑌾𑌤𑍍𑌪𑍍𑌰𑌤𑌸𑍍𑌥𑌿𑌰𑍇 ॥ 1 ॥
𑌯𑌤𑍍𑌰 𑌭𑌾𑌗𑍀𑌰𑌥𑍀𑌂 𑌗𑌙𑍍𑌗𑌾𑌂 𑌯𑌮𑍁𑌨𑌾𑌭𑌿𑌪𑍍𑌰𑌵𑌰𑍍𑌤𑌤𑍇 ।
𑌜𑌗𑍍𑌮𑍁𑌸𑍍𑌤𑌂 𑌦𑍇𑌶𑌮𑍁𑌦𑍍𑌦𑌿𑌶𑍍𑌯 𑌵𑌿𑌗𑌾𑌹𑍍𑌯 𑌸𑍁𑌮𑌹𑌦𑍍𑌵𑌨𑌮𑍍 ॥ 2 ॥
𑌤𑍇 𑌭𑍂𑌮𑌿𑌭𑌾𑌗𑌾𑌨𑍍𑌵𑌿𑌵𑌿𑌧𑌾𑌨𑍍 𑌦𑍇𑌶𑌾𑌂𑌶𑍍𑌚𑌾𑌪𑌿 𑌮𑌨𑍋𑌰𑌮𑌾𑌨𑍍 ।
𑌅𑌦𑍃𑌷𑍍𑌟𑌪𑍂𑌰𑍍𑌵𑌾𑌨𑍍 𑌪𑌶𑍍𑌯𑌨𑍍𑌤𑌸𑍍𑌤𑌤𑍍𑌰 𑌤𑌤𑍍𑌰 𑌯𑌶𑌶𑍍𑌵𑌿𑌨𑌃 ॥ 3 ॥
𑌯𑌥𑌾 𑌕𑍍𑌷𑍇𑌮𑍇𑌣 𑌗𑌚𑍍𑌛𑌨𑍍 𑌸 𑌪𑌶𑍍𑌯𑌂𑌶𑍍𑌚 𑌵𑌿𑌵𑌿𑌧𑌾𑌨𑍍 𑌦𑍍𑌰𑍁𑌮𑌾𑌨𑍍 ।
𑌨𑌿𑌵𑍃𑌤𑍍𑌤𑌮𑌾𑌤𑍍𑌰𑍇 𑌦𑌿𑌵𑌸𑍇 𑌰𑌾𑌮𑌃 𑌸𑍗𑌮𑌿𑌤𑍍𑌰𑌿𑌮𑌬𑍍𑌰𑌵𑍀𑌤𑍍 ॥ 4 ॥
𑌪𑍍𑌰𑌯𑌾𑌗𑌮𑌭𑌿𑌤𑌃 𑌪𑌶𑍍𑌯 𑌸𑍗𑌮𑌿𑌤𑍍𑌰𑍇 𑌧𑍂𑌮𑌮𑍁𑌨𑍍𑌨𑌤𑌮𑍍 ।
𑌅𑌗𑍍𑌨𑍇𑌰𑍍𑌭𑌗𑌵𑌤𑌃 𑌕𑍇𑌤𑍁𑌂 𑌮𑌨𑍍𑌯𑍇 𑌸𑌨𑍍𑌨𑌿𑌹𑌿𑌤𑍋 𑌮𑍁𑌨𑌿𑌃 ॥ 5 ॥
𑌨𑍂𑌨𑌂 𑌪𑍍𑌰𑌾𑌪𑍍𑌤𑌾𑌃 𑌸𑍍𑌮 𑌸𑌮𑍍𑌭𑍇𑌦𑌂 𑌗𑌙𑍍𑌗𑌾𑌯𑌮𑍁𑌨𑌯𑍋𑌰𑍍𑌵𑌯𑌮𑍍 ।
𑌤𑌥𑌾 𑌹𑌿 𑌶𑍍𑌰𑍂𑌯𑌤𑍇 𑌶𑌬𑍍𑌦𑍋 𑌵𑌾𑌰𑌿𑌣𑍋 𑌵𑌾𑌰𑌿𑌘𑌟𑍍𑌟𑌿𑌤𑌃 ॥ 6 ॥
𑌦𑌾𑌰𑍂𑌣𑌿 𑌪𑌰𑌿𑌭𑌿𑌨𑍍𑌨𑌾𑌨𑌿 𑌵𑌨𑌜𑍈𑌰𑍁𑌪𑌜𑍀𑌵𑌿𑌭𑌿𑌃 ।
𑌭𑌰𑌦𑍍𑌵𑌾𑌜𑌾𑌶𑍍𑌰𑌮𑍇 𑌚𑍈𑌤𑍇 𑌦𑍃𑌶𑍍𑌯𑌨𑍍𑌤𑍇 𑌵𑌿𑌵𑌿𑌧𑌾 𑌦𑍍𑌰𑍁𑌮𑌾𑌃 ॥ 7 ॥
𑌧𑌨𑍍𑌵𑌿𑌨𑍗 𑌤𑍗 𑌸𑍁𑌖𑌂 𑌗𑌤𑍍𑌵𑌾 𑌲𑌮𑍍𑌬𑌮𑌾𑌨𑍇 𑌦𑌿𑌵𑌾𑌕𑌰𑍇 ।
𑌗𑌙𑍍𑌗𑌾𑌯𑌮𑍁𑌨𑌯𑍋𑌸𑍍𑌸𑌨𑍍𑌧𑍗 𑌪𑍍𑌰𑌾𑌪𑌤𑍁𑌰𑍍𑌨𑌿𑌲𑌯𑌂 𑌮𑍁𑌨𑍇𑌃 ॥ 8 ॥
𑌰𑌾𑌮𑌸𑍍𑌤𑍍𑌵𑌾𑌶𑍍𑌰𑌮𑌮𑌾𑌸𑌾𑌦𑍍𑌯 𑌤𑍍𑌰𑌾𑌸𑌯𑌨𑍍𑌮𑍃𑌗𑌪𑌕𑍍𑌷𑌿𑌣𑌃 ।
𑌗𑌤𑍍𑌵𑌾 𑌮𑍁𑌹𑍂𑌰𑍍𑌤𑌮𑌧𑍍𑌵𑌾𑌨𑌂 𑌭𑌰𑌦𑍍𑌵𑌾𑌜𑌮𑍁𑌪𑌾𑌗𑌮𑌤𑍍 ॥ 9 ॥
𑌤𑌤𑌸𑍍𑌤𑍍𑌵𑌾𑌶𑍍𑌰𑌮𑌾𑌸𑌾𑌦𑍍𑌯 𑌮𑍁𑌨𑍇𑌰𑍍𑌦𑌰𑍍𑌶𑌨𑌕𑌾𑌙𑍍𑌕𑍍𑌷𑌿𑌣𑍗 ।
𑌸𑍀𑌤𑌯𑌾𑌨𑍁𑌗𑌤𑍗 𑌵𑍀𑌰𑍗 𑌦𑍂𑌰𑌾𑌦𑍇𑌵𑌾𑌵𑌤𑌸𑍍𑌥𑌤𑍁𑌃 ॥ 10 ॥
𑌸 𑌪𑍍𑌰𑌵𑌿𑌶𑍍𑌯 𑌮𑌹𑌾𑌤𑍍𑌮𑌾𑌨𑌮𑍃𑌷𑌿𑌂 𑌶𑌿𑌷𑍍𑌯𑌗𑌣𑍈𑌰𑍍𑌵𑍃𑌤𑌮𑍍 ।
𑌸𑌂𑌶𑌿𑌤𑌵𑍍𑌰𑌤𑌮𑍇𑌕𑌾𑌗𑍍𑌰𑌂 𑌤𑌪𑌸𑌾 𑌲𑌬𑍍𑌧𑌚𑌕𑍍𑌷𑍁𑌷𑌮𑍍 ॥ 11 ॥
𑌹𑍁𑌤𑌾𑌗𑍍𑌨𑌿𑌹𑍋𑌤𑍍𑌰𑌂 𑌦𑍃𑌷𑍍𑌟𑍍𑌵𑍈𑌵 𑌮𑌹𑌾𑌭𑌾𑌗𑌂 𑌕𑍃𑌤𑌾𑌞𑍍𑌜𑌲𑌿𑌃 ।
𑌰𑌾𑌮𑌃 𑌸𑍗𑌮𑌿𑌤𑍍𑌰𑌿𑌣𑌾 𑌸𑌾𑌰𑍍𑌧𑌂 𑌸𑍀𑌤𑌯𑌾 𑌚𑌾𑌭𑍍𑌯𑌵𑌾𑌦𑌯𑌤𑍍 ॥ 12 ॥
𑌨𑍍𑌯𑌵𑍇𑌦𑌯𑌤 𑌚𑌾𑌤𑍍𑌮𑌾𑌨𑌂 𑌤𑌸𑍍𑌮𑍈 𑌲𑌕𑍍𑌷𑍍𑌮𑌣𑌪𑍂𑌰𑍍𑌵𑌜𑌃 ।
𑌪𑍁𑌤𑍍𑌰𑍗 𑌦𑌶𑌰𑌥𑌸𑍍𑌯𑌾𑌵𑌾𑌂 𑌭𑌗𑌵𑌨𑍍 𑌰𑌾𑌮𑌲𑌕𑍍𑌷𑍍𑌮𑌣𑍗 ॥ 13 ॥
𑌭𑌾𑌰𑍍𑌯𑌾 𑌮𑌮𑍇𑌯𑌂 𑌵𑍈𑌦𑍇𑌹𑍀 𑌕𑌲𑍍𑌯𑌾𑌣𑍀 𑌜𑌨𑌕𑌾𑌤𑍍𑌮𑌜𑌾 ।
𑌮𑌾𑌂 𑌚𑌾𑌨𑍁𑌯𑌾𑌤𑌾 𑌵𑌿𑌜𑌨𑌂 𑌤𑌪𑍋𑌵𑌨𑌮𑌨𑌿𑌨𑍍𑌦𑌿𑌤𑌾 ॥ 14 ॥
𑌪𑌿𑌤𑍍𑌰𑌾 𑌪𑍍𑌰𑌵𑍍𑌰𑌾𑌜𑍍𑌯𑌮𑌾𑌨𑌂 𑌮𑌾𑌂 𑌸𑍗𑌮𑌿𑌤𑍍𑌰𑌿𑌰𑌨𑍁𑌜 𑌪𑍍𑌰𑌿𑌯𑌃 ।
𑌅𑌯𑌮𑌨𑍍𑌵𑌗𑌮𑌦𑍍𑌭𑍍𑌰𑌾𑌤𑌾 𑌵𑌨𑌮𑍇𑌵 𑌦𑍃𑌢𑌵𑍍𑌰𑌤𑌃 ॥ 15 ॥
𑌪𑌿𑌤𑍍𑌰𑌾 𑌨𑌿𑌯𑍁𑌕𑍍𑌤𑌾 𑌭𑌗𑌵𑌨𑍍 𑌪𑍍𑌰𑌵𑍇𑌕𑍍𑌷𑍍𑌯𑌾𑌮𑌸𑍍𑌤𑌪𑍋𑌵𑌨𑌮𑍍 ।
𑌧𑌰𑍍𑌮𑌮𑍇𑌵 𑌚𑌰𑌿𑌷𑍍𑌯𑌾𑌮 𑌸𑍍𑌤𑌤𑍍𑌰 𑌮𑍂𑌲𑌫𑌲𑌾𑌶𑌨𑌾𑌃 ॥ 16 ॥
𑌤𑌸𑍍𑌯 𑌤𑌦𑍍𑌵𑌚𑌨𑌂 𑌶𑍍𑌰𑍁𑌤𑍍𑌵𑌾 𑌰𑌾𑌜𑌪𑍁𑌤𑍍𑌰𑌸𑍍𑌯 𑌧𑍀𑌮𑌤𑌃 ।
𑌉𑌪𑌾𑌨𑌯𑌤 𑌧𑌰𑍍𑌮𑌾𑌤𑍍𑌮𑌾 𑌗𑌾𑌮𑌰𑍍𑌘𑍍𑌯𑌮𑍁𑌦𑌕𑌂 𑌤𑌤𑌃 ॥ 17 ॥
𑌨𑌾𑌨𑌾𑌵𑌿𑌧𑌾𑌨𑌨𑍍𑌨𑌰𑌸𑌾𑌨𑍍 𑌵𑌨𑍍𑌯𑌮𑍂𑌲𑌫𑌲𑌾𑌶𑍍𑌰𑌯𑌾𑌨𑍍 ।
𑌤𑍇𑌭𑍍𑌯𑍋 𑌦𑌦𑍗 𑌤𑌪𑍍𑌤𑌤𑌪𑌾 𑌵𑌾𑌸𑌂 𑌚𑍈𑌵𑌾𑌭𑍍𑌯𑌕𑌲𑍍𑌪𑌯𑌤𑍍 ॥ 18 ॥
𑌮𑍃𑌗𑌪𑌕𑍍𑌷𑌿𑌭𑌿𑌰𑌾𑌸𑍀𑌨𑍋 𑌮𑍁𑌨𑌿𑌭𑌿𑌶𑍍𑌚 𑌸𑌮𑌨𑍍𑌤𑌤𑌃 ।
𑌰𑌾𑌮𑌮𑌾𑌗𑌤𑌮𑌭𑍍𑌯𑌰𑍍𑌚𑍍𑌯 𑌸𑍍𑌵𑌾𑌗𑌤𑍇𑌨𑌾𑌹𑌤𑌂 𑌮𑍁𑌨𑌿𑌃 ॥ 19 ॥
𑌪𑍍𑌰𑌤𑌿𑌗𑍃𑌹𑍍𑌯 𑌚 𑌤𑌾𑌮𑌰𑍍𑌚𑌾𑌮𑍁𑌪𑌵𑌿𑌷𑍍𑌟𑌂 𑌸 𑌰𑌾𑌘𑌵𑌮𑍍 ।
𑌭𑌰𑌦𑍍𑌵𑌾𑌜𑍋𑌽𑌬𑍍𑌰𑌵𑍀𑌦𑍍𑌵𑌾𑌕𑍍𑌯𑌂 𑌧𑌰𑍍𑌮𑌯𑍁𑌕𑍍𑌤𑌮𑌿𑌦𑌂 𑌤𑌦𑌾 ॥ 20 ॥
𑌚𑌿𑌰𑌸𑍍𑌯 𑌖𑌲𑍁 𑌕𑌾𑌕𑍁𑌤𑍍𑌸𑍍𑌥 𑌪𑌶𑍍𑌯𑌾𑌮𑌿 𑌤𑍍𑌵𑌾𑌮𑌿𑌹𑌾𑌗𑌤𑌮𑍍 ।
𑌶𑍍𑌰𑍁𑌤𑌂 𑌤𑌵 𑌮𑌯𑌾 𑌚𑍇𑌦𑌂 𑌵𑌿𑌵𑌾𑌸𑌨𑌮𑌕𑌾𑌰𑌣𑌮𑍍 ॥ 21 ॥
𑌅𑌵𑌕𑌾𑌶𑍋 𑌵𑌿𑌵𑌿𑌕𑍍𑌤𑍋𑌽𑌯𑌂 𑌮𑌹𑌾𑌨𑌦𑍍𑌯𑍋𑌸𑍍𑌸𑌮𑌾𑌗𑌮𑍇 ।
𑌪𑍁𑌣𑍍𑌯𑌶𑍍𑌚 𑌰𑌮𑌣𑍀𑌯𑌶𑍍𑌚 𑌵𑌸𑌤𑍍𑌵𑌿𑌹 𑌭𑌵𑌾𑌨𑍍 𑌸𑍁𑌖𑌮𑍍 ॥ 22 ॥
𑌏𑌵𑌮𑍁𑌕𑍍𑌤𑌸𑍍𑌤𑍁 𑌵𑌚𑌨𑌂 𑌭𑌰𑌦𑍍𑌵𑌾𑌜𑍇𑌨 𑌰𑌾𑌘𑌵𑌃 ।
𑌪𑍍𑌰𑌤𑍍𑌯𑍁𑌵𑌾𑌚 𑌶𑍁𑌭𑌂 𑌵𑌾𑌕𑍍𑌯𑌂 𑌰𑌾𑌮𑌃 𑌸𑌰𑍍𑌵𑌹𑌿𑌤𑍇 𑌰𑌤𑌃 ॥ 23 ॥
𑌭𑌗𑌵𑌨𑍍𑌨𑌿𑌤 𑌆𑌸𑌨𑍍𑌨𑌃 𑌪𑍗𑌰𑌜𑌾𑌨𑌪𑌦𑍋 𑌜𑌨𑌃 ।
𑌸𑍁𑌦𑌰𑍍𑌶𑌮𑌿𑌹 𑌮𑌾𑌂 𑌪𑍍𑌰𑍇𑌕𑍍𑌷𑍍𑌯 𑌮𑌨𑍍𑌯𑍇𑌽𑌹𑌮𑌿𑌮𑌮𑌾𑌶𑍍𑌰𑌮𑌮𑍍 ॥ 24 ॥
𑌆𑌗𑌮𑌿𑌷𑍍𑌯𑌤𑌿 𑌵𑍈𑌦𑍇𑌹𑍀𑌂 𑌮𑌾𑌂 𑌚𑌾𑌪𑌿 𑌪𑍍𑌰𑍇𑌕𑍍𑌷𑌕𑍋 𑌜𑌨𑌃 ।
𑌅𑌨𑍇𑌨 𑌕𑌾𑌰𑌣𑍇𑌨𑌾𑌹𑌮𑌿𑌹 𑌵𑌾𑌸𑌂 𑌨 𑌰𑍋𑌚𑌯𑍇 ॥ 25 ॥
𑌏𑌕𑌾𑌨𑍍𑌤𑍇 𑌪𑌶𑍍𑌯 𑌭𑌗𑌵𑌨𑍍𑌨𑌾𑌶𑍍𑌰𑌮𑌸𑍍𑌥𑌾𑌨𑌮𑍁𑌤𑍍𑌤𑌮𑌮𑍍 ।
𑌰𑌮𑍇𑌤 𑌯𑌤𑍍𑌰 𑌵𑍈𑌦𑍇𑌹𑍀 𑌸𑍁𑌖𑌾𑌰𑍍𑌹𑌾 𑌜𑌨𑌕𑌾𑌤𑍍𑌮𑌜𑌾 ॥ 26 ॥
𑌏𑌤𑌛𑍍𑌰𑍁𑌤𑍍𑌵𑌾 𑌶𑍁𑌭𑌂 𑌵𑌾𑌕𑍍𑌯𑌂 𑌭𑌰𑌦𑍍𑌵𑌾𑌜𑍋 𑌮𑌹𑌾𑌮𑍁𑌨𑌿𑌃 ।
𑌰𑌾𑌘𑌵𑌸𑍍𑌯 𑌤𑌤𑍋 𑌵𑌾𑌕𑍍𑌯𑌮𑌰𑍍𑌥𑌗𑍍𑌰𑌾𑌹𑌕𑌮𑌬𑍍𑌰𑌵𑍀𑌤𑍍 ॥ 27 ॥
𑌦𑌶𑌕𑍍𑌰𑍋𑌶 𑌇𑌤𑌸𑍍𑌤𑌾𑌤 𑌗𑌿𑌰𑌿𑌰𑍍𑌯𑌤𑍍𑌰𑌨𑌿𑌵𑌤𑍍𑌸𑍍𑌯𑌸𑌿 ।
𑌮𑌹𑌰𑍍𑌷𑌿𑌸𑍇𑌵𑌿𑌤𑌃 𑌪𑍁𑌣𑍍𑌯𑌃 𑌸𑌰𑍍𑌵𑌤𑌃 𑌸𑍁𑌖𑌦𑌰𑍍𑌶𑌨𑌃 ॥ 28 ॥
𑌗𑍋𑌲𑌾𑌙𑍍𑌗𑍂𑌲𑌾𑌨𑍁𑌚𑌰𑌿𑌤𑍋 𑌵𑌾𑌨𑌰𑌰𑍍𑌕𑍍𑌷𑌨𑌿𑌷𑍇𑌵𑌿𑌤𑌃 ।
𑌚𑌿𑌤𑍍𑌰𑌕𑍂𑌟 𑌇𑌤𑌿 𑌖𑍍𑌯𑌾𑌤𑍋 𑌗𑌨𑍍𑌧𑌮𑌾𑌦𑌨𑌸𑌨𑍍𑌨𑌿𑌭𑌃 ॥ 29 ॥
𑌯𑌾𑌵𑌤𑌾 𑌚𑌿𑌤𑍍𑌰𑌕𑍂𑌟𑌸𑍍𑌯 𑌨𑌰𑌶𑍃𑌙𑍍𑌗𑌾𑌨𑍍𑌯𑌵𑍇𑌕𑍍𑌷𑌤𑍇 ।
𑌕𑌲𑍍𑌯𑌾𑌣𑌾𑌨𑌿 𑌸𑌮𑌾𑌧𑌤𑍍𑌤𑍇 𑌨 𑌪𑌾𑌪𑍇 𑌕𑍁𑌰𑍁𑌤𑍇 𑌮𑌨𑌃 ॥ 30 ॥
𑌋𑌷𑌯𑌸𑍍𑌤𑌤𑍍𑌰 𑌬𑌹𑌵𑍋 𑌵𑌿𑌹𑍃𑌤𑍍𑌯 𑌶𑌰𑌦𑌾𑌂 𑌶𑌤𑌮𑍍 ।
𑌤𑌪𑌸𑌾 𑌦𑌿𑌵𑌮𑌾𑌰𑍂𑌢𑌾𑌃 𑌕𑌪𑌾𑌲𑌶𑌿𑌰𑌸𑌾 𑌸𑌹 ॥ 31 ॥
𑌪𑍍𑌰𑌵𑌿𑌵𑌿𑌕𑍍𑌤𑌮𑌹𑌂 𑌮𑌨𑍍𑌯𑍇 𑌤𑌂 𑌵𑌾𑌸𑌂 𑌭𑌵𑌤𑌸𑍍𑌸𑍁𑌖𑌮𑍍 ।
𑌇𑌹 𑌵𑌾 𑌵𑌨𑌵𑌾𑌸𑌾𑌯 𑌵𑌸 𑌰𑌾𑌮 𑌮𑌯𑌾 𑌸𑌹 ॥ 32 ॥
𑌸 𑌰𑌾𑌮𑌂 𑌸𑌰𑍍𑌵𑌕𑌾𑌮𑍈𑌸𑍍𑌤𑌂 𑌭𑌰𑌦𑍍𑌵𑌾𑌜𑌃 𑌪𑍍𑌰𑌿𑌯𑌾𑌤𑌿𑌥𑌿𑌮𑍍 ।
𑌸𑌭𑌾𑌰𑍍𑌯𑌂 𑌸𑌹 𑌚 𑌭𑍍𑌰𑌾𑌤𑍍𑌰𑌾 𑌪𑍍𑌰𑌤𑌿𑌜𑌗𑍍𑌰𑌾𑌹 𑌧𑌰𑍍𑌮𑌵𑌿𑌤𑍍 ॥ 33 ॥
𑌤𑌸𑍍𑌯 𑌪𑍍𑌰𑌯𑌾𑌗𑍇 𑌰𑌾𑌮𑌸𑍍𑌯 𑌤𑌂 𑌮𑌹𑌰𑍍𑌷𑌿𑌮𑍁𑌪𑍇𑌯𑍁𑌷𑌃 ।
𑌪𑍍𑌰𑌪𑌨𑍍𑌨𑌾 𑌰𑌜𑌨𑍀 𑌪𑍁𑌣𑍍𑌯𑌾𑌃 𑌚𑌿𑌤𑍍𑌰𑌾𑌃 𑌕𑌥𑌯𑌤𑌃 𑌕𑌥𑌾𑌃 ॥ 34 ॥
𑌸𑍀𑌤𑌾𑌤𑍃𑌤𑍀𑌯𑌃 𑌕𑌾𑌕𑍁𑌤𑍍𑌸𑍍𑌥𑌃 𑌪𑌰𑌿𑌶𑍍𑌰𑌾𑌨𑍍𑌤𑌃 𑌸𑍁𑌖𑍋𑌚𑌿𑌤𑌃 ।
𑌭𑌰𑌦𑍍𑌵𑌾𑌜𑌾𑌶𑍍𑌰𑌮𑍇 𑌰𑌮𑍍𑌯𑍇 𑌤𑌾𑌂 𑌰𑌾𑌤𑍍𑌰𑌿𑌮𑌵𑌸𑌤𑍍𑌸𑍁𑌖𑌮𑍍 ॥ 35 ॥
𑌪𑍍𑌰𑌭𑌾𑌤𑌾𑌯𑌾𑌂 𑌰𑌜𑌨𑍍𑌯𑌾𑌂 𑌤𑍁 𑌭𑌰𑌦𑍍𑌵𑌾𑌜𑌮𑍁𑌪𑌾𑌗𑌮𑌤𑍍 ।
𑌉𑌵𑌾𑌚 𑌨𑌰𑌶𑌾𑌰𑍍𑌦𑍂𑌲𑍋 𑌮𑍁𑌨𑌿𑌂 𑌜𑍍𑌵𑌲𑌿𑌤𑌤𑍇𑌜𑌸𑌮𑍍 ॥ 36 ॥
𑌶𑌰𑍍𑌵𑌰𑍀𑌂 𑌭𑌗𑌵𑌨𑍍𑌨𑌦𑍍𑌯 𑌸𑌤𑍍𑌯𑌶𑍀𑌲 𑌤𑌵𑌾𑌶𑍍𑌰𑌮𑍇 ।
𑌉𑌷𑌿𑌤𑌾𑌃 𑌸𑍍𑌮𑍇𑌹 𑌵𑌸𑌤𑌿𑌮𑌨𑍁𑌜𑌾𑌨𑌾𑌤𑍁 𑌨𑍋 𑌭𑌵𑌾𑌨𑍍 ॥ 37 ॥
𑌰𑌾𑌤𑍍𑌰𑍍𑌯𑌾𑌂 𑌤𑍁 𑌤𑌸𑍍𑌯𑌾𑌂 𑌵𑍍𑌯𑍁𑌷𑍍𑌟𑌾𑌯𑌾𑌂 𑌭𑌰𑌦𑍍𑌵𑌾𑌜𑍋𑌽𑌬𑍍𑌰𑌵𑍀𑌦𑌿𑌦𑌮𑍍 ।
𑌮𑌧𑍁𑌮𑍂𑌲𑌫𑌲𑍋𑌪𑍇𑌤𑌂 𑌚𑌿𑌤𑍍𑌰𑌕𑍂𑌟𑌂 𑌵𑍍𑌰𑌜𑍇𑌤𑌿 𑌹 ॥ 38 ॥
𑌵𑌾𑌸𑌮𑍗𑌪𑌯𑌿𑌕𑌂 𑌮𑌨𑍍𑌯𑍇 𑌤𑌵 𑌰𑌾𑌮 𑌮𑌹𑌾𑌬𑌲 𑌨𑌾𑌨𑌾𑌨𑌗𑌗𑌣𑍋𑌪𑍇𑌤𑌃 𑌕𑌿𑌨𑍍𑌨𑌰𑍋𑌰𑌗𑌸𑍇𑌵𑌿𑌤𑌃 ।
𑌮𑌯𑍂𑌰𑌨𑌾𑌦𑌾𑌭𑌿𑌰𑍁𑌤𑍋 𑌗𑌜𑌰𑌾𑌜𑌨𑌿𑌷𑍇𑌵𑌿𑌤𑌃 ॥ 39 ॥
𑌗𑌮𑍍𑌯𑌤𑌾𑌂 𑌭𑌵𑌤𑌾 𑌶𑍈𑌲 𑌶𑍍𑌚𑌿𑌤𑍍𑌰𑌕𑍂𑌟𑌃 𑌸 𑌵𑌿𑌶𑍍𑌰𑍁𑌤𑌃 ।
𑌪𑍁𑌣𑍍𑌯𑌶𑍍𑌚 𑌰𑌮𑌣𑍀𑌯𑌶𑍍𑌚 𑌬𑌹𑍁𑌮𑍂𑌲𑌫𑌲𑌾𑌯𑍁𑌤𑌃 ॥ 40 ॥
𑌤𑌤𑍍𑌰 𑌕𑍁𑌞𑍍𑌜𑌰𑌯𑍂𑌥𑌾𑌨𑌿 𑌮𑍃𑌗𑌯𑍂𑌥𑌾𑌨𑌿 𑌚𑌾𑌭𑌿𑌤𑌃 ।
𑌵𑌿𑌚𑌰𑌨𑍍𑌤𑌿 𑌵𑌨𑌾𑌨𑍍𑌤𑍇𑌸𑍍𑌮𑌿𑌨𑍍 𑌤𑌾𑌨𑌿 𑌦𑍍𑌰𑌕𑍍𑌷𑍍𑌯𑌸𑌿 𑌰𑌾𑌘𑌵 ॥ 41 ॥
𑌸𑌰𑌿𑌤𑍍𑌪𑍍𑌰𑌸𑍍𑌰𑌵𑌣𑌪𑍍𑌰𑌸𑍍𑌥𑌾𑌨𑍍 𑌦𑌰𑍀𑌕𑌨𑍍𑌦𑌰𑌨𑌿𑌰𑍍𑌝𑌰𑌾𑌨𑍍 ।
𑌚𑌰𑌤𑌃 𑌸𑍀𑌤𑌯𑌾 𑌸𑌾𑌰𑍍𑌧𑌂 𑌨𑌨𑍍𑌦𑌿𑌷𑍍𑌯𑌤𑌿 𑌮𑌨𑌸𑍍𑌤𑌵 ॥ 42 ॥
𑌪𑍍𑌰𑌹𑍃𑌷𑍍𑌟𑌕𑍋𑌯𑌷𑍍𑌟𑌿𑌕𑌕𑍋𑌕𑌿𑌲𑌸𑍍𑌵𑌨𑍈𑌰𑍍𑌵𑌿𑌨𑌾𑌦𑌿𑌤𑌂 𑌤𑌂 𑌵𑌸𑍁𑌧𑌾𑌧𑌰𑌂 𑌶𑌿𑌵𑌮𑍍 ।
𑌮𑍃𑌗𑍈𑌶𑍍𑌚 𑌮𑌤𑍍𑌤𑍈𑌰𑍍𑌬𑌹𑍁𑌭𑌿𑌶𑍍𑌚 𑌕𑍁𑌞𑍍𑌜𑌰𑍈𑌃 𑌸𑍁𑌰𑌮𑍍𑌯𑌮𑌾𑌸𑌾𑌦𑍍𑌯 𑌸𑌮𑌾𑌵𑌸𑌾𑌶𑍍𑌰𑌮𑌮𑍍 ॥ 43 ॥
𑌇𑌤𑍍𑌯𑌾𑌰𑍍𑌷𑍇 𑌶𑍍𑌰𑍀𑌮𑌦𑍍𑌰𑌾𑌮𑌾𑌯𑌣𑍇 𑌵𑌾𑌲𑍍𑌮𑍀𑌕𑍀𑌯 𑌆𑌦𑌿𑌕𑌾𑌵𑍍𑌯𑍇 𑌅𑌯𑍋𑌧𑍍𑌯𑌾𑌕𑌾𑌣𑍍𑌡𑍇 𑌚𑌤𑍁𑌃𑌪𑌞𑍍𑌚𑌾𑌶𑌸𑍍𑌸𑌰𑍍𑌗𑌃 ॥
Roman (IAST) Transliteration
śrīmadvālmīkīya rāmāyaṇe ayodhyākāṇḍam |
atha catuḥpañcāśassargaḥ |
te tu tasminmahāvṛkṣe uṣitvā rajanīṃ śivām |
vimale'bhyudite sūrye tasmāddeśātpratasthire || 1 ||
yatra bhāgīrathīṃ gaṅgāṃ yamunābhipravartate |
jagmustaṃ deśamuddiśya vigāhya sumahadvanam || 2 ||
te bhūmibhāgānvividhān deśāṃścāpi manoramān |
adṛṣṭapūrvān paśyantastatra tatra yaśaśvinaḥ || 3 ||
yathā kṣemeṇa gacchan sa paśyaṃśca vividhān drumān |
nivṛttamātre divase rāmaḥ saumitrimabravīt || 4 ||
prayāgamabhitaḥ paśya saumitre dhūmamunnatam |
agnerbhagavataḥ ketuṃ manye sannihito muniḥ || 5 ||
nūnaṃ prāptāḥ sma sambhedaṃ gaṅgāyamunayorvayam |
tathā hi śrūyate śabdo vāriṇo vārighaṭṭitaḥ || 6 ||
dārūṇi paribhinnāni vanajairupajīvibhiḥ |
bharadvājāśrame caite dṛśyante vividhā drumāḥ || 7 ||
dhanvinau tau sukhaṃ gatvā lambamāne divākare |
gaṅgāyamunayossandhau prāpaturnilayaṃ muneḥ || 8 ||
rāmastvāśramamāsādya trāsayanmṛgapakṣiṇaḥ |
gatvā muhūrtamadhvānaṃ bharadvājamupāgamat || 9 ||
tatastvāśramāsādya munerdarśanakāṅkṣiṇau |
sītayānugatau vīrau dūrādevāvatasthatuḥ || 10 ||
sa praviśya mahātmānamṛṣiṃ śiṣyagaṇairvṛtam |
saṃśitavratamekāgraṃ tapasā labdhacakṣuṣam || 11 ||
hutāgnihotraṃ dṛṣṭvaiva mahābhāgaṃ kṛtāñjaliḥ |
rāmaḥ saumitriṇā sārdhaṃ sītayā cābhyavādayat || 12 ||
nyavedayata cātmānaṃ tasmai lakṣmaṇapūrvajaḥ |
putrau daśarathasyāvāṃ bhagavan rāmalakṣmaṇau || 13 ||
bhāryā mameyaṃ vaidehī kalyāṇī janakātmajā |
māṃ cānuyātā vijanaṃ tapovanamaninditā || 14 ||
pitrā pravrājyamānaṃ māṃ saumitriranuja priyaḥ |
ayamanvagamadbhrātā vanameva dṛḍhavrataḥ || 15 ||
pitrā niyuktā bhagavan pravekṣyāmastapovanam |
dharmameva cariṣyāma statra mūlaphalāśanāḥ || 16 ||
tasya tadvacanaṃ śrutvā rājaputrasya dhīmataḥ |
upānayata dharmātmā gāmarghyamudakaṃ tataḥ || 17 ||
nānāvidhānannarasān vanyamūlaphalāśrayān |
tebhyo dadau taptatapā vāsaṃ caivābhyakalpayat || 18 ||
mṛgapakṣibhirāsīno munibhiśca samantataḥ |
rāmamāgatamabhyarcya svāgatenāhataṃ muniḥ || 19 ||
pratigṛhya ca tāmarcāmupaviṣṭaṃ sa rāghavam |
bharadvājo'bravīdvākyaṃ dharmayuktamidaṃ tadā || 20 ||
cirasya khalu kākutstha paśyāmi tvāmihāgatam |
śrutaṃ tava mayā cedaṃ vivāsanamakāraṇam || 21 ||
avakāśo vivikto'yaṃ mahānadyossamāgame |
puṇyaśca ramaṇīyaśca vasatviha bhavān sukham || 22 ||
evamuktastu vacanaṃ bharadvājena rāghavaḥ |
pratyuvāca śubhaṃ vākyaṃ rāmaḥ sarvahite rataḥ || 23 ||
bhagavannita āsannaḥ paurajānapado janaḥ |
sudarśamiha māṃ prekṣya manye'hamimamāśramam || 24 ||
āgamiṣyati vaidehīṃ māṃ cāpi prekṣako janaḥ |
anena kāraṇenāhamiha vāsaṃ na rocaye || 25 ||
ekānte paśya bhagavannāśramasthānamuttamam |
rameta yatra vaidehī sukhārhā janakātmajā || 26 ||
etachrutvā śubhaṃ vākyaṃ bharadvājo mahāmuniḥ |
rāghavasya tato vākyamarthagrāhakamabravīt || 27 ||
daśakrośa itastāta giriryatranivatsyasi |
maharṣisevitaḥ puṇyaḥ sarvataḥ sukhadarśanaḥ || 28 ||
golāṅgūlānucarito vānararkṣaniṣevitaḥ |
citrakūṭa iti khyāto gandhamādanasannibhaḥ || 29 ||
yāvatā citrakūṭasya naraśṛṅgānyavekṣate |
kalyāṇāni samādhatte na pāpe kurute manaḥ || 30 ||
ṛṣayastatra bahavo vihṛtya śaradāṃ śatam |
tapasā divamārūḍhāḥ kapālaśirasā saha || 31 ||
praviviktamahaṃ manye taṃ vāsaṃ bhavatassukham |
iha vā vanavāsāya vasa rāma mayā saha || 32 ||
sa rāmaṃ sarvakāmaistaṃ bharadvājaḥ priyātithim |
sabhāryaṃ saha ca bhrātrā pratijagrāha dharmavit || 33 ||
tasya prayāge rāmasya taṃ maharṣimupeyuṣaḥ |
prapannā rajanī puṇyāḥ citrāḥ kathayataḥ kathāḥ || 34 ||
sītātṛtīyaḥ kākutsthaḥ pariśrāntaḥ sukhocitaḥ |
bharadvājāśrame ramye tāṃ rātrimavasatsukham || 35 ||
prabhātāyāṃ rajanyāṃ tu bharadvājamupāgamat |
uvāca naraśārdūlo muniṃ jvalitatejasam || 36 ||
śarvarīṃ bhagavannadya satyaśīla tavāśrame |
uṣitāḥ smeha vasatimanujānātu no bhavān || 37 ||
rātryāṃ tu tasyāṃ vyuṣṭāyāṃ bharadvājo'bravīdidam |
madhumūlaphalopetaṃ citrakūṭaṃ vrajeti ha || 38 ||
vāsamaupayikaṃ manye tava rāma mahābala nānānagagaṇopetaḥ kinnaroragasevitaḥ |
mayūranādābhiruto gajarājaniṣevitaḥ || 39 ||
gamyatāṃ bhavatā śaila ścitrakūṭaḥ sa viśrutaḥ |
puṇyaśca ramaṇīyaśca bahumūlaphalāyutaḥ || 40 ||
tatra kuñjarayūthāni mṛgayūthāni cābhitaḥ |
vicaranti vanāntesmin tāni drakṣyasi rāghava || 41 ||
saritprasravaṇaprasthān darīkandaranirjharān |
carataḥ sītayā sārdhaṃ nandiṣyati manastava || 42 ||
prahṛṣṭakoyaṣṭikakokilasvanairvināditaṃ taṃ vasudhādharaṃ śivam |
mṛgaiśca mattairbahubhiśca kuñjaraiḥ suramyamāsādya samāvasāśramam || 43 ||
ityārṣe śrīmadrāmāyaṇe vālmīkīya ādikāvye ayodhyākāṇḍe catuḥpañcāśassargaḥ ||
Sanskrit — Devanagari (original)
श्रीमद्वाल्मीकीय रामायणे अयोध्याकाण्डम् ।
अथ चतुःपञ्चाशस्सर्गः ।
ते तु तस्मिन्महावृक्षे उषित्वा रजनीं शिवाम् ।
विमलेऽभ्युदिते सूर्ये तस्माद्देशात्प्रतस्थिरे ॥ 1 ॥
यत्र भागीरथीं गङ्गां यमुनाभिप्रवर्तते ।
जग्मुस्तं देशमुद्दिश्य विगाह्य सुमहद्वनम् ॥ 2 ॥
ते भूमिभागान्विविधान् देशांश्चापि मनोरमान् ।
अदृष्टपूर्वान् पश्यन्तस्तत्र तत्र यशश्विनः ॥ 3 ॥
यथा क्षेमेण गच्छन् स पश्यंश्च विविधान् द्रुमान् ।
निवृत्तमात्रे दिवसे रामः सौमित्रिमब्रवीत् ॥ 4 ॥
प्रयागमभितः पश्य सौमित्रे धूममुन्नतम् ।
अग्नेर्भगवतः केतुं मन्ये सन्निहितो मुनिः ॥ 5 ॥
नूनं प्राप्ताः स्म सम्भेदं गङ्गायमुनयोर्वयम् ।
तथा हि श्रूयते शब्दो वारिणो वारिघट्टितः ॥ 6 ॥
दारूणि परिभिन्नानि वनजैरुपजीविभिः ।
भरद्वाजाश्रमे चैते दृश्यन्ते विविधा द्रुमाः ॥ 7 ॥
धन्विनौ तौ सुखं गत्वा लम्बमाने दिवाकरे ।
गङ्गायमुनयोस्सन्धौ प्रापतुर्निलयं मुनेः ॥ 8 ॥
रामस्त्वाश्रममासाद्य त्रासयन्मृगपक्षिणः ।
गत्वा मुहूर्तमध्वानं भरद्वाजमुपागमत् ॥ 9 ॥
ततस्त्वाश्रमासाद्य मुनेर्दर्शनकाङ्क्षिणौ ।
सीतयानुगतौ वीरौ दूरादेवावतस्थतुः ॥ 10 ॥
स प्रविश्य महात्मानमृषिं शिष्यगणैर्वृतम् ।
संशितव्रतमेकाग्रं तपसा लब्धचक्षुषम् ॥ 11 ॥
हुताग्निहोत्रं दृष्ट्वैव महाभागं कृताञ्जलिः ।
रामः सौमित्रिणा सार्धं सीतया चाभ्यवादयत् ॥ 12 ॥
न्यवेदयत चात्मानं तस्मै लक्ष्मणपूर्वजः ।
पुत्रौ दशरथस्यावां भगवन् रामलक्ष्मणौ ॥ 13 ॥
भार्या ममेयं वैदेही कल्याणी जनकात्मजा ।
मां चानुयाता विजनं तपोवनमनिन्दिता ॥ 14 ॥
पित्रा प्रव्राज्यमानं मां सौमित्रिरनुज प्रियः ।
अयमन्वगमद्भ्राता वनमेव दृढव्रतः ॥ 15 ॥
पित्रा नियुक्ता भगवन् प्रवेक्ष्यामस्तपोवनम् ।
धर्ममेव चरिष्याम स्तत्र मूलफलाशनाः ॥ 16 ॥
तस्य तद्वचनं श्रुत्वा राजपुत्रस्य धीमतः ।
उपानयत धर्मात्मा गामर्घ्यमुदकं ततः ॥ 17 ॥
नानाविधानन्नरसान् वन्यमूलफलाश्रयान् ।
तेभ्यो ददौ तप्ततपा वासं चैवाभ्यकल्पयत् ॥ 18 ॥
मृगपक्षिभिरासीनो मुनिभिश्च समन्ततः ।
राममागतमभ्यर्च्य स्वागतेनाहतं मुनिः ॥ 19 ॥
प्रतिगृह्य च तामर्चामुपविष्टं स राघवम् ।
भरद्वाजोऽब्रवीद्वाक्यं धर्मयुक्तमिदं तदा ॥ 20 ॥
चिरस्य खलु काकुत्स्थ पश्यामि त्वामिहागतम् ।
श्रुतं तव मया चेदं विवासनमकारणम् ॥ 21 ॥
अवकाशो विविक्तोऽयं महानद्योस्समागमे ।
पुण्यश्च रमणीयश्च वसत्विह भवान् सुखम् ॥ 22 ॥
एवमुक्तस्तु वचनं भरद्वाजेन राघवः ।
प्रत्युवाच शुभं वाक्यं रामः सर्वहिते रतः ॥ 23 ॥
भगवन्नित आसन्नः पौरजानपदो जनः ।
सुदर्शमिह मां प्रेक्ष्य मन्येऽहमिममाश्रमम् ॥ 24 ॥
आगमिष्यति वैदेहीं मां चापि प्रेक्षको जनः ।
अनेन कारणेनाहमिह वासं न रोचये ॥ 25 ॥
एकान्ते पश्य भगवन्नाश्रमस्थानमुत्तमम् ।
रमेत यत्र वैदेही सुखार्हा जनकात्मजा ॥ 26 ॥
एतछ्रुत्वा शुभं वाक्यं भरद्वाजो महामुनिः ।
राघवस्य ततो वाक्यमर्थग्राहकमब्रवीत् ॥ 27 ॥
दशक्रोश इतस्तात गिरिर्यत्रनिवत्स्यसि ।
महर्षिसेवितः पुण्यः सर्वतः सुखदर्शनः ॥ 28 ॥
गोलाङ्गूलानुचरितो वानरर्क्षनिषेवितः ।
चित्रकूट इति ख्यातो गन्धमादनसन्निभः ॥ 29 ॥
यावता चित्रकूटस्य नरशृङ्गान्यवेक्षते ।
कल्याणानि समाधत्ते न पापे कुरुते मनः ॥ 30 ॥
ऋषयस्तत्र बहवो विहृत्य शरदां शतम् ।
तपसा दिवमारूढाः कपालशिरसा सह ॥ 31 ॥
प्रविविक्तमहं मन्ये तं वासं भवतस्सुखम् ।
इह वा वनवासाय वस राम मया सह ॥ 32 ॥
स रामं सर्वकामैस्तं भरद्वाजः प्रियातिथिम् ।
सभार्यं सह च भ्रात्रा प्रतिजग्राह धर्मवित् ॥ 33 ॥
तस्य प्रयागे रामस्य तं महर्षिमुपेयुषः ।
प्रपन्ना रजनी पुण्याः चित्राः कथयतः कथाः ॥ 34 ॥
सीतातृतीयः काकुत्स्थः परिश्रान्तः सुखोचितः ।
भरद्वाजाश्रमे रम्ये तां रात्रिमवसत्सुखम् ॥ 35 ॥
प्रभातायां रजन्यां तु भरद्वाजमुपागमत् ।
उवाच नरशार्दूलो मुनिं ज्वलिततेजसम् ॥ 36 ॥
शर्वरीं भगवन्नद्य सत्यशील तवाश्रमे ।
उषिताः स्मेह वसतिमनुजानातु नो भवान् ॥ 37 ॥
रात्र्यां तु तस्यां व्युष्टायां भरद्वाजोऽब्रवीदिदम् ।
मधुमूलफलोपेतं चित्रकूटं व्रजेति ह ॥ 38 ॥
वासमौपयिकं मन्ये तव राम महाबल नानानगगणोपेतः किन्नरोरगसेवितः ।
मयूरनादाभिरुतो गजराजनिषेवितः ॥ 39 ॥
गम्यतां भवता शैल श्चित्रकूटः स विश्रुतः ।
पुण्यश्च रमणीयश्च बहुमूलफलायुतः ॥ 40 ॥
तत्र कुञ्जरयूथानि मृगयूथानि चाभितः ।
विचरन्ति वनान्तेस्मिन् तानि द्रक्ष्यसि राघव ॥ 41 ॥
सरित्प्रस्रवणप्रस्थान् दरीकन्दरनिर्झरान् ।
चरतः सीतया सार्धं नन्दिष्यति मनस्तव ॥ 42 ॥
प्रहृष्टकोयष्टिककोकिलस्वनैर्विनादितं तं वसुधाधरं शिवम् ।
मृगैश्च मत्तैर्बहुभिश्च कुञ्जरैः सुरम्यमासाद्य समावसाश्रमम् ॥ 43 ॥
इत्यार्षे श्रीमद्रामायणे वाल्मीकीय आदिकाव्ये अयोध्याकाण्डे चतुःपञ्चाशस्सर्गः ॥
śrīmadvālmīkīya rāmāyaṇe ayodhyākāṇḍam |
atha catuḥpañcāśassargaḥ |
te tu tasminmahāvṛkṣe uṣitvā rajanīṃ śivām |
vimale'bhyudite sūrye tasmāddeśātpratasthire || 1 ||
yatra bhāgīrathīṃ gaṅgāṃ yamunābhipravartate |
jagmustaṃ deśamuddiśya vigāhya sumahadvanam || 2 ||
te bhūmibhāgānvividhān deśāṃścāpi manoramān |
adṛṣṭapūrvān paśyantastatra tatra yaśaśvinaḥ || 3 ||
yathā kṣemeṇa gacchan sa paśyaṃśca vividhān drumān |
nivṛttamātre divase rāmaḥ saumitrimabravīt || 4 ||
prayāgamabhitaḥ paśya saumitre dhūmamunnatam |
agnerbhagavataḥ ketuṃ manye sannihito muniḥ || 5 ||
nūnaṃ prāptāḥ sma sambhedaṃ gaṅgāyamunayorvayam |
tathā hi śrūyate śabdo vāriṇo vārighaṭṭitaḥ || 6 ||
dārūṇi paribhinnāni vanajairupajīvibhiḥ |
bharadvājāśrame caite dṛśyante vividhā drumāḥ || 7 ||
dhanvinau tau sukhaṃ gatvā lambamāne divākare |
gaṅgāyamunayossandhau prāpaturnilayaṃ muneḥ || 8 ||
rāmastvāśramamāsādya trāsayanmṛgapakṣiṇaḥ |
gatvā muhūrtamadhvānaṃ bharadvājamupāgamat || 9 ||
tatastvāśramāsādya munerdarśanakāṅkṣiṇau |
sītayānugatau vīrau dūrādevāvatasthatuḥ || 10 ||
sa praviśya mahātmānamṛṣiṃ śiṣyagaṇairvṛtam |
saṃśitavratamekāgraṃ tapasā labdhacakṣuṣam || 11 ||
hutāgnihotraṃ dṛṣṭvaiva mahābhāgaṃ kṛtāñjaliḥ |
rāmaḥ saumitriṇā sārdhaṃ sītayā cābhyavādayat || 12 ||
nyavedayata cātmānaṃ tasmai lakṣmaṇapūrvajaḥ |
putrau daśarathasyāvāṃ bhagavan rāmalakṣmaṇau || 13 ||
bhāryā mameyaṃ vaidehī kalyāṇī janakātmajā |
māṃ cānuyātā vijanaṃ tapovanamaninditā || 14 ||
pitrā pravrājyamānaṃ māṃ saumitriranuja priyaḥ |
ayamanvagamadbhrātā vanameva dṛḍhavrataḥ || 15 ||
pitrā niyuktā bhagavan pravekṣyāmastapovanam |
dharmameva cariṣyāma statra mūlaphalāśanāḥ || 16 ||
tasya tadvacanaṃ śrutvā rājaputrasya dhīmataḥ |
upānayata dharmātmā gāmarghyamudakaṃ tataḥ || 17 ||
nānāvidhānannarasān vanyamūlaphalāśrayān |
tebhyo dadau taptatapā vāsaṃ caivābhyakalpayat || 18 ||
mṛgapakṣibhirāsīno munibhiśca samantataḥ |
rāmamāgatamabhyarcya svāgatenāhataṃ muniḥ || 19 ||
pratigṛhya ca tāmarcāmupaviṣṭaṃ sa rāghavam |
bharadvājo'bravīdvākyaṃ dharmayuktamidaṃ tadā || 20 ||
cirasya khalu kākutstha paśyāmi tvāmihāgatam |
śrutaṃ tava mayā cedaṃ vivāsanamakāraṇam || 21 ||
avakāśo vivikto'yaṃ mahānadyossamāgame |
puṇyaśca ramaṇīyaśca vasatviha bhavān sukham || 22 ||
evamuktastu vacanaṃ bharadvājena rāghavaḥ |
pratyuvāca śubhaṃ vākyaṃ rāmaḥ sarvahite rataḥ || 23 ||
bhagavannita āsannaḥ paurajānapado janaḥ |
sudarśamiha māṃ prekṣya manye'hamimamāśramam || 24 ||
āgamiṣyati vaidehīṃ māṃ cāpi prekṣako janaḥ |
anena kāraṇenāhamiha vāsaṃ na rocaye || 25 ||
ekānte paśya bhagavannāśramasthānamuttamam |
rameta yatra vaidehī sukhārhā janakātmajā || 26 ||
etachrutvā śubhaṃ vākyaṃ bharadvājo mahāmuniḥ |
rāghavasya tato vākyamarthagrāhakamabravīt || 27 ||
daśakrośa itastāta giriryatranivatsyasi |
maharṣisevitaḥ puṇyaḥ sarvataḥ sukhadarśanaḥ || 28 ||
golāṅgūlānucarito vānararkṣaniṣevitaḥ |
citrakūṭa iti khyāto gandhamādanasannibhaḥ || 29 ||
yāvatā citrakūṭasya naraśṛṅgānyavekṣate |
kalyāṇāni samādhatte na pāpe kurute manaḥ || 30 ||
ṛṣayastatra bahavo vihṛtya śaradāṃ śatam |
tapasā divamārūḍhāḥ kapālaśirasā saha || 31 ||
praviviktamahaṃ manye taṃ vāsaṃ bhavatassukham |
iha vā vanavāsāya vasa rāma mayā saha || 32 ||
sa rāmaṃ sarvakāmaistaṃ bharadvājaḥ priyātithim |
sabhāryaṃ saha ca bhrātrā pratijagrāha dharmavit || 33 ||
tasya prayāge rāmasya taṃ maharṣimupeyuṣaḥ |
prapannā rajanī puṇyāḥ citrāḥ kathayataḥ kathāḥ || 34 ||
sītātṛtīyaḥ kākutsthaḥ pariśrāntaḥ sukhocitaḥ |
bharadvājāśrame ramye tāṃ rātrimavasatsukham || 35 ||
prabhātāyāṃ rajanyāṃ tu bharadvājamupāgamat |
uvāca naraśārdūlo muniṃ jvalitatejasam || 36 ||
śarvarīṃ bhagavannadya satyaśīla tavāśrame |
uṣitāḥ smeha vasatimanujānātu no bhavān || 37 ||
rātryāṃ tu tasyāṃ vyuṣṭāyāṃ bharadvājo'bravīdidam |
madhumūlaphalopetaṃ citrakūṭaṃ vrajeti ha || 38 ||
vāsamaupayikaṃ manye tava rāma mahābala nānānagagaṇopetaḥ kinnaroragasevitaḥ |
mayūranādābhiruto gajarājaniṣevitaḥ || 39 ||
gamyatāṃ bhavatā śaila ścitrakūṭaḥ sa viśrutaḥ |
puṇyaśca ramaṇīyaśca bahumūlaphalāyutaḥ || 40 ||
tatra kuñjarayūthāni mṛgayūthāni cābhitaḥ |
vicaranti vanāntesmin tāni drakṣyasi rāghava || 41 ||
saritprasravaṇaprasthān darīkandaranirjharān |
carataḥ sītayā sārdhaṃ nandiṣyati manastava || 42 ||
prahṛṣṭakoyaṣṭikakokilasvanairvināditaṃ taṃ vasudhādharaṃ śivam |
mṛgaiśca mattairbahubhiśca kuñjaraiḥ suramyamāsādya samāvasāśramam || 43 ||
ityārṣe śrīmadrāmāyaṇe vālmīkīya ādikāvye ayodhyākāṇḍe catuḥpañcāśassargaḥ ||
🕉️ This is the original Sanskrit rendered in Grantha script.
Pronunciation is identical to the Sanskrit Devanagari version.