আনন্দরূপ ভগবন্নযি তেঽবতারে
প্রাপ্তে প্রদীপ্তভবদঙ্গনিরীযমাণৈঃ ।
কান্তিব্রজৈরিব ঘনাঘনমণ্ডলৈর্দ্যা-
মাবৃণ্বতী বিরুরুচে কিল বর্ষবেলা ॥1॥
আশাসু শীতলতরাসু পযোদতোযৈ-
রাশাসিতাপ্তিবিবশেষু চ সজ্জনেষু ।
নৈশাকরোদযবিধৌ নিশি মধ্যমাযাং
ক্লেশাপহস্ত্রিজগতাং ত্বমিহাবিরাসীঃ ॥2॥
বাল্যস্পৃশাঽপি বপুষা দধুষা বিভূতী-
রুদ্যত্কিরীটকটকাঙ্গদহারভাসা ।
শঙ্খারিবারিজগদাপরিভাসিতেন
মেঘাসিতেন পরিলেসিথ সূতিগেহে ॥3॥
বক্ষঃস্থলীসুখনিলীনবিলাসিলক্ষ্মী-
মন্দাক্ষলক্ষিতকটাক্ষবিমোক্ষভেদৈঃ ।
তন্মন্দিরস্য খলকংসকৃতামলক্ষ্মী-
মুন্মার্জযন্নিব বিরেজিথ বাসুদেব ॥4॥
শৌরিস্তু ধীরমুনিমণ্ডলচেতসোঽপি
দূরস্থিতং বপুরুদীক্ষ্য নিজেক্ষণাভ্যাম্ ॥
আনন্দবাষ্পপুলকোদ্গমগদ্গদার্দ্র-
স্তুষ্টাব দৃষ্টিমকরন্দরসং ভবন্তম্ ॥5॥
দেব প্রসীদ পরপূরুষ তাপবল্লী-
নির্লূনদাত্রসমনেত্রকলাবিলাসিন্ ।
খেদানপাকুরু কৃপাগুরুভিঃ কটাক্ষৈ-
রিত্যাদি তেন মুদিতেন চিরং নুতোঽভূঃ ॥6॥
মাত্রা চ নেত্রসলিলাস্তৃতগাত্রবল্যা
স্তোত্রৈরভিষ্টুতগুণঃ করুণালযস্ত্বম্ ।
প্রাচীনজন্মযুগলং প্রতিবোধ্য তাভ্যাং
মাতুর্গিরা দধিথ মানুষবালবেষম্ ॥7॥
ত্বত্প্রেরিতস্তদনু নন্দতনূজযা তে
ব্যত্যাসমারচযিতুং স হি শূরসূনুঃ ।
ত্বাং হস্তযোরধৃত চিত্তবিধার্যমার্যৈ-
রম্ভোরুহস্থকলহংসকিশোররম্যম্ ॥8॥
জাতা তদা পশুপসদ্মনি যোগনিদ্রা ।
নিদ্রাবিমুদ্রিতমথাকৃত পৌরলোকম্ ।
ত্বত্প্রেরণাত্ কিমিব চিত্রমচেতনৈর্যদ্-
দ্বারৈঃ স্বযং ব্যঘটি সঙ্ঘটিতৈঃ সুগাঢম্ ॥9॥
শেষেণ ভূরিফণবারিতবারিণাঽথ
স্বৈরং প্রদর্শিতপথো মণিদীপিতেন ।
ত্বাং ধারযন্ স খলু ধন্যতমঃ প্রতস্থে
সোঽযং ত্বমীশ মম নাশয রোগবেগান্ ॥10॥
Roman (IAST) Transliteration
ānandarūpa bhagavannayi te'vatāre
prāpte pradīptabhavadaṅganirīyamāṇaiḥ |
kāntivrajairiva ghanāghanamaṇḍalairdyā-
māvṛṇvatī viruruce kila varṣavelā ||1||
āśāsu śītalatarāsu payodatoyai-
rāśāsitāptivivaśeṣu ca sajjaneṣu |
naiśākarodayavidhau niśi madhyamāyāṃ
kleśāpahastrijagatāṃ tvamihāvirāsīḥ ||2||
bālyaspṛśā'pi vapuṣā dadhuṣā vibhūtī-
rudyatkirīṭakaṭakāṅgadahārabhāsā |
śaṅkhārivārijagadāparibhāsitena
meghāsitena parilesitha sūtigehe ||3||
vakṣaḥsthalīsukhanilīnavilāsilakṣmī-
mandākṣalakṣitakaṭākṣavimokṣabhedaiḥ |
tanmandirasya khalakaṃsakṛtāmalakṣmī-
munmārjayanniva virejitha vāsudeva ||4||
śauristu dhīramunimaṇḍalacetaso'pi
dūrasthitaṃ vapurudīkṣya nijekṣaṇābhyām ||
ānandavāṣpapulakodgamagadgadārdra-
stuṣṭāva dṛṣṭimakarandarasaṃ bhavantam ||5||
deva prasīda parapūruṣa tāpavallī-
nirlūnadātrasamanetrakalāvilāsin |
khedānapākuru kṛpāgurubhiḥ kaṭākṣai-
rityādi tena muditena ciraṃ nuto'bhūḥ ||6||
mātrā ca netrasalilāstṛtagātravalyā
stotrairabhiṣṭutaguṇaḥ karuṇālayastvam |
prācīnajanmayugalaṃ pratibodhya tābhyāṃ
māturgirā dadhitha mānuṣabālaveṣam ||7||
tvatpreritastadanu nandatanūjayā te
vyatyāsamāracayituṃ sa hi śūrasūnuḥ |
tvāṃ hastayoradhṛta cittavidhāryamāryai-
rambhoruhasthakalahaṃsakiśoraramyam ||8||
jātā tadā paśupasadmani yoganidrā |
nidrāvimudritamathākṛta pauralokam |
tvatpreraṇāt kimiva citramacetanairyad-
dvāraiḥ svayaṃ vyaghaṭi saṅghaṭitaiḥ sugāḍham ||9||
śeṣeṇa bhūriphaṇavāritavāriṇā'tha
svairaṃ pradarśitapatho maṇidīpitena |
tvāṃ dhārayan sa khalu dhanyatamaḥ pratasthe
so'yaṃ tvamīśa mama nāśaya rogavegān ||10||
Sanskrit — Devanagari (original)
आनन्दरूप भगवन्नयि तेऽवतारे
प्राप्ते प्रदीप्तभवदङ्गनिरीयमाणैः ।
कान्तिव्रजैरिव घनाघनमण्डलैर्द्या-
मावृण्वती विरुरुचे किल वर्षवेला ॥1॥
आशासु शीतलतरासु पयोदतोयै-
राशासिताप्तिविवशेषु च सज्जनेषु ।
नैशाकरोदयविधौ निशि मध्यमायां
क्लेशापहस्त्रिजगतां त्वमिहाविरासीः ॥2॥
बाल्यस्पृशाऽपि वपुषा दधुषा विभूती-
रुद्यत्किरीटकटकाङ्गदहारभासा ।
शङ्खारिवारिजगदापरिभासितेन
मेघासितेन परिलेसिथ सूतिगेहे ॥3॥
वक्षःस्थलीसुखनिलीनविलासिलक्ष्मी-
मन्दाक्षलक्षितकटाक्षविमोक्षभेदैः ।
तन्मन्दिरस्य खलकंसकृतामलक्ष्मी-
मुन्मार्जयन्निव विरेजिथ वासुदेव ॥4॥
शौरिस्तु धीरमुनिमण्डलचेतसोऽपि
दूरस्थितं वपुरुदीक्ष्य निजेक्षणाभ्याम् ॥
आनन्दवाष्पपुलकोद्गमगद्गदार्द्र-
स्तुष्टाव दृष्टिमकरन्दरसं भवन्तम् ॥5॥
देव प्रसीद परपूरुष तापवल्ली-
निर्लूनदात्रसमनेत्रकलाविलासिन् ।
खेदानपाकुरु कृपागुरुभिः कटाक्षै-
रित्यादि तेन मुदितेन चिरं नुतोऽभूः ॥6॥
मात्रा च नेत्रसलिलास्तृतगात्रवल्या
स्तोत्रैरभिष्टुतगुणः करुणालयस्त्वम् ।
प्राचीनजन्मयुगलं प्रतिबोध्य ताभ्यां
मातुर्गिरा दधिथ मानुषबालवेषम् ॥7॥
त्वत्प्रेरितस्तदनु नन्दतनूजया ते
व्यत्यासमारचयितुं स हि शूरसूनुः ।
त्वां हस्तयोरधृत चित्तविधार्यमार्यै-
रम्भोरुहस्थकलहंसकिशोररम्यम् ॥8॥
जाता तदा पशुपसद्मनि योगनिद्रा ।
निद्राविमुद्रितमथाकृत पौरलोकम् ।
त्वत्प्रेरणात् किमिव चित्रमचेतनैर्यद्-
द्वारैः स्वयं व्यघटि सङ्घटितैः सुगाढम् ॥9॥
शेषेण भूरिफणवारितवारिणाऽथ
स्वैरं प्रदर्शितपथो मणिदीपितेन ।
त्वां धारयन् स खलु धन्यतमः प्रतस्थे
सोऽयं त्वमीश मम नाशय रोगवेगान् ॥10॥
ānandarūpa bhagavannayi te'vatāre
prāpte pradīptabhavadaṅganirīyamāṇaiḥ |
kāntivrajairiva ghanāghanamaṇḍalairdyā-
māvṛṇvatī viruruce kila varṣavelā ||1||
āśāsu śītalatarāsu payodatoyai-
rāśāsitāptivivaśeṣu ca sajjaneṣu |
naiśākarodayavidhau niśi madhyamāyāṃ
kleśāpahastrijagatāṃ tvamihāvirāsīḥ ||2||
bālyaspṛśā'pi vapuṣā dadhuṣā vibhūtī-
rudyatkirīṭakaṭakāṅgadahārabhāsā |
śaṅkhārivārijagadāparibhāsitena
meghāsitena parilesitha sūtigehe ||3||
vakṣaḥsthalīsukhanilīnavilāsilakṣmī-
mandākṣalakṣitakaṭākṣavimokṣabhedaiḥ |
tanmandirasya khalakaṃsakṛtāmalakṣmī-
munmārjayanniva virejitha vāsudeva ||4||
śauristu dhīramunimaṇḍalacetaso'pi
dūrasthitaṃ vapurudīkṣya nijekṣaṇābhyām ||
ānandavāṣpapulakodgamagadgadārdra-
stuṣṭāva dṛṣṭimakarandarasaṃ bhavantam ||5||
deva prasīda parapūruṣa tāpavallī-
nirlūnadātrasamanetrakalāvilāsin |
khedānapākuru kṛpāgurubhiḥ kaṭākṣai-
rityādi tena muditena ciraṃ nuto'bhūḥ ||6||
mātrā ca netrasalilāstṛtagātravalyā
stotrairabhiṣṭutaguṇaḥ karuṇālayastvam |
prācīnajanmayugalaṃ pratibodhya tābhyāṃ
māturgirā dadhitha mānuṣabālaveṣam ||7||
tvatpreritastadanu nandatanūjayā te
vyatyāsamāracayituṃ sa hi śūrasūnuḥ |
tvāṃ hastayoradhṛta cittavidhāryamāryai-
rambhoruhasthakalahaṃsakiśoraramyam ||8||
jātā tadā paśupasadmani yoganidrā |
nidrāvimudritamathākṛta pauralokam |
tvatpreraṇāt kimiva citramacetanairyad-
dvāraiḥ svayaṃ vyaghaṭi saṅghaṭitaiḥ sugāḍham ||9||
śeṣeṇa bhūriphaṇavāritavāriṇā'tha
svairaṃ pradarśitapatho maṇidīpitena |
tvāṃ dhārayan sa khalu dhanyatamaḥ pratasthe
so'yaṃ tvamīśa mama nāśaya rogavegān ||10||
🕉️ This is the original Sanskrit rendered in Bengali script.
Pronunciation is identical to the Sanskrit Devanagari version.