ஶ்ரீமத்வால்மீகீய ராமாயணே அயோத்யாகாண்டம் ।
அத சதுரஶீதிதமஸ்ஸர்கஃ ।
ததோ நிவிஷ்டாம் த்வஜிநீம் கங்காமந்வாஶ்ரிதாம் நதீம் ।
நிஷாதராஜோ த்ரு'ஷ்ட்வைவ ஜ்ஞாதீந்ஸந்த்வரிதோऽऽப்ரவீத் ॥ 1 ॥
மஹதீயமிதஸ்ஸேநா ஸாகராபா ப்ரத்ரு'ஶ்யதே ।
நாஸ்யாந்தமதிகச்சாமி மநஸாபி விசிந்தயந் ॥ 2 ॥
யதா து கலு துர்புத்திர்பரத ஸ்ஸ்வயமாகதஃ ।
ஸ ஏஷ ஹி மஹாகாயஃ கோவிதாரத்வஜோ ரதே ॥ 3 ॥
பந்தயிஷ்யதி வா தாஶாநதவாऽஸ்மாந்வதிஷ்யதி ।
அத தாஶரதிம் ராமம் பித்ரா ராஜ்யாத்விவாஸிதம் ॥ 4 ॥
ஸம்பந்நாம் ஶ்ரியமந்விச்சந்ஸ்தஸ்ய ராஜ்ஞ ஸ்ஸுதுர்லபாம் ।
பரதஃ கைகயீபுத்ரோ ஹந்தும் ஸமதிகச்சதி ॥ 5 ॥
பர்தாசைவ ஸகாசைவ ராமோ தாஶரதிர்மம ।
தஸ்யார்தகாமாஸ்ஸந்நத்தா கங்காऽநூபே ப்ரதிஷ்டத ॥ 6 ॥
திஷ்டந்து ஸர்வே தாஶாஶ்ச கங்காமந்வாஶ்ரிதா நதீம் ।
பலயுக்தா நதீரக்ஷா மாம்ஸமூலபலாஶநாஃ ॥ 7 ॥
நாவாம் ஶதாநாம் பஞ்சாநாம் கைவர்தாநாம் ஶதம் ஶதம் ।
ஸந்நத்தாநாம் ததா யூநாம் திஷ்டந்த்வித்யப்யசோதயத் ॥ 8 ॥
யதாऽऽதுஷ்டஸ்து பரதோ ராமஸ்யேஹ பவிஷ்யதி ।
ஸேயம் ஸ்வஸ்திமதீ ஸேநா கங்காமத்ய தரிஷ்யதி ॥ 9 ॥
இத்யுக்த்வோபாயநம் க்ரு'ஹ்ய மத்ஸ்யமாம்ஸமதூநி ச ।
அபிசக்ராம பரதம் நிஷாதாதிபதிர்குஹஃ ॥ 10 ॥
தமாயாந்தம் து ஸம்ப்ரேக்ஷ்ய ஸூதபுத்ரஃ ப்ரதாபவாந் ।
பரதாயாऽசசக்ஷேऽத விநயஜ்ஞோ விநீதவத் ॥ 11 ॥
ஏஷ ஜ்ஞாதிஸஹஸ்ரேண ஸ்தபதிஃ பரிவாரிதஃ ।
குஶலோ தண்டகாரண்யே வ்ரு'த்தோ ப்ராதுஶ்ச தே ஸகா ॥ 12 ॥
தஸ்மாத்பஶ்யது காகுத்ஸ்த த்வாம் நிஷாதாதிபோ குஹஃ ।
அஸம்ஶயம் விஜாநீதே யத்ர தௌ ராமலக்ஷ்மணௌ ॥ 13 ॥
ஏதத்து வசநம் ஶ்ருத்வா ஸுமந்த்ராத்பரத ஶ்ஶுபம் ।
உவாச வசநம் ஶீக்ரம் குஹஃ பஶ்யது மாமிதி ॥ 14 ॥
லப்த்வாऽப்யநுஜ்ஞாம் ஸம்ஹ்ரு'ஷ்டோ ஜ்ஞாதிபிஃ பரிவாரிதஃ ।
ஆகம்ய பரதம் ப்ரஹ்வோ குஹோ வசநமப்ரவீத் ॥ 15 ॥
நிஷ்குடஶ்சைவ தேஶோऽயம் வஞ்சிதாஶ்சாபி தே வயம் ।
நிவேதயாமஸ்தே ஸர்வே ஸ்வகே தாஸகுலே வஸ ॥ 16 ॥
அஸ்தி மூலம் பலஞ்சைவ நிஷாதைஸ்ஸமுபாஹ்ரு'தம் ।
ஆர்த்ரம் ச மாம்ஸம் ஶுஷ்கம் ச வந்யம் சோச்சாவசம் மஹத் ॥ 17 ॥
ஆஶம்ஸே ஸ்வாஶிதா ஸேநா வத்ஸ்யதீமாம் விபாவரீம் ।
அர்சிதோ விவிதைஃ காமை ஶ்ஶ்வ ஸ்ஸஸைந்யோ கமிஷ்யஸி ॥ 18 ॥
இத்யார்ஷே ஶ்ரீமத்ராமாயணே வால்மீகீய ஆதிகாவ்யே அயோத்யாகாண்டே சதுரஶீதிதமஸ்ஸர்கஃ ॥
Roman (IAST) Transliteration
śrīmadvālmīkīya rāmāyaṇe ayodhyākāṇḍam |
atha caturaśītitamassargaḥ |
tato niviṣṭāṃ dhvajinīṃ gaṅgāmanvāśritāṃ nadīm |
niṣādarājo dṛṣṭvaiva jñātīnsantvarito''bravīt || 1 ||
mahatīyamitassenā sāgarābhā pradṛśyate |
nāsyāntamadhigacchāmi manasāpi vicintayan || 2 ||
yathā tu khalu durbuddhirbharata ssvayamāgataḥ |
sa eṣa hi mahākāyaḥ kovidāradhvajo rathe || 3 ||
bandhayiṣyati vā dāśānathavā'smānvadhiṣyati |
atha dāśarathiṃ rāmaṃ pitrā rājyādvivāsitam || 4 ||
sampannāṃ śriyamanvicchanstasya rājña ssudurlabhām |
bharataḥ kaikayīputro hantuṃ samadhigacchati || 5 ||
bhartācaiva sakhācaiva rāmo dāśarathirmama |
tasyārthakāmāssannaddhā gaṅgā'nūpe pratiṣṭhata || 6 ||
tiṣṭhantu sarve dāśāśca gaṅgāmanvāśritā nadīm |
balayuktā nadīrakṣā māṃsamūlaphalāśanāḥ || 7 ||
nāvāṃ śatānāṃ pañcānāṃ kaivartānāṃ śataṃ śatam |
sannaddhānāṃ tathā yūnāṃ tiṣṭhantvityabhyacodayat || 8 ||
yadā''duṣṭastu bharato rāmasyeha bhaviṣyati |
seyaṃ svastimatī senā gaṅgāmadya tariṣyati || 9 ||
ityuktvopāyanaṃ gṛhya matsyamāṃsamadhūni ca |
abhicakrāma bharataṃ niṣādādhipatirguhaḥ || 10 ||
tamāyāntaṃ tu samprekṣya sūtaputraḥ pratāpavān |
bharatāyā'cacakṣe'tha vinayajño vinītavat || 11 ||
eṣa jñātisahasreṇa sthapatiḥ parivāritaḥ |
kuśalo daṇḍakāraṇye vṛddho bhrātuśca te sakhā || 12 ||
tasmātpaśyatu kākutstha tvāṃ niṣādādhipo guhaḥ |
asaṃśayaṃ vijānīte yatra tau rāmalakṣmaṇau || 13 ||
etattu vacanaṃ śrutvā sumantrādbharata śśubham |
uvāca vacanaṃ śīghraṃ guhaḥ paśyatu māmiti || 14 ||
labdhvā'bhyanujñāṃ saṃhṛṣṭo jñātibhiḥ parivāritaḥ |
āgamya bharataṃ prahvo guho vacanamabravīt || 15 ||
niṣkuṭaścaiva deśo'yaṃ vañcitāścāpi te vayam |
nivedayāmaste sarve svake dāsakule vasa || 16 ||
asti mūlaṃ phalañcaiva niṣādaissamupāhṛtam |
ārdraṃ ca māṃsaṃ śuṣkaṃ ca vanyaṃ coccāvacaṃ mahat || 17 ||
āśaṃse svāśitā senā vatsyatīmāṃ vibhāvarīm |
arcito vividhaiḥ kāmai śśva ssasainyo gamiṣyasi || 18 ||
ityārṣe śrīmadrāmāyaṇe vālmīkīya ādikāvye ayodhyākāṇḍe caturaśītitamassargaḥ ||
Sanskrit — Devanagari (original)
श्रीमद्वाल्मीकीय रामायणे अयोध्याकाण्डम् ।
अथ चतुरशीतितमस्सर्गः ।
ततो निविष्टां ध्वजिनीं गङ्गामन्वाश्रितां नदीम् ।
निषादराजो दृष्ट्वैव ज्ञातीन्सन्त्वरितोऽऽब्रवीत् ॥ 1 ॥
महतीयमितस्सेना सागराभा प्रदृश्यते ।
नास्यान्तमधिगच्छामि मनसापि विचिन्तयन् ॥ 2 ॥
यथा तु खलु दुर्बुद्धिर्भरत स्स्वयमागतः ।
स एष हि महाकायः कोविदारध्वजो रथे ॥ 3 ॥
बन्धयिष्यति वा दाशानथवाऽस्मान्वधिष्यति ।
अथ दाशरथिं रामं पित्रा राज्याद्विवासितम् ॥ 4 ॥
सम्पन्नां श्रियमन्विच्छन्स्तस्य राज्ञ स्सुदुर्लभाम् ।
भरतः कैकयीपुत्रो हन्तुं समधिगच्छति ॥ 5 ॥
भर्ताचैव सखाचैव रामो दाशरथिर्मम ।
तस्यार्थकामास्सन्नद्धा गङ्गाऽनूपे प्रतिष्ठत ॥ 6 ॥
तिष्ठन्तु सर्वे दाशाश्च गङ्गामन्वाश्रिता नदीम् ।
बलयुक्ता नदीरक्षा मांसमूलफलाशनाः ॥ 7 ॥
नावां शतानां पञ्चानां कैवर्तानां शतं शतम् ।
सन्नद्धानां तथा यूनां तिष्ठन्त्वित्यभ्यचोदयत् ॥ 8 ॥
यदाऽऽदुष्टस्तु भरतो रामस्येह भविष्यति ।
सेयं स्वस्तिमती सेना गङ्गामद्य तरिष्यति ॥ 9 ॥
इत्युक्त्वोपायनं गृह्य मत्स्यमांसमधूनि च ।
अभिचक्राम भरतं निषादाधिपतिर्गुहः ॥ 10 ॥
तमायान्तं तु सम्प्रेक्ष्य सूतपुत्रः प्रतापवान् ।
भरतायाऽचचक्षेऽथ विनयज्ञो विनीतवत् ॥ 11 ॥
एष ज्ञातिसहस्रेण स्थपतिः परिवारितः ।
कुशलो दण्डकारण्ये वृद्धो भ्रातुश्च ते सखा ॥ 12 ॥
तस्मात्पश्यतु काकुत्स्थ त्वां निषादाधिपो गुहः ।
असंशयं विजानीते यत्र तौ रामलक्ष्मणौ ॥ 13 ॥
एतत्तु वचनं श्रुत्वा सुमन्त्राद्भरत श्शुभम् ।
उवाच वचनं शीघ्रं गुहः पश्यतु मामिति ॥ 14 ॥
लब्ध्वाऽभ्यनुज्ञां संहृष्टो ज्ञातिभिः परिवारितः ।
आगम्य भरतं प्रह्वो गुहो वचनमब्रवीत् ॥ 15 ॥
निष्कुटश्चैव देशोऽयं वञ्चिताश्चापि ते वयम् ।
निवेदयामस्ते सर्वे स्वके दासकुले वस ॥ 16 ॥
अस्ति मूलं फलञ्चैव निषादैस्समुपाहृतम् ।
आर्द्रं च मांसं शुष्कं च वन्यं चोच्चावचं महत् ॥ 17 ॥
आशंसे स्वाशिता सेना वत्स्यतीमां विभावरीम् ।
अर्चितो विविधैः कामै श्श्व स्ससैन्यो गमिष्यसि ॥ 18 ॥
इत्यार्षे श्रीमद्रामायणे वाल्मीकीय आदिकाव्ये अयोध्याकाण्डे चतुरशीतितमस्सर्गः ॥
śrīmadvālmīkīya rāmāyaṇe ayodhyākāṇḍam |
atha caturaśītitamassargaḥ |
tato niviṣṭāṃ dhvajinīṃ gaṅgāmanvāśritāṃ nadīm |
niṣādarājo dṛṣṭvaiva jñātīnsantvarito''bravīt || 1 ||
mahatīyamitassenā sāgarābhā pradṛśyate |
nāsyāntamadhigacchāmi manasāpi vicintayan || 2 ||
yathā tu khalu durbuddhirbharata ssvayamāgataḥ |
sa eṣa hi mahākāyaḥ kovidāradhvajo rathe || 3 ||
bandhayiṣyati vā dāśānathavā'smānvadhiṣyati |
atha dāśarathiṃ rāmaṃ pitrā rājyādvivāsitam || 4 ||
sampannāṃ śriyamanvicchanstasya rājña ssudurlabhām |
bharataḥ kaikayīputro hantuṃ samadhigacchati || 5 ||
bhartācaiva sakhācaiva rāmo dāśarathirmama |
tasyārthakāmāssannaddhā gaṅgā'nūpe pratiṣṭhata || 6 ||
tiṣṭhantu sarve dāśāśca gaṅgāmanvāśritā nadīm |
balayuktā nadīrakṣā māṃsamūlaphalāśanāḥ || 7 ||
nāvāṃ śatānāṃ pañcānāṃ kaivartānāṃ śataṃ śatam |
sannaddhānāṃ tathā yūnāṃ tiṣṭhantvityabhyacodayat || 8 ||
yadā''duṣṭastu bharato rāmasyeha bhaviṣyati |
seyaṃ svastimatī senā gaṅgāmadya tariṣyati || 9 ||
ityuktvopāyanaṃ gṛhya matsyamāṃsamadhūni ca |
abhicakrāma bharataṃ niṣādādhipatirguhaḥ || 10 ||
tamāyāntaṃ tu samprekṣya sūtaputraḥ pratāpavān |
bharatāyā'cacakṣe'tha vinayajño vinītavat || 11 ||
eṣa jñātisahasreṇa sthapatiḥ parivāritaḥ |
kuśalo daṇḍakāraṇye vṛddho bhrātuśca te sakhā || 12 ||
tasmātpaśyatu kākutstha tvāṃ niṣādādhipo guhaḥ |
asaṃśayaṃ vijānīte yatra tau rāmalakṣmaṇau || 13 ||
etattu vacanaṃ śrutvā sumantrādbharata śśubham |
uvāca vacanaṃ śīghraṃ guhaḥ paśyatu māmiti || 14 ||
labdhvā'bhyanujñāṃ saṃhṛṣṭo jñātibhiḥ parivāritaḥ |
āgamya bharataṃ prahvo guho vacanamabravīt || 15 ||
niṣkuṭaścaiva deśo'yaṃ vañcitāścāpi te vayam |
nivedayāmaste sarve svake dāsakule vasa || 16 ||
asti mūlaṃ phalañcaiva niṣādaissamupāhṛtam |
ārdraṃ ca māṃsaṃ śuṣkaṃ ca vanyaṃ coccāvacaṃ mahat || 17 ||
āśaṃse svāśitā senā vatsyatīmāṃ vibhāvarīm |
arcito vividhaiḥ kāmai śśva ssasainyo gamiṣyasi || 18 ||
ityārṣe śrīmadrāmāyaṇe vālmīkīya ādikāvye ayodhyākāṇḍe caturaśītitamassargaḥ ||
🕉️ This is the original Sanskrit rendered in Tamil script.
Pronunciation is identical to the Sanskrit Devanagari version.