ஶ்ரீமத்வால்மீகீய ராமாயணே அயோத்யாகாண்டம் ।
அத ஷண்ணவதிதமஸ்ஸர்கஃ ।
தாம் ததா தர்ஶயித்வா து மைதிலீம் கிரிநிம்நகாம் ।
நிஷஸாத கிரிப்ரஸ்தே ஸீதாம் மாம்ஸேந சந்தயந் ॥ 1 ॥
இதம் மேத்யமிதம் ஸ்வாது நிஷ்டப்தமிதமக்நிநா ।
ஏவமாஸ்தே ஸ தர்மாத்மா ஸீதயா ஸஹ ராகவஃ ॥ 2 ॥
ததா தத்ராऽஸதஸ்தஸ்ய பரதஸ்யௌபயாயிநஃ ।
ஸைந்யரேணுஶ்ச ஶப்தஶ்ச ப்ராதுராஸ்தாம் நபஸ்ப்ரு'ஶௌ ॥ 3 ॥
ஏதஸ்மிந்நந்தரே த்ரஸ்தா ஶ்ஶப்தேந மஹதா ததஃ ।
அர்திதா யூதபா மத்தா ஸ்ஸயூதா துத்ருவுர்திஶஃ ॥ 4 ॥
ஸ தம் ஸைந்யஸமுத்தூதம் ஶப்தம் ஶுஶ்ராவ ராகவஃ ।
தாம் ஶ்ச விப்ரத்ருதாந்ஸர்வாந்யூதபாநந்வவைக்ஷத ॥ 5 ॥
தாம்ஶ்ச வித்ருவதோ த்ரு'ஷ்ட்வா தம் ச ஶ்ருத்வா ச நிஸ்வநம் ।
உவாச ராம ஸ்ஸௌமித்ரிம் லக்ஷ்மணம் தீப்ததேஜஸம் ॥ 6 ॥
ஹந்த லக்ஷ்மண பஶ்யேஹ ஸுமித்ராஸுப்ரஜாஸ்த்வயா ।
பீமஸ்தநிதகம்பீரஸ்துமுலஃ ஶ்ரூயதே ஸ்வநஃ ॥ 7 ॥
கஜயூதாநி வாऽரண்யே மஹிஷா வா மஹாவநே ।
வித்ராஸிதா ம்ரு'கா ஸ்ஸிம்ஹை ஸ்ஸஹஸா ப்ரத்ருதா திஶஃ ॥ 8 ॥
ராஜா வா ராஜபுத்ரோ வா ம்ரு'கயாமடதே வநே ।
அந்யத்வா ஶ்வாபதம் கிஞ்சித்ஸௌமித்ரே ஜ்ஞாதுமர்ஹஸி ॥ 9 ॥
ஸுதுஶ்சரோ கிரிஶ்சாயம் பக்ஷிணாமபி லக்ஷ்மண ।
ஸர்வமேதத்யதாதத்த்வமசிராத் ஜ்ஞாதுமர்ஹஸி ॥ 10 ॥
ஸ லக்ஷ்மண ஸ்ஸந்த்வரித ஸ்ஸாலமாருஹ்ய புஷ்பிதம் ।
ப்ரேக்ஷமாணோ திஶ ஸ்ஸர்வாஃ பூர்வாம் திஶமுதைக்ஷத ॥ 11 ॥
உதங்முகஃ ப்ரேக்ஷமாணோ ததர்ஶ மஹதீம் சமூம் ।
ரதாஶ்வகஜஸம்பாதாம் யத்தைர்யுக்தாம் பதாதிபிஃ ॥ 12 ॥
தாமஶ்வகஜஸம்பூர்ணாம் ரதத்வஜவிபூஷிதாம் ।
ஶஶம்ஸ ஸேநாம் ராமாய வசநம் சேதமப்ரவீத் ॥ 13 ॥
அக்நிம் ஸம்ஶமயத்வார்ய ஸ்ஸீதா ச பஜதாம் குஹாம் ।
ஸஜ்யம் குருஷ்வ சாபம் ச ஶராம்ஶ்ச கவசம் ததா ॥ 14 ॥
தம் ராமஃ புருஷவ்யாக்ரோ லக்ஷ்மணம் ப்ரத்யுவாச ஹ ।
அங்காவேக்ஷஸ்வ ஸௌமித்ரே கஸ்யேமாம் மந்யஸே சமூம் ॥ 15 ॥
ஏவமுக்தஸ்து ராமேண லக்ஷ்மணோ வாக்யமப்ரவீத் ।
திதக்ஷந்நிவ தாம் ஸேநாம் ருஷிதஃ பாவகோ யதா ॥ 16 ॥
ஸம்பந்நம் ராஜ்யமிச்சம்ஸ்து வ்யக்தம் ப்ராப்யாபிஷேசநம் ।
ஆவாம் ஹந்தும் ஸமப்யேதி கைகேய்யா பரதஸ்ஸுதஃ ॥ 17 ॥
ஏஷ வை ஸுமஹாஞ்ச்ரீமாந்விடபீ ஸம்ப்ரகாஶதே ।
விராஜத்யுத்கதஸ்கந்தம் கோவிதாரத்வஜோ ரதே ॥ 18 ॥
அஸௌ ஹி ஸுமஹாஸ்கந்தோ விடபீ ச மஹாத்ருமஃ ।
விராஜதே மஹாஸைந்யே கோவிதாரத்வஜோ ரதே ॥ 19 ॥
பஜந்த்யேதே யதாகாமமஶ்வாநாருஹ்ய ஶீக்ரகாந் ।
ஏதே ப்ராஜந்தி ஸம்ஹ்ரு'ஷ்டா கஜாநாருஹ்ய ஸாதிநஃ ॥ 20 ॥
க்ரு'ஹீததநுஷௌ சாவாம் கிரிம் வீர ஶ்ரயாவஹை ।
அதவேஹைவ திஷ்டாவ ஸ்ஸந்நத்தாவுத்யதாயுதௌ ॥ 21 ॥
அபி நௌ வஶமாகச்சேத்கோவிதாரத்வஜோ ரணே ।
அபி த்ரக்ஷ்யாமி பரதம் யத்க்ரு'தே வ்யஸநம் மஹத் ॥ 22 ॥
த்வயா ராகவ ஸம்ப்ராப்தம் ஸீதயா ச மயா ததா ।
யந்நிமித்தம் பவாந்ராஜ்யாச்ச்யுதோ ராகவ ஶாஶ்வதாத் ॥ 23 ॥
ஸம்ப்ராப்தோऽயமரிர்வீர பரதோ வத்ய ஏவ மே ।
பரதஸ்ய வதே தோஷம் நாஹம் பஶ்யாமி ராகவ ।
பூர்வாபகாரிணம் ஹத்வா ந ஹ்யதர்மேண யுஜ்யதே ॥ 24 ॥
பூர்வாபகாரீ பரதஸ்த்யக்ததர்மஶ்ச ராகவ ।
ஏதஸ்மிந்நிஹதே க்ரு'த்ஸ்நாமநுஶாதி வஸுந்தராம் ॥ 25 ॥
அத்ய புத்ரம் ஹதம் ஸங்க்யே கைகேயீ ராஜ்யகாமுகா ।
மயா பஶ்யேத்ஸுதுஃகார்தா ஹஸ்திபக்நமிவ த்ருமம் ॥ 26 ॥
கைகேயீம் ச வதிஷ்யாமி ஸாநுபந்தாம் ஸபாந்தவாம் ।
கலுஷேணாத்ய மஹதா மேதிநீ பரிமுச்யதாம் ॥ 27 ॥
அத்யேமம் ஸம்யதம் க்ரோதமஸத்காரம் ச மாநத ।
மோக்ஷ்யாமி ஶத்ருஸைந்யேஷு கக்ஷேஷ்விவ ஹுதாஶநம் ॥ 28 ॥
அத்யைதச்சித்ரகூடஸ்ய காநநம் நிஶிதை ஶ்ஶரைஃ ।
சிந்தஞ்சத்ருஶரீராணி கரிஷ்யே ஶோணிதோக்ஷிதம் ॥ 29 ॥
ஶரைர்நிர்பிந்நஹ்ரு'தயாந்குஞ்ஜராம்ஸ்துரகாம்ஸ்ததா ।
ஶ்வாபதாஃ பரிகர்ஷந்து நராம்ஶ்ச நிஹதாந்மயா ॥ 30 ॥
ஶராணாம் தநுஷஶ்சாஹமந்ரு'ணோऽஸ்மிந்மஹாவநே ।
ஸஸைந்யம் பரதம் ஹத்வா பவிஷ்யாமி ந ஸம்ஶயஃ ॥ 31 ॥
இத்யார்ஷே ஶ்ரீமத்ராமாயணே வால்மீகீய ஆதிகாவ்யே அயோத்யாகாண்டே ஷண்ணவதிதமஸ்ஸர்கஃ ॥
Roman (IAST) Transliteration
śrīmadvālmīkīya rāmāyaṇe ayodhyākāṇḍam |
atha ṣaṇṇavatitamassargaḥ |
tāṃ tathā darśayitvā tu maithilīṃ girinimnagām |
niṣasāda giriprasthe sītāṃ māṃsena chandayan || 1 ||
idaṃ medhyamidaṃ svādu niṣṭaptamidamagninā |
evamāste sa dharmātmā sītayā saha rāghavaḥ || 2 ||
tathā tatrā'satastasya bharatasyaupayāyinaḥ |
sainyareṇuśca śabdaśca prādurāstāṃ nabhaspṛśau || 3 ||
etasminnantare trastā śśabdena mahatā tataḥ |
arditā yūthapā mattā ssayūthā dudruvurdiśaḥ || 4 ||
sa taṃ sainyasamuddhūtaṃ śabdaṃ śuśrāva rāghavaḥ |
tāṃ śca vipradrutānsarvānyūthapānanvavaikṣata || 5 ||
tāṃśca vidruvato dṛṣṭvā taṃ ca śrutvā ca nisvanam |
uvāca rāma ssaumitriṃ lakṣmaṇaṃ dīptatejasam || 6 ||
hanta lakṣmaṇa paśyeha sumitrāsuprajāstvayā |
bhīmastanitagambhīrastumulaḥ śrūyate svanaḥ || 7 ||
gajayūthāni vā'raṇye mahiṣā vā mahāvane |
vitrāsitā mṛgā ssiṃhai ssahasā pradrutā diśaḥ || 8 ||
rājā vā rājaputro vā mṛgayāmaṭate vane |
anyadvā śvāpadaṃ kiñcitsaumitre jñātumarhasi || 9 ||
suduścaro giriścāyaṃ pakṣiṇāmapi lakṣmaṇa |
sarvametadyathātattvamacirāt jñātumarhasi || 10 ||
sa lakṣmaṇa ssantvarita ssālamāruhya puṣpitam |
prekṣamāṇo diśa ssarvāḥ pūrvāṃ diśamudaikṣata || 11 ||
udaṅmukhaḥ prekṣamāṇo dadarśa mahatīṃ camūm |
rathāśvagajasambādhāṃ yattairyuktāṃ padātibhiḥ || 12 ||
tāmaśvagajasampūrṇāṃ rathadhvajavibhūṣitām |
śaśaṃsa senāṃ rāmāya vacanaṃ cedamabravīt || 13 ||
agniṃ saṃśamayatvārya ssītā ca bhajatāṃ guhām |
sajyaṃ kuruṣva cāpaṃ ca śarāṃśca kavacaṃ tathā || 14 ||
taṃ rāmaḥ puruṣavyāghro lakṣmaṇaṃ pratyuvāca ha |
aṅgāvekṣasva saumitre kasyemāṃ manyase camūm || 15 ||
evamuktastu rāmeṇa lakṣmaṇo vākyamabravīt |
didhakṣanniva tāṃ senāṃ ruṣitaḥ pāvako yathā || 16 ||
sampannaṃ rājyamicchaṃstu vyaktaṃ prāpyābhiṣecanam |
āvāṃ hantuṃ samabhyeti kaikeyyā bharatassutaḥ || 17 ||
eṣa vai sumahāñchrīmānviṭapī samprakāśate |
virājatyudgataskandhaṃ kovidāradhvajo rathe || 18 ||
asau hi sumahāskandho viṭapī ca mahādrumaḥ |
virājate mahāsainye kovidāradhvajo rathe || 19 ||
bhajantyete yathākāmamaśvānāruhya śīghragān |
ete bhrājanti saṃhṛṣṭā gajānāruhya sādinaḥ || 20 ||
gṛhītadhanuṣau cāvāṃ giriṃ vīra śrayāvahai |
athavehaiva tiṣṭhāva ssannaddhāvudyatāyudhau || 21 ||
api nau vaśamāgacchetkovidāradhvajo raṇe |
api drakṣyāmi bharataṃ yatkṛte vyasanaṃ mahat || 22 ||
tvayā rāghava samprāptaṃ sītayā ca mayā tathā |
yannimittaṃ bhavānrājyācchyuto rāghava śāśvatāt || 23 ||
samprāpto'yamarirvīra bharato vadhya eva me |
bharatasya vadhe doṣaṃ nāhaṃ paśyāmi rāghava |
pūrvāpakāriṇaṃ hatvā na hyadharmeṇa yujyate || 24 ||
pūrvāpakārī bharatastyaktadharmaśca rāghava |
etasminnihate kṛtsnāmanuśādhi vasundharām || 25 ||
adya putraṃ hataṃ saṅkhye kaikeyī rājyakāmukā |
mayā paśyetsuduḥkhārtā hastibhagnamiva drumam || 26 ||
kaikeyīṃ ca vadhiṣyāmi sānubandhāṃ sabāndhavām |
kaluṣeṇādya mahatā medinī parimucyatām || 27 ||
adyemaṃ saṃyataṃ krodhamasatkāraṃ ca mānada |
mokṣyāmi śatrusainyeṣu kakṣeṣviva hutāśanam || 28 ||
adyaitacchitrakūṭasya kānanaṃ niśitai śśaraiḥ |
chindañcatruśarīrāṇi kariṣye śoṇitokṣitam || 29 ||
śarairnirbhinnahṛdayānkuñjarāṃsturagāṃstathā |
śvāpadāḥ parikarṣantu narāṃśca nihatānmayā || 30 ||
śarāṇāṃ dhanuṣaścāhamanṛṇo'sminmahāvane |
sasainyaṃ bharataṃ hatvā bhaviṣyāmi na saṃśayaḥ || 31 ||
ityārṣe śrīmadrāmāyaṇe vālmīkīya ādikāvye ayodhyākāṇḍe ṣaṇṇavatitamassargaḥ ||
Sanskrit — Devanagari (original)
श्रीमद्वाल्मीकीय रामायणे अयोध्याकाण्डम् ।
अथ षण्णवतितमस्सर्गः ।
तां तथा दर्शयित्वा तु मैथिलीं गिरिनिम्नगाम् ।
निषसाद गिरिप्रस्थे सीतां मांसेन छन्दयन् ॥ 1 ॥
इदं मेध्यमिदं स्वादु निष्टप्तमिदमग्निना ।
एवमास्ते स धर्मात्मा सीतया सह राघवः ॥ 2 ॥
तथा तत्राऽसतस्तस्य भरतस्यौपयायिनः ।
सैन्यरेणुश्च शब्दश्च प्रादुरास्तां नभस्पृशौ ॥ 3 ॥
एतस्मिन्नन्तरे त्रस्ता श्शब्देन महता ततः ।
अर्दिता यूथपा मत्ता स्सयूथा दुद्रुवुर्दिशः ॥ 4 ॥
स तं सैन्यसमुद्धूतं शब्दं शुश्राव राघवः ।
तां श्च विप्रद्रुतान्सर्वान्यूथपानन्ववैक्षत ॥ 5 ॥
तांश्च विद्रुवतो दृष्ट्वा तं च श्रुत्वा च निस्वनम् ।
उवाच राम स्सौमित्रिं लक्ष्मणं दीप्ततेजसम् ॥ 6 ॥
हन्त लक्ष्मण पश्येह सुमित्रासुप्रजास्त्वया ।
भीमस्तनितगम्भीरस्तुमुलः श्रूयते स्वनः ॥ 7 ॥
गजयूथानि वाऽरण्ये महिषा वा महावने ।
वित्रासिता मृगा स्सिंहै स्सहसा प्रद्रुता दिशः ॥ 8 ॥
राजा वा राजपुत्रो वा मृगयामटते वने ।
अन्यद्वा श्वापदं किञ्चित्सौमित्रे ज्ञातुमर्हसि ॥ 9 ॥
सुदुश्चरो गिरिश्चायं पक्षिणामपि लक्ष्मण ।
सर्वमेतद्यथातत्त्वमचिरात् ज्ञातुमर्हसि ॥ 10 ॥
स लक्ष्मण स्सन्त्वरित स्सालमारुह्य पुष्पितम् ।
प्रेक्षमाणो दिश स्सर्वाः पूर्वां दिशमुदैक्षत ॥ 11 ॥
उदङ्मुखः प्रेक्षमाणो ददर्श महतीं चमूम् ।
रथाश्वगजसम्बाधां यत्तैर्युक्तां पदातिभिः ॥ 12 ॥
तामश्वगजसम्पूर्णां रथध्वजविभूषिताम् ।
शशंस सेनां रामाय वचनं चेदमब्रवीत् ॥ 13 ॥
अग्निं संशमयत्वार्य स्सीता च भजतां गुहाम् ।
सज्यं कुरुष्व चापं च शरांश्च कवचं तथा ॥ 14 ॥
तं रामः पुरुषव्याघ्रो लक्ष्मणं प्रत्युवाच ह ।
अङ्गावेक्षस्व सौमित्रे कस्येमां मन्यसे चमूम् ॥ 15 ॥
एवमुक्तस्तु रामेण लक्ष्मणो वाक्यमब्रवीत् ।
दिधक्षन्निव तां सेनां रुषितः पावको यथा ॥ 16 ॥
सम्पन्नं राज्यमिच्छंस्तु व्यक्तं प्राप्याभिषेचनम् ।
आवां हन्तुं समभ्येति कैकेय्या भरतस्सुतः ॥ 17 ॥
एष वै सुमहाञ्छ्रीमान्विटपी सम्प्रकाशते ।
विराजत्युद्गतस्कन्धं कोविदारध्वजो रथे ॥ 18 ॥
असौ हि सुमहास्कन्धो विटपी च महाद्रुमः ।
विराजते महासैन्ये कोविदारध्वजो रथे ॥ 19 ॥
भजन्त्येते यथाकाममश्वानारुह्य शीघ्रगान् ।
एते भ्राजन्ति संहृष्टा गजानारुह्य सादिनः ॥ 20 ॥
गृहीतधनुषौ चावां गिरिं वीर श्रयावहै ।
अथवेहैव तिष्ठाव स्सन्नद्धावुद्यतायुधौ ॥ 21 ॥
अपि नौ वशमागच्छेत्कोविदारध्वजो रणे ।
अपि द्रक्ष्यामि भरतं यत्कृते व्यसनं महत् ॥ 22 ॥
त्वया राघव सम्प्राप्तं सीतया च मया तथा ।
यन्निमित्तं भवान्राज्याच्छ्युतो राघव शाश्वतात् ॥ 23 ॥
सम्प्राप्तोऽयमरिर्वीर भरतो वध्य एव मे ।
भरतस्य वधे दोषं नाहं पश्यामि राघव ।
पूर्वापकारिणं हत्वा न ह्यधर्मेण युज्यते ॥ 24 ॥
पूर्वापकारी भरतस्त्यक्तधर्मश्च राघव ।
एतस्मिन्निहते कृत्स्नामनुशाधि वसुन्धराम् ॥ 25 ॥
अद्य पुत्रं हतं सङ्ख्ये कैकेयी राज्यकामुका ।
मया पश्येत्सुदुःखार्ता हस्तिभग्नमिव द्रुमम् ॥ 26 ॥
कैकेयीं च वधिष्यामि सानुबन्धां सबान्धवाम् ।
कलुषेणाद्य महता मेदिनी परिमुच्यताम् ॥ 27 ॥
अद्येमं संयतं क्रोधमसत्कारं च मानद ।
मोक्ष्यामि शत्रुसैन्येषु कक्षेष्विव हुताशनम् ॥ 28 ॥
अद्यैतच्छित्रकूटस्य काननं निशितै श्शरैः ।
छिन्दञ्चत्रुशरीराणि करिष्ये शोणितोक्षितम् ॥ 29 ॥
शरैर्निर्भिन्नहृदयान्कुञ्जरांस्तुरगांस्तथा ।
श्वापदाः परिकर्षन्तु नरांश्च निहतान्मया ॥ 30 ॥
शराणां धनुषश्चाहमनृणोऽस्मिन्महावने ।
ससैन्यं भरतं हत्वा भविष्यामि न संशयः ॥ 31 ॥
इत्यार्षे श्रीमद्रामायणे वाल्मीकीय आदिकाव्ये अयोध्याकाण्डे षण्णवतितमस्सर्गः ॥
śrīmadvālmīkīya rāmāyaṇe ayodhyākāṇḍam |
atha ṣaṇṇavatitamassargaḥ |
tāṃ tathā darśayitvā tu maithilīṃ girinimnagām |
niṣasāda giriprasthe sītāṃ māṃsena chandayan || 1 ||
idaṃ medhyamidaṃ svādu niṣṭaptamidamagninā |
evamāste sa dharmātmā sītayā saha rāghavaḥ || 2 ||
tathā tatrā'satastasya bharatasyaupayāyinaḥ |
sainyareṇuśca śabdaśca prādurāstāṃ nabhaspṛśau || 3 ||
etasminnantare trastā śśabdena mahatā tataḥ |
arditā yūthapā mattā ssayūthā dudruvurdiśaḥ || 4 ||
sa taṃ sainyasamuddhūtaṃ śabdaṃ śuśrāva rāghavaḥ |
tāṃ śca vipradrutānsarvānyūthapānanvavaikṣata || 5 ||
tāṃśca vidruvato dṛṣṭvā taṃ ca śrutvā ca nisvanam |
uvāca rāma ssaumitriṃ lakṣmaṇaṃ dīptatejasam || 6 ||
hanta lakṣmaṇa paśyeha sumitrāsuprajāstvayā |
bhīmastanitagambhīrastumulaḥ śrūyate svanaḥ || 7 ||
gajayūthāni vā'raṇye mahiṣā vā mahāvane |
vitrāsitā mṛgā ssiṃhai ssahasā pradrutā diśaḥ || 8 ||
rājā vā rājaputro vā mṛgayāmaṭate vane |
anyadvā śvāpadaṃ kiñcitsaumitre jñātumarhasi || 9 ||
suduścaro giriścāyaṃ pakṣiṇāmapi lakṣmaṇa |
sarvametadyathātattvamacirāt jñātumarhasi || 10 ||
sa lakṣmaṇa ssantvarita ssālamāruhya puṣpitam |
prekṣamāṇo diśa ssarvāḥ pūrvāṃ diśamudaikṣata || 11 ||
udaṅmukhaḥ prekṣamāṇo dadarśa mahatīṃ camūm |
rathāśvagajasambādhāṃ yattairyuktāṃ padātibhiḥ || 12 ||
tāmaśvagajasampūrṇāṃ rathadhvajavibhūṣitām |
śaśaṃsa senāṃ rāmāya vacanaṃ cedamabravīt || 13 ||
agniṃ saṃśamayatvārya ssītā ca bhajatāṃ guhām |
sajyaṃ kuruṣva cāpaṃ ca śarāṃśca kavacaṃ tathā || 14 ||
taṃ rāmaḥ puruṣavyāghro lakṣmaṇaṃ pratyuvāca ha |
aṅgāvekṣasva saumitre kasyemāṃ manyase camūm || 15 ||
evamuktastu rāmeṇa lakṣmaṇo vākyamabravīt |
didhakṣanniva tāṃ senāṃ ruṣitaḥ pāvako yathā || 16 ||
sampannaṃ rājyamicchaṃstu vyaktaṃ prāpyābhiṣecanam |
āvāṃ hantuṃ samabhyeti kaikeyyā bharatassutaḥ || 17 ||
eṣa vai sumahāñchrīmānviṭapī samprakāśate |
virājatyudgataskandhaṃ kovidāradhvajo rathe || 18 ||
asau hi sumahāskandho viṭapī ca mahādrumaḥ |
virājate mahāsainye kovidāradhvajo rathe || 19 ||
bhajantyete yathākāmamaśvānāruhya śīghragān |
ete bhrājanti saṃhṛṣṭā gajānāruhya sādinaḥ || 20 ||
gṛhītadhanuṣau cāvāṃ giriṃ vīra śrayāvahai |
athavehaiva tiṣṭhāva ssannaddhāvudyatāyudhau || 21 ||
api nau vaśamāgacchetkovidāradhvajo raṇe |
api drakṣyāmi bharataṃ yatkṛte vyasanaṃ mahat || 22 ||
tvayā rāghava samprāptaṃ sītayā ca mayā tathā |
yannimittaṃ bhavānrājyācchyuto rāghava śāśvatāt || 23 ||
samprāpto'yamarirvīra bharato vadhya eva me |
bharatasya vadhe doṣaṃ nāhaṃ paśyāmi rāghava |
pūrvāpakāriṇaṃ hatvā na hyadharmeṇa yujyate || 24 ||
pūrvāpakārī bharatastyaktadharmaśca rāghava |
etasminnihate kṛtsnāmanuśādhi vasundharām || 25 ||
adya putraṃ hataṃ saṅkhye kaikeyī rājyakāmukā |
mayā paśyetsuduḥkhārtā hastibhagnamiva drumam || 26 ||
kaikeyīṃ ca vadhiṣyāmi sānubandhāṃ sabāndhavām |
kaluṣeṇādya mahatā medinī parimucyatām || 27 ||
adyemaṃ saṃyataṃ krodhamasatkāraṃ ca mānada |
mokṣyāmi śatrusainyeṣu kakṣeṣviva hutāśanam || 28 ||
adyaitacchitrakūṭasya kānanaṃ niśitai śśaraiḥ |
chindañcatruśarīrāṇi kariṣye śoṇitokṣitam || 29 ||
śarairnirbhinnahṛdayānkuñjarāṃsturagāṃstathā |
śvāpadāḥ parikarṣantu narāṃśca nihatānmayā || 30 ||
śarāṇāṃ dhanuṣaścāhamanṛṇo'sminmahāvane |
sasainyaṃ bharataṃ hatvā bhaviṣyāmi na saṃśayaḥ || 31 ||
ityārṣe śrīmadrāmāyaṇe vālmīkīya ādikāvye ayodhyākāṇḍe ṣaṇṇavatitamassargaḥ ||
🕉️ This is the original Sanskrit rendered in Tamil script.
Pronunciation is identical to the Sanskrit Devanagari version.