ஶ்ரீமத்வால்மீகீய ராமாயணே அயோத்யாகாண்டம் ।
அத ஏகஸப்ததிதமஸ்ஸர்கஃ ।
ஸ ப்ராந் முகோ ராஜ க்ரு'ஹாத் அபிநிர்யாய வீர்யவாந் ।
ததஃ ஸுதாமாம் த்யுதிமாந் ஸம்தீர்வாவேக்ஷ்ய தாம் நதீம் ॥ 1 ॥
ஹ்லாதிநீம் தூரபாராம் ச ப்ரத்யக்ஸ்ரோதஸ்தரங்கிணீம் ।
ஶதத்ரூமதரச்ச்ரீமாந்நதீமிக்ஷ்வாகுநந்தநஃ ॥ 2 ॥
ஸ ப்ராங்முகோ ராஜக்ரு'ஹாதபிநிர்யாய ராகவஃ ।
ததஸ்ஸுதாமாம் த்யுதிமாந் ஸந்தீர்யாவேக்ஷ்ய தாம் நதீம் ॥ 3 ॥
ஹ்லாதிநீம் தூரபாராம் ச ப்ரத்யக்ஸ்ரோதஸ்தரங்கிணீம் ।
ஶதத்ரூமதரச்ச்ரீமாந்நதீமிக்ஷ்வாகுநந்தநஃ ॥ 4 ॥
ஐலாதாநே நதீம் தீர்த்வா ப்ராப்ய சாபரபர்படாந் ।
ஶிலாமகுர்வதீம் தீர்த்வா ஆக்நேயம் ஶல்யகர்ஷணம் ॥ 5 ॥
ஸத்யஸந்தஶ்ஶுசிஶ்ஶ்ரீமாந்ப்ரேக்ஷமாண ஶ்ஶிலாவஹாம் ।
அத்யயாத்ஸ மஹாஶைலாந்வநம் சைத்ரரதம் ப்ரதி ॥ 6 ॥
ஸரஸ்வதீம் ச கங்காம் ச யுக்மேந ப்ரதிபத்யச ।
உத்தராந்வீரமத்ஸ்யாநாம் பாருண்டம் ப்ராவிஶத்வநம் ॥ 7 ॥
வேகிநீம் ச குலிங்காக்யாம் ஹ்லாதிநீம் பர்வதாऽऽவ்ரு'தாம் ।
யமுநாம் ப்ராப்ய ஸந்தீர்ணஃ பலமாஶ்வாஸயத்ததா ॥ 8 ॥
ஸஶீதீக்ரு'த்ய து காத்ராணி க்லாந்தாநாஶ்வாஸ்ய வாஜிநஃ ।
தத்ர ஸ்நாத்வா ச பீத்வா ச ப்ராயாதாதாய சோதகம் ॥ 9 ॥
ராஜபுத்ரோ மஹாரண்யமநபீக்ஷ்ணோபஸேவிதம் ।
பத்ரோ பத்ரேண யாநேந மாருதஃ கமிவாத்யயாத் ॥ 10 ॥
பாகீரதீம் துஷ்ப்ரதராமம்ஶுதாநே மஹாநதீம் ।
உபாயாத்ராகவஸ்தூர்ணம் ப்ராக்வடே விஶ்ருதே புரே ॥ 11 ॥
ஸ கங்காம் ப்ராக்வடே தீர்த்வா ஸமாயாத்குடிகோஷ்டிகாம் ।
ஸபல ஸ்தாம் ஸ தீர்த்வாऽத ஸமாயாத்தர்மவர்தநம் ॥ 12 ॥
தோரணம் தக்ஷிணார்தேந ஜம்பூப்ரஸ்தமுபாகமத் ।
வரூதம் ச யயௌ ரம்யம் க்ராமம் தஶரதாத்மஜஃ ॥ 13 ॥
தத்ர ரம்யே வநே வாஸம் க்ரு'த்வாऽஸௌ ப்ராங்முகோ யயௌ ।
உத்யாநமுஜ்ஜிஹாநாயாஃ ப்ரியகா யத்ர பாதபாஃ ॥ 14 ॥
ஸாலாம்ஸ்து ப்ரியகாந்ப்ராப்ய ஶீக்ராநாஸ்தாய வாஜிநஃ ।
அநுஜ்ஞாப்யாத பரதஃ வாஹிநீம் த்வரிதோ யயௌ ॥ 15 ॥
வாஸம் க்ரு'த்வா ஸர்வதீர்தே தீர்த்வா சோத்தாநிகாம் நதீம் ।
அந்யா நதீஶ்ச விவிதாஃ பார்வதீயைஸ்துரங்கமைஃ ॥ 16 ॥
ஹஸ்திப்ரு'ஷ்டகமாஸாத்ய குடிகாமத்யவர்தத ।
ததார ச நரவ்யாக்ரோ லௌஹித்யே ஸ கபீவதீம் ॥ 17 ॥
ஏகஸாலே ஸ்தாணுமதீம் விநதே கோமதீம் நதீம் ।
கலிங்கநகரே சாபி ப்ராப்ய ஸாலவநம் ததா ॥ 18 ॥
பரதஃ க்ஷிப்ரமாகச்சத்ஸுபரிஶ்ராந்தவாஹநஃ ।
வநம் ச ஸமதீத்யாஶுஶர்வர்யாமருணோதயே ॥ 19 ॥
அயோத்யாம் மநுநா ராஜ்ஞா நிர்மிதாம் ஸந்ததர்ஶ ஹ ।
தாம் புரீம் புருஷவ்யாக்ரஸ்ஸப்தராத்ரோஷிதஃ பதி ॥ 20 ॥
அயோத்யாமக்ரதோ த்ரு'ஷ்ட்வா ஸாரதிம் வாக்யமப்ரவீத் ।
ஏஷா நாதிப்ரதீதா மே புண்யோத்யாநா யஶஸ்விநீ ॥ 21 ॥
அயோத்யா த்ரு'ஶ்யதே தூராத்ஸாரதே பாண்டும்ரு'த்திகா ।
யஜ்வபிர்குணஸம்பந்நைர்ப்ராஹ்மணைர்வேதபாரகைஃ ॥ 22 ॥
பூயிஷ்டம்ரு'த்தைராகீர்ணா ராஜர்ஷிபரிபாலிதா ।
ஏஷா நாதிப்ரதீதா மே புண்யோத்யாநா யஶஸ்விநீ ॥ 23 ॥
அயோத்யா த்ரு'ஶ்யதே தூராத்ஸாரதே பாண்டும்ரு'த்திகா ।
யஜ்வபிர்குணஸம்பந்நைர்ப்ராஹ்மணைர்வேதபாரகைஃ ॥ 24 ॥
பூயிஷ்டம்ரு'த்தைராகீர்ணா ராஜர்ஷிபரிபாலிதா ।
அயோத்யாயாம் புரா ஶப்தஶ்ஶ்ரூயதே துமுலோ மஹாந் ॥ 25 ॥
ஸமந்தாந்நரநாரீணாம் தமத்ய ந ஶ்ருணோம்யஹம் ।
உத்யாநாநி ஹி ஸாயாஹ்நே க்ரீடித்வோபரதைர்நரைஃ ॥ 26 ॥
ஸமந்தாத்பரிதாவத்பிஃ ப்ரகாஶந்தே மமாந்யதா ।
தாந்யத்யாநுருதந்தீவ பரித்யக்தாநி காமிபிஃ ॥ 27 ॥
அரண்யபூதேவ புரீ ஸாரதே ப்ரதிபாதி மே ।
ந ஹ்யத்ர யாநைர்த்ரு'ஶ்யந்தே ந கஜைர்ந ச வாஜிபிஃ ॥ 28 ॥
நிர்யாந்தோ வாऽபியாந்தோ வா நரமுக்யா யதாபுரம் ।
உத்யாநாநி புரா பாந்தி மத்தப்ரமுதிதாநி ச ॥ 29 ॥
ஜநாநாம் ரதிஸம்யோகேஷ்வத்யந்தகுணவந்தி ச ।
தாந்யேதாந்யத்ய பஶ்யாமி நிராநந்தாநி ஸர்வஶஃ ॥ 30 ॥
ஸ்ரஸ்தபர்ணைரநுபதம் விக்ரோஶத்பிரிவ த்ருமைஃ ।
நாத்யாபி ஶ்ரூயதே ஶப்தஃ மத்தாநாம் ம்ரு'கபக்ஷிணாம் ॥ 31 ॥
ஸம்ரக்தாம் மதுராம் வாணீம் கலம் வ்யாஹரதாம் பஹு ।
சந்தநாகருஸம்ப்ரு'க்தோ தூபஸம்மூர்சிதோऽதுலஃ ॥ 32 ॥
ப்ரவாதி பவந ஶ்ஶ்ரீமாந்கிந்நுநாத்ய யதாபுரம் ।
பேரீம்ரு'தங்கவீணாநாம் கோணஸங்கட்டிதஃ புநஃ ॥ 33 ॥
கிமத்ய ஶப்தோ விரதஸ்ஸதா தீநகதிஃ புரா ।
அநிஷ்டாநி ச பாபாநி பஶ்யாமி விவிதாநி ச ॥ 34 ॥
நிமித்தாந்யமநோஜ்ஞாநிதேந ஸீததி மே மநஃ ।
ஸர்வதா குஶலம் ஸூத துர்லபம் மம பந்துஷு ॥ 35 ॥
ததாஹ்யஸதி ஸம்மோஹே ஹ்ரு'தயம் ஸீததீவ மே ।
விஷண்ண ஶ்ஶ்ராந்தஹ்ரு'தயஸ்த்ரஸ்த ஸ்ஸுலுலிதேந்த்ரியஃ ॥ 36 ॥
பரதஃ ப்ரவிவேஶாஶு புரீமிக்ஷ்வாகுபாலிதாம் ।
த்வாரேண வைஜயந்தேந ப்ராவிஶச்ச்ராந்தவாஹநஃ ॥ 37 ॥
த்வாஸ்ஸ்தைருத்தாய விஜயம் ப்ரு'ஷ்டஸ்தை ஸ்ஸஹிதோ யயௌ ।
ஸ த்வநேகாக்ரஹ்ரு'தயோ த்வாஸ்ஸ்தம் ப்ரத்யர்ச்ய தம் ஜநம் ॥ 38 ॥
ஸூதமஶ்வபதேஃ க்லாந்தமப்ரவீத்தத்ர ராகவஃ ।
கிமஹம் த்வரயாऽநீதஃ காரணேந விநாநக ॥ 39 ॥
அஶுபாஶங்கி ஹ்ரு'தயம் ஶீலம் ச பததீவ மே ।
ஶ்ருதா நோ யாத்ரு'ஶாஃ பூர்வம் ந்ரு'பதீநாம் விநாஶநே ॥ 40 ॥
ஆகாராம்ஸ்தாநஹம் ஸர்வாநிஹபஶ்யாமி ஸாரதே ।
ஸம்மார்ஜநவிஹீநாநி பருஷாண்யுபலக்ஷயே ॥ 41 ॥
அஸம்யத கவாடாநி ஶ்ரீவிஹீநாநி ஸர்வஶஃ ।
பலிகர்மவிஹீநாநி தூபஸம்மோதநேந ச ॥ 42 ॥
அநாஶிதகுடும்பாநி ப்ரபாஹீநஜநாநி ச ।
அலக்ஷ்மீகாநி பஶ்யாமி குடும்பிபவநாந்யஹம் ॥ 43 ॥
ஸம்மார்ஜநவிஹீநாநி பருஷாண்யுபலக்ஷயே ॥ 44 ॥
அஸம்யத கவாடாநி ஶ்ரீவிஹீநாநி ஸர்வஶஃ ।
பலிகர்மவிஹீநாநி தூபஸம்மோதநேந ச ॥ 45 ॥
அநாஶிதகுடும்பாநி ப்ரபாஹீநஜநாநி ச ।
அலக்ஷ்மீகாநி பஶ்யாமி குடும்பிபவநாந்யஹம் ॥ 46 ॥
அபேதமால்யஶோபாநி ஹ்யஸம்ம்ரு'ஷ்டாஜிராணி ச ।
தேவாகாராணி ஶூந்யாநி ந சாபாந்தி யதாபுரம் ॥ 47 ॥
தேவதார்சாஃ ப்ரவித்தாஶ்ச யஜ்ஞகோஷ்ட்யஸ்ததாவிதாஃ ।
மால்யாபணேஷு ராஜந்தே நாத்ய பண்யாநி வா ததா ॥ 48 ॥
த்ரு'ஶ்யந்தே வணிஜோऽப்யத்ய ந யதாபூர்வமத்ரவை ।
த்யாநஸம்விக்நஹ்ரு'தயாஃ நஷ்டவ்யாபாரயந்த்ரிதாஃ ॥ 49 ॥
தேவாயதநசைத்யேஷு தீநாஃ பக்ஷிகணாஸ்ததா ॥ 50 ॥
மலிநம் சாஶ்ருபூர்ணாக்ஷம் தீநம் த்யாநபரம் க்ரு'ஶம் ।
ஸஸ்த்ரீபும்ஸம் ச பஶ்யாமி ஜநமுத்கண்டிதம் புரே ॥ 51 ॥
இத்யேவமுக்த்வா பரதஸ்ஸூதம் தம் தீநமாநஸஃ ।
தாந்யநிஷ்டாந்யயோத்யாயாம் ப்ரேக்ஷ்ய ராஜக்ரு'ஹம் யயௌ ॥ 52 ॥
தாம் ஶூந்யஶ்ரு'ங்காடகவேஶ்மரத்யாம் ரஜோऽருணத்வாரகவாடயந்த்ராம் ।
த்ரு'ஷ்ட்வா புரீமிந்த்ரபுரப்ரகாஶாம் துஃகேந ஸம்பூர்ணதரோ பபூவ ॥ 53 ॥
பஹூநி பஶ்யந்மநஸோऽப்ரியாணி யாந்யந்யதா நாஸ்ய புரே பபூவுஃ ।
அவாக்சிரா தீநமநா நஹ்ரு'ஷ்டஃ பிதுர்மஹாத்மா ப்ரவிவேஶ வேஶ்ம ॥ 54 ॥
இத்யார்ஷே ஶ்ரீமத்ராமாயணே வால்மீகீய ஆதிகாவ்யே அயோத்யாகாண்டே ஏகஸப்ததிதமஸ்ஸர்கஃ ॥
Roman (IAST) Transliteration
śrīmadvālmīkīya rāmāyaṇe ayodhyākāṇḍam |
atha ekasaptatitamassargaḥ |
sa prān mukho rāja gṛhāt abhiniryāya vīryavān |
tataḥ sudāmāṃ dyutimān samtīrvāvekṣya tāṃ nadīm || 1 ||
hlādinīṃ dūrapārāṃ ca pratyaksrotastaraṅgiṇīm |
śatadrūmataracchrīmānnadīmikṣvākunandanaḥ || 2 ||
sa prāṅmukho rājagṛhādabhiniryāya rāghavaḥ |
tatassudāmāṃ dyutimān santīryāvekṣya tāṃ nadīm || 3 ||
hlādinīṃ dūrapārāṃ ca pratyaksrotastaraṅgiṇīm |
śatadrūmataracchrīmānnadīmikṣvākunandanaḥ || 4 ||
ailādhāne nadīṃ tīrtvā prāpya cāparaparpaṭān |
śilāmakurvatīṃ tīrtvā āgneyaṃ śalyakarṣaṇam || 5 ||
satyasandhaśśuciśśrīmānprekṣamāṇa śśilāvahām |
atyayātsa mahāśailānvanaṃ caitrarathaṃ prati || 6 ||
sarasvatīṃ ca gaṅgāṃ ca yugmena pratipadyaca |
uttarānvīramatsyānāṃ bhāruṇḍaṃ prāviśadvanam || 7 ||
veginīṃ ca kuliṅgākhyāṃ hlādinīṃ parvatā''vṛtām |
yamunāṃ prāpya santīrṇaḥ balamāśvāsayattadā || 8 ||
saśītīkṛtya tu gātrāṇi klāntānāśvāsya vājinaḥ |
tatra snātvā ca pītvā ca prāyādādāya codakam || 9 ||
rājaputro mahāraṇyamanabhīkṣṇopasevitam |
bhadro bhadreṇa yānena mārutaḥ khamivātyayāt || 10 ||
bhāgīrathīṃ duṣpratarāmaṃśudhāne mahānadīm |
upāyādrāghavastūrṇaṃ prāgvaṭe viśrute pure || 11 ||
sa gaṅgāṃ prāgvaṭe tīrtvā samāyātkuṭikoṣṭhikām |
sabala stāṃ sa tīrtvā'tha samāyāddharmavardhanam || 12 ||
toraṇaṃ dakṣiṇārdhena jambhūprasthamupāgamat |
varūthaṃ ca yayau ramyaṃ grāmaṃ daśarathātmajaḥ || 13 ||
tatra ramye vane vāsaṃ kṛtvā'sau prāṅmukho yayau |
udyānamujjihānāyāḥ priyakā yatra pādapāḥ || 14 ||
sālāṃstu priyakānprāpya śīghrānāsthāya vājinaḥ |
anujñāpyātha bharataḥ vāhinīṃ tvarito yayau || 15 ||
vāsaṃ kṛtvā sarvatīrthe tīrtvā cottānikāṃ nadīm |
anyā nadīśca vividhāḥ pārvatīyaisturaṅgamaiḥ || 16 ||
hastipṛṣṭhakamāsādya kuṭikāmatyavartata |
tatāra ca naravyāghro lauhitye sa kapīvatīm || 17 ||
ekasāle sthāṇumatīṃ vinate gomatīṃ nadīm |
kaliṅganagare cāpi prāpya sālavanaṃ tadā || 18 ||
bharataḥ kṣipramāgacchatsupariśrāntavāhanaḥ |
vanaṃ ca samatītyāśuśarvaryāmaruṇodaye || 19 ||
ayodhyāṃ manunā rājñā nirmitāṃ sandadarśa ha |
tāṃ purīṃ puruṣavyāghrassaptarātroṣitaḥ pathi || 20 ||
ayodhyāmagrato dṛṣṭvā sārathiṃ vākyamabravīt |
eṣā nātipratītā me puṇyodyānā yaśasvinī || 21 ||
ayodhyā dṛśyate dūrātsārathe pāṇḍumṛttikā |
yajvabhirguṇasampannairbrāhmaṇairvedapāragaiḥ || 22 ||
bhūyiṣṭhamṛddhairākīrṇā rājarṣiparipālitā |
eṣā nātipratītā me puṇyodyānā yaśasvinī || 23 ||
ayodhyā dṛśyate dūrātsārathe pāṇḍumṛttikā |
yajvabhirguṇasampannairbrāhmaṇairvedapāragaiḥ || 24 ||
bhūyiṣṭhamṛddhairākīrṇā rājarṣiparipālitā |
ayodhyāyāṃ purā śabdaśśrūyate tumulo mahān || 25 ||
samantānnaranārīṇāṃ tamadya na śruṇomyaham |
udyānāni hi sāyāhne krīḍitvoparatairnaraiḥ || 26 ||
samantātparidhāvadbhiḥ prakāśante mamānyathā |
tānyadyānurudantīva parityaktāni kāmibhiḥ || 27 ||
araṇyabhūteva purī sārathe pratibhāti me |
na hyatra yānairdṛśyante na gajairna ca vājibhiḥ || 28 ||
niryānto vā'bhiyānto vā naramukhyā yathāpuram |
udyānāni purā bhānti mattapramuditāni ca || 29 ||
janānāṃ ratisaṃyogeṣvatyantaguṇavanti ca |
tānyetānyadya paśyāmi nirānandāni sarvaśaḥ || 30 ||
srastaparṇairanupathaṃ vikrośadbhiriva drumaiḥ |
nādyāpi śrūyate śabdaḥ mattānāṃ mṛgapakṣiṇām || 31 ||
saṃraktāṃ madhurāṃ vāṇīṃ kalaṃ vyāharatāṃ bahu |
candanāgarusampṛkto dhūpasammūrchito'tulaḥ || 32 ||
pravāti pavana śśrīmānkinnunādya yathāpuram |
bherīmṛdaṅgavīṇānāṃ koṇasaṅghaṭṭitaḥ punaḥ || 33 ||
kimadya śabdo viratassadā dīnagatiḥ purā |
aniṣṭāni ca pāpāni paśyāmi vividhāni ca || 34 ||
nimittānyamanojñānitena sīdati me manaḥ |
sarvathā kuśalaṃ sūta durlabhaṃ mama banduṣu || 35 ||
tathāhyasati sammohe hṛdayaṃ sīdatīva me |
viṣaṇṇa śśrāntahṛdayastrasta ssululitendriyaḥ || 36 ||
bharataḥ praviveśāśu purīmikṣvākupālitām |
dvāreṇa vaijayantena prāviśacchrāntavāhanaḥ || 37 ||
dvāssthairutthāya vijayaṃ pṛṣṭastai ssahito yayau |
sa tvanekāgrahṛdayo dvāssthaṃ pratyarcya taṃ janam || 38 ||
sūtamaśvapateḥ klāntamabravīttatra rāghavaḥ |
kimahaṃ tvarayā'nītaḥ kāraṇena vinānagha || 39 ||
aśubhāśaṅki hṛdayaṃ śīlaṃ ca patatīva me |
śrutā no yādṛśāḥ pūrvaṃ nṛpatīnāṃ vināśane || 40 ||
ākārāṃstānahaṃ sarvānihapaśyāmi sārathe |
sammārjanavihīnāni paruṣāṇyupalakṣaye || 41 ||
asaṃyata kavāṭāni śrīvihīnāni sarvaśaḥ |
balikarmavihīnāni dhūpasammodanena ca || 42 ||
anāśitakuṭumbāni prabhāhīnajanāni ca |
alakṣmīkāni paśyāmi kuṭumbibhavanānyaham || 43 ||
sammārjanavihīnāni paruṣāṇyupalakṣaye || 44 ||
asaṃyata kavāṭāni śrīvihīnāni sarvaśaḥ |
balikarmavihīnāni dhūpasammodanena ca || 45 ||
anāśitakuṭumbāni prabhāhīnajanāni ca |
alakṣmīkāni paśyāmi kuṭumbibhavanānyaham || 46 ||
apetamālyaśobhāni hyasammṛṣṭājirāṇi ca |
devāgārāṇi śūnyāni na cābhānti yathāpuram || 47 ||
devatārcāḥ praviddhāśca yajñagoṣṭhyastathāvidhāḥ |
mālyāpaṇeṣu rājante nādya paṇyāni vā tathā || 48 ||
dṛśyante vaṇijo'pyadya na yathāpūrvamatravai |
dhyānasaṃvignahṛdayāḥ naṣṭavyāpārayantritāḥ || 49 ||
devāyatanacaityeṣu dīnāḥ pakṣigaṇāstathā || 50 ||
malinaṃ cāśrupūrṇākṣaṃ dīnaṃ dhyānaparaṃ kṛśam |
sastrīpuṃsaṃ ca paśyāmi janamutkaṇṭhitaṃ pure || 51 ||
ityevamuktvā bharatassūtaṃ taṃ dīnamānasaḥ |
tānyaniṣṭānyayodhyāyāṃ prekṣya rājagṛhaṃ yayau || 52 ||
tāṃ śūnyaśṛṅgāṭakaveśmarathyāṃ rajo'ruṇadvārakavāṭayantrām |
dṛṣṭvā purīmindrapuraprakāśāṃ duḥkhena sampūrṇataro babhūva || 53 ||
bahūni paśyanmanaso'priyāṇi yānyanyadā nāsya pure babhūvuḥ |
avākchirā dīnamanā nahṛṣṭaḥ piturmahātmā praviveśa veśma || 54 ||
ityārṣe śrīmadrāmāyaṇe vālmīkīya ādikāvye ayodhyākāṇḍe ekasaptatitamassargaḥ ||
Sanskrit — Devanagari (original)
श्रीमद्वाल्मीकीय रामायणे अयोध्याकाण्डम् ।
अथ एकसप्ततितमस्सर्गः ।
स प्रान् मुखो राज गृहात् अभिनिर्याय वीर्यवान् ।
ततः सुदामां द्युतिमान् सम्तीर्वावेक्ष्य तां नदीम् ॥ 1 ॥
ह्लादिनीं दूरपारां च प्रत्यक्स्रोतस्तरङ्गिणीम् ।
शतद्रूमतरच्छ्रीमान्नदीमिक्ष्वाकुनन्दनः ॥ 2 ॥
स प्राङ्मुखो राजगृहादभिनिर्याय राघवः ।
ततस्सुदामां द्युतिमान् सन्तीर्यावेक्ष्य तां नदीम् ॥ 3 ॥
ह्लादिनीं दूरपारां च प्रत्यक्स्रोतस्तरङ्गिणीम् ।
शतद्रूमतरच्छ्रीमान्नदीमिक्ष्वाकुनन्दनः ॥ 4 ॥
ऐलाधाने नदीं तीर्त्वा प्राप्य चापरपर्पटान् ।
शिलामकुर्वतीं तीर्त्वा आग्नेयं शल्यकर्षणम् ॥ 5 ॥
सत्यसन्धश्शुचिश्श्रीमान्प्रेक्षमाण श्शिलावहाम् ।
अत्ययात्स महाशैलान्वनं चैत्ररथं प्रति ॥ 6 ॥
सरस्वतीं च गङ्गां च युग्मेन प्रतिपद्यच ।
उत्तरान्वीरमत्स्यानां भारुण्डं प्राविशद्वनम् ॥ 7 ॥
वेगिनीं च कुलिङ्गाख्यां ह्लादिनीं पर्वताऽऽवृताम् ।
यमुनां प्राप्य सन्तीर्णः बलमाश्वासयत्तदा ॥ 8 ॥
सशीतीकृत्य तु गात्राणि क्लान्तानाश्वास्य वाजिनः ।
तत्र स्नात्वा च पीत्वा च प्रायादादाय चोदकम् ॥ 9 ॥
राजपुत्रो महारण्यमनभीक्ष्णोपसेवितम् ।
भद्रो भद्रेण यानेन मारुतः खमिवात्ययात् ॥ 10 ॥
भागीरथीं दुष्प्रतरामंशुधाने महानदीम् ।
उपायाद्राघवस्तूर्णं प्राग्वटे विश्रुते पुरे ॥ 11 ॥
स गङ्गां प्राग्वटे तीर्त्वा समायात्कुटिकोष्ठिकाम् ।
सबल स्तां स तीर्त्वाऽथ समायाद्धर्मवर्धनम् ॥ 12 ॥
तोरणं दक्षिणार्धेन जम्भूप्रस्थमुपागमत् ।
वरूथं च ययौ रम्यं ग्रामं दशरथात्मजः ॥ 13 ॥
तत्र रम्ये वने वासं कृत्वाऽसौ प्राङ्मुखो ययौ ।
उद्यानमुज्जिहानायाः प्रियका यत्र पादपाः ॥ 14 ॥
सालांस्तु प्रियकान्प्राप्य शीघ्रानास्थाय वाजिनः ।
अनुज्ञाप्याथ भरतः वाहिनीं त्वरितो ययौ ॥ 15 ॥
वासं कृत्वा सर्वतीर्थे तीर्त्वा चोत्तानिकां नदीम् ।
अन्या नदीश्च विविधाः पार्वतीयैस्तुरङ्गमैः ॥ 16 ॥
हस्तिपृष्ठकमासाद्य कुटिकामत्यवर्तत ।
ततार च नरव्याघ्रो लौहित्ये स कपीवतीम् ॥ 17 ॥
एकसाले स्थाणुमतीं विनते गोमतीं नदीम् ।
कलिङ्गनगरे चापि प्राप्य सालवनं तदा ॥ 18 ॥
भरतः क्षिप्रमागच्छत्सुपरिश्रान्तवाहनः ।
वनं च समतीत्याशुशर्वर्यामरुणोदये ॥ 19 ॥
अयोध्यां मनुना राज्ञा निर्मितां सन्ददर्श ह ।
तां पुरीं पुरुषव्याघ्रस्सप्तरात्रोषितः पथि ॥ 20 ॥
अयोध्यामग्रतो दृष्ट्वा सारथिं वाक्यमब्रवीत् ।
एषा नातिप्रतीता मे पुण्योद्याना यशस्विनी ॥ 21 ॥
अयोध्या दृश्यते दूरात्सारथे पाण्डुमृत्तिका ।
यज्वभिर्गुणसम्पन्नैर्ब्राह्मणैर्वेदपारगैः ॥ 22 ॥
भूयिष्ठमृद्धैराकीर्णा राजर्षिपरिपालिता ।
एषा नातिप्रतीता मे पुण्योद्याना यशस्विनी ॥ 23 ॥
अयोध्या दृश्यते दूरात्सारथे पाण्डुमृत्तिका ।
यज्वभिर्गुणसम्पन्नैर्ब्राह्मणैर्वेदपारगैः ॥ 24 ॥
भूयिष्ठमृद्धैराकीर्णा राजर्षिपरिपालिता ।
अयोध्यायां पुरा शब्दश्श्रूयते तुमुलो महान् ॥ 25 ॥
समन्तान्नरनारीणां तमद्य न श्रुणोम्यहम् ।
उद्यानानि हि सायाह्ने क्रीडित्वोपरतैर्नरैः ॥ 26 ॥
समन्तात्परिधावद्भिः प्रकाशन्ते ममान्यथा ।
तान्यद्यानुरुदन्तीव परित्यक्तानि कामिभिः ॥ 27 ॥
अरण्यभूतेव पुरी सारथे प्रतिभाति मे ।
न ह्यत्र यानैर्दृश्यन्ते न गजैर्न च वाजिभिः ॥ 28 ॥
निर्यान्तो वाऽभियान्तो वा नरमुख्या यथापुरम् ।
उद्यानानि पुरा भान्ति मत्तप्रमुदितानि च ॥ 29 ॥
जनानां रतिसंयोगेष्वत्यन्तगुणवन्ति च ।
तान्येतान्यद्य पश्यामि निरानन्दानि सर्वशः ॥ 30 ॥
स्रस्तपर्णैरनुपथं विक्रोशद्भिरिव द्रुमैः ।
नाद्यापि श्रूयते शब्दः मत्तानां मृगपक्षिणाम् ॥ 31 ॥
संरक्तां मधुरां वाणीं कलं व्याहरतां बहु ।
चन्दनागरुसम्पृक्तो धूपसम्मूर्छितोऽतुलः ॥ 32 ॥
प्रवाति पवन श्श्रीमान्किन्नुनाद्य यथापुरम् ।
भेरीमृदङ्गवीणानां कोणसङ्घट्टितः पुनः ॥ 33 ॥
किमद्य शब्दो विरतस्सदा दीनगतिः पुरा ।
अनिष्टानि च पापानि पश्यामि विविधानि च ॥ 34 ॥
निमित्तान्यमनोज्ञानितेन सीदति मे मनः ।
सर्वथा कुशलं सूत दुर्लभं मम बन्दुषु ॥ 35 ॥
तथाह्यसति सम्मोहे हृदयं सीदतीव मे ।
विषण्ण श्श्रान्तहृदयस्त्रस्त स्सुलुलितेन्द्रियः ॥ 36 ॥
भरतः प्रविवेशाशु पुरीमिक्ष्वाकुपालिताम् ।
द्वारेण वैजयन्तेन प्राविशच्छ्रान्तवाहनः ॥ 37 ॥
द्वास्स्थैरुत्थाय विजयं पृष्टस्तै स्सहितो ययौ ।
स त्वनेकाग्रहृदयो द्वास्स्थं प्रत्यर्च्य तं जनम् ॥ 38 ॥
सूतमश्वपतेः क्लान्तमब्रवीत्तत्र राघवः ।
किमहं त्वरयाऽनीतः कारणेन विनानघ ॥ 39 ॥
अशुभाशङ्कि हृदयं शीलं च पततीव मे ।
श्रुता नो यादृशाः पूर्वं नृपतीनां विनाशने ॥ 40 ॥
आकारांस्तानहं सर्वानिहपश्यामि सारथे ।
सम्मार्जनविहीनानि परुषाण्युपलक्षये ॥ 41 ॥
असंयत कवाटानि श्रीविहीनानि सर्वशः ।
बलिकर्मविहीनानि धूपसम्मोदनेन च ॥ 42 ॥
अनाशितकुटुम्बानि प्रभाहीनजनानि च ।
अलक्ष्मीकानि पश्यामि कुटुम्बिभवनान्यहम् ॥ 43 ॥
सम्मार्जनविहीनानि परुषाण्युपलक्षये ॥ 44 ॥
असंयत कवाटानि श्रीविहीनानि सर्वशः ।
बलिकर्मविहीनानि धूपसम्मोदनेन च ॥ 45 ॥
अनाशितकुटुम्बानि प्रभाहीनजनानि च ।
अलक्ष्मीकानि पश्यामि कुटुम्बिभवनान्यहम् ॥ 46 ॥
अपेतमाल्यशोभानि ह्यसम्मृष्टाजिराणि च ।
देवागाराणि शून्यानि न चाभान्ति यथापुरम् ॥ 47 ॥
देवतार्चाः प्रविद्धाश्च यज्ञगोष्ठ्यस्तथाविधाः ।
माल्यापणेषु राजन्ते नाद्य पण्यानि वा तथा ॥ 48 ॥
दृश्यन्ते वणिजोऽप्यद्य न यथापूर्वमत्रवै ।
ध्यानसंविग्नहृदयाः नष्टव्यापारयन्त्रिताः ॥ 49 ॥
देवायतनचैत्येषु दीनाः पक्षिगणास्तथा ॥ 50 ॥
मलिनं चाश्रुपूर्णाक्षं दीनं ध्यानपरं कृशम् ।
सस्त्रीपुंसं च पश्यामि जनमुत्कण्ठितं पुरे ॥ 51 ॥
इत्येवमुक्त्वा भरतस्सूतं तं दीनमानसः ।
तान्यनिष्टान्ययोध्यायां प्रेक्ष्य राजगृहं ययौ ॥ 52 ॥
तां शून्यशृङ्गाटकवेश्मरथ्यां रजोऽरुणद्वारकवाटयन्त्राम् ।
दृष्ट्वा पुरीमिन्द्रपुरप्रकाशां दुःखेन सम्पूर्णतरो बभूव ॥ 53 ॥
बहूनि पश्यन्मनसोऽप्रियाणि यान्यन्यदा नास्य पुरे बभूवुः ।
अवाक्छिरा दीनमना नहृष्टः पितुर्महात्मा प्रविवेश वेश्म ॥ 54 ॥
इत्यार्षे श्रीमद्रामायणे वाल्मीकीय आदिकाव्ये अयोध्याकाण्डे एकसप्ततितमस्सर्गः ॥
śrīmadvālmīkīya rāmāyaṇe ayodhyākāṇḍam |
atha ekasaptatitamassargaḥ |
sa prān mukho rāja gṛhāt abhiniryāya vīryavān |
tataḥ sudāmāṃ dyutimān samtīrvāvekṣya tāṃ nadīm || 1 ||
hlādinīṃ dūrapārāṃ ca pratyaksrotastaraṅgiṇīm |
śatadrūmataracchrīmānnadīmikṣvākunandanaḥ || 2 ||
sa prāṅmukho rājagṛhādabhiniryāya rāghavaḥ |
tatassudāmāṃ dyutimān santīryāvekṣya tāṃ nadīm || 3 ||
hlādinīṃ dūrapārāṃ ca pratyaksrotastaraṅgiṇīm |
śatadrūmataracchrīmānnadīmikṣvākunandanaḥ || 4 ||
ailādhāne nadīṃ tīrtvā prāpya cāparaparpaṭān |
śilāmakurvatīṃ tīrtvā āgneyaṃ śalyakarṣaṇam || 5 ||
satyasandhaśśuciśśrīmānprekṣamāṇa śśilāvahām |
atyayātsa mahāśailānvanaṃ caitrarathaṃ prati || 6 ||
sarasvatīṃ ca gaṅgāṃ ca yugmena pratipadyaca |
uttarānvīramatsyānāṃ bhāruṇḍaṃ prāviśadvanam || 7 ||
veginīṃ ca kuliṅgākhyāṃ hlādinīṃ parvatā''vṛtām |
yamunāṃ prāpya santīrṇaḥ balamāśvāsayattadā || 8 ||
saśītīkṛtya tu gātrāṇi klāntānāśvāsya vājinaḥ |
tatra snātvā ca pītvā ca prāyādādāya codakam || 9 ||
rājaputro mahāraṇyamanabhīkṣṇopasevitam |
bhadro bhadreṇa yānena mārutaḥ khamivātyayāt || 10 ||
bhāgīrathīṃ duṣpratarāmaṃśudhāne mahānadīm |
upāyādrāghavastūrṇaṃ prāgvaṭe viśrute pure || 11 ||
sa gaṅgāṃ prāgvaṭe tīrtvā samāyātkuṭikoṣṭhikām |
sabala stāṃ sa tīrtvā'tha samāyāddharmavardhanam || 12 ||
toraṇaṃ dakṣiṇārdhena jambhūprasthamupāgamat |
varūthaṃ ca yayau ramyaṃ grāmaṃ daśarathātmajaḥ || 13 ||
tatra ramye vane vāsaṃ kṛtvā'sau prāṅmukho yayau |
udyānamujjihānāyāḥ priyakā yatra pādapāḥ || 14 ||
sālāṃstu priyakānprāpya śīghrānāsthāya vājinaḥ |
anujñāpyātha bharataḥ vāhinīṃ tvarito yayau || 15 ||
vāsaṃ kṛtvā sarvatīrthe tīrtvā cottānikāṃ nadīm |
anyā nadīśca vividhāḥ pārvatīyaisturaṅgamaiḥ || 16 ||
hastipṛṣṭhakamāsādya kuṭikāmatyavartata |
tatāra ca naravyāghro lauhitye sa kapīvatīm || 17 ||
ekasāle sthāṇumatīṃ vinate gomatīṃ nadīm |
kaliṅganagare cāpi prāpya sālavanaṃ tadā || 18 ||
bharataḥ kṣipramāgacchatsupariśrāntavāhanaḥ |
vanaṃ ca samatītyāśuśarvaryāmaruṇodaye || 19 ||
ayodhyāṃ manunā rājñā nirmitāṃ sandadarśa ha |
tāṃ purīṃ puruṣavyāghrassaptarātroṣitaḥ pathi || 20 ||
ayodhyāmagrato dṛṣṭvā sārathiṃ vākyamabravīt |
eṣā nātipratītā me puṇyodyānā yaśasvinī || 21 ||
ayodhyā dṛśyate dūrātsārathe pāṇḍumṛttikā |
yajvabhirguṇasampannairbrāhmaṇairvedapāragaiḥ || 22 ||
bhūyiṣṭhamṛddhairākīrṇā rājarṣiparipālitā |
eṣā nātipratītā me puṇyodyānā yaśasvinī || 23 ||
ayodhyā dṛśyate dūrātsārathe pāṇḍumṛttikā |
yajvabhirguṇasampannairbrāhmaṇairvedapāragaiḥ || 24 ||
bhūyiṣṭhamṛddhairākīrṇā rājarṣiparipālitā |
ayodhyāyāṃ purā śabdaśśrūyate tumulo mahān || 25 ||
samantānnaranārīṇāṃ tamadya na śruṇomyaham |
udyānāni hi sāyāhne krīḍitvoparatairnaraiḥ || 26 ||
samantātparidhāvadbhiḥ prakāśante mamānyathā |
tānyadyānurudantīva parityaktāni kāmibhiḥ || 27 ||
araṇyabhūteva purī sārathe pratibhāti me |
na hyatra yānairdṛśyante na gajairna ca vājibhiḥ || 28 ||
niryānto vā'bhiyānto vā naramukhyā yathāpuram |
udyānāni purā bhānti mattapramuditāni ca || 29 ||
janānāṃ ratisaṃyogeṣvatyantaguṇavanti ca |
tānyetānyadya paśyāmi nirānandāni sarvaśaḥ || 30 ||
srastaparṇairanupathaṃ vikrośadbhiriva drumaiḥ |
nādyāpi śrūyate śabdaḥ mattānāṃ mṛgapakṣiṇām || 31 ||
saṃraktāṃ madhurāṃ vāṇīṃ kalaṃ vyāharatāṃ bahu |
candanāgarusampṛkto dhūpasammūrchito'tulaḥ || 32 ||
pravāti pavana śśrīmānkinnunādya yathāpuram |
bherīmṛdaṅgavīṇānāṃ koṇasaṅghaṭṭitaḥ punaḥ || 33 ||
kimadya śabdo viratassadā dīnagatiḥ purā |
aniṣṭāni ca pāpāni paśyāmi vividhāni ca || 34 ||
nimittānyamanojñānitena sīdati me manaḥ |
sarvathā kuśalaṃ sūta durlabhaṃ mama banduṣu || 35 ||
tathāhyasati sammohe hṛdayaṃ sīdatīva me |
viṣaṇṇa śśrāntahṛdayastrasta ssululitendriyaḥ || 36 ||
bharataḥ praviveśāśu purīmikṣvākupālitām |
dvāreṇa vaijayantena prāviśacchrāntavāhanaḥ || 37 ||
dvāssthairutthāya vijayaṃ pṛṣṭastai ssahito yayau |
sa tvanekāgrahṛdayo dvāssthaṃ pratyarcya taṃ janam || 38 ||
sūtamaśvapateḥ klāntamabravīttatra rāghavaḥ |
kimahaṃ tvarayā'nītaḥ kāraṇena vinānagha || 39 ||
aśubhāśaṅki hṛdayaṃ śīlaṃ ca patatīva me |
śrutā no yādṛśāḥ pūrvaṃ nṛpatīnāṃ vināśane || 40 ||
ākārāṃstānahaṃ sarvānihapaśyāmi sārathe |
sammārjanavihīnāni paruṣāṇyupalakṣaye || 41 ||
asaṃyata kavāṭāni śrīvihīnāni sarvaśaḥ |
balikarmavihīnāni dhūpasammodanena ca || 42 ||
anāśitakuṭumbāni prabhāhīnajanāni ca |
alakṣmīkāni paśyāmi kuṭumbibhavanānyaham || 43 ||
sammārjanavihīnāni paruṣāṇyupalakṣaye || 44 ||
asaṃyata kavāṭāni śrīvihīnāni sarvaśaḥ |
balikarmavihīnāni dhūpasammodanena ca || 45 ||
anāśitakuṭumbāni prabhāhīnajanāni ca |
alakṣmīkāni paśyāmi kuṭumbibhavanānyaham || 46 ||
apetamālyaśobhāni hyasammṛṣṭājirāṇi ca |
devāgārāṇi śūnyāni na cābhānti yathāpuram || 47 ||
devatārcāḥ praviddhāśca yajñagoṣṭhyastathāvidhāḥ |
mālyāpaṇeṣu rājante nādya paṇyāni vā tathā || 48 ||
dṛśyante vaṇijo'pyadya na yathāpūrvamatravai |
dhyānasaṃvignahṛdayāḥ naṣṭavyāpārayantritāḥ || 49 ||
devāyatanacaityeṣu dīnāḥ pakṣigaṇāstathā || 50 ||
malinaṃ cāśrupūrṇākṣaṃ dīnaṃ dhyānaparaṃ kṛśam |
sastrīpuṃsaṃ ca paśyāmi janamutkaṇṭhitaṃ pure || 51 ||
ityevamuktvā bharatassūtaṃ taṃ dīnamānasaḥ |
tānyaniṣṭānyayodhyāyāṃ prekṣya rājagṛhaṃ yayau || 52 ||
tāṃ śūnyaśṛṅgāṭakaveśmarathyāṃ rajo'ruṇadvārakavāṭayantrām |
dṛṣṭvā purīmindrapuraprakāśāṃ duḥkhena sampūrṇataro babhūva || 53 ||
bahūni paśyanmanaso'priyāṇi yānyanyadā nāsya pure babhūvuḥ |
avākchirā dīnamanā nahṛṣṭaḥ piturmahātmā praviveśa veśma || 54 ||
ityārṣe śrīmadrāmāyaṇe vālmīkīya ādikāvye ayodhyākāṇḍe ekasaptatitamassargaḥ ||
🕉️ This is the original Sanskrit rendered in Tamil script.
Pronunciation is identical to the Sanskrit Devanagari version.