𑌶𑍍𑌰𑍀𑌮𑌦𑍍𑌵𑌾𑌲𑍍𑌮𑍀𑌕𑍀𑌯 𑌰𑌾𑌮𑌾𑌯𑌣𑍇 𑌬𑌾𑌲𑌕𑌾𑌣𑍍𑌡𑌮𑍍 ।
𑌅𑌥 𑌏𑌕𑌾𑌦𑌶𑌸𑍍𑌸𑌰𑍍𑌗𑌃 ।
𑌭𑍂𑌯 𑌏𑌵 𑌹𑌿 𑌰𑌾𑌜𑍇𑌨𑍍𑌦𑍍𑌰 𑌶𑍃𑌣𑍁 𑌮𑍇 𑌵𑌚𑌨𑌂 𑌹𑌿𑌤𑌮𑍍 ।
𑌯𑌥𑌾 𑌸 𑌦𑍇𑌵𑌪𑍍𑌰𑌵𑌰𑌃 𑌕𑌥𑌾𑌯𑌾𑌮𑍇𑌵𑌮𑌬𑍍𑌰𑌵𑍀𑌤𑍍 ॥ 1 ॥
𑌇𑌕𑍍𑌷𑍍𑌵𑌾𑌕𑍂𑌣𑌾𑌂 𑌕𑍁𑌲𑍇 𑌜𑌾𑌤𑍋 𑌭𑌵𑌿𑌷𑍍𑌯𑌤𑌿 𑌸𑍁𑌧𑌾𑌰𑍍𑌮𑌿𑌕𑌃 ।
𑌰𑌾𑌜𑌾 𑌦𑌶𑌰𑌥𑍋 𑌨𑌾𑌮𑍍𑌨𑌾 𑌶𑍍𑌰𑍀𑌮𑌾𑌨𑍍𑌸𑌤𑍍𑌯𑌪𑍍𑌰𑌤𑌿𑌶𑍍𑌰𑌵𑌃 ॥ 2 ॥
𑌅𑌙𑍍𑌗𑌰𑌾𑌜𑍇𑌨 𑌸𑌖𑍍𑌯𑌂 𑌚 𑌤𑌸𑍍𑌯 𑌰𑌾𑌜𑍍𑌞𑍋 𑌭𑌵𑌿𑌷𑍍𑌯𑌤𑌿 ।
𑌕𑌨𑍍𑌯𑌾 𑌚𑌾𑌸𑍍𑌯 𑌮𑌹𑌾𑌭𑌾𑌗𑌾 𑌶𑌾𑌨𑍍𑌤𑌾 𑌨𑌾𑌮 𑌭𑌵𑌿𑌷𑍍𑌯𑌤𑌿 ॥ 3 ॥
𑌪𑍁𑌤𑍍𑌰𑌸𑍍𑌤𑍁 𑌸𑍋𑌽𑌙𑍍𑌗𑌰𑌾𑌜𑌸𑍍𑌯 𑌰𑍋𑌮𑌪𑌾𑌦 𑌇𑌤𑌿 𑌶𑍍𑌰𑍁𑌤𑌃 ।
𑌤𑌂 𑌸 𑌰𑌾𑌜𑌾 𑌦𑌶𑌰𑌥𑍋 𑌗𑌮𑌿𑌷𑍍𑌯𑌤𑌿 𑌮𑌹𑌾𑌯𑌶𑌾𑌃 ॥ 4 ॥
𑌅𑌨𑌪𑌤𑍍𑌯𑍋𑌽𑌸𑍍𑌮𑌿 𑌧𑌰𑍍𑌮𑌾𑌤𑍍𑌮𑌨𑍍 𑌶𑌾𑌨𑍍𑌤𑌾𑌭𑌰𑍍𑌤𑌾 𑌮𑌮 𑌕𑍍𑌰𑌤𑍁𑌮𑍍 ।
𑌆𑌹𑌰𑍇𑌤 𑌤𑍍𑌵𑌯𑌾𑌜𑍍𑌞𑌪𑍍𑌤𑌸𑍍𑌸𑌨𑍍𑌤𑌾𑌨𑌾𑌰𑍍𑌥𑌂 𑌕𑍁𑌲𑌸𑍍𑌯 𑌚 ॥ 5 ॥
𑌶𑍍𑌰𑍁𑌤𑍍𑌵𑌾 𑌰𑌾𑌜𑍍𑌞𑍋𑌽𑌥 𑌤𑌦𑍍𑌵𑌾𑌕𑍍𑌯𑌂 𑌮𑌨𑌸𑌾 𑌸 𑌵𑌿𑌚𑌿𑌨𑍍𑌤𑍍𑌯 𑌚 ।
𑌪𑍍𑌰𑌦𑌾𑌸𑍍𑌯𑌤𑍇 𑌪𑍁𑌤𑍍𑌰𑌵𑌨𑍍𑌤𑌂 𑌶𑌾𑌨𑍍𑌤𑌾𑌭𑌰𑍍𑌤𑌾𑌰𑌮𑌾𑌤𑍍𑌮𑌵𑌾𑌨𑍍 ॥ 6 ॥
𑌪𑍍𑌰𑌤𑌿𑌗𑍃𑌹𑍍𑌯 𑌚 𑌤𑌂 𑌵𑌿𑌪𑍍𑌰𑌂 𑌸 𑌰𑌾𑌜𑌾 𑌵𑌿𑌗𑌤𑌜𑍍𑌵𑌰𑌃 ।
𑌆𑌹𑌰𑌿𑌷𑍍𑌯𑌤𑌿 𑌤𑌂 𑌯𑌜𑍍𑌞𑌂 𑌪𑍍𑌰𑌹𑍃𑌷𑍍𑌟𑍇𑌨𑌾𑌨𑍍𑌤𑌰𑌾𑌤𑍍𑌮𑌨𑌾 ॥ 7 ॥
𑌤𑌂 𑌚 𑌰𑌾𑌜𑌾 𑌦𑌶𑌰𑌥𑍋 𑌯𑌷𑍍𑌟𑍁𑌕𑌾𑌮𑌃 𑌕𑍃𑌤𑌾𑌞𑍍𑌜𑌲𑌿𑌃 ।
𑌋𑌶𑍍𑌯𑌶𑍃𑌙𑍍𑌗𑌂 𑌦𑍍𑌵𑌿𑌜𑌶𑍍𑌰𑍇𑌷𑍍𑌠𑌂 𑌵𑌰𑌯𑌿𑌷𑍍𑌯𑌤𑌿 𑌧𑌰𑍍𑌮𑌵𑌿𑌤𑍍 ॥ 8 ॥
𑌯𑌜𑍍𑌞𑌾𑌰𑍍𑌥𑌂 𑌪𑍍𑌰𑌸𑌵𑌾𑌰𑍍𑌥𑌂 𑌚 𑌸𑍍𑌵𑌰𑍍𑌗𑌾𑌰𑍍𑌥𑌂 𑌚 𑌨𑌰𑍇𑌶𑍍𑌵𑌰𑌃 ।
𑌲𑌭𑌤𑍇 𑌚 𑌸 𑌤𑌂 𑌕𑌾𑌮𑌂 𑌦𑍍𑌵𑌿𑌜𑌮𑍁𑌖𑍍𑌯𑌾𑌦𑍍𑌵𑌿𑌶𑌾𑌮𑍍𑌪𑌤𑌿𑌃 ॥ 9 ॥
𑌪𑍁𑌤𑍍𑌰𑌾𑌶𑍍𑌚𑌾𑌸𑍍𑌯 𑌭𑌵𑌿𑌷𑍍𑌯𑌨𑍍𑌤𑌿 𑌚𑌤𑍍𑌵𑌾𑌰𑍋𑌽𑌮𑌿𑌤𑌵𑌿𑌕𑍍𑌰𑌮𑌾𑌃 ।
𑌵𑌂𑌶𑌪𑍍𑌰𑌤𑌿𑌷𑍍𑌠𑌾𑌨𑌕𑌰𑌾𑌸𑍍𑌸𑌰𑍍𑌵𑌲𑍋𑌕𑍇𑌷𑍁 𑌵𑌿𑌶𑍍𑌰𑍁𑌤𑌾𑌃 ॥ 10 ॥
𑌏𑌵𑌂 𑌸 𑌦𑍇𑌵𑌪𑍍𑌰𑌵𑌰𑌃 𑌪𑍂𑌰𑍍𑌵𑌂 𑌕𑌥𑌿𑌤𑌵𑌾𑌨𑍍𑌕𑌥𑌾𑌮𑍍 ।
𑌸𑌨𑌤𑍍𑌕𑍁𑌮𑌾𑌰𑍋 𑌭𑌗𑌵𑌾𑌨𑍍𑌪𑍁𑌰𑌾 𑌦𑍇𑌵𑌯𑍁𑌗𑍇 𑌪𑍍𑌰𑌭𑍁𑌃 ॥ 11 ॥
𑌸 𑌤𑍍𑌵𑌂 𑌪𑍁𑌰𑍁𑌷𑌶𑌾𑌰𑍍𑌦𑍂𑌲 𑌤𑌮𑌾𑌨𑌯 𑌸𑍁𑌸𑌤𑍍𑌕𑍃𑌤𑌮𑍍 ।
𑌸𑍍𑌵𑌯𑌮𑍇𑌵 𑌮𑌹𑌾𑌰𑌾𑌜 𑌗𑌤𑍍𑌵𑌾 𑌸𑌬𑌲𑌵𑌾𑌹𑌨𑌃 ॥ 12 ॥
𑌅𑌨𑍁𑌮𑌾𑌨𑍍𑌯 𑌵𑌸𑌿𑌷𑍍𑌠𑌂 𑌚 𑌸𑍂𑌤𑌵𑌾𑌕𑍍𑌯𑌂 𑌨𑌿𑌶𑌮𑍍𑌯 𑌚 ।
𑌸𑌾𑌨𑍍𑌤𑌃𑌪𑍁𑌰𑌸𑍍𑌸𑌹𑌾𑌮𑌾𑌤𑍍𑌯𑌃 𑌪𑍍𑌰𑌯𑌯𑍗 𑌯𑌤𑍍𑌰 𑌸 𑌦𑍍𑌵𑌿𑌜𑌃 ॥ 13 ॥
𑌵𑌨𑌾𑌨𑌿 𑌸𑌰𑌿𑌤𑌶𑍍𑌚𑍈𑌵 𑌵𑍍𑌯𑌤𑌿𑌕𑍍𑌰𑌮𑍍𑌯 𑌶𑌨𑍈𑌶𑍍𑌶𑌨𑍈𑌃 ।
𑌅𑌭𑌿𑌚𑌕𑍍𑌰𑌾𑌮 𑌤𑌂 𑌦𑍇𑌶𑌂 𑌯𑌤𑍍𑌰 𑌵𑍈 𑌮𑍁𑌨𑌿𑌪𑍁𑌙𑍍𑌗𑌵𑌃 ॥ 14 ॥
𑌆𑌸𑌾𑌦𑍍𑌯 𑌤𑌂 𑌦𑍍𑌵𑌿𑌜𑌶𑍍𑌰𑍇𑌷𑍍𑌠𑌂 𑌰𑍋𑌮𑌪𑌾𑌦𑌸𑌮𑍀𑌪𑌗𑌮𑍍 ।
𑌋𑌷𑌿𑌪𑍁𑌤𑍍𑌰𑌂 𑌦𑌦𑌰𑍍𑌶𑌾𑌦𑍗 𑌦𑍀𑌪𑍍𑌯𑌮𑌾𑌨𑌮𑌿𑌵𑌾𑌨𑌲𑌮𑍍 ॥ 15 ॥
𑌤𑌤𑍋 𑌰𑌾𑌜𑌾 𑌯𑌥𑌾𑌨𑍍𑌯𑌾𑌯𑌂 𑌪𑍂𑌜𑌾𑌂 𑌚𑌕𑍍𑌰𑍇 𑌵𑌿𑌶𑍇𑌷𑌤𑌃 ।
𑌸𑌖𑌿𑌤𑍍𑌵𑌾𑌤𑍍𑌤𑌸𑍍𑌯 𑌵𑍈 𑌰𑌾𑌜𑍍𑌞𑌃 𑌪𑍍𑌰𑌹𑍃𑌷𑍍𑌟𑍇𑌨𑌾𑌨𑍍𑌤𑌰𑌾𑌤𑍍𑌮𑌨𑌾 ॥ 16 ॥
𑌰𑍋𑌮𑌪𑌾𑌦𑍇𑌨 𑌚𑌾𑌖𑍍𑌯𑌾𑌤𑌮𑍃𑌷𑌿𑌪𑍁𑌤𑍍𑌰𑌾𑌯 𑌧𑍀𑌮𑌤𑍇 ।
𑌸𑌖𑍍𑌯𑌂 𑌸𑌮𑍍𑌬𑌨𑍍𑌧𑌕𑌂 𑌚𑍈𑌵 𑌤𑌦𑌾 𑌤𑌂 𑌪𑍍𑌰𑌤𑍍𑌯𑌪𑍂𑌜𑌯𑌤𑍍 ॥ 17 ॥
𑌏𑌵𑌂 𑌸𑍁𑌸𑌤𑍍𑌕𑍃𑌤𑌸𑍍𑌤𑍇𑌨 𑌸𑌹𑍋𑌷𑌿𑌤𑍍𑌵𑌾 𑌨𑌰𑌰𑍍𑌷𑌭𑌃 ।
𑌸𑌪𑍍𑌤𑌾𑌷𑍍𑌟𑌦𑌿𑌵𑌸𑌾𑌨𑍍𑌰𑌾𑌜𑌾 𑌰𑌾𑌜𑌾𑌨𑌮𑌿𑌦𑌮𑌬𑍍𑌰𑌵𑍀𑌤𑍍 ॥ 18 ॥
𑌶𑌾𑌨𑍍𑌤𑌾 𑌤𑌵 𑌸𑍁𑌤𑌾 𑌰𑌾𑌜𑌨𑍍 𑌸𑌹 𑌭𑌰𑍍𑌤𑍍𑌰𑌾 𑌵𑌿𑌶𑌾𑌮𑍍𑌪𑌤𑍇 ।
𑌮𑌦𑍀𑌯𑌨𑌗𑌰𑌂 𑌯𑌾𑌤𑍁 𑌕𑌾𑌰𑍍𑌯𑌂 𑌹𑌿 𑌮𑌹𑌦𑍁𑌦𑍍𑌯𑌤𑌮𑍍 ॥ 19 ॥
𑌤𑌥𑍇𑌤𑌿 𑌰𑌾𑌜𑌾 𑌸𑌂𑌶𑍍𑌰𑍁𑌤𑍍𑌯 𑌗𑌮𑌨𑌂 𑌤𑌸𑍍𑌯 𑌧𑍀𑌮𑌤𑌃 ।
𑌉𑌵𑌾𑌚 𑌵𑌚𑌨𑌂 𑌵𑌿𑌪𑍍𑌰𑌂 𑌗𑌚𑍍𑌛 𑌤𑍍𑌵𑌂 𑌸𑌹 𑌭𑌾𑌰𑍍𑌯𑌯𑌾 ॥ 20 ॥
𑌋𑌷𑌿𑌪𑍁𑌤𑍍𑌰𑌃 𑌪𑍍𑌰𑌤𑌿𑌶𑍍𑌰𑍁𑌤𑍍𑌯 𑌤𑌥𑍇𑌤𑍍𑌯𑌾𑌹 𑌨𑍃𑌪𑌂 𑌤𑌦𑌾 ।
𑌸 𑌨𑍃𑌪𑍇𑌣𑌾𑌭𑍍𑌯𑌨𑍁𑌜𑍍𑌞𑌾𑌤𑌃 𑌪𑍍𑌰𑌯𑌯𑍗 𑌸𑌹 𑌭𑌾𑌰𑍍𑌯𑌯𑌾 ॥ 21 ॥
𑌤𑌾𑌵𑌨𑍍𑌯𑍋𑌨𑍍𑌯𑌾𑌞𑍍𑌜𑌲𑌿𑌂 𑌕𑍃𑌤𑍍𑌵𑌾 𑌸𑍍𑌨𑍇𑌹𑌾𑌤𑍍𑌸𑌂𑌶𑍍𑌲𑌿𑌷𑍍𑌯 𑌚𑍋𑌰𑌸𑌾 ।
𑌨𑌨𑌨𑍍𑌦𑌤𑍁𑌰𑍍𑌦𑌶𑌰𑌥𑍋 𑌰𑍋𑌮𑌪𑌾𑌦𑌶𑍍𑌚 𑌵𑍀𑌰𑍍𑌯𑌵𑌾𑌨𑍍 ॥ 22 ॥
𑌤𑌤𑌸𑍍𑌸𑍁𑌹𑍃𑌦𑌮𑌾𑌪𑍃𑌚𑍍𑌛𑍍𑌯 𑌪𑍍𑌰𑌸𑍍𑌥𑌿𑌤𑍋 𑌰𑌘𑍁𑌨𑌨𑍍𑌦𑌨𑌃 ।
𑌪𑍗𑌰𑍇𑌭𑍍𑌯𑌃 𑌪𑍍𑌰𑍇𑌷𑌯𑌾𑌮𑌾𑌸 𑌦𑍂𑌤𑌾𑌨𑍍𑌵𑍈 𑌶𑍀𑌘𑍍𑌰𑌗𑌾𑌮𑌿𑌨𑌃 ॥ 23 ॥
𑌕𑍍𑌰𑌿𑌯𑌤𑌾𑌂 𑌨𑌗𑌰𑌂 𑌸𑌰𑍍𑌵𑌂 𑌕𑍍𑌷𑌿𑌪𑍍𑌰𑌮𑍇𑌵 𑌸𑍍𑌵𑌲𑌙𑍍𑌕𑍃𑌤𑌮𑍍 ।
𑌧𑍂𑌪𑌿𑌤𑌂 𑌸𑌿𑌕𑍍𑌤𑌸𑌮𑍍𑌮𑍃𑌷𑍍𑌟𑌂 𑌪𑌤𑌾𑌕𑌾𑌭𑌿𑌰𑌲𑌙𑍍𑌕𑍃𑌤𑌮𑍍 ॥ 24 ॥
𑌤𑌤𑌃 𑌪𑍍𑌰𑌹𑍃𑌷𑍍𑌟𑌾𑌃 𑌪𑍗𑌰𑌾𑌸𑍍𑌤𑍇 𑌶𑍍𑌰𑍁𑌤𑍍𑌵𑌾 𑌰𑌾𑌜𑌾𑌨𑌮𑌾𑌗𑌤𑌮𑍍 ।
𑌤𑌥𑌾 𑌪𑍍𑌰𑌚𑌕𑍍𑌰𑍁𑌸𑍍𑌤𑌤𑍍𑌸𑌰𑍍𑌵𑌂 𑌰𑌾𑌜𑍍𑌞𑌾 𑌯𑌤𑍍𑌪𑍍𑌰𑍇𑌷𑌿𑌤𑌂 𑌤𑌦𑌾 ॥ 25 ॥
𑌤𑌤𑌸𑍍𑌸𑍍𑌵𑌲𑌙𑍍𑌕𑍃𑌤𑌂 𑌰𑌾𑌜𑌾 𑌨𑌗𑌰𑌂 𑌪𑍍𑌰𑌵𑌿𑌵𑍇𑌶 𑌹 ।
𑌶𑌙𑍍𑌖𑌦𑍁𑌨𑍍𑌦𑍁𑌭𑌿𑌨𑌿𑌰𑍍𑌘𑍋𑌷𑍈𑌃 𑌪𑍁𑌰𑌸𑍍𑌕𑍃𑌤𑍍𑌯 𑌦𑍍𑌵𑌿𑌜𑌰𑍍𑌷𑌭𑌮𑍍 ॥ 26 ॥
𑌤𑌤𑌃 𑌪𑍍𑌰𑌮𑍁𑌦𑌿𑌤𑌾𑌸𑍍𑌸𑌰𑍍𑌵𑍇 𑌦𑍃𑌷𑍍𑌟𑍍𑌵𑌾 𑌤𑌂 𑌨𑌾𑌗𑌰𑌾 𑌦𑍍𑌵𑌿𑌜𑌮𑍍 ।
𑌪𑍍𑌰𑌵𑍇𑌶𑍍𑌯𑌮𑌾𑌨𑌂 𑌸𑌤𑍍𑌕𑍃𑌤𑍍𑌯 𑌨𑌰𑍇𑌨𑍍𑌦𑍍𑌰𑍇𑌣𑍇𑌨𑍍𑌦𑍍𑌰𑌕𑌰𑍍𑌮𑌣𑌾 ॥ 27 ॥
𑌅𑌨𑍍𑌤𑌃𑌪𑍁𑌰𑌂 𑌪𑍍𑌰𑌵𑍇𑌶𑍍𑌯𑍈𑌨𑌂 𑌪𑍂𑌜𑌾𑌂 𑌕𑍃𑌤𑍍𑌵𑌾 𑌚 𑌶𑌾𑌸𑍍𑌤𑍍𑌰𑌤𑌃 ।
𑌕𑍃𑌤𑌕𑍃𑌤𑍍𑌯𑌂 𑌤𑌦𑌾𑌤𑍍𑌮𑌾𑌨𑌂 𑌮𑍇𑌨𑍇 𑌤𑌸𑍍𑌯𑍋𑌪𑌵𑌾𑌹𑌨𑌾𑌤𑍍 ॥ 28 ॥
𑌅𑌨𑍍𑌤𑌃𑌪𑍁𑌰𑌸𑍍𑌤𑍍𑌰𑌿𑌯𑌸𑍍𑌸𑌰𑍍𑌵𑌾𑌶𑍍𑌶𑌾𑌨𑍍𑌤𑌾𑌂 𑌦𑍃𑌷𑍍𑌟𑍍𑌵𑌾 𑌤𑌥𑌾𑌗𑌤𑌾𑌮𑍍 ।
𑌸𑌹 𑌭𑌰𑍍𑌤𑍍𑌰𑌾 𑌵𑌿𑌶𑌾𑌲𑌾𑌕𑍍𑌷𑍀𑌂 𑌪𑍍𑌰𑍀𑌤𑍍𑌯𑌾𑌨𑌨𑍍𑌦𑌮𑍁𑌪𑌾𑌗𑌮𑌨𑍍 ॥ 29 ॥
𑌪𑍂𑌜𑍍𑌯𑌮𑌾𑌨𑌾 𑌚 𑌤𑌾𑌭𑌿𑌸𑍍𑌸𑌾 𑌰𑌾𑌜𑍍𑌞𑌾 𑌚𑍈𑌵 𑌵𑌿𑌶𑍇𑌷𑌤𑌃 ।
𑌉𑌵𑌾𑌸 𑌤𑌤𑍍𑌰 𑌸𑍁𑌖𑌿𑌤𑌾 𑌕𑌞𑍍𑌚𑌿𑌤𑍍𑌕𑌾𑌲𑌂 𑌸𑌹𑌰𑍍𑌤𑍍𑌵𑌿𑌜𑌾 ॥ 30 ॥
𑌇𑌤𑍍𑌯𑌾𑌰𑍍𑌷𑍇 𑌶𑍍𑌰𑍀𑌮𑌦𑍍𑌰𑌾𑌮𑌾𑌯𑌣𑍇 𑌵𑌾𑌲𑍍𑌮𑍀𑌕𑍀𑌯 𑌆𑌦𑌿𑌕𑌾𑌵𑍍𑌯𑍇 𑌬𑌾𑌲𑌕𑌾𑌣𑍍𑌡𑍇 𑌏𑌕𑌾𑌦𑌶𑌸𑍍𑌸𑌰𑍍𑌗𑌃 ॥
Roman (IAST) Transliteration
śrīmadvālmīkīya rāmāyaṇe bālakāṇḍam |
atha ekādaśassargaḥ |
bhūya eva hi rājendra śṛṇu me vacanaṃ hitam |
yathā sa devapravaraḥ kathāyāmevamabravīt || 1 ||
ikṣvākūṇāṃ kule jāto bhaviṣyati sudhārmikaḥ |
rājā daśaratho nāmnā śrīmānsatyapratiśravaḥ || 2 ||
aṅgarājena sakhyaṃ ca tasya rājño bhaviṣyati |
kanyā cāsya mahābhāgā śāntā nāma bhaviṣyati || 3 ||
putrastu so'ṅgarājasya romapāda iti śrutaḥ |
taṃ sa rājā daśaratho gamiṣyati mahāyaśāḥ || 4 ||
anapatyo'smi dharmātman śāntābhartā mama kratum |
āhareta tvayājñaptassantānārthaṃ kulasya ca || 5 ||
śrutvā rājño'tha tadvākyaṃ manasā sa vicintya ca |
pradāsyate putravantaṃ śāntābhartāramātmavān || 6 ||
pratigṛhya ca taṃ vipraṃ sa rājā vigatajvaraḥ |
āhariṣyati taṃ yajñaṃ prahṛṣṭenāntarātmanā || 7 ||
taṃ ca rājā daśaratho yaṣṭukāmaḥ kṛtāñjaliḥ |
ṛśyaśṛṅgaṃ dvijaśreṣṭhaṃ varayiṣyati dharmavit || 8 ||
yajñārthaṃ prasavārthaṃ ca svargārthaṃ ca nareśvaraḥ |
labhate ca sa taṃ kāmaṃ dvijamukhyādviśāmpatiḥ || 9 ||
putrāścāsya bhaviṣyanti catvāro'mitavikramāḥ |
vaṃśapratiṣṭhānakarāssarvalokeṣu viśrutāḥ || 10 ||
evaṃ sa devapravaraḥ pūrvaṃ kathitavānkathām |
sanatkumāro bhagavānpurā devayuge prabhuḥ || 11 ||
sa tvaṃ puruṣaśārdūla tamānaya susatkṛtam |
svayameva mahārāja gatvā sabalavāhanaḥ || 12 ||
anumānya vasiṣṭhaṃ ca sūtavākyaṃ niśamya ca |
sāntaḥpurassahāmātyaḥ prayayau yatra sa dvijaḥ || 13 ||
vanāni saritaścaiva vyatikramya śanaiśśanaiḥ |
abhicakrāma taṃ deśaṃ yatra vai munipuṅgavaḥ || 14 ||
āsādya taṃ dvijaśreṣṭhaṃ romapādasamīpagam |
ṛṣiputraṃ dadarśādau dīpyamānamivānalam || 15 ||
tato rājā yathānyāyaṃ pūjāṃ cakre viśeṣataḥ |
sakhitvāttasya vai rājñaḥ prahṛṣṭenāntarātmanā || 16 ||
romapādena cākhyātamṛṣiputrāya dhīmate |
sakhyaṃ sambandhakaṃ caiva tadā taṃ pratyapūjayat || 17 ||
evaṃ susatkṛtastena sahoṣitvā nararṣabhaḥ |
saptāṣṭadivasānrājā rājānamidamabravīt || 18 ||
śāntā tava sutā rājan saha bhartrā viśāmpate |
madīyanagaraṃ yātu kāryaṃ hi mahadudyatam || 19 ||
tatheti rājā saṃśrutya gamanaṃ tasya dhīmataḥ |
uvāca vacanaṃ vipraṃ gaccha tvaṃ saha bhāryayā || 20 ||
ṛṣiputraḥ pratiśrutya tathetyāha nṛpaṃ tadā |
sa nṛpeṇābhyanujñātaḥ prayayau saha bhāryayā || 21 ||
tāvanyonyāñjaliṃ kṛtvā snehātsaṃśliṣya corasā |
nanandaturdaśaratho romapādaśca vīryavān || 22 ||
tatassuhṛdamāpṛcchya prasthito raghunandanaḥ |
paurebhyaḥ preṣayāmāsa dūtānvai śīghragāminaḥ || 23 ||
kriyatāṃ nagaraṃ sarvaṃ kṣiprameva svalaṅkṛtam |
dhūpitaṃ siktasammṛṣṭaṃ patākābhiralaṅkṛtam || 24 ||
tataḥ prahṛṣṭāḥ paurāste śrutvā rājānamāgatam |
tathā pracakrustatsarvaṃ rājñā yatpreṣitaṃ tadā || 25 ||
tatassvalaṅkṛtaṃ rājā nagaraṃ praviveśa ha |
śaṅkhadundubhinirghoṣaiḥ puraskṛtya dvijarṣabham || 26 ||
tataḥ pramuditāssarve dṛṣṭvā taṃ nāgarā dvijam |
praveśyamānaṃ satkṛtya narendreṇendrakarmaṇā || 27 ||
antaḥpuraṃ praveśyainaṃ pūjāṃ kṛtvā ca śāstrataḥ |
kṛtakṛtyaṃ tadātmānaṃ mene tasyopavāhanāt || 28 ||
antaḥpurastriyassarvāśśāntāṃ dṛṣṭvā tathāgatām |
saha bhartrā viśālākṣīṃ prītyānandamupāgaman || 29 ||
pūjyamānā ca tābhissā rājñā caiva viśeṣataḥ |
uvāsa tatra sukhitā kañcitkālaṃ sahartvijā || 30 ||
ityārṣe śrīmadrāmāyaṇe vālmīkīya ādikāvye bālakāṇḍe ekādaśassargaḥ ||
Sanskrit — Devanagari (original)
श्रीमद्वाल्मीकीय रामायणे बालकाण्डम् ।
अथ एकादशस्सर्गः ।
भूय एव हि राजेन्द्र शृणु मे वचनं हितम् ।
यथा स देवप्रवरः कथायामेवमब्रवीत् ॥ 1 ॥
इक्ष्वाकूणां कुले जातो भविष्यति सुधार्मिकः ।
राजा दशरथो नाम्ना श्रीमान्सत्यप्रतिश्रवः ॥ 2 ॥
अङ्गराजेन सख्यं च तस्य राज्ञो भविष्यति ।
कन्या चास्य महाभागा शान्ता नाम भविष्यति ॥ 3 ॥
पुत्रस्तु सोऽङ्गराजस्य रोमपाद इति श्रुतः ।
तं स राजा दशरथो गमिष्यति महायशाः ॥ 4 ॥
अनपत्योऽस्मि धर्मात्मन् शान्ताभर्ता मम क्रतुम् ।
आहरेत त्वयाज्ञप्तस्सन्तानार्थं कुलस्य च ॥ 5 ॥
श्रुत्वा राज्ञोऽथ तद्वाक्यं मनसा स विचिन्त्य च ।
प्रदास्यते पुत्रवन्तं शान्ताभर्तारमात्मवान् ॥ 6 ॥
प्रतिगृह्य च तं विप्रं स राजा विगतज्वरः ।
आहरिष्यति तं यज्ञं प्रहृष्टेनान्तरात्मना ॥ 7 ॥
तं च राजा दशरथो यष्टुकामः कृताञ्जलिः ।
ऋश्यशृङ्गं द्विजश्रेष्ठं वरयिष्यति धर्मवित् ॥ 8 ॥
यज्ञार्थं प्रसवार्थं च स्वर्गार्थं च नरेश्वरः ।
लभते च स तं कामं द्विजमुख्याद्विशाम्पतिः ॥ 9 ॥
पुत्राश्चास्य भविष्यन्ति चत्वारोऽमितविक्रमाः ।
वंशप्रतिष्ठानकरास्सर्वलोकेषु विश्रुताः ॥ 10 ॥
एवं स देवप्रवरः पूर्वं कथितवान्कथाम् ।
सनत्कुमारो भगवान्पुरा देवयुगे प्रभुः ॥ 11 ॥
स त्वं पुरुषशार्दूल तमानय सुसत्कृतम् ।
स्वयमेव महाराज गत्वा सबलवाहनः ॥ 12 ॥
अनुमान्य वसिष्ठं च सूतवाक्यं निशम्य च ।
सान्तःपुरस्सहामात्यः प्रययौ यत्र स द्विजः ॥ 13 ॥
वनानि सरितश्चैव व्यतिक्रम्य शनैश्शनैः ।
अभिचक्राम तं देशं यत्र वै मुनिपुङ्गवः ॥ 14 ॥
आसाद्य तं द्विजश्रेष्ठं रोमपादसमीपगम् ।
ऋषिपुत्रं ददर्शादौ दीप्यमानमिवानलम् ॥ 15 ॥
ततो राजा यथान्यायं पूजां चक्रे विशेषतः ।
सखित्वात्तस्य वै राज्ञः प्रहृष्टेनान्तरात्मना ॥ 16 ॥
रोमपादेन चाख्यातमृषिपुत्राय धीमते ।
सख्यं सम्बन्धकं चैव तदा तं प्रत्यपूजयत् ॥ 17 ॥
एवं सुसत्कृतस्तेन सहोषित्वा नरर्षभः ।
सप्ताष्टदिवसान्राजा राजानमिदमब्रवीत् ॥ 18 ॥
शान्ता तव सुता राजन् सह भर्त्रा विशाम्पते ।
मदीयनगरं यातु कार्यं हि महदुद्यतम् ॥ 19 ॥
तथेति राजा संश्रुत्य गमनं तस्य धीमतः ।
उवाच वचनं विप्रं गच्छ त्वं सह भार्यया ॥ 20 ॥
ऋषिपुत्रः प्रतिश्रुत्य तथेत्याह नृपं तदा ।
स नृपेणाभ्यनुज्ञातः प्रययौ सह भार्यया ॥ 21 ॥
तावन्योन्याञ्जलिं कृत्वा स्नेहात्संश्लिष्य चोरसा ।
ननन्दतुर्दशरथो रोमपादश्च वीर्यवान् ॥ 22 ॥
ततस्सुहृदमापृच्छ्य प्रस्थितो रघुनन्दनः ।
पौरेभ्यः प्रेषयामास दूतान्वै शीघ्रगामिनः ॥ 23 ॥
क्रियतां नगरं सर्वं क्षिप्रमेव स्वलङ्कृतम् ।
धूपितं सिक्तसम्मृष्टं पताकाभिरलङ्कृतम् ॥ 24 ॥
ततः प्रहृष्टाः पौरास्ते श्रुत्वा राजानमागतम् ।
तथा प्रचक्रुस्तत्सर्वं राज्ञा यत्प्रेषितं तदा ॥ 25 ॥
ततस्स्वलङ्कृतं राजा नगरं प्रविवेश ह ।
शङ्खदुन्दुभिनिर्घोषैः पुरस्कृत्य द्विजर्षभम् ॥ 26 ॥
ततः प्रमुदितास्सर्वे दृष्ट्वा तं नागरा द्विजम् ।
प्रवेश्यमानं सत्कृत्य नरेन्द्रेणेन्द्रकर्मणा ॥ 27 ॥
अन्तःपुरं प्रवेश्यैनं पूजां कृत्वा च शास्त्रतः ।
कृतकृत्यं तदात्मानं मेने तस्योपवाहनात् ॥ 28 ॥
अन्तःपुरस्त्रियस्सर्वाश्शान्तां दृष्ट्वा तथागताम् ।
सह भर्त्रा विशालाक्षीं प्रीत्यानन्दमुपागमन् ॥ 29 ॥
पूज्यमाना च ताभिस्सा राज्ञा चैव विशेषतः ।
उवास तत्र सुखिता कञ्चित्कालं सहर्त्विजा ॥ 30 ॥
इत्यार्षे श्रीमद्रामायणे वाल्मीकीय आदिकाव्ये बालकाण्डे एकादशस्सर्गः ॥
śrīmadvālmīkīya rāmāyaṇe bālakāṇḍam |
atha ekādaśassargaḥ |
bhūya eva hi rājendra śṛṇu me vacanaṃ hitam |
yathā sa devapravaraḥ kathāyāmevamabravīt || 1 ||
ikṣvākūṇāṃ kule jāto bhaviṣyati sudhārmikaḥ |
rājā daśaratho nāmnā śrīmānsatyapratiśravaḥ || 2 ||
aṅgarājena sakhyaṃ ca tasya rājño bhaviṣyati |
kanyā cāsya mahābhāgā śāntā nāma bhaviṣyati || 3 ||
putrastu so'ṅgarājasya romapāda iti śrutaḥ |
taṃ sa rājā daśaratho gamiṣyati mahāyaśāḥ || 4 ||
anapatyo'smi dharmātman śāntābhartā mama kratum |
āhareta tvayājñaptassantānārthaṃ kulasya ca || 5 ||
śrutvā rājño'tha tadvākyaṃ manasā sa vicintya ca |
pradāsyate putravantaṃ śāntābhartāramātmavān || 6 ||
pratigṛhya ca taṃ vipraṃ sa rājā vigatajvaraḥ |
āhariṣyati taṃ yajñaṃ prahṛṣṭenāntarātmanā || 7 ||
taṃ ca rājā daśaratho yaṣṭukāmaḥ kṛtāñjaliḥ |
ṛśyaśṛṅgaṃ dvijaśreṣṭhaṃ varayiṣyati dharmavit || 8 ||
yajñārthaṃ prasavārthaṃ ca svargārthaṃ ca nareśvaraḥ |
labhate ca sa taṃ kāmaṃ dvijamukhyādviśāmpatiḥ || 9 ||
putrāścāsya bhaviṣyanti catvāro'mitavikramāḥ |
vaṃśapratiṣṭhānakarāssarvalokeṣu viśrutāḥ || 10 ||
evaṃ sa devapravaraḥ pūrvaṃ kathitavānkathām |
sanatkumāro bhagavānpurā devayuge prabhuḥ || 11 ||
sa tvaṃ puruṣaśārdūla tamānaya susatkṛtam |
svayameva mahārāja gatvā sabalavāhanaḥ || 12 ||
anumānya vasiṣṭhaṃ ca sūtavākyaṃ niśamya ca |
sāntaḥpurassahāmātyaḥ prayayau yatra sa dvijaḥ || 13 ||
vanāni saritaścaiva vyatikramya śanaiśśanaiḥ |
abhicakrāma taṃ deśaṃ yatra vai munipuṅgavaḥ || 14 ||
āsādya taṃ dvijaśreṣṭhaṃ romapādasamīpagam |
ṛṣiputraṃ dadarśādau dīpyamānamivānalam || 15 ||
tato rājā yathānyāyaṃ pūjāṃ cakre viśeṣataḥ |
sakhitvāttasya vai rājñaḥ prahṛṣṭenāntarātmanā || 16 ||
romapādena cākhyātamṛṣiputrāya dhīmate |
sakhyaṃ sambandhakaṃ caiva tadā taṃ pratyapūjayat || 17 ||
evaṃ susatkṛtastena sahoṣitvā nararṣabhaḥ |
saptāṣṭadivasānrājā rājānamidamabravīt || 18 ||
śāntā tava sutā rājan saha bhartrā viśāmpate |
madīyanagaraṃ yātu kāryaṃ hi mahadudyatam || 19 ||
tatheti rājā saṃśrutya gamanaṃ tasya dhīmataḥ |
uvāca vacanaṃ vipraṃ gaccha tvaṃ saha bhāryayā || 20 ||
ṛṣiputraḥ pratiśrutya tathetyāha nṛpaṃ tadā |
sa nṛpeṇābhyanujñātaḥ prayayau saha bhāryayā || 21 ||
tāvanyonyāñjaliṃ kṛtvā snehātsaṃśliṣya corasā |
nanandaturdaśaratho romapādaśca vīryavān || 22 ||
tatassuhṛdamāpṛcchya prasthito raghunandanaḥ |
paurebhyaḥ preṣayāmāsa dūtānvai śīghragāminaḥ || 23 ||
kriyatāṃ nagaraṃ sarvaṃ kṣiprameva svalaṅkṛtam |
dhūpitaṃ siktasammṛṣṭaṃ patākābhiralaṅkṛtam || 24 ||
tataḥ prahṛṣṭāḥ paurāste śrutvā rājānamāgatam |
tathā pracakrustatsarvaṃ rājñā yatpreṣitaṃ tadā || 25 ||
tatassvalaṅkṛtaṃ rājā nagaraṃ praviveśa ha |
śaṅkhadundubhinirghoṣaiḥ puraskṛtya dvijarṣabham || 26 ||
tataḥ pramuditāssarve dṛṣṭvā taṃ nāgarā dvijam |
praveśyamānaṃ satkṛtya narendreṇendrakarmaṇā || 27 ||
antaḥpuraṃ praveśyainaṃ pūjāṃ kṛtvā ca śāstrataḥ |
kṛtakṛtyaṃ tadātmānaṃ mene tasyopavāhanāt || 28 ||
antaḥpurastriyassarvāśśāntāṃ dṛṣṭvā tathāgatām |
saha bhartrā viśālākṣīṃ prītyānandamupāgaman || 29 ||
pūjyamānā ca tābhissā rājñā caiva viśeṣataḥ |
uvāsa tatra sukhitā kañcitkālaṃ sahartvijā || 30 ||
ityārṣe śrīmadrāmāyaṇe vālmīkīya ādikāvye bālakāṇḍe ekādaśassargaḥ ||
🕉️ This is the original Sanskrit rendered in Grantha script.
Pronunciation is identical to the Sanskrit Devanagari version.