𑌶𑍍𑌰𑍀𑌮𑌦𑍍𑌵𑌾𑌲𑍍𑌮𑍀𑌕𑍀𑌯 𑌰𑌾𑌮𑌾𑌯𑌣𑍇 𑌬𑌾𑌲𑌕𑌾𑌣𑍍𑌡𑌮𑍍 ।
𑌅𑌥 𑌤𑍍𑌰𑌯𑍋𑌦𑌶𑌸𑍍𑌸𑌰𑍍𑌗𑌃 ।
𑌪𑍁𑌨𑌃 𑌪𑍍𑌰𑌾𑌪𑍍𑌤𑍇 𑌵𑌸𑌨𑍍𑌤𑍇 𑌤𑍁 𑌪𑍂𑌰𑍍𑌣𑌸𑍍𑌸𑌂𑌵𑌤𑍍𑌸𑌰𑍋𑌽𑌭𑌵𑌤𑍍 ।
𑌪𑍍𑌰𑌸𑌵𑌾𑌰𑍍𑌥𑌂 𑌗𑌤𑍋 𑌯𑌷𑍍𑌟𑍁𑌂 𑌹𑌯𑌮𑍇𑌧𑍇𑌨 𑌵𑍀𑌰𑍍𑌯𑌵𑌾𑌨𑍍 ॥ 1 ॥
𑌅𑌭𑌿𑌵𑌾𑌦𑍍𑌯 𑌵𑌸𑌿𑌷𑍍𑌠𑌂 𑌚 𑌨𑍍𑌯𑌾𑌯𑌤𑌃 𑌪𑌰𑌿𑌪𑍂𑌜𑍍𑌯 𑌚 ।
𑌅𑌬𑍍𑌰𑌵𑍀𑌤𑍍𑌪𑍍𑌰𑌶𑍍𑌰𑌿𑌤𑌂 𑌵𑌾𑌕𑍍𑌯𑌂 𑌪𑍍𑌰𑌸𑌵𑌾𑌰𑍍𑌥𑌂 𑌦𑍍𑌵𑌿𑌜𑍋𑌤𑍍𑌤𑌮𑌮𑍍 ॥ 2 ॥
𑌯𑌜𑍍𑌞𑍋 𑌮𑍇 𑌕𑍍𑌰𑌿𑌯𑌤𑌾𑌂 𑌬𑍍𑌰𑌹𑍍𑌮𑌨𑍍𑌯𑌥𑍋𑌕𑍍𑌤𑌂 𑌮𑍁𑌨𑌿𑌪𑍁𑌙𑍍𑌗𑌵 ।
𑌯𑌥𑌾 𑌨 𑌵𑌿𑌘𑍍𑌨𑌃 𑌕𑍍𑌰𑌿𑌯𑌤𑍇 𑌯𑌜𑍍𑌞𑌾𑌙𑍍𑌗𑍇𑌷𑍁 𑌵𑌿𑌧𑍀𑌯𑌤𑌾𑌮𑍍 ॥ 3 ॥
𑌭𑌵𑌾𑌨𑍍 𑌸𑍍𑌨𑌿𑌗𑍍𑌧𑌸𑍍𑌸𑍁𑌹𑍃𑌨𑍍𑌮𑌹𑍍𑌯𑌂 𑌗𑍁𑌰𑍁𑌶𑍍𑌚 𑌪𑌰𑌮𑍋 𑌮𑌹𑌾𑌨𑍍 ।
𑌓𑌢𑌵𑍍𑌯𑍋 𑌭𑌵𑌤𑌾 𑌚𑍈𑌵 𑌭𑌾𑌰𑍋 𑌯𑌜𑍍𑌞𑌸𑍍𑌯 𑌚𑍋𑌦𑍍𑌯𑌤𑌃 ॥ 4 ॥
𑌤𑌥𑍇𑌤𑌿 𑌚 𑌸 𑌰𑌾𑌜𑌾𑌨𑌮𑌬𑍍𑌰𑌵𑍀𑌦𑍍𑌦𑍍𑌵𑌿𑌜𑌸𑌤𑍍𑌤𑌮𑌃 ।
𑌕𑌰𑌿𑌷𑍍𑌯𑍇 𑌸𑌰𑍍𑌵𑌮𑍇𑌵𑍈𑌤𑌦𑍍𑌭𑌵𑌤𑌾 𑌯𑌤𑍍𑌸𑌮𑌰𑍍𑌥𑌿𑌤𑌮𑍍 ॥ 5 ॥
𑌤𑌤𑍋𑌽𑌬𑍍𑌰𑌵𑍀𑌦𑍍𑌵𑌿𑌜𑌾𑌨𑍍𑌵𑍃𑌦𑍍𑌧𑌾𑌨𑍍𑌯𑌜𑍍𑌞𑌕𑌰𑍍𑌮𑌸𑍁 𑌨𑌿𑌷𑍍𑌠𑌿𑌤𑌾𑌨𑍍 ।
𑌸𑍍𑌥𑌾𑌪𑌤𑍍𑌯𑍇 𑌨𑌿𑌷𑍍𑌠𑌿𑌤𑌾𑌂𑌶𑍍𑌚𑍈𑌵 𑌵𑍃𑌦𑍍𑌧𑌾𑌨𑍍𑌪𑌰𑌮𑌧𑌾𑌰𑍍𑌮𑌿𑌕𑌾𑌨𑍍 ॥ 6 ॥
𑌕𑌰𑍍𑌮𑌾𑌨𑍍𑌤𑌿𑌕𑌾𑌨𑍍 𑌶𑌿𑌲𑍍𑌪𑌕𑌰𑌾𑌨𑍍𑌵𑌰𑍍𑌧𑌕𑍀𑌨𑍍 𑌖𑌨𑌕𑌾𑌨𑌪𑌿 ।
𑌗𑌣𑌕𑌾𑌨𑍍𑌶𑌿𑌲𑍍𑌪𑌿𑌨𑌶𑍍𑌚𑍈𑌵 𑌤𑌥𑍈𑌵 𑌨𑌟𑌨𑌰𑍍𑌤𑌕𑌾𑌨𑍍 ॥ 7 ॥
𑌤𑌥𑌾 𑌶𑍁𑌚𑍀𑌨𑍍𑌶𑌾𑌸𑍍𑌤𑍍𑌰𑌵𑌿𑌦𑌃 𑌪𑍁𑌰𑍁𑌷𑌾𑌨𑍍 𑌸𑍁𑌬𑌹𑍁𑌶𑍍𑌰𑍁𑌤𑌾𑌨𑍍 ।
𑌯𑌜𑍍𑌞𑌕𑌰𑍍𑌮 𑌸𑌮𑍀𑌹𑌨𑍍𑌤𑌾𑌂 𑌭𑌵𑌨𑍍𑌤𑍋 𑌰𑌾𑌜𑌶𑌾𑌸𑌨𑌾𑌤𑍍 ॥ 8 ॥
𑌇𑌷𑍍𑌟𑌕𑌾 𑌬𑌹𑍁 𑌸𑌾𑌹𑌸𑍍𑌰𑌾𑌶𑍍𑌶𑍀𑌘𑍍𑌰𑌮𑌾𑌨𑍀𑌯𑌤𑌾𑌮𑌿𑌤𑌿 ।
0 𑌉𑌪𑌕𑌾𑌰𑍍𑌯𑌾𑌃 𑌕𑍍𑌰𑌿𑌯𑌨𑍍𑌤𑌾𑌂 𑌚 𑌰𑌾𑌜𑍍𑌞𑌾𑌂 𑌬𑌹𑍁𑌗𑍁𑌣𑌾𑌨𑍍𑌵𑌿𑌤𑌾𑌃 ॥ 9 ॥
𑌬𑍍𑌰𑌾𑌹𑍍𑌮𑌣𑌾𑌵𑌸𑌥𑌾𑌶𑍍𑌚𑍈𑌵 𑌕𑌰𑍍𑌤𑌵𑍍𑌯𑌾𑌶𑍍𑌶𑌤𑌶𑌶𑍍𑌶𑍁𑌭𑌾𑌃 ।
𑌭𑌕𑍍𑌷𑍍𑌯𑌾𑌨𑍍𑌨𑌪𑌾𑌨𑍈𑌰𑍍𑌬𑌹𑍁𑌭𑌿𑌸𑍍𑌸𑌮𑍁𑌪𑍇𑌤𑌾𑌸𑍍𑌸𑍁𑌨𑌿𑌷𑍍𑌠𑌿𑌤𑌾𑌃 ॥ 10 ॥
𑌤𑌥𑌾 𑌪𑍗𑌰𑌜𑌨𑌸𑍍𑌯𑌾𑌪𑌿 𑌕𑌰𑍍𑌤𑌵𑍍𑌯𑌾 𑌬𑌹𑍁𑌵𑌿𑌸𑍍𑌤𑌰𑌾𑌃 ।
𑌆𑌵𑌾𑌸𑌾 𑌬𑌹𑍁𑌭𑌕𑍍𑌷𑍍𑌯𑌾 𑌵𑍈 𑌸𑌰𑍍𑌵𑌕𑌾𑌮𑍈𑌰𑍁𑌪𑌸𑍍𑌥𑌿𑌤𑌾𑌃 ॥ 11 ॥
𑌤𑌥𑌾 𑌜𑌾𑌨𑌪𑌦𑌸𑍍𑌯𑌾𑌪𑌿 𑌜𑌨𑌸𑍍𑌯 𑌬𑌹𑍁𑌶𑍋𑌭𑌨𑌮𑍍 ।
𑌦𑌾𑌤𑌵𑍍𑌯𑌮𑌨𑍍𑌨𑌂 𑌵𑌿𑌧𑌿𑌵𑌤𑍍𑌸𑌤𑍍𑌕𑍃𑌤𑍍𑌯 𑌨 𑌤𑍁 𑌲𑍀𑌲𑌯𑌾 ॥ 12 ॥
𑌸𑌰𑍍𑌵𑍇 𑌵𑌰𑍍𑌣𑌾 𑌯𑌥𑌾 𑌪𑍂𑌜𑌾𑌂 𑌪𑍍𑌰𑌾𑌪𑍍𑌨𑍁𑌵𑌨𑍍𑌤𑌿 𑌸𑍁𑌸𑌤𑍍𑌕𑍃𑌤𑌾𑌃 ।
𑌨 𑌚𑌾𑌵𑌜𑍍𑌞𑌾 𑌪𑍍𑌰𑌯𑍋𑌕𑍍𑌤𑌵𑍍𑌯𑌾 𑌕𑌾𑌮𑌕𑍍𑌰𑍋𑌧𑌵𑌶𑌾𑌦𑌪𑌿 ॥ 13 ॥
𑌯𑌜𑍍𑌞𑌕𑌰𑍍𑌮𑌸𑍁 𑌯𑍇 𑌵𑍍𑌯𑌗𑍍𑌰𑌾𑌃 𑌪𑍁𑌰𑍁𑌷𑌾𑌶𑍍𑌶𑌿𑌲𑍍𑌪𑌿𑌨𑌸𑍍𑌤𑌥𑌾 ।
𑌤𑍇𑌷𑌾𑌮𑌪𑌿 𑌵𑌿𑌶𑍇𑌷𑍇𑌣 𑌪𑍂𑌜𑌾 𑌕𑌾𑌰𑍍𑌯𑌾 𑌯𑌥𑌾𑌕𑍍𑌰𑌮𑌮𑍍 ॥ 14 ॥
𑌤𑍇 𑌚 𑌸𑍍𑌯𑍁𑌸𑍍𑌸𑌮𑍍𑌭𑍃𑌤𑌾𑌸𑍍𑌸𑌰𑍍𑌵𑍇 𑌵𑌸𑍁𑌭𑌿𑌰𑍍𑌭𑍋𑌜𑌨𑍇𑌨 𑌚 ।
𑌯𑌥𑌾 𑌸𑌰𑍍𑌵𑌂 𑌸𑍁𑌵𑌿𑌹𑌿𑌤𑌂 𑌨 𑌕𑌿𑌞𑍍𑌚𑌿𑌤𑍍𑌪𑌰𑌿𑌹𑍀𑌯𑌤𑍇 ॥ 15 ॥
𑌤𑌥𑌾 𑌭𑌵𑌨𑍍𑌤𑌃 𑌕𑍁𑌰𑍍𑌵𑌨𑍍𑌤𑍁 𑌪𑍍𑌰𑍀𑌤𑌿𑌸𑍍𑌨𑌿𑌗𑍍𑌧𑍇𑌨 𑌚𑍇𑌤𑌸𑌾 ।
𑌤𑌤𑌸𑍍𑌸𑌰𑍍𑌵𑍇 𑌸𑌮𑌾𑌗𑌮𑍍𑌯 𑌵𑌸𑌿𑌷𑍍𑌠𑌮𑌿𑌦𑌮𑌬𑍍𑌰𑍁𑌵𑌨𑍍 ॥ 16 ॥
𑌯𑌥𑍋𑌕𑍍𑌤𑌂 𑌤𑌤𑍍𑌸𑍁𑌵𑌿𑌹𑌿𑌤𑌂 𑌨 𑌕𑌿𑌞𑍍𑌚𑌿𑌤𑍍𑌪𑌰𑌿𑌹𑍀𑌯𑌤𑍇 ।
𑌯𑌥𑍋𑌕𑍍𑌤𑌂 𑌤𑌤𑍍𑌕𑌰𑌿𑌷𑍍𑌯𑌾𑌮𑍋 𑌨 𑌕𑌿𑌞𑍍𑌚𑌿𑌤𑍍𑌪𑌰𑌿𑌹𑌾𑌸𑍍𑌯𑌤𑍇 ॥ 17 ॥
𑌤𑌤𑌸𑍍𑌸𑍁𑌮𑌨𑍍𑌤𑍍𑌰𑌮𑌾𑌨𑍀𑌯 𑌵𑌸𑌿𑌷𑍍𑌠𑍋 𑌵𑌾𑌕𑍍𑌯𑌮𑌬𑍍𑌰𑌵𑍀𑌤𑍍 ।
𑌨𑌿𑌮𑌨𑍍𑌤𑍍𑌰𑌯𑌸𑍍𑌵 𑌨𑍃𑌪𑌤𑍀𑌨𑍍𑌪𑍃𑌥𑌿𑌵𑍍𑌯𑌾𑌂 𑌯𑍇 𑌚 𑌧𑌾𑌰𑍍𑌮𑌿𑌕𑌾𑌃 ॥ 18 ॥
𑌬𑍍𑌰𑌾𑌹𑍍𑌮𑌣𑌾𑌨𑍍𑌕𑍍𑌷𑌤𑍍𑌰𑌿𑌯𑌾𑌨𑍍𑌵𑍈𑌶𑍍𑌯𑌾𑌞𑍍𑌛𑍂𑌦𑍍𑌰𑌾𑌂𑌶𑍍𑌚𑍈𑌵 𑌸𑌹𑌸𑍍𑌰𑌶𑌃 ।
𑌸𑌮𑌾𑌨𑌯𑌸𑍍𑌵 𑌸𑌤𑍍𑌕𑍃𑌤𑍍𑌯 𑌸𑌰𑍍𑌵𑌦𑍇𑌶𑍇𑌷𑍁 𑌮𑌾𑌨𑌵𑌾𑌨𑍍 ॥ 19 ॥
𑌮𑌿𑌥𑌿𑌲𑌾𑌧𑌿𑌪𑌤𑌿𑌂 𑌶𑍂𑌰𑌂 𑌜𑌨𑌕𑌂 𑌸𑌤𑍍𑌯𑌵𑌿𑌕𑍍𑌰𑌮𑌮𑍍 ।
𑌨𑌿𑌷𑍍𑌠𑌿𑌤𑌂 𑌸𑌰𑍍𑌵𑌶𑌾𑌸𑍍𑌤𑍍𑌰𑍇𑌷𑍁 𑌤𑌥𑌾 𑌵𑍇𑌦𑍇𑌷𑍁 𑌨𑌿𑌷𑍍𑌠𑌿𑌤𑌮𑍍 ॥ 20 ॥
𑌤𑌮𑌾𑌨𑌯 𑌮𑌹𑌾𑌭𑌾𑌗𑌂 𑌸𑍍𑌵𑌯𑌮𑍇𑌵 𑌸𑍁𑌸𑌤𑍍𑌕𑍃𑌤𑌮𑍍 ।
𑌪𑍂𑌰𑍍𑌵𑌸𑌮𑍍𑌬𑌨𑍍𑌧𑌿𑌨𑌂 𑌜𑍍𑌞𑌾𑌤𑍍𑌵𑌾 𑌤𑌤𑌃 𑌪𑍂𑌰𑍍𑌵𑌂 𑌬𑍍𑌰𑌵𑍀𑌮𑌿 𑌤𑍇 ॥ 21 ॥
𑌤𑌥𑌾 𑌕𑌾𑌶𑍀𑌪𑌤𑌿𑌂 𑌸𑍍𑌨𑌿𑌗𑍍𑌧𑌂 𑌸𑌤𑌤𑌂 𑌪𑍍𑌰𑌿𑌯𑌵𑌾𑌦𑌿𑌨𑌮𑍍 ।
𑌵𑌯𑌸𑍍𑌯𑌂 𑌰𑌾𑌜𑌸𑌿𑌂𑌹𑌸𑍍𑌯 𑌸𑍍𑌵𑌯𑌮𑍇𑌵𑌾𑌨𑌯𑌸𑍍𑌵 𑌹 ॥ 22 ॥
𑌤𑌥𑌾 𑌕𑍇𑌕𑌯𑌰𑌾𑌜𑌾𑌨𑌂 𑌵𑍃𑌦𑍍𑌧𑌂 𑌪𑌰𑌮𑌧𑌾𑌰𑍍𑌮𑌿𑌕𑌮𑍍 ।
𑌶𑍍𑌵𑌶𑍁𑌰𑌂 𑌰𑌾𑌜𑌸𑌿𑌂𑌹𑌸𑍍𑌯 𑌸𑌪𑍁𑌤𑍍𑌰𑌂 𑌤𑍍𑌵𑌮𑌿𑌹𑌾𑌨𑌯 ॥ 23 ॥
𑌅𑌙𑍍𑌗𑍇𑌶𑍍𑌵𑌰𑌂 𑌮𑌹𑌾𑌭𑌾𑌗𑌂 𑌰𑍋𑌮𑌪𑌾𑌦𑌂 𑌸𑍁𑌸𑌤𑍍𑌕𑍃𑌤𑌮𑍍 ।
𑌵𑌯𑌸𑍍𑌯𑌂 𑌰𑌾𑌜𑌸𑌿𑌂𑌹𑌸𑍍𑌯 𑌸𑌮𑌾𑌨𑌯 𑌯𑌶𑌸𑍍𑌵𑌿𑌨𑌮𑍍 ॥ 24 ॥
𑌪𑍍𑌰𑌾𑌚𑍀𑌨𑌾𑌨𑍍𑌸𑌿𑌨𑍍𑌧𑍁 𑌸𑍗𑌵𑍀𑌰𑌾𑌨𑍍𑌸𑍗𑌰𑌾𑌷𑍍𑌟𑍍𑌰𑍇𑌯𑌾𑌂𑌶𑍍𑌚 𑌪𑌾𑌰𑍍𑌥𑌿𑌵𑌾𑌨𑍍 ।
𑌦𑌾𑌕𑍍𑌷𑌿𑌣𑌾𑌤𑍍𑌯𑌾𑌨𑍍𑌨𑌰𑍇𑌨𑍍𑌦𑍍𑌰𑌾𑌂𑌶𑍍𑌚 𑌸𑌮𑌸𑍍𑌤𑌾𑌨𑌾𑌨𑌯𑌸𑍍𑌵 𑌹 ॥ 25 ॥
𑌸𑌨𑍍𑌤𑌿 𑌸𑍍𑌨𑌿𑌗𑍍𑌧𑌾𑌶𑍍𑌚 𑌯𑍇 𑌚𑌾𑌨𑍍𑌯𑍇 𑌰𑌾𑌜𑌾𑌨𑌃 𑌪𑍃𑌥𑌿𑌵𑍀𑌤𑌲𑍇 ।
𑌤𑌾𑌨𑌾𑌨𑌯 𑌯𑌥𑌾𑌕𑍍𑌷𑌿𑌪𑍍𑌰𑌂 𑌸𑌾𑌨𑍁𑌗𑌾𑌨𑍍𑌸𑌹 𑌬𑌾𑌨𑍍𑌧𑌵𑌾𑌨𑍍 ॥ 26 ॥
𑌵𑌸𑌿𑌷𑍍𑌠𑌵𑌾𑌕𑍍𑌯𑌂 𑌤𑌚𑍍𑌛𑍍𑌰𑍁𑌤𑍍𑌵𑌾 𑌸𑍁𑌮𑌨𑍍𑌤𑍍𑌰𑌸𑍍𑌤𑍍𑌵𑌰𑌿𑌤𑌸𑍍𑌤𑌦𑌾 ।
𑌵𑍍𑌯𑌾𑌦𑌿𑌶𑌤𑍍𑌪𑍁𑌰𑍁𑌷𑌾𑌂𑌸𑍍𑌤𑌤𑍍𑌰 𑌰𑌾𑌜𑍍𑌞𑌾𑌮𑌾𑌨𑌯𑌨𑍇 𑌶𑍁𑌭𑌾𑌨𑍍 ॥ 27 ॥
𑌸𑍍𑌵𑌯𑌮𑍇𑌵 𑌹𑌿 𑌧𑌰𑍍𑌮𑌾𑌤𑍍𑌮𑌾 𑌪𑍍𑌰𑌯𑌯𑍗 𑌮𑍁𑌨𑌿𑌶𑌾𑌸𑌨𑌾𑌤𑍍 ।
𑌸𑍁𑌮𑌨𑍍𑌤𑍍𑌰𑌸𑍍𑌤𑍍𑌵𑌰𑌿𑌤𑍋 𑌭𑍂𑌤𑍍𑌵𑌾 𑌸𑌮𑌾𑌨𑍇𑌤𑍁𑌂 𑌮𑌹𑍀𑌕𑍍𑌷𑌿𑌤𑌃 ॥ 28 ॥
𑌤𑍇 𑌚 𑌕𑌰𑍍𑌮𑌾𑌨𑍍𑌤𑌿𑌕𑌾𑌸𑍍𑌸𑌰𑍍𑌵𑍇 𑌵𑌸𑌿𑌷𑍍𑌠𑌾𑌯 𑌚 𑌧𑍀𑌮𑌤𑍇 ।
𑌸𑌰𑍍𑌵𑌂 𑌨𑌿𑌵𑍇𑌦𑌯𑌨𑍍𑌤𑌿 𑌸𑍍𑌮 𑌯𑌜𑍍𑌞𑍇 𑌯𑌦𑍁𑌪𑌕𑌲𑍍𑌪𑌿𑌤𑌮𑍍 ॥ 29 ॥
𑌤𑌤𑌃𑌪𑍍𑌰𑍀𑌤𑍋 𑌦𑍍𑌵𑌿𑌜𑌶𑍍𑌰𑍇𑌷𑍍𑌠𑌸𑍍𑌤𑌾𑌨𑍍 𑌸𑌰𑍍𑌵𑌾𑌨𑌿𑌦𑌮𑌬𑍍𑌰𑌵𑍀𑌤𑍍 ।
𑌅𑌵𑌜𑍍𑌞𑌯𑌾 𑌨 𑌦𑌾𑌤𑌵𑍍𑌯𑌂 𑌕𑌸𑍍𑌯𑌚𑌿𑌲𑍍𑌲𑍀𑌲𑌯𑌾𑌽𑌪𑌿 𑌵𑌾 ॥ 30 ॥
𑌅𑌵𑌜𑍍𑌞𑌯𑌾 𑌕𑍃𑌤𑌂 𑌹𑌨𑍍𑌯𑌾𑌦𑍍𑌦𑌾𑌤𑌾𑌰𑌂 𑌨𑌾𑌤𑍍𑌰 𑌸𑌂𑌶𑌯𑌃 ।
28 𑌤𑌤𑌃 𑌕𑍈𑌶𑍍𑌚𑌿𑌦𑌹𑍋𑌰𑌾𑌤𑍍𑌰𑍈𑌰𑍁𑌪𑌯𑌾𑌤𑌾 𑌮𑌹𑍀𑌕𑍍𑌷𑌿𑌤𑌃 ॥ 31 ॥
𑌬𑌹𑍂𑌨𑌿 𑌰𑌤𑍍𑌨𑌾𑌨𑍍𑌯𑌾𑌦𑌾𑌯 𑌰𑌾𑌜𑍍𑌞𑍋 𑌦𑌶𑌰𑌥𑌸𑍍𑌯 𑌵𑍈 ।
𑌤𑌤𑍋 𑌵𑌸𑌿𑌷𑍍𑌠𑌸𑍍𑌸𑍁𑌪𑍍𑌰𑍀𑌤𑍋 𑌰𑌾𑌜𑌾𑌨𑌮𑌿𑌦𑌮𑌬𑍍𑌰𑌵𑍀𑌤𑍍 ॥ 32 ॥
𑌉𑌪𑌯𑌾𑌤𑌾 𑌨𑌰𑌵𑍍𑌯𑌾𑌘𑍍𑌰 𑌰𑌾𑌜𑌾𑌨𑌸𑍍𑌤𑌵 𑌶𑌾𑌸𑌨𑌾𑌤𑍍 ।
𑌮𑌯𑌾𑌪𑌿 𑌸𑌤𑍍𑌕𑍃𑌤𑌾𑌃 𑌸𑌰𑍍𑌵𑍇 𑌯𑌥𑌾𑌰𑍍𑌹𑌂 𑌰𑌾𑌜𑌸𑌤𑍍𑌤𑌮𑌾𑌃 ॥ 33 ॥
𑌯𑌜𑍍𑌞𑍀𑌯𑌂 𑌚 𑌕𑍃𑌤𑌂 𑌰𑌾𑌜𑌨𑍍 𑌪𑍁𑌰𑍁𑌷𑍈𑌸𑍍𑌸𑍁𑌸𑌮𑌾𑌹𑌿𑌤𑍈𑌃 ।
𑌨𑌿𑌰𑍍𑌯𑌾𑌤𑍁 𑌚 𑌭𑌵𑌾𑌨𑍍𑌯𑌷𑍍𑌟𑍁𑌂 𑌯𑌜𑍍𑌞𑌾𑌯𑌤𑌨𑌮𑌨𑍍𑌤𑌿𑌕𑌾𑌤𑍍 ॥ 34 ॥
𑌸𑌰𑍍𑌵𑌕𑌾𑌮𑍈𑌰𑍁𑌪𑌹𑍃𑌤𑍈𑌰𑍁𑌪𑍇𑌤𑌂 𑌚 𑌸𑌮𑌨𑍍𑌤𑌤𑌃 ।
𑌦𑍍𑌰𑌷𑍍𑌟𑍁𑌮𑌰𑍍𑌹𑌸𑌿 𑌰𑌾𑌜𑍇𑌨𑍍𑌦𑍍𑌰 𑌮𑌨𑌸𑍇𑌵 𑌵𑌿𑌨𑌿𑌰𑍍𑌮𑌿𑌤𑌮𑍍 ॥ 35 ॥
𑌤𑌥𑌾 𑌵𑌸𑌿𑌷𑍍𑌠𑌵𑌚𑌨𑌾𑌦𑍃𑌶𑍍𑌯𑌶𑍃𑌙𑍍𑌗𑌸𑍍𑌯 𑌚𑍋𑌭𑌯𑍋𑌃 ।
𑌶𑍁𑌭𑍇 𑌦𑌿𑌵𑌸𑌨𑌕𑍍𑌷𑌤𑍍𑌰𑍇 𑌨𑌿𑌰𑍍𑌯𑌾𑌤𑍋 𑌜𑌗𑌤𑍀𑌪𑌤𑌿𑌃 ॥ 36 ॥
𑌤𑌤𑍋 𑌵𑌸𑌿𑌷𑍍𑌠𑌪𑍍𑌰𑌮𑍁𑌖𑌾𑌸𑍍𑌸𑌰𑍍𑌵 𑌏𑌵 𑌦𑍍𑌵𑌿𑌜𑍋𑌤𑍍𑌤𑌮𑌾𑌃 ।
𑌋𑌶𑍍𑌯𑌶𑍃𑌙𑍍𑌗𑌂 𑌪𑍁𑌰𑌸𑍍𑌕𑍃𑌤𑍍𑌯 𑌯𑌜𑍍𑌞𑌕𑌰𑍍𑌮𑌾𑌰𑌭𑌨𑍍 𑌤𑌦𑌾 ॥ 37 ॥
𑌇𑌤𑍍𑌯𑌾𑌰𑍍𑌷𑍇 𑌶𑍍𑌰𑍀𑌮𑌦𑍍𑌰𑌾𑌮𑌾𑌯𑌣𑍇 𑌵𑌾𑌲𑍍𑌮𑍀𑌕𑍀𑌯 𑌆𑌦𑌿𑌕𑌾𑌵𑍍𑌯𑍇 𑌬𑌾𑌲𑌕𑌾𑌣𑍍𑌡𑍇 𑌤𑍍𑌰𑌯𑍋𑌦𑌶𑌸𑍍𑌸𑌰𑍍𑌗𑌃 ॥
Roman (IAST) Transliteration
śrīmadvālmīkīya rāmāyaṇe bālakāṇḍam |
atha trayodaśassargaḥ |
punaḥ prāpte vasante tu pūrṇassaṃvatsaro'bhavat |
prasavārthaṃ gato yaṣṭuṃ hayamedhena vīryavān || 1 ||
abhivādya vasiṣṭhaṃ ca nyāyataḥ paripūjya ca |
abravītpraśritaṃ vākyaṃ prasavārthaṃ dvijottamam || 2 ||
yajño me kriyatāṃ brahmanyathoktaṃ munipuṅgava |
yathā na vighnaḥ kriyate yajñāṅgeṣu vidhīyatām || 3 ||
bhavān snigdhassuhṛnmahyaṃ guruśca paramo mahān |
oḍhavyo bhavatā caiva bhāro yajñasya codyataḥ || 4 ||
tatheti ca sa rājānamabravīddvijasattamaḥ |
kariṣye sarvamevaitadbhavatā yatsamarthitam || 5 ||
tato'bravīdvijānvṛddhānyajñakarmasu niṣṭhitān |
sthāpatye niṣṭhitāṃścaiva vṛddhānparamadhārmikān || 6 ||
karmāntikān śilpakarānvardhakīn khanakānapi |
gaṇakānśilpinaścaiva tathaiva naṭanartakān || 7 ||
tathā śucīnśāstravidaḥ puruṣān subahuśrutān |
yajñakarma samīhantāṃ bhavanto rājaśāsanāt || 8 ||
iṣṭakā bahu sāhasrāśśīghramānīyatāmiti |
0 upakāryāḥ kriyantāṃ ca rājñāṃ bahuguṇānvitāḥ || 9 ||
brāhmaṇāvasathāścaiva kartavyāśśataśaśśubhāḥ |
bhakṣyānnapānairbahubhissamupetāssuniṣṭhitāḥ || 10 ||
tathā paurajanasyāpi kartavyā bahuvistarāḥ |
āvāsā bahubhakṣyā vai sarvakāmairupasthitāḥ || 11 ||
tathā jānapadasyāpi janasya bahuśobhanam |
dātavyamannaṃ vidhivatsatkṛtya na tu līlayā || 12 ||
sarve varṇā yathā pūjāṃ prāpnuvanti susatkṛtāḥ |
na cāvajñā prayoktavyā kāmakrodhavaśādapi || 13 ||
yajñakarmasu ye vyagrāḥ puruṣāśśilpinastathā |
teṣāmapi viśeṣeṇa pūjā kāryā yathākramam || 14 ||
te ca syussambhṛtāssarve vasubhirbhojanena ca |
yathā sarvaṃ suvihitaṃ na kiñcitparihīyate || 15 ||
tathā bhavantaḥ kurvantu prītisnigdhena cetasā |
tatassarve samāgamya vasiṣṭhamidamabruvan || 16 ||
yathoktaṃ tatsuvihitaṃ na kiñcitparihīyate |
yathoktaṃ tatkariṣyāmo na kiñcitparihāsyate || 17 ||
tatassumantramānīya vasiṣṭho vākyamabravīt |
nimantrayasva nṛpatīnpṛthivyāṃ ye ca dhārmikāḥ || 18 ||
brāhmaṇānkṣatriyānvaiśyāñchūdrāṃścaiva sahasraśaḥ |
samānayasva satkṛtya sarvadeśeṣu mānavān || 19 ||
mithilādhipatiṃ śūraṃ janakaṃ satyavikramam |
niṣṭhitaṃ sarvaśāstreṣu tathā vedeṣu niṣṭhitam || 20 ||
tamānaya mahābhāgaṃ svayameva susatkṛtam |
pūrvasambandhinaṃ jñātvā tataḥ pūrvaṃ bravīmi te || 21 ||
tathā kāśīpatiṃ snigdhaṃ satataṃ priyavādinam |
vayasyaṃ rājasiṃhasya svayamevānayasva ha || 22 ||
tathā kekayarājānaṃ vṛddhaṃ paramadhārmikam |
śvaśuraṃ rājasiṃhasya saputraṃ tvamihānaya || 23 ||
aṅgeśvaraṃ mahābhāgaṃ romapādaṃ susatkṛtam |
vayasyaṃ rājasiṃhasya samānaya yaśasvinam || 24 ||
prācīnānsindhu sauvīrānsaurāṣṭreyāṃśca pārthivān |
dākṣiṇātyānnarendrāṃśca samastānānayasva ha || 25 ||
santi snigdhāśca ye cānye rājānaḥ pṛthivītale |
tānānaya yathākṣipraṃ sānugānsaha bāndhavān || 26 ||
vasiṣṭhavākyaṃ tacchrutvā sumantrastvaritastadā |
vyādiśatpuruṣāṃstatra rājñāmānayane śubhān || 27 ||
svayameva hi dharmātmā prayayau muniśāsanāt |
sumantrastvarito bhūtvā samānetuṃ mahīkṣitaḥ || 28 ||
te ca karmāntikāssarve vasiṣṭhāya ca dhīmate |
sarvaṃ nivedayanti sma yajñe yadupakalpitam || 29 ||
tataḥprīto dvijaśreṣṭhastān sarvānidamabravīt |
avajñayā na dātavyaṃ kasyacillīlayā'pi vā || 30 ||
avajñayā kṛtaṃ hanyāddātāraṃ nātra saṃśayaḥ |
28 tataḥ kaiścidahorātrairupayātā mahīkṣitaḥ || 31 ||
bahūni ratnānyādāya rājño daśarathasya vai |
tato vasiṣṭhassuprīto rājānamidamabravīt || 32 ||
upayātā naravyāghra rājānastava śāsanāt |
mayāpi satkṛtāḥ sarve yathārhaṃ rājasattamāḥ || 33 ||
yajñīyaṃ ca kṛtaṃ rājan puruṣaissusamāhitaiḥ |
niryātu ca bhavānyaṣṭuṃ yajñāyatanamantikāt || 34 ||
sarvakāmairupahṛtairupetaṃ ca samantataḥ |
draṣṭumarhasi rājendra manaseva vinirmitam || 35 ||
tathā vasiṣṭhavacanādṛśyaśṛṅgasya cobhayoḥ |
śubhe divasanakṣatre niryāto jagatīpatiḥ || 36 ||
tato vasiṣṭhapramukhāssarva eva dvijottamāḥ |
ṛśyaśṛṅgaṃ puraskṛtya yajñakarmārabhan tadā || 37 ||
ityārṣe śrīmadrāmāyaṇe vālmīkīya ādikāvye bālakāṇḍe trayodaśassargaḥ ||
Sanskrit — Devanagari (original)
श्रीमद्वाल्मीकीय रामायणे बालकाण्डम् ।
अथ त्रयोदशस्सर्गः ।
पुनः प्राप्ते वसन्ते तु पूर्णस्संवत्सरोऽभवत् ।
प्रसवार्थं गतो यष्टुं हयमेधेन वीर्यवान् ॥ 1 ॥
अभिवाद्य वसिष्ठं च न्यायतः परिपूज्य च ।
अब्रवीत्प्रश्रितं वाक्यं प्रसवार्थं द्विजोत्तमम् ॥ 2 ॥
यज्ञो मे क्रियतां ब्रह्मन्यथोक्तं मुनिपुङ्गव ।
यथा न विघ्नः क्रियते यज्ञाङ्गेषु विधीयताम् ॥ 3 ॥
भवान् स्निग्धस्सुहृन्मह्यं गुरुश्च परमो महान् ।
ओढव्यो भवता चैव भारो यज्ञस्य चोद्यतः ॥ 4 ॥
तथेति च स राजानमब्रवीद्द्विजसत्तमः ।
करिष्ये सर्वमेवैतद्भवता यत्समर्थितम् ॥ 5 ॥
ततोऽब्रवीद्विजान्वृद्धान्यज्ञकर्मसु निष्ठितान् ।
स्थापत्ये निष्ठितांश्चैव वृद्धान्परमधार्मिकान् ॥ 6 ॥
कर्मान्तिकान् शिल्पकरान्वर्धकीन् खनकानपि ।
गणकान्शिल्पिनश्चैव तथैव नटनर्तकान् ॥ 7 ॥
तथा शुचीन्शास्त्रविदः पुरुषान् सुबहुश्रुतान् ।
यज्ञकर्म समीहन्तां भवन्तो राजशासनात् ॥ 8 ॥
इष्टका बहु साहस्राश्शीघ्रमानीयतामिति ।
0 उपकार्याः क्रियन्तां च राज्ञां बहुगुणान्विताः ॥ 9 ॥
ब्राह्मणावसथाश्चैव कर्तव्याश्शतशश्शुभाः ।
भक्ष्यान्नपानैर्बहुभिस्समुपेतास्सुनिष्ठिताः ॥ 10 ॥
तथा पौरजनस्यापि कर्तव्या बहुविस्तराः ।
आवासा बहुभक्ष्या वै सर्वकामैरुपस्थिताः ॥ 11 ॥
तथा जानपदस्यापि जनस्य बहुशोभनम् ।
दातव्यमन्नं विधिवत्सत्कृत्य न तु लीलया ॥ 12 ॥
सर्वे वर्णा यथा पूजां प्राप्नुवन्ति सुसत्कृताः ।
न चावज्ञा प्रयोक्तव्या कामक्रोधवशादपि ॥ 13 ॥
यज्ञकर्मसु ये व्यग्राः पुरुषाश्शिल्पिनस्तथा ।
तेषामपि विशेषेण पूजा कार्या यथाक्रमम् ॥ 14 ॥
ते च स्युस्सम्भृतास्सर्वे वसुभिर्भोजनेन च ।
यथा सर्वं सुविहितं न किञ्चित्परिहीयते ॥ 15 ॥
तथा भवन्तः कुर्वन्तु प्रीतिस्निग्धेन चेतसा ।
ततस्सर्वे समागम्य वसिष्ठमिदमब्रुवन् ॥ 16 ॥
यथोक्तं तत्सुविहितं न किञ्चित्परिहीयते ।
यथोक्तं तत्करिष्यामो न किञ्चित्परिहास्यते ॥ 17 ॥
ततस्सुमन्त्रमानीय वसिष्ठो वाक्यमब्रवीत् ।
निमन्त्रयस्व नृपतीन्पृथिव्यां ये च धार्मिकाः ॥ 18 ॥
ब्राह्मणान्क्षत्रियान्वैश्याञ्छूद्रांश्चैव सहस्रशः ।
समानयस्व सत्कृत्य सर्वदेशेषु मानवान् ॥ 19 ॥
मिथिलाधिपतिं शूरं जनकं सत्यविक्रमम् ।
निष्ठितं सर्वशास्त्रेषु तथा वेदेषु निष्ठितम् ॥ 20 ॥
तमानय महाभागं स्वयमेव सुसत्कृतम् ।
पूर्वसम्बन्धिनं ज्ञात्वा ततः पूर्वं ब्रवीमि ते ॥ 21 ॥
तथा काशीपतिं स्निग्धं सततं प्रियवादिनम् ।
वयस्यं राजसिंहस्य स्वयमेवानयस्व ह ॥ 22 ॥
तथा केकयराजानं वृद्धं परमधार्मिकम् ।
श्वशुरं राजसिंहस्य सपुत्रं त्वमिहानय ॥ 23 ॥
अङ्गेश्वरं महाभागं रोमपादं सुसत्कृतम् ।
वयस्यं राजसिंहस्य समानय यशस्विनम् ॥ 24 ॥
प्राचीनान्सिन्धु सौवीरान्सौराष्ट्रेयांश्च पार्थिवान् ।
दाक्षिणात्यान्नरेन्द्रांश्च समस्तानानयस्व ह ॥ 25 ॥
सन्ति स्निग्धाश्च ये चान्ये राजानः पृथिवीतले ।
तानानय यथाक्षिप्रं सानुगान्सह बान्धवान् ॥ 26 ॥
वसिष्ठवाक्यं तच्छ्रुत्वा सुमन्त्रस्त्वरितस्तदा ।
व्यादिशत्पुरुषांस्तत्र राज्ञामानयने शुभान् ॥ 27 ॥
स्वयमेव हि धर्मात्मा प्रययौ मुनिशासनात् ।
सुमन्त्रस्त्वरितो भूत्वा समानेतुं महीक्षितः ॥ 28 ॥
ते च कर्मान्तिकास्सर्वे वसिष्ठाय च धीमते ।
सर्वं निवेदयन्ति स्म यज्ञे यदुपकल्पितम् ॥ 29 ॥
ततःप्रीतो द्विजश्रेष्ठस्तान् सर्वानिदमब्रवीत् ।
अवज्ञया न दातव्यं कस्यचिल्लीलयाऽपि वा ॥ 30 ॥
अवज्ञया कृतं हन्याद्दातारं नात्र संशयः ।
28 ततः कैश्चिदहोरात्रैरुपयाता महीक्षितः ॥ 31 ॥
बहूनि रत्नान्यादाय राज्ञो दशरथस्य वै ।
ततो वसिष्ठस्सुप्रीतो राजानमिदमब्रवीत् ॥ 32 ॥
उपयाता नरव्याघ्र राजानस्तव शासनात् ।
मयापि सत्कृताः सर्वे यथार्हं राजसत्तमाः ॥ 33 ॥
यज्ञीयं च कृतं राजन् पुरुषैस्सुसमाहितैः ।
निर्यातु च भवान्यष्टुं यज्ञायतनमन्तिकात् ॥ 34 ॥
सर्वकामैरुपहृतैरुपेतं च समन्ततः ।
द्रष्टुमर्हसि राजेन्द्र मनसेव विनिर्मितम् ॥ 35 ॥
तथा वसिष्ठवचनादृश्यशृङ्गस्य चोभयोः ।
शुभे दिवसनक्षत्रे निर्यातो जगतीपतिः ॥ 36 ॥
ततो वसिष्ठप्रमुखास्सर्व एव द्विजोत्तमाः ।
ऋश्यशृङ्गं पुरस्कृत्य यज्ञकर्मारभन् तदा ॥ 37 ॥
इत्यार्षे श्रीमद्रामायणे वाल्मीकीय आदिकाव्ये बालकाण्डे त्रयोदशस्सर्गः ॥
śrīmadvālmīkīya rāmāyaṇe bālakāṇḍam |
atha trayodaśassargaḥ |
punaḥ prāpte vasante tu pūrṇassaṃvatsaro'bhavat |
prasavārthaṃ gato yaṣṭuṃ hayamedhena vīryavān || 1 ||
abhivādya vasiṣṭhaṃ ca nyāyataḥ paripūjya ca |
abravītpraśritaṃ vākyaṃ prasavārthaṃ dvijottamam || 2 ||
yajño me kriyatāṃ brahmanyathoktaṃ munipuṅgava |
yathā na vighnaḥ kriyate yajñāṅgeṣu vidhīyatām || 3 ||
bhavān snigdhassuhṛnmahyaṃ guruśca paramo mahān |
oḍhavyo bhavatā caiva bhāro yajñasya codyataḥ || 4 ||
tatheti ca sa rājānamabravīddvijasattamaḥ |
kariṣye sarvamevaitadbhavatā yatsamarthitam || 5 ||
tato'bravīdvijānvṛddhānyajñakarmasu niṣṭhitān |
sthāpatye niṣṭhitāṃścaiva vṛddhānparamadhārmikān || 6 ||
karmāntikān śilpakarānvardhakīn khanakānapi |
gaṇakānśilpinaścaiva tathaiva naṭanartakān || 7 ||
tathā śucīnśāstravidaḥ puruṣān subahuśrutān |
yajñakarma samīhantāṃ bhavanto rājaśāsanāt || 8 ||
iṣṭakā bahu sāhasrāśśīghramānīyatāmiti |
0 upakāryāḥ kriyantāṃ ca rājñāṃ bahuguṇānvitāḥ || 9 ||
brāhmaṇāvasathāścaiva kartavyāśśataśaśśubhāḥ |
bhakṣyānnapānairbahubhissamupetāssuniṣṭhitāḥ || 10 ||
tathā paurajanasyāpi kartavyā bahuvistarāḥ |
āvāsā bahubhakṣyā vai sarvakāmairupasthitāḥ || 11 ||
tathā jānapadasyāpi janasya bahuśobhanam |
dātavyamannaṃ vidhivatsatkṛtya na tu līlayā || 12 ||
sarve varṇā yathā pūjāṃ prāpnuvanti susatkṛtāḥ |
na cāvajñā prayoktavyā kāmakrodhavaśādapi || 13 ||
yajñakarmasu ye vyagrāḥ puruṣāśśilpinastathā |
teṣāmapi viśeṣeṇa pūjā kāryā yathākramam || 14 ||
te ca syussambhṛtāssarve vasubhirbhojanena ca |
yathā sarvaṃ suvihitaṃ na kiñcitparihīyate || 15 ||
tathā bhavantaḥ kurvantu prītisnigdhena cetasā |
tatassarve samāgamya vasiṣṭhamidamabruvan || 16 ||
yathoktaṃ tatsuvihitaṃ na kiñcitparihīyate |
yathoktaṃ tatkariṣyāmo na kiñcitparihāsyate || 17 ||
tatassumantramānīya vasiṣṭho vākyamabravīt |
nimantrayasva nṛpatīnpṛthivyāṃ ye ca dhārmikāḥ || 18 ||
brāhmaṇānkṣatriyānvaiśyāñchūdrāṃścaiva sahasraśaḥ |
samānayasva satkṛtya sarvadeśeṣu mānavān || 19 ||
mithilādhipatiṃ śūraṃ janakaṃ satyavikramam |
niṣṭhitaṃ sarvaśāstreṣu tathā vedeṣu niṣṭhitam || 20 ||
tamānaya mahābhāgaṃ svayameva susatkṛtam |
pūrvasambandhinaṃ jñātvā tataḥ pūrvaṃ bravīmi te || 21 ||
tathā kāśīpatiṃ snigdhaṃ satataṃ priyavādinam |
vayasyaṃ rājasiṃhasya svayamevānayasva ha || 22 ||
tathā kekayarājānaṃ vṛddhaṃ paramadhārmikam |
śvaśuraṃ rājasiṃhasya saputraṃ tvamihānaya || 23 ||
aṅgeśvaraṃ mahābhāgaṃ romapādaṃ susatkṛtam |
vayasyaṃ rājasiṃhasya samānaya yaśasvinam || 24 ||
prācīnānsindhu sauvīrānsaurāṣṭreyāṃśca pārthivān |
dākṣiṇātyānnarendrāṃśca samastānānayasva ha || 25 ||
santi snigdhāśca ye cānye rājānaḥ pṛthivītale |
tānānaya yathākṣipraṃ sānugānsaha bāndhavān || 26 ||
vasiṣṭhavākyaṃ tacchrutvā sumantrastvaritastadā |
vyādiśatpuruṣāṃstatra rājñāmānayane śubhān || 27 ||
svayameva hi dharmātmā prayayau muniśāsanāt |
sumantrastvarito bhūtvā samānetuṃ mahīkṣitaḥ || 28 ||
te ca karmāntikāssarve vasiṣṭhāya ca dhīmate |
sarvaṃ nivedayanti sma yajñe yadupakalpitam || 29 ||
tataḥprīto dvijaśreṣṭhastān sarvānidamabravīt |
avajñayā na dātavyaṃ kasyacillīlayā'pi vā || 30 ||
avajñayā kṛtaṃ hanyāddātāraṃ nātra saṃśayaḥ |
28 tataḥ kaiścidahorātrairupayātā mahīkṣitaḥ || 31 ||
bahūni ratnānyādāya rājño daśarathasya vai |
tato vasiṣṭhassuprīto rājānamidamabravīt || 32 ||
upayātā naravyāghra rājānastava śāsanāt |
mayāpi satkṛtāḥ sarve yathārhaṃ rājasattamāḥ || 33 ||
yajñīyaṃ ca kṛtaṃ rājan puruṣaissusamāhitaiḥ |
niryātu ca bhavānyaṣṭuṃ yajñāyatanamantikāt || 34 ||
sarvakāmairupahṛtairupetaṃ ca samantataḥ |
draṣṭumarhasi rājendra manaseva vinirmitam || 35 ||
tathā vasiṣṭhavacanādṛśyaśṛṅgasya cobhayoḥ |
śubhe divasanakṣatre niryāto jagatīpatiḥ || 36 ||
tato vasiṣṭhapramukhāssarva eva dvijottamāḥ |
ṛśyaśṛṅgaṃ puraskṛtya yajñakarmārabhan tadā || 37 ||
ityārṣe śrīmadrāmāyaṇe vālmīkīya ādikāvye bālakāṇḍe trayodaśassargaḥ ||
🕉️ This is the original Sanskrit rendered in Grantha script.
Pronunciation is identical to the Sanskrit Devanagari version.