ஶ்ரீமத்வால்மீகீய ராமாயணே பாலகாண்டம் ।
அத ஏகாதஶஸ்ஸர்கஃ ।
பூய ஏவ ஹி ராஜேந்த்ர ஶ்ரு'ணு மே வசநம் ஹிதம் ।
யதா ஸ தேவப்ரவரஃ கதாயாமேவமப்ரவீத் ॥ 1 ॥
இக்ஷ்வாகூணாம் குலே ஜாதோ பவிஷ்யதி ஸுதார்மிகஃ ।
ராஜா தஶரதோ நாம்நா ஶ்ரீமாந்ஸத்யப்ரதிஶ்ரவஃ ॥ 2 ॥
அங்கராஜேந ஸக்யம் ச தஸ்ய ராஜ்ஞோ பவிஷ்யதி ।
கந்யா சாஸ்ய மஹாபாகா ஶாந்தா நாம பவிஷ்யதி ॥ 3 ॥
புத்ரஸ்து ஸோऽங்கராஜஸ்ய ரோமபாத இதி ஶ்ருதஃ ।
தம் ஸ ராஜா தஶரதோ கமிஷ்யதி மஹாயஶாஃ ॥ 4 ॥
அநபத்யோऽஸ்மி தர்மாத்மந் ஶாந்தாபர்தா மம க்ரதும் ।
ஆஹரேத த்வயாஜ்ஞப்தஸ்ஸந்தாநார்தம் குலஸ்ய ச ॥ 5 ॥
ஶ்ருத்வா ராஜ்ஞோऽத தத்வாக்யம் மநஸா ஸ விசிந்த்ய ச ।
ப்ரதாஸ்யதே புத்ரவந்தம் ஶாந்தாபர்தாரமாத்மவாந் ॥ 6 ॥
ப்ரதிக்ரு'ஹ்ய ச தம் விப்ரம் ஸ ராஜா விகதஜ்வரஃ ।
ஆஹரிஷ்யதி தம் யஜ்ஞம் ப்ரஹ்ரு'ஷ்டேநாந்தராத்மநா ॥ 7 ॥
தம் ச ராஜா தஶரதோ யஷ்டுகாமஃ க்ரு'தாஞ்ஜலிஃ ।
ரு'ஶ்யஶ்ரு'ங்கம் த்விஜஶ்ரேஷ்டம் வரயிஷ்யதி தர்மவித் ॥ 8 ॥
யஜ்ஞார்தம் ப்ரஸவார்தம் ச ஸ்வர்கார்தம் ச நரேஶ்வரஃ ।
லபதே ச ஸ தம் காமம் த்விஜமுக்யாத்விஶாம்பதிஃ ॥ 9 ॥
புத்ராஶ்சாஸ்ய பவிஷ்யந்தி சத்வாரோऽமிதவிக்ரமாஃ ।
வம்ஶப்ரதிஷ்டாநகராஸ்ஸர்வலோகேஷு விஶ்ருதாஃ ॥ 10 ॥
ஏவம் ஸ தேவப்ரவரஃ பூர்வம் கதிதவாந்கதாம் ।
ஸநத்குமாரோ பகவாந்புரா தேவயுகே ப்ரபுஃ ॥ 11 ॥
ஸ த்வம் புருஷஶார்தூல தமாநய ஸுஸத்க்ரு'தம் ।
ஸ்வயமேவ மஹாராஜ கத்வா ஸபலவாஹநஃ ॥ 12 ॥
அநுமாந்ய வஸிஷ்டம் ச ஸூதவாக்யம் நிஶம்ய ச ।
ஸாந்தஃபுரஸ்ஸஹாமாத்யஃ ப்ரயயௌ யத்ர ஸ த்விஜஃ ॥ 13 ॥
வநாநி ஸரிதஶ்சைவ வ்யதிக்ரம்ய ஶநைஶ்ஶநைஃ ।
அபிசக்ராம தம் தேஶம் யத்ர வை முநிபுங்கவஃ ॥ 14 ॥
ஆஸாத்ய தம் த்விஜஶ்ரேஷ்டம் ரோமபாதஸமீபகம் ।
ரு'ஷிபுத்ரம் ததர்ஶாதௌ தீப்யமாநமிவாநலம் ॥ 15 ॥
ததோ ராஜா யதாந்யாயம் பூஜாம் சக்ரே விஶேஷதஃ ।
ஸகித்வாத்தஸ்ய வை ராஜ்ஞஃ ப்ரஹ்ரு'ஷ்டேநாந்தராத்மநா ॥ 16 ॥
ரோமபாதேந சாக்யாதம்ரு'ஷிபுத்ராய தீமதே ।
ஸக்யம் ஸம்பந்தகம் சைவ ததா தம் ப்ரத்யபூஜயத் ॥ 17 ॥
ஏவம் ஸுஸத்க்ரு'தஸ்தேந ஸஹோஷித்வா நரர்ஷபஃ ।
ஸப்தாஷ்டதிவஸாந்ராஜா ராஜாநமிதமப்ரவீத் ॥ 18 ॥
ஶாந்தா தவ ஸுதா ராஜந் ஸஹ பர்த்ரா விஶாம்பதே ।
மதீயநகரம் யாது கார்யம் ஹி மஹதுத்யதம் ॥ 19 ॥
ததேதி ராஜா ஸம்ஶ்ருத்ய கமநம் தஸ்ய தீமதஃ ।
உவாச வசநம் விப்ரம் கச்ச த்வம் ஸஹ பார்யயா ॥ 20 ॥
ரு'ஷிபுத்ரஃ ப்ரதிஶ்ருத்ய ததேத்யாஹ ந்ரு'பம் ததா ।
ஸ ந்ரு'பேணாப்யநுஜ்ஞாதஃ ப்ரயயௌ ஸஹ பார்யயா ॥ 21 ॥
தாவந்யோந்யாஞ்ஜலிம் க்ரு'த்வா ஸ்நேஹாத்ஸம்ஶ்லிஷ்ய சோரஸா ।
நநந்ததுர்தஶரதோ ரோமபாதஶ்ச வீர்யவாந் ॥ 22 ॥
ததஸ்ஸுஹ்ரு'தமாப்ரு'ச்ச்ய ப்ரஸ்திதோ ரகுநந்தநஃ ।
பௌரேப்யஃ ப்ரேஷயாமாஸ தூதாந்வை ஶீக்ரகாமிநஃ ॥ 23 ॥
க்ரியதாம் நகரம் ஸர்வம் க்ஷிப்ரமேவ ஸ்வலங்க்ரு'தம் ।
தூபிதம் ஸிக்தஸம்ம்ரு'ஷ்டம் பதாகாபிரலங்க்ரு'தம் ॥ 24 ॥
ததஃ ப்ரஹ்ரு'ஷ்டாஃ பௌராஸ்தே ஶ்ருத்வா ராஜாநமாகதம் ।
ததா ப்ரசக்ருஸ்தத்ஸர்வம் ராஜ்ஞா யத்ப்ரேஷிதம் ததா ॥ 25 ॥
ததஸ்ஸ்வலங்க்ரு'தம் ராஜா நகரம் ப்ரவிவேஶ ஹ ।
ஶங்கதுந்துபிநிர்கோஷைஃ புரஸ்க்ரு'த்ய த்விஜர்ஷபம் ॥ 26 ॥
ததஃ ப்ரமுதிதாஸ்ஸர்வே த்ரு'ஷ்ட்வா தம் நாகரா த்விஜம் ।
ப்ரவேஶ்யமாநம் ஸத்க்ரு'த்ய நரேந்த்ரேணேந்த்ரகர்மணா ॥ 27 ॥
அந்தஃபுரம் ப்ரவேஶ்யைநம் பூஜாம் க்ரு'த்வா ச ஶாஸ்த்ரதஃ ।
க்ரு'தக்ரு'த்யம் ததாத்மாநம் மேநே தஸ்யோபவாஹநாத் ॥ 28 ॥
அந்தஃபுரஸ்த்ரியஸ்ஸர்வாஶ்ஶாந்தாம் த்ரு'ஷ்ட்வா ததாகதாம் ।
ஸஹ பர்த்ரா விஶாலாக்ஷீம் ப்ரீத்யாநந்தமுபாகமந் ॥ 29 ॥
பூஜ்யமாநா ச தாபிஸ்ஸா ராஜ்ஞா சைவ விஶேஷதஃ ।
உவாஸ தத்ர ஸுகிதா கஞ்சித்காலம் ஸஹர்த்விஜா ॥ 30 ॥
இத்யார்ஷே ஶ்ரீமத்ராமாயணே வால்மீகீய ஆதிகாவ்யே பாலகாண்டே ஏகாதஶஸ்ஸர்கஃ ॥
Roman (IAST) Transliteration
śrīmadvālmīkīya rāmāyaṇe bālakāṇḍam |
atha ekādaśassargaḥ |
bhūya eva hi rājendra śṛṇu me vacanaṃ hitam |
yathā sa devapravaraḥ kathāyāmevamabravīt || 1 ||
ikṣvākūṇāṃ kule jāto bhaviṣyati sudhārmikaḥ |
rājā daśaratho nāmnā śrīmānsatyapratiśravaḥ || 2 ||
aṅgarājena sakhyaṃ ca tasya rājño bhaviṣyati |
kanyā cāsya mahābhāgā śāntā nāma bhaviṣyati || 3 ||
putrastu so'ṅgarājasya romapāda iti śrutaḥ |
taṃ sa rājā daśaratho gamiṣyati mahāyaśāḥ || 4 ||
anapatyo'smi dharmātman śāntābhartā mama kratum |
āhareta tvayājñaptassantānārthaṃ kulasya ca || 5 ||
śrutvā rājño'tha tadvākyaṃ manasā sa vicintya ca |
pradāsyate putravantaṃ śāntābhartāramātmavān || 6 ||
pratigṛhya ca taṃ vipraṃ sa rājā vigatajvaraḥ |
āhariṣyati taṃ yajñaṃ prahṛṣṭenāntarātmanā || 7 ||
taṃ ca rājā daśaratho yaṣṭukāmaḥ kṛtāñjaliḥ |
ṛśyaśṛṅgaṃ dvijaśreṣṭhaṃ varayiṣyati dharmavit || 8 ||
yajñārthaṃ prasavārthaṃ ca svargārthaṃ ca nareśvaraḥ |
labhate ca sa taṃ kāmaṃ dvijamukhyādviśāmpatiḥ || 9 ||
putrāścāsya bhaviṣyanti catvāro'mitavikramāḥ |
vaṃśapratiṣṭhānakarāssarvalokeṣu viśrutāḥ || 10 ||
evaṃ sa devapravaraḥ pūrvaṃ kathitavānkathām |
sanatkumāro bhagavānpurā devayuge prabhuḥ || 11 ||
sa tvaṃ puruṣaśārdūla tamānaya susatkṛtam |
svayameva mahārāja gatvā sabalavāhanaḥ || 12 ||
anumānya vasiṣṭhaṃ ca sūtavākyaṃ niśamya ca |
sāntaḥpurassahāmātyaḥ prayayau yatra sa dvijaḥ || 13 ||
vanāni saritaścaiva vyatikramya śanaiśśanaiḥ |
abhicakrāma taṃ deśaṃ yatra vai munipuṅgavaḥ || 14 ||
āsādya taṃ dvijaśreṣṭhaṃ romapādasamīpagam |
ṛṣiputraṃ dadarśādau dīpyamānamivānalam || 15 ||
tato rājā yathānyāyaṃ pūjāṃ cakre viśeṣataḥ |
sakhitvāttasya vai rājñaḥ prahṛṣṭenāntarātmanā || 16 ||
romapādena cākhyātamṛṣiputrāya dhīmate |
sakhyaṃ sambandhakaṃ caiva tadā taṃ pratyapūjayat || 17 ||
evaṃ susatkṛtastena sahoṣitvā nararṣabhaḥ |
saptāṣṭadivasānrājā rājānamidamabravīt || 18 ||
śāntā tava sutā rājan saha bhartrā viśāmpate |
madīyanagaraṃ yātu kāryaṃ hi mahadudyatam || 19 ||
tatheti rājā saṃśrutya gamanaṃ tasya dhīmataḥ |
uvāca vacanaṃ vipraṃ gaccha tvaṃ saha bhāryayā || 20 ||
ṛṣiputraḥ pratiśrutya tathetyāha nṛpaṃ tadā |
sa nṛpeṇābhyanujñātaḥ prayayau saha bhāryayā || 21 ||
tāvanyonyāñjaliṃ kṛtvā snehātsaṃśliṣya corasā |
nanandaturdaśaratho romapādaśca vīryavān || 22 ||
tatassuhṛdamāpṛcchya prasthito raghunandanaḥ |
paurebhyaḥ preṣayāmāsa dūtānvai śīghragāminaḥ || 23 ||
kriyatāṃ nagaraṃ sarvaṃ kṣiprameva svalaṅkṛtam |
dhūpitaṃ siktasammṛṣṭaṃ patākābhiralaṅkṛtam || 24 ||
tataḥ prahṛṣṭāḥ paurāste śrutvā rājānamāgatam |
tathā pracakrustatsarvaṃ rājñā yatpreṣitaṃ tadā || 25 ||
tatassvalaṅkṛtaṃ rājā nagaraṃ praviveśa ha |
śaṅkhadundubhinirghoṣaiḥ puraskṛtya dvijarṣabham || 26 ||
tataḥ pramuditāssarve dṛṣṭvā taṃ nāgarā dvijam |
praveśyamānaṃ satkṛtya narendreṇendrakarmaṇā || 27 ||
antaḥpuraṃ praveśyainaṃ pūjāṃ kṛtvā ca śāstrataḥ |
kṛtakṛtyaṃ tadātmānaṃ mene tasyopavāhanāt || 28 ||
antaḥpurastriyassarvāśśāntāṃ dṛṣṭvā tathāgatām |
saha bhartrā viśālākṣīṃ prītyānandamupāgaman || 29 ||
pūjyamānā ca tābhissā rājñā caiva viśeṣataḥ |
uvāsa tatra sukhitā kañcitkālaṃ sahartvijā || 30 ||
ityārṣe śrīmadrāmāyaṇe vālmīkīya ādikāvye bālakāṇḍe ekādaśassargaḥ ||
Sanskrit — Devanagari (original)
श्रीमद्वाल्मीकीय रामायणे बालकाण्डम् ।
अथ एकादशस्सर्गः ।
भूय एव हि राजेन्द्र शृणु मे वचनं हितम् ।
यथा स देवप्रवरः कथायामेवमब्रवीत् ॥ 1 ॥
इक्ष्वाकूणां कुले जातो भविष्यति सुधार्मिकः ।
राजा दशरथो नाम्ना श्रीमान्सत्यप्रतिश्रवः ॥ 2 ॥
अङ्गराजेन सख्यं च तस्य राज्ञो भविष्यति ।
कन्या चास्य महाभागा शान्ता नाम भविष्यति ॥ 3 ॥
पुत्रस्तु सोऽङ्गराजस्य रोमपाद इति श्रुतः ।
तं स राजा दशरथो गमिष्यति महायशाः ॥ 4 ॥
अनपत्योऽस्मि धर्मात्मन् शान्ताभर्ता मम क्रतुम् ।
आहरेत त्वयाज्ञप्तस्सन्तानार्थं कुलस्य च ॥ 5 ॥
श्रुत्वा राज्ञोऽथ तद्वाक्यं मनसा स विचिन्त्य च ।
प्रदास्यते पुत्रवन्तं शान्ताभर्तारमात्मवान् ॥ 6 ॥
प्रतिगृह्य च तं विप्रं स राजा विगतज्वरः ।
आहरिष्यति तं यज्ञं प्रहृष्टेनान्तरात्मना ॥ 7 ॥
तं च राजा दशरथो यष्टुकामः कृताञ्जलिः ।
ऋश्यशृङ्गं द्विजश्रेष्ठं वरयिष्यति धर्मवित् ॥ 8 ॥
यज्ञार्थं प्रसवार्थं च स्वर्गार्थं च नरेश्वरः ।
लभते च स तं कामं द्विजमुख्याद्विशाम्पतिः ॥ 9 ॥
पुत्राश्चास्य भविष्यन्ति चत्वारोऽमितविक्रमाः ।
वंशप्रतिष्ठानकरास्सर्वलोकेषु विश्रुताः ॥ 10 ॥
एवं स देवप्रवरः पूर्वं कथितवान्कथाम् ।
सनत्कुमारो भगवान्पुरा देवयुगे प्रभुः ॥ 11 ॥
स त्वं पुरुषशार्दूल तमानय सुसत्कृतम् ।
स्वयमेव महाराज गत्वा सबलवाहनः ॥ 12 ॥
अनुमान्य वसिष्ठं च सूतवाक्यं निशम्य च ।
सान्तःपुरस्सहामात्यः प्रययौ यत्र स द्विजः ॥ 13 ॥
वनानि सरितश्चैव व्यतिक्रम्य शनैश्शनैः ।
अभिचक्राम तं देशं यत्र वै मुनिपुङ्गवः ॥ 14 ॥
आसाद्य तं द्विजश्रेष्ठं रोमपादसमीपगम् ।
ऋषिपुत्रं ददर्शादौ दीप्यमानमिवानलम् ॥ 15 ॥
ततो राजा यथान्यायं पूजां चक्रे विशेषतः ।
सखित्वात्तस्य वै राज्ञः प्रहृष्टेनान्तरात्मना ॥ 16 ॥
रोमपादेन चाख्यातमृषिपुत्राय धीमते ।
सख्यं सम्बन्धकं चैव तदा तं प्रत्यपूजयत् ॥ 17 ॥
एवं सुसत्कृतस्तेन सहोषित्वा नरर्षभः ।
सप्ताष्टदिवसान्राजा राजानमिदमब्रवीत् ॥ 18 ॥
शान्ता तव सुता राजन् सह भर्त्रा विशाम्पते ।
मदीयनगरं यातु कार्यं हि महदुद्यतम् ॥ 19 ॥
तथेति राजा संश्रुत्य गमनं तस्य धीमतः ।
उवाच वचनं विप्रं गच्छ त्वं सह भार्यया ॥ 20 ॥
ऋषिपुत्रः प्रतिश्रुत्य तथेत्याह नृपं तदा ।
स नृपेणाभ्यनुज्ञातः प्रययौ सह भार्यया ॥ 21 ॥
तावन्योन्याञ्जलिं कृत्वा स्नेहात्संश्लिष्य चोरसा ।
ननन्दतुर्दशरथो रोमपादश्च वीर्यवान् ॥ 22 ॥
ततस्सुहृदमापृच्छ्य प्रस्थितो रघुनन्दनः ।
पौरेभ्यः प्रेषयामास दूतान्वै शीघ्रगामिनः ॥ 23 ॥
क्रियतां नगरं सर्वं क्षिप्रमेव स्वलङ्कृतम् ।
धूपितं सिक्तसम्मृष्टं पताकाभिरलङ्कृतम् ॥ 24 ॥
ततः प्रहृष्टाः पौरास्ते श्रुत्वा राजानमागतम् ।
तथा प्रचक्रुस्तत्सर्वं राज्ञा यत्प्रेषितं तदा ॥ 25 ॥
ततस्स्वलङ्कृतं राजा नगरं प्रविवेश ह ।
शङ्खदुन्दुभिनिर्घोषैः पुरस्कृत्य द्विजर्षभम् ॥ 26 ॥
ततः प्रमुदितास्सर्वे दृष्ट्वा तं नागरा द्विजम् ।
प्रवेश्यमानं सत्कृत्य नरेन्द्रेणेन्द्रकर्मणा ॥ 27 ॥
अन्तःपुरं प्रवेश्यैनं पूजां कृत्वा च शास्त्रतः ।
कृतकृत्यं तदात्मानं मेने तस्योपवाहनात् ॥ 28 ॥
अन्तःपुरस्त्रियस्सर्वाश्शान्तां दृष्ट्वा तथागताम् ।
सह भर्त्रा विशालाक्षीं प्रीत्यानन्दमुपागमन् ॥ 29 ॥
पूज्यमाना च ताभिस्सा राज्ञा चैव विशेषतः ।
उवास तत्र सुखिता कञ्चित्कालं सहर्त्विजा ॥ 30 ॥
इत्यार्षे श्रीमद्रामायणे वाल्मीकीय आदिकाव्ये बालकाण्डे एकादशस्सर्गः ॥
śrīmadvālmīkīya rāmāyaṇe bālakāṇḍam |
atha ekādaśassargaḥ |
bhūya eva hi rājendra śṛṇu me vacanaṃ hitam |
yathā sa devapravaraḥ kathāyāmevamabravīt || 1 ||
ikṣvākūṇāṃ kule jāto bhaviṣyati sudhārmikaḥ |
rājā daśaratho nāmnā śrīmānsatyapratiśravaḥ || 2 ||
aṅgarājena sakhyaṃ ca tasya rājño bhaviṣyati |
kanyā cāsya mahābhāgā śāntā nāma bhaviṣyati || 3 ||
putrastu so'ṅgarājasya romapāda iti śrutaḥ |
taṃ sa rājā daśaratho gamiṣyati mahāyaśāḥ || 4 ||
anapatyo'smi dharmātman śāntābhartā mama kratum |
āhareta tvayājñaptassantānārthaṃ kulasya ca || 5 ||
śrutvā rājño'tha tadvākyaṃ manasā sa vicintya ca |
pradāsyate putravantaṃ śāntābhartāramātmavān || 6 ||
pratigṛhya ca taṃ vipraṃ sa rājā vigatajvaraḥ |
āhariṣyati taṃ yajñaṃ prahṛṣṭenāntarātmanā || 7 ||
taṃ ca rājā daśaratho yaṣṭukāmaḥ kṛtāñjaliḥ |
ṛśyaśṛṅgaṃ dvijaśreṣṭhaṃ varayiṣyati dharmavit || 8 ||
yajñārthaṃ prasavārthaṃ ca svargārthaṃ ca nareśvaraḥ |
labhate ca sa taṃ kāmaṃ dvijamukhyādviśāmpatiḥ || 9 ||
putrāścāsya bhaviṣyanti catvāro'mitavikramāḥ |
vaṃśapratiṣṭhānakarāssarvalokeṣu viśrutāḥ || 10 ||
evaṃ sa devapravaraḥ pūrvaṃ kathitavānkathām |
sanatkumāro bhagavānpurā devayuge prabhuḥ || 11 ||
sa tvaṃ puruṣaśārdūla tamānaya susatkṛtam |
svayameva mahārāja gatvā sabalavāhanaḥ || 12 ||
anumānya vasiṣṭhaṃ ca sūtavākyaṃ niśamya ca |
sāntaḥpurassahāmātyaḥ prayayau yatra sa dvijaḥ || 13 ||
vanāni saritaścaiva vyatikramya śanaiśśanaiḥ |
abhicakrāma taṃ deśaṃ yatra vai munipuṅgavaḥ || 14 ||
āsādya taṃ dvijaśreṣṭhaṃ romapādasamīpagam |
ṛṣiputraṃ dadarśādau dīpyamānamivānalam || 15 ||
tato rājā yathānyāyaṃ pūjāṃ cakre viśeṣataḥ |
sakhitvāttasya vai rājñaḥ prahṛṣṭenāntarātmanā || 16 ||
romapādena cākhyātamṛṣiputrāya dhīmate |
sakhyaṃ sambandhakaṃ caiva tadā taṃ pratyapūjayat || 17 ||
evaṃ susatkṛtastena sahoṣitvā nararṣabhaḥ |
saptāṣṭadivasānrājā rājānamidamabravīt || 18 ||
śāntā tava sutā rājan saha bhartrā viśāmpate |
madīyanagaraṃ yātu kāryaṃ hi mahadudyatam || 19 ||
tatheti rājā saṃśrutya gamanaṃ tasya dhīmataḥ |
uvāca vacanaṃ vipraṃ gaccha tvaṃ saha bhāryayā || 20 ||
ṛṣiputraḥ pratiśrutya tathetyāha nṛpaṃ tadā |
sa nṛpeṇābhyanujñātaḥ prayayau saha bhāryayā || 21 ||
tāvanyonyāñjaliṃ kṛtvā snehātsaṃśliṣya corasā |
nanandaturdaśaratho romapādaśca vīryavān || 22 ||
tatassuhṛdamāpṛcchya prasthito raghunandanaḥ |
paurebhyaḥ preṣayāmāsa dūtānvai śīghragāminaḥ || 23 ||
kriyatāṃ nagaraṃ sarvaṃ kṣiprameva svalaṅkṛtam |
dhūpitaṃ siktasammṛṣṭaṃ patākābhiralaṅkṛtam || 24 ||
tataḥ prahṛṣṭāḥ paurāste śrutvā rājānamāgatam |
tathā pracakrustatsarvaṃ rājñā yatpreṣitaṃ tadā || 25 ||
tatassvalaṅkṛtaṃ rājā nagaraṃ praviveśa ha |
śaṅkhadundubhinirghoṣaiḥ puraskṛtya dvijarṣabham || 26 ||
tataḥ pramuditāssarve dṛṣṭvā taṃ nāgarā dvijam |
praveśyamānaṃ satkṛtya narendreṇendrakarmaṇā || 27 ||
antaḥpuraṃ praveśyainaṃ pūjāṃ kṛtvā ca śāstrataḥ |
kṛtakṛtyaṃ tadātmānaṃ mene tasyopavāhanāt || 28 ||
antaḥpurastriyassarvāśśāntāṃ dṛṣṭvā tathāgatām |
saha bhartrā viśālākṣīṃ prītyānandamupāgaman || 29 ||
pūjyamānā ca tābhissā rājñā caiva viśeṣataḥ |
uvāsa tatra sukhitā kañcitkālaṃ sahartvijā || 30 ||
ityārṣe śrīmadrāmāyaṇe vālmīkīya ādikāvye bālakāṇḍe ekādaśassargaḥ ||
🕉️ This is the original Sanskrit rendered in Tamil script.
Pronunciation is identical to the Sanskrit Devanagari version.