ஶ்ரீமத்வால்மீகீய ராமாயணே பாலகாண்டம் ।
அத ஏகோநத்ரிம்ஶஸ்ஸர்கஃ ।
அத தஸ்யாப்ரமேயஸ்ய தத்வநம் பரிப்ரு'ச்சதஃ ।
விஶ்வாமித்ரோ மஹாதேஜா வ்யாக்யாதுமுபசக்ரமே ॥ 1 ॥
இஹ ராம மஹாபாஹோ விஷ்ணுர்தேவவரஃ ப்ரபுஃ ।
வர்ஷாணி ஸுபஹூநீஹ ததா யுகஶதாநி ச ॥ 2 ॥
தபஶ்சரணயோகார்தமுவாஸ ஸுமஹாதபாஃ ।
ஏஷ பூர்வாஶ்ரமோ ராம வாமநஸ்ய மஹாத்மநஃ ॥ 3 ॥
ஸித்தாஶ்ரம இதி க்யாதஸ்ஸித்தோ ஹ்யத்ர மஹாதபாஃ ।
ஏதஸ்மிந்நேவ காலே து ராஜா வைரோசநிர்பலிஃ ॥ 4 ॥
நிர்ஜித்ய தைவதகணாந் ஸேந்த்ராம்ஶ்ச ஸமருத்கணாந் ।
காரயாமாஸ தத்ராஜ்யம் த்ரிஷு லோகேஷு விஶ்ருதஃ ॥ 5 ॥
பலேஸ்து யஜமாநஸ்ய தேவாஸ்ஸாக்நிபுரோகமாஃ ।
ஸமாகம்ய ஸ்வயம் சைவ விஷ்ணுமூசுரிஹாஶ்ரமே ॥ 6 ॥
பலிர்வைரோசநிர்விஷ்ணோ யஜதே யஜ்ஞமுத்தமம் ।
அஸமாப்தே க்ரதௌ தஸ்மிந் ஸ்வகார்யமபிபத்யதாம் ॥ 7 ॥
யே சைநமபிவர்தந்தே யாசிதார இதஸ்ததஃ ।
யச்ச யத்ர யதாவச்ச ஸர்வம் தேப்யஃ ப்ரயச்சதி ॥ 8 ॥
ஸ த்வம் ஸுரஹிதார்தாய மாயாயோகமுபாகதஃ ।
வாமநத்வம் கதோ விஷ்ணோ குரு கல்யாணமுத்தமம் ॥ 9 ॥
ஏதஸ்மிந்நந்தரே ராம கஶ்யபோऽக்நிஸமப்ரபஃ ।
அதித்யா ஸஹிதோ ராம தீப்யமாந இவௌஜஸா ॥ 10 ॥
தேவீஸஹாயோ பகவாந் திவ்யம் வர்ஷஸஹஸ்ரகம் ।
வ்ரதம் ஸமாப்ய வரதம் துஷ்டாவ மதுஸூதநம் ॥ 11 ॥
தபோமயம் தபோராஶிம் தபோமூர்திம் தபாத்மகம் ।
தபஸா த்வாம் ஸுதப்தேந பஶ்யாமி புருஷோத்தமம் ॥ 12 ॥
ஶரீரே தவ பஶ்யாமி ஜகத்ஸர்வமிதம் ப்ரபோ ।
த்வமநாதிரநிர்தேஶ்யஸ்த்வாமஹம் ஶரணம் கதஃ ॥ 13 ॥
தமுவாச ஹரிஃ ப்ரீதஃ கஶ்யபம் தூதகல்மஷம் ।
வரம் வரய பத்ரம் தே வரார்ஹோऽஸி மதோ மம ॥ 14 ॥
தச்ச்ருத்வா வசநம் தஸ்ய மாரீசஃ கஶ்யபோऽப்ரவீத் ।
அதித்யா தேவதாநாம் ச மம சைவாநுயாசதஃ ॥ 15 ॥
வரம் வரத ஸுப்ரீதோ தாதுமர்ஹஸி ஸுவ்ரத ।
புத்ரத்வம் கச்ச பகவந்நதித்யா மம சாநக ॥ 16 ॥
ப்ராதா பவ யவீயாம்ஸ்த்வம் ஶக்ரஸ்யாஸுரஸூதந ।
ஶோகார்தாநாம் து தேவாநாம் ஸாஹாய்யம் கர்துமர்ஹஸி ॥ 17 ॥
அயம் ஸித்தாஶ்ரமோ நாம ப்ரஸாதா த்தே பவிஷ்யதி ।
ஸித்தே கர்மணி தேவேஶ உத்திஷ்ட பகவந்நிதஃ ॥ 18 ॥
அத விஷ்ணுர்மஹாதேஜா அதித்யாம் ஸமஜாயத ।
வாமநம் ரூபமாஸ்தாய வைரோசநிமுபாகமத் ॥ 19 ॥
த்ரீந் க்ரமாநத பிக்ஷித்வா ப்ரதிக்ரு'ஹ்ய ச மாநதஃ ।
ஆக்ரம்ய லோகாந் லோகாத்மா ஸர்வபூதஹிதே ரதஃ ॥ 20 ॥
மஹேந்த்ராய புநஃ ப்ராதாந்நியம்ய பலிமோஜஸா ।
த்ரைலோக்யம் ஸ மஹாதேஜாஶ்சக்ரே ஶக்ரவஶம் புநஃ ॥ 21 ॥
தேநைஷ பூர்வமாக்ராந்த ஆஶ்ரமஶ்ஶ்ரமநாஶநஃ ।
மயாபி பக்தய தஸ்யைஷ வாமநஸ்யோபபுஜ்யதே ॥ 22 ॥
ஏதமாஶ்ரமமாயாந்தி ராக்ஷஸா விக்நகாரிணஃ ।
அத்ரைவ புருஷவ்யாக்ர ஹந்தவ்யா துஷ்டசாரிணஃ ॥ 23 ॥
அத்ய கச்சாமஹே ராம ஸித்தாஶ்ரமமநுத்தமம் ।
ததாஶ்ரமபதம் தாத தவாப்யேதத்யதா மம ॥ 24 ॥
ப்ரவிஶந்நாஶ்ரமபதம் வ்யரோசத மஹாமுநிஃ ।
ஶஶீவ கதநீஹாரஃ புநர்வஸுஸமந்விதஃ ॥ 25 ॥
தம் த்ரு'ஷ்ட்வா முநயஸ்ஸர்வே ஸித்தாஶ்ரமநிவாஸிநஃ ।
உத்பத்த்யோத்பத்த்ய ஸஹஸா விஶ்வாமித்ரமபூஜயந் ॥ 26 ॥
யதார்ஹம் சக்ரிரே பூஜாம் விஶ்வாமித்ராய தீமதே ।
ததைவ ராஜபுத்ராப்யாமகுர்வந்நதிதிக்ரியாம் ॥ 27 ॥
முஹூர்தமத விஶ்ராந்தௌ ராஜபுத்ராவரிந்தமௌ ।
ப்ராஞ்ஜலீ முநிஶார்தூலமூசதூ ரகுநந்தநௌ ॥ 28 ॥
அத்யைவ தீக்ஷாம் ப்ரவிஶ பத்ரம் தே முநிபுங்கவ ।
ஸித்தாஶ்ரமோऽயம் ஸித்தஸ்ஸ்யாத் ஸத்யமஸ்து வசஸ்தவ ॥ 29 ॥
ஏவமுக்தோ மஹாதேஜா விஶ்வாமித்ரோ மஹாந் ரு'ஷிஃ ।
ப்ரவிவேஶ ததா தீக்ஷாம் நியதோ நியதேந்த்ரியஃ ॥ 30 ॥
குமாராவபி தாம் ராத்ரிமுஷித்வா ஸுஸமாஹிதௌ ।
ப்ரபாதகாலே சோத்தாய பூர்வாம் ஸந்த்யாமுபாஸ்ய ச ॥ 31 ॥
ஸ்ப்ரு'ஷ்டோதகௌ ஶுசீ ஜப்யம் ஸமாப்ய நியமேந ச ।
ஹுதாக்நிஹோத்ரமாஸீநம் விஶ்வாமித்ரமவந்ததாம் ॥ 32 ॥
இத்யார்ஷே ஶ்ரீமத்ராமாயணே வால்மீகீய ஆதிகாவ்யே பாலகாண்டே ஏகோநத்ரிம்ஶஸ்ஸர்கஃ ॥
Roman (IAST) Transliteration
śrīmadvālmīkīya rāmāyaṇe bālakāṇḍam |
atha ekonatriṃśassargaḥ |
atha tasyāprameyasya tadvanaṃ paripṛcchataḥ |
viśvāmitro mahātejā vyākhyātumupacakrame || 1 ||
iha rāma mahābāho viṣṇurdevavaraḥ prabhuḥ |
varṣāṇi subahūnīha tathā yugaśatāni ca || 2 ||
tapaścaraṇayogārthamuvāsa sumahātapāḥ |
eṣa pūrvāśramo rāma vāmanasya mahātmanaḥ || 3 ||
siddhāśrama iti khyātassiddho hyatra mahātapāḥ |
etasminneva kāle tu rājā vairocanirbaliḥ || 4 ||
nirjitya daivatagaṇān sendrāṃśca samarudgaṇān |
kārayāmāsa tadrājyaṃ triṣu lokeṣu viśrutaḥ || 5 ||
balestu yajamānasya devāssāgnipurogamāḥ |
samāgamya svayaṃ caiva viṣṇumūcurihāśrame || 6 ||
balirvairocanirviṣṇo yajate yajñamuttamam |
asamāpte kratau tasmin svakāryamabhipadyatām || 7 ||
ye cainamabhivartante yācitāra itastataḥ |
yacca yatra yathāvacca sarvaṃ tebhyaḥ prayacchati || 8 ||
sa tvaṃ surahitārthāya māyāyogamupāgataḥ |
vāmanatvaṃ gato viṣṇo kuru kalyāṇamuttamam || 9 ||
etasminnantare rāma kaśyapo'gnisamaprabhaḥ |
adityā sahito rāma dīpyamāna ivaujasā || 10 ||
devīsahāyo bhagavān divyaṃ varṣasahasrakam |
vrataṃ samāpya varadaṃ tuṣṭāva madhusūdanam || 11 ||
tapomayaṃ taporāśiṃ tapomūrtiṃ tapātmakam |
tapasā tvāṃ sutaptena paśyāmi puruṣottamam || 12 ||
śarīre tava paśyāmi jagatsarvamidaṃ prabho |
tvamanādiranirdeśyastvāmahaṃ śaraṇaṃ gataḥ || 13 ||
tamuvāca hariḥ prītaḥ kaśyapaṃ dhūtakalmaṣam |
varaṃ varaya bhadraṃ te varārho'si mato mama || 14 ||
tacchrutvā vacanaṃ tasya mārīcaḥ kaśyapo'bravīt |
adityā devatānāṃ ca mama caivānuyācataḥ || 15 ||
varaṃ varada suprīto dātumarhasi suvrata |
putratvaṃ gaccha bhagavannadityā mama cānagha || 16 ||
bhrātā bhava yavīyāṃstvaṃ śakrasyāsurasūdana |
śokārtānāṃ tu devānāṃ sāhāyyaṃ kartumarhasi || 17 ||
ayaṃ siddhāśramo nāma prasādā tte bhaviṣyati |
siddhe karmaṇi deveśa uttiṣṭha bhagavannitaḥ || 18 ||
atha viṣṇurmahātejā adityāṃ samajāyata |
vāmanaṃ rūpamāsthāya vairocanimupāgamat || 19 ||
trīn kramānatha bhikṣitvā pratigṛhya ca mānadaḥ |
ākramya lokān lokātmā sarvabhūtahite rataḥ || 20 ||
mahendrāya punaḥ prādānniyamya balimojasā |
trailokyaṃ sa mahātejāścakre śakravaśaṃ punaḥ || 21 ||
tenaiṣa pūrvamākrānta āśramaśśramanāśanaḥ |
mayāpi bhaktaya tasyaiṣa vāmanasyopabhujyate || 22 ||
etamāśramamāyānti rākṣasā vighnakāriṇaḥ |
atraiva puruṣavyāghra hantavyā duṣṭacāriṇaḥ || 23 ||
adya gacchāmahe rāma siddhāśramamanuttamam |
tadāśramapadaṃ tāta tavāpyetadyathā mama || 24 ||
praviśannāśramapadaṃ vyarocata mahāmuniḥ |
śaśīva gatanīhāraḥ punarvasusamanvitaḥ || 25 ||
taṃ dṛṣṭvā munayassarve siddhāśramanivāsinaḥ |
utpattyotpattya sahasā viśvāmitramapūjayan || 26 ||
yathārhaṃ cakrire pūjāṃ viśvāmitrāya dhīmate |
tathaiva rājaputrābhyāmakurvannatithikriyām || 27 ||
muhūrtamatha viśrāntau rājaputrāvarindamau |
prāñjalī muniśārdūlamūcatū raghunandanau || 28 ||
adyaiva dīkṣāṃ praviśa bhadraṃ te munipuṅgava |
siddhāśramo'yaṃ siddhassyāt satyamastu vacastava || 29 ||
evamukto mahātejā viśvāmitro mahān ṛṣiḥ |
praviveśa tadā dīkṣāṃ niyato niyatendriyaḥ || 30 ||
kumārāvapi tāṃ rātrimuṣitvā susamāhitau |
prabhātakāle cotthāya pūrvāṃ sandhyāmupāsya ca || 31 ||
spṛṣṭodakau śucī japyaṃ samāpya niyamena ca |
hutāgnihotramāsīnaṃ viśvāmitramavandatām || 32 ||
ityārṣe śrīmadrāmāyaṇe vālmīkīya ādikāvye bālakāṇḍe ekonatriṃśassargaḥ ||
Sanskrit — Devanagari (original)
श्रीमद्वाल्मीकीय रामायणे बालकाण्डम् ।
अथ एकोनत्रिंशस्सर्गः ।
अथ तस्याप्रमेयस्य तद्वनं परिपृच्छतः ।
विश्वामित्रो महातेजा व्याख्यातुमुपचक्रमे ॥ 1 ॥
इह राम महाबाहो विष्णुर्देववरः प्रभुः ।
वर्षाणि सुबहूनीह तथा युगशतानि च ॥ 2 ॥
तपश्चरणयोगार्थमुवास सुमहातपाः ।
एष पूर्वाश्रमो राम वामनस्य महात्मनः ॥ 3 ॥
सिद्धाश्रम इति ख्यातस्सिद्धो ह्यत्र महातपाः ।
एतस्मिन्नेव काले तु राजा वैरोचनिर्बलिः ॥ 4 ॥
निर्जित्य दैवतगणान् सेन्द्रांश्च समरुद्गणान् ।
कारयामास तद्राज्यं त्रिषु लोकेषु विश्रुतः ॥ 5 ॥
बलेस्तु यजमानस्य देवास्साग्निपुरोगमाः ।
समागम्य स्वयं चैव विष्णुमूचुरिहाश्रमे ॥ 6 ॥
बलिर्वैरोचनिर्विष्णो यजते यज्ञमुत्तमम् ।
असमाप्ते क्रतौ तस्मिन् स्वकार्यमभिपद्यताम् ॥ 7 ॥
ये चैनमभिवर्तन्ते याचितार इतस्ततः ।
यच्च यत्र यथावच्च सर्वं तेभ्यः प्रयच्छति ॥ 8 ॥
स त्वं सुरहितार्थाय मायायोगमुपागतः ।
वामनत्वं गतो विष्णो कुरु कल्याणमुत्तमम् ॥ 9 ॥
एतस्मिन्नन्तरे राम कश्यपोऽग्निसमप्रभः ।
अदित्या सहितो राम दीप्यमान इवौजसा ॥ 10 ॥
देवीसहायो भगवान् दिव्यं वर्षसहस्रकम् ।
व्रतं समाप्य वरदं तुष्टाव मधुसूदनम् ॥ 11 ॥
तपोमयं तपोराशिं तपोमूर्तिं तपात्मकम् ।
तपसा त्वां सुतप्तेन पश्यामि पुरुषोत्तमम् ॥ 12 ॥
शरीरे तव पश्यामि जगत्सर्वमिदं प्रभो ।
त्वमनादिरनिर्देश्यस्त्वामहं शरणं गतः ॥ 13 ॥
तमुवाच हरिः प्रीतः कश्यपं धूतकल्मषम् ।
वरं वरय भद्रं ते वरार्होऽसि मतो मम ॥ 14 ॥
तच्छ्रुत्वा वचनं तस्य मारीचः कश्यपोऽब्रवीत् ।
अदित्या देवतानां च मम चैवानुयाचतः ॥ 15 ॥
वरं वरद सुप्रीतो दातुमर्हसि सुव्रत ।
पुत्रत्वं गच्छ भगवन्नदित्या मम चानघ ॥ 16 ॥
भ्राता भव यवीयांस्त्वं शक्रस्यासुरसूदन ।
शोकार्तानां तु देवानां साहाय्यं कर्तुमर्हसि ॥ 17 ॥
अयं सिद्धाश्रमो नाम प्रसादा त्ते भविष्यति ।
सिद्धे कर्मणि देवेश उत्तिष्ठ भगवन्नितः ॥ 18 ॥
अथ विष्णुर्महातेजा अदित्यां समजायत ।
वामनं रूपमास्थाय वैरोचनिमुपागमत् ॥ 19 ॥
त्रीन् क्रमानथ भिक्षित्वा प्रतिगृह्य च मानदः ।
आक्रम्य लोकान् लोकात्मा सर्वभूतहिते रतः ॥ 20 ॥
महेन्द्राय पुनः प्रादान्नियम्य बलिमोजसा ।
त्रैलोक्यं स महातेजाश्चक्रे शक्रवशं पुनः ॥ 21 ॥
तेनैष पूर्वमाक्रान्त आश्रमश्श्रमनाशनः ।
मयापि भक्तय तस्यैष वामनस्योपभुज्यते ॥ 22 ॥
एतमाश्रममायान्ति राक्षसा विघ्नकारिणः ।
अत्रैव पुरुषव्याघ्र हन्तव्या दुष्टचारिणः ॥ 23 ॥
अद्य गच्छामहे राम सिद्धाश्रममनुत्तमम् ।
तदाश्रमपदं तात तवाप्येतद्यथा मम ॥ 24 ॥
प्रविशन्नाश्रमपदं व्यरोचत महामुनिः ।
शशीव गतनीहारः पुनर्वसुसमन्वितः ॥ 25 ॥
तं दृष्ट्वा मुनयस्सर्वे सिद्धाश्रमनिवासिनः ।
उत्पत्त्योत्पत्त्य सहसा विश्वामित्रमपूजयन् ॥ 26 ॥
यथार्हं चक्रिरे पूजां विश्वामित्राय धीमते ।
तथैव राजपुत्राभ्यामकुर्वन्नतिथिक्रियाम् ॥ 27 ॥
मुहूर्तमथ विश्रान्तौ राजपुत्रावरिन्दमौ ।
प्राञ्जली मुनिशार्दूलमूचतू रघुनन्दनौ ॥ 28 ॥
अद्यैव दीक्षां प्रविश भद्रं ते मुनिपुङ्गव ।
सिद्धाश्रमोऽयं सिद्धस्स्यात् सत्यमस्तु वचस्तव ॥ 29 ॥
एवमुक्तो महातेजा विश्वामित्रो महान् ऋषिः ।
प्रविवेश तदा दीक्षां नियतो नियतेन्द्रियः ॥ 30 ॥
कुमारावपि तां रात्रिमुषित्वा सुसमाहितौ ।
प्रभातकाले चोत्थाय पूर्वां सन्ध्यामुपास्य च ॥ 31 ॥
स्पृष्टोदकौ शुची जप्यं समाप्य नियमेन च ।
हुताग्निहोत्रमासीनं विश्वामित्रमवन्दताम् ॥ 32 ॥
इत्यार्षे श्रीमद्रामायणे वाल्मीकीय आदिकाव्ये बालकाण्डे एकोनत्रिंशस्सर्गः ॥
śrīmadvālmīkīya rāmāyaṇe bālakāṇḍam |
atha ekonatriṃśassargaḥ |
atha tasyāprameyasya tadvanaṃ paripṛcchataḥ |
viśvāmitro mahātejā vyākhyātumupacakrame || 1 ||
iha rāma mahābāho viṣṇurdevavaraḥ prabhuḥ |
varṣāṇi subahūnīha tathā yugaśatāni ca || 2 ||
tapaścaraṇayogārthamuvāsa sumahātapāḥ |
eṣa pūrvāśramo rāma vāmanasya mahātmanaḥ || 3 ||
siddhāśrama iti khyātassiddho hyatra mahātapāḥ |
etasminneva kāle tu rājā vairocanirbaliḥ || 4 ||
nirjitya daivatagaṇān sendrāṃśca samarudgaṇān |
kārayāmāsa tadrājyaṃ triṣu lokeṣu viśrutaḥ || 5 ||
balestu yajamānasya devāssāgnipurogamāḥ |
samāgamya svayaṃ caiva viṣṇumūcurihāśrame || 6 ||
balirvairocanirviṣṇo yajate yajñamuttamam |
asamāpte kratau tasmin svakāryamabhipadyatām || 7 ||
ye cainamabhivartante yācitāra itastataḥ |
yacca yatra yathāvacca sarvaṃ tebhyaḥ prayacchati || 8 ||
sa tvaṃ surahitārthāya māyāyogamupāgataḥ |
vāmanatvaṃ gato viṣṇo kuru kalyāṇamuttamam || 9 ||
etasminnantare rāma kaśyapo'gnisamaprabhaḥ |
adityā sahito rāma dīpyamāna ivaujasā || 10 ||
devīsahāyo bhagavān divyaṃ varṣasahasrakam |
vrataṃ samāpya varadaṃ tuṣṭāva madhusūdanam || 11 ||
tapomayaṃ taporāśiṃ tapomūrtiṃ tapātmakam |
tapasā tvāṃ sutaptena paśyāmi puruṣottamam || 12 ||
śarīre tava paśyāmi jagatsarvamidaṃ prabho |
tvamanādiranirdeśyastvāmahaṃ śaraṇaṃ gataḥ || 13 ||
tamuvāca hariḥ prītaḥ kaśyapaṃ dhūtakalmaṣam |
varaṃ varaya bhadraṃ te varārho'si mato mama || 14 ||
tacchrutvā vacanaṃ tasya mārīcaḥ kaśyapo'bravīt |
adityā devatānāṃ ca mama caivānuyācataḥ || 15 ||
varaṃ varada suprīto dātumarhasi suvrata |
putratvaṃ gaccha bhagavannadityā mama cānagha || 16 ||
bhrātā bhava yavīyāṃstvaṃ śakrasyāsurasūdana |
śokārtānāṃ tu devānāṃ sāhāyyaṃ kartumarhasi || 17 ||
ayaṃ siddhāśramo nāma prasādā tte bhaviṣyati |
siddhe karmaṇi deveśa uttiṣṭha bhagavannitaḥ || 18 ||
atha viṣṇurmahātejā adityāṃ samajāyata |
vāmanaṃ rūpamāsthāya vairocanimupāgamat || 19 ||
trīn kramānatha bhikṣitvā pratigṛhya ca mānadaḥ |
ākramya lokān lokātmā sarvabhūtahite rataḥ || 20 ||
mahendrāya punaḥ prādānniyamya balimojasā |
trailokyaṃ sa mahātejāścakre śakravaśaṃ punaḥ || 21 ||
tenaiṣa pūrvamākrānta āśramaśśramanāśanaḥ |
mayāpi bhaktaya tasyaiṣa vāmanasyopabhujyate || 22 ||
etamāśramamāyānti rākṣasā vighnakāriṇaḥ |
atraiva puruṣavyāghra hantavyā duṣṭacāriṇaḥ || 23 ||
adya gacchāmahe rāma siddhāśramamanuttamam |
tadāśramapadaṃ tāta tavāpyetadyathā mama || 24 ||
praviśannāśramapadaṃ vyarocata mahāmuniḥ |
śaśīva gatanīhāraḥ punarvasusamanvitaḥ || 25 ||
taṃ dṛṣṭvā munayassarve siddhāśramanivāsinaḥ |
utpattyotpattya sahasā viśvāmitramapūjayan || 26 ||
yathārhaṃ cakrire pūjāṃ viśvāmitrāya dhīmate |
tathaiva rājaputrābhyāmakurvannatithikriyām || 27 ||
muhūrtamatha viśrāntau rājaputrāvarindamau |
prāñjalī muniśārdūlamūcatū raghunandanau || 28 ||
adyaiva dīkṣāṃ praviśa bhadraṃ te munipuṅgava |
siddhāśramo'yaṃ siddhassyāt satyamastu vacastava || 29 ||
evamukto mahātejā viśvāmitro mahān ṛṣiḥ |
praviveśa tadā dīkṣāṃ niyato niyatendriyaḥ || 30 ||
kumārāvapi tāṃ rātrimuṣitvā susamāhitau |
prabhātakāle cotthāya pūrvāṃ sandhyāmupāsya ca || 31 ||
spṛṣṭodakau śucī japyaṃ samāpya niyamena ca |
hutāgnihotramāsīnaṃ viśvāmitramavandatām || 32 ||
ityārṣe śrīmadrāmāyaṇe vālmīkīya ādikāvye bālakāṇḍe ekonatriṃśassargaḥ ||
🕉️ This is the original Sanskrit rendered in Tamil script.
Pronunciation is identical to the Sanskrit Devanagari version.