ஶ்ரீமத்வால்மீகீய ராமாயணே பாலகாண்டம் ।
அத ஏகோநபஞ்சாஶஸ்ஸர்கஃ ।
அபலஸ்து ததஶ்ஶக்ரோ தேவாநக்நிபுரோகமாந் ।
அப்ரவீத்த்ரஸ்தவதநஸ்ஸர்ஷிஸ்ஸங்காந் ஸசாரணாந் ॥ 1 ॥
குர்வதா தபஸோ விக்நம் கௌதமஸ்ய மஹாத்மநஃ ।
க்ரோதமுத்பாத்ய ஹி மயா ஸுரகார்யமிதம் க்ரு'தம் ॥ 2 ॥
அபலோऽஸ்மி க்ரு'தஸ்தேந க்ரோதாத்ஸா ச நிராக்ரு'தா ।
ஶாபமோக்ஷேண மஹதா தபோऽஸ்யாபஹ்ரு'தம் மயா ॥ 3 ॥
தஸ்மாத்ஸுரவராஸ்ஸர்வே ஸர்ஷிஸ்ஸங்காஸ்ஸசாரணாஃ ।
ஸுரஸாஹ்யகரம் ஸர்வே ஸபலம் கர்துமர்ஹத ॥ 4 ॥
ஶதக்ரதோர்வசஶ்ஶ்ருத்வா தேவாஸ்ஸாக்நிபுரோகமாஃ ।
பித்ரு'தேவாநுபேத்யாஹு ஸ்ஸஹ ஸர்வைர்மருத்கணைஃ ॥ 5 ॥
அயம் மேஷஸ்ஸவ்ரு'ஷணஶ்ஶக்ரோ ஹ்யவ்ரு'ஷணஃ க்ரு'தஃ ।
மேஷஸ்ய வ்ரு'ஷணௌ க்ரு'ஹ்ய ஶக்ராயாऽஶு ப்ரயச்சத ॥ 6 ॥
அபலஸ்து க்ரு'தோ மேஷஃ பராம் துஷ்டிம் ப்ரதாஸ்யதி ।
பவதாம் ஹர்ஷணார்தாய யே ச தாஸ்யந்தி மாநவாஃ ॥ 7 ॥
அக்நேஸ்து வசநம் ஶ்ருத்வா பித்ரு'தேவாஸ்ஸமாகதாஃ ।
உத்பாட்ய மேஷவ்ரு'ஷணௌ ஸஹஸ்ராக்ஷே ந்யவேஶயந் ॥ 8 ॥
ததா ப்ரப்ரு'தி காகுத்ஸ்த பித்ரு'தேவாஸ்ஸமாகதாஃ ।
அபலாந் புஞ்ஜதே மேஷாந் பலைஸ்தேஷாமயோஜயந் ॥ 9 ॥
இந்த்ரஸ்து மேஷவ்ரு'ஷணஸ்ததாப்ரப்ரு'தி ராகவ ।
கௌதமஸ்ய ப்ரபாவேந தபஸஶ்ச மஹாத்மநஃ ॥ 10 ॥
ததாகச்ச மஹாதேஜ ஆஶ்ரமம் புண்யகர்மணஃ ।
தாரயைநாம் மஹாபாகாமஹல்யாம் தேவரூபிணீம் ॥ 11 ॥
விஶ்வாமித்ரவசஶ்ஶ்ருத்வா ராகவஸ்ஸஹலக்ஷ்மணஃ ।
விஶ்வாமித்ரம் புரஸ்க்ரு'த்ய தமாஶ்ரமமதாவிஶத் ॥ 12 ॥
ததர்ஶ ச மஹாபாகாம் தபஸா த்யோதிதப்ரபாம் ।
லோகைரபி ஸமாகம்ய துர்நிரீக்ஷ்யாம் ஸுராஸுரைஃ ॥ 13 ॥
ப்ரயத்நாந்நிர்மிதாம் தாத்ரா திவ்யாம் மாயாமயீமிவ ।
ஸ துஷாராவ்ரு'தாம் ஸாப்ராம் பூர்ணசந்த்ரப்ரபாமிவ ॥ 14 ॥
மத்யேம்ऽபஸோ துராதர்ஷாம் தீப்தாம் ஸூர்யப்ரபாமிவ ।
ஸா ஹி கௌதமவாக்யேந துர்நிரீக்ஷ்யா பபூவ ஹ ॥ 15 ॥
த்ரயாணாமபி லோகாநாம் யாவத்ராமஸ்ய தர்ஶநம் ।
ஶாபஸ்யாந்தமுபாகம்ய தேஷாம் தர்ஶநமாகதா ॥ 16 ॥
ராகவௌ து ததஸ்தஸ்யாஃ பாதௌ ஜக்ரு'ஹதுஸ்ததா ।
ஸ்மரந்தீ கௌதமவசஃ ப்ரதிஜக்ராஹ ஸா ச தௌ ॥ 17 ॥
பாத்யமர்க்யம் ததாऽऽதித்யம் சகார ஸுஸமாஹிதா ।
ப்ரதிஜக்ராஹ காகுத்ஸ்தோ விதித்ரு'ஷ்டேந கர்மணா ॥ 18 ॥
புஷ்பவ்ரு'ஷ்டிர்மஹத்யாஸீத்தேவதுந்துபிநிஸ்வநைஃ ।
கந்தர்வாப்ஸரஸாம் சைவ மஹாநாஸீத்ஸமாகமஃ ॥ 19 ॥
ஸாது ஸாத்விதி தேவாஸ்தாமஹல்யாம் ஸமபூஜயந் ।
தபோபலவிஶுத்தாங்கீ கௌதமஸ்ய வஶாநுகாம் ॥ 20 ॥
கௌதமோऽபி மஹாதேஜா அஹல்யாஸஹிதஸ்ஸுகீ ।
ராமம் ஸம்பூஜ்ய விதிவத்தபஸ்தேபே மஹாதபாஃ ॥ 21 ॥
ராமோऽபி பரமாம் பூஜாம் கௌதமஸ்ய மஹாமுநேஃ ।
ஸகாஶாத்விதிவத்ப்ராப்ய ஜகாம மிதிலாம் ததஃ ॥ 22 ॥
இத்யார்ஷே ஶ்ரீமத்ராமாயணே வால்மீகீய ஆதிகாவ்யே பாலகாண்டே ஏகோநபஞ்சாஶஸ்ஸர்கஃ ॥
Roman (IAST) Transliteration
śrīmadvālmīkīya rāmāyaṇe bālakāṇḍam |
atha ekonapañcāśassargaḥ |
aphalastu tataśśakro devānagnipurogamān |
abravīttrastavadanassarṣissaṅghān sacāraṇān || 1 ||
kurvatā tapaso vighnaṃ gautamasya mahātmanaḥ |
krodhamutpādya hi mayā surakāryamidaṃ kṛtam || 2 ||
aphalo'smi kṛtastena krodhātsā ca nirākṛtā |
śāpamokṣeṇa mahatā tapo'syāpahṛtaṃ mayā || 3 ||
tasmātsuravarāssarve sarṣissaṅghāssacāraṇāḥ |
surasāhyakaraṃ sarve saphalaṃ kartumarhatha || 4 ||
śatakratorvacaśśrutvā devāssāgnipurogamāḥ |
pitṛdevānupetyāhu ssaha sarvairmarudgaṇaiḥ || 5 ||
ayaṃ meṣassavṛṣaṇaśśakro hyavṛṣaṇaḥ kṛtaḥ |
meṣasya vṛṣaṇau gṛhya śakrāyā'śu prayacchatha || 6 ||
aphalastu kṛto meṣaḥ parāṃ tuṣṭiṃ pradāsyati |
bhavatāṃ harṣaṇārthāya ye ca dāsyanti mānavāḥ || 7 ||
agnestu vacanaṃ śrutvā pitṛdevāssamāgatāḥ |
utpāṭya meṣavṛṣaṇau sahasrākṣe nyaveśayan || 8 ||
tadā prabhṛti kākutstha pitṛdevāssamāgatāḥ |
aphalān bhuñjate meṣān phalaisteṣāmayojayan || 9 ||
indrastu meṣavṛṣaṇastadāprabhṛti rāghava |
gautamasya prabhāvena tapasaśca mahātmanaḥ || 10 ||
tadāgaccha mahāteja āśramaṃ puṇyakarmaṇaḥ |
tārayaināṃ mahābhāgāmahalyāṃ devarūpiṇīm || 11 ||
viśvāmitravacaśśrutvā rāghavassahalakṣmaṇaḥ |
viśvāmitraṃ puraskṛtya tamāśramamathāviśat || 12 ||
dadarśa ca mahābhāgāṃ tapasā dyotitaprabhām |
lokairapi samāgamya durnirīkṣyāṃ surāsuraiḥ || 13 ||
prayatnānnirmitāṃ dhātrā divyāṃ māyāmayīmiva |
sa tuṣārāvṛtāṃ sābhrāṃ pūrṇacandraprabhāmiva || 14 ||
madhyeṃ'bhaso durādharṣāṃ dīptāṃ sūryaprabhāmiva |
sā hi gautamavākyena durnirīkṣyā babhūva ha || 15 ||
trayāṇāmapi lokānāṃ yāvadrāmasya darśanam |
śāpasyāntamupāgamya teṣāṃ darśanamāgatā || 16 ||
rāghavau tu tatastasyāḥ pādau jagṛhatustadā |
smarantī gautamavacaḥ pratijagrāha sā ca tau || 17 ||
pādyamarghyaṃ tathā''tithyaṃ cakāra susamāhitā |
pratijagrāha kākutstho vidhidṛṣṭena karmaṇā || 18 ||
puṣpavṛṣṭirmahatyāsīddevadundubhinisvanaiḥ |
gandharvāpsarasāṃ caiva mahānāsītsamāgamaḥ || 19 ||
sādhu sādhviti devāstāmahalyāṃ samapūjayan |
tapobalaviśuddhāṅgī gautamasya vaśānugām || 20 ||
gautamo'pi mahātejā ahalyāsahitassukhī |
rāmaṃ sampūjya vidhivattapastepe mahātapāḥ || 21 ||
rāmo'pi paramāṃ pūjāṃ gautamasya mahāmuneḥ |
sakāśādvidhivatprāpya jagāma mithilāṃ tataḥ || 22 ||
ityārṣe śrīmadrāmāyaṇe vālmīkīya ādikāvye bālakāṇḍe ekonapañcāśassargaḥ ||
Sanskrit — Devanagari (original)
श्रीमद्वाल्मीकीय रामायणे बालकाण्डम् ।
अथ एकोनपञ्चाशस्सर्गः ।
अफलस्तु ततश्शक्रो देवानग्निपुरोगमान् ।
अब्रवीत्त्रस्तवदनस्सर्षिस्सङ्घान् सचारणान् ॥ 1 ॥
कुर्वता तपसो विघ्नं गौतमस्य महात्मनः ।
क्रोधमुत्पाद्य हि मया सुरकार्यमिदं कृतम् ॥ 2 ॥
अफलोऽस्मि कृतस्तेन क्रोधात्सा च निराकृता ।
शापमोक्षेण महता तपोऽस्यापहृतं मया ॥ 3 ॥
तस्मात्सुरवरास्सर्वे सर्षिस्सङ्घास्सचारणाः ।
सुरसाह्यकरं सर्वे सफलं कर्तुमर्हथ ॥ 4 ॥
शतक्रतोर्वचश्श्रुत्वा देवास्साग्निपुरोगमाः ।
पितृदेवानुपेत्याहु स्सह सर्वैर्मरुद्गणैः ॥ 5 ॥
अयं मेषस्सवृषणश्शक्रो ह्यवृषणः कृतः ।
मेषस्य वृषणौ गृह्य शक्रायाऽशु प्रयच्छथ ॥ 6 ॥
अफलस्तु कृतो मेषः परां तुष्टिं प्रदास्यति ।
भवतां हर्षणार्थाय ये च दास्यन्ति मानवाः ॥ 7 ॥
अग्नेस्तु वचनं श्रुत्वा पितृदेवास्समागताः ।
उत्पाट्य मेषवृषणौ सहस्राक्षे न्यवेशयन् ॥ 8 ॥
तदा प्रभृति काकुत्स्थ पितृदेवास्समागताः ।
अफलान् भुञ्जते मेषान् फलैस्तेषामयोजयन् ॥ 9 ॥
इन्द्रस्तु मेषवृषणस्तदाप्रभृति राघव ।
गौतमस्य प्रभावेन तपसश्च महात्मनः ॥ 10 ॥
तदागच्छ महातेज आश्रमं पुण्यकर्मणः ।
तारयैनां महाभागामहल्यां देवरूपिणीम् ॥ 11 ॥
विश्वामित्रवचश्श्रुत्वा राघवस्सहलक्ष्मणः ।
विश्वामित्रं पुरस्कृत्य तमाश्रममथाविशत् ॥ 12 ॥
ददर्श च महाभागां तपसा द्योतितप्रभाम् ।
लोकैरपि समागम्य दुर्निरीक्ष्यां सुरासुरैः ॥ 13 ॥
प्रयत्नान्निर्मितां धात्रा दिव्यां मायामयीमिव ।
स तुषारावृतां साभ्रां पूर्णचन्द्रप्रभामिव ॥ 14 ॥
मध्येंऽभसो दुराधर्षां दीप्तां सूर्यप्रभामिव ।
सा हि गौतमवाक्येन दुर्निरीक्ष्या बभूव ह ॥ 15 ॥
त्रयाणामपि लोकानां यावद्रामस्य दर्शनम् ।
शापस्यान्तमुपागम्य तेषां दर्शनमागता ॥ 16 ॥
राघवौ तु ततस्तस्याः पादौ जगृहतुस्तदा ।
स्मरन्ती गौतमवचः प्रतिजग्राह सा च तौ ॥ 17 ॥
पाद्यमर्घ्यं तथाऽऽतिथ्यं चकार सुसमाहिता ।
प्रतिजग्राह काकुत्स्थो विधिदृष्टेन कर्मणा ॥ 18 ॥
पुष्पवृष्टिर्महत्यासीद्देवदुन्दुभिनिस्वनैः ।
गन्धर्वाप्सरसां चैव महानासीत्समागमः ॥ 19 ॥
साधु साध्विति देवास्तामहल्यां समपूजयन् ।
तपोबलविशुद्धाङ्गी गौतमस्य वशानुगाम् ॥ 20 ॥
गौतमोऽपि महातेजा अहल्यासहितस्सुखी ।
रामं सम्पूज्य विधिवत्तपस्तेपे महातपाः ॥ 21 ॥
रामोऽपि परमां पूजां गौतमस्य महामुनेः ।
सकाशाद्विधिवत्प्राप्य जगाम मिथिलां ततः ॥ 22 ॥
इत्यार्षे श्रीमद्रामायणे वाल्मीकीय आदिकाव्ये बालकाण्डे एकोनपञ्चाशस्सर्गः ॥
śrīmadvālmīkīya rāmāyaṇe bālakāṇḍam |
atha ekonapañcāśassargaḥ |
aphalastu tataśśakro devānagnipurogamān |
abravīttrastavadanassarṣissaṅghān sacāraṇān || 1 ||
kurvatā tapaso vighnaṃ gautamasya mahātmanaḥ |
krodhamutpādya hi mayā surakāryamidaṃ kṛtam || 2 ||
aphalo'smi kṛtastena krodhātsā ca nirākṛtā |
śāpamokṣeṇa mahatā tapo'syāpahṛtaṃ mayā || 3 ||
tasmātsuravarāssarve sarṣissaṅghāssacāraṇāḥ |
surasāhyakaraṃ sarve saphalaṃ kartumarhatha || 4 ||
śatakratorvacaśśrutvā devāssāgnipurogamāḥ |
pitṛdevānupetyāhu ssaha sarvairmarudgaṇaiḥ || 5 ||
ayaṃ meṣassavṛṣaṇaśśakro hyavṛṣaṇaḥ kṛtaḥ |
meṣasya vṛṣaṇau gṛhya śakrāyā'śu prayacchatha || 6 ||
aphalastu kṛto meṣaḥ parāṃ tuṣṭiṃ pradāsyati |
bhavatāṃ harṣaṇārthāya ye ca dāsyanti mānavāḥ || 7 ||
agnestu vacanaṃ śrutvā pitṛdevāssamāgatāḥ |
utpāṭya meṣavṛṣaṇau sahasrākṣe nyaveśayan || 8 ||
tadā prabhṛti kākutstha pitṛdevāssamāgatāḥ |
aphalān bhuñjate meṣān phalaisteṣāmayojayan || 9 ||
indrastu meṣavṛṣaṇastadāprabhṛti rāghava |
gautamasya prabhāvena tapasaśca mahātmanaḥ || 10 ||
tadāgaccha mahāteja āśramaṃ puṇyakarmaṇaḥ |
tārayaināṃ mahābhāgāmahalyāṃ devarūpiṇīm || 11 ||
viśvāmitravacaśśrutvā rāghavassahalakṣmaṇaḥ |
viśvāmitraṃ puraskṛtya tamāśramamathāviśat || 12 ||
dadarśa ca mahābhāgāṃ tapasā dyotitaprabhām |
lokairapi samāgamya durnirīkṣyāṃ surāsuraiḥ || 13 ||
prayatnānnirmitāṃ dhātrā divyāṃ māyāmayīmiva |
sa tuṣārāvṛtāṃ sābhrāṃ pūrṇacandraprabhāmiva || 14 ||
madhyeṃ'bhaso durādharṣāṃ dīptāṃ sūryaprabhāmiva |
sā hi gautamavākyena durnirīkṣyā babhūva ha || 15 ||
trayāṇāmapi lokānāṃ yāvadrāmasya darśanam |
śāpasyāntamupāgamya teṣāṃ darśanamāgatā || 16 ||
rāghavau tu tatastasyāḥ pādau jagṛhatustadā |
smarantī gautamavacaḥ pratijagrāha sā ca tau || 17 ||
pādyamarghyaṃ tathā''tithyaṃ cakāra susamāhitā |
pratijagrāha kākutstho vidhidṛṣṭena karmaṇā || 18 ||
puṣpavṛṣṭirmahatyāsīddevadundubhinisvanaiḥ |
gandharvāpsarasāṃ caiva mahānāsītsamāgamaḥ || 19 ||
sādhu sādhviti devāstāmahalyāṃ samapūjayan |
tapobalaviśuddhāṅgī gautamasya vaśānugām || 20 ||
gautamo'pi mahātejā ahalyāsahitassukhī |
rāmaṃ sampūjya vidhivattapastepe mahātapāḥ || 21 ||
rāmo'pi paramāṃ pūjāṃ gautamasya mahāmuneḥ |
sakāśādvidhivatprāpya jagāma mithilāṃ tataḥ || 22 ||
ityārṣe śrīmadrāmāyaṇe vālmīkīya ādikāvye bālakāṇḍe ekonapañcāśassargaḥ ||
🕉️ This is the original Sanskrit rendered in Tamil script.
Pronunciation is identical to the Sanskrit Devanagari version.