ஶ்ரீமத்வால்மீகீய ராமாயணே பாலகாண்டம் ।
அத பஞ்சத்ரிம்ஶஸ்ஸர்கஃ ।
உபாஸ்ய ராத்ரிஶேஷம் து ஶோணாகூலே மஹர்ஷிபிஃ ।
நிஶாயாம் ஸுப்ரபாதாயாம் விஶ்வாமித்ரோऽப்யபாஷத ॥ 1 ॥
ஸுப்ரபாதா நிஶா ராம பூர்வா ஸந்த்யா ப்ரவர்ததே ।
உத்திஷ்டோத்திஷ்ட பத்ரம் தே கமநாயாபிரோசய ॥ 2 ॥
தச்ச்ருத்வா வசநம் தஸ்ய க்ரு'த்வா பௌர்வாஹ்ணிகீம் க்ரியாம் ।
கமநம் ரோசயாமாஸ வாக்யம் சேதமுவாச ஹ ॥ 3 ॥
அயம் ஶோணஶ்ஶுபஜலோऽகாதஃ புலிநமண்டிதஃ ।
கதரேண பதா ப்ரஹ்மந் ஸந்தரிஷ்யாமஹே வயம் ॥ 4 ॥
ஏவமுக்தஸ்து ராமேண விஶ்வாமித்ரோऽப்ரவீதிதம் ।
ஏஷ பந்தா மயோத்திஷ்டோ யேந யாந்தி மஹர்ஷயஃ ॥ 5 ॥
ஏவமுக்தா மஹர்ஷயோ விஶ்வாமித்ரேண தீமதா ।
பஶ்யந்தஸ்தே ப்ரயாதா வை வநாநி விவிதாநி ச ॥ 6 ॥
தே கத்வா தூரமத்வாநம் கதேऽர்ததிவஸே ததா ।
ஜாஹ்நவீம் ஸரிதாம் ஶ்ரேஷ்டாம் தத்ரு'ஶுர்முநிஸேவிதாம் ॥ 7 ॥
தாம் த்ரு'ஷ்ட்வா புண்யஸலிலாம் ஹம்ஸஸாரஸஸேவிதாம் ।
பபூவுர்முதிதா ஸ்ஸர்வே முநயஸ்ஸஹ ராகவாஃ ॥ 8 ॥
தஸ்யாஸ்தீரே ததஶ்சக்ருஸ்த ஆவாஸபரிக்ரஹம் ।
ததஸ்ஸ்நாத்வா யதாந்யாயம் ஸந்தர்ப்ய பித்ரு'தேவதாஃ ॥ 9 ॥
ஹுத்வா சைவாக்நிஹோத்ராணி ப்ராஶ்ய சாம்ரு'தவத்தவிஃ ।
விவிஶுர்ஜாஹ்நவீதீரே ஶுசௌ முதிதமாநஸாஃ ॥ 10 ॥
விஶ்வாமித்ரம் மஹாத்மாநம் பரிவார்ய ஸமந்ததஃ ।
அத தத்ர ததா ராமோ விஶ்வாமித்ரமதாப்ரவீத் ॥ 11 ॥
பகவந் ஶ்ரோதுமிச்சாமி கங்காம் த்ரிபதகாம் நதீம் ।
த்ரைலோக்யம் கதமாக்ரம்ய கதா நதநதீபதிம் ॥ 12 ॥
சோதிதோ ராமவாக்யேந விஶ்வாமித்ரோ மஹாமுநிஃ ।
வ்ரு'த்திம் ஜந்ம ச கங்காயா வக்துமேவோபசக்ரமே ॥ 13 ॥
ஶைலேந்த்ரோ ஹிமவாந்நாம தாதூநாமாகரோ மஹாந் ।
தஸ்ய கந்யாத்வயம் ராம ரூபேணாப்ரதிமம் புவி ॥ 14 ॥
யா மேருதுஹிதா ராம தயோர்மாதா ஸுமத்யமா ।
நாம்நா மநோரமா நாம பத்நீ ஹிமவதஃ ப்ரியா ॥ 15 ॥
தஸ்யாம் கங்கேயமபவஜ்ஜ்யேஷ்டா ஹிமவதஸ்ஸுதா ।
உமா நாம த்விதீயாபூந்நாம்நா தஸ்யைவ ராகவ ॥ 16 ॥
அத ஜ்யேஷ்டாம் ஸுராஸ்ஸர்வே தேவதார்தசிகீர்ஷயா ।
ஶைலேந்த்ரம் வரயாமாஸுர்கங்காம் த்ரிபதகாம் நதீம் ॥ 17 ॥
ததௌ தர்மேண ஹிமவாந் தநயாம் லோகபாவநீம் ।
ஸ்வச்சந்தபதகாம் கங்காம் த்ரைலோக்யஹிதகாம்யயா ॥ 18 ॥
ப்ரதிக்ரு'ஹ்ய ததோ தேவாஸ்த்ரிலோகஹிதகாரிணஃ ।
கங்காமாதாய தேऽகச்சந் க்ரு'தார்தேநாந்தராத்மநா ॥ 19 ॥
யா சாந்யா ஶைலதுஹிதா கந்யாஸீத்ரகுநந்தந ।
உக்ரம் ஸா வ்ரதமாஸ்தாய தபஸ்தேபே தபோதநா ॥ 20 ॥
உக்ரேண தபஸா யுக்தாம் ததௌ ஶைலவரஸ்ஸுதாம் ।
ருத்ராயாப்ரதிரூபாய உமாம் லோகநமஸ்க்ரு'தாம் ॥ 21 ॥
ஏதே தே ஶைலராஜஸ்ய ஸுதே லோகநமஸ்க்ரு'தே ।
கங்கா ச ஸரிதாம் ஶ்ரேஷ்டா உமாதேவீ ச ராகவ ॥ 22 ॥
ஏதத்தே ஸர்வமாக்யாதம் யதா த்ரிபதகா நதீ ।
கம் கதா ப்ரதமம் தாத கதிம் கதிமதாம் வர ॥ 23 ॥
ஸைஷா ஸுரநதீ ரம்யா ஶைலேந்த்ரஸ்ய ஸுதா ததா ।
ஸுரலோகம் ஸமாரூடா விபாபா ஜலவாஹிநீ ॥ 24 ॥
இத்யார்ஷே ஶ்ரீமத்ராமாயணே வால்மீகீய ஆதிகாவ்யே பாலகாண்டே பஞ்சத்ரிம்ஶஸ்ஸர்கஃ ॥
Roman (IAST) Transliteration
śrīmadvālmīkīya rāmāyaṇe bālakāṇḍam |
atha pañcatriṃśassargaḥ |
upāsya rātriśeṣaṃ tu śoṇākūle maharṣibhiḥ |
niśāyāṃ suprabhātāyāṃ viśvāmitro'bhyabhāṣata || 1 ||
suprabhātā niśā rāma pūrvā sandhyā pravartate |
uttiṣṭhottiṣṭha bhadraṃ te gamanāyābhirocaya || 2 ||
tacchrutvā vacanaṃ tasya kṛtvā paurvāhṇikīṃ kriyām |
gamanaṃ rocayāmāsa vākyaṃ cedamuvāca ha || 3 ||
ayaṃ śoṇaśśubhajalo'gādhaḥ pulinamaṇḍitaḥ |
katareṇa pathā brahman santariṣyāmahe vayam || 4 ||
evamuktastu rāmeṇa viśvāmitro'bravīdidam |
eṣa panthā mayoddiṣṭo yena yānti maharṣayaḥ || 5 ||
evamuktā maharṣayo viśvāmitreṇa dhīmatā |
paśyantaste prayātā vai vanāni vividhāni ca || 6 ||
te gatvā dūramadhvānaṃ gate'rdhadivase tadā |
jāhnavīṃ saritāṃ śreṣṭhāṃ dadṛśurmunisevitām || 7 ||
tāṃ dṛṣṭvā puṇyasalilāṃ haṃsasārasasevitām |
babhūvurmuditā ssarve munayassaha rāghavāḥ || 8 ||
tasyāstīre tataścakrusta āvāsaparigraham |
tatassnātvā yathānyāyaṃ santarpya pitṛdevatāḥ || 9 ||
hutvā caivāgnihotrāṇi prāśya cāmṛtavaddhaviḥ |
viviśurjāhnavītīre śucau muditamānasāḥ || 10 ||
viśvāmitraṃ mahātmānaṃ parivārya samantataḥ |
atha tatra tadā rāmo viśvāmitramathābravīt || 11 ||
bhagavan śrotumicchāmi gaṅgāṃ tripathagāṃ nadīm |
trailokyaṃ kathamākramya gatā nadanadīpatim || 12 ||
codito rāmavākyena viśvāmitro mahāmuniḥ |
vṛddhiṃ janma ca gaṅgāyā vaktumevopacakrame || 13 ||
śailendro himavānnāma dhātūnāmākaro mahān |
tasya kanyādvayaṃ rāma rūpeṇāpratimaṃ bhuvi || 14 ||
yā meruduhitā rāma tayormātā sumadhyamā |
nāmnā manoramā nāma patnī himavataḥ priyā || 15 ||
tasyāṃ gaṅgeyamabhavajjyeṣṭhā himavatassutā |
umā nāma dvitīyābhūnnāmnā tasyaiva rāghava || 16 ||
atha jyeṣṭhāṃ surāssarve devatārthacikīrṣayā |
śailendraṃ varayāmāsurgaṅgāṃ tripathagāṃ nadīm || 17 ||
dadau dharmeṇa himavān tanayāṃ lokapāvanīm |
svacchandapathagāṃ gaṅgāṃ trailokyahitakāmyayā || 18 ||
pratigṛhya tato devāstrilokahitakāriṇaḥ |
gaṅgāmādāya te'gacchan kṛtārthenāntarātmanā || 19 ||
yā cānyā śailaduhitā kanyāsīdraghunandana |
ugraṃ sā vratamāsthāya tapastepe tapodhanā || 20 ||
ugreṇa tapasā yuktāṃ dadau śailavarassutām |
rudrāyāpratirūpāya umāṃ lokanamaskṛtām || 21 ||
ete te śailarājasya sute lokanamaskṛte |
gaṅgā ca saritāṃ śreṣṭhā umādevī ca rāghava || 22 ||
etatte sarvamākhyātaṃ yathā tripathagā nadī |
khaṃ gatā prathamaṃ tāta gatiṃ gatimatāṃ vara || 23 ||
saiṣā suranadī ramyā śailendrasya sutā tadā |
suralokaṃ samārūḍhā vipāpā jalavāhinī || 24 ||
ityārṣe śrīmadrāmāyaṇe vālmīkīya ādikāvye bālakāṇḍe pañcatriṃśassargaḥ ||
Sanskrit — Devanagari (original)
श्रीमद्वाल्मीकीय रामायणे बालकाण्डम् ।
अथ पञ्चत्रिंशस्सर्गः ।
उपास्य रात्रिशेषं तु शोणाकूले महर्षिभिः ।
निशायां सुप्रभातायां विश्वामित्रोऽभ्यभाषत ॥ 1 ॥
सुप्रभाता निशा राम पूर्वा सन्ध्या प्रवर्तते ।
उत्तिष्ठोत्तिष्ठ भद्रं ते गमनायाभिरोचय ॥ 2 ॥
तच्छ्रुत्वा वचनं तस्य कृत्वा पौर्वाह्णिकीं क्रियाम् ।
गमनं रोचयामास वाक्यं चेदमुवाच ह ॥ 3 ॥
अयं शोणश्शुभजलोऽगाधः पुलिनमण्डितः ।
कतरेण पथा ब्रह्मन् सन्तरिष्यामहे वयम् ॥ 4 ॥
एवमुक्तस्तु रामेण विश्वामित्रोऽब्रवीदिदम् ।
एष पन्था मयोद्दिष्टो येन यान्ति महर्षयः ॥ 5 ॥
एवमुक्ता महर्षयो विश्वामित्रेण धीमता ।
पश्यन्तस्ते प्रयाता वै वनानि विविधानि च ॥ 6 ॥
ते गत्वा दूरमध्वानं गतेऽर्धदिवसे तदा ।
जाह्नवीं सरितां श्रेष्ठां ददृशुर्मुनिसेविताम् ॥ 7 ॥
तां दृष्ट्वा पुण्यसलिलां हंससारससेविताम् ।
बभूवुर्मुदिता स्सर्वे मुनयस्सह राघवाः ॥ 8 ॥
तस्यास्तीरे ततश्चक्रुस्त आवासपरिग्रहम् ।
ततस्स्नात्वा यथान्यायं सन्तर्प्य पितृदेवताः ॥ 9 ॥
हुत्वा चैवाग्निहोत्राणि प्राश्य चामृतवद्धविः ।
विविशुर्जाह्नवीतीरे शुचौ मुदितमानसाः ॥ 10 ॥
विश्वामित्रं महात्मानं परिवार्य समन्ततः ।
अथ तत्र तदा रामो विश्वामित्रमथाब्रवीत् ॥ 11 ॥
भगवन् श्रोतुमिच्छामि गङ्गां त्रिपथगां नदीम् ।
त्रैलोक्यं कथमाक्रम्य गता नदनदीपतिम् ॥ 12 ॥
चोदितो रामवाक्येन विश्वामित्रो महामुनिः ।
वृद्धिं जन्म च गङ्गाया वक्तुमेवोपचक्रमे ॥ 13 ॥
शैलेन्द्रो हिमवान्नाम धातूनामाकरो महान् ।
तस्य कन्याद्वयं राम रूपेणाप्रतिमं भुवि ॥ 14 ॥
या मेरुदुहिता राम तयोर्माता सुमध्यमा ।
नाम्ना मनोरमा नाम पत्नी हिमवतः प्रिया ॥ 15 ॥
तस्यां गङ्गेयमभवज्ज्येष्ठा हिमवतस्सुता ।
उमा नाम द्वितीयाभून्नाम्ना तस्यैव राघव ॥ 16 ॥
अथ ज्येष्ठां सुरास्सर्वे देवतार्थचिकीर्षया ।
शैलेन्द्रं वरयामासुर्गङ्गां त्रिपथगां नदीम् ॥ 17 ॥
ददौ धर्मेण हिमवान् तनयां लोकपावनीम् ।
स्वच्छन्दपथगां गङ्गां त्रैलोक्यहितकाम्यया ॥ 18 ॥
प्रतिगृह्य ततो देवास्त्रिलोकहितकारिणः ।
गङ्गामादाय तेऽगच्छन् कृतार्थेनान्तरात्मना ॥ 19 ॥
या चान्या शैलदुहिता कन्यासीद्रघुनन्दन ।
उग्रं सा व्रतमास्थाय तपस्तेपे तपोधना ॥ 20 ॥
उग्रेण तपसा युक्तां ददौ शैलवरस्सुताम् ।
रुद्रायाप्रतिरूपाय उमां लोकनमस्कृताम् ॥ 21 ॥
एते ते शैलराजस्य सुते लोकनमस्कृते ।
गङ्गा च सरितां श्रेष्ठा उमादेवी च राघव ॥ 22 ॥
एतत्ते सर्वमाख्यातं यथा त्रिपथगा नदी ।
खं गता प्रथमं तात गतिं गतिमतां वर ॥ 23 ॥
सैषा सुरनदी रम्या शैलेन्द्रस्य सुता तदा ।
सुरलोकं समारूढा विपापा जलवाहिनी ॥ 24 ॥
इत्यार्षे श्रीमद्रामायणे वाल्मीकीय आदिकाव्ये बालकाण्डे पञ्चत्रिंशस्सर्गः ॥
śrīmadvālmīkīya rāmāyaṇe bālakāṇḍam |
atha pañcatriṃśassargaḥ |
upāsya rātriśeṣaṃ tu śoṇākūle maharṣibhiḥ |
niśāyāṃ suprabhātāyāṃ viśvāmitro'bhyabhāṣata || 1 ||
suprabhātā niśā rāma pūrvā sandhyā pravartate |
uttiṣṭhottiṣṭha bhadraṃ te gamanāyābhirocaya || 2 ||
tacchrutvā vacanaṃ tasya kṛtvā paurvāhṇikīṃ kriyām |
gamanaṃ rocayāmāsa vākyaṃ cedamuvāca ha || 3 ||
ayaṃ śoṇaśśubhajalo'gādhaḥ pulinamaṇḍitaḥ |
katareṇa pathā brahman santariṣyāmahe vayam || 4 ||
evamuktastu rāmeṇa viśvāmitro'bravīdidam |
eṣa panthā mayoddiṣṭo yena yānti maharṣayaḥ || 5 ||
evamuktā maharṣayo viśvāmitreṇa dhīmatā |
paśyantaste prayātā vai vanāni vividhāni ca || 6 ||
te gatvā dūramadhvānaṃ gate'rdhadivase tadā |
jāhnavīṃ saritāṃ śreṣṭhāṃ dadṛśurmunisevitām || 7 ||
tāṃ dṛṣṭvā puṇyasalilāṃ haṃsasārasasevitām |
babhūvurmuditā ssarve munayassaha rāghavāḥ || 8 ||
tasyāstīre tataścakrusta āvāsaparigraham |
tatassnātvā yathānyāyaṃ santarpya pitṛdevatāḥ || 9 ||
hutvā caivāgnihotrāṇi prāśya cāmṛtavaddhaviḥ |
viviśurjāhnavītīre śucau muditamānasāḥ || 10 ||
viśvāmitraṃ mahātmānaṃ parivārya samantataḥ |
atha tatra tadā rāmo viśvāmitramathābravīt || 11 ||
bhagavan śrotumicchāmi gaṅgāṃ tripathagāṃ nadīm |
trailokyaṃ kathamākramya gatā nadanadīpatim || 12 ||
codito rāmavākyena viśvāmitro mahāmuniḥ |
vṛddhiṃ janma ca gaṅgāyā vaktumevopacakrame || 13 ||
śailendro himavānnāma dhātūnāmākaro mahān |
tasya kanyādvayaṃ rāma rūpeṇāpratimaṃ bhuvi || 14 ||
yā meruduhitā rāma tayormātā sumadhyamā |
nāmnā manoramā nāma patnī himavataḥ priyā || 15 ||
tasyāṃ gaṅgeyamabhavajjyeṣṭhā himavatassutā |
umā nāma dvitīyābhūnnāmnā tasyaiva rāghava || 16 ||
atha jyeṣṭhāṃ surāssarve devatārthacikīrṣayā |
śailendraṃ varayāmāsurgaṅgāṃ tripathagāṃ nadīm || 17 ||
dadau dharmeṇa himavān tanayāṃ lokapāvanīm |
svacchandapathagāṃ gaṅgāṃ trailokyahitakāmyayā || 18 ||
pratigṛhya tato devāstrilokahitakāriṇaḥ |
gaṅgāmādāya te'gacchan kṛtārthenāntarātmanā || 19 ||
yā cānyā śailaduhitā kanyāsīdraghunandana |
ugraṃ sā vratamāsthāya tapastepe tapodhanā || 20 ||
ugreṇa tapasā yuktāṃ dadau śailavarassutām |
rudrāyāpratirūpāya umāṃ lokanamaskṛtām || 21 ||
ete te śailarājasya sute lokanamaskṛte |
gaṅgā ca saritāṃ śreṣṭhā umādevī ca rāghava || 22 ||
etatte sarvamākhyātaṃ yathā tripathagā nadī |
khaṃ gatā prathamaṃ tāta gatiṃ gatimatāṃ vara || 23 ||
saiṣā suranadī ramyā śailendrasya sutā tadā |
suralokaṃ samārūḍhā vipāpā jalavāhinī || 24 ||
ityārṣe śrīmadrāmāyaṇe vālmīkīya ādikāvye bālakāṇḍe pañcatriṃśassargaḥ ||
🕉️ This is the original Sanskrit rendered in Tamil script.
Pronunciation is identical to the Sanskrit Devanagari version.