ਸ਼੍ਰੀਮਦ੍ਵਾਲ੍ਮੀਕੀਯ ਰਾਮਾਯਣੇ ਬਾਲਕਾਣ੍ਡਮ੍ ।
ਅਥ ਪਞ੍ਚਤ੍ਰਿਂਸ਼ਸ੍ਸਰ੍ਗਃ ।
ਉਪਾਸ੍ਯ ਰਾਤ੍ਰਿਸ਼ੇषਂ ਤੁ ਸ਼ੋਣਾਕੂਲੇ ਮਹਰ੍षਿਭਿਃ ।
ਨਿਸ਼ਾਯਾਂ ਸੁਪ੍ਰਭਾਤਾਯਾਂ ਵਿਸ਼੍ਵਾਮਿਤ੍ਰੋऽਭ੍ਯਭਾषਤ ॥ 1 ॥
ਸੁਪ੍ਰਭਾਤਾ ਨਿਸ਼ਾ ਰਾਮ ਪੂਰ੍ਵਾ ਸਨ੍ਧ੍ਯਾ ਪ੍ਰਵਰ੍ਤਤੇ ।
ਉਤ੍ਤਿष੍ਠੋਤ੍ਤਿष੍ਠ ਭਦ੍ਰਂ ਤੇ ਗਮਨਾਯਾਭਿਰੋਚਯ ॥ 2 ॥
ਤਚ੍ਛ੍ਰੁਤ੍ਵਾ ਵਚਨਂ ਤਸ੍ਯ ਕृਤ੍ਵਾ ਪੌਰ੍ਵਾਹ੍ਣਿਕੀਂ ਕ੍ਰਿਯਾਮ੍ ।
ਗਮਨਂ ਰੋਚਯਾਮਾਸ ਵਾਕ੍ਯਂ ਚੇਦਮੁਵਾਚ ਹ ॥ 3 ॥
ਅਯਂ ਸ਼ੋਣਸ਼੍ਸ਼ੁਭਜਲੋऽਗਾਧਃ ਪੁਲਿਨਮਣ੍ਡਿਤਃ ।
ਕਤਰੇਣ ਪਥਾ ਬ੍ਰਹ੍ਮਨ੍ ਸਨ੍ਤਰਿष੍ਯਾਮਹੇ ਵਯਮ੍ ॥ 4 ॥
ਏਵਮੁਕ੍ਤਸ੍ਤੁ ਰਾਮੇਣ ਵਿਸ਼੍ਵਾਮਿਤ੍ਰੋऽਬ੍ਰਵੀਦਿਦਮ੍ ।
ਏष ਪਨ੍ਥਾ ਮਯੋਦ੍ਦਿष੍ਟੋ ਯੇਨ ਯਾਨ੍ਤਿ ਮਹਰ੍षਯਃ ॥ 5 ॥
ਏਵਮੁਕ੍ਤਾ ਮਹਰ੍षਯੋ ਵਿਸ਼੍ਵਾਮਿਤ੍ਰੇਣ ਧੀਮਤਾ ।
ਪਸ਼੍ਯਨ੍ਤਸ੍ਤੇ ਪ੍ਰਯਾਤਾ ਵੈ ਵਨਾਨਿ ਵਿਵਿਧਾਨਿ ਚ ॥ 6 ॥
ਤੇ ਗਤ੍ਵਾ ਦੂਰਮਧ੍ਵਾਨਂ ਗਤੇऽਰ੍ਧਦਿਵਸੇ ਤਦਾ ।
ਜਾਹ੍ਨਵੀਂ ਸਰਿਤਾਂ ਸ਼੍ਰੇष੍ਠਾਂ ਦਦृਸ਼ੁਰ੍ਮੁਨਿਸੇਵਿਤਾਮ੍ ॥ 7 ॥
ਤਾਂ ਦृष੍ਟ੍ਵਾ ਪੁਣ੍ਯਸਲਿਲਾਂ ਹਂਸਸਾਰਸਸੇਵਿਤਾਮ੍ ।
ਬਭੂਵੁਰ੍ਮੁਦਿਤਾ ਸ੍ਸਰ੍ਵੇ ਮੁਨਯਸ੍ਸਹ ਰਾਘਵਾਃ ॥ 8 ॥
ਤਸ੍ਯਾਸ੍ਤੀਰੇ ਤਤਸ਼੍ਚਕ੍ਰੁਸ੍ਤ ਆਵਾਸਪਰਿਗ੍ਰਹਮ੍ ।
ਤਤਸ੍ਸ੍ਨਾਤ੍ਵਾ ਯਥਾਨ੍ਯਾਯਂ ਸਨ੍ਤਰ੍ਪ੍ਯ ਪਿਤृਦੇਵਤਾਃ ॥ 9 ॥
ਹੁਤ੍ਵਾ ਚੈਵਾਗ੍ਨਿਹੋਤ੍ਰਾਣਿ ਪ੍ਰਾਸ਼੍ਯ ਚਾਮृਤਵਦ੍ਧਵਿਃ ।
ਵਿਵਿਸ਼ੁਰ੍ਜਾਹ੍ਨਵੀਤੀਰੇ ਸ਼ੁਚੌ ਮੁਦਿਤਮਾਨਸਾਃ ॥ 10 ॥
ਵਿਸ਼੍ਵਾਮਿਤ੍ਰਂ ਮਹਾਤ੍ਮਾਨਂ ਪਰਿਵਾਰ੍ਯ ਸਮਨ੍ਤਤਃ ।
ਅਥ ਤਤ੍ਰ ਤਦਾ ਰਾਮੋ ਵਿਸ਼੍ਵਾਮਿਤ੍ਰਮਥਾਬ੍ਰਵੀਤ੍ ॥ 11 ॥
ਭਗਵਨ੍ ਸ਼੍ਰੋਤੁਮਿਚ੍ਛਾਮਿ ਗਙ੍ਗਾਂ ਤ੍ਰਿਪਥਗਾਂ ਨਦੀਮ੍ ।
ਤ੍ਰੈਲੋਕ੍ਯਂ ਕਥਮਾਕ੍ਰਮ੍ਯ ਗਤਾ ਨਦਨਦੀਪਤਿਮ੍ ॥ 12 ॥
ਚੋਦਿਤੋ ਰਾਮਵਾਕ੍ਯੇਨ ਵਿਸ਼੍ਵਾਮਿਤ੍ਰੋ ਮਹਾਮੁਨਿਃ ।
ਵृਦ੍ਧਿਂ ਜਨ੍ਮ ਚ ਗਙ੍ਗਾਯਾ ਵਕ੍ਤੁਮੇਵੋਪਚਕ੍ਰਮੇ ॥ 13 ॥
ਸ਼ੈਲੇਨ੍ਦ੍ਰੋ ਹਿਮਵਾਨ੍ਨਾਮ ਧਾਤੂਨਾਮਾਕਰੋ ਮਹਾਨ੍ ।
ਤਸ੍ਯ ਕਨ੍ਯਾਦ੍ਵਯਂ ਰਾਮ ਰੂਪੇਣਾਪ੍ਰਤਿਮਂ ਭੁਵਿ ॥ 14 ॥
ਯਾ ਮੇਰੁਦੁਹਿਤਾ ਰਾਮ ਤਯੋਰ੍ਮਾਤਾ ਸੁਮਧ੍ਯਮਾ ।
ਨਾਮ੍ਨਾ ਮਨੋਰਮਾ ਨਾਮ ਪਤ੍ਨੀ ਹਿਮਵਤਃ ਪ੍ਰਿਯਾ ॥ 15 ॥
ਤਸ੍ਯਾਂ ਗਙ੍ਗੇਯਮਭਵਜ੍ਜ੍ਯੇष੍ਠਾ ਹਿਮਵਤਸ੍ਸੁਤਾ ।
ਉਮਾ ਨਾਮ ਦ੍ਵਿਤੀਯਾਭੂਨ੍ਨਾਮ੍ਨਾ ਤਸ੍ਯੈਵ ਰਾਘਵ ॥ 16 ॥
ਅਥ ਜ੍ਯੇष੍ਠਾਂ ਸੁਰਾਸ੍ਸਰ੍ਵੇ ਦੇਵਤਾਰ੍ਥਚਿਕੀਰ੍षਯਾ ।
ਸ਼ੈਲੇਨ੍ਦ੍ਰਂ ਵਰਯਾਮਾਸੁਰ੍ਗਙ੍ਗਾਂ ਤ੍ਰਿਪਥਗਾਂ ਨਦੀਮ੍ ॥ 17 ॥
ਦਦੌ ਧਰ੍ਮੇਣ ਹਿਮਵਾਨ੍ ਤਨਯਾਂ ਲੋਕਪਾਵਨੀਮ੍ ।
ਸ੍ਵਚ੍ਛਨ੍ਦਪਥਗਾਂ ਗਙ੍ਗਾਂ ਤ੍ਰੈਲੋਕ੍ਯਹਿਤਕਾਮ੍ਯਯਾ ॥ 18 ॥
ਪ੍ਰਤਿਗृਹ੍ਯ ਤਤੋ ਦੇਵਾਸ੍ਤ੍ਰਿਲੋਕਹਿਤਕਾਰਿਣਃ ।
ਗਙ੍ਗਾਮਾਦਾਯ ਤੇऽਗਚ੍ਛਨ੍ ਕृਤਾਰ੍ਥੇਨਾਨ੍ਤਰਾਤ੍ਮਨਾ ॥ 19 ॥
ਯਾ ਚਾਨ੍ਯਾ ਸ਼ੈਲਦੁਹਿਤਾ ਕਨ੍ਯਾਸੀਦ੍ਰਘੁਨਨ੍ਦਨ ।
ਉਗ੍ਰਂ ਸਾ ਵ੍ਰਤਮਾਸ੍ਥਾਯ ਤਪਸ੍ਤੇਪੇ ਤਪੋਧਨਾ ॥ 20 ॥
ਉਗ੍ਰੇਣ ਤਪਸਾ ਯੁਕ੍ਤਾਂ ਦਦੌ ਸ਼ੈਲਵਰਸ੍ਸੁਤਾਮ੍ ।
ਰੁਦ੍ਰਾਯਾਪ੍ਰਤਿਰੂਪਾਯ ਉਮਾਂ ਲੋਕਨਮਸ੍ਕृਤਾਮ੍ ॥ 21 ॥
ਏਤੇ ਤੇ ਸ਼ੈਲਰਾਜਸ੍ਯ ਸੁਤੇ ਲੋਕਨਮਸ੍ਕृਤੇ ।
ਗਙ੍ਗਾ ਚ ਸਰਿਤਾਂ ਸ਼੍ਰੇष੍ਠਾ ਉਮਾਦੇਵੀ ਚ ਰਾਘਵ ॥ 22 ॥
ਏਤਤ੍ਤੇ ਸਰ੍ਵਮਾਖ੍ਯਾਤਂ ਯਥਾ ਤ੍ਰਿਪਥਗਾ ਨਦੀ ।
ਖਂ ਗਤਾ ਪ੍ਰਥਮਂ ਤਾਤ ਗਤਿਂ ਗਤਿਮਤਾਂ ਵਰ ॥ 23 ॥
ਸੈषਾ ਸੁਰਨਦੀ ਰਮ੍ਯਾ ਸ਼ੈਲੇਨ੍ਦ੍ਰਸ੍ਯ ਸੁਤਾ ਤਦਾ ।
ਸੁਰਲੋਕਂ ਸਮਾਰੂਢਾ ਵਿਪਾਪਾ ਜਲਵਾਹਿਨੀ ॥ 24 ॥
ਇਤ੍ਯਾਰ੍षੇ ਸ਼੍ਰੀਮਦ੍ਰਾਮਾਯਣੇ ਵਾਲ੍ਮੀਕੀਯ ਆਦਿਕਾਵ੍ਯੇ ਬਾਲਕਾਣ੍ਡੇ ਪਞ੍ਚਤ੍ਰਿਂਸ਼ਸ੍ਸਰ੍ਗਃ ॥
Roman (IAST) Transliteration
śrīmadvālmīkīya rāmāyaṇe bālakāṇḍam |
atha pañcatriṃśassargaḥ |
upāsya rātriśeṣaṃ tu śoṇākūle maharṣibhiḥ |
niśāyāṃ suprabhātāyāṃ viśvāmitro'bhyabhāṣata || 1 ||
suprabhātā niśā rāma pūrvā sandhyā pravartate |
uttiṣṭhottiṣṭha bhadraṃ te gamanāyābhirocaya || 2 ||
tacchrutvā vacanaṃ tasya kṛtvā paurvāhṇikīṃ kriyām |
gamanaṃ rocayāmāsa vākyaṃ cedamuvāca ha || 3 ||
ayaṃ śoṇaśśubhajalo'gādhaḥ pulinamaṇḍitaḥ |
katareṇa pathā brahman santariṣyāmahe vayam || 4 ||
evamuktastu rāmeṇa viśvāmitro'bravīdidam |
eṣa panthā mayoddiṣṭo yena yānti maharṣayaḥ || 5 ||
evamuktā maharṣayo viśvāmitreṇa dhīmatā |
paśyantaste prayātā vai vanāni vividhāni ca || 6 ||
te gatvā dūramadhvānaṃ gate'rdhadivase tadā |
jāhnavīṃ saritāṃ śreṣṭhāṃ dadṛśurmunisevitām || 7 ||
tāṃ dṛṣṭvā puṇyasalilāṃ haṃsasārasasevitām |
babhūvurmuditā ssarve munayassaha rāghavāḥ || 8 ||
tasyāstīre tataścakrusta āvāsaparigraham |
tatassnātvā yathānyāyaṃ santarpya pitṛdevatāḥ || 9 ||
hutvā caivāgnihotrāṇi prāśya cāmṛtavaddhaviḥ |
viviśurjāhnavītīre śucau muditamānasāḥ || 10 ||
viśvāmitraṃ mahātmānaṃ parivārya samantataḥ |
atha tatra tadā rāmo viśvāmitramathābravīt || 11 ||
bhagavan śrotumicchāmi gaṅgāṃ tripathagāṃ nadīm |
trailokyaṃ kathamākramya gatā nadanadīpatim || 12 ||
codito rāmavākyena viśvāmitro mahāmuniḥ |
vṛddhiṃ janma ca gaṅgāyā vaktumevopacakrame || 13 ||
śailendro himavānnāma dhātūnāmākaro mahān |
tasya kanyādvayaṃ rāma rūpeṇāpratimaṃ bhuvi || 14 ||
yā meruduhitā rāma tayormātā sumadhyamā |
nāmnā manoramā nāma patnī himavataḥ priyā || 15 ||
tasyāṃ gaṅgeyamabhavajjyeṣṭhā himavatassutā |
umā nāma dvitīyābhūnnāmnā tasyaiva rāghava || 16 ||
atha jyeṣṭhāṃ surāssarve devatārthacikīrṣayā |
śailendraṃ varayāmāsurgaṅgāṃ tripathagāṃ nadīm || 17 ||
dadau dharmeṇa himavān tanayāṃ lokapāvanīm |
svacchandapathagāṃ gaṅgāṃ trailokyahitakāmyayā || 18 ||
pratigṛhya tato devāstrilokahitakāriṇaḥ |
gaṅgāmādāya te'gacchan kṛtārthenāntarātmanā || 19 ||
yā cānyā śailaduhitā kanyāsīdraghunandana |
ugraṃ sā vratamāsthāya tapastepe tapodhanā || 20 ||
ugreṇa tapasā yuktāṃ dadau śailavarassutām |
rudrāyāpratirūpāya umāṃ lokanamaskṛtām || 21 ||
ete te śailarājasya sute lokanamaskṛte |
gaṅgā ca saritāṃ śreṣṭhā umādevī ca rāghava || 22 ||
etatte sarvamākhyātaṃ yathā tripathagā nadī |
khaṃ gatā prathamaṃ tāta gatiṃ gatimatāṃ vara || 23 ||
saiṣā suranadī ramyā śailendrasya sutā tadā |
suralokaṃ samārūḍhā vipāpā jalavāhinī || 24 ||
ityārṣe śrīmadrāmāyaṇe vālmīkīya ādikāvye bālakāṇḍe pañcatriṃśassargaḥ ||
Sanskrit — Devanagari (original)
श्रीमद्वाल्मीकीय रामायणे बालकाण्डम् ।
अथ पञ्चत्रिंशस्सर्गः ।
उपास्य रात्रिशेषं तु शोणाकूले महर्षिभिः ।
निशायां सुप्रभातायां विश्वामित्रोऽभ्यभाषत ॥ 1 ॥
सुप्रभाता निशा राम पूर्वा सन्ध्या प्रवर्तते ।
उत्तिष्ठोत्तिष्ठ भद्रं ते गमनायाभिरोचय ॥ 2 ॥
तच्छ्रुत्वा वचनं तस्य कृत्वा पौर्वाह्णिकीं क्रियाम् ।
गमनं रोचयामास वाक्यं चेदमुवाच ह ॥ 3 ॥
अयं शोणश्शुभजलोऽगाधः पुलिनमण्डितः ।
कतरेण पथा ब्रह्मन् सन्तरिष्यामहे वयम् ॥ 4 ॥
एवमुक्तस्तु रामेण विश्वामित्रोऽब्रवीदिदम् ।
एष पन्था मयोद्दिष्टो येन यान्ति महर्षयः ॥ 5 ॥
एवमुक्ता महर्षयो विश्वामित्रेण धीमता ।
पश्यन्तस्ते प्रयाता वै वनानि विविधानि च ॥ 6 ॥
ते गत्वा दूरमध्वानं गतेऽर्धदिवसे तदा ।
जाह्नवीं सरितां श्रेष्ठां ददृशुर्मुनिसेविताम् ॥ 7 ॥
तां दृष्ट्वा पुण्यसलिलां हंससारससेविताम् ।
बभूवुर्मुदिता स्सर्वे मुनयस्सह राघवाः ॥ 8 ॥
तस्यास्तीरे ततश्चक्रुस्त आवासपरिग्रहम् ।
ततस्स्नात्वा यथान्यायं सन्तर्प्य पितृदेवताः ॥ 9 ॥
हुत्वा चैवाग्निहोत्राणि प्राश्य चामृतवद्धविः ।
विविशुर्जाह्नवीतीरे शुचौ मुदितमानसाः ॥ 10 ॥
विश्वामित्रं महात्मानं परिवार्य समन्ततः ।
अथ तत्र तदा रामो विश्वामित्रमथाब्रवीत् ॥ 11 ॥
भगवन् श्रोतुमिच्छामि गङ्गां त्रिपथगां नदीम् ।
त्रैलोक्यं कथमाक्रम्य गता नदनदीपतिम् ॥ 12 ॥
चोदितो रामवाक्येन विश्वामित्रो महामुनिः ।
वृद्धिं जन्म च गङ्गाया वक्तुमेवोपचक्रमे ॥ 13 ॥
शैलेन्द्रो हिमवान्नाम धातूनामाकरो महान् ।
तस्य कन्याद्वयं राम रूपेणाप्रतिमं भुवि ॥ 14 ॥
या मेरुदुहिता राम तयोर्माता सुमध्यमा ।
नाम्ना मनोरमा नाम पत्नी हिमवतः प्रिया ॥ 15 ॥
तस्यां गङ्गेयमभवज्ज्येष्ठा हिमवतस्सुता ।
उमा नाम द्वितीयाभून्नाम्ना तस्यैव राघव ॥ 16 ॥
अथ ज्येष्ठां सुरास्सर्वे देवतार्थचिकीर्षया ।
शैलेन्द्रं वरयामासुर्गङ्गां त्रिपथगां नदीम् ॥ 17 ॥
ददौ धर्मेण हिमवान् तनयां लोकपावनीम् ।
स्वच्छन्दपथगां गङ्गां त्रैलोक्यहितकाम्यया ॥ 18 ॥
प्रतिगृह्य ततो देवास्त्रिलोकहितकारिणः ।
गङ्गामादाय तेऽगच्छन् कृतार्थेनान्तरात्मना ॥ 19 ॥
या चान्या शैलदुहिता कन्यासीद्रघुनन्दन ।
उग्रं सा व्रतमास्थाय तपस्तेपे तपोधना ॥ 20 ॥
उग्रेण तपसा युक्तां ददौ शैलवरस्सुताम् ।
रुद्रायाप्रतिरूपाय उमां लोकनमस्कृताम् ॥ 21 ॥
एते ते शैलराजस्य सुते लोकनमस्कृते ।
गङ्गा च सरितां श्रेष्ठा उमादेवी च राघव ॥ 22 ॥
एतत्ते सर्वमाख्यातं यथा त्रिपथगा नदी ।
खं गता प्रथमं तात गतिं गतिमतां वर ॥ 23 ॥
सैषा सुरनदी रम्या शैलेन्द्रस्य सुता तदा ।
सुरलोकं समारूढा विपापा जलवाहिनी ॥ 24 ॥
इत्यार्षे श्रीमद्रामायणे वाल्मीकीय आदिकाव्ये बालकाण्डे पञ्चत्रिंशस्सर्गः ॥
śrīmadvālmīkīya rāmāyaṇe bālakāṇḍam |
atha pañcatriṃśassargaḥ |
upāsya rātriśeṣaṃ tu śoṇākūle maharṣibhiḥ |
niśāyāṃ suprabhātāyāṃ viśvāmitro'bhyabhāṣata || 1 ||
suprabhātā niśā rāma pūrvā sandhyā pravartate |
uttiṣṭhottiṣṭha bhadraṃ te gamanāyābhirocaya || 2 ||
tacchrutvā vacanaṃ tasya kṛtvā paurvāhṇikīṃ kriyām |
gamanaṃ rocayāmāsa vākyaṃ cedamuvāca ha || 3 ||
ayaṃ śoṇaśśubhajalo'gādhaḥ pulinamaṇḍitaḥ |
katareṇa pathā brahman santariṣyāmahe vayam || 4 ||
evamuktastu rāmeṇa viśvāmitro'bravīdidam |
eṣa panthā mayoddiṣṭo yena yānti maharṣayaḥ || 5 ||
evamuktā maharṣayo viśvāmitreṇa dhīmatā |
paśyantaste prayātā vai vanāni vividhāni ca || 6 ||
te gatvā dūramadhvānaṃ gate'rdhadivase tadā |
jāhnavīṃ saritāṃ śreṣṭhāṃ dadṛśurmunisevitām || 7 ||
tāṃ dṛṣṭvā puṇyasalilāṃ haṃsasārasasevitām |
babhūvurmuditā ssarve munayassaha rāghavāḥ || 8 ||
tasyāstīre tataścakrusta āvāsaparigraham |
tatassnātvā yathānyāyaṃ santarpya pitṛdevatāḥ || 9 ||
hutvā caivāgnihotrāṇi prāśya cāmṛtavaddhaviḥ |
viviśurjāhnavītīre śucau muditamānasāḥ || 10 ||
viśvāmitraṃ mahātmānaṃ parivārya samantataḥ |
atha tatra tadā rāmo viśvāmitramathābravīt || 11 ||
bhagavan śrotumicchāmi gaṅgāṃ tripathagāṃ nadīm |
trailokyaṃ kathamākramya gatā nadanadīpatim || 12 ||
codito rāmavākyena viśvāmitro mahāmuniḥ |
vṛddhiṃ janma ca gaṅgāyā vaktumevopacakrame || 13 ||
śailendro himavānnāma dhātūnāmākaro mahān |
tasya kanyādvayaṃ rāma rūpeṇāpratimaṃ bhuvi || 14 ||
yā meruduhitā rāma tayormātā sumadhyamā |
nāmnā manoramā nāma patnī himavataḥ priyā || 15 ||
tasyāṃ gaṅgeyamabhavajjyeṣṭhā himavatassutā |
umā nāma dvitīyābhūnnāmnā tasyaiva rāghava || 16 ||
atha jyeṣṭhāṃ surāssarve devatārthacikīrṣayā |
śailendraṃ varayāmāsurgaṅgāṃ tripathagāṃ nadīm || 17 ||
dadau dharmeṇa himavān tanayāṃ lokapāvanīm |
svacchandapathagāṃ gaṅgāṃ trailokyahitakāmyayā || 18 ||
pratigṛhya tato devāstrilokahitakāriṇaḥ |
gaṅgāmādāya te'gacchan kṛtārthenāntarātmanā || 19 ||
yā cānyā śailaduhitā kanyāsīdraghunandana |
ugraṃ sā vratamāsthāya tapastepe tapodhanā || 20 ||
ugreṇa tapasā yuktāṃ dadau śailavarassutām |
rudrāyāpratirūpāya umāṃ lokanamaskṛtām || 21 ||
ete te śailarājasya sute lokanamaskṛte |
gaṅgā ca saritāṃ śreṣṭhā umādevī ca rāghava || 22 ||
etatte sarvamākhyātaṃ yathā tripathagā nadī |
khaṃ gatā prathamaṃ tāta gatiṃ gatimatāṃ vara || 23 ||
saiṣā suranadī ramyā śailendrasya sutā tadā |
suralokaṃ samārūḍhā vipāpā jalavāhinī || 24 ||
ityārṣe śrīmadrāmāyaṇe vālmīkīya ādikāvye bālakāṇḍe pañcatriṃśassargaḥ ||
🕉️ This is the original Sanskrit rendered in Gurmukhi script.
Pronunciation is identical to the Sanskrit Devanagari version.