ஶ்ரீமத்வால்மீகீய ராமாயணே பாலகாண்டம் ।
அத த்விஸப்ததிதமஸ்ஸர்கஃ ।
தமுக்தவந்தம் வைதேஹம் விஶ்வாமித்ரோ மஹாமுநிஃ ।
உவாச வசநம் வீரம் வஸிஷ்டஸஹிதோ ந்ரு'பம் ॥ 1 ॥
அசிந்த்யாந்யப்ரமேயாநி குலாநி நரபுங்கவ ।
இக்ஷ்வாகூணாம் விதேஹாநாம் நைஷாம் துல்யோऽஸ்தி கஶ்சந ॥ 2 ॥
ஸத்ரு'ஶோ தர்மஸம்பந்தஃ ஸத்ரு'ஶோ ரூபஸம்பதா ।
ராமலக்ஷ்மணயோ ராஜந் ஸீதா சோர்மிலயா ஸஹ ॥ 3 ॥
வக்தவ்யம் ச நரஶ்ரேஷ்ட ஶ்ரூயதாம் வசநம் மம ।
ப்ராதா யவீயாந் தர்மஜ்ஞ ஏஷ ராஜா குஶத்வஜஃ ॥ 4 ॥
அஸ்ய தர்மாத்மநோ ராஜந் ரூபேணாப்ரதிமம் புவி ।
ஸுதாத்வயம் நரஶ்ரேஷ்ட பத்ந்யர்தம் வரயாமஹே ॥ 5 ॥
பரதஸ்ய குமாரஸ்ய ஶத்ருக்நஸ்ய ச தீமதஃ ।
வரயாமஸ்ஸுதே ராஜந் தயோரர்தே மஹாத்மநோஃ ॥ 6 ॥
புத்ரா தஶரதஸ்யேமே ரூபயௌவநஶாலிநஃ ।
லோகபாலோபமாஸ்ஸர்வே தேவதுல்யபராக்ரமாஃ ॥ 7 ॥
உபயோரபி ராஜேந்த்ர ஸம்பந்தேநாநுபத்யதாம் ।
இக்ஷ்வாகோஃ குலமவ்யக்ரம் பவதஃபுண்யகர்மணஃ ॥ 8 ॥
விஶ்வாமித்ரவச ஶ்ஶ்ரு'த்வா வஸிஷ்டஸ்ய மதே ததா ।
ஜநகஃ ப்ராஞ்ஜலிர்வாக்யமுவாச முநிபுங்கவௌ ॥ 9 ॥
குலம் தந்யமிதம் மந்யே யேஷாம் நோ முநிபுங்கவௌ ।
ஸத்ரு'ஶம் குலஸம்பந்தம் யதாஜ்ஞாபயதஃ ஸ்வயம் ॥ 10 ॥
ஏவம் பவது பத்ரம் வஃ குஶத்வஜஸுதே இமே ।
பத்ந்யௌ பஜேதாம் ஸஹிதௌ ஶத்ருக்நபரதாவுபௌ ॥ 11 ॥
ஏகாஹ்நா ராஜபுத்ரீணாம் சதஸ்ரு'ணாம் மஹாமுநே ।
பாணீந் க்ரு'ஹ்ணந்து சத்வாரோ ராஜபுத்ரா மஹாபலாஃ ॥ 12 ॥
உத்தரே திவஸே ப்ரஹ்மந் பல்குநீப்யாம் மநீஷிணஃ ।
வைவாஹிகம் ப்ரஶம்ஸந்தி பகோ யத்ர ப்ரஜாபதிஃ ॥ 13 ॥
ஏவமுக்த்வா வசஸ்ஸௌம்யம் ப்ரத்யுத்தாய க்ரு'தாஞ்ஜலிஃ ।
உபௌ முநிவரௌ ராஜா ஜநகோ வாக்யமப்ரவீத் ॥ 14 ॥
பரோ தர்மஃ க்ரு'தோ மஹ்யம் ஶிஷ்யோऽஸ்மிபவதோ ஸதா ।
இமாந்யாஸநமுக்யாநி ஆஸாதாம் முநிபுங்கவௌ ॥ 15 ॥
யதா தஶரதஸ்யேயம் ததாऽயோத்யா புரீ மம ।
ப்ரபுத்வே நாஸ்தி ஸந்தேஹோ யதார்ஹம் கர்துமர்ஹத ॥ 16 ॥
ததா ப்ருவதி வைதேஹே ஜநகே ரகுநந்தநஃ ।
ராஜா தஶரதோ ஹ்ரு'ஷ்டஃ ப்ரத்யுவாச மஹீபதிம் ॥ 17 ॥
யுவாமஸங்க்யேயகுணௌ ப்ராதரௌ மிதிலேஶ்வரௌ ।
ரு'ஷயோ ராஜஸங்காஶ்ச பவத்ப்யாமபிபூஜிதாஃ ॥ 18 ॥
ஸ்வஸ்தி ப்ராப்நுஹி பத்ரம் தே கமிஷ்யாமி ஸ்வமாலயம் ।
ஶ்ராத்தகர்மாணி ஸர்வாணி விதாஸ்யாமீதி சாப்ரவீத் ॥ 19 ॥
தமாப்ரு'ஷ்ட்வா நரபதிம் ராஜா தஶரதஸ்ததா ।
முநீந்த்ரௌ தௌ புரஸ்க்ரு'த்ய ஜகாமாஶு மஹாயஶாஃ ॥ 20 ॥
ஸ கத்வா நிலயம் ராஜா ஶ்ராத்தம் க்ரு'த்வா விதாநதஃ ।
ப்ரபாதே கால்யமுத்தாய சக்ரே கோதாநமுத்தமம் ॥ 21 ॥
கவாம் ஶதஸஹஸ்ராணி ப்ராஹ்மணேப்யோ நராதிபஃ ।
ஏகைகஶோ ததௌ ராஜா புத்ராநுத்திஶ்ய தர்மதஃ ॥ 22 ॥
ஸுவர்ணஶ்ருங்கா ஸ்ஸம்பந்நா ஸ்ஸவத்ஸாஃ காம்ஸ்யதோஹநாஃ ।
கவாம் ஶதஸஹஸ்ராணி சத்வாரி புருஷர்ஷபஃ ॥ 23 ॥
வித்தமந்யச்ச ஸுபஹுத்விஜேப்யோ ரகுநந்தநஃ ।
ததௌ கோதாநமுத்திஶ்ய புத்ராணாம் புத்ரவத்ஸலஃ ॥ 24 ॥
ஸ ஸுதைஃ க்ரு'தகோதாநைர்வ்ரு'தஸ்து ந்ரு'பதிஸ்ததா ।
லோகபாலைரிவாபாதி வ்ரு'தஃ ஸ்ஸௌம்யஃ ப்ரஜாபதிஃ ॥ 25 ॥
இத்யார்ஷே ஶ்ரீமத்ராமாயணே வால்மீகீய ஆதிகாவ்யே பாலகாண்டே த்விஸப்ததிதமஸ்ஸர்கஃ ॥
Roman (IAST) Transliteration
śrīmadvālmīkīya rāmāyaṇe bālakāṇḍam |
atha dvisaptatitamassargaḥ |
tamuktavantaṃ vaidehaṃ viśvāmitro mahāmuniḥ |
uvāca vacanaṃ vīraṃ vasiṣṭhasahito nṛpam || 1 ||
acintyānyaprameyāni kulāni narapuṅgava |
ikṣvākūṇāṃ videhānāṃ naiṣāṃ tulyo'sti kaścana || 2 ||
sadṛśo dharmasambandhaḥ sadṛśo rūpasampadā |
rāmalakṣmaṇayo rājan sītā cormilayā saha || 3 ||
vaktavyaṃ ca naraśreṣṭha śrūyatāṃ vacanaṃ mama |
bhrātā yavīyān dharmajña eṣa rājā kuśadhvajaḥ || 4 ||
asya dharmātmano rājan rūpeṇāpratimaṃ bhuvi |
sutādvayaṃ naraśreṣṭha patnyarthaṃ varayāmahe || 5 ||
bharatasya kumārasya śatrughnasya ca dhīmataḥ |
varayāmassute rājan tayorarthe mahātmanoḥ || 6 ||
putrā daśarathasyeme rūpayauvanaśālinaḥ |
lokapālopamāssarve devatulyaparākramāḥ || 7 ||
ubhayorapi rājendra sambandhenānubadhyatām |
ikṣvākoḥ kulamavyagraṃ bhavataḥpuṇyakarmaṇaḥ || 8 ||
viśvāmitravaca śśṛtvā vasiṣṭhasya mate tadā |
janakaḥ prāñjalirvākyamuvāca munipuṅgavau || 9 ||
kulaṃ dhanyamidaṃ manye yeṣāṃ no munipuṅgavau |
sadṛśaṃ kulasambandhaṃ yadājñāpayathaḥ svayam || 10 ||
evaṃ bhavatu bhadraṃ vaḥ kuśadhvajasute ime |
patnyau bhajetāṃ sahitau śatrughnabharatāvubhau || 11 ||
ekāhnā rājaputrīṇāṃ catasṛṇāṃ mahāmune |
pāṇīn gṛhṇantu catvāro rājaputrā mahābalāḥ || 12 ||
uttare divase brahman phalgunībhyāṃ manīṣiṇaḥ |
vaivāhikaṃ praśaṃsanti bhago yatra prajāpatiḥ || 13 ||
evamuktvā vacassaumyaṃ pratyutthāya kṛtāñjaliḥ |
ubhau munivarau rājā janako vākyamabravīt || 14 ||
paro dharmaḥ kṛto mahyaṃ śiṣyo'smibhavato sadā |
imānyāsanamukhyāni āsātāṃ munipuṅgavau || 15 ||
yathā daśarathasyeyaṃ tathā'yodhyā purī mama |
prabhutve nāsti sandeho yathārhaṃ kartumarhatha || 16 ||
tathā bruvati vaidehe janake raghunandanaḥ |
rājā daśaratho hṛṣṭaḥ pratyuvāca mahīpatim || 17 ||
yuvāmasaṅkhyeyaguṇau bhrātarau mithileśvarau |
ṛṣayo rājasaṅghāśca bhavadbhyāmabhipūjitāḥ || 18 ||
svasti prāpnuhi bhadraṃ te gamiṣyāmi svamālayam |
śrāddhakarmāṇi sarvāṇi vidhāsyāmīti cābravīt || 19 ||
tamāpṛṣṭvā narapatiṃ rājā daśarathastadā |
munīndrau tau puraskṛtya jagāmāśu mahāyaśāḥ || 20 ||
sa gatvā nilayaṃ rājā śrāddhaṃ kṛtvā vidhānataḥ |
prabhāte kālyamutthāya cakre godānamuttamam || 21 ||
gavāṃ śatasahasrāṇi brāhmaṇebhyo narādhipaḥ |
ekaikaśo dadau rājā putrānuddiśya dharmataḥ || 22 ||
suvarṇaśruṅgā ssampannā ssavatsāḥ kāṃsyadohanāḥ |
gavāṃ śatasahasrāṇi catvāri puruṣarṣabhaḥ || 23 ||
vittamanyacca subahudvijebhyo raghunandanaḥ |
dadau godānamuddiśya putrāṇāṃ putravatsalaḥ || 24 ||
sa sutaiḥ kṛtagodānairvṛtastu nṛpatistadā |
lokapālairivābhāti vṛtaḥ ssaumyaḥ prajāpatiḥ || 25 ||
ityārṣe śrīmadrāmāyaṇe vālmīkīya ādikāvye bālakāṇḍe dvisaptatitamassargaḥ ||
Sanskrit — Devanagari (original)
श्रीमद्वाल्मीकीय रामायणे बालकाण्डम् ।
अथ द्विसप्ततितमस्सर्गः ।
तमुक्तवन्तं वैदेहं विश्वामित्रो महामुनिः ।
उवाच वचनं वीरं वसिष्ठसहितो नृपम् ॥ 1 ॥
अचिन्त्यान्यप्रमेयानि कुलानि नरपुङ्गव ।
इक्ष्वाकूणां विदेहानां नैषां तुल्योऽस्ति कश्चन ॥ 2 ॥
सदृशो धर्मसम्बन्धः सदृशो रूपसम्पदा ।
रामलक्ष्मणयो राजन् सीता चोर्मिलया सह ॥ 3 ॥
वक्तव्यं च नरश्रेष्ठ श्रूयतां वचनं मम ।
भ्राता यवीयान् धर्मज्ञ एष राजा कुशध्वजः ॥ 4 ॥
अस्य धर्मात्मनो राजन् रूपेणाप्रतिमं भुवि ।
सुताद्वयं नरश्रेष्ठ पत्न्यर्थं वरयामहे ॥ 5 ॥
भरतस्य कुमारस्य शत्रुघ्नस्य च धीमतः ।
वरयामस्सुते राजन् तयोरर्थे महात्मनोः ॥ 6 ॥
पुत्रा दशरथस्येमे रूपयौवनशालिनः ।
लोकपालोपमास्सर्वे देवतुल्यपराक्रमाः ॥ 7 ॥
उभयोरपि राजेन्द्र सम्बन्धेनानुबध्यताम् ।
इक्ष्वाकोः कुलमव्यग्रं भवतःपुण्यकर्मणः ॥ 8 ॥
विश्वामित्रवच श्शृत्वा वसिष्ठस्य मते तदा ।
जनकः प्राञ्जलिर्वाक्यमुवाच मुनिपुङ्गवौ ॥ 9 ॥
कुलं धन्यमिदं मन्ये येषां नो मुनिपुङ्गवौ ।
सदृशं कुलसम्बन्धं यदाज्ञापयथः स्वयम् ॥ 10 ॥
एवं भवतु भद्रं वः कुशध्वजसुते इमे ।
पत्न्यौ भजेतां सहितौ शत्रुघ्नभरतावुभौ ॥ 11 ॥
एकाह्ना राजपुत्रीणां चतसृणां महामुने ।
पाणीन् गृह्णन्तु चत्वारो राजपुत्रा महाबलाः ॥ 12 ॥
उत्तरे दिवसे ब्रह्मन् फल्गुनीभ्यां मनीषिणः ।
वैवाहिकं प्रशंसन्ति भगो यत्र प्रजापतिः ॥ 13 ॥
एवमुक्त्वा वचस्सौम्यं प्रत्युत्थाय कृताञ्जलिः ।
उभौ मुनिवरौ राजा जनको वाक्यमब्रवीत् ॥ 14 ॥
परो धर्मः कृतो मह्यं शिष्योऽस्मिभवतो सदा ।
इमान्यासनमुख्यानि आसातां मुनिपुङ्गवौ ॥ 15 ॥
यथा दशरथस्येयं तथाऽयोध्या पुरी मम ।
प्रभुत्वे नास्ति सन्देहो यथार्हं कर्तुमर्हथ ॥ 16 ॥
तथा ब्रुवति वैदेहे जनके रघुनन्दनः ।
राजा दशरथो हृष्टः प्रत्युवाच महीपतिम् ॥ 17 ॥
युवामसङ्ख्येयगुणौ भ्रातरौ मिथिलेश्वरौ ।
ऋषयो राजसङ्घाश्च भवद्भ्यामभिपूजिताः ॥ 18 ॥
स्वस्ति प्राप्नुहि भद्रं ते गमिष्यामि स्वमालयम् ।
श्राद्धकर्माणि सर्वाणि विधास्यामीति चाब्रवीत् ॥ 19 ॥
तमापृष्ट्वा नरपतिं राजा दशरथस्तदा ।
मुनीन्द्रौ तौ पुरस्कृत्य जगामाशु महायशाः ॥ 20 ॥
स गत्वा निलयं राजा श्राद्धं कृत्वा विधानतः ।
प्रभाते काल्यमुत्थाय चक्रे गोदानमुत्तमम् ॥ 21 ॥
गवां शतसहस्राणि ब्राह्मणेभ्यो नराधिपः ।
एकैकशो ददौ राजा पुत्रानुद्दिश्य धर्मतः ॥ 22 ॥
सुवर्णश्रुङ्गा स्सम्पन्ना स्सवत्साः कांस्यदोहनाः ।
गवां शतसहस्राणि चत्वारि पुरुषर्षभः ॥ 23 ॥
वित्तमन्यच्च सुबहुद्विजेभ्यो रघुनन्दनः ।
ददौ गोदानमुद्दिश्य पुत्राणां पुत्रवत्सलः ॥ 24 ॥
स सुतैः कृतगोदानैर्वृतस्तु नृपतिस्तदा ।
लोकपालैरिवाभाति वृतः स्सौम्यः प्रजापतिः ॥ 25 ॥
इत्यार्षे श्रीमद्रामायणे वाल्मीकीय आदिकाव्ये बालकाण्डे द्विसप्ततितमस्सर्गः ॥
śrīmadvālmīkīya rāmāyaṇe bālakāṇḍam |
atha dvisaptatitamassargaḥ |
tamuktavantaṃ vaidehaṃ viśvāmitro mahāmuniḥ |
uvāca vacanaṃ vīraṃ vasiṣṭhasahito nṛpam || 1 ||
acintyānyaprameyāni kulāni narapuṅgava |
ikṣvākūṇāṃ videhānāṃ naiṣāṃ tulyo'sti kaścana || 2 ||
sadṛśo dharmasambandhaḥ sadṛśo rūpasampadā |
rāmalakṣmaṇayo rājan sītā cormilayā saha || 3 ||
vaktavyaṃ ca naraśreṣṭha śrūyatāṃ vacanaṃ mama |
bhrātā yavīyān dharmajña eṣa rājā kuśadhvajaḥ || 4 ||
asya dharmātmano rājan rūpeṇāpratimaṃ bhuvi |
sutādvayaṃ naraśreṣṭha patnyarthaṃ varayāmahe || 5 ||
bharatasya kumārasya śatrughnasya ca dhīmataḥ |
varayāmassute rājan tayorarthe mahātmanoḥ || 6 ||
putrā daśarathasyeme rūpayauvanaśālinaḥ |
lokapālopamāssarve devatulyaparākramāḥ || 7 ||
ubhayorapi rājendra sambandhenānubadhyatām |
ikṣvākoḥ kulamavyagraṃ bhavataḥpuṇyakarmaṇaḥ || 8 ||
viśvāmitravaca śśṛtvā vasiṣṭhasya mate tadā |
janakaḥ prāñjalirvākyamuvāca munipuṅgavau || 9 ||
kulaṃ dhanyamidaṃ manye yeṣāṃ no munipuṅgavau |
sadṛśaṃ kulasambandhaṃ yadājñāpayathaḥ svayam || 10 ||
evaṃ bhavatu bhadraṃ vaḥ kuśadhvajasute ime |
patnyau bhajetāṃ sahitau śatrughnabharatāvubhau || 11 ||
ekāhnā rājaputrīṇāṃ catasṛṇāṃ mahāmune |
pāṇīn gṛhṇantu catvāro rājaputrā mahābalāḥ || 12 ||
uttare divase brahman phalgunībhyāṃ manīṣiṇaḥ |
vaivāhikaṃ praśaṃsanti bhago yatra prajāpatiḥ || 13 ||
evamuktvā vacassaumyaṃ pratyutthāya kṛtāñjaliḥ |
ubhau munivarau rājā janako vākyamabravīt || 14 ||
paro dharmaḥ kṛto mahyaṃ śiṣyo'smibhavato sadā |
imānyāsanamukhyāni āsātāṃ munipuṅgavau || 15 ||
yathā daśarathasyeyaṃ tathā'yodhyā purī mama |
prabhutve nāsti sandeho yathārhaṃ kartumarhatha || 16 ||
tathā bruvati vaidehe janake raghunandanaḥ |
rājā daśaratho hṛṣṭaḥ pratyuvāca mahīpatim || 17 ||
yuvāmasaṅkhyeyaguṇau bhrātarau mithileśvarau |
ṛṣayo rājasaṅghāśca bhavadbhyāmabhipūjitāḥ || 18 ||
svasti prāpnuhi bhadraṃ te gamiṣyāmi svamālayam |
śrāddhakarmāṇi sarvāṇi vidhāsyāmīti cābravīt || 19 ||
tamāpṛṣṭvā narapatiṃ rājā daśarathastadā |
munīndrau tau puraskṛtya jagāmāśu mahāyaśāḥ || 20 ||
sa gatvā nilayaṃ rājā śrāddhaṃ kṛtvā vidhānataḥ |
prabhāte kālyamutthāya cakre godānamuttamam || 21 ||
gavāṃ śatasahasrāṇi brāhmaṇebhyo narādhipaḥ |
ekaikaśo dadau rājā putrānuddiśya dharmataḥ || 22 ||
suvarṇaśruṅgā ssampannā ssavatsāḥ kāṃsyadohanāḥ |
gavāṃ śatasahasrāṇi catvāri puruṣarṣabhaḥ || 23 ||
vittamanyacca subahudvijebhyo raghunandanaḥ |
dadau godānamuddiśya putrāṇāṃ putravatsalaḥ || 24 ||
sa sutaiḥ kṛtagodānairvṛtastu nṛpatistadā |
lokapālairivābhāti vṛtaḥ ssaumyaḥ prajāpatiḥ || 25 ||
ityārṣe śrīmadrāmāyaṇe vālmīkīya ādikāvye bālakāṇḍe dvisaptatitamassargaḥ ||
🕉️ This is the original Sanskrit rendered in Tamil script.
Pronunciation is identical to the Sanskrit Devanagari version.