ஶ்ரீமத்வால்மீகீய ராமாயணே பாலகாண்டம் ।
அத த்விஷஷ்டிதமஸ்ஸர்கஃ ।
ஶுநஶ்ஶேபம் நரஶ்ரேஷ்ட க்ரு'ஹீத்வா து மஹாயஶாஃ ।
வ்யஶ்ராம்யத் புஷ்கரே ராஜா மத்யாஹ்நே ரகுநந்தந ॥ 1 ॥
தஸ்ய விஶ்ரமமாணஸ்ய ஶுநஶ்ஶேபோ மஹாயஶாஃ ।
புஷ்கரக்ஷேத்ரமாகம்ய விஶ்வாமித்ரம் ததர்ஶ ஹ ॥ 2 ॥
தப்யந்தம்ரு'ஷிபிஸ்ஸார்தம் மாதுலம் பரமாதுரஃ ।
விவர்ணவதநோ தீநஸ்த்ரு'ஷ்ணயா ச ஶ்ரமேண ச ॥ 3 ॥
பபாதாங்கே முநேராஶு வாக்யம் சேதமுவாச ஹ ।
ந மேऽஸ்தி மாதா ந பிதா ஜ்ஞாதயோ பாந்தவாஃ குதஃ ॥ 4 ॥
த்ராதுமர்ஹஸி மாம் ஸௌம்ய தர்மேண முநிபுங்கவ ।
த்ராதா த்வம் ஹி முநிஶ்ரேஷ்ட ஸர்வேஷாம் த்வம் ஹி பாவநஃ ॥ 5 ॥
ராஜா ச க்ரு'தகார்யஸ்ஸ்யாதஹம் தீர்காயுரவ்யயஃ ।
ஸ்வர்கலோகமுபாஶ்நீயாம் தபஸ்தப்த்வாஹ்யநுத்தமம் ॥ 6 ॥
த்வம் மே நாதோ ஹ்யநாதஸ்ய பவ பவ்யேந சேதஸா ।
பிதேவ புத்ரம் தர்மாத்மம் ஸ்த்ராதுமர்ஹஸி கில்பிஷாத் ॥ 7 ॥
தஸ்ய தத்வசநம் ஶ்ருத்வா விஶ்வாமித்ரோ மஹாதபாஃ ।
ஸாந்த்வயித்வா பஹுவிதம் புத்ராநிதமுவாச ஹ ॥ 8 ॥
யத்க்ரு'தே பிதரஃ புத்ராந் ஜநயந்தி ஶுபார்திநஃ ।
பரலோகஹிதார்தாய தஸ்ய காலோऽயமாகதஃ ॥ 9 ॥
அயம் முநிஸுதோ பாலோ மத்தஶ்ஶரணமிச்சதி ।
அஸ்ய ஜீவிதமாத்ரேண ப்ரியம் குருத புத்ரகாஃ ॥ 10 ॥
ஸர்வே ஸுக்ரு'தகர்மாணஸ்ஸர்வே தர்மபராயணாஃ ।
பஶுபூதா நரேந்த்ரஸ்ய த்ரு'ப்திமக்நேஃ ப்ரயச்சத ॥ 11 ॥
நாதவாம்ஶ்ச ஶுநஶ்ஶேபோ யஜ்ஞஶ்சாவிக்நிதோ பவேத் ।
தேவதாஸ்தர்பிதாஶ்சஸ்யுர்மம சாபி க்ரு'தம் வசஃ ॥ 12 ॥
முநேஸ்து வசநம் ஶ்ருத்வா மதுச்சந்தாதய ஸ்ஸுதாஃ ।
ஸாபிமாநம் நரஶ்ரேஷ்ட ஸலீலமிதமப்ருவந் ॥ 13 ॥
கதமாத்மஸுதாந் ஹித்வா த்ராயஸேऽந்யஸுதம் விபோ ।
அகார்யமிவ பஶ்யாம ஶ்ஶ்வமாம்ஸ இவ போஜநே ॥ 14 ॥
தேஷாம் தத்வசநம் ஶ்ருத்வா புத்ராணாம் முநிபுங்கவஃ ।
க்ரோதஸம்ரக்தநயநோ வ்யாஹர்துமுபசக்ரமே ॥ 15 ॥
நிஸ்ஸாத்வஸமிதம் ப்ரோக்தம் தர்மாதபி விகர்ஹிதம் ।
அதிக்ரம்ய து மத்வாக்யம் தாருணம் ரோமஹர்ஷணம் ॥ 16 ॥
ஶ்வமாம்ஸபோஜிநஸ்ஸர்வே வாஸிஷ்டா இவ ஜாதிஷு ।
பூர்ணம் வர்ஷஸஹஸ்ரம் து ப்ரு'திவ்யாமநுவத்ஸ்யத ॥ 17 ॥
க்ரு'த்வா ஶாபஸமாயுக்தாந் புத்ராந் முநிவரஸ்ததா ।
ஶுநஶ்ஶேபமுவாசார்தம் க்ரு'த்வா ரக்ஷாம் நிராமயம் ॥ 18 ॥
பவித்ரபாஶைராஸக்தோ ரக்தமால்யாநுலேபநஃ ।
வைஷ்ணவம் யூபமாஸாத்ய வாக்பிரக்நிமுதாஹர ॥ 19 ॥
இமே து காதே த்வே திவ்யே காயேதா முநிபுத்ரக ।
அம்பரீஷஸ்ய யஜ்ஞேऽஸ்மிம்ஸ்தத ஸ்ஸித்திமவாப்ஸ்யஸி ॥ 20 ॥
ஶுநஶ்ஶேபோ க்ரு'ஹீத்வா தே த்வே காதே ஸுஸமாஹிதஃ ।
த்வரயா ராஜஸிம்ஹம் தமம்பரீஷமுவாச ஹ ॥ 21 ॥
ராஜஸிம்ஹ மஹாஸத்த்வ ஶீக்ரம் கச்சாவஹே ஸதஃ ।
நிர்வர்தயஸ்வ ராஜேந்த்ர தீக்ஷாம் ச ஸமுபாவிஶ ॥ 22 ॥
தத்வாக்யம்ரு'ஷிபுத்ரஸ்ய ஶ்ருத்வா ஹர்ஷஸமுத்ஸுகஃ ।
ஜகாம ந்ரு'பதி ஶ்ஶீக்ரம் யஜ்ஞவாடமதந்த்ரிதஃ ॥ 23 ॥
ஸதஸ்யாநுமதே ராஜா பவித்ரக்ரு'தலக்ஷணம் ।
பஶும் ரக்தாம்பரம் க்ரு'த்வா யூபே தம் ஸமபந்தயத் ॥ 24 ॥
ஸபத்தோ வாக்பிரக்ய்ராபிரபிதுஷ்டாவ வை ஸுரௌ ।
இந்த்ரமிந்த்ராநுஜம் சைவ யதாவந்முநிபுத்ரகஃ ॥ 25 ॥
ததஃ ப்ரீத ஸ்ஸஹஸ்ராக்ஷோ ரஹஸ்யஸ்துதிதர்பிதஃ ।
தீர்கமாயுஸ்ததா ப்ராதாச்சுநஶ்ஶேபாய ராகவ ॥ 26 ॥
ஸ ச ராஜா நரஶ்ரேஷ்ட யஜ்ஞஸ்ய ச ஸமாப்தவாந் ।
பலம் பஹுகுணம் ராம ஸஹஸ்ராக்ஷப்ரஸாதஜம் ॥ 27 ॥
விஶ்வாமித்ரோ ऽபி தர்மாத்மா பூயஸ்தேபே மஹாதபாஃ ।
புஷ்கரேஷு நரஶ்ரேஷ்ட தஶவர்ஷஶதாநி ச ॥ 28 ॥
இத்யார்ஷே ஶ்ரீமத்ராமாயணே வால்மீகீய ஆதிகாவ்யே பாலகாண்டே த்விஷஷ்டிதமஸ்ஸர்கஃ ॥
Roman (IAST) Transliteration
śrīmadvālmīkīya rāmāyaṇe bālakāṇḍam |
atha dviṣaṣṭitamassargaḥ |
śunaśśephaṃ naraśreṣṭha gṛhītvā tu mahāyaśāḥ |
vyaśrāmyat puṣkare rājā madhyāhne raghunandana || 1 ||
tasya viśramamāṇasya śunaśśepho mahāyaśāḥ |
puṣkarakṣetramāgamya viśvāmitraṃ dadarśa ha || 2 ||
tapyantamṛṣibhissārdhaṃ mātulaṃ paramāturaḥ |
vivarṇavadano dīnastṛṣṇayā ca śrameṇa ca || 3 ||
papātāṅke munerāśu vākyaṃ cedamuvāca ha |
na me'sti mātā na pitā jñātayo bāndhavāḥ kutaḥ || 4 ||
trātumarhasi māṃ saumya dharmeṇa munipuṅgava |
trātā tvaṃ hi muniśreṣṭha sarveṣāṃ tvaṃ hi bhāvanaḥ || 5 ||
rājā ca kṛtakāryassyādahaṃ dīrghāyuravyayaḥ |
svargalokamupāśnīyāṃ tapastaptvāhyanuttamam || 6 ||
tvaṃ me nātho hyanāthasya bhava bhavyena cetasā |
piteva putraṃ dharmātmaṃ strātumarhasi kilbiṣāt || 7 ||
tasya tadvacanaṃ śrutvā viśvāmitro mahātapāḥ |
sāntvayitvā bahuvidhaṃ putrānidamuvāca ha || 8 ||
yatkṛte pitaraḥ putrān janayanti śubhārthinaḥ |
paralokahitārthāya tasya kālo'yamāgataḥ || 9 ||
ayaṃ munisuto bālo mattaśśaraṇamicchati |
asya jīvitamātreṇa priyaṃ kuruta putrakāḥ || 10 ||
sarve sukṛtakarmāṇassarve dharmaparāyaṇāḥ |
paśubhūtā narendrasya tṛptimagneḥ prayacchata || 11 ||
nāthavāṃśca śunaśśepho yajñaścāvighnito bhavet |
devatāstarpitāścasyurmama cāpi kṛtaṃ vacaḥ || 12 ||
munestu vacanaṃ śrutvā madhucchandādaya ssutāḥ |
sābhimānaṃ naraśreṣṭha salīlamidamabruvan || 13 ||
kathamātmasutān hitvā trāyase'nyasutaṃ vibho |
akāryamiva paśyāma śśvamāṃsa iva bhojane || 14 ||
teṣāṃ tadvacanaṃ śrutvā putrāṇāṃ munipuṅgavaḥ |
krodhasaṃraktanayano vyāhartumupacakrame || 15 ||
nissādhvasamidaṃ proktaṃ dharmādapi vigarhitam |
atikramya tu madvākyaṃ dāruṇaṃ romaharṣaṇam || 16 ||
śvamāṃsabhojinassarve vāsiṣṭhā iva jātiṣu |
pūrṇaṃ varṣasahasraṃ tu pṛthivyāmanuvatsyatha || 17 ||
kṛtvā śāpasamāyuktān putrān munivarastathā |
śunaśśephamuvācārtaṃ kṛtvā rakṣāṃ nirāmayam || 18 ||
pavitrapāśairāsakto raktamālyānulepanaḥ |
vaiṣṇavaṃ yūpamāsādya vāgbhiragnimudāhara || 19 ||
ime tu gāthe dve divye gāyethā muniputraka |
ambarīṣasya yajñe'smiṃstata ssiddhimavāpsyasi || 20 ||
śunaśśepho gṛhītvā te dve gāthe susamāhitaḥ |
tvarayā rājasiṃhaṃ tamambarīṣamuvāca ha || 21 ||
rājasiṃha mahāsattva śīghraṃ gacchāvahe sadaḥ |
nirvartayasva rājendra dīkṣāṃ ca samupāviśa || 22 ||
tadvākyamṛṣiputrasya śrutvā harṣasamutsukaḥ |
jagāma nṛpati śśīghraṃ yajñavāṭamatandritaḥ || 23 ||
sadasyānumate rājā pavitrakṛtalakṣaṇam |
paśuṃ raktāmbaraṃ kṛtvā yūpe taṃ samabandhayat || 24 ||
sabaddho vāgbhiragyrābhirabhituṣṭāva vai surau |
indramindrānujaṃ caiva yathāvanmuniputrakaḥ || 25 ||
tataḥ prīta ssahasrākṣo rahasyastutitarpitaḥ |
dīrghamāyustadā prādācchunaśśephāya rāghava || 26 ||
sa ca rājā naraśreṣṭha yajñasya ca samāptavān |
phalaṃ bahuguṇaṃ rāma sahasrākṣaprasādajam || 27 ||
viśvāmitro 'pi dharmātmā bhūyastepe mahātapāḥ |
puṣkareṣu naraśreṣṭha daśavarṣaśatāni ca || 28 ||
ityārṣe śrīmadrāmāyaṇe vālmīkīya ādikāvye bālakāṇḍe dviṣaṣṭitamassargaḥ ||
Sanskrit — Devanagari (original)
श्रीमद्वाल्मीकीय रामायणे बालकाण्डम् ।
अथ द्विषष्टितमस्सर्गः ।
शुनश्शेफं नरश्रेष्ठ गृहीत्वा तु महायशाः ।
व्यश्राम्यत् पुष्करे राजा मध्याह्ने रघुनन्दन ॥ 1 ॥
तस्य विश्रममाणस्य शुनश्शेफो महायशाः ।
पुष्करक्षेत्रमागम्य विश्वामित्रं ददर्श ह ॥ 2 ॥
तप्यन्तमृषिभिस्सार्धं मातुलं परमातुरः ।
विवर्णवदनो दीनस्तृष्णया च श्रमेण च ॥ 3 ॥
पपाताङ्के मुनेराशु वाक्यं चेदमुवाच ह ।
न मेऽस्ति माता न पिता ज्ञातयो बान्धवाः कुतः ॥ 4 ॥
त्रातुमर्हसि मां सौम्य धर्मेण मुनिपुङ्गव ।
त्राता त्वं हि मुनिश्रेष्ठ सर्वेषां त्वं हि भावनः ॥ 5 ॥
राजा च कृतकार्यस्स्यादहं दीर्घायुरव्ययः ।
स्वर्गलोकमुपाश्नीयां तपस्तप्त्वाह्यनुत्तमम् ॥ 6 ॥
त्वं मे नाथो ह्यनाथस्य भव भव्येन चेतसा ।
पितेव पुत्रं धर्मात्मं स्त्रातुमर्हसि किल्बिषात् ॥ 7 ॥
तस्य तद्वचनं श्रुत्वा विश्वामित्रो महातपाः ।
सान्त्वयित्वा बहुविधं पुत्रानिदमुवाच ह ॥ 8 ॥
यत्कृते पितरः पुत्रान् जनयन्ति शुभार्थिनः ।
परलोकहितार्थाय तस्य कालोऽयमागतः ॥ 9 ॥
अयं मुनिसुतो बालो मत्तश्शरणमिच्छति ।
अस्य जीवितमात्रेण प्रियं कुरुत पुत्रकाः ॥ 10 ॥
सर्वे सुकृतकर्माणस्सर्वे धर्मपरायणाः ।
पशुभूता नरेन्द्रस्य तृप्तिमग्नेः प्रयच्छत ॥ 11 ॥
नाथवांश्च शुनश्शेफो यज्ञश्चाविघ्नितो भवेत् ।
देवतास्तर्पिताश्चस्युर्मम चापि कृतं वचः ॥ 12 ॥
मुनेस्तु वचनं श्रुत्वा मधुच्छन्दादय स्सुताः ।
साभिमानं नरश्रेष्ठ सलीलमिदमब्रुवन् ॥ 13 ॥
कथमात्मसुतान् हित्वा त्रायसेऽन्यसुतं विभो ।
अकार्यमिव पश्याम श्श्वमांस इव भोजने ॥ 14 ॥
तेषां तद्वचनं श्रुत्वा पुत्राणां मुनिपुङ्गवः ।
क्रोधसंरक्तनयनो व्याहर्तुमुपचक्रमे ॥ 15 ॥
निस्साध्वसमिदं प्रोक्तं धर्मादपि विगर्हितम् ।
अतिक्रम्य तु मद्वाक्यं दारुणं रोमहर्षणम् ॥ 16 ॥
श्वमांसभोजिनस्सर्वे वासिष्ठा इव जातिषु ।
पूर्णं वर्षसहस्रं तु पृथिव्यामनुवत्स्यथ ॥ 17 ॥
कृत्वा शापसमायुक्तान् पुत्रान् मुनिवरस्तथा ।
शुनश्शेफमुवाचार्तं कृत्वा रक्षां निरामयम् ॥ 18 ॥
पवित्रपाशैरासक्तो रक्तमाल्यानुलेपनः ।
वैष्णवं यूपमासाद्य वाग्भिरग्निमुदाहर ॥ 19 ॥
इमे तु गाथे द्वे दिव्ये गायेथा मुनिपुत्रक ।
अम्बरीषस्य यज्ञेऽस्मिंस्तत स्सिद्धिमवाप्स्यसि ॥ 20 ॥
शुनश्शेफो गृहीत्वा ते द्वे गाथे सुसमाहितः ।
त्वरया राजसिंहं तमम्बरीषमुवाच ह ॥ 21 ॥
राजसिंह महासत्त्व शीघ्रं गच्छावहे सदः ।
निर्वर्तयस्व राजेन्द्र दीक्षां च समुपाविश ॥ 22 ॥
तद्वाक्यमृषिपुत्रस्य श्रुत्वा हर्षसमुत्सुकः ।
जगाम नृपति श्शीघ्रं यज्ञवाटमतन्द्रितः ॥ 23 ॥
सदस्यानुमते राजा पवित्रकृतलक्षणम् ।
पशुं रक्ताम्बरं कृत्वा यूपे तं समबन्धयत् ॥ 24 ॥
सबद्धो वाग्भिरग्य्राभिरभितुष्टाव वै सुरौ ।
इन्द्रमिन्द्रानुजं चैव यथावन्मुनिपुत्रकः ॥ 25 ॥
ततः प्रीत स्सहस्राक्षो रहस्यस्तुतितर्पितः ।
दीर्घमायुस्तदा प्रादाच्छुनश्शेफाय राघव ॥ 26 ॥
स च राजा नरश्रेष्ठ यज्ञस्य च समाप्तवान् ।
फलं बहुगुणं राम सहस्राक्षप्रसादजम् ॥ 27 ॥
विश्वामित्रो ऽपि धर्मात्मा भूयस्तेपे महातपाः ।
पुष्करेषु नरश्रेष्ठ दशवर्षशतानि च ॥ 28 ॥
इत्यार्षे श्रीमद्रामायणे वाल्मीकीय आदिकाव्ये बालकाण्डे द्विषष्टितमस्सर्गः ॥
śrīmadvālmīkīya rāmāyaṇe bālakāṇḍam |
atha dviṣaṣṭitamassargaḥ |
śunaśśephaṃ naraśreṣṭha gṛhītvā tu mahāyaśāḥ |
vyaśrāmyat puṣkare rājā madhyāhne raghunandana || 1 ||
tasya viśramamāṇasya śunaśśepho mahāyaśāḥ |
puṣkarakṣetramāgamya viśvāmitraṃ dadarśa ha || 2 ||
tapyantamṛṣibhissārdhaṃ mātulaṃ paramāturaḥ |
vivarṇavadano dīnastṛṣṇayā ca śrameṇa ca || 3 ||
papātāṅke munerāśu vākyaṃ cedamuvāca ha |
na me'sti mātā na pitā jñātayo bāndhavāḥ kutaḥ || 4 ||
trātumarhasi māṃ saumya dharmeṇa munipuṅgava |
trātā tvaṃ hi muniśreṣṭha sarveṣāṃ tvaṃ hi bhāvanaḥ || 5 ||
rājā ca kṛtakāryassyādahaṃ dīrghāyuravyayaḥ |
svargalokamupāśnīyāṃ tapastaptvāhyanuttamam || 6 ||
tvaṃ me nātho hyanāthasya bhava bhavyena cetasā |
piteva putraṃ dharmātmaṃ strātumarhasi kilbiṣāt || 7 ||
tasya tadvacanaṃ śrutvā viśvāmitro mahātapāḥ |
sāntvayitvā bahuvidhaṃ putrānidamuvāca ha || 8 ||
yatkṛte pitaraḥ putrān janayanti śubhārthinaḥ |
paralokahitārthāya tasya kālo'yamāgataḥ || 9 ||
ayaṃ munisuto bālo mattaśśaraṇamicchati |
asya jīvitamātreṇa priyaṃ kuruta putrakāḥ || 10 ||
sarve sukṛtakarmāṇassarve dharmaparāyaṇāḥ |
paśubhūtā narendrasya tṛptimagneḥ prayacchata || 11 ||
nāthavāṃśca śunaśśepho yajñaścāvighnito bhavet |
devatāstarpitāścasyurmama cāpi kṛtaṃ vacaḥ || 12 ||
munestu vacanaṃ śrutvā madhucchandādaya ssutāḥ |
sābhimānaṃ naraśreṣṭha salīlamidamabruvan || 13 ||
kathamātmasutān hitvā trāyase'nyasutaṃ vibho |
akāryamiva paśyāma śśvamāṃsa iva bhojane || 14 ||
teṣāṃ tadvacanaṃ śrutvā putrāṇāṃ munipuṅgavaḥ |
krodhasaṃraktanayano vyāhartumupacakrame || 15 ||
nissādhvasamidaṃ proktaṃ dharmādapi vigarhitam |
atikramya tu madvākyaṃ dāruṇaṃ romaharṣaṇam || 16 ||
śvamāṃsabhojinassarve vāsiṣṭhā iva jātiṣu |
pūrṇaṃ varṣasahasraṃ tu pṛthivyāmanuvatsyatha || 17 ||
kṛtvā śāpasamāyuktān putrān munivarastathā |
śunaśśephamuvācārtaṃ kṛtvā rakṣāṃ nirāmayam || 18 ||
pavitrapāśairāsakto raktamālyānulepanaḥ |
vaiṣṇavaṃ yūpamāsādya vāgbhiragnimudāhara || 19 ||
ime tu gāthe dve divye gāyethā muniputraka |
ambarīṣasya yajñe'smiṃstata ssiddhimavāpsyasi || 20 ||
śunaśśepho gṛhītvā te dve gāthe susamāhitaḥ |
tvarayā rājasiṃhaṃ tamambarīṣamuvāca ha || 21 ||
rājasiṃha mahāsattva śīghraṃ gacchāvahe sadaḥ |
nirvartayasva rājendra dīkṣāṃ ca samupāviśa || 22 ||
tadvākyamṛṣiputrasya śrutvā harṣasamutsukaḥ |
jagāma nṛpati śśīghraṃ yajñavāṭamatandritaḥ || 23 ||
sadasyānumate rājā pavitrakṛtalakṣaṇam |
paśuṃ raktāmbaraṃ kṛtvā yūpe taṃ samabandhayat || 24 ||
sabaddho vāgbhiragyrābhirabhituṣṭāva vai surau |
indramindrānujaṃ caiva yathāvanmuniputrakaḥ || 25 ||
tataḥ prīta ssahasrākṣo rahasyastutitarpitaḥ |
dīrghamāyustadā prādācchunaśśephāya rāghava || 26 ||
sa ca rājā naraśreṣṭha yajñasya ca samāptavān |
phalaṃ bahuguṇaṃ rāma sahasrākṣaprasādajam || 27 ||
viśvāmitro 'pi dharmātmā bhūyastepe mahātapāḥ |
puṣkareṣu naraśreṣṭha daśavarṣaśatāni ca || 28 ||
ityārṣe śrīmadrāmāyaṇe vālmīkīya ādikāvye bālakāṇḍe dviṣaṣṭitamassargaḥ ||
🕉️ This is the original Sanskrit rendered in Tamil script.
Pronunciation is identical to the Sanskrit Devanagari version.