ஶ்ரீமத்வால்மீகீய ராமாயணே பாலகாண்டம் ।
அத த்ரிபஞ்சாஶஸ்ஸர்கஃ ।
ஏவமுக்தா வஸிஷ்டேந ஶபலா ஶத்ருஸூதந ।
விததே காமதுக்காமாந்யஸ்ய யஸ்ய யதேப்ஸிதம் ॥ 1 ॥
இக்ஷூந்மதூம் ஸ்ததா லாஜாந்மைரேயாம்ஶ்ச வராஸநாந் ।
பாநாநி ச மஹார்ஹாணி பக்ஷ்யாம்ஶ்சோச்சாவசாம் ஸ்ததா ॥ 2 ॥
உஷ்ணாட்யஸ்யோதநஸ்யாத்ர ராஶயஃ பர்வதோபமாஃ ।
ம்ரு'ஷ்டாந்நாநி ச ஸூபாஶ்ச ததிகுல்யாஸ்ததைவ ச ॥ 3 ॥
நாநாஸ்வாதுரஸாநாம் ச ஷாடபாநாம் ததைவ ச ।
பாஜநாநி ஸுபூர்ணாநி கௌடாநி ச ஸஹஸ்ரஶஃ ॥ 4 ॥
ஸர்வமாஸீத்ஸுஸந்துஷ்டம் ஹ்ரு'ஷ்டபுஷ்டஜநாயுதம் ।
விஶ்வாமித்ரபலம் ராம வஸிஷ்டேநாபிதர்பிதம் ॥ 5 ॥
விஶ்வாமித்ரோऽபி ராஜர்ஷிர்ஹ்ரு'ஷ்டஃ புஷ்டஸ்ததாபவத் ।
ஸாந்தஃபுரவரோ ராஜா ஸப்ராஹ்மணபுரோஹிதஃ ॥ 6 ॥
ஸாமாத்யோ மந்த்ரிஸஹிதஸ்ஸப்ரு'த்யஃ பூஜிதஸ்ததா ।
யுக்தஃ பரமஹர்ஷேண வஸிஷ்டமிதமப்ரவீத் ॥ 7 ॥
பூஜிதோऽஹம் த்வயா ப்ரஹ்மந் பூஜார்ஹேண ஸுஸத்க்ரு'தஃ ।
ஶ்ரூயதாமபிதாஸ்யாமி வாக்யம் வாக்யவிஶாரத ॥ 8 ॥
கவாம் ஶதஸஹஸ்ரேண தீயதாம் ஶபலா மம ।
ரத்நம் ஹி பகவந்நேதத்ரத்நஹாரீ ச ப்ரார்திவஃ ॥ 9 ॥
தஸ்மாந்மே ஶபலாம் தேஹி மமைஷா தர்மதோ த்விஜ ।
ஏவமுக்தஸ்து பகவாந்வஸிஷ்டோ முநிஸத்தமஃ ।
விஶ்வாமித்ரேண தர்மாத்மா ப்ரத்யுவாச மஹீபதிம் ॥ 10 ॥
நாஹம் ஶதஸஹஸ்ரேண நாபி கோடிஶதைர்கவாம் ।
ராஜந் தாஸ்யாமி ஶபலாம் ராஶிபீ ரஜதஸ்ய ச ॥ 11 ॥
ந பரித்யாகமர்ஹேயம் மத்ஸகாஶாதரிந்தம ।
ஶாஶ்வதீ ஶபலா மஹ்யம் கீர்திராத்மவதோ யதா ॥ 12 ॥
அஸ்யாம் ஹவ்யம் ச கவ்யம் ச ப்ராணயாத்ரா ததைவ ச ।
ஆயத்தமக்நிஹோத்ரம் ச பலிர்ஹோமஸ்ததைவ ச ॥ 13 ॥
ஸ்வாஹாகாரவஷட்காரௌ வித்யாஶ்ச விவிதா ஸ்ததா ।
ஆயத்தமத்ர ராஜர்ஷே ஸர்வமேதந்ந ஸம்ஶயஃ ॥ 14 ॥
ஸர்வஸ்வமேதத்ஸத்யேந மம துஷ்டிகரீ ஸதா ।
காரணைர்பஹுபீ ராஜந்ந தாஸ்யே ஶபலாம் தவ ॥ 15 ॥
வஸிஷ்டேநைவமுக்தஸ்து விஶ்வாமித்ரோऽப்ரவீத்ததஃ ।
ஸம்ரப்ததரமத்யர்தம் வாக்யம் வாக்யவிஶாரதஃ ॥ 16 ॥
ஹைரண்யகக்ஷ்யாக்ரைவேயாந் ஸுவர்ணாங்குஶபூஷிதாந் ।
ததாமி குஞ்ஜராம்ஸ்தேஷாம் ஸஹஸ்ராணி சதுர்தஶ ॥ 17 ॥
ஹைரண்யாநாம் ரதாநாம் ச ஶ்வேதாஶ்வாநாம் சதுர்யுஜாம் ।
ததாமி தே ஶதாந்யஷ்டௌ கிங்கிணீகவிபூஷிதாந் ॥ 18 ॥
ஹயாநாம் தேஶஜாதாநாம் குலஜாநாம் மஹௌஜஸாம் ।
ஸஹஸ்ரமேகம் தஶ ச ததாமி தவ ஸுவ்ரத ॥ 19 ॥
நாநாவர்ணவிபக்தாநாம் வயஸ்ஸ்தாநாம் ததைவ ச ।
ததாம்யேகாம் கவாம் கோடிம் ஶபலா தீயதாம் மம ॥ 20 ॥
யாவதிச்சஸி ரத்நம் வா ஹிரண்யம் வா த்விஜோத்தம ।
தாவத்ததாமி தத்ஸர்வம் ஶபலா தீயதாம் மம ॥ 21 ॥
ஏவமுக்தஸ்து பகவாந் விஶ்வாமித்ரேண தீமதா ।
ந தாஸ்யாமீதி ஶபலாம் ப்ராஹ ராஜந் கதஞ்சந ॥ 22 ॥
ஏததேவ ஹி மே ரத்நமேததேவ ஹி மே தநம் ।
ஏததேவ ஹி ஸர்வஸ்வமேததேவ ஹி ஜீவிதம் ॥ 23 ॥
தர்ஶஶ்ச பூர்ணமாஸஶ்ச யஜ்ஞாஶ்சைவாப்ததக்ஷிணாஃ ।
ஏததேவ ஹி மே ராஜந் விவிதாஶ்ச க்ரியாஸ்ததா ॥ 24 ॥
அதோமூலாஃ க்ரியாஸ்ஸர்வா மம ராஜந்ந ஸம்ஶயஃ ।
பஹுநா கிம் ப்ரலாபேந ந தாஸ்யே காமதோஹிநீம் ॥ 25 ॥
இத்யார்ஷே ஶ்ரீமத்ராமாயணே வால்மீகீய ஆதிகாவ்யே பாலகாண்டே த்ரிபஞ்சாஶஸ்ஸர்கஃ ॥
Roman (IAST) Transliteration
śrīmadvālmīkīya rāmāyaṇe bālakāṇḍam |
atha tripañcāśassargaḥ |
evamuktā vasiṣṭhena śabalā śatrusūdana |
vidadhe kāmadhukkāmānyasya yasya yathepsitam || 1 ||
ikṣūnmadhūṃ stathā lājānmaireyāṃśca varāsanān |
pānāni ca mahārhāṇi bhakṣyāṃścoccāvacāṃ stathā || 2 ||
uṣṇāḍhyasyodanasyātra rāśayaḥ parvatopamāḥ |
mṛṣṭānnāni ca sūpāśca dadhikulyāstathaiva ca || 3 ||
nānāsvādurasānāṃ ca ṣāḍabānāṃ tathaiva ca |
bhājanāni supūrṇāni gauḍāni ca sahasraśaḥ || 4 ||
sarvamāsītsusantuṣṭhaṃ hṛṣṭapuṣṭajanāyutam |
viśvāmitrabalaṃ rāma vasiṣṭhenābhitarpitam || 5 ||
viśvāmitro'pi rājarṣirhṛṣṭaḥ puṣṭastadābhavat |
sāntaḥpuravaro rājā sabrāhmaṇapurohitaḥ || 6 ||
sāmātyo mantrisahitassabhṛtyaḥ pūjitastadā |
yuktaḥ paramaharṣeṇa vasiṣṭhamidamabravīt || 7 ||
pūjito'haṃ tvayā brahman pūjārheṇa susatkṛtaḥ |
śrūyatāmabhidhāsyāmi vākyaṃ vākyaviśārada || 8 ||
gavāṃ śatasahasreṇa dīyatāṃ śabalā mama |
ratnaṃ hi bhagavannetadratnahārī ca prārthivaḥ || 9 ||
tasmānme śabalāṃ dehi mamaiṣā dharmato dvija |
evamuktastu bhagavānvasiṣṭho munisattamaḥ |
viśvāmitreṇa dharmātmā pratyuvāca mahīpatim || 10 ||
nāhaṃ śatasahasreṇa nāpi koṭiśatairgavām |
rājan dāsyāmi śabalāṃ rāśibhī rajatasya ca || 11 ||
na parityāgamarheyaṃ matsakāśādarindama |
śāśvatī śabalā mahyaṃ kīrtirātmavato yathā || 12 ||
asyāṃ havyaṃ ca kavyaṃ ca prāṇayātrā tathaiva ca |
āyattamagnihotraṃ ca balirhomastathaiva ca || 13 ||
svāhākāravaṣaṭkārau vidyāśca vividhā stathā |
āyattamatra rājarṣe sarvametanna saṃśayaḥ || 14 ||
sarvasvametatsatyena mama tuṣṭikarī sadā |
kāraṇairbahubhī rājanna dāsye śabalāṃ tava || 15 ||
vasiṣṭhenaivamuktastu viśvāmitro'bravīttataḥ |
saṃrabdhataramatyarthaṃ vākyaṃ vākyaviśāradaḥ || 16 ||
hairaṇyakakṣyāgraiveyān suvarṇāṅkuśabhūṣitān |
dadāmi kuñjarāṃsteṣāṃ sahasrāṇi caturdaśa || 17 ||
hairaṇyānāṃ rathānāṃ ca śvetāśvānāṃ caturyujām |
dadāmi te śatānyaṣṭau kiṅkiṇīkavibhūṣitān || 18 ||
hayānāṃ deśajātānāṃ kulajānāṃ mahaujasām |
sahasramekaṃ daśa ca dadāmi tava suvrata || 19 ||
nānāvarṇavibhaktānāṃ vayassthānāṃ tathaiva ca |
dadāmyekāṃ gavāṃ koṭiṃ śabalā dīyatāṃ mama || 20 ||
yāvadicchasi ratnaṃ vā hiraṇyaṃ vā dvijottama |
tāvaddadāmi tatsarvaṃ śabalā dīyatāṃ mama || 21 ||
evamuktastu bhagavān viśvāmitreṇa dhīmatā |
na dāsyāmīti śabalāṃ prāha rājan kathañcana || 22 ||
etadeva hi me ratnametadeva hi me dhanam |
etadeva hi sarvasvametadeva hi jīvitam || 23 ||
darśaśca pūrṇamāsaśca yajñāścaivāptadakṣiṇāḥ |
etadeva hi me rājan vividhāśca kriyāstathā || 24 ||
adomūlāḥ kriyāssarvā mama rājanna saṃśayaḥ |
bahunā kiṃ pralāpena na dāsye kāmadohinīm || 25 ||
ityārṣe śrīmadrāmāyaṇe vālmīkīya ādikāvye bālakāṇḍe tripañcāśassargaḥ ||
Sanskrit — Devanagari (original)
श्रीमद्वाल्मीकीय रामायणे बालकाण्डम् ।
अथ त्रिपञ्चाशस्सर्गः ।
एवमुक्ता वसिष्ठेन शबला शत्रुसूदन ।
विदधे कामधुक्कामान्यस्य यस्य यथेप्सितम् ॥ 1 ॥
इक्षून्मधूं स्तथा लाजान्मैरेयांश्च वरासनान् ।
पानानि च महार्हाणि भक्ष्यांश्चोच्चावचां स्तथा ॥ 2 ॥
उष्णाढ्यस्योदनस्यात्र राशयः पर्वतोपमाः ।
मृष्टान्नानि च सूपाश्च दधिकुल्यास्तथैव च ॥ 3 ॥
नानास्वादुरसानां च षाडबानां तथैव च ।
भाजनानि सुपूर्णानि गौडानि च सहस्रशः ॥ 4 ॥
सर्वमासीत्सुसन्तुष्ठं हृष्टपुष्टजनायुतम् ।
विश्वामित्रबलं राम वसिष्ठेनाभितर्पितम् ॥ 5 ॥
विश्वामित्रोऽपि राजर्षिर्हृष्टः पुष्टस्तदाभवत् ।
सान्तःपुरवरो राजा सब्राह्मणपुरोहितः ॥ 6 ॥
सामात्यो मन्त्रिसहितस्सभृत्यः पूजितस्तदा ।
युक्तः परमहर्षेण वसिष्ठमिदमब्रवीत् ॥ 7 ॥
पूजितोऽहं त्वया ब्रह्मन् पूजार्हेण सुसत्कृतः ।
श्रूयतामभिधास्यामि वाक्यं वाक्यविशारद ॥ 8 ॥
गवां शतसहस्रेण दीयतां शबला मम ।
रत्नं हि भगवन्नेतद्रत्नहारी च प्रार्थिवः ॥ 9 ॥
तस्मान्मे शबलां देहि ममैषा धर्मतो द्विज ।
एवमुक्तस्तु भगवान्वसिष्ठो मुनिसत्तमः ।
विश्वामित्रेण धर्मात्मा प्रत्युवाच महीपतिम् ॥ 10 ॥
नाहं शतसहस्रेण नापि कोटिशतैर्गवाम् ।
राजन् दास्यामि शबलां राशिभी रजतस्य च ॥ 11 ॥
न परित्यागमर्हेयं मत्सकाशादरिन्दम ।
शाश्वती शबला मह्यं कीर्तिरात्मवतो यथा ॥ 12 ॥
अस्यां हव्यं च कव्यं च प्राणयात्रा तथैव च ।
आयत्तमग्निहोत्रं च बलिर्होमस्तथैव च ॥ 13 ॥
स्वाहाकारवषट्कारौ विद्याश्च विविधा स्तथा ।
आयत्तमत्र राजर्षे सर्वमेतन्न संशयः ॥ 14 ॥
सर्वस्वमेतत्सत्येन मम तुष्टिकरी सदा ।
कारणैर्बहुभी राजन्न दास्ये शबलां तव ॥ 15 ॥
वसिष्ठेनैवमुक्तस्तु विश्वामित्रोऽब्रवीत्ततः ।
संरब्धतरमत्यर्थं वाक्यं वाक्यविशारदः ॥ 16 ॥
हैरण्यकक्ष्याग्रैवेयान् सुवर्णाङ्कुशभूषितान् ।
ददामि कुञ्जरांस्तेषां सहस्राणि चतुर्दश ॥ 17 ॥
हैरण्यानां रथानां च श्वेताश्वानां चतुर्युजाम् ।
ददामि ते शतान्यष्टौ किङ्किणीकविभूषितान् ॥ 18 ॥
हयानां देशजातानां कुलजानां महौजसाम् ।
सहस्रमेकं दश च ददामि तव सुव्रत ॥ 19 ॥
नानावर्णविभक्तानां वयस्स्थानां तथैव च ।
ददाम्येकां गवां कोटिं शबला दीयतां मम ॥ 20 ॥
यावदिच्छसि रत्नं वा हिरण्यं वा द्विजोत्तम ।
तावद्ददामि तत्सर्वं शबला दीयतां मम ॥ 21 ॥
एवमुक्तस्तु भगवान् विश्वामित्रेण धीमता ।
न दास्यामीति शबलां प्राह राजन् कथञ्चन ॥ 22 ॥
एतदेव हि मे रत्नमेतदेव हि मे धनम् ।
एतदेव हि सर्वस्वमेतदेव हि जीवितम् ॥ 23 ॥
दर्शश्च पूर्णमासश्च यज्ञाश्चैवाप्तदक्षिणाः ।
एतदेव हि मे राजन् विविधाश्च क्रियास्तथा ॥ 24 ॥
अदोमूलाः क्रियास्सर्वा मम राजन्न संशयः ।
बहुना किं प्रलापेन न दास्ये कामदोहिनीम् ॥ 25 ॥
इत्यार्षे श्रीमद्रामायणे वाल्मीकीय आदिकाव्ये बालकाण्डे त्रिपञ्चाशस्सर्गः ॥
śrīmadvālmīkīya rāmāyaṇe bālakāṇḍam |
atha tripañcāśassargaḥ |
evamuktā vasiṣṭhena śabalā śatrusūdana |
vidadhe kāmadhukkāmānyasya yasya yathepsitam || 1 ||
ikṣūnmadhūṃ stathā lājānmaireyāṃśca varāsanān |
pānāni ca mahārhāṇi bhakṣyāṃścoccāvacāṃ stathā || 2 ||
uṣṇāḍhyasyodanasyātra rāśayaḥ parvatopamāḥ |
mṛṣṭānnāni ca sūpāśca dadhikulyāstathaiva ca || 3 ||
nānāsvādurasānāṃ ca ṣāḍabānāṃ tathaiva ca |
bhājanāni supūrṇāni gauḍāni ca sahasraśaḥ || 4 ||
sarvamāsītsusantuṣṭhaṃ hṛṣṭapuṣṭajanāyutam |
viśvāmitrabalaṃ rāma vasiṣṭhenābhitarpitam || 5 ||
viśvāmitro'pi rājarṣirhṛṣṭaḥ puṣṭastadābhavat |
sāntaḥpuravaro rājā sabrāhmaṇapurohitaḥ || 6 ||
sāmātyo mantrisahitassabhṛtyaḥ pūjitastadā |
yuktaḥ paramaharṣeṇa vasiṣṭhamidamabravīt || 7 ||
pūjito'haṃ tvayā brahman pūjārheṇa susatkṛtaḥ |
śrūyatāmabhidhāsyāmi vākyaṃ vākyaviśārada || 8 ||
gavāṃ śatasahasreṇa dīyatāṃ śabalā mama |
ratnaṃ hi bhagavannetadratnahārī ca prārthivaḥ || 9 ||
tasmānme śabalāṃ dehi mamaiṣā dharmato dvija |
evamuktastu bhagavānvasiṣṭho munisattamaḥ |
viśvāmitreṇa dharmātmā pratyuvāca mahīpatim || 10 ||
nāhaṃ śatasahasreṇa nāpi koṭiśatairgavām |
rājan dāsyāmi śabalāṃ rāśibhī rajatasya ca || 11 ||
na parityāgamarheyaṃ matsakāśādarindama |
śāśvatī śabalā mahyaṃ kīrtirātmavato yathā || 12 ||
asyāṃ havyaṃ ca kavyaṃ ca prāṇayātrā tathaiva ca |
āyattamagnihotraṃ ca balirhomastathaiva ca || 13 ||
svāhākāravaṣaṭkārau vidyāśca vividhā stathā |
āyattamatra rājarṣe sarvametanna saṃśayaḥ || 14 ||
sarvasvametatsatyena mama tuṣṭikarī sadā |
kāraṇairbahubhī rājanna dāsye śabalāṃ tava || 15 ||
vasiṣṭhenaivamuktastu viśvāmitro'bravīttataḥ |
saṃrabdhataramatyarthaṃ vākyaṃ vākyaviśāradaḥ || 16 ||
hairaṇyakakṣyāgraiveyān suvarṇāṅkuśabhūṣitān |
dadāmi kuñjarāṃsteṣāṃ sahasrāṇi caturdaśa || 17 ||
hairaṇyānāṃ rathānāṃ ca śvetāśvānāṃ caturyujām |
dadāmi te śatānyaṣṭau kiṅkiṇīkavibhūṣitān || 18 ||
hayānāṃ deśajātānāṃ kulajānāṃ mahaujasām |
sahasramekaṃ daśa ca dadāmi tava suvrata || 19 ||
nānāvarṇavibhaktānāṃ vayassthānāṃ tathaiva ca |
dadāmyekāṃ gavāṃ koṭiṃ śabalā dīyatāṃ mama || 20 ||
yāvadicchasi ratnaṃ vā hiraṇyaṃ vā dvijottama |
tāvaddadāmi tatsarvaṃ śabalā dīyatāṃ mama || 21 ||
evamuktastu bhagavān viśvāmitreṇa dhīmatā |
na dāsyāmīti śabalāṃ prāha rājan kathañcana || 22 ||
etadeva hi me ratnametadeva hi me dhanam |
etadeva hi sarvasvametadeva hi jīvitam || 23 ||
darśaśca pūrṇamāsaśca yajñāścaivāptadakṣiṇāḥ |
etadeva hi me rājan vividhāśca kriyāstathā || 24 ||
adomūlāḥ kriyāssarvā mama rājanna saṃśayaḥ |
bahunā kiṃ pralāpena na dāsye kāmadohinīm || 25 ||
ityārṣe śrīmadrāmāyaṇe vālmīkīya ādikāvye bālakāṇḍe tripañcāśassargaḥ ||
🕉️ This is the original Sanskrit rendered in Tamil script.
Pronunciation is identical to the Sanskrit Devanagari version.