ஶ்ரீமத்வால்மீகீய ராமாயணே பாலகாண்டம் ।
அத ஷட்ஷஷ்டிதமஸ்ஸர்கஃ ।
ததஃ ப்ரபாதே விமலே க்ரு'தகர்மா நராதிபஃ ।
விஶ்வாமித்ரம் மஹாத்மாநம் ஆஜுஹாவ ஸராகவம் ॥ 1 ॥
தமர்சயித்வா தர்மாத்மா ஶாஸ்த்ரத்ரு'ஷ்டேந கர்மணா ।
ராகவௌ ச மஹாத்மாநௌ ததா வாக்யமுவாச ஹ ॥ 2 ॥
பகவந் ஸ்வாகதம் தேऽஸ்து கிம் கரோமி தவாநக ।
பவாநாஜ்ஞாபயது மாமாஜ்ஞாப்யோ பவதா ஹ்யஹம் ॥ 3 ॥
ஏவமுக்தஸ்ஸ தர்மாத்மா ஜநகேந மஹாத்மநா ।
ப்ரத்யுவாச முநிர்வீரம் வாக்யம் வாக்யவிஶாரதஃ ॥ 4 ॥
புத்ரௌ தஶரதஸ்யேமௌ க்ஷத்ரியௌ லோகவிஶ்ருதௌ ।
த்ருஷ்டுகாமௌ தநு ஶ்ஶ்ரேஷ்டம் யதேதத்வயி திஷ்டதி ॥ 5 ॥
ஏதத்தர்ஶய பத்ரம் தே க்ரு'தகாமௌ ந்ரு'பாத்மஜௌ ।
தர்ஶநாதஸ்ய தநுஷோ யதேஷ்டம் ப்ரதியாஸ்யதஃ ॥ 6 ॥
ஏவமுக்தஸ்து ஜநகஃ ப்ரத்யுவாச மஹாமுநிம் ।
ஶ்ரூயதாமஸ்ய தநுஷோ யதர்தமிஹ திஷ்டதி ॥ 7 ॥
தேவராத இதி க்யாதோ நிமேஷ்ஷஷ்டோ மஹீபதிஃ ।
ந்யாஸோऽயம் தஸ்ய பகவந் ஹஸ்தே தத்தோ மஹாத்மநா ॥ 8 ॥
தக்ஷயஜ்ஞவதே பூர்வம் தநுராயம்ய வீர்யவாந் ।
ருத்ரஸ்து த்ரிதஶாந் ரோஷாத்ஸலீலமிதமப்ரவீத் ॥ 9 ॥
யஸ்மாத்பாகார்திநோ பாகாந்நாகல்பயத மே ஸுராஃ ।
வராங்காணி மஹார்ஹாணி தநுஷா ஶாதயாமி வஃ ॥ 10 ॥
ததோ விமநஸஸ்ஸர்வே தேவா வை முநிபுங்கவ ।
ப்ரஸாதயந்தி தேவேஶம் தேஷாம் ப்ரீதோऽபவத்பவஃ ॥ 11 ॥
ப்ரீதியுக்தஸ்ஸ ஸர்வேஷாம் ததௌ தேஷாம் மஹாத்மநாம் ।
ததேதத்தேவதேவஸ்ய தநூரத்நம் மஹாத்மநஃ ।
ந்யாஸபூதம் ததா ந்யஸ்தமஸ்மாகம் பூர்வ கே விபோ ॥ 12 ॥
அத மே க்ரு'ஷதஃ க்ஷேத்ரம் லாங்கூலாதுத்திதா மயா ।
க்ஷேத்ரம் ஶோதயதா லப்தா நாம்நா ஸீதேதி விஶ்ருதா ॥ 13 ॥
பூதலாதுத்திதா ஸா து வ்யவர்தத மமாத்மஜா ।
வீர்யஶுல்கேதி மே கந்யா ஸ்தாபிதேயமயோநிஜா ॥ 14 ॥
பூதலாதுத்திதாம் தாம் து வர்தமாநாம் மமாத்மஜாம் ।
வரயாமாஸுராகம்ய ராஜாநோ முநிபுங்கவ ॥ 15 ॥
தேஷாம் வரயதாம் கந்யாம் ஸர்வேஷாம் ப்ரு'திவீக்ஷிதாம் ।
வீர்யஶுல்கேதி பகவந் ந ததாமி ஸுதாமஹம் ॥ 16 ॥
ததஸ்ஸர்வே ந்ரு'பதய ஸ்ஸமேத்ய முநிபுங்கவ ।
மிதிலாமப்யுபாகம்ய வீர்யஜிஜ்ஞாஸவஸ்ததா ॥ 17 ॥
தேஷாம் ஜிஜ்ஞாஸமாநாநாம் வீர்யம் தநுருபாஹ்ரு'தம் ।
ந ஶேகுர்க்ரஹணே தஸ்ய தநுஷஸ்தோலநேऽபி வா ॥ 18 ॥
தேஷாம் வீர்யவதாம் வீர்யமல்பம் ஜ்ஞாத்வா மஹாமுநே ।
ப்ரத்யாக்யாதா ந்ரு'பதயஸ்தந்நிபோத தபோதந ॥ 19 ॥
ததஃ பரமகோபேந ராஜாநோ ந்ரு'பபுங்கவ ।
ந்யருந்தந்மிதிலாம் ஸர்வே வீர்யஸந்தேஹமாகதாஃ ॥ 20 ॥
ஆத்மாநமவதூதம் தே விஜ்ஞாய ந்ரு'பபுங்கவாஃ ।
ரோஷேண மஹதாऽऽவிஷ்டாஃ பீடயந்மிதிலாம் புரீம் ॥ 21 ॥
ததஸ்ஸம்வத்ஸரே பூர்ணே க்ஷயம் யாதாநி ஸர்வஶஃ ।
ஸாதநாநி முநிஶ்ரேஷ்ட ததோऽஹம் ப்ரு'ஶதுஃகிதஃ ॥ 22 ॥
ததோ தேவகணாந் ஸர்வாந் தபஸாऽஹம் ப்ரஸாதயம் ।
ததுஶ்ச பரமப்ரீதா ஶ்சதுரங்கபலம் ஸுராஃ ॥ 23 ॥
ததோ பக்நா ந்ரு'பதயோ ஹந்யமாநா திஶோ யயுஃ ।
அவீர்யா வீர்யஸந்திக்தா ஸ்ஸாமாத்யாஃ பாபகர்மணஃ ॥ 24 ॥
ததேதந்முநிஶார்தூல தநுஃ பரமபாஸ்வரம் ।
ராமலக்ஷ்மணயோஶ்சாபி தர்ஶயிஷ்யாமி ஸுவ்ரத ॥ 25 ॥
யத்யஸ்ய தநுஷோ ராமஃ குர்யாதாரோபணம் முநே ।
ஸுதாமயோநிஜாம் ஸீதாம் தத்யாம் தாஶரதேரஹம் ॥ 26 ॥
இத்யார்ஷே ஶ்ரீமத்ராமாயணே வால்மீகீய ஆதிகாவ்யே பாலகாண்டே ஷட்ஷஷ்டிதமஸ்ஸர்கஃ ॥
Roman (IAST) Transliteration
śrīmadvālmīkīya rāmāyaṇe bālakāṇḍam |
atha ṣaṭṣaṣṭitamassargaḥ |
tataḥ prabhāte vimale kṛtakarmā narādhipaḥ |
viśvāmitraṃ mahātmānaṃ ājuhāva sarāghavam || 1 ||
tamarcayitvā dharmātmā śāstradṛṣṭena karmaṇā |
rāghavau ca mahātmānau tadā vākyamuvāca ha || 2 ||
bhagavan svāgataṃ te'stu kiṃ karomi tavānagha |
bhavānājñāpayatu māmājñāpyo bhavatā hyaham || 3 ||
evamuktassa dharmātmā janakena mahātmanā |
pratyuvāca munirvīraṃ vākyaṃ vākyaviśāradaḥ || 4 ||
putrau daśarathasyemau kṣatriyau lokaviśrutau |
druṣṭukāmau dhanu śśreṣṭhaṃ yadetatvayi tiṣṭhati || 5 ||
etaddarśaya bhadraṃ te kṛtakāmau nṛpātmajau |
darśanādasya dhanuṣo yatheṣṭaṃ pratiyāsyataḥ || 6 ||
evamuktastu janakaḥ pratyuvāca mahāmunim |
śrūyatāmasya dhanuṣo yadarthamiha tiṣṭhati || 7 ||
devarāta iti khyāto nimeṣṣaṣṭho mahīpatiḥ |
nyāso'yaṃ tasya bhagavan haste datto mahātmanā || 8 ||
dakṣayajñavadhe pūrvaṃ dhanurāyamya vīryavān |
rudrastu tridaśān roṣātsalīlamidamabravīt || 9 ||
yasmādbhāgārthino bhāgānnākalpayata me surāḥ |
varāṅgāṇi mahārhāṇi dhanuṣā śātayāmi vaḥ || 10 ||
tato vimanasassarve devā vai munipuṅgava |
prasādayanti deveśaṃ teṣāṃ prīto'bhavadbhavaḥ || 11 ||
prītiyuktassa sarveṣāṃ dadau teṣāṃ mahātmanām |
tadetaddevadevasya dhanūratnaṃ mahātmanaḥ |
nyāsabhūtaṃ tadā nyastamasmākaṃ pūrva ke vibho || 12 ||
atha me kṛṣataḥ kṣetraṃ lāṅgūlādutthitā mayā |
kṣetraṃ śodhayatā labdhā nāmnā sīteti viśrutā || 13 ||
bhūtalādutthitā sā tu vyavardhata mamātmajā |
vīryaśulketi me kanyā sthāpiteyamayonijā || 14 ||
bhūtalādutthitāṃ tāṃ tu vardhamānāṃ mamātmajām |
varayāmāsurāgamya rājāno munipuṅgava || 15 ||
teṣāṃ varayatāṃ kanyāṃ sarveṣāṃ pṛthivīkṣitām |
vīryaśulketi bhagavan na dadāmi sutāmaham || 16 ||
tatassarve nṛpataya ssametya munipuṅgava |
mithilāmabhyupāgamya vīryajijñāsavastadā || 17 ||
teṣāṃ jijñāsamānānāṃ vīryaṃ dhanurupāhṛtam |
na śekurgrahaṇe tasya dhanuṣastolane'pi vā || 18 ||
teṣāṃ vīryavatāṃ vīryamalpaṃ jñātvā mahāmune |
pratyākhyātā nṛpatayastannibodha tapodhana || 19 ||
tataḥ paramakopena rājāno nṛpapuṅgava |
nyarundhanmithilāṃ sarve vīryasandehamāgatāḥ || 20 ||
ātmānamavadhūtaṃ te vijñāya nṛpapuṅgavāḥ |
roṣeṇa mahatā''viṣṭāḥ pīḍayanmithilāṃ purīm || 21 ||
tatassaṃvatsare pūrṇe kṣayaṃ yātāni sarvaśaḥ |
sādhanāni muniśreṣṭha tato'haṃ bhṛśaduḥkhitaḥ || 22 ||
tato devagaṇān sarvān tapasā'haṃ prasādayam |
daduśca paramaprītā ścaturaṅgabalaṃ surāḥ || 23 ||
tato bhagnā nṛpatayo hanyamānā diśo yayuḥ |
avīryā vīryasandigdhā ssāmātyāḥ pāpakarmaṇaḥ || 24 ||
tadetanmuniśārdūla dhanuḥ paramabhāsvaram |
rāmalakṣmaṇayoścāpi darśayiṣyāmi suvrata || 25 ||
yadyasya dhanuṣo rāmaḥ kuryādāropaṇaṃ mune |
sutāmayonijāṃ sītāṃ dadyāṃ dāśaratheraham || 26 ||
ityārṣe śrīmadrāmāyaṇe vālmīkīya ādikāvye bālakāṇḍe ṣaṭṣaṣṭitamassargaḥ ||
Sanskrit — Devanagari (original)
श्रीमद्वाल्मीकीय रामायणे बालकाण्डम् ।
अथ षट्षष्टितमस्सर्गः ।
ततः प्रभाते विमले कृतकर्मा नराधिपः ।
विश्वामित्रं महात्मानं आजुहाव सराघवम् ॥ 1 ॥
तमर्चयित्वा धर्मात्मा शास्त्रदृष्टेन कर्मणा ।
राघवौ च महात्मानौ तदा वाक्यमुवाच ह ॥ 2 ॥
भगवन् स्वागतं तेऽस्तु किं करोमि तवानघ ।
भवानाज्ञापयतु मामाज्ञाप्यो भवता ह्यहम् ॥ 3 ॥
एवमुक्तस्स धर्मात्मा जनकेन महात्मना ।
प्रत्युवाच मुनिर्वीरं वाक्यं वाक्यविशारदः ॥ 4 ॥
पुत्रौ दशरथस्येमौ क्षत्रियौ लोकविश्रुतौ ।
द्रुष्टुकामौ धनु श्श्रेष्ठं यदेतत्वयि तिष्ठति ॥ 5 ॥
एतद्दर्शय भद्रं ते कृतकामौ नृपात्मजौ ।
दर्शनादस्य धनुषो यथेष्टं प्रतियास्यतः ॥ 6 ॥
एवमुक्तस्तु जनकः प्रत्युवाच महामुनिम् ।
श्रूयतामस्य धनुषो यदर्थमिह तिष्ठति ॥ 7 ॥
देवरात इति ख्यातो निमेष्षष्ठो महीपतिः ।
न्यासोऽयं तस्य भगवन् हस्ते दत्तो महात्मना ॥ 8 ॥
दक्षयज्ञवधे पूर्वं धनुरायम्य वीर्यवान् ।
रुद्रस्तु त्रिदशान् रोषात्सलीलमिदमब्रवीत् ॥ 9 ॥
यस्माद्भागार्थिनो भागान्नाकल्पयत मे सुराः ।
वराङ्गाणि महार्हाणि धनुषा शातयामि वः ॥ 10 ॥
ततो विमनसस्सर्वे देवा वै मुनिपुङ्गव ।
प्रसादयन्ति देवेशं तेषां प्रीतोऽभवद्भवः ॥ 11 ॥
प्रीतियुक्तस्स सर्वेषां ददौ तेषां महात्मनाम् ।
तदेतद्देवदेवस्य धनूरत्नं महात्मनः ।
न्यासभूतं तदा न्यस्तमस्माकं पूर्व के विभो ॥ 12 ॥
अथ मे कृषतः क्षेत्रं लाङ्गूलादुत्थिता मया ।
क्षेत्रं शोधयता लब्धा नाम्ना सीतेति विश्रुता ॥ 13 ॥
भूतलादुत्थिता सा तु व्यवर्धत ममात्मजा ।
वीर्यशुल्केति मे कन्या स्थापितेयमयोनिजा ॥ 14 ॥
भूतलादुत्थितां तां तु वर्धमानां ममात्मजाम् ।
वरयामासुरागम्य राजानो मुनिपुङ्गव ॥ 15 ॥
तेषां वरयतां कन्यां सर्वेषां पृथिवीक्षिताम् ।
वीर्यशुल्केति भगवन् न ददामि सुतामहम् ॥ 16 ॥
ततस्सर्वे नृपतय स्समेत्य मुनिपुङ्गव ।
मिथिलामभ्युपागम्य वीर्यजिज्ञासवस्तदा ॥ 17 ॥
तेषां जिज्ञासमानानां वीर्यं धनुरुपाहृतम् ।
न शेकुर्ग्रहणे तस्य धनुषस्तोलनेऽपि वा ॥ 18 ॥
तेषां वीर्यवतां वीर्यमल्पं ज्ञात्वा महामुने ।
प्रत्याख्याता नृपतयस्तन्निबोध तपोधन ॥ 19 ॥
ततः परमकोपेन राजानो नृपपुङ्गव ।
न्यरुन्धन्मिथिलां सर्वे वीर्यसन्देहमागताः ॥ 20 ॥
आत्मानमवधूतं ते विज्ञाय नृपपुङ्गवाः ।
रोषेण महताऽऽविष्टाः पीडयन्मिथिलां पुरीम् ॥ 21 ॥
ततस्संवत्सरे पूर्णे क्षयं यातानि सर्वशः ।
साधनानि मुनिश्रेष्ठ ततोऽहं भृशदुःखितः ॥ 22 ॥
ततो देवगणान् सर्वान् तपसाऽहं प्रसादयम् ।
ददुश्च परमप्रीता श्चतुरङ्गबलं सुराः ॥ 23 ॥
ततो भग्ना नृपतयो हन्यमाना दिशो ययुः ।
अवीर्या वीर्यसन्दिग्धा स्सामात्याः पापकर्मणः ॥ 24 ॥
तदेतन्मुनिशार्दूल धनुः परमभास्वरम् ।
रामलक्ष्मणयोश्चापि दर्शयिष्यामि सुव्रत ॥ 25 ॥
यद्यस्य धनुषो रामः कुर्यादारोपणं मुने ।
सुतामयोनिजां सीतां दद्यां दाशरथेरहम् ॥ 26 ॥
इत्यार्षे श्रीमद्रामायणे वाल्मीकीय आदिकाव्ये बालकाण्डे षट्षष्टितमस्सर्गः ॥
śrīmadvālmīkīya rāmāyaṇe bālakāṇḍam |
atha ṣaṭṣaṣṭitamassargaḥ |
tataḥ prabhāte vimale kṛtakarmā narādhipaḥ |
viśvāmitraṃ mahātmānaṃ ājuhāva sarāghavam || 1 ||
tamarcayitvā dharmātmā śāstradṛṣṭena karmaṇā |
rāghavau ca mahātmānau tadā vākyamuvāca ha || 2 ||
bhagavan svāgataṃ te'stu kiṃ karomi tavānagha |
bhavānājñāpayatu māmājñāpyo bhavatā hyaham || 3 ||
evamuktassa dharmātmā janakena mahātmanā |
pratyuvāca munirvīraṃ vākyaṃ vākyaviśāradaḥ || 4 ||
putrau daśarathasyemau kṣatriyau lokaviśrutau |
druṣṭukāmau dhanu śśreṣṭhaṃ yadetatvayi tiṣṭhati || 5 ||
etaddarśaya bhadraṃ te kṛtakāmau nṛpātmajau |
darśanādasya dhanuṣo yatheṣṭaṃ pratiyāsyataḥ || 6 ||
evamuktastu janakaḥ pratyuvāca mahāmunim |
śrūyatāmasya dhanuṣo yadarthamiha tiṣṭhati || 7 ||
devarāta iti khyāto nimeṣṣaṣṭho mahīpatiḥ |
nyāso'yaṃ tasya bhagavan haste datto mahātmanā || 8 ||
dakṣayajñavadhe pūrvaṃ dhanurāyamya vīryavān |
rudrastu tridaśān roṣātsalīlamidamabravīt || 9 ||
yasmādbhāgārthino bhāgānnākalpayata me surāḥ |
varāṅgāṇi mahārhāṇi dhanuṣā śātayāmi vaḥ || 10 ||
tato vimanasassarve devā vai munipuṅgava |
prasādayanti deveśaṃ teṣāṃ prīto'bhavadbhavaḥ || 11 ||
prītiyuktassa sarveṣāṃ dadau teṣāṃ mahātmanām |
tadetaddevadevasya dhanūratnaṃ mahātmanaḥ |
nyāsabhūtaṃ tadā nyastamasmākaṃ pūrva ke vibho || 12 ||
atha me kṛṣataḥ kṣetraṃ lāṅgūlādutthitā mayā |
kṣetraṃ śodhayatā labdhā nāmnā sīteti viśrutā || 13 ||
bhūtalādutthitā sā tu vyavardhata mamātmajā |
vīryaśulketi me kanyā sthāpiteyamayonijā || 14 ||
bhūtalādutthitāṃ tāṃ tu vardhamānāṃ mamātmajām |
varayāmāsurāgamya rājāno munipuṅgava || 15 ||
teṣāṃ varayatāṃ kanyāṃ sarveṣāṃ pṛthivīkṣitām |
vīryaśulketi bhagavan na dadāmi sutāmaham || 16 ||
tatassarve nṛpataya ssametya munipuṅgava |
mithilāmabhyupāgamya vīryajijñāsavastadā || 17 ||
teṣāṃ jijñāsamānānāṃ vīryaṃ dhanurupāhṛtam |
na śekurgrahaṇe tasya dhanuṣastolane'pi vā || 18 ||
teṣāṃ vīryavatāṃ vīryamalpaṃ jñātvā mahāmune |
pratyākhyātā nṛpatayastannibodha tapodhana || 19 ||
tataḥ paramakopena rājāno nṛpapuṅgava |
nyarundhanmithilāṃ sarve vīryasandehamāgatāḥ || 20 ||
ātmānamavadhūtaṃ te vijñāya nṛpapuṅgavāḥ |
roṣeṇa mahatā''viṣṭāḥ pīḍayanmithilāṃ purīm || 21 ||
tatassaṃvatsare pūrṇe kṣayaṃ yātāni sarvaśaḥ |
sādhanāni muniśreṣṭha tato'haṃ bhṛśaduḥkhitaḥ || 22 ||
tato devagaṇān sarvān tapasā'haṃ prasādayam |
daduśca paramaprītā ścaturaṅgabalaṃ surāḥ || 23 ||
tato bhagnā nṛpatayo hanyamānā diśo yayuḥ |
avīryā vīryasandigdhā ssāmātyāḥ pāpakarmaṇaḥ || 24 ||
tadetanmuniśārdūla dhanuḥ paramabhāsvaram |
rāmalakṣmaṇayoścāpi darśayiṣyāmi suvrata || 25 ||
yadyasya dhanuṣo rāmaḥ kuryādāropaṇaṃ mune |
sutāmayonijāṃ sītāṃ dadyāṃ dāśaratheraham || 26 ||
ityārṣe śrīmadrāmāyaṇe vālmīkīya ādikāvye bālakāṇḍe ṣaṭṣaṣṭitamassargaḥ ||
🕉️ This is the original Sanskrit rendered in Tamil script.
Pronunciation is identical to the Sanskrit Devanagari version.