𑌶𑍍𑌰𑍀𑌮𑌦𑍍𑌵𑌾𑌲𑍍𑌮𑍀𑌕𑍀𑌯 𑌰𑌾𑌮𑌾𑌯𑌣𑍇 𑌬𑌾𑌲𑌕𑌾𑌣𑍍𑌡𑌮𑍍 ।
𑌅𑌥 𑌷𑌡𑍍𑌵𑌿𑌂𑌶𑌸𑍍𑌸𑌰𑍍𑌗𑌃 ।
𑌮𑍁𑌨𑍇𑌰𑍍𑌵𑌚𑌨𑌮𑌕𑍍𑌲𑍀𑌬𑌂 𑌶𑍍𑌰𑍁𑌤𑍍𑌵𑌾 𑌨𑌰𑌵𑌰𑌾𑌤𑍍𑌮𑌜𑌃 ।
𑌰𑌾𑌘𑌵𑌃 𑌪𑍍𑌰𑌾𑌞𑍍𑌜𑌲𑌿𑌰𑍍𑌭𑍂𑌤𑍍𑌵𑌾 𑌪𑍍𑌰𑌤𑍍𑌯𑍁𑌵𑌾𑌚 𑌦𑍃𑌢𑌵𑍍𑌰𑌤𑌃 ॥ 1 ॥
𑌪𑌿𑌤𑍁𑌰𑍍𑌵𑌚𑌨𑌨𑌿𑌰𑍍𑌦𑍇𑌶𑌾𑌤𑍍𑌪𑌿𑌤𑍁𑌰𑍍𑌵𑌚𑌨𑌗𑍗𑌰𑌵𑌾𑌤𑍍 ।
𑌵𑌚𑌨𑌂 𑌕𑍗𑌶𑌿𑌕𑌸𑍍𑌯𑍇𑌤𑌿 𑌕𑌰𑍍𑌤𑌵𑍍𑌯𑌮𑌵𑌿𑌶𑌙𑍍𑌕𑌯𑌾 ॥ 2 ॥
𑌅𑌨𑍁𑌶𑌿𑌷𑍍𑌟𑍋𑌽𑌸𑍍𑌮𑍍𑌯𑌯𑍋𑌧𑍍𑌯𑌾𑌯𑌾𑌂 𑌗𑍁𑌰𑍁𑌮𑌧𑍍𑌯𑍇 𑌮𑌹𑌾𑌤𑍍𑌮𑌨𑌾 ।
𑌪𑌿𑌤𑍍𑌰𑌾 𑌦𑌶𑌰𑌥𑍇𑌨𑌾𑌹𑌂 𑌨𑌾𑌵𑌜𑍍𑌞𑍇𑌯𑌂 𑌹𑌿 𑌤𑌦𑍍𑌵𑌚𑌃 ॥ 3 ॥
𑌸𑍋𑌽𑌹𑌂 𑌪𑌿𑌤𑍁𑌰𑍍𑌵𑌚𑌶𑍍𑌶𑍍𑌰𑍁𑌤𑍍𑌵𑌾 𑌶𑌾𑌸𑌨𑌾𑌦𑍍𑌬𑍍𑌰𑌹𑍍𑌮𑌵𑌾𑌦𑌿𑌨𑌃 ।
𑌕𑌰𑌿𑌷𑍍𑌯𑌾𑌮𑌿 𑌨 𑌸𑌨𑍍𑌦𑍇𑌹𑌸𑍍𑌤𑌾𑌟𑌕𑌾𑌵𑌧𑌮𑍁𑌤𑍍𑌤𑌮𑌮𑍍 ॥ 4 ॥
𑌗𑍋𑌬𑍍𑌰𑌾𑌹𑍍𑌮𑌣𑌹𑌿𑌤𑌾𑌰𑍍𑌥𑌾𑌯 𑌦𑍇𑌶𑌸𑍍𑌯𑌾𑌸𑍍𑌯 𑌸𑍁𑌖𑌾𑌯 𑌚 ।
𑌤𑌵 𑌚𑍈𑌵𑌾𑌪𑍍𑌰𑌮𑍇𑌯𑌸𑍍𑌯 𑌵𑌚𑌨𑌂 𑌕𑌰𑍍𑌤𑍁𑌮𑍁𑌦𑍍𑌯𑌤𑌃 ॥ 5 ॥
𑌏𑌵𑌮𑍁𑌕𑍍𑌤𑍍𑌵𑌾 𑌧𑌨𑍁𑌰𑍍𑌮𑌧𑍍𑌯𑍇 𑌬𑌧𑍍𑌵𑌾 𑌮𑍁𑌷𑍍𑌟𑌿𑌮𑌰𑌿𑌨𑍍𑌦𑌮𑌃 ।
𑌜𑍍𑌯𑌾𑌶𑌬𑍍𑌦𑌮𑌕𑌰𑍋𑌤𑍍𑌤𑍀𑌵𑍍𑌰𑌂 𑌦𑌿𑌶𑌶𑍍𑌶𑌬𑍍𑌦𑍇𑌨 𑌨𑌾𑌦𑌯𑌨𑍍 ॥ 6 ॥
𑌤𑍇𑌨 𑌶𑌬𑍍𑌦𑍇𑌨 𑌵𑌿𑌤𑍍𑌰𑌸𑍍𑌤𑌾𑌸𑍍𑌤𑌾𑌟𑌕𑌾𑌵𑌨𑌵𑌾𑌸𑌿𑌨𑌃 ।
𑌤𑌾𑌟𑌕𑌾 𑌚 𑌸𑍁𑌸𑌙𑍍𑌕𑍍𑌰𑍁𑌦𑍍𑌧𑌾 𑌤𑍇𑌨 𑌶𑌬𑍍𑌦𑍇𑌨 𑌮𑍋𑌹𑌿𑌤𑌾 ॥ 7 ॥
𑌤𑌂 𑌶𑌬𑍍𑌦𑌮𑌭𑌿𑌨𑌿𑌧𑍍𑌯𑌾𑌯 𑌰𑌾𑌕𑍍𑌷𑌸𑍀 𑌕𑍍𑌰𑍋𑌧𑌮𑍂𑌰𑍍𑌛𑌿𑌤𑌾 ।
𑌶𑍍𑌰𑍁𑌤𑍍𑌵𑌾 𑌚𑌾𑌭𑍍𑌯𑌦𑍍𑌰𑌵𑌦𑍍𑌵𑍇𑌗𑌾𑌦𑍍𑌯𑌤𑌶𑍍𑌶𑌬𑍍𑌦𑍋 𑌵𑌿𑌨𑌿𑌸𑍍𑌸𑍃𑌤𑌃 ॥ 8 ॥
𑌤𑌾𑌂 𑌦𑍃𑌷𑍍𑌟𑍍𑌵𑌾 𑌰𑌾𑌘𑌵𑌃 𑌕𑍍𑌰𑍁𑌦𑍍𑌧𑌾𑌂 𑌵𑌿𑌕𑍃𑌤𑌾𑌂 𑌵𑌿𑌕𑍃𑌤𑌾𑌨𑌨𑌾𑌮𑍍 ।
𑌪𑍍𑌰𑌮𑌾𑌣𑍇𑌨𑌾𑌤𑌿𑌵𑍃𑌦𑍍𑌧𑌾𑌂 𑌚 𑌲𑌕𑍍𑌷𑍍𑌮𑌣𑌂 𑌸𑍋𑌽𑌭𑍍𑌯𑌭𑌾𑌷𑌤 ॥ 9 ॥
𑌪𑌶𑍍𑌯 𑌲𑌕𑍍𑌷𑍍𑌮𑌣 𑌯𑌕𑍍𑌷𑌿𑌣𑍍𑌯𑌾 𑌭𑍈𑌰𑌵𑌂 𑌦𑌾𑌰𑍁𑌣𑌂 𑌵𑌪𑍁𑌃 ।
𑌭𑌿𑌦𑍍𑌯𑍇𑌰𑌨𑍍 𑌦𑌰𑍍𑌶𑌨𑌾𑌦𑌸𑍍𑌯𑌾 𑌭𑍀𑌰𑍂𑌣𑌾𑌂 𑌹𑍃𑌦𑌯𑌾𑌨𑌿 𑌚 ॥ 10 ॥
𑌏𑌨𑌾𑌂 𑌪𑌶𑍍𑌯 𑌦𑍁𑌰𑌾𑌧𑌰𑍍𑌷𑌾𑌂 𑌮𑌾𑌯𑌾𑌬𑌲𑌸𑌮𑌨𑍍𑌵𑌿𑌤𑌾𑌮𑍍 ।
𑌵𑌿𑌨𑌿𑌵𑍃𑌤𑍍𑌤𑌾𑌂 𑌕𑌰𑍋𑌮𑍍𑌯𑌦𑍍𑌯 𑌹𑍃𑌤𑌕𑌰𑍍𑌣𑌾𑌗𑍍𑌰𑌨𑌾𑌸𑌿𑌕𑌾𑌮𑍍 ॥ 11 ॥
𑌨 𑌹𑍍𑌯𑍇𑌨𑌾𑌮𑍁𑌤𑍍𑌸𑌹𑍇 𑌹𑌨𑍍𑌤𑍁𑌂 𑌸𑍍𑌤𑍍𑌰𑍀𑌸𑍍𑌵𑌭𑌾𑌵𑍇𑌨 𑌰𑌕𑍍𑌷𑌿𑌤𑌾𑌮𑍍 ।
𑌵𑍀𑌰𑍍𑌯𑌂 𑌚𑌾𑌸𑍍𑌯𑌾𑌂 𑌗𑌤𑌿𑌂 𑌚𑌾𑌪𑌿 𑌹𑌨𑌿𑌷𑍍𑌯𑌾𑌮𑍀𑌤𑌿 𑌮𑍇 𑌮𑌤𑌿𑌃 ॥ 12 ॥
𑌏𑌵𑌂 𑌬𑍍𑌰𑍁𑌵𑌾𑌣𑍇 𑌰𑌾𑌮𑍇 𑌤𑍁 𑌤𑌾𑌟𑌕𑌾 𑌕𑍍𑌰𑍋𑌧𑌮𑍂𑌰𑍍𑌛𑌿𑌤𑌾 ।
𑌉𑌦𑍍𑌯𑌮𑍍𑌯 𑌬𑌾𑌹𑍂 𑌗𑌰𑍍𑌜𑌨𑍍𑌤𑍀 𑌰𑌾𑌮𑌮𑍇𑌵𑌾𑌭𑍍𑌯𑌧𑌾𑌵𑌤 ॥ 13 ॥
𑌵𑌿𑌶𑍍𑌵𑌾𑌮𑌿𑌤𑍍𑌰𑌸𑍍𑌤𑍁 𑌬𑍍𑌰𑌹𑍍𑌮𑌰𑍍𑌷𑌿𑌰𑍍𑌹𑍁𑌙𑍍𑌕𑌾𑌰𑍇𑌣𑌾𑌭𑌿𑌭𑌰𑍍𑌤𑍍𑌸𑍍𑌯𑌤𑌾𑌮𑍍 ।
𑌸𑍍𑌵𑌸𑍍𑌤𑌿 𑌰𑌾𑌘𑌵𑌯𑍋𑌰𑌸𑍍𑌤𑍁 𑌜𑌯𑌂 𑌚𑍈𑌵𑌾𑌭𑍍𑌯𑌭𑌾𑌷𑌤 ॥ 14 ॥
𑌉𑌦𑍍𑌧𑍂𑌨𑍍𑌵𑌾𑌨𑌾 𑌰𑌜𑍋 𑌘𑍋𑌰𑌂 𑌤𑌾𑌟𑌕𑌾 𑌰𑌾𑌘𑌵𑌾𑌵𑍁𑌭𑍗 ।
𑌰𑌜𑍋𑌮𑍋𑌹𑍇𑌨 𑌮𑌹𑌤𑌾 𑌮𑍁𑌹𑍂𑌰𑍍𑌤𑌂 𑌸𑌾 𑌵𑍍𑌯𑌮𑍋𑌹𑌯𑌤𑍍 ॥ 15 ॥
𑌤𑌤𑍋 𑌮𑌾𑌯𑌾𑌂 𑌸𑌮𑌾𑌸𑍍𑌥𑌾𑌯 𑌶𑌿𑌲𑌾𑌵𑌰𑍍𑌷𑍇𑌣 𑌰𑌾𑌘𑌵𑍗 ।
𑌅𑌵𑌾𑌕𑌿𑌰𑌤𑍍𑌸𑍁𑌮𑌹𑌤𑌾 𑌤𑌤𑌶𑍍𑌚𑍁𑌕𑍍𑌰𑍋𑌧 𑌰𑌾𑌘𑌵𑌃 ॥ 16 ॥
𑌶𑌿𑌲𑌾𑌵𑌰𑍍𑌷𑌂 𑌮𑌹𑌤𑍍𑌤𑌸𑍍𑌯𑌾𑌶𑍍𑌶𑌰𑌵𑌰𑍍𑌷𑍇𑌣 𑌰𑌾𑌘𑌵𑌃 ।
𑌪𑍍𑌰𑌤𑌿𑌹𑌤𑍍𑌯𑍋𑌪𑌧𑌾𑌵𑌨𑍍𑌤𑍍𑌯𑌾𑌃 𑌕𑌰𑍗 𑌚𑌿𑌚𑍍𑌛𑍇𑌦 𑌪𑌤𑍍𑌰𑌿𑌭𑌿𑌃 ॥ 17 ॥
𑌤𑌤𑌶𑍍𑌛𑌿𑌨𑍍𑌨𑌭𑍁𑌜𑌾𑌂 𑌶𑍍𑌰𑌾𑌨𑍍𑌤𑌾𑌮𑌭𑍍𑌯𑌾𑌶𑍇 𑌪𑌰𑌿𑌗𑌰𑍍𑌜𑌤𑍀𑌮𑍍 ।
𑌸𑍗𑌮𑌿𑌤𑍍𑌰𑌿𑌰𑌕𑌰𑍋𑌤𑍍𑌕𑍍𑌰𑍋𑌧𑌾𑌦𑍍𑌧𑍃𑌤𑌕𑌰𑍍𑌣𑌾𑌗𑍍𑌰𑌨𑌾𑌸𑌿𑌕𑌾𑌮𑍍 ॥ 18 ॥
𑌕𑌾𑌮𑌰𑍂𑌪𑌧𑌰𑌾 𑌸𑌦𑍍𑌯𑌃 𑌕𑍃𑌤𑍍𑌵𑌾 𑌰𑍂𑌪𑌾𑌣𑍍𑌯𑌨𑍇𑌕𑌶𑌃 ।
𑌅𑌨𑍍𑌤𑌰𑍍𑌧𑌾𑌨𑌂 𑌗𑌤𑌾 𑌯𑌕𑍍𑌷𑍀 𑌮𑍋𑌹𑌯𑌨𑍍𑌤𑍀𑌵 𑌮𑌾𑌯𑌯𑌾 ॥ 19 ॥
𑌅𑌶𑍍𑌮𑌵𑌰𑍍𑌷𑌂 𑌵𑌿𑌮𑍁𑌞𑍍𑌚𑌨𑍍𑌤𑍀 𑌭𑍈𑌰𑌵𑌂 𑌵𑌿𑌚𑌚𑌾𑌰 𑌹 ।
𑌤𑌤𑌸𑍍𑌤𑌾𑌵𑌶𑍍𑌮𑌵𑌰𑍍𑌷𑍇𑌣 𑌕𑍀𑌰𑍍𑌯𑌮𑌾𑌣𑍗 𑌸𑌮𑌨𑍍𑌤𑌤𑌃 ॥ 20 ॥
𑌦𑍃𑌷𑍍𑌟𑍍𑌵𑌾 𑌗𑌾𑌧𑌿𑌸𑍁𑌤𑌶𑍍𑌶𑍍𑌰𑍀𑌮𑌾𑌨𑌿𑌦𑌂 𑌵𑌚𑌨𑌮𑌬𑍍𑌰𑌵𑍀𑌤𑍍 ।
𑌅𑌲𑌂 𑌤𑍇 𑌘𑍃𑌣𑌯𑌾 𑌰𑌾𑌮 𑌪𑌾𑌪𑍈𑌷𑌾 𑌦𑍁𑌷𑍍𑌟𑌚𑌾𑌰𑌿𑌣𑍀 ॥ 21 ॥
𑌯𑌜𑍍𑌞𑌵𑌿𑌘𑍍𑌨𑌕𑌰𑍀 𑌯𑌕𑍍𑌷𑍀 𑌪𑍁𑌰𑌾𑌵𑌰𑍍𑌧𑌤𑌿 𑌮𑌾𑌯𑌯𑌾 ।
𑌵𑌧𑍍𑌯𑌤𑌾𑌂 𑌤𑌾𑌵𑌦𑍇𑌵𑍈𑌷𑌾 𑌪𑍁𑌰𑌾 𑌸𑌨𑍍𑌧𑍍𑌯𑌾 𑌪𑍍𑌰𑌵𑌰𑍍𑌤𑌤𑍇 ॥ 22 ॥
𑌰𑌕𑍍𑌷𑌾𑌂𑌸𑌿 𑌸𑌨𑍍𑌧𑍍𑌯𑌾𑌕𑌾𑌲𑍇𑌷𑍁 𑌦𑍁𑌰𑍍𑌧𑌰𑍍𑌷𑌾𑌣𑌿 𑌭𑌵𑌨𑍍𑌤𑌿 𑌵𑍈 ।
𑌇𑌤𑍍𑌯𑍁𑌕𑍍𑌤𑌸𑍍𑌤𑍁 𑌤𑌦𑌾 𑌯𑌕𑍍𑌷𑍀 𑌅𑌶𑍍𑌮𑌵𑍃𑌷𑍍𑌟𑍍𑌯𑌾𑌭𑌿𑌵𑌰𑍍𑌷𑌤𑍀𑌮𑍍 ॥ 23 ॥
𑌦𑌰𑍍𑌶𑌯𑌨𑍍 𑌶𑌬𑍍𑌦𑌵𑍇𑌧𑌿𑌤𑍍𑌵𑌂 𑌤𑌾𑌂 𑌰𑍁𑌰𑍋𑌧 𑌸 𑌸𑌾𑌯𑌕𑍈𑌃 ।
𑌸𑌾 𑌰𑍁𑌦𑍍𑌧𑌾 𑌶𑌰𑌜𑌾𑌲𑍇𑌨 𑌮𑌾𑌯𑌾𑌬𑌲𑌸𑌮𑌨𑍍𑌵𑌿𑌤𑌾 ॥ 24 ॥
𑌅𑌭𑌿𑌦𑍁𑌦𑍍𑌰𑌾𑌵 𑌕𑌾𑌕𑍁𑌤𑍍𑌸𑍍𑌥𑌂 𑌲𑌕𑍍𑌷𑍍𑌮𑌣𑌂 𑌚 𑌵𑌿𑌨𑍇𑌦𑍁𑌷𑍀 ।
𑌤𑌾𑌮𑌾𑌪𑌤𑌨𑍍𑌤𑍀𑌂 𑌵𑍇𑌗𑍇𑌨 𑌵𑌿𑌕𑍍𑌰𑌾𑌨𑍍𑌤𑌾𑌮𑌶𑌨𑍀𑌮𑌿𑌵 ॥ 25 ॥
𑌶𑌰𑍇𑌣𑍋𑌰𑌸𑌿 𑌵𑌿𑌵𑍍𑌯𑌾𑌥 𑌸𑌾 𑌪𑌪𑌾𑌤 𑌮𑌮𑌾𑌰 𑌚 ।
𑌤𑌾𑌂 𑌹𑌤𑌾𑌂 𑌭𑍀𑌮𑌸𑌙𑍍𑌕𑌾𑌶𑌾𑌂 𑌦𑍃𑌷𑍍𑌟𑍍𑌵𑌾 𑌸𑍁𑌰𑌪𑌤𑌿𑌸𑍍𑌤𑌦𑌾 ॥ 26 ॥
𑌸𑌾𑌧𑍁 𑌸𑌾𑌧𑍍𑌵𑌿𑌤𑌿 𑌕𑌾𑌕𑍁𑌤𑍍𑌸𑍍𑌥𑌂 𑌸𑍁𑌰𑌾𑌶𑍍𑌚 𑌸𑌮𑌪𑍂𑌜𑌯𑌨𑍍 ।
𑌉𑌵𑌾𑌚 𑌪𑌰𑌮𑌪𑍍𑌰𑍀𑌤 𑌸𑍍𑌸𑌹𑌸𑍍𑌰𑌾𑌕𑍍𑌷𑌃 𑌪𑍁𑌰𑌨𑍍𑌦𑌰𑌃 ॥ 27 ॥
𑌸𑍁𑌰𑌾𑌶𑍍𑌚 𑌸𑌰𑍍𑌵𑍇 𑌸𑌂𑌹𑍃𑌷𑍍𑌟𑌾 𑌵𑌿𑌶𑍍𑌵𑌾𑌮𑌿𑌤𑍍𑌰𑌮𑌥𑌾𑌬𑍍𑌰𑍁𑌵𑌨𑍍 ।
𑌮𑍁𑌨𑍇 𑌕𑍗𑌶𑌿𑌕 𑌭𑌦𑍍𑌰𑌂 𑌤𑍇 𑌸𑍇𑌨𑍍𑌦𑍍𑌰𑌾𑌸𑍍𑌸𑌰𑍍𑌵𑍇 𑌮𑌰𑍁𑌦𑍍𑌗𑌣𑌾𑌃 ॥ 28 ॥
𑌤𑍋𑌷𑌿𑌤𑌾𑌃 𑌕𑌰𑍍𑌮𑌣𑌾𑌽𑌨𑍇𑌨 𑌸𑍍𑌨𑍇𑌹𑌂 𑌦𑌰𑍍𑌶𑌯 𑌰𑌾𑌘𑌵𑍇 ।
𑌪𑍍𑌰𑌜𑌾𑌪𑌤𑍇𑌰𑍍𑌭𑍃𑌶𑌾𑌶𑍍𑌵𑌸𑍍𑌯 𑌪𑍁𑌤𑍍𑌰𑌾𑌨𑍍 𑌸𑌤𑍍𑌯𑌪𑌰𑌾𑌕𑍍𑌰𑌮𑌾𑌨𑍍 ॥ 29 ॥
𑌤𑌪𑍋𑌬𑌲𑌭𑍃𑌤𑍋 𑌬𑍍𑌰𑌹𑍍𑌮𑌨𑍍 𑌰𑌾𑌘𑌵𑌾𑌯 𑌨𑌿𑌵𑍇𑌦𑌯 ।
𑌪𑌾𑌤𑍍𑌰𑌭𑍂𑌤𑌶𑍍𑌚 𑌤𑍇 𑌬𑍍𑌰𑌹𑍍𑌮𑌂𑌸𑍍𑌤𑌵𑌾𑌨𑍁𑌗𑌮𑌨𑍇 𑌧𑍃𑌤𑌃 ॥ 30 ॥
𑌕𑌰𑍍𑌤𑌵𑍍𑌯𑌂 𑌚 𑌮𑌹𑌤𑍍𑌕𑌰𑍍𑌮 𑌸𑍁𑌰𑌾𑌣𑌾𑌂 𑌰𑌾𑌜𑌸𑍂𑌨𑍁𑌨𑌾 ।
𑌏𑌵𑌮𑍁𑌕𑍍𑌤𑍍𑌵𑌾 𑌸𑍁𑌰𑌾𑌸𑍍𑌸𑌰𑍍𑌵𑍇 𑌹𑍃𑌷𑍍𑌟𑌾 𑌜𑌗𑍍𑌮𑍁𑌰𑍍𑌯𑌥𑌾𑌗𑌤𑌮𑍍 ॥ 31 ॥
𑌵𑌿𑌶𑍍𑌵𑌾𑌮𑌿𑌤𑍍𑌰𑌂 𑌪𑍁𑌰𑌸𑍍𑌕𑍃𑌤𑍍𑌯 𑌤𑌤𑌸𑍍𑌸𑌨𑍍𑌧𑍍𑌯𑌾 𑌪𑍍𑌰𑌵𑌰𑍍𑌤𑌤𑍇 ।
𑌤𑌤𑍋 𑌮𑍁𑌨𑌿𑌵𑌰𑌃 𑌪𑍍𑌰𑍀𑌤𑌸𑍍𑌤𑌾𑌟𑌕𑌾𑌵𑌧𑌤𑍋𑌷𑌿𑌤𑌃 ॥ 32 ॥
𑌮𑍂𑌰𑍍𑌧𑍍𑌨𑌿 𑌰𑌾𑌮𑌮𑍁𑌪𑌾𑌘𑍍𑌰𑌾𑌯 𑌇𑌦𑌂 𑌵𑌚𑌨𑌮𑌬𑍍𑌰𑌵𑍀𑌤𑍍 ।
𑌇𑌹𑌾𑌦𑍍𑌯 𑌰𑌜𑌨𑍀𑌂 𑌰𑌾𑌮 𑌵𑌸𑍇𑌮 𑌶𑍁𑌭𑌦𑌰𑍍𑌶𑌨 ॥ 33 ॥
𑌶𑍍𑌵𑌃 𑌪𑍍𑌰𑌭𑌾𑌤𑍇 𑌗𑌮𑌿𑌷𑍍𑌯𑌾𑌮𑌸𑍍𑌤𑌦𑌾𑌶𑍍𑌰𑌮𑌪𑌦𑌂 𑌮𑌮 ।
𑌵𑌿𑌶𑍍𑌵𑌾𑌮𑌿𑌤𑍍𑌰𑌵𑌚𑌃 𑌶𑍍𑌰𑍁𑌤𑍍𑌵𑌾 𑌹𑍃𑌷𑍍𑌟𑍋 𑌦𑌶𑌰𑌥𑌾𑌤𑍍𑌮𑌜𑌃 ॥ 34 ॥
𑌉𑌵𑌾𑌸 𑌰𑌜𑌨𑍀𑌂 𑌤𑌤𑍍𑌰 𑌤𑌾𑌟𑌕𑌾𑌯𑌾 𑌵𑌨𑍇 𑌸𑍁𑌖𑌮𑍍 ।
𑌮𑍁𑌕𑍍𑌤𑌶𑌾𑌪𑌂 𑌵𑌨𑌂 𑌤𑌚𑍍𑌚 𑌤𑌸𑍍𑌮𑌿𑌨𑍍𑌨𑍇𑌵 𑌤𑌦𑌾𑌹𑌨𑌿 ॥ 35 ॥
𑌰𑌮𑌣𑍀𑌯𑌂 𑌵𑌿𑌬𑌭𑍍𑌰𑌾𑌜 𑌯𑌥𑌾 𑌚𑍈𑌤𑍍𑌰𑌰𑌥𑌂 𑌵𑌨𑌮𑍍 ।
𑌨𑌿𑌹𑌤𑍍𑌯 𑌤𑌾𑌂 𑌯𑌕𑍍𑌷𑌸𑍁𑌤𑌾𑌂 𑌸 𑌰𑌾𑌮𑌃 𑌪𑍍𑌰𑌶𑌸𑍍𑌯𑌮𑌾𑌨𑌸𑍍𑌸𑍁𑌰𑌸𑌿𑌦𑍍𑌧𑌸𑌙𑍍𑌘𑍈𑌃 ।
𑌉𑌵𑌾𑌸 𑌤𑌸𑍍𑌮𑌿𑌨𑍍𑌮𑍁𑌨𑌿𑌨𑌾 𑌸𑌹𑍈𑌵 𑌪𑍍𑌰𑌭𑌾𑌤𑌵𑍇𑌲𑌾𑌂 𑌪𑍍𑌰𑌤𑌿𑌬𑍋𑌧𑍍𑌯𑌮𑌾𑌨𑌃 ॥ 36 ॥
𑌇𑌤𑍍𑌯𑌾𑌰𑍍𑌷𑍇 𑌶𑍍𑌰𑍀𑌮𑌦𑍍𑌰𑌾𑌮𑌾𑌯𑌣𑍇 𑌵𑌾𑌲𑍍𑌮𑍀𑌕𑍀𑌯 𑌆𑌦𑌿𑌕𑌾𑌵𑍍𑌯𑍇 𑌬𑌾𑌲𑌕𑌾𑌣𑍍𑌡𑍇 𑌷𑌡𑍍𑌵𑌿𑌂𑌶𑌸𑍍𑌸𑌰𑍍𑌗𑌃 ॥
Roman (IAST) Transliteration
śrīmadvālmīkīya rāmāyaṇe bālakāṇḍam |
atha ṣaḍviṃśassargaḥ |
munervacanamaklībaṃ śrutvā naravarātmajaḥ |
rāghavaḥ prāñjalirbhūtvā pratyuvāca dṛḍhavrataḥ || 1 ||
piturvacananirdeśātpiturvacanagauravāt |
vacanaṃ kauśikasyeti kartavyamaviśaṅkayā || 2 ||
anuśiṣṭo'smyayodhyāyāṃ gurumadhye mahātmanā |
pitrā daśarathenāhaṃ nāvajñeyaṃ hi tadvacaḥ || 3 ||
so'haṃ piturvacaśśrutvā śāsanādbrahmavādinaḥ |
kariṣyāmi na sandehastāṭakāvadhamuttamam || 4 ||
gobrāhmaṇahitārthāya deśasyāsya sukhāya ca |
tava caivāprameyasya vacanaṃ kartumudyataḥ || 5 ||
evamuktvā dhanurmadhye badhvā muṣṭimarindamaḥ |
jyāśabdamakarottīvraṃ diśaśśabdena nādayan || 6 ||
tena śabdena vitrastāstāṭakāvanavāsinaḥ |
tāṭakā ca susaṅkruddhā tena śabdena mohitā || 7 ||
taṃ śabdamabhinidhyāya rākṣasī krodhamūrchitā |
śrutvā cābhyadravadvegādyataśśabdo vinissṛtaḥ || 8 ||
tāṃ dṛṣṭvā rāghavaḥ kruddhāṃ vikṛtāṃ vikṛtānanām |
pramāṇenātivṛddhāṃ ca lakṣmaṇaṃ so'bhyabhāṣata || 9 ||
paśya lakṣmaṇa yakṣiṇyā bhairavaṃ dāruṇaṃ vapuḥ |
bhidyeran darśanādasyā bhīrūṇāṃ hṛdayāni ca || 10 ||
enāṃ paśya durādharṣāṃ māyābalasamanvitām |
vinivṛttāṃ karomyadya hṛtakarṇāgranāsikām || 11 ||
na hyenāmutsahe hantuṃ strīsvabhāvena rakṣitām |
vīryaṃ cāsyāṃ gatiṃ cāpi haniṣyāmīti me matiḥ || 12 ||
evaṃ bruvāṇe rāme tu tāṭakā krodhamūrchitā |
udyamya bāhū garjantī rāmamevābhyadhāvata || 13 ||
viśvāmitrastu brahmarṣirhuṅkāreṇābhibhartsyatām |
svasti rāghavayorastu jayaṃ caivābhyabhāṣata || 14 ||
uddhūnvānā rajo ghoraṃ tāṭakā rāghavāvubhau |
rajomohena mahatā muhūrtaṃ sā vyamohayat || 15 ||
tato māyāṃ samāsthāya śilāvarṣeṇa rāghavau |
avākiratsumahatā tataścukrodha rāghavaḥ || 16 ||
śilāvarṣaṃ mahattasyāśśaravarṣeṇa rāghavaḥ |
pratihatyopadhāvantyāḥ karau ciccheda patribhiḥ || 17 ||
tataśchinnabhujāṃ śrāntāmabhyāśe parigarjatīm |
saumitrirakarotkrodhāddhṛtakarṇāgranāsikām || 18 ||
kāmarūpadharā sadyaḥ kṛtvā rūpāṇyanekaśaḥ |
antardhānaṃ gatā yakṣī mohayantīva māyayā || 19 ||
aśmavarṣaṃ vimuñcantī bhairavaṃ vicacāra ha |
tatastāvaśmavarṣeṇa kīryamāṇau samantataḥ || 20 ||
dṛṣṭvā gādhisutaśśrīmānidaṃ vacanamabravīt |
alaṃ te ghṛṇayā rāma pāpaiṣā duṣṭacāriṇī || 21 ||
yajñavighnakarī yakṣī purāvardhati māyayā |
vadhyatāṃ tāvadevaiṣā purā sandhyā pravartate || 22 ||
rakṣāṃsi sandhyākāleṣu durdharṣāṇi bhavanti vai |
ityuktastu tadā yakṣī aśmavṛṣṭyābhivarṣatīm || 23 ||
darśayan śabdavedhitvaṃ tāṃ rurodha sa sāyakaiḥ |
sā ruddhā śarajālena māyābalasamanvitā || 24 ||
abhidudrāva kākutsthaṃ lakṣmaṇaṃ ca vineduṣī |
tāmāpatantīṃ vegena vikrāntāmaśanīmiva || 25 ||
śareṇorasi vivyātha sā papāta mamāra ca |
tāṃ hatāṃ bhīmasaṅkāśāṃ dṛṣṭvā surapatistadā || 26 ||
sādhu sādhviti kākutsthaṃ surāśca samapūjayan |
uvāca paramaprīta ssahasrākṣaḥ purandaraḥ || 27 ||
surāśca sarve saṃhṛṣṭā viśvāmitramathābruvan |
mune kauśika bhadraṃ te sendrāssarve marudgaṇāḥ || 28 ||
toṣitāḥ karmaṇā'nena snehaṃ darśaya rāghave |
prajāpaterbhṛśāśvasya putrān satyaparākramān || 29 ||
tapobalabhṛto brahman rāghavāya nivedaya |
pātrabhūtaśca te brahmaṃstavānugamane dhṛtaḥ || 30 ||
kartavyaṃ ca mahatkarma surāṇāṃ rājasūnunā |
evamuktvā surāssarve hṛṣṭā jagmuryathāgatam || 31 ||
viśvāmitraṃ puraskṛtya tatassandhyā pravartate |
tato munivaraḥ prītastāṭakāvadhatoṣitaḥ || 32 ||
mūrdhni rāmamupāghrāya idaṃ vacanamabravīt |
ihādya rajanīṃ rāma vasema śubhadarśana || 33 ||
śvaḥ prabhāte gamiṣyāmastadāśramapadaṃ mama |
viśvāmitravacaḥ śrutvā hṛṣṭo daśarathātmajaḥ || 34 ||
uvāsa rajanīṃ tatra tāṭakāyā vane sukham |
muktaśāpaṃ vanaṃ tacca tasminneva tadāhani || 35 ||
ramaṇīyaṃ vibabhrāja yathā caitrarathaṃ vanam |
nihatya tāṃ yakṣasutāṃ sa rāmaḥ praśasyamānassurasiddhasaṅghaiḥ |
uvāsa tasminmuninā sahaiva prabhātavelāṃ pratibodhyamānaḥ || 36 ||
ityārṣe śrīmadrāmāyaṇe vālmīkīya ādikāvye bālakāṇḍe ṣaḍviṃśassargaḥ ||
Sanskrit — Devanagari (original)
श्रीमद्वाल्मीकीय रामायणे बालकाण्डम् ।
अथ षड्विंशस्सर्गः ।
मुनेर्वचनमक्लीबं श्रुत्वा नरवरात्मजः ।
राघवः प्राञ्जलिर्भूत्वा प्रत्युवाच दृढव्रतः ॥ 1 ॥
पितुर्वचननिर्देशात्पितुर्वचनगौरवात् ।
वचनं कौशिकस्येति कर्तव्यमविशङ्कया ॥ 2 ॥
अनुशिष्टोऽस्म्ययोध्यायां गुरुमध्ये महात्मना ।
पित्रा दशरथेनाहं नावज्ञेयं हि तद्वचः ॥ 3 ॥
सोऽहं पितुर्वचश्श्रुत्वा शासनाद्ब्रह्मवादिनः ।
करिष्यामि न सन्देहस्ताटकावधमुत्तमम् ॥ 4 ॥
गोब्राह्मणहितार्थाय देशस्यास्य सुखाय च ।
तव चैवाप्रमेयस्य वचनं कर्तुमुद्यतः ॥ 5 ॥
एवमुक्त्वा धनुर्मध्ये बध्वा मुष्टिमरिन्दमः ।
ज्याशब्दमकरोत्तीव्रं दिशश्शब्देन नादयन् ॥ 6 ॥
तेन शब्देन वित्रस्तास्ताटकावनवासिनः ।
ताटका च सुसङ्क्रुद्धा तेन शब्देन मोहिता ॥ 7 ॥
तं शब्दमभिनिध्याय राक्षसी क्रोधमूर्छिता ।
श्रुत्वा चाभ्यद्रवद्वेगाद्यतश्शब्दो विनिस्सृतः ॥ 8 ॥
तां दृष्ट्वा राघवः क्रुद्धां विकृतां विकृताननाम् ।
प्रमाणेनातिवृद्धां च लक्ष्मणं सोऽभ्यभाषत ॥ 9 ॥
पश्य लक्ष्मण यक्षिण्या भैरवं दारुणं वपुः ।
भिद्येरन् दर्शनादस्या भीरूणां हृदयानि च ॥ 10 ॥
एनां पश्य दुराधर्षां मायाबलसमन्विताम् ।
विनिवृत्तां करोम्यद्य हृतकर्णाग्रनासिकाम् ॥ 11 ॥
न ह्येनामुत्सहे हन्तुं स्त्रीस्वभावेन रक्षिताम् ।
वीर्यं चास्यां गतिं चापि हनिष्यामीति मे मतिः ॥ 12 ॥
एवं ब्रुवाणे रामे तु ताटका क्रोधमूर्छिता ।
उद्यम्य बाहू गर्जन्ती राममेवाभ्यधावत ॥ 13 ॥
विश्वामित्रस्तु ब्रह्मर्षिर्हुङ्कारेणाभिभर्त्स्यताम् ।
स्वस्ति राघवयोरस्तु जयं चैवाभ्यभाषत ॥ 14 ॥
उद्धून्वाना रजो घोरं ताटका राघवावुभौ ।
रजोमोहेन महता मुहूर्तं सा व्यमोहयत् ॥ 15 ॥
ततो मायां समास्थाय शिलावर्षेण राघवौ ।
अवाकिरत्सुमहता ततश्चुक्रोध राघवः ॥ 16 ॥
शिलावर्षं महत्तस्याश्शरवर्षेण राघवः ।
प्रतिहत्योपधावन्त्याः करौ चिच्छेद पत्रिभिः ॥ 17 ॥
ततश्छिन्नभुजां श्रान्तामभ्याशे परिगर्जतीम् ।
सौमित्रिरकरोत्क्रोधाद्धृतकर्णाग्रनासिकाम् ॥ 18 ॥
कामरूपधरा सद्यः कृत्वा रूपाण्यनेकशः ।
अन्तर्धानं गता यक्षी मोहयन्तीव मायया ॥ 19 ॥
अश्मवर्षं विमुञ्चन्ती भैरवं विचचार ह ।
ततस्तावश्मवर्षेण कीर्यमाणौ समन्ततः ॥ 20 ॥
दृष्ट्वा गाधिसुतश्श्रीमानिदं वचनमब्रवीत् ।
अलं ते घृणया राम पापैषा दुष्टचारिणी ॥ 21 ॥
यज्ञविघ्नकरी यक्षी पुरावर्धति मायया ।
वध्यतां तावदेवैषा पुरा सन्ध्या प्रवर्तते ॥ 22 ॥
रक्षांसि सन्ध्याकालेषु दुर्धर्षाणि भवन्ति वै ।
इत्युक्तस्तु तदा यक्षी अश्मवृष्ट्याभिवर्षतीम् ॥ 23 ॥
दर्शयन् शब्दवेधित्वं तां रुरोध स सायकैः ।
सा रुद्धा शरजालेन मायाबलसमन्विता ॥ 24 ॥
अभिदुद्राव काकुत्स्थं लक्ष्मणं च विनेदुषी ।
तामापतन्तीं वेगेन विक्रान्तामशनीमिव ॥ 25 ॥
शरेणोरसि विव्याथ सा पपात ममार च ।
तां हतां भीमसङ्काशां दृष्ट्वा सुरपतिस्तदा ॥ 26 ॥
साधु साध्विति काकुत्स्थं सुराश्च समपूजयन् ।
उवाच परमप्रीत स्सहस्राक्षः पुरन्दरः ॥ 27 ॥
सुराश्च सर्वे संहृष्टा विश्वामित्रमथाब्रुवन् ।
मुने कौशिक भद्रं ते सेन्द्रास्सर्वे मरुद्गणाः ॥ 28 ॥
तोषिताः कर्मणाऽनेन स्नेहं दर्शय राघवे ।
प्रजापतेर्भृशाश्वस्य पुत्रान् सत्यपराक्रमान् ॥ 29 ॥
तपोबलभृतो ब्रह्मन् राघवाय निवेदय ।
पात्रभूतश्च ते ब्रह्मंस्तवानुगमने धृतः ॥ 30 ॥
कर्तव्यं च महत्कर्म सुराणां राजसूनुना ।
एवमुक्त्वा सुरास्सर्वे हृष्टा जग्मुर्यथागतम् ॥ 31 ॥
विश्वामित्रं पुरस्कृत्य ततस्सन्ध्या प्रवर्तते ।
ततो मुनिवरः प्रीतस्ताटकावधतोषितः ॥ 32 ॥
मूर्ध्नि राममुपाघ्राय इदं वचनमब्रवीत् ।
इहाद्य रजनीं राम वसेम शुभदर्शन ॥ 33 ॥
श्वः प्रभाते गमिष्यामस्तदाश्रमपदं मम ।
विश्वामित्रवचः श्रुत्वा हृष्टो दशरथात्मजः ॥ 34 ॥
उवास रजनीं तत्र ताटकाया वने सुखम् ।
मुक्तशापं वनं तच्च तस्मिन्नेव तदाहनि ॥ 35 ॥
रमणीयं विबभ्राज यथा चैत्ररथं वनम् ।
निहत्य तां यक्षसुतां स रामः प्रशस्यमानस्सुरसिद्धसङ्घैः ।
उवास तस्मिन्मुनिना सहैव प्रभातवेलां प्रतिबोध्यमानः ॥ 36 ॥
इत्यार्षे श्रीमद्रामायणे वाल्मीकीय आदिकाव्ये बालकाण्डे षड्विंशस्सर्गः ॥
śrīmadvālmīkīya rāmāyaṇe bālakāṇḍam |
atha ṣaḍviṃśassargaḥ |
munervacanamaklībaṃ śrutvā naravarātmajaḥ |
rāghavaḥ prāñjalirbhūtvā pratyuvāca dṛḍhavrataḥ || 1 ||
piturvacananirdeśātpiturvacanagauravāt |
vacanaṃ kauśikasyeti kartavyamaviśaṅkayā || 2 ||
anuśiṣṭo'smyayodhyāyāṃ gurumadhye mahātmanā |
pitrā daśarathenāhaṃ nāvajñeyaṃ hi tadvacaḥ || 3 ||
so'haṃ piturvacaśśrutvā śāsanādbrahmavādinaḥ |
kariṣyāmi na sandehastāṭakāvadhamuttamam || 4 ||
gobrāhmaṇahitārthāya deśasyāsya sukhāya ca |
tava caivāprameyasya vacanaṃ kartumudyataḥ || 5 ||
evamuktvā dhanurmadhye badhvā muṣṭimarindamaḥ |
jyāśabdamakarottīvraṃ diśaśśabdena nādayan || 6 ||
tena śabdena vitrastāstāṭakāvanavāsinaḥ |
tāṭakā ca susaṅkruddhā tena śabdena mohitā || 7 ||
taṃ śabdamabhinidhyāya rākṣasī krodhamūrchitā |
śrutvā cābhyadravadvegādyataśśabdo vinissṛtaḥ || 8 ||
tāṃ dṛṣṭvā rāghavaḥ kruddhāṃ vikṛtāṃ vikṛtānanām |
pramāṇenātivṛddhāṃ ca lakṣmaṇaṃ so'bhyabhāṣata || 9 ||
paśya lakṣmaṇa yakṣiṇyā bhairavaṃ dāruṇaṃ vapuḥ |
bhidyeran darśanādasyā bhīrūṇāṃ hṛdayāni ca || 10 ||
enāṃ paśya durādharṣāṃ māyābalasamanvitām |
vinivṛttāṃ karomyadya hṛtakarṇāgranāsikām || 11 ||
na hyenāmutsahe hantuṃ strīsvabhāvena rakṣitām |
vīryaṃ cāsyāṃ gatiṃ cāpi haniṣyāmīti me matiḥ || 12 ||
evaṃ bruvāṇe rāme tu tāṭakā krodhamūrchitā |
udyamya bāhū garjantī rāmamevābhyadhāvata || 13 ||
viśvāmitrastu brahmarṣirhuṅkāreṇābhibhartsyatām |
svasti rāghavayorastu jayaṃ caivābhyabhāṣata || 14 ||
uddhūnvānā rajo ghoraṃ tāṭakā rāghavāvubhau |
rajomohena mahatā muhūrtaṃ sā vyamohayat || 15 ||
tato māyāṃ samāsthāya śilāvarṣeṇa rāghavau |
avākiratsumahatā tataścukrodha rāghavaḥ || 16 ||
śilāvarṣaṃ mahattasyāśśaravarṣeṇa rāghavaḥ |
pratihatyopadhāvantyāḥ karau ciccheda patribhiḥ || 17 ||
tataśchinnabhujāṃ śrāntāmabhyāśe parigarjatīm |
saumitrirakarotkrodhāddhṛtakarṇāgranāsikām || 18 ||
kāmarūpadharā sadyaḥ kṛtvā rūpāṇyanekaśaḥ |
antardhānaṃ gatā yakṣī mohayantīva māyayā || 19 ||
aśmavarṣaṃ vimuñcantī bhairavaṃ vicacāra ha |
tatastāvaśmavarṣeṇa kīryamāṇau samantataḥ || 20 ||
dṛṣṭvā gādhisutaśśrīmānidaṃ vacanamabravīt |
alaṃ te ghṛṇayā rāma pāpaiṣā duṣṭacāriṇī || 21 ||
yajñavighnakarī yakṣī purāvardhati māyayā |
vadhyatāṃ tāvadevaiṣā purā sandhyā pravartate || 22 ||
rakṣāṃsi sandhyākāleṣu durdharṣāṇi bhavanti vai |
ityuktastu tadā yakṣī aśmavṛṣṭyābhivarṣatīm || 23 ||
darśayan śabdavedhitvaṃ tāṃ rurodha sa sāyakaiḥ |
sā ruddhā śarajālena māyābalasamanvitā || 24 ||
abhidudrāva kākutsthaṃ lakṣmaṇaṃ ca vineduṣī |
tāmāpatantīṃ vegena vikrāntāmaśanīmiva || 25 ||
śareṇorasi vivyātha sā papāta mamāra ca |
tāṃ hatāṃ bhīmasaṅkāśāṃ dṛṣṭvā surapatistadā || 26 ||
sādhu sādhviti kākutsthaṃ surāśca samapūjayan |
uvāca paramaprīta ssahasrākṣaḥ purandaraḥ || 27 ||
surāśca sarve saṃhṛṣṭā viśvāmitramathābruvan |
mune kauśika bhadraṃ te sendrāssarve marudgaṇāḥ || 28 ||
toṣitāḥ karmaṇā'nena snehaṃ darśaya rāghave |
prajāpaterbhṛśāśvasya putrān satyaparākramān || 29 ||
tapobalabhṛto brahman rāghavāya nivedaya |
pātrabhūtaśca te brahmaṃstavānugamane dhṛtaḥ || 30 ||
kartavyaṃ ca mahatkarma surāṇāṃ rājasūnunā |
evamuktvā surāssarve hṛṣṭā jagmuryathāgatam || 31 ||
viśvāmitraṃ puraskṛtya tatassandhyā pravartate |
tato munivaraḥ prītastāṭakāvadhatoṣitaḥ || 32 ||
mūrdhni rāmamupāghrāya idaṃ vacanamabravīt |
ihādya rajanīṃ rāma vasema śubhadarśana || 33 ||
śvaḥ prabhāte gamiṣyāmastadāśramapadaṃ mama |
viśvāmitravacaḥ śrutvā hṛṣṭo daśarathātmajaḥ || 34 ||
uvāsa rajanīṃ tatra tāṭakāyā vane sukham |
muktaśāpaṃ vanaṃ tacca tasminneva tadāhani || 35 ||
ramaṇīyaṃ vibabhrāja yathā caitrarathaṃ vanam |
nihatya tāṃ yakṣasutāṃ sa rāmaḥ praśasyamānassurasiddhasaṅghaiḥ |
uvāsa tasminmuninā sahaiva prabhātavelāṃ pratibodhyamānaḥ || 36 ||
ityārṣe śrīmadrāmāyaṇe vālmīkīya ādikāvye bālakāṇḍe ṣaḍviṃśassargaḥ ||
🕉️ This is the original Sanskrit rendered in Grantha script.
Pronunciation is identical to the Sanskrit Devanagari version.