𑌶𑍍𑌰𑍀𑌮𑌦𑍍𑌵𑌾𑌲𑍍𑌮𑍀𑌕𑍀𑌯 𑌰𑌾𑌮𑌾𑌯𑌣𑍇 𑌯𑍁𑌦𑍍𑌧𑌕𑌾𑌣𑍍𑌡𑌮𑍍 ।
𑌅𑌥 𑌏𑌕𑌾𑌶𑍀𑌤𑌿𑌤𑌮𑌸𑍍𑌸𑌰𑍍𑌗𑌃 ।
𑌵𑌿𑌜𑍍𑌞𑌾𑌯𑌤𑍁𑌮𑌨𑌸𑍍𑌤𑌸𑍍𑌯𑌰𑌾𑌘𑌵𑌸𑍍𑌯𑌮𑌹𑌾𑌤𑍍𑌮𑌨𑌃 ।
𑌸 𑌨𑌿𑌵𑍃𑌤𑍍𑌯𑌾𑌹𑌵𑌾𑌤𑍍𑌤𑌸𑍍𑌮𑌾𑌤𑍍 𑌪𑍍𑌰𑌵𑌿𑌵𑍇𑌶𑌪𑍁𑌰𑍀𑌨𑍍𑌤𑌤𑌃 ॥ 1 ॥
𑌸𑍋𑌽𑌨𑍁𑌸𑍍𑌮𑍃𑌤𑍍𑌯𑌵𑌧𑌨𑍍𑌤𑍇𑌷𑌾𑌂𑌰𑌾𑌕𑍍𑌷𑌸𑌾𑌨𑌾𑌨𑍍𑌤𑌰𑌸𑍍𑌵𑌿𑌨𑌾𑌮𑍍 ।
𑌕𑍍𑌰𑍋𑌧𑌤𑌾𑌮𑍍𑌰𑍇𑌕𑍍𑌷𑌣𑌶𑍍𑌶𑍂𑌰𑍋𑌨𑌿𑌰𑍍𑌜𑌗𑌾𑌮𑌾𑌹𑌾𑌦𑍍𑌯𑍁𑌤𑌿𑌃 ॥ 2 ॥
𑌸 𑌪𑌶𑍍𑌚𑌿𑌮𑍇𑌵𑌦𑍍𑌵𑌾𑌰𑍇𑌣𑌨𑌿𑌰𑍍𑌯𑌯𑍗𑌰𑌾𑌕𑍍𑌷𑌸𑍈𑌰𑍍𑌵𑍃𑌤𑌃 ।
𑌇𑌨𑍍𑌦𑍍𑌰𑌜𑌿𑌤𑍍𑌸𑍁𑌮𑌹𑌾𑌵𑍀𑌰𑍍𑌯𑌃𑌪𑍗𑌲𑌸𑍍𑌤𑍍𑌯𑍋𑌦𑍇𑌵𑌕𑌣𑍍𑌟𑌕𑌃 ॥ 3 ॥
𑌇𑌨𑍍𑌦𑍍𑌰𑌜𑌿𑌤𑍍𑌤𑍁𑌤𑌤𑍋𑌦𑍃𑌷𑍍𑌟𑌵𑌾𑌭𑍍𑌰𑌾𑌤𑌰𑍗𑌰𑌾𑌮𑌲𑌕𑍍𑌷𑍍𑌮𑌣𑍗 ।
𑌰𑌣𑌾𑌯𑌾𑌭𑍍𑌯𑍁𑌦𑍍𑌯𑌤𑍗𑌵𑍀𑌰𑍗𑌮𑌾𑌯𑌾𑌮𑍍𑌪𑍍𑌰𑌾𑌦𑍁𑌷𑍍𑌕𑌰𑍋𑌤𑍍𑌤𑌦𑌾 ॥ 4 ॥
𑌇𑌨𑍍𑌦𑍍𑌰𑌜𑌿𑌤𑍍𑌤𑍁𑌰𑌥𑍇𑌸𑍍𑌥𑌾𑌪𑍍𑌯𑌸𑍀𑌤𑌾𑌮𑍍𑌮𑌾𑌯𑌾𑌮𑌯𑍀𑌨𑍍𑌤𑌦𑌾 ।
𑌬𑌲𑍇𑌨𑌮𑌹𑌤𑌾𑌵𑍃𑌤𑍍𑌯𑌤𑌸𑍍𑌯𑌾𑌵𑌧𑌮𑌰𑍋𑌚𑌯𑌤𑍍 ॥ 5 ॥
𑌮𑍋𑌹𑌨𑌾𑌰𑍍𑌥𑌨𑍍𑌤𑍁𑌸𑌰𑍍𑌵𑍇𑌷𑌾𑌮𑍍𑌬𑍁𑌦𑍍𑌧𑌿𑌙𑍍𑌕𑍃𑌤𑍍𑌵𑌾𑌸𑍁𑌦𑍁𑌰𑍍𑌮𑌤𑌿𑌃 ।
𑌹𑌨𑍍𑌤𑍁𑌂𑌸𑍀𑌤𑌾𑌂𑌵𑍍𑌯𑌵𑌸𑌿𑌤𑍋𑌵𑌾𑌨𑌰𑌾𑌭𑌿𑌮𑍁𑌖𑍋𑌯𑌯𑍗 ॥ 6 ॥
𑌤𑌮𑍍𑌦𑍃𑌷𑍍𑌟𑌵𑌾𑌤𑍍𑌵𑌭𑌿𑌨𑌿𑌰𑍍𑌯𑌾𑌨𑍍𑌤𑌂𑌸𑌰𑍍𑌵𑍇𑌤𑍇𑌕𑌾𑌨𑌨𑍗𑌕𑌸𑌃 ।
𑌉𑌤𑍍𑌪𑍇𑌤𑍁𑌰𑌭𑌿𑌸𑌙𑍍𑌕𑍍𑌰𑍁𑌦𑍍𑌧𑌾𑌶𑍍𑌶𑌿𑌲𑌾𑌹𑌸𑍍𑌤𑌾𑌯𑍁𑌯𑍁𑌤𑍍𑌸𑌵𑌃 ॥ 7 ॥
𑌹𑌨𑍂𑌮𑌾𑌨𑍍 𑌪𑍁𑌰𑌤𑌸𑍍𑌤𑍇𑌷𑌾𑌞𑍍𑌜𑌗𑌾𑌮𑌕𑌪𑌿𑌕𑍁𑌞𑍍𑌜𑌰𑌃 ।
𑌪𑍍𑌰𑌗𑍃𑌹𑍍𑌯𑌸𑍁𑌮𑌹𑌚𑍍𑌛𑍃𑌙𑍍𑌗𑌮𑍍𑌪𑌰𑍍𑌵𑌤𑌸𑍍𑌯𑌦𑍁𑌰𑌾𑌸𑌦𑌮𑍍 ॥ 8 ॥
𑌸 𑌦𑌦𑌰𑍍𑌶𑌹𑌤𑌾𑌨𑌨𑍍𑌦𑌾𑌂𑌸𑍀𑌤𑌾𑌮𑌿𑌨𑍍𑌦𑍍𑌰𑌜𑌿𑌤𑍋𑌰𑌥𑍇 ।
𑌏𑌕𑌵𑍇𑌣𑍀𑌧𑌰𑌾𑌨𑍍𑌦𑍀𑌨𑌾𑌮𑍁𑌪𑌵𑌾𑌸𑌕𑍃𑌶𑌾𑌨𑌨𑌾𑌮𑍍 ॥ 9 ॥
𑌪𑌰𑌿𑌕𑍍𑌲𑌿𑌷𑍍𑌟𑍈𑌕𑌵𑌸𑌨𑌾𑌮𑌮𑍃𑌜𑌾𑌂𑌰𑌾𑌘𑌵𑌪𑍍𑌰𑌿𑌯𑌾𑌮𑍍 ।
𑌰𑌜𑍋𑌮𑌲𑌾𑌭𑍍𑌯𑌾𑌮𑌾𑌲𑌿𑌪𑍍𑌤𑍈𑌸𑍍𑌸𑌰𑍍𑌵𑌗𑌾𑌤𑍍𑌰𑍈𑌰𑍍𑌵𑌰𑌸𑍍𑌤𑍍𑌰𑌿𑌯𑌮𑍍 ॥ 10 ॥
𑌤𑌾𑌨𑍍𑌨𑌿𑌰𑍀𑌕𑍍𑌷𑍍𑌯𑌮𑍁𑌹𑍂𑌰𑍍𑌤𑌨𑍍𑌤𑍁𑌮𑍈𑌥𑌿𑌲𑍀𑌤𑍍𑌯𑌧𑍍𑌯𑌵𑌸𑍍𑌯𑌤𑍁 ।
𑌬𑌭𑍂𑌵𑌾𑌚𑌿𑌰𑌦𑍃𑌷𑍍𑌟𑌾𑌹𑌿𑌤𑍇𑌨𑌸𑌾𑌜𑌨𑌕𑌾𑌤𑍍𑌮𑌜𑌾 ॥ 11 ॥
𑌅𑌬𑍍𑌰𑌵𑍀𑌤𑍍𑌤𑌾𑌨𑍍𑌤𑍁𑌶𑍋𑌕𑌾𑌰𑍍𑌤𑌾𑌨𑍍𑌨𑌿𑌰𑌾𑌨𑌨𑍍𑌦𑌾𑌨𑍍𑌤𑌪𑌸𑍍𑌵𑌿𑌨𑍀𑌮𑍍 ।
𑌦𑍃𑌷𑍍𑌟𑌵𑌾𑌰𑌥𑍋𑌸𑍍𑌥𑌿𑌤𑌾𑌨𑍍𑌦𑍃𑌷𑍍𑌟𑍍𑌵𑌾𑌰𑌾𑌕𑍍𑌷𑌸𑍇𑌨𑍍𑌦𑍍𑌰𑌸𑍁𑌤𑌶𑍍𑌰𑌿𑌤𑌾𑌮𑍍 ॥ 12 ॥
𑌕𑌂𑌸𑌮𑌰𑍍𑌥𑌿𑌤𑌮𑌸𑍍𑌯𑍇𑌤𑌿𑌚𑌿𑌨𑍍𑌤𑌯𑌨𑍍𑌸𑌮𑌹𑌾𑌕𑌪𑌿𑌃 ।
𑌸𑌹𑌤𑍈𑌰𑍍𑌵𑌾𑌨𑌰𑌶𑍍𑌰𑍇𑌷𑍍𑌠𑍈𑌰𑌭𑍍𑌯𑌧𑌾𑌵𑌤𑌰𑌾𑌵𑌣𑌿𑌮𑍍 ॥ 13 ॥
𑌤𑌦𑍍𑌵𑌾𑌨𑌰𑌬𑌲𑌨𑍍𑌦𑍃𑌷𑍍𑌟𑌵𑌾𑌰𑌾𑌵𑌣𑌿𑌃𑌕𑍍𑌰𑍋𑌧𑌮𑍂𑌰𑍍𑌛𑌿𑌤𑌃 ।
𑌕𑍃𑌤𑍍𑌵𑌾𑌵𑌿𑌕𑍋𑌶𑌨𑍍𑌨𑌿𑌸𑍍𑌤𑍍𑌰𑌿𑌂𑌶𑌮𑍍𑌮𑍂𑌰𑍍𑌧𑍍𑌨𑌿𑌸𑍀𑌤𑌾𑌮𑌕𑌰𑍍𑌷𑌯𑌤𑍍 ॥ 14 ॥
𑌤𑌾𑌂𑌸𑍍𑌤𑍍𑌰𑌿𑌯𑌮𑍍𑌪𑌶𑍍𑌯𑌤𑌾𑌨𑍍𑌤𑍇𑌷𑌾𑌨𑍍𑌤𑌾𑌡𑌯𑌾𑌮𑌾𑌸𑌰𑌾𑌵𑌣𑌿𑌃 ।
𑌕𑍍𑌰𑍋𑌶𑌨𑍍𑌤𑍀𑌂𑌰𑌾𑌮𑌰𑌾𑌮𑍇𑌤𑌿𑌮𑌾𑌯𑌯𑌾𑌯𑍋𑌜𑌿𑌤𑌾𑌂𑌰𑌥𑍇 ॥ 15 ॥
𑌗𑍃𑌹𑍀𑌤𑌮𑍂𑌰𑍍𑌧𑌜𑌾𑌨𑍍𑌦𑍃𑌷𑍍𑌟𑌵𑌾𑌹𑌨𑍁𑌮𑌾𑌨𑍍 𑌦𑍈𑌨𑍍𑌯𑌮𑌾𑌗𑌤𑌃 ।
𑌶𑍋𑌕𑌜𑌂𑌵𑌾𑌰𑌿𑌨𑍇𑌤𑍍𑌰𑌾𑌭𑍍𑌯𑌾𑌮𑍁𑌤𑍍𑌸𑍃𑌜𑌨𑍍𑌮𑌾𑌰𑍁𑌤𑌾𑌤𑍍𑌮𑌜𑌃 ॥ 16 ॥
𑌤𑌾𑌨𑍍𑌦𑍃𑌷𑍍𑌟𑌵𑌾𑌚𑌾𑌰𑍁𑌸𑌰𑍍𑌵𑌾𑌙𑍍𑌗𑍀𑌂𑌰𑌾𑌮𑌸𑍍𑌯𑌮𑌹𑌿𑌷𑍀𑌮𑍍𑌪𑍍𑌰𑌿𑌯𑌾𑌮𑍍 ।
𑌅𑌬𑍍𑌰𑌵𑍀𑌤𑍍𑌪𑍁𑌰𑍁𑌷𑌂𑌵𑌾𑌕𑍍𑌯𑌙𑍍𑌕𑍍𑌰𑍋𑌧𑌾𑌦𑍍𑌰𑌕𑍍𑌷𑍋𑌧𑌿𑌪𑌾𑌤𑍍𑌮𑌜𑌮𑍍 ॥ 17 ॥
𑌦𑍁𑌰𑌾𑌤𑍍𑌮𑌨𑍍𑌨𑌾𑌤𑍍𑌮𑌨𑌾𑌶𑌾𑌯𑌕𑍇𑌶𑌪𑌕𑍍𑌷𑍇𑌪𑌰𑌾𑌮𑍃𑌶𑌃 ।
𑌬𑍍𑌰𑌹𑍍𑌮𑌰𑍍𑌷𑍀𑌣𑌾𑌙𑍍𑌕𑍁𑌲𑍇𑌜𑌾𑌤𑍋𑌰𑌾𑌕𑍍𑌷𑌸𑍀𑌂𑌯𑍋𑌨𑌿𑌮𑌾𑌶𑍍𑌰𑌿𑌤𑌃 ॥ 18 ॥
𑌧𑌿𑌕𑍍𑌤𑍍𑌵𑌾𑌮𑍍𑌪𑌾𑌪𑌸𑌮𑌾𑌚𑌾𑌰𑌂𑌯𑌸𑍍𑌯𑌤𑍇𑌮𑌤𑌿𑌰𑌿𑌦𑍃𑌶𑍀 ।
𑌨𑍃𑌶𑌂𑌸𑌾𑌨𑌾𑌰𑍍𑌯 𑌦𑍁𑌰𑍍𑌵𑍃𑌤𑍍𑌤 𑌕𑍍𑌷𑍁𑌦𑍍𑌰 𑌪𑌾𑌪𑌪𑌰𑌾𑌕𑍍𑌰𑌮 ॥ 19 ॥
𑌅𑌨𑌾𑌰𑍍𑌯𑌸𑍍𑌯𑍇𑌦𑍃𑌶𑌙𑍍𑌕𑌰𑍍𑌮𑌘𑍃𑌣𑌾𑌤𑍇𑌨𑌾𑌸𑍍𑌤𑌿𑌨𑌿𑌰𑍍𑌘𑍃𑌣 ।
𑌚𑍍𑌯𑍁𑌤𑌾𑌗𑍃𑌹𑌾𑌚𑍍𑌚𑌰𑌾𑌜𑍍𑌯𑌾𑌚𑍍𑌚𑌰𑌾𑌮𑌹𑌸𑍍𑌤𑌾𑌚𑍍𑌚𑌮𑍈𑌥𑌿𑌲𑍀 ॥ 20 ॥
𑌕𑌿𑌨𑍍𑌤𑌵𑍈𑌷𑌾𑌪𑌰𑌾𑌦𑍍𑌧𑌾𑌹𑌿𑌯𑌦𑍇𑌨𑌾𑌂𑌹𑌨𑍍𑌤𑍁𑌮𑌿𑌚𑍍𑌛𑌸𑌿 ।
𑌸𑍀𑌤𑌾𑌂𑌹𑌤𑍍𑌵𑌾𑌤𑍁 𑌨 𑌚𑌿𑌰𑌞𑍍𑌜𑍀𑌵𑌿𑌷𑍍𑌯𑌸𑌿𑌕𑌥𑌞𑍍𑌚𑌨 ॥ 21 ॥
𑌵𑌧𑌾𑌰𑍍𑌹𑌕𑌰𑍍𑌮𑌣𑌾𑌨𑍇𑌨𑌮𑌮𑌹𑌸𑍍𑌤𑌗𑌤𑍋𑌹𑍍𑌯𑌸𑌿 ।
𑌯𑍇𑌚 𑌸𑍍𑌤𑍍𑌰𑍀𑌘𑌾𑌤𑌿𑌨𑌾𑌂𑌲𑍋𑌕𑌾𑌲𑍋𑌕𑌵𑌧𑍍𑌯𑍈𑌷𑍁𑌕𑍁𑌸𑌤𑌿𑌤𑌾𑌃 ॥ 22 ॥
𑌇𑌹𑌜𑍀𑌵𑌿𑌤𑌮𑍁𑌤𑍍𑌸𑍃𑌜𑍍𑌯𑌪𑍍𑌰𑍇𑌤𑍍𑌯𑌤𑌾𑌨𑍍𑌪𑍍𑌰𑌤𑌿𑌪𑌤𑍍𑌸𑍍𑌯𑌸𑍇 ।
𑌤𑌿𑌬𑍍𑌰𑍁𑌵𑌾𑌣𑍋𑌹𑌨𑍁𑌮𑌾𑌨𑍍 𑌸𑌾𑌯𑍁𑌧𑍈𑌰𑍍𑌹𑌰𑌿𑌭𑌿𑌰𑍍𑌵𑍃𑌤𑌃 ॥ 23 ॥
𑌅𑌭𑍍𑌯𑌦𑌾𑌵𑌤𑍍 𑌸𑌸𑍁𑌙𑍍𑌕𑍃𑌦𑍍𑌧𑍋𑌰𑌾𑌕𑍍𑌷𑌸𑍇𑌨𑍍𑌦𑍍𑌰𑌸𑍁𑌤𑌮𑍍𑌪𑍍𑌰𑌤𑌿 ।
𑌪𑌤𑌨𑍍𑌤𑌮𑍍𑌮𑌹𑌾𑌵𑍀𑌰𑍍𑌯𑌨𑍍𑌤𑌦𑌨𑍀𑌕𑌂𑌵𑌨𑍗𑌕𑌸𑌾𑌮𑍍 ॥ 24 ॥
𑌰𑌕𑍍𑌷𑌸𑌾𑌮𑍍𑌭𑍀𑌮𑌕𑍋𑌪𑌾𑌨𑌾𑌮𑌨𑍀𑌕𑌨𑍍𑌤𑍁𑌨𑍍𑌯𑌵𑌾𑌰𑌯𑌤𑍍 ।
𑌸𑌃𑌤𑌾𑌮𑍍𑌬𑌾𑌣𑌸𑌹𑌸𑍍𑌰𑍇𑌣𑌵𑌿𑌕𑍍𑌷𑍋𑌭𑍍𑌯𑌹𑌰𑌿𑌵𑌾𑌹𑌿𑌨𑍀𑌮𑍍 ॥ 25 ॥
𑌹𑌨𑍂𑌮𑌨𑍍𑌤𑌂𑌹𑌰𑌿𑌶𑍍𑌰𑍇𑌷𑍍𑌠𑌮𑌿𑌨𑍍𑌦𑍍𑌰𑌜𑌿𑌤𑍍 𑌪𑍍𑌰𑌤𑍍𑌯𑍁𑌵𑌾𑌚 𑌹 ।
𑌸𑍁𑌗𑍍𑌰𑍀𑌵𑌸𑍍𑌤𑍍𑌵𑌂 𑌚 𑌰𑌾𑌮𑌶𑍍𑌚𑌯𑌨𑍍𑌨𑌿𑌮𑌿𑌤𑍍𑌤𑌮𑌿𑌹𑌾𑌗𑌤𑌾𑌃 ॥ 26 ॥
𑌤𑌾𑌂𑌵𑌧𑌿𑌷𑍍𑌯𑌾𑌮𑌿𑌵𑍈𑌦𑍇𑌹𑍀𑌮𑌦𑍍𑌯𑍈𑌵𑌤𑌵𑌪𑌶𑍍𑌯𑌤𑌃 ।
𑌇𑌮𑌾𑌂𑌹𑌤𑍍𑌵𑌾𑌤𑌤𑍋𑌰𑌾𑌮𑌂𑌲𑌕𑍍𑌷𑍍𑌮𑌣𑌨𑍍𑌤𑍍𑌵𑌾𑌂 𑌚 𑌵𑌾𑌨𑌰 ॥ 27 ॥
𑌸𑍁𑌗𑍍𑌰𑍀𑌵𑌂 𑌚 𑌵𑌧𑌿𑌷𑍍𑌯𑌾𑌮𑌿𑌤𑌞𑍍𑌚𑌾𑌨𑌾𑌰𑍍𑌯𑌂𑌵𑌿𑌭𑍀𑌷𑌣𑌮𑍍 ।
𑌨 𑌹𑌨𑍍𑌤𑌵𑍍𑌯𑌾𑌃𑌸𑍍𑌤𑍍𑌰𑌿𑌯𑌶𑍍𑌚𑍇𑌤𑌿𑌯𑌦𑍍 𑌬𑍍𑌰𑌵𑍀𑌷𑌿𑌪𑍍𑌲𑌵𑌙𑍍𑌗𑌮 ॥ 28 ॥
𑌪𑍀𑌡𑌾𑌕𑌰𑌮𑌮𑌿𑌤𑍍𑌰𑌾𑌣𑌾𑌂𑌯𑌤𑍍𑌸𑍍𑌯𑌾𑌤𑍍𑌕𑌰𑍍𑌤𑌵𑍍𑌯𑌮𑍇𑌵𑌤𑌤𑍍 ।
𑌤𑌮𑍇𑌵𑌮𑍁𑌕𑍍𑌤𑍍𑌵𑌾𑌰𑍁𑌦𑌤𑍀𑌂𑌸𑍀𑌤𑌾𑌮𑍍𑌮𑌯𑌾𑌮𑌯𑍀𑌂 𑌚 𑌤𑌾𑌮𑍍 ॥ 29 ॥
𑌶𑌿𑌤𑌧𑌾𑌰𑍇𑌣𑌖𑌙𑍍𑌗𑍇𑌨𑌨𑌿𑌜𑌘𑌾𑌨𑍇𑌨𑍍𑌦𑍍𑌰𑌜𑌿𑌤𑍍𑌸𑍍𑌵𑌯𑌮𑍍 ।
𑌯𑌜𑍍𑌞𑍋𑌪𑌵𑍀𑌤𑌮𑌾𑌰𑍍𑌗𑍇𑌣𑌭𑌿𑌨𑍍𑌨𑌾𑌤𑍇𑌨𑌤𑌪𑌸𑍍𑌵𑌿𑌨𑍀 ॥ 30 ॥
𑌸𑌾𑌪𑍃𑌥𑌿𑌵𑍍𑌯𑌾𑌮𑍍𑌪𑍃𑌥𑍁𑌶𑍍𑌰𑍋𑌣𑍀𑌪𑌪𑌾𑌤𑌪𑍍𑌰𑌿𑌯𑌦𑌰𑍍𑌶𑌨𑌾 ।
𑌤𑍍𑌤𑌾𑌮𑌿𑌨𑍍𑌦𑍍𑌰𑌜𑌿𑌤𑍍 𑌸𑍍𑌤𑍍𑌰𑌿𑌯𑌂𑌹𑌤𑍍𑌵𑌾𑌹𑌨𑍂𑌮𑌨𑍍𑌤𑌮𑍁𑌵𑌾𑌚 𑌹 ॥ 31 ॥
𑌮𑌯𑌾𑌰𑌾𑌮𑌸𑍍𑌯𑌪𑌶𑍍𑌯𑍇𑌮𑌾𑌙𑍍𑌕𑍋𑌪𑍇𑌨 𑌚 ।
𑌏𑌷𑌾𑌵𑌿𑌶𑌸𑍍𑌤𑌾𑌵𑍈𑌦𑍇𑌹𑍀𑌨𑌿𑌷𑍍𑌫𑌲𑍋𑌵𑌃𑌪𑌰𑌿𑌶𑍍𑌰𑌮𑌃 ॥ 32 ॥
𑌤𑌤𑌃𑌖𑌡𑌗𑍇𑌨𑌮𑌹𑌤𑌾𑌹𑌤𑍍𑌵𑌾𑌤𑌾𑌮𑌿𑌨𑍍𑌦𑍍𑌰𑌜𑌿𑌤𑍍 𑌸𑍍𑌵𑌯𑌮𑍍 ।
𑌹𑍃𑌷𑍍𑌟𑌸𑍍𑌸𑌰𑌥𑌮𑌾𑌸𑍍𑌥𑌾𑌯𑌨𑌨𑌾𑌦 𑌚 𑌮𑌹𑌾𑌸𑍍𑌵𑌨𑌮𑍍 ॥ 33 ॥
𑌵𑌾𑌨𑌰𑌾𑌶𑍍𑌶𑍁𑌶𑍍𑌰𑍁𑌵𑍁𑌶𑍍𑌶𑌬𑍍𑌦𑌮𑌦𑍂𑌰𑍇𑌪𑍍𑌰𑌤𑍍𑌯𑌵𑌸𑍍𑌥𑌿𑌤𑌾𑌃 ।
𑌵𑍍𑌯𑌾𑌦𑌿𑌤𑌾𑌸𑍍𑌯𑌸𑍍𑌯𑌨𑌦𑌤𑌸𑍍𑌤𑌦𑍍𑌦𑍁𑌰𑍍𑌗𑌂𑌸𑌂𑌶𑍍𑌰𑌿𑌤𑌸𑍍𑌯𑌤𑍁 ॥ 34 ॥
𑌤𑌥𑌾𑌤𑍁𑌸𑍀𑌤𑌾𑌂𑌵𑌿𑌨𑌿𑌹𑌤𑍍𑌯𑌦𑍁𑌰𑍍𑌮𑌤𑌿𑌃𑌪𑍍𑌰𑌹𑍃𑌷𑍍𑌟𑌚𑍇𑌤𑌾𑌸𑍍𑌸𑌬𑌭𑍂𑌵𑌰𑌾𑌵𑌣𑌿𑌃 ।
𑌤𑌂𑌹𑍃𑌷𑍍𑌟𑌰𑍂𑌪𑌂𑌸𑌮𑍁𑌦𑍀𑌕𑍍𑌷𑍍𑌯𑌵𑌾𑌨𑌰𑌾𑌵𑌿𑌷𑌣𑍍𑌣𑌰𑍂𑌪𑌾𑌸𑍍𑌸𑌹𑌸𑌾𑌪𑍍𑌰𑌦𑌦𑍁𑌦𑍍𑌰𑍁𑌵𑍁𑌃 ॥ 35 ॥
𑌇𑌤𑍍𑌯𑌾𑌰𑍍𑌷𑍇 𑌶𑍍𑌰𑍀𑌮𑌦𑍍𑌰𑌾𑌮𑌾𑌯𑌣𑍇 𑌵𑌾𑌲𑍍𑌮𑍀𑌕𑍀𑌯 𑌆𑌦𑌿𑌕𑌾𑌵𑍍𑌯𑍇 𑌯𑍁𑌦𑍍𑌧𑌕𑌾𑌣𑍍𑌡𑍇 𑌏𑌕𑌾𑌶𑍀𑌤𑌿𑌤𑌮𑌸𑍍𑌸𑌰𑍍𑌗𑌃 ॥
Roman (IAST) Transliteration
śrīmadvālmīkīya rāmāyaṇe yuddhakāṇḍam |
atha ekāśītitamassargaḥ |
vijñāyatumanastasyarāghavasyamahātmanaḥ |
sa nivṛtyāhavāttasmāt praviveśapurīntataḥ || 1 ||
so'nusmṛtyavadhanteṣāṃrākṣasānāntarasvinām |
krodhatāmrekṣaṇaśśūronirjagāmāhādyutiḥ || 2 ||
sa paścimevadvāreṇaniryayaurākṣasairvṛtaḥ |
indrajitsumahāvīryaḥpaulastyodevakaṇṭakaḥ || 3 ||
indrajittutatodṛṣṭavābhrātaraurāmalakṣmaṇau |
raṇāyābhyudyatauvīraumāyāmprāduṣkarottadā || 4 ||
indrajitturathesthāpyasītāmmāyāmayīntadā |
balenamahatāvṛtyatasyāvadhamarocayat || 5 ||
mohanārthantusarveṣāmbuddhiṅkṛtvāsudurmatiḥ |
hantuṃsītāṃvyavasitovānarābhimukhoyayau || 6 ||
tamdṛṣṭavātvabhiniryāntaṃsarvetekānanaukasaḥ |
utpeturabhisaṅkruddhāśśilāhastāyuyutsavaḥ || 7 ||
hanūmān puratasteṣāñjagāmakapikuñjaraḥ |
pragṛhyasumahacchṛṅgamparvatasyadurāsadam || 8 ||
sa dadarśahatānandāṃsītāmindrajitorathe |
ekaveṇīdharāndīnāmupavāsakṛśānanām || 9 ||
parikliṣṭaikavasanāmamṛjāṃrāghavapriyām |
rajomalābhyāmāliptaissarvagātrairvarastriyam || 10 ||
tānnirīkṣyamuhūrtantumaithilītyadhyavasyatu |
babhūvāciradṛṣṭāhitenasājanakātmajā || 11 ||
abravīttāntuśokārtānnirānandāntapasvinīm |
dṛṣṭavārathosthitāndṛṣṭvārākṣasendrasutaśritām || 12 ||
kaṃsamarthitamasyeticintayansamahākapiḥ |
sahatairvānaraśreṣṭhairabhyadhāvatarāvaṇim || 13 ||
tadvānarabalandṛṣṭavārāvaṇiḥkrodhamūrchitaḥ |
kṛtvāvikośannistriṃśammūrdhnisītāmakarṣayat || 14 ||
tāṃstriyampaśyatānteṣāntāḍayāmāsarāvaṇiḥ |
krośantīṃrāmarāmetimāyayāyojitāṃrathe || 15 ||
gṛhītamūrdhajāndṛṣṭavāhanumān dainyamāgataḥ |
śokajaṃvārinetrābhyāmutsṛjanmārutātmajaḥ || 16 ||
tāndṛṣṭavācārusarvāṅgīṃrāmasyamahiṣīmpriyām |
abravītpuruṣaṃvākyaṅkrodhādrakṣodhipātmajam || 17 ||
durātmannātmanāśāyakeśapakṣeparāmṛśaḥ |
brahmarṣīṇāṅkulejātorākṣasīṃyonimāśritaḥ || 18 ||
dhiktvāmpāpasamācāraṃyasyatematiridṛśī |
nṛśaṃsānārya durvṛtta kṣudra pāpaparākrama || 19 ||
anāryasyedṛśaṅkarmaghṛṇātenāstinirghṛṇa |
cyutāgṛhāccarājyāccarāmahastāccamaithilī || 20 ||
kintavaiṣāparāddhāhiyadenāṃhantumicchasi |
sītāṃhatvātu na cirañjīviṣyasikathañcana || 21 ||
vadhārhakarmaṇānenamamahastagatohyasi |
yeca strīghātināṃlokālokavadhyaiṣukusatitāḥ || 22 ||
ihajīvitamutsṛjyapretyatānpratipatsyase |
tibruvāṇohanumān sāyudhairharibhirvṛtaḥ || 23 ||
abhyadāvat sasuṅkṛddhorākṣasendrasutamprati |
patantammahāvīryantadanīkaṃvanaukasām || 24 ||
rakṣasāmbhīmakopānāmanīkantunyavārayat |
saḥtāmbāṇasahasreṇavikṣobhyaharivāhinīm || 25 ||
hanūmantaṃhariśreṣṭhamindrajit pratyuvāca ha |
sugrīvastvaṃ ca rāmaścayannimittamihāgatāḥ || 26 ||
tāṃvadhiṣyāmivaidehīmadyaivatavapaśyataḥ |
imāṃhatvātatorāmaṃlakṣmaṇantvāṃ ca vānara || 27 ||
sugrīvaṃ ca vadhiṣyāmitañcānāryaṃvibhīṣaṇam |
na hantavyāḥstriyaścetiyad bravīṣiplavaṅgama || 28 ||
pīḍākaramamitrāṇāṃyatsyātkartavyamevatat |
tamevamuktvārudatīṃsītāmmayāmayīṃ ca tām || 29 ||
śitadhāreṇakhaṅgenanijaghānendrajitsvayam |
yajñopavītamārgeṇabhinnātenatapasvinī || 30 ||
sāpṛthivyāmpṛthuśroṇīpapātapriyadarśanā |
ttāmindrajit striyaṃhatvāhanūmantamuvāca ha || 31 ||
mayārāmasyapaśyemāṅkopena ca |
eṣāviśastāvaidehīniṣphalovaḥpariśramaḥ || 32 ||
tataḥkhaḍagenamahatāhatvātāmindrajit svayam |
hṛṣṭassarathamāsthāyananāda ca mahāsvanam || 33 ||
vānarāśśuśruvuśśabdamadūrepratyavasthitāḥ |
vyāditāsyasyanadatastaddurgaṃsaṃśritasyatu || 34 ||
tathātusītāṃvinihatyadurmatiḥprahṛṣṭacetāssababhūvarāvaṇiḥ |
taṃhṛṣṭarūpaṃsamudīkṣyavānarāviṣaṇṇarūpāssahasāpradadudruvuḥ || 35 ||
ityārṣe śrīmadrāmāyaṇe vālmīkīya ādikāvye yuddhakāṇḍe ekāśītitamassargaḥ ||
Sanskrit — Devanagari (original)
श्रीमद्वाल्मीकीय रामायणे युद्धकाण्डम् ।
अथ एकाशीतितमस्सर्गः ।
विज्ञायतुमनस्तस्यराघवस्यमहात्मनः ।
स निवृत्याहवात्तस्मात् प्रविवेशपुरीन्ततः ॥ 1 ॥
सोऽनुस्मृत्यवधन्तेषांराक्षसानान्तरस्विनाम् ।
क्रोधताम्रेक्षणश्शूरोनिर्जगामाहाद्युतिः ॥ 2 ॥
स पश्चिमेवद्वारेणनिर्ययौराक्षसैर्वृतः ।
इन्द्रजित्सुमहावीर्यःपौलस्त्योदेवकण्टकः ॥ 3 ॥
इन्द्रजित्तुततोदृष्टवाभ्रातरौरामलक्ष्मणौ ।
रणायाभ्युद्यतौवीरौमायाम्प्रादुष्करोत्तदा ॥ 4 ॥
इन्द्रजित्तुरथेस्थाप्यसीताम्मायामयीन्तदा ।
बलेनमहतावृत्यतस्यावधमरोचयत् ॥ 5 ॥
मोहनार्थन्तुसर्वेषाम्बुद्धिङ्कृत्वासुदुर्मतिः ।
हन्तुंसीतांव्यवसितोवानराभिमुखोययौ ॥ 6 ॥
तम्दृष्टवात्वभिनिर्यान्तंसर्वेतेकाननौकसः ।
उत्पेतुरभिसङ्क्रुद्धाश्शिलाहस्तायुयुत्सवः ॥ 7 ॥
हनूमान् पुरतस्तेषाञ्जगामकपिकुञ्जरः ।
प्रगृह्यसुमहच्छृङ्गम्पर्वतस्यदुरासदम् ॥ 8 ॥
स ददर्शहतानन्दांसीतामिन्द्रजितोरथे ।
एकवेणीधरान्दीनामुपवासकृशाननाम् ॥ 9 ॥
परिक्लिष्टैकवसनाममृजांराघवप्रियाम् ।
रजोमलाभ्यामालिप्तैस्सर्वगात्रैर्वरस्त्रियम् ॥ 10 ॥
तान्निरीक्ष्यमुहूर्तन्तुमैथिलीत्यध्यवस्यतु ।
बभूवाचिरदृष्टाहितेनसाजनकात्मजा ॥ 11 ॥
अब्रवीत्तान्तुशोकार्तान्निरानन्दान्तपस्विनीम् ।
दृष्टवारथोस्थितान्दृष्ट्वाराक्षसेन्द्रसुतश्रिताम् ॥ 12 ॥
कंसमर्थितमस्येतिचिन्तयन्समहाकपिः ।
सहतैर्वानरश्रेष्ठैरभ्यधावतरावणिम् ॥ 13 ॥
तद्वानरबलन्दृष्टवारावणिःक्रोधमूर्छितः ।
कृत्वाविकोशन्निस्त्रिंशम्मूर्ध्निसीतामकर्षयत् ॥ 14 ॥
तांस्त्रियम्पश्यतान्तेषान्ताडयामासरावणिः ।
क्रोशन्तींरामरामेतिमाययायोजितांरथे ॥ 15 ॥
गृहीतमूर्धजान्दृष्टवाहनुमान् दैन्यमागतः ।
शोकजंवारिनेत्राभ्यामुत्सृजन्मारुतात्मजः ॥ 16 ॥
तान्दृष्टवाचारुसर्वाङ्गींरामस्यमहिषीम्प्रियाम् ।
अब्रवीत्पुरुषंवाक्यङ्क्रोधाद्रक्षोधिपात्मजम् ॥ 17 ॥
दुरात्मन्नात्मनाशायकेशपक्षेपरामृशः ।
ब्रह्मर्षीणाङ्कुलेजातोराक्षसींयोनिमाश्रितः ॥ 18 ॥
धिक्त्वाम्पापसमाचारंयस्यतेमतिरिदृशी ।
नृशंसानार्य दुर्वृत्त क्षुद्र पापपराक्रम ॥ 19 ॥
अनार्यस्येदृशङ्कर्मघृणातेनास्तिनिर्घृण ।
च्युतागृहाच्चराज्याच्चरामहस्ताच्चमैथिली ॥ 20 ॥
किन्तवैषापराद्धाहियदेनांहन्तुमिच्छसि ।
सीतांहत्वातु न चिरञ्जीविष्यसिकथञ्चन ॥ 21 ॥
वधार्हकर्मणानेनममहस्तगतोह्यसि ।
येच स्त्रीघातिनांलोकालोकवध्यैषुकुसतिताः ॥ 22 ॥
इहजीवितमुत्सृज्यप्रेत्यतान्प्रतिपत्स्यसे ।
तिब्रुवाणोहनुमान् सायुधैर्हरिभिर्वृतः ॥ 23 ॥
अभ्यदावत् ससुङ्कृद्धोराक्षसेन्द्रसुतम्प्रति ।
पतन्तम्महावीर्यन्तदनीकंवनौकसाम् ॥ 24 ॥
रक्षसाम्भीमकोपानामनीकन्तुन्यवारयत् ।
सःताम्बाणसहस्रेणविक्षोभ्यहरिवाहिनीम् ॥ 25 ॥
हनूमन्तंहरिश्रेष्ठमिन्द्रजित् प्रत्युवाच ह ।
सुग्रीवस्त्वं च रामश्चयन्निमित्तमिहागताः ॥ 26 ॥
तांवधिष्यामिवैदेहीमद्यैवतवपश्यतः ।
इमांहत्वाततोरामंलक्ष्मणन्त्वां च वानर ॥ 27 ॥
सुग्रीवं च वधिष्यामितञ्चानार्यंविभीषणम् ।
न हन्तव्याःस्त्रियश्चेतियद् ब्रवीषिप्लवङ्गम ॥ 28 ॥
पीडाकरममित्राणांयत्स्यात्कर्तव्यमेवतत् ।
तमेवमुक्त्वारुदतींसीताम्मयामयीं च ताम् ॥ 29 ॥
शितधारेणखङ्गेननिजघानेन्द्रजित्स्वयम् ।
यज्ञोपवीतमार्गेणभिन्नातेनतपस्विनी ॥ 30 ॥
सापृथिव्याम्पृथुश्रोणीपपातप्रियदर्शना ।
त्तामिन्द्रजित् स्त्रियंहत्वाहनूमन्तमुवाच ह ॥ 31 ॥
मयारामस्यपश्येमाङ्कोपेन च ।
एषाविशस्तावैदेहीनिष्फलोवःपरिश्रमः ॥ 32 ॥
ततःखडगेनमहताहत्वातामिन्द्रजित् स्वयम् ।
हृष्टस्सरथमास्थायननाद च महास्वनम् ॥ 33 ॥
वानराश्शुश्रुवुश्शब्दमदूरेप्रत्यवस्थिताः ।
व्यादितास्यस्यनदतस्तद्दुर्गंसंश्रितस्यतु ॥ 34 ॥
तथातुसीतांविनिहत्यदुर्मतिःप्रहृष्टचेतास्सबभूवरावणिः ।
तंहृष्टरूपंसमुदीक्ष्यवानराविषण्णरूपास्सहसाप्रददुद्रुवुः ॥ 35 ॥
इत्यार्षे श्रीमद्रामायणे वाल्मीकीय आदिकाव्ये युद्धकाण्डे एकाशीतितमस्सर्गः ॥
śrīmadvālmīkīya rāmāyaṇe yuddhakāṇḍam |
atha ekāśītitamassargaḥ |
vijñāyatumanastasyarāghavasyamahātmanaḥ |
sa nivṛtyāhavāttasmāt praviveśapurīntataḥ || 1 ||
so'nusmṛtyavadhanteṣāṃrākṣasānāntarasvinām |
krodhatāmrekṣaṇaśśūronirjagāmāhādyutiḥ || 2 ||
sa paścimevadvāreṇaniryayaurākṣasairvṛtaḥ |
indrajitsumahāvīryaḥpaulastyodevakaṇṭakaḥ || 3 ||
indrajittutatodṛṣṭavābhrātaraurāmalakṣmaṇau |
raṇāyābhyudyatauvīraumāyāmprāduṣkarottadā || 4 ||
indrajitturathesthāpyasītāmmāyāmayīntadā |
balenamahatāvṛtyatasyāvadhamarocayat || 5 ||
mohanārthantusarveṣāmbuddhiṅkṛtvāsudurmatiḥ |
hantuṃsītāṃvyavasitovānarābhimukhoyayau || 6 ||
tamdṛṣṭavātvabhiniryāntaṃsarvetekānanaukasaḥ |
utpeturabhisaṅkruddhāśśilāhastāyuyutsavaḥ || 7 ||
hanūmān puratasteṣāñjagāmakapikuñjaraḥ |
pragṛhyasumahacchṛṅgamparvatasyadurāsadam || 8 ||
sa dadarśahatānandāṃsītāmindrajitorathe |
ekaveṇīdharāndīnāmupavāsakṛśānanām || 9 ||
parikliṣṭaikavasanāmamṛjāṃrāghavapriyām |
rajomalābhyāmāliptaissarvagātrairvarastriyam || 10 ||
tānnirīkṣyamuhūrtantumaithilītyadhyavasyatu |
babhūvāciradṛṣṭāhitenasājanakātmajā || 11 ||
abravīttāntuśokārtānnirānandāntapasvinīm |
dṛṣṭavārathosthitāndṛṣṭvārākṣasendrasutaśritām || 12 ||
kaṃsamarthitamasyeticintayansamahākapiḥ |
sahatairvānaraśreṣṭhairabhyadhāvatarāvaṇim || 13 ||
tadvānarabalandṛṣṭavārāvaṇiḥkrodhamūrchitaḥ |
kṛtvāvikośannistriṃśammūrdhnisītāmakarṣayat || 14 ||
tāṃstriyampaśyatānteṣāntāḍayāmāsarāvaṇiḥ |
krośantīṃrāmarāmetimāyayāyojitāṃrathe || 15 ||
gṛhītamūrdhajāndṛṣṭavāhanumān dainyamāgataḥ |
śokajaṃvārinetrābhyāmutsṛjanmārutātmajaḥ || 16 ||
tāndṛṣṭavācārusarvāṅgīṃrāmasyamahiṣīmpriyām |
abravītpuruṣaṃvākyaṅkrodhādrakṣodhipātmajam || 17 ||
durātmannātmanāśāyakeśapakṣeparāmṛśaḥ |
brahmarṣīṇāṅkulejātorākṣasīṃyonimāśritaḥ || 18 ||
dhiktvāmpāpasamācāraṃyasyatematiridṛśī |
nṛśaṃsānārya durvṛtta kṣudra pāpaparākrama || 19 ||
anāryasyedṛśaṅkarmaghṛṇātenāstinirghṛṇa |
cyutāgṛhāccarājyāccarāmahastāccamaithilī || 20 ||
kintavaiṣāparāddhāhiyadenāṃhantumicchasi |
sītāṃhatvātu na cirañjīviṣyasikathañcana || 21 ||
vadhārhakarmaṇānenamamahastagatohyasi |
yeca strīghātināṃlokālokavadhyaiṣukusatitāḥ || 22 ||
ihajīvitamutsṛjyapretyatānpratipatsyase |
tibruvāṇohanumān sāyudhairharibhirvṛtaḥ || 23 ||
abhyadāvat sasuṅkṛddhorākṣasendrasutamprati |
patantammahāvīryantadanīkaṃvanaukasām || 24 ||
rakṣasāmbhīmakopānāmanīkantunyavārayat |
saḥtāmbāṇasahasreṇavikṣobhyaharivāhinīm || 25 ||
hanūmantaṃhariśreṣṭhamindrajit pratyuvāca ha |
sugrīvastvaṃ ca rāmaścayannimittamihāgatāḥ || 26 ||
tāṃvadhiṣyāmivaidehīmadyaivatavapaśyataḥ |
imāṃhatvātatorāmaṃlakṣmaṇantvāṃ ca vānara || 27 ||
sugrīvaṃ ca vadhiṣyāmitañcānāryaṃvibhīṣaṇam |
na hantavyāḥstriyaścetiyad bravīṣiplavaṅgama || 28 ||
pīḍākaramamitrāṇāṃyatsyātkartavyamevatat |
tamevamuktvārudatīṃsītāmmayāmayīṃ ca tām || 29 ||
śitadhāreṇakhaṅgenanijaghānendrajitsvayam |
yajñopavītamārgeṇabhinnātenatapasvinī || 30 ||
sāpṛthivyāmpṛthuśroṇīpapātapriyadarśanā |
ttāmindrajit striyaṃhatvāhanūmantamuvāca ha || 31 ||
mayārāmasyapaśyemāṅkopena ca |
eṣāviśastāvaidehīniṣphalovaḥpariśramaḥ || 32 ||
tataḥkhaḍagenamahatāhatvātāmindrajit svayam |
hṛṣṭassarathamāsthāyananāda ca mahāsvanam || 33 ||
vānarāśśuśruvuśśabdamadūrepratyavasthitāḥ |
vyāditāsyasyanadatastaddurgaṃsaṃśritasyatu || 34 ||
tathātusītāṃvinihatyadurmatiḥprahṛṣṭacetāssababhūvarāvaṇiḥ |
taṃhṛṣṭarūpaṃsamudīkṣyavānarāviṣaṇṇarūpāssahasāpradadudruvuḥ || 35 ||
ityārṣe śrīmadrāmāyaṇe vālmīkīya ādikāvye yuddhakāṇḍe ekāśītitamassargaḥ ||
🕉️ This is the original Sanskrit rendered in Grantha script.
Pronunciation is identical to the Sanskrit Devanagari version.