ஶ்ரீமத்வால்மீகீய ராமாயணே யுத்தகாண்டம் ।
அத ஏகாஶீதிதமஸ்ஸர்கஃ ।
விஜ்ஞாயதுமநஸ்தஸ்யராகவஸ்யமஹாத்மநஃ ।
ஸ நிவ்ரு'த்யாஹவாத்தஸ்மாத் ப்ரவிவேஶபுரீந்ததஃ ॥ 1 ॥
ஸோऽநுஸ்ம்ரு'த்யவதந்தேஷாம்ராக்ஷஸாநாந்தரஸ்விநாம் ।
க்ரோததாம்ரேக்ஷணஶ்ஶூரோநிர்ஜகாமாஹாத்யுதிஃ ॥ 2 ॥
ஸ பஶ்சிமேவத்வாரேணநிர்யயௌராக்ஷஸைர்வ்ரு'தஃ ।
இந்த்ரஜித்ஸுமஹாவீர்யஃபௌலஸ்த்யோதேவகண்டகஃ ॥ 3 ॥
இந்த்ரஜித்துததோத்ரு'ஷ்டவாப்ராதரௌராமலக்ஷ்மணௌ ।
ரணாயாப்யுத்யதௌவீரௌமாயாம்ப்ராதுஷ்கரோத்ததா ॥ 4 ॥
இந்த்ரஜித்துரதேஸ்தாப்யஸீதாம்மாயாமயீந்ததா ।
பலேநமஹதாவ்ரு'த்யதஸ்யாவதமரோசயத் ॥ 5 ॥
மோஹநார்தந்துஸர்வேஷாம்புத்திங்க்ரு'த்வாஸுதுர்மதிஃ ।
ஹந்தும்ஸீதாம்வ்யவஸிதோவாநராபிமுகோயயௌ ॥ 6 ॥
தம்த்ரு'ஷ்டவாத்வபிநிர்யாந்தம்ஸர்வேதேகாநநௌகஸஃ ।
உத்பேதுரபிஸங்க்ருத்தாஶ்ஶிலாஹஸ்தாயுயுத்ஸவஃ ॥ 7 ॥
ஹநூமாந் புரதஸ்தேஷாஞ்ஜகாமகபிகுஞ்ஜரஃ ।
ப்ரக்ரு'ஹ்யஸுமஹச்ச்ரு'ங்கம்பர்வதஸ்யதுராஸதம் ॥ 8 ॥
ஸ ததர்ஶஹதாநந்தாம்ஸீதாமிந்த்ரஜிதோரதே ।
ஏகவேணீதராந்தீநாமுபவாஸக்ரு'ஶாநநாம் ॥ 9 ॥
பரிக்லிஷ்டைகவஸநாமம்ரு'ஜாம்ராகவப்ரியாம் ।
ரஜோமலாப்யாமாலிப்தைஸ்ஸர்வகாத்ரைர்வரஸ்த்ரியம் ॥ 10 ॥
தாந்நிரீக்ஷ்யமுஹூர்தந்துமைதிலீத்யத்யவஸ்யது ।
பபூவாசிரத்ரு'ஷ்டாஹிதேநஸாஜநகாத்மஜா ॥ 11 ॥
அப்ரவீத்தாந்துஶோகார்தாந்நிராநந்தாந்தபஸ்விநீம் ।
த்ரு'ஷ்டவாரதோஸ்திதாந்த்ரு'ஷ்ட்வாராக்ஷஸேந்த்ரஸுதஶ்ரிதாம் ॥ 12 ॥
கம்ஸமர்திதமஸ்யேதிசிந்தயந்ஸமஹாகபிஃ ।
ஸஹதைர்வாநரஶ்ரேஷ்டைரப்யதாவதராவணிம் ॥ 13 ॥
தத்வாநரபலந்த்ரு'ஷ்டவாராவணிஃக்ரோதமூர்சிதஃ ।
க்ரு'த்வாவிகோஶந்நிஸ்த்ரிம்ஶம்மூர்த்நிஸீதாமகர்ஷயத் ॥ 14 ॥
தாம்ஸ்த்ரியம்பஶ்யதாந்தேஷாந்தாடயாமாஸராவணிஃ ।
க்ரோஶந்தீம்ராமராமேதிமாயயாயோஜிதாம்ரதே ॥ 15 ॥
க்ரு'ஹீதமூர்தஜாந்த்ரு'ஷ்டவாஹநுமாந் தைந்யமாகதஃ ।
ஶோகஜம்வாரிநேத்ராப்யாமுத்ஸ்ரு'ஜந்மாருதாத்மஜஃ ॥ 16 ॥
தாந்த்ரு'ஷ்டவாசாருஸர்வாங்கீம்ராமஸ்யமஹிஷீம்ப்ரியாம் ।
அப்ரவீத்புருஷம்வாக்யங்க்ரோதாத்ரக்ஷோதிபாத்மஜம் ॥ 17 ॥
துராத்மந்நாத்மநாஶாயகேஶபக்ஷேபராம்ரு'ஶஃ ।
ப்ரஹ்மர்ஷீணாங்குலேஜாதோராக்ஷஸீம்யோநிமாஶ்ரிதஃ ॥ 18 ॥
திக்த்வாம்பாபஸமாசாரம்யஸ்யதேமதிரித்ரு'ஶீ ।
ந்ரு'ஶம்ஸாநார்ய துர்வ்ரு'த்த க்ஷுத்ர பாபபராக்ரம ॥ 19 ॥
அநார்யஸ்யேத்ரு'ஶங்கர்மக்ரு'ணாதேநாஸ்திநிர்க்ரு'ண ।
ச்யுதாக்ரு'ஹாச்சராஜ்யாச்சராமஹஸ்தாச்சமைதிலீ ॥ 20 ॥
கிந்தவைஷாபராத்தாஹியதேநாம்ஹந்துமிச்சஸி ।
ஸீதாம்ஹத்வாது ந சிரஞ்ஜீவிஷ்யஸிகதஞ்சந ॥ 21 ॥
வதார்ஹகர்மணாநேநமமஹஸ்தகதோஹ்யஸி ।
யேச ஸ்த்ரீகாதிநாம்லோகாலோகவத்யைஷுகுஸதிதாஃ ॥ 22 ॥
இஹஜீவிதமுத்ஸ்ரு'ஜ்யப்ரேத்யதாந்ப்ரதிபத்ஸ்யஸே ।
திப்ருவாணோஹநுமாந் ஸாயுதைர்ஹரிபிர்வ்ரு'தஃ ॥ 23 ॥
அப்யதாவத் ஸஸுங்க்ரு'த்தோராக்ஷஸேந்த்ரஸுதம்ப்ரதி ।
பதந்தம்மஹாவீர்யந்ததநீகம்வநௌகஸாம் ॥ 24 ॥
ரக்ஷஸாம்பீமகோபாநாமநீகந்துந்யவாரயத் ।
ஸஃதாம்பாணஸஹஸ்ரேணவிக்ஷோப்யஹரிவாஹிநீம் ॥ 25 ॥
ஹநூமந்தம்ஹரிஶ்ரேஷ்டமிந்த்ரஜித் ப்ரத்யுவாச ஹ ।
ஸுக்ரீவஸ்த்வம் ச ராமஶ்சயந்நிமித்தமிஹாகதாஃ ॥ 26 ॥
தாம்வதிஷ்யாமிவைதேஹீமத்யைவதவபஶ்யதஃ ।
இமாம்ஹத்வாததோராமம்லக்ஷ்மணந்த்வாம் ச வாநர ॥ 27 ॥
ஸுக்ரீவம் ச வதிஷ்யாமிதஞ்சாநார்யம்விபீஷணம் ।
ந ஹந்தவ்யாஃஸ்த்ரியஶ்சேதியத் ப்ரவீஷிப்லவங்கம ॥ 28 ॥
பீடாகரமமித்ராணாம்யத்ஸ்யாத்கர்தவ்யமேவதத் ।
தமேவமுக்த்வாருததீம்ஸீதாம்மயாமயீம் ச தாம் ॥ 29 ॥
ஶிததாரேணகங்கேநநிஜகாநேந்த்ரஜித்ஸ்வயம் ।
யஜ்ஞோபவீதமார்கேணபிந்நாதேநதபஸ்விநீ ॥ 30 ॥
ஸாப்ரு'திவ்யாம்ப்ரு'துஶ்ரோணீபபாதப்ரியதர்ஶநா ।
த்தாமிந்த்ரஜித் ஸ்த்ரியம்ஹத்வாஹநூமந்தமுவாச ஹ ॥ 31 ॥
மயாராமஸ்யபஶ்யேமாங்கோபேந ச ।
ஏஷாவிஶஸ்தாவைதேஹீநிஷ்பலோவஃபரிஶ்ரமஃ ॥ 32 ॥
ததஃகடகேநமஹதாஹத்வாதாமிந்த்ரஜித் ஸ்வயம் ।
ஹ்ரு'ஷ்டஸ்ஸரதமாஸ்தாயநநாத ச மஹாஸ்வநம் ॥ 33 ॥
வாநராஶ்ஶுஶ்ருவுஶ்ஶப்தமதூரேப்ரத்யவஸ்திதாஃ ।
வ்யாதிதாஸ்யஸ்யநததஸ்தத்துர்கம்ஸம்ஶ்ரிதஸ்யது ॥ 34 ॥
ததாதுஸீதாம்விநிஹத்யதுர்மதிஃப்ரஹ்ரு'ஷ்டசேதாஸ்ஸபபூவராவணிஃ ।
தம்ஹ்ரு'ஷ்டரூபம்ஸமுதீக்ஷ்யவாநராவிஷண்ணரூபாஸ்ஸஹஸாப்ரததுத்ருவுஃ ॥ 35 ॥
இத்யார்ஷே ஶ்ரீமத்ராமாயணே வால்மீகீய ஆதிகாவ்யே யுத்தகாண்டே ஏகாஶீதிதமஸ்ஸர்கஃ ॥
Roman (IAST) Transliteration
śrīmadvālmīkīya rāmāyaṇe yuddhakāṇḍam |
atha ekāśītitamassargaḥ |
vijñāyatumanastasyarāghavasyamahātmanaḥ |
sa nivṛtyāhavāttasmāt praviveśapurīntataḥ || 1 ||
so'nusmṛtyavadhanteṣāṃrākṣasānāntarasvinām |
krodhatāmrekṣaṇaśśūronirjagāmāhādyutiḥ || 2 ||
sa paścimevadvāreṇaniryayaurākṣasairvṛtaḥ |
indrajitsumahāvīryaḥpaulastyodevakaṇṭakaḥ || 3 ||
indrajittutatodṛṣṭavābhrātaraurāmalakṣmaṇau |
raṇāyābhyudyatauvīraumāyāmprāduṣkarottadā || 4 ||
indrajitturathesthāpyasītāmmāyāmayīntadā |
balenamahatāvṛtyatasyāvadhamarocayat || 5 ||
mohanārthantusarveṣāmbuddhiṅkṛtvāsudurmatiḥ |
hantuṃsītāṃvyavasitovānarābhimukhoyayau || 6 ||
tamdṛṣṭavātvabhiniryāntaṃsarvetekānanaukasaḥ |
utpeturabhisaṅkruddhāśśilāhastāyuyutsavaḥ || 7 ||
hanūmān puratasteṣāñjagāmakapikuñjaraḥ |
pragṛhyasumahacchṛṅgamparvatasyadurāsadam || 8 ||
sa dadarśahatānandāṃsītāmindrajitorathe |
ekaveṇīdharāndīnāmupavāsakṛśānanām || 9 ||
parikliṣṭaikavasanāmamṛjāṃrāghavapriyām |
rajomalābhyāmāliptaissarvagātrairvarastriyam || 10 ||
tānnirīkṣyamuhūrtantumaithilītyadhyavasyatu |
babhūvāciradṛṣṭāhitenasājanakātmajā || 11 ||
abravīttāntuśokārtānnirānandāntapasvinīm |
dṛṣṭavārathosthitāndṛṣṭvārākṣasendrasutaśritām || 12 ||
kaṃsamarthitamasyeticintayansamahākapiḥ |
sahatairvānaraśreṣṭhairabhyadhāvatarāvaṇim || 13 ||
tadvānarabalandṛṣṭavārāvaṇiḥkrodhamūrchitaḥ |
kṛtvāvikośannistriṃśammūrdhnisītāmakarṣayat || 14 ||
tāṃstriyampaśyatānteṣāntāḍayāmāsarāvaṇiḥ |
krośantīṃrāmarāmetimāyayāyojitāṃrathe || 15 ||
gṛhītamūrdhajāndṛṣṭavāhanumān dainyamāgataḥ |
śokajaṃvārinetrābhyāmutsṛjanmārutātmajaḥ || 16 ||
tāndṛṣṭavācārusarvāṅgīṃrāmasyamahiṣīmpriyām |
abravītpuruṣaṃvākyaṅkrodhādrakṣodhipātmajam || 17 ||
durātmannātmanāśāyakeśapakṣeparāmṛśaḥ |
brahmarṣīṇāṅkulejātorākṣasīṃyonimāśritaḥ || 18 ||
dhiktvāmpāpasamācāraṃyasyatematiridṛśī |
nṛśaṃsānārya durvṛtta kṣudra pāpaparākrama || 19 ||
anāryasyedṛśaṅkarmaghṛṇātenāstinirghṛṇa |
cyutāgṛhāccarājyāccarāmahastāccamaithilī || 20 ||
kintavaiṣāparāddhāhiyadenāṃhantumicchasi |
sītāṃhatvātu na cirañjīviṣyasikathañcana || 21 ||
vadhārhakarmaṇānenamamahastagatohyasi |
yeca strīghātināṃlokālokavadhyaiṣukusatitāḥ || 22 ||
ihajīvitamutsṛjyapretyatānpratipatsyase |
tibruvāṇohanumān sāyudhairharibhirvṛtaḥ || 23 ||
abhyadāvat sasuṅkṛddhorākṣasendrasutamprati |
patantammahāvīryantadanīkaṃvanaukasām || 24 ||
rakṣasāmbhīmakopānāmanīkantunyavārayat |
saḥtāmbāṇasahasreṇavikṣobhyaharivāhinīm || 25 ||
hanūmantaṃhariśreṣṭhamindrajit pratyuvāca ha |
sugrīvastvaṃ ca rāmaścayannimittamihāgatāḥ || 26 ||
tāṃvadhiṣyāmivaidehīmadyaivatavapaśyataḥ |
imāṃhatvātatorāmaṃlakṣmaṇantvāṃ ca vānara || 27 ||
sugrīvaṃ ca vadhiṣyāmitañcānāryaṃvibhīṣaṇam |
na hantavyāḥstriyaścetiyad bravīṣiplavaṅgama || 28 ||
pīḍākaramamitrāṇāṃyatsyātkartavyamevatat |
tamevamuktvārudatīṃsītāmmayāmayīṃ ca tām || 29 ||
śitadhāreṇakhaṅgenanijaghānendrajitsvayam |
yajñopavītamārgeṇabhinnātenatapasvinī || 30 ||
sāpṛthivyāmpṛthuśroṇīpapātapriyadarśanā |
ttāmindrajit striyaṃhatvāhanūmantamuvāca ha || 31 ||
mayārāmasyapaśyemāṅkopena ca |
eṣāviśastāvaidehīniṣphalovaḥpariśramaḥ || 32 ||
tataḥkhaḍagenamahatāhatvātāmindrajit svayam |
hṛṣṭassarathamāsthāyananāda ca mahāsvanam || 33 ||
vānarāśśuśruvuśśabdamadūrepratyavasthitāḥ |
vyāditāsyasyanadatastaddurgaṃsaṃśritasyatu || 34 ||
tathātusītāṃvinihatyadurmatiḥprahṛṣṭacetāssababhūvarāvaṇiḥ |
taṃhṛṣṭarūpaṃsamudīkṣyavānarāviṣaṇṇarūpāssahasāpradadudruvuḥ || 35 ||
ityārṣe śrīmadrāmāyaṇe vālmīkīya ādikāvye yuddhakāṇḍe ekāśītitamassargaḥ ||
Sanskrit — Devanagari (original)
श्रीमद्वाल्मीकीय रामायणे युद्धकाण्डम् ।
अथ एकाशीतितमस्सर्गः ।
विज्ञायतुमनस्तस्यराघवस्यमहात्मनः ।
स निवृत्याहवात्तस्मात् प्रविवेशपुरीन्ततः ॥ 1 ॥
सोऽनुस्मृत्यवधन्तेषांराक्षसानान्तरस्विनाम् ।
क्रोधताम्रेक्षणश्शूरोनिर्जगामाहाद्युतिः ॥ 2 ॥
स पश्चिमेवद्वारेणनिर्ययौराक्षसैर्वृतः ।
इन्द्रजित्सुमहावीर्यःपौलस्त्योदेवकण्टकः ॥ 3 ॥
इन्द्रजित्तुततोदृष्टवाभ्रातरौरामलक्ष्मणौ ।
रणायाभ्युद्यतौवीरौमायाम्प्रादुष्करोत्तदा ॥ 4 ॥
इन्द्रजित्तुरथेस्थाप्यसीताम्मायामयीन्तदा ।
बलेनमहतावृत्यतस्यावधमरोचयत् ॥ 5 ॥
मोहनार्थन्तुसर्वेषाम्बुद्धिङ्कृत्वासुदुर्मतिः ।
हन्तुंसीतांव्यवसितोवानराभिमुखोययौ ॥ 6 ॥
तम्दृष्टवात्वभिनिर्यान्तंसर्वेतेकाननौकसः ।
उत्पेतुरभिसङ्क्रुद्धाश्शिलाहस्तायुयुत्सवः ॥ 7 ॥
हनूमान् पुरतस्तेषाञ्जगामकपिकुञ्जरः ।
प्रगृह्यसुमहच्छृङ्गम्पर्वतस्यदुरासदम् ॥ 8 ॥
स ददर्शहतानन्दांसीतामिन्द्रजितोरथे ।
एकवेणीधरान्दीनामुपवासकृशाननाम् ॥ 9 ॥
परिक्लिष्टैकवसनाममृजांराघवप्रियाम् ।
रजोमलाभ्यामालिप्तैस्सर्वगात्रैर्वरस्त्रियम् ॥ 10 ॥
तान्निरीक्ष्यमुहूर्तन्तुमैथिलीत्यध्यवस्यतु ।
बभूवाचिरदृष्टाहितेनसाजनकात्मजा ॥ 11 ॥
अब्रवीत्तान्तुशोकार्तान्निरानन्दान्तपस्विनीम् ।
दृष्टवारथोस्थितान्दृष्ट्वाराक्षसेन्द्रसुतश्रिताम् ॥ 12 ॥
कंसमर्थितमस्येतिचिन्तयन्समहाकपिः ।
सहतैर्वानरश्रेष्ठैरभ्यधावतरावणिम् ॥ 13 ॥
तद्वानरबलन्दृष्टवारावणिःक्रोधमूर्छितः ।
कृत्वाविकोशन्निस्त्रिंशम्मूर्ध्निसीतामकर्षयत् ॥ 14 ॥
तांस्त्रियम्पश्यतान्तेषान्ताडयामासरावणिः ।
क्रोशन्तींरामरामेतिमाययायोजितांरथे ॥ 15 ॥
गृहीतमूर्धजान्दृष्टवाहनुमान् दैन्यमागतः ।
शोकजंवारिनेत्राभ्यामुत्सृजन्मारुतात्मजः ॥ 16 ॥
तान्दृष्टवाचारुसर्वाङ्गींरामस्यमहिषीम्प्रियाम् ।
अब्रवीत्पुरुषंवाक्यङ्क्रोधाद्रक्षोधिपात्मजम् ॥ 17 ॥
दुरात्मन्नात्मनाशायकेशपक्षेपरामृशः ।
ब्रह्मर्षीणाङ्कुलेजातोराक्षसींयोनिमाश्रितः ॥ 18 ॥
धिक्त्वाम्पापसमाचारंयस्यतेमतिरिदृशी ।
नृशंसानार्य दुर्वृत्त क्षुद्र पापपराक्रम ॥ 19 ॥
अनार्यस्येदृशङ्कर्मघृणातेनास्तिनिर्घृण ।
च्युतागृहाच्चराज्याच्चरामहस्ताच्चमैथिली ॥ 20 ॥
किन्तवैषापराद्धाहियदेनांहन्तुमिच्छसि ।
सीतांहत्वातु न चिरञ्जीविष्यसिकथञ्चन ॥ 21 ॥
वधार्हकर्मणानेनममहस्तगतोह्यसि ।
येच स्त्रीघातिनांलोकालोकवध्यैषुकुसतिताः ॥ 22 ॥
इहजीवितमुत्सृज्यप्रेत्यतान्प्रतिपत्स्यसे ।
तिब्रुवाणोहनुमान् सायुधैर्हरिभिर्वृतः ॥ 23 ॥
अभ्यदावत् ससुङ्कृद्धोराक्षसेन्द्रसुतम्प्रति ।
पतन्तम्महावीर्यन्तदनीकंवनौकसाम् ॥ 24 ॥
रक्षसाम्भीमकोपानामनीकन्तुन्यवारयत् ।
सःताम्बाणसहस्रेणविक्षोभ्यहरिवाहिनीम् ॥ 25 ॥
हनूमन्तंहरिश्रेष्ठमिन्द्रजित् प्रत्युवाच ह ।
सुग्रीवस्त्वं च रामश्चयन्निमित्तमिहागताः ॥ 26 ॥
तांवधिष्यामिवैदेहीमद्यैवतवपश्यतः ।
इमांहत्वाततोरामंलक्ष्मणन्त्वां च वानर ॥ 27 ॥
सुग्रीवं च वधिष्यामितञ्चानार्यंविभीषणम् ।
न हन्तव्याःस्त्रियश्चेतियद् ब्रवीषिप्लवङ्गम ॥ 28 ॥
पीडाकरममित्राणांयत्स्यात्कर्तव्यमेवतत् ।
तमेवमुक्त्वारुदतींसीताम्मयामयीं च ताम् ॥ 29 ॥
शितधारेणखङ्गेननिजघानेन्द्रजित्स्वयम् ।
यज्ञोपवीतमार्गेणभिन्नातेनतपस्विनी ॥ 30 ॥
सापृथिव्याम्पृथुश्रोणीपपातप्रियदर्शना ।
त्तामिन्द्रजित् स्त्रियंहत्वाहनूमन्तमुवाच ह ॥ 31 ॥
मयारामस्यपश्येमाङ्कोपेन च ।
एषाविशस्तावैदेहीनिष्फलोवःपरिश्रमः ॥ 32 ॥
ततःखडगेनमहताहत्वातामिन्द्रजित् स्वयम् ।
हृष्टस्सरथमास्थायननाद च महास्वनम् ॥ 33 ॥
वानराश्शुश्रुवुश्शब्दमदूरेप्रत्यवस्थिताः ।
व्यादितास्यस्यनदतस्तद्दुर्गंसंश्रितस्यतु ॥ 34 ॥
तथातुसीतांविनिहत्यदुर्मतिःप्रहृष्टचेतास्सबभूवरावणिः ।
तंहृष्टरूपंसमुदीक्ष्यवानराविषण्णरूपास्सहसाप्रददुद्रुवुः ॥ 35 ॥
इत्यार्षे श्रीमद्रामायणे वाल्मीकीय आदिकाव्ये युद्धकाण्डे एकाशीतितमस्सर्गः ॥
śrīmadvālmīkīya rāmāyaṇe yuddhakāṇḍam |
atha ekāśītitamassargaḥ |
vijñāyatumanastasyarāghavasyamahātmanaḥ |
sa nivṛtyāhavāttasmāt praviveśapurīntataḥ || 1 ||
so'nusmṛtyavadhanteṣāṃrākṣasānāntarasvinām |
krodhatāmrekṣaṇaśśūronirjagāmāhādyutiḥ || 2 ||
sa paścimevadvāreṇaniryayaurākṣasairvṛtaḥ |
indrajitsumahāvīryaḥpaulastyodevakaṇṭakaḥ || 3 ||
indrajittutatodṛṣṭavābhrātaraurāmalakṣmaṇau |
raṇāyābhyudyatauvīraumāyāmprāduṣkarottadā || 4 ||
indrajitturathesthāpyasītāmmāyāmayīntadā |
balenamahatāvṛtyatasyāvadhamarocayat || 5 ||
mohanārthantusarveṣāmbuddhiṅkṛtvāsudurmatiḥ |
hantuṃsītāṃvyavasitovānarābhimukhoyayau || 6 ||
tamdṛṣṭavātvabhiniryāntaṃsarvetekānanaukasaḥ |
utpeturabhisaṅkruddhāśśilāhastāyuyutsavaḥ || 7 ||
hanūmān puratasteṣāñjagāmakapikuñjaraḥ |
pragṛhyasumahacchṛṅgamparvatasyadurāsadam || 8 ||
sa dadarśahatānandāṃsītāmindrajitorathe |
ekaveṇīdharāndīnāmupavāsakṛśānanām || 9 ||
parikliṣṭaikavasanāmamṛjāṃrāghavapriyām |
rajomalābhyāmāliptaissarvagātrairvarastriyam || 10 ||
tānnirīkṣyamuhūrtantumaithilītyadhyavasyatu |
babhūvāciradṛṣṭāhitenasājanakātmajā || 11 ||
abravīttāntuśokārtānnirānandāntapasvinīm |
dṛṣṭavārathosthitāndṛṣṭvārākṣasendrasutaśritām || 12 ||
kaṃsamarthitamasyeticintayansamahākapiḥ |
sahatairvānaraśreṣṭhairabhyadhāvatarāvaṇim || 13 ||
tadvānarabalandṛṣṭavārāvaṇiḥkrodhamūrchitaḥ |
kṛtvāvikośannistriṃśammūrdhnisītāmakarṣayat || 14 ||
tāṃstriyampaśyatānteṣāntāḍayāmāsarāvaṇiḥ |
krośantīṃrāmarāmetimāyayāyojitāṃrathe || 15 ||
gṛhītamūrdhajāndṛṣṭavāhanumān dainyamāgataḥ |
śokajaṃvārinetrābhyāmutsṛjanmārutātmajaḥ || 16 ||
tāndṛṣṭavācārusarvāṅgīṃrāmasyamahiṣīmpriyām |
abravītpuruṣaṃvākyaṅkrodhādrakṣodhipātmajam || 17 ||
durātmannātmanāśāyakeśapakṣeparāmṛśaḥ |
brahmarṣīṇāṅkulejātorākṣasīṃyonimāśritaḥ || 18 ||
dhiktvāmpāpasamācāraṃyasyatematiridṛśī |
nṛśaṃsānārya durvṛtta kṣudra pāpaparākrama || 19 ||
anāryasyedṛśaṅkarmaghṛṇātenāstinirghṛṇa |
cyutāgṛhāccarājyāccarāmahastāccamaithilī || 20 ||
kintavaiṣāparāddhāhiyadenāṃhantumicchasi |
sītāṃhatvātu na cirañjīviṣyasikathañcana || 21 ||
vadhārhakarmaṇānenamamahastagatohyasi |
yeca strīghātināṃlokālokavadhyaiṣukusatitāḥ || 22 ||
ihajīvitamutsṛjyapretyatānpratipatsyase |
tibruvāṇohanumān sāyudhairharibhirvṛtaḥ || 23 ||
abhyadāvat sasuṅkṛddhorākṣasendrasutamprati |
patantammahāvīryantadanīkaṃvanaukasām || 24 ||
rakṣasāmbhīmakopānāmanīkantunyavārayat |
saḥtāmbāṇasahasreṇavikṣobhyaharivāhinīm || 25 ||
hanūmantaṃhariśreṣṭhamindrajit pratyuvāca ha |
sugrīvastvaṃ ca rāmaścayannimittamihāgatāḥ || 26 ||
tāṃvadhiṣyāmivaidehīmadyaivatavapaśyataḥ |
imāṃhatvātatorāmaṃlakṣmaṇantvāṃ ca vānara || 27 ||
sugrīvaṃ ca vadhiṣyāmitañcānāryaṃvibhīṣaṇam |
na hantavyāḥstriyaścetiyad bravīṣiplavaṅgama || 28 ||
pīḍākaramamitrāṇāṃyatsyātkartavyamevatat |
tamevamuktvārudatīṃsītāmmayāmayīṃ ca tām || 29 ||
śitadhāreṇakhaṅgenanijaghānendrajitsvayam |
yajñopavītamārgeṇabhinnātenatapasvinī || 30 ||
sāpṛthivyāmpṛthuśroṇīpapātapriyadarśanā |
ttāmindrajit striyaṃhatvāhanūmantamuvāca ha || 31 ||
mayārāmasyapaśyemāṅkopena ca |
eṣāviśastāvaidehīniṣphalovaḥpariśramaḥ || 32 ||
tataḥkhaḍagenamahatāhatvātāmindrajit svayam |
hṛṣṭassarathamāsthāyananāda ca mahāsvanam || 33 ||
vānarāśśuśruvuśśabdamadūrepratyavasthitāḥ |
vyāditāsyasyanadatastaddurgaṃsaṃśritasyatu || 34 ||
tathātusītāṃvinihatyadurmatiḥprahṛṣṭacetāssababhūvarāvaṇiḥ |
taṃhṛṣṭarūpaṃsamudīkṣyavānarāviṣaṇṇarūpāssahasāpradadudruvuḥ || 35 ||
ityārṣe śrīmadrāmāyaṇe vālmīkīya ādikāvye yuddhakāṇḍe ekāśītitamassargaḥ ||
🕉️ This is the original Sanskrit rendered in Tamil script.
Pronunciation is identical to the Sanskrit Devanagari version.