𑌶𑍍𑌰𑍀𑌮𑌦𑍍𑌵𑌾𑌲𑍍𑌮𑍀𑌕𑍀𑌯 𑌰𑌾𑌮𑌾𑌯𑌣𑍇 𑌯𑍁𑌦𑍍𑌧𑌕𑌾𑌣𑍍𑌡𑌮𑍍 ।
𑌅𑌥 𑌅𑌷𑍍𑌟𑌮𑌸𑍍𑌸𑌰𑍍𑌗𑌃 ।
𑌤𑌤𑍋𑌨𑍀𑌲𑌾𑌮𑍍𑌬𑍁𑌦𑌨𑌿𑌭𑌃 𑌪𑍍𑌰𑌹𑌸𑍍𑌤𑍋𑌨𑌾𑌮𑌰𑌾𑌕𑍍𑌷𑌸𑌃 ।
𑌅𑌬𑍍𑌰𑌵𑍀𑌤𑍍𑌪𑍍𑌰𑌾𑌞𑍍𑌜𑌲𑌿𑌰𑍍𑌵𑌾𑌕𑍍𑌯𑌂𑌶𑍂𑌰𑌸𑍍𑌸𑍇𑌨𑌾𑌪𑌤𑌿𑌸𑍍𑌤𑌦𑌾 ॥ 1 ॥
𑌦𑍇𑌵𑌦𑌾𑌨𑌵𑌗𑌨𑍍𑌧𑌰𑍍𑌵𑌾𑌃𑌪𑌿𑌶𑌾𑌚𑌪𑌤𑌗𑍋𑌰𑌗𑌾𑌃 ।
𑌨𑌤𑍍𑌵𑌾𑌨𑍍𑌧𑌰𑍍𑌷𑌯𑌿𑌤𑍁𑌂𑌶𑌕𑍍𑌯𑌾𑌃𑌕𑌿𑌮𑍍𑌪𑍁𑌨𑌰𑍍𑌵𑌾𑌨𑌰𑌾𑌰𑌣𑍇 ॥ 2 ॥
𑌸𑌰𑍍𑌵𑍇𑌪𑍍𑌰𑌮𑌤𑍍𑌤𑌾𑌵𑌿𑌶𑍍𑌵𑌸𑍍𑌤𑌾𑌵𑌞𑍍𑌚𑌿𑌤𑌾𑌸𑍍𑌸𑍍𑌮𑌹𑌨𑍂𑌮𑌤𑌾 ।
𑌨𑌹𑌿𑌮𑍇𑌜𑍀𑌵𑌤𑍋𑌗𑌚𑍍𑌛𑍇𑌜𑍍𑌜𑍀𑌵𑌨𑍍 𑌸𑌵𑌨𑌗𑍋𑌚𑌰𑌃 ॥ 3 ॥
𑌸𑌰𑍍𑌵𑌾𑌂𑌸𑌾𑌗𑌰𑌪𑌰𑍍𑌯𑌨𑍍𑌤𑌾𑌂𑌸𑌶𑍈𑌲𑌵𑌨𑌕𑌾𑌨𑌨𑌾𑌮𑍍 ।
𑌕𑌰𑍋𑌮𑍍𑌯𑌵𑌾𑌨𑌰𑌾𑌮𑍍𑌭𑍂𑌮𑌿𑌮𑌾𑌜𑍍𑌞𑌾𑌪𑌯𑌤𑍁𑌮𑌾𑌮𑍍𑌭𑌵𑌾𑌨𑍍 ॥ 4 ॥
𑌰𑌕𑍍𑌷𑌾𑌞𑍍𑌚𑍈𑌵𑌵𑌿𑌧𑌾𑌸𑍍𑌯𑌾𑌮𑌿𑌵𑌾𑌨𑌰𑌾𑌦𑍍𑌰𑌜𑌨𑍀𑌚𑌰 ।
𑌨𑌾𑌗𑌮𑌿𑌷𑍍𑌯𑌤𑌿𑌤𑍇𑌦𑍁𑌃𑌖𑌙𑍍𑌕𑌿𑌞𑍍𑌚𑌿𑌦𑌾𑌤𑍍𑌮𑌾𑌪𑌰𑌾𑌧𑌜𑌮𑍍 ॥ 5 ॥
𑌅𑌬𑍍𑌰𑌵𑍀𑌚𑍍𑌚𑌸𑍁𑌸𑌙𑍍𑌕𑍃𑌦𑍍𑌧𑍋𑌦𑍁𑌰𑍍𑌮𑍁𑌖𑍋𑌨𑌾𑌮𑌰𑌾𑌕𑍍𑌷𑌸𑌃 ।
𑌇𑌦𑌨𑍍𑌨𑌕𑍍𑌷𑌮𑌣𑍀𑌯𑌂𑌹𑌿𑌸𑌰𑍍𑌵𑍇𑌷𑌾𑌨𑍍𑌨𑌃𑌪𑍍𑌰𑌧𑌰𑍍𑌷𑌣𑌮𑍍 ॥ 6 ॥
𑌅𑌯𑌮𑍍𑌪𑌰𑌿𑌭𑌵𑍋𑌭𑍂𑌯𑌃𑌪𑍁𑌰𑌸𑍍𑌯𑌾𑌨𑍍𑌤𑌃𑌪𑍁𑌰𑌸𑍍𑌯𑌚 ।
𑌶𑍍𑌰𑍀𑌮𑌤𑍋𑌰𑌾𑌕𑍍𑌷𑌸𑍇𑌨𑍍𑌦𑍍𑌰𑌸𑍍𑌯𑌵𑌾𑌨𑌰𑍇𑌣𑌪𑍍𑌰𑌧𑌰𑍍𑌷𑌣𑌮𑍍 ॥ 7 ॥
𑌅𑌸𑍍𑌮𑌿𑌨𑍍 𑌮𑍁𑌹𑍂𑌰𑍍𑌤𑍇𑌗𑌤𑍍𑌵𑍈𑌕𑍋𑌨𑌿𑌵𑌰𑍍𑌤𑌿𑌷𑍍𑌯𑌾𑌮𑌿𑌵𑌾𑌨𑌰𑌾𑌨𑍍 ।
𑌪𑍍𑌰𑌵𑌿𑌷𑍍𑌟𑌾𑌨𑍍 𑌸𑌾𑌗𑌰𑌮𑍍𑌭𑍀𑌮𑌮𑌮𑍍𑌬𑌰𑌂𑌵𑌾𑌰𑌸𑌾𑌤𑌲𑌮𑍍 ॥ 8 ॥
𑌤𑌤𑍋𑌽𑌬𑍍𑌰𑌵𑍀𑌤𑍍𑌸𑍁𑌸𑌙𑍍𑌕𑍃𑌦𑍍𑌧𑍋𑌵𑌜𑍍𑌰𑌦𑌂𑌷𑍍𑌟𑍍𑌰𑍋𑌮𑌹𑌾𑌬𑌲𑌃 ।
𑌪𑍍𑌰𑌗𑍃𑌹𑍍𑌯𑌪𑌰𑌿𑌘𑌙𑍍𑌘𑍋𑌰𑌮𑍍𑌮𑌾𑌂𑌸𑌶𑍋𑌣𑌿𑌤𑌰𑍂𑌷𑌿𑌤𑌮𑍍 ॥ 9 ॥
𑌕𑌿𑌂𑌵𑍋𑌹𑌨𑍁𑌮𑌤𑌾𑌕𑌾𑌰𑍍𑌯𑌙𑍍𑌕𑍃𑌪𑌣𑍇𑌨𑌤𑌪𑌸𑍍𑌵𑌿𑌨𑌾 ।
𑌰𑌾𑌮𑍇𑌤𑌿𑌷𑍍𑌠𑌤𑌿𑌦𑍁𑌰𑍍𑌧𑌰𑍍𑌷𑍇𑌸𑌸𑍁𑌗𑍍𑌰𑍀𑌵𑍇𑌽𑌪𑌿𑌸𑌲𑌕𑍍𑌷𑍍𑌮𑌣𑍇 ॥ 10 ॥
𑌅𑌦𑍍𑌯𑌰𑌾𑌮𑌂𑌸𑌸𑍁𑌗𑍍𑌰𑍀𑌵𑌮𑍍𑌪𑌰𑌿𑌘𑍇𑌣𑌸𑌲𑌕𑍍𑌷𑍍𑌮𑌣𑌮𑍍 ।
𑌆𑌗𑌮𑌿𑌷𑍍𑌯𑌾𑌮𑌿𑌹𑌤𑍍𑌵𑍈𑌕𑍋𑌵𑌿𑌕𑍍𑌷𑍋𑌭𑍍𑌯𑌹𑌰𑌿𑌵𑌾𑌹𑌿𑌨𑍀𑌮𑍍 ॥ 11 ॥
𑌇𑌦𑌮𑍍𑌮𑌮𑌾𑌪𑌰𑌂𑌵𑌾𑌕𑍍𑌯𑌂𑌶𑍃𑌣𑍁𑌰𑌾𑌜𑌨𑍍 𑌯𑌦𑍀𑌚𑍍𑌛𑌸𑌿 ।
𑌉𑌪𑌾𑌯𑌕𑍁𑌶𑌲𑍋𑌹𑍍𑌯𑍇𑌵𑌜𑌯𑍇𑌚𑍍𑌛𑌤𑍍𑌰𑍂𑌨𑌤𑌨𑍍𑌦𑍍𑌰𑌿𑌤𑌃 ॥ 12 ॥
𑌕𑌾𑌮𑌰𑍂𑌪𑌧𑌰𑌾𑌶𑍍𑌶𑍂𑌰𑌾𑌸𑍍𑌸𑍁𑌭𑍀𑌮𑌾𑌭𑍀𑌮𑌦𑌰𑍍𑌶𑌨𑌾𑌃 ।
𑌰𑌾𑌕𑍍𑌷𑌸𑌾𑌵𑍈𑌸𑌹𑌸𑍍𑌰𑌾𑌣𑌿𑌰𑌾𑌕𑍍𑌷𑌸𑌾𑌧𑌿𑌪𑌨𑌿𑌶𑍍𑌚𑌿𑌤𑌾𑌃 ॥ 13 ॥
𑌕𑌾𑌕𑍁𑌤𑍍𑌸𑍍𑌥𑌮𑍁𑌪𑌸𑌙𑍍𑌗𑌮𑍍𑌯𑌬𑌿𑌭𑍍𑌰𑌤𑍋𑌮𑌾𑌨𑍁𑌷𑌂𑌵𑌪𑍁𑌃 ।
𑌸𑌰𑍍𑌵𑍇𑌹𑍍𑌯𑌸𑌮𑍍𑌭𑍍𑌰𑌮𑌾𑌭𑍂𑌤𑍍𑌵𑌾𑌬𑍍𑌰𑍁𑌵𑌨𑍍𑌤𑍁𑌰𑌘𑍁𑌸𑌤𑍍𑌤𑌮𑌮𑍍 ॥ 14 ॥
𑌪𑍍𑌰𑍇𑌷𑌿𑌤𑌾𑌭𑌰𑌤𑍇𑌨𑍈𑌵𑌭𑍍𑌰𑌾𑌤𑍍𑌰𑌾𑌤𑌵𑌯𑌵𑍀𑌯𑌸𑌾 ।
𑌸𑌹𑌿𑌸𑍇𑌨𑌾𑌂𑌸𑌮𑍁𑌤𑍍𑌥𑌾𑌪𑍍𑌯𑌕𑍍𑌷𑌿𑌪𑍍𑌰𑌮𑍇𑌵𑍋𑌪𑌯𑌾𑌸𑍍𑌯𑌤𑌿 ॥ 15 ॥
𑌤𑌤𑍋𑌵𑌯𑌮𑌿𑌤𑌸𑍍𑌤𑍂𑌰𑍍𑌣𑌂𑌶𑍂𑌲𑌶𑌕𑍍𑌤𑌿𑌗𑌦𑌾𑌧𑌰𑌾𑌃 ।
𑌚𑌾𑌪𑌬𑌾𑌣𑌾𑌸𑌿𑌹𑌸𑍍𑌤𑌾𑌶𑍍𑌚𑌤𑍍𑌵𑌰𑌿𑌤𑌾𑌸𑍍𑌤𑌤𑍍𑌰𑌯𑌾𑌮𑌹𑍇 ॥ 16 ॥
𑌆𑌕𑌾𑌶𑍇𑌗𑌣𑌶𑌸𑍍𑌥𑍍𑌸𑌿𑌤𑍍𑌵𑌾𑌹𑌤𑍍𑌵𑌾𑌤𑌾𑌂𑌹𑌰𑌿𑌵𑌾𑌹𑌿𑌨𑍀𑌮𑍍 ।
𑌅𑌶𑍍𑌮𑌶𑌸𑍍𑌤𑍍𑌰𑌮𑌹𑌾𑌵𑍃𑌷𑍍𑌟𑍍𑌯𑌾𑌪𑍍𑌰𑌾𑌪𑌯𑌾𑌮𑌯𑌮𑌕𑍍𑌷𑌯𑌮𑍍 ॥ 17 ॥
𑌏𑌵𑌞𑍍𑌚𑍇𑌦𑍁𑌪𑌸𑌰𑍍𑌪𑍇𑌤𑌾𑌮𑌨𑌯𑌂𑌰𑌾𑌮𑌲𑌕𑍍𑌷𑍍𑌮𑌣𑍗 ।
𑌅𑌵𑌶𑍍𑌯𑌮𑌪𑌨𑍀𑌤𑍇𑌨𑌜𑌹𑌤𑌾𑌮𑍇𑌵𑌜𑍀𑌵𑌿𑌤𑌮𑍍 ॥ 18 ॥
𑌕𑍗𑌮𑍍𑌭𑌕𑌰𑍍𑌣𑌿𑌸𑍍𑌤𑌤𑍋𑌵𑍀𑌰𑍋𑌨𑌿𑌕𑍁𑌮𑍍𑌭𑍋𑌨𑌾𑌮𑌵𑍀𑌰𑍍𑌯𑌵𑌾𑌨𑍍 ।
𑌅𑌬𑍍𑌰𑌵𑍀𑌤𑍍𑌪𑌰𑌮𑌕𑍍𑌰𑍁𑌦𑍍𑌧𑍋𑌰𑌾𑌵𑌣𑌂𑌲𑍋𑌕𑌰𑌾𑌵𑌣𑌮𑍍 ॥ 19 ॥
𑌸𑌰𑍍𑌵𑍇𑌭𑌵𑌨𑍍𑌤𑌸𑍍𑌤𑌿𑌷𑍍𑌠𑌨𑍍𑌤𑍁𑌮𑌹𑌾𑌰𑌾𑌜𑍇𑌨𑌸𑌙𑍍𑌗𑌤𑌾𑌃 ।
𑌅𑌹𑌮𑍇𑌕𑍋𑌹𑌨𑌿𑌷𑍍𑌯𑌾𑌮𑌿𑌰𑌾𑌘𑌵𑌂𑌸𑌹𑌲𑌕𑍍𑌷𑍍𑌮𑌣𑌮𑍍 ॥ 20 ॥
𑌸𑍁𑌗𑍍𑌰𑍀𑌵𑌞𑍍𑌚𑌹𑌨𑍂𑌮𑌨𑍍𑌤𑌂𑌸𑌰𑍍𑌵𑌾𑌨𑍍𑌨𑍇𑌵𑌚𑌵𑌾𑌨𑌰𑌾𑌨𑍍 ।
𑌤𑌤𑍋𑌵𑌜𑍍𑌰𑌹𑌨𑍁𑌰𑍍𑌨𑌾𑌮𑌰𑌾𑌕𑍍𑌷𑌸𑌃𑌪𑌰𑍍𑌵𑌤𑍋𑌪𑌮𑌃 ॥ 21 ॥
𑌕𑍍𑌰𑍁𑌦𑍍𑌧𑌃 𑌪𑌰𑌿𑌲𑌿𑌹𑌨𑍍𑌸𑍃𑌕𑍍𑌕𑌾𑌞𑍍𑌜𑌿𑌹𑍍𑌵𑌯𑌾𑌵𑌾𑌕𑍍𑌯𑌮𑌬𑍍𑌰𑌵𑍀𑌤𑍍 ।
𑌸𑍍𑌵𑍈𑌰𑌙𑍍𑌕𑍁𑌰𑍍𑌵𑌨𑍍𑌤𑍁𑌕𑌰𑍍𑌮𑌾𑌣𑌿𑌭𑌵𑌨𑍍𑌤𑍋𑌵𑌿𑌗𑌤𑌜𑍍𑌵𑌰𑌾𑌃 ॥ 22 ॥
𑌏𑌕𑍋𑌽𑌹𑌮𑍍𑌭𑌕𑍍𑌷𑌯𑌿𑌷𑍍𑌯𑌾𑌮𑌿𑌤𑌾𑌂𑌸𑌰𑍍𑌵𑌾𑌂𑌹𑌰𑌿𑌯𑍂𑌥𑌪𑌾𑌨𑍍 ।
𑌸𑍍𑌵𑌸𑍍𑌥𑌾𑌃𑌕𑍍𑌰𑍀𑌡𑌨𑍍𑌤𑍁𑌨𑌿𑌶𑍍𑌚𑌿𑌨𑍍𑌤𑌾𑌃𑌪𑌿𑌬𑌨𑍍𑌤𑍁𑌮𑌧𑍁𑌵𑌾𑌰𑍁𑌣𑍀𑌮𑍍 ॥ 23 ॥
𑌅𑌹𑌮𑍇𑌕𑍋𑌵𑌧𑌿𑌷𑍍𑌯𑌾𑌮𑌿𑌸𑍁𑌗𑍍𑌰𑍀𑌵𑌂𑌸𑌹𑌲𑌕𑍍𑌷𑍍𑌮𑌣𑌮𑍍 ।
𑌸𑌾𑌙𑍍𑌗𑌦𑌞𑍍𑌚𑌹𑌨𑍂𑌮𑌨𑍍𑌤𑌂𑌰𑌾𑌮𑌞𑍍𑌚𑌰𑌣𑌕𑍁𑌞𑍍𑌜𑌰𑌮𑍍 ॥ 24 ॥
𑌇𑌤𑍍𑌯𑌾𑌰𑍍𑌷𑍇 𑌶𑍍𑌰𑍀𑌮𑌦𑍍𑌰𑌾𑌮𑌾𑌯𑌣𑍇 𑌵𑌾𑌲𑍍𑌮𑍀𑌕𑍀𑌯 𑌆𑌦𑌿𑌕𑌾𑌵𑍍𑌯𑍇 𑌯𑍁𑌦𑍍𑌧𑌕𑌾𑌣𑍍𑌡𑍇 𑌅𑌷𑍍𑌟𑌮𑌸𑍍𑌸𑌰𑍍𑌗𑌃 ॥
Roman (IAST) Transliteration
śrīmadvālmīkīya rāmāyaṇe yuddhakāṇḍam |
atha aṣṭamassargaḥ |
tatonīlāmbudanibhaḥ prahastonāmarākṣasaḥ |
abravītprāñjalirvākyaṃśūrassenāpatistadā || 1 ||
devadānavagandharvāḥpiśācapatagoragāḥ |
natvāndharṣayituṃśakyāḥkimpunarvānarāraṇe || 2 ||
sarvepramattāviśvastāvañcitāssmahanūmatā |
nahimejīvatogacchejjīvan savanagocaraḥ || 3 ||
sarvāṃsāgaraparyantāṃsaśailavanakānanām |
karomyavānarāmbhūmimājñāpayatumāmbhavān || 4 ||
rakṣāñcaivavidhāsyāmivānarādrajanīcara |
nāgamiṣyatiteduḥkhaṅkiñcidātmāparādhajam || 5 ||
abravīccasusaṅkṛddhodurmukhonāmarākṣasaḥ |
idannakṣamaṇīyaṃhisarveṣānnaḥpradharṣaṇam || 6 ||
ayamparibhavobhūyaḥpurasyāntaḥpurasyaca |
śrīmatorākṣasendrasyavānareṇapradharṣaṇam || 7 ||
asmin muhūrtegatvaikonivartiṣyāmivānarān |
praviṣṭān sāgarambhīmamambaraṃvārasātalam || 8 ||
tato'bravītsusaṅkṛddhovajradaṃṣṭromahābalaḥ |
pragṛhyaparighaṅghorammāṃsaśoṇitarūṣitam || 9 ||
kiṃvohanumatākāryaṅkṛpaṇenatapasvinā |
rāmetiṣṭhatidurdharṣesasugrīve'pisalakṣmaṇe || 10 ||
adyarāmaṃsasugrīvamparigheṇasalakṣmaṇam |
āgamiṣyāmihatvaikovikṣobhyaharivāhinīm || 11 ||
idammamāparaṃvākyaṃśṛṇurājan yadīcchasi |
upāyakuśalohyevajayecchatrūnatandritaḥ || 12 ||
kāmarūpadharāśśūrāssubhīmābhīmadarśanāḥ |
rākṣasāvaisahasrāṇirākṣasādhipaniścitāḥ || 13 ||
kākutsthamupasaṅgamyabibhratomānuṣaṃvapuḥ |
sarvehyasambhramābhūtvābruvanturaghusattamam || 14 ||
preṣitābharatenaivabhrātrātavayavīyasā |
sahisenāṃsamutthāpyakṣipramevopayāsyati || 15 ||
tatovayamitastūrṇaṃśūlaśaktigadādharāḥ |
cāpabāṇāsihastāścatvaritāstatrayāmahe || 16 ||
ākāśegaṇaśasthsitvāhatvātāṃharivāhinīm |
aśmaśastramahāvṛṣṭyāprāpayāmayamakṣayam || 17 ||
evañcedupasarpetāmanayaṃrāmalakṣmaṇau |
avaśyamapanītenajahatāmevajīvitam || 18 ||
kaumbhakarṇistatovīronikumbhonāmavīryavān |
abravītparamakruddhorāvaṇaṃlokarāvaṇam || 19 ||
sarvebhavantastiṣṭhantumahārājenasaṅgatāḥ |
ahamekohaniṣyāmirāghavaṃsahalakṣmaṇam || 20 ||
sugrīvañcahanūmantaṃsarvānnevacavānarān |
tatovajrahanurnāmarākṣasaḥparvatopamaḥ || 21 ||
kruddhaḥ parilihansṛkkāñjihvayāvākyamabravīt |
svairaṅkurvantukarmāṇibhavantovigatajvarāḥ || 22 ||
eko'hambhakṣayiṣyāmitāṃsarvāṃhariyūthapān |
svasthāḥkrīḍantuniścintāḥpibantumadhuvāruṇīm || 23 ||
ahamekovadhiṣyāmisugrīvaṃsahalakṣmaṇam |
sāṅgadañcahanūmantaṃrāmañcaraṇakuñjaram || 24 ||
ityārṣe śrīmadrāmāyaṇe vālmīkīya ādikāvye yuddhakāṇḍe aṣṭamassargaḥ ||
Sanskrit — Devanagari (original)
श्रीमद्वाल्मीकीय रामायणे युद्धकाण्डम् ।
अथ अष्टमस्सर्गः ।
ततोनीलाम्बुदनिभः प्रहस्तोनामराक्षसः ।
अब्रवीत्प्राञ्जलिर्वाक्यंशूरस्सेनापतिस्तदा ॥ 1 ॥
देवदानवगन्धर्वाःपिशाचपतगोरगाः ।
नत्वान्धर्षयितुंशक्याःकिम्पुनर्वानरारणे ॥ 2 ॥
सर्वेप्रमत्ताविश्वस्तावञ्चितास्स्महनूमता ।
नहिमेजीवतोगच्छेज्जीवन् सवनगोचरः ॥ 3 ॥
सर्वांसागरपर्यन्तांसशैलवनकाननाम् ।
करोम्यवानराम्भूमिमाज्ञापयतुमाम्भवान् ॥ 4 ॥
रक्षाञ्चैवविधास्यामिवानराद्रजनीचर ।
नागमिष्यतितेदुःखङ्किञ्चिदात्मापराधजम् ॥ 5 ॥
अब्रवीच्चसुसङ्कृद्धोदुर्मुखोनामराक्षसः ।
इदन्नक्षमणीयंहिसर्वेषान्नःप्रधर्षणम् ॥ 6 ॥
अयम्परिभवोभूयःपुरस्यान्तःपुरस्यच ।
श्रीमतोराक्षसेन्द्रस्यवानरेणप्रधर्षणम् ॥ 7 ॥
अस्मिन् मुहूर्तेगत्वैकोनिवर्तिष्यामिवानरान् ।
प्रविष्टान् सागरम्भीममम्बरंवारसातलम् ॥ 8 ॥
ततोऽब्रवीत्सुसङ्कृद्धोवज्रदंष्ट्रोमहाबलः ।
प्रगृह्यपरिघङ्घोरम्मांसशोणितरूषितम् ॥ 9 ॥
किंवोहनुमताकार्यङ्कृपणेनतपस्विना ।
रामेतिष्ठतिदुर्धर्षेससुग्रीवेऽपिसलक्ष्मणे ॥ 10 ॥
अद्यरामंससुग्रीवम्परिघेणसलक्ष्मणम् ।
आगमिष्यामिहत्वैकोविक्षोभ्यहरिवाहिनीम् ॥ 11 ॥
इदम्ममापरंवाक्यंशृणुराजन् यदीच्छसि ।
उपायकुशलोह्येवजयेच्छत्रूनतन्द्रितः ॥ 12 ॥
कामरूपधराश्शूरास्सुभीमाभीमदर्शनाः ।
राक्षसावैसहस्राणिराक्षसाधिपनिश्चिताः ॥ 13 ॥
काकुत्स्थमुपसङ्गम्यबिभ्रतोमानुषंवपुः ।
सर्वेह्यसम्भ्रमाभूत्वाब्रुवन्तुरघुसत्तमम् ॥ 14 ॥
प्रेषिताभरतेनैवभ्रात्रातवयवीयसा ।
सहिसेनांसमुत्थाप्यक्षिप्रमेवोपयास्यति ॥ 15 ॥
ततोवयमितस्तूर्णंशूलशक्तिगदाधराः ।
चापबाणासिहस्ताश्चत्वरितास्तत्रयामहे ॥ 16 ॥
आकाशेगणशस्थ्सित्वाहत्वातांहरिवाहिनीम् ।
अश्मशस्त्रमहावृष्ट्याप्रापयामयमक्षयम् ॥ 17 ॥
एवञ्चेदुपसर्पेतामनयंरामलक्ष्मणौ ।
अवश्यमपनीतेनजहतामेवजीवितम् ॥ 18 ॥
कौम्भकर्णिस्ततोवीरोनिकुम्भोनामवीर्यवान् ।
अब्रवीत्परमक्रुद्धोरावणंलोकरावणम् ॥ 19 ॥
सर्वेभवन्तस्तिष्ठन्तुमहाराजेनसङ्गताः ।
अहमेकोहनिष्यामिराघवंसहलक्ष्मणम् ॥ 20 ॥
सुग्रीवञ्चहनूमन्तंसर्वान्नेवचवानरान् ।
ततोवज्रहनुर्नामराक्षसःपर्वतोपमः ॥ 21 ॥
क्रुद्धः परिलिहन्सृक्काञ्जिह्वयावाक्यमब्रवीत् ।
स्वैरङ्कुर्वन्तुकर्माणिभवन्तोविगतज्वराः ॥ 22 ॥
एकोऽहम्भक्षयिष्यामितांसर्वांहरियूथपान् ।
स्वस्थाःक्रीडन्तुनिश्चिन्ताःपिबन्तुमधुवारुणीम् ॥ 23 ॥
अहमेकोवधिष्यामिसुग्रीवंसहलक्ष्मणम् ।
साङ्गदञ्चहनूमन्तंरामञ्चरणकुञ्जरम् ॥ 24 ॥
इत्यार्षे श्रीमद्रामायणे वाल्मीकीय आदिकाव्ये युद्धकाण्डे अष्टमस्सर्गः ॥
śrīmadvālmīkīya rāmāyaṇe yuddhakāṇḍam |
atha aṣṭamassargaḥ |
tatonīlāmbudanibhaḥ prahastonāmarākṣasaḥ |
abravītprāñjalirvākyaṃśūrassenāpatistadā || 1 ||
devadānavagandharvāḥpiśācapatagoragāḥ |
natvāndharṣayituṃśakyāḥkimpunarvānarāraṇe || 2 ||
sarvepramattāviśvastāvañcitāssmahanūmatā |
nahimejīvatogacchejjīvan savanagocaraḥ || 3 ||
sarvāṃsāgaraparyantāṃsaśailavanakānanām |
karomyavānarāmbhūmimājñāpayatumāmbhavān || 4 ||
rakṣāñcaivavidhāsyāmivānarādrajanīcara |
nāgamiṣyatiteduḥkhaṅkiñcidātmāparādhajam || 5 ||
abravīccasusaṅkṛddhodurmukhonāmarākṣasaḥ |
idannakṣamaṇīyaṃhisarveṣānnaḥpradharṣaṇam || 6 ||
ayamparibhavobhūyaḥpurasyāntaḥpurasyaca |
śrīmatorākṣasendrasyavānareṇapradharṣaṇam || 7 ||
asmin muhūrtegatvaikonivartiṣyāmivānarān |
praviṣṭān sāgarambhīmamambaraṃvārasātalam || 8 ||
tato'bravītsusaṅkṛddhovajradaṃṣṭromahābalaḥ |
pragṛhyaparighaṅghorammāṃsaśoṇitarūṣitam || 9 ||
kiṃvohanumatākāryaṅkṛpaṇenatapasvinā |
rāmetiṣṭhatidurdharṣesasugrīve'pisalakṣmaṇe || 10 ||
adyarāmaṃsasugrīvamparigheṇasalakṣmaṇam |
āgamiṣyāmihatvaikovikṣobhyaharivāhinīm || 11 ||
idammamāparaṃvākyaṃśṛṇurājan yadīcchasi |
upāyakuśalohyevajayecchatrūnatandritaḥ || 12 ||
kāmarūpadharāśśūrāssubhīmābhīmadarśanāḥ |
rākṣasāvaisahasrāṇirākṣasādhipaniścitāḥ || 13 ||
kākutsthamupasaṅgamyabibhratomānuṣaṃvapuḥ |
sarvehyasambhramābhūtvābruvanturaghusattamam || 14 ||
preṣitābharatenaivabhrātrātavayavīyasā |
sahisenāṃsamutthāpyakṣipramevopayāsyati || 15 ||
tatovayamitastūrṇaṃśūlaśaktigadādharāḥ |
cāpabāṇāsihastāścatvaritāstatrayāmahe || 16 ||
ākāśegaṇaśasthsitvāhatvātāṃharivāhinīm |
aśmaśastramahāvṛṣṭyāprāpayāmayamakṣayam || 17 ||
evañcedupasarpetāmanayaṃrāmalakṣmaṇau |
avaśyamapanītenajahatāmevajīvitam || 18 ||
kaumbhakarṇistatovīronikumbhonāmavīryavān |
abravītparamakruddhorāvaṇaṃlokarāvaṇam || 19 ||
sarvebhavantastiṣṭhantumahārājenasaṅgatāḥ |
ahamekohaniṣyāmirāghavaṃsahalakṣmaṇam || 20 ||
sugrīvañcahanūmantaṃsarvānnevacavānarān |
tatovajrahanurnāmarākṣasaḥparvatopamaḥ || 21 ||
kruddhaḥ parilihansṛkkāñjihvayāvākyamabravīt |
svairaṅkurvantukarmāṇibhavantovigatajvarāḥ || 22 ||
eko'hambhakṣayiṣyāmitāṃsarvāṃhariyūthapān |
svasthāḥkrīḍantuniścintāḥpibantumadhuvāruṇīm || 23 ||
ahamekovadhiṣyāmisugrīvaṃsahalakṣmaṇam |
sāṅgadañcahanūmantaṃrāmañcaraṇakuñjaram || 24 ||
ityārṣe śrīmadrāmāyaṇe vālmīkīya ādikāvye yuddhakāṇḍe aṣṭamassargaḥ ||
🕉️ This is the original Sanskrit rendered in Grantha script.
Pronunciation is identical to the Sanskrit Devanagari version.