ஶ்ரீமத்வால்மீகீய ராமாயணே யுத்தகாண்டம் ।
அத அஷ்டமஸ்ஸர்கஃ ।
ததோநீலாம்புதநிபஃ ப்ரஹஸ்தோநாமராக்ஷஸஃ ।
அப்ரவீத்ப்ராஞ்ஜலிர்வாக்யம்ஶூரஸ்ஸேநாபதிஸ்ததா ॥ 1 ॥
தேவதாநவகந்தர்வாஃபிஶாசபதகோரகாஃ ।
நத்வாந்தர்ஷயிதும்ஶக்யாஃகிம்புநர்வாநராரணே ॥ 2 ॥
ஸர்வேப்ரமத்தாவிஶ்வஸ்தாவஞ்சிதாஸ்ஸ்மஹநூமதா ।
நஹிமேஜீவதோகச்சேஜ்ஜீவந் ஸவநகோசரஃ ॥ 3 ॥
ஸர்வாம்ஸாகரபர்யந்தாம்ஸஶைலவநகாநநாம் ।
கரோம்யவாநராம்பூமிமாஜ்ஞாபயதுமாம்பவாந் ॥ 4 ॥
ரக்ஷாஞ்சைவவிதாஸ்யாமிவாநராத்ரஜநீசர ।
நாகமிஷ்யதிதேதுஃகங்கிஞ்சிதாத்மாபராதஜம் ॥ 5 ॥
அப்ரவீச்சஸுஸங்க்ரு'த்தோதுர்முகோநாமராக்ஷஸஃ ।
இதந்நக்ஷமணீயம்ஹிஸர்வேஷாந்நஃப்ரதர்ஷணம் ॥ 6 ॥
அயம்பரிபவோபூயஃபுரஸ்யாந்தஃபுரஸ்யச ।
ஶ்ரீமதோராக்ஷஸேந்த்ரஸ்யவாநரேணப்ரதர்ஷணம் ॥ 7 ॥
அஸ்மிந் முஹூர்தேகத்வைகோநிவர்திஷ்யாமிவாநராந் ।
ப்ரவிஷ்டாந் ஸாகரம்பீமமம்பரம்வாரஸாதலம் ॥ 8 ॥
ததோऽப்ரவீத்ஸுஸங்க்ரு'த்தோவஜ்ரதம்ஷ்ட்ரோமஹாபலஃ ।
ப்ரக்ரு'ஹ்யபரிகங்கோரம்மாம்ஸஶோணிதரூஷிதம் ॥ 9 ॥
கிம்வோஹநுமதாகார்யங்க்ரு'பணேநதபஸ்விநா ।
ராமேதிஷ்டதிதுர்தர்ஷேஸஸுக்ரீவேऽபிஸலக்ஷ்மணே ॥ 10 ॥
அத்யராமம்ஸஸுக்ரீவம்பரிகேணஸலக்ஷ்மணம் ।
ஆகமிஷ்யாமிஹத்வைகோவிக்ஷோப்யஹரிவாஹிநீம் ॥ 11 ॥
இதம்மமாபரம்வாக்யம்ஶ்ரு'ணுராஜந் யதீச்சஸி ।
உபாயகுஶலோஹ்யேவஜயேச்சத்ரூநதந்த்ரிதஃ ॥ 12 ॥
காமரூபதராஶ்ஶூராஸ்ஸுபீமாபீமதர்ஶநாஃ ।
ராக்ஷஸாவைஸஹஸ்ராணிராக்ஷஸாதிபநிஶ்சிதாஃ ॥ 13 ॥
காகுத்ஸ்தமுபஸங்கம்யபிப்ரதோமாநுஷம்வபுஃ ।
ஸர்வேஹ்யஸம்ப்ரமாபூத்வாப்ருவந்துரகுஸத்தமம் ॥ 14 ॥
ப்ரேஷிதாபரதேநைவப்ராத்ராதவயவீயஸா ।
ஸஹிஸேநாம்ஸமுத்தாப்யக்ஷிப்ரமேவோபயாஸ்யதி ॥ 15 ॥
ததோவயமிதஸ்தூர்ணம்ஶூலஶக்திகதாதராஃ ।
சாபபாணாஸிஹஸ்தாஶ்சத்வரிதாஸ்தத்ரயாமஹே ॥ 16 ॥
ஆகாஶேகணஶஸ்த்ஸித்வாஹத்வாதாம்ஹரிவாஹிநீம் ।
அஶ்மஶஸ்த்ரமஹாவ்ரு'ஷ்ட்யாப்ராபயாமயமக்ஷயம் ॥ 17 ॥
ஏவஞ்சேதுபஸர்பேதாமநயம்ராமலக்ஷ்மணௌ ।
அவஶ்யமபநீதேநஜஹதாமேவஜீவிதம் ॥ 18 ॥
கௌம்பகர்ணிஸ்ததோவீரோநிகும்போநாமவீர்யவாந் ।
அப்ரவீத்பரமக்ருத்தோராவணம்லோகராவணம் ॥ 19 ॥
ஸர்வேபவந்தஸ்திஷ்டந்துமஹாராஜேநஸங்கதாஃ ।
அஹமேகோஹநிஷ்யாமிராகவம்ஸஹலக்ஷ்மணம் ॥ 20 ॥
ஸுக்ரீவஞ்சஹநூமந்தம்ஸர்வாந்நேவசவாநராந் ।
ததோவஜ்ரஹநுர்நாமராக்ஷஸஃபர்வதோபமஃ ॥ 21 ॥
க்ருத்தஃ பரிலிஹந்ஸ்ரு'க்காஞ்ஜிஹ்வயாவாக்யமப்ரவீத் ।
ஸ்வைரங்குர்வந்துகர்மாணிபவந்தோவிகதஜ்வராஃ ॥ 22 ॥
ஏகோऽஹம்பக்ஷயிஷ்யாமிதாம்ஸர்வாம்ஹரியூதபாந் ।
ஸ்வஸ்தாஃக்ரீடந்துநிஶ்சிந்தாஃபிபந்துமதுவாருணீம் ॥ 23 ॥
அஹமேகோவதிஷ்யாமிஸுக்ரீவம்ஸஹலக்ஷ்மணம் ।
ஸாங்கதஞ்சஹநூமந்தம்ராமஞ்சரணகுஞ்ஜரம் ॥ 24 ॥
இத்யார்ஷே ஶ்ரீமத்ராமாயணே வால்மீகீய ஆதிகாவ்யே யுத்தகாண்டே அஷ்டமஸ்ஸர்கஃ ॥
Roman (IAST) Transliteration
śrīmadvālmīkīya rāmāyaṇe yuddhakāṇḍam |
atha aṣṭamassargaḥ |
tatonīlāmbudanibhaḥ prahastonāmarākṣasaḥ |
abravītprāñjalirvākyaṃśūrassenāpatistadā || 1 ||
devadānavagandharvāḥpiśācapatagoragāḥ |
natvāndharṣayituṃśakyāḥkimpunarvānarāraṇe || 2 ||
sarvepramattāviśvastāvañcitāssmahanūmatā |
nahimejīvatogacchejjīvan savanagocaraḥ || 3 ||
sarvāṃsāgaraparyantāṃsaśailavanakānanām |
karomyavānarāmbhūmimājñāpayatumāmbhavān || 4 ||
rakṣāñcaivavidhāsyāmivānarādrajanīcara |
nāgamiṣyatiteduḥkhaṅkiñcidātmāparādhajam || 5 ||
abravīccasusaṅkṛddhodurmukhonāmarākṣasaḥ |
idannakṣamaṇīyaṃhisarveṣānnaḥpradharṣaṇam || 6 ||
ayamparibhavobhūyaḥpurasyāntaḥpurasyaca |
śrīmatorākṣasendrasyavānareṇapradharṣaṇam || 7 ||
asmin muhūrtegatvaikonivartiṣyāmivānarān |
praviṣṭān sāgarambhīmamambaraṃvārasātalam || 8 ||
tato'bravītsusaṅkṛddhovajradaṃṣṭromahābalaḥ |
pragṛhyaparighaṅghorammāṃsaśoṇitarūṣitam || 9 ||
kiṃvohanumatākāryaṅkṛpaṇenatapasvinā |
rāmetiṣṭhatidurdharṣesasugrīve'pisalakṣmaṇe || 10 ||
adyarāmaṃsasugrīvamparigheṇasalakṣmaṇam |
āgamiṣyāmihatvaikovikṣobhyaharivāhinīm || 11 ||
idammamāparaṃvākyaṃśṛṇurājan yadīcchasi |
upāyakuśalohyevajayecchatrūnatandritaḥ || 12 ||
kāmarūpadharāśśūrāssubhīmābhīmadarśanāḥ |
rākṣasāvaisahasrāṇirākṣasādhipaniścitāḥ || 13 ||
kākutsthamupasaṅgamyabibhratomānuṣaṃvapuḥ |
sarvehyasambhramābhūtvābruvanturaghusattamam || 14 ||
preṣitābharatenaivabhrātrātavayavīyasā |
sahisenāṃsamutthāpyakṣipramevopayāsyati || 15 ||
tatovayamitastūrṇaṃśūlaśaktigadādharāḥ |
cāpabāṇāsihastāścatvaritāstatrayāmahe || 16 ||
ākāśegaṇaśasthsitvāhatvātāṃharivāhinīm |
aśmaśastramahāvṛṣṭyāprāpayāmayamakṣayam || 17 ||
evañcedupasarpetāmanayaṃrāmalakṣmaṇau |
avaśyamapanītenajahatāmevajīvitam || 18 ||
kaumbhakarṇistatovīronikumbhonāmavīryavān |
abravītparamakruddhorāvaṇaṃlokarāvaṇam || 19 ||
sarvebhavantastiṣṭhantumahārājenasaṅgatāḥ |
ahamekohaniṣyāmirāghavaṃsahalakṣmaṇam || 20 ||
sugrīvañcahanūmantaṃsarvānnevacavānarān |
tatovajrahanurnāmarākṣasaḥparvatopamaḥ || 21 ||
kruddhaḥ parilihansṛkkāñjihvayāvākyamabravīt |
svairaṅkurvantukarmāṇibhavantovigatajvarāḥ || 22 ||
eko'hambhakṣayiṣyāmitāṃsarvāṃhariyūthapān |
svasthāḥkrīḍantuniścintāḥpibantumadhuvāruṇīm || 23 ||
ahamekovadhiṣyāmisugrīvaṃsahalakṣmaṇam |
sāṅgadañcahanūmantaṃrāmañcaraṇakuñjaram || 24 ||
ityārṣe śrīmadrāmāyaṇe vālmīkīya ādikāvye yuddhakāṇḍe aṣṭamassargaḥ ||
Sanskrit — Devanagari (original)
श्रीमद्वाल्मीकीय रामायणे युद्धकाण्डम् ।
अथ अष्टमस्सर्गः ।
ततोनीलाम्बुदनिभः प्रहस्तोनामराक्षसः ।
अब्रवीत्प्राञ्जलिर्वाक्यंशूरस्सेनापतिस्तदा ॥ 1 ॥
देवदानवगन्धर्वाःपिशाचपतगोरगाः ।
नत्वान्धर्षयितुंशक्याःकिम्पुनर्वानरारणे ॥ 2 ॥
सर्वेप्रमत्ताविश्वस्तावञ्चितास्स्महनूमता ।
नहिमेजीवतोगच्छेज्जीवन् सवनगोचरः ॥ 3 ॥
सर्वांसागरपर्यन्तांसशैलवनकाननाम् ।
करोम्यवानराम्भूमिमाज्ञापयतुमाम्भवान् ॥ 4 ॥
रक्षाञ्चैवविधास्यामिवानराद्रजनीचर ।
नागमिष्यतितेदुःखङ्किञ्चिदात्मापराधजम् ॥ 5 ॥
अब्रवीच्चसुसङ्कृद्धोदुर्मुखोनामराक्षसः ।
इदन्नक्षमणीयंहिसर्वेषान्नःप्रधर्षणम् ॥ 6 ॥
अयम्परिभवोभूयःपुरस्यान्तःपुरस्यच ।
श्रीमतोराक्षसेन्द्रस्यवानरेणप्रधर्षणम् ॥ 7 ॥
अस्मिन् मुहूर्तेगत्वैकोनिवर्तिष्यामिवानरान् ।
प्रविष्टान् सागरम्भीममम्बरंवारसातलम् ॥ 8 ॥
ततोऽब्रवीत्सुसङ्कृद्धोवज्रदंष्ट्रोमहाबलः ।
प्रगृह्यपरिघङ्घोरम्मांसशोणितरूषितम् ॥ 9 ॥
किंवोहनुमताकार्यङ्कृपणेनतपस्विना ।
रामेतिष्ठतिदुर्धर्षेससुग्रीवेऽपिसलक्ष्मणे ॥ 10 ॥
अद्यरामंससुग्रीवम्परिघेणसलक्ष्मणम् ।
आगमिष्यामिहत्वैकोविक्षोभ्यहरिवाहिनीम् ॥ 11 ॥
इदम्ममापरंवाक्यंशृणुराजन् यदीच्छसि ।
उपायकुशलोह्येवजयेच्छत्रूनतन्द्रितः ॥ 12 ॥
कामरूपधराश्शूरास्सुभीमाभीमदर्शनाः ।
राक्षसावैसहस्राणिराक्षसाधिपनिश्चिताः ॥ 13 ॥
काकुत्स्थमुपसङ्गम्यबिभ्रतोमानुषंवपुः ।
सर्वेह्यसम्भ्रमाभूत्वाब्रुवन्तुरघुसत्तमम् ॥ 14 ॥
प्रेषिताभरतेनैवभ्रात्रातवयवीयसा ।
सहिसेनांसमुत्थाप्यक्षिप्रमेवोपयास्यति ॥ 15 ॥
ततोवयमितस्तूर्णंशूलशक्तिगदाधराः ।
चापबाणासिहस्ताश्चत्वरितास्तत्रयामहे ॥ 16 ॥
आकाशेगणशस्थ्सित्वाहत्वातांहरिवाहिनीम् ।
अश्मशस्त्रमहावृष्ट्याप्रापयामयमक्षयम् ॥ 17 ॥
एवञ्चेदुपसर्पेतामनयंरामलक्ष्मणौ ।
अवश्यमपनीतेनजहतामेवजीवितम् ॥ 18 ॥
कौम्भकर्णिस्ततोवीरोनिकुम्भोनामवीर्यवान् ।
अब्रवीत्परमक्रुद्धोरावणंलोकरावणम् ॥ 19 ॥
सर्वेभवन्तस्तिष्ठन्तुमहाराजेनसङ्गताः ।
अहमेकोहनिष्यामिराघवंसहलक्ष्मणम् ॥ 20 ॥
सुग्रीवञ्चहनूमन्तंसर्वान्नेवचवानरान् ।
ततोवज्रहनुर्नामराक्षसःपर्वतोपमः ॥ 21 ॥
क्रुद्धः परिलिहन्सृक्काञ्जिह्वयावाक्यमब्रवीत् ।
स्वैरङ्कुर्वन्तुकर्माणिभवन्तोविगतज्वराः ॥ 22 ॥
एकोऽहम्भक्षयिष्यामितांसर्वांहरियूथपान् ।
स्वस्थाःक्रीडन्तुनिश्चिन्ताःपिबन्तुमधुवारुणीम् ॥ 23 ॥
अहमेकोवधिष्यामिसुग्रीवंसहलक्ष्मणम् ।
साङ्गदञ्चहनूमन्तंरामञ्चरणकुञ्जरम् ॥ 24 ॥
इत्यार्षे श्रीमद्रामायणे वाल्मीकीय आदिकाव्ये युद्धकाण्डे अष्टमस्सर्गः ॥
śrīmadvālmīkīya rāmāyaṇe yuddhakāṇḍam |
atha aṣṭamassargaḥ |
tatonīlāmbudanibhaḥ prahastonāmarākṣasaḥ |
abravītprāñjalirvākyaṃśūrassenāpatistadā || 1 ||
devadānavagandharvāḥpiśācapatagoragāḥ |
natvāndharṣayituṃśakyāḥkimpunarvānarāraṇe || 2 ||
sarvepramattāviśvastāvañcitāssmahanūmatā |
nahimejīvatogacchejjīvan savanagocaraḥ || 3 ||
sarvāṃsāgaraparyantāṃsaśailavanakānanām |
karomyavānarāmbhūmimājñāpayatumāmbhavān || 4 ||
rakṣāñcaivavidhāsyāmivānarādrajanīcara |
nāgamiṣyatiteduḥkhaṅkiñcidātmāparādhajam || 5 ||
abravīccasusaṅkṛddhodurmukhonāmarākṣasaḥ |
idannakṣamaṇīyaṃhisarveṣānnaḥpradharṣaṇam || 6 ||
ayamparibhavobhūyaḥpurasyāntaḥpurasyaca |
śrīmatorākṣasendrasyavānareṇapradharṣaṇam || 7 ||
asmin muhūrtegatvaikonivartiṣyāmivānarān |
praviṣṭān sāgarambhīmamambaraṃvārasātalam || 8 ||
tato'bravītsusaṅkṛddhovajradaṃṣṭromahābalaḥ |
pragṛhyaparighaṅghorammāṃsaśoṇitarūṣitam || 9 ||
kiṃvohanumatākāryaṅkṛpaṇenatapasvinā |
rāmetiṣṭhatidurdharṣesasugrīve'pisalakṣmaṇe || 10 ||
adyarāmaṃsasugrīvamparigheṇasalakṣmaṇam |
āgamiṣyāmihatvaikovikṣobhyaharivāhinīm || 11 ||
idammamāparaṃvākyaṃśṛṇurājan yadīcchasi |
upāyakuśalohyevajayecchatrūnatandritaḥ || 12 ||
kāmarūpadharāśśūrāssubhīmābhīmadarśanāḥ |
rākṣasāvaisahasrāṇirākṣasādhipaniścitāḥ || 13 ||
kākutsthamupasaṅgamyabibhratomānuṣaṃvapuḥ |
sarvehyasambhramābhūtvābruvanturaghusattamam || 14 ||
preṣitābharatenaivabhrātrātavayavīyasā |
sahisenāṃsamutthāpyakṣipramevopayāsyati || 15 ||
tatovayamitastūrṇaṃśūlaśaktigadādharāḥ |
cāpabāṇāsihastāścatvaritāstatrayāmahe || 16 ||
ākāśegaṇaśasthsitvāhatvātāṃharivāhinīm |
aśmaśastramahāvṛṣṭyāprāpayāmayamakṣayam || 17 ||
evañcedupasarpetāmanayaṃrāmalakṣmaṇau |
avaśyamapanītenajahatāmevajīvitam || 18 ||
kaumbhakarṇistatovīronikumbhonāmavīryavān |
abravītparamakruddhorāvaṇaṃlokarāvaṇam || 19 ||
sarvebhavantastiṣṭhantumahārājenasaṅgatāḥ |
ahamekohaniṣyāmirāghavaṃsahalakṣmaṇam || 20 ||
sugrīvañcahanūmantaṃsarvānnevacavānarān |
tatovajrahanurnāmarākṣasaḥparvatopamaḥ || 21 ||
kruddhaḥ parilihansṛkkāñjihvayāvākyamabravīt |
svairaṅkurvantukarmāṇibhavantovigatajvarāḥ || 22 ||
eko'hambhakṣayiṣyāmitāṃsarvāṃhariyūthapān |
svasthāḥkrīḍantuniścintāḥpibantumadhuvāruṇīm || 23 ||
ahamekovadhiṣyāmisugrīvaṃsahalakṣmaṇam |
sāṅgadañcahanūmantaṃrāmañcaraṇakuñjaram || 24 ||
ityārṣe śrīmadrāmāyaṇe vālmīkīya ādikāvye yuddhakāṇḍe aṣṭamassargaḥ ||
🕉️ This is the original Sanskrit rendered in Tamil script.
Pronunciation is identical to the Sanskrit Devanagari version.