ශ්රීමද්වාල්මීකීය රාමායණේ යුද්ධකාණ්ඩම් .
අථ අෂ්ටමස්සර්ගඃ .
තතෝනීලාම්බුදනිභඃ ප්රහස්තෝනාමරාක්ෂසඃ .
අබ්රවීත්ප්රාඤ්ජලිර්වාක්යංශූරස්සේනාපතිස්තදා .. 1 ..
දේවදානවගන්ධර්වාඃපිශාචපතගෝරගාඃ .
නත්වාන්ධර්ෂයිතුංශක්යාඃකිම්පුනර්වානරාරණේ .. 2 ..
සර්වේප්රමත්තාවිශ්වස්තාවඤ්චිතාස්ස්මහනූමතා .
නහිමේජීවතෝගච්ඡේජ්ජීවන් සවනගෝචරඃ .. 3 ..
සර්වාංසාගරපර්යන්තාංසශෛලවනකානනාම් .
කරෝම්යවානරාම්භූමිමාජ්ඤාපයතුමාම්භවාන් .. 4 ..
රක්ෂාඤ්චෛවවිධාස්යාමිවානරාද්රජනීචර .
නාගමිෂ්යතිතේදුඃඛඞ්කිඤ්චිදාත්මාපරාධජම් .. 5 ..
අබ්රවීච්චසුසඞ්කෘද්ධෝදුර්මුඛෝනාමරාක්ෂසඃ .
ඉදන්නක්ෂමණීයංහිසර්වේෂාන්නඃප්රධර්ෂණම් .. 6 ..
අයම්පරිභවෝභූයඃපුරස්යාන්තඃපුරස්යච .
ශ්රීමතෝරාක්ෂසේන්ද්රස්යවානරේණප්රධර්ෂණම් .. 7 ..
අස්මින් මුහූර්තේගත්වෛකෝනිවර්තිෂ්යාමිවානරාන් .
ප්රවිෂ්ටාන් සාගරම්භීමමම්බරංවාරසාතලම් .. 8 ..
තතෝ(අ)බ්රවීත්සුසඞ්කෘද්ධෝවජ්රදංෂ්ට්රෝමහාබලඃ .
ප්රගෘහ්යපරිඝඞ්ඝෝරම්මාංසශෝණිතරූෂිතම් .. 9 ..
කිංවෝහනුමතාකාර්යඞ්කෘපණේනතපස්විනා .
රාමේතිෂ්ඨතිදුර්ධර්ෂේසසුග්රීවේ(අ)පිසලක්ෂ්මණේ .. 10 ..
අද්යරාමංසසුග්රීවම්පරිඝේණසලක්ෂ්මණම් .
ආගමිෂ්යාමිහත්වෛකෝවික්ෂෝභ්යහරිවාහිනීම් .. 11 ..
ඉදම්මමාපරංවාක්යංශෘණුරාජන් යදීච්ඡසි .
උපායකුශලෝහ්යේවජයේච්ඡත්රූනතන්ද්රිතඃ .. 12 ..
කාමරූපධරාශ්ශූරාස්සුභීමාභීමදර්ශනාඃ .
රාක්ෂසාවෛසහස්රාණිරාක්ෂසාධිපනිශ්චිතාඃ .. 13 ..
කාකුත්ස්ථමුපසඞ්ගම්යබිභ්රතෝමානුෂංවපුඃ .
සර්වේහ්යසම්භ්රමාභූත්වාබ්රුවන්තුරඝුසත්තමම් .. 14 ..
ප්රේෂිතාභරතේනෛවභ්රාත්රාතවයවීයසා .
සහිසේනාංසමුත්ථාප්යක්ෂිප්රමේවෝපයාස්යති .. 15 ..
තතෝවයමිතස්තූර්ණංශූලශක්තිගදාධරාඃ .
චාපබාණාසිහස්තාශ්චත්වරිතාස්තත්රයාමහේ .. 16 ..
ආකාශේගණශස්ථ්සිත්වාහත්වාතාංහරිවාහිනීම් .
අශ්මශස්ත්රමහාවෘෂ්ට්යාප්රාපයාමයමක්ෂයම් .. 17 ..
ඒවඤ්චේදුපසර්පේතාමනයංරාමලක්ෂ්මණෞ .
අවශ්යමපනීතේනජහතාමේවජීවිතම් .. 18 ..
කෞම්භකර්ණිස්තතෝවීරෝනිකුම්භෝනාමවීර්යවාන් .
අබ්රවීත්පරමක්රුද්ධෝරාවණංලෝකරාවණම් .. 19 ..
සර්වේභවන්තස්තිෂ්ඨන්තුමහාරාජේනසඞ්ගතාඃ .
අහමේකෝහනිෂ්යාමිරාඝවංසහලක්ෂ්මණම් .. 20 ..
සුග්රීවඤ්චහනූමන්තංසර්වාන්නේවචවානරාන් .
තතෝවජ්රහනුර්නාමරාක්ෂසඃපර්වතෝපමඃ .. 21 ..
ක්රුද්ධඃ පරිලිහන්සෘක්කාඤ්ජිහ්වයාවාක්යමබ්රවීත් .
ස්වෛරඞ්කුර්වන්තුකර්මාණිභවන්තෝවිගතජ්වරාඃ .. 22 ..
ඒකෝ(අ)හම්භක්ෂයිෂ්යාමිතාංසර්වාංහරියූථපාන් .
ස්වස්ථාඃක්රීඩන්තුනිශ්චින්තාඃපිබන්තුමධුවාරුණීම් .. 23 ..
අහමේකෝවධිෂ්යාමිසුග්රීවංසහලක්ෂ්මණම් .
සාඞ්ගදඤ්චහනූමන්තංරාමඤ්චරණකුඤ්ජරම් .. 24 ..
ඉත්යාර්ෂේ ශ්රීමද්රාමායණේ වාල්මීකීය ආදිකාව්යේ යුද්ධකාණ්ඩේ අෂ්ටමස්සර්ගඃ ..
Roman (IAST) Transliteration
śrīmadvālmīkīya rāmāyaṇe yuddhakāṇḍam |
atha aṣṭamassargaḥ |
tatonīlāmbudanibhaḥ prahastonāmarākṣasaḥ |
abravītprāñjalirvākyaṃśūrassenāpatistadā || 1 ||
devadānavagandharvāḥpiśācapatagoragāḥ |
natvāndharṣayituṃśakyāḥkimpunarvānarāraṇe || 2 ||
sarvepramattāviśvastāvañcitāssmahanūmatā |
nahimejīvatogacchejjīvan savanagocaraḥ || 3 ||
sarvāṃsāgaraparyantāṃsaśailavanakānanām |
karomyavānarāmbhūmimājñāpayatumāmbhavān || 4 ||
rakṣāñcaivavidhāsyāmivānarādrajanīcara |
nāgamiṣyatiteduḥkhaṅkiñcidātmāparādhajam || 5 ||
abravīccasusaṅkṛddhodurmukhonāmarākṣasaḥ |
idannakṣamaṇīyaṃhisarveṣānnaḥpradharṣaṇam || 6 ||
ayamparibhavobhūyaḥpurasyāntaḥpurasyaca |
śrīmatorākṣasendrasyavānareṇapradharṣaṇam || 7 ||
asmin muhūrtegatvaikonivartiṣyāmivānarān |
praviṣṭān sāgarambhīmamambaraṃvārasātalam || 8 ||
tato'bravītsusaṅkṛddhovajradaṃṣṭromahābalaḥ |
pragṛhyaparighaṅghorammāṃsaśoṇitarūṣitam || 9 ||
kiṃvohanumatākāryaṅkṛpaṇenatapasvinā |
rāmetiṣṭhatidurdharṣesasugrīve'pisalakṣmaṇe || 10 ||
adyarāmaṃsasugrīvamparigheṇasalakṣmaṇam |
āgamiṣyāmihatvaikovikṣobhyaharivāhinīm || 11 ||
idammamāparaṃvākyaṃśṛṇurājan yadīcchasi |
upāyakuśalohyevajayecchatrūnatandritaḥ || 12 ||
kāmarūpadharāśśūrāssubhīmābhīmadarśanāḥ |
rākṣasāvaisahasrāṇirākṣasādhipaniścitāḥ || 13 ||
kākutsthamupasaṅgamyabibhratomānuṣaṃvapuḥ |
sarvehyasambhramābhūtvābruvanturaghusattamam || 14 ||
preṣitābharatenaivabhrātrātavayavīyasā |
sahisenāṃsamutthāpyakṣipramevopayāsyati || 15 ||
tatovayamitastūrṇaṃśūlaśaktigadādharāḥ |
cāpabāṇāsihastāścatvaritāstatrayāmahe || 16 ||
ākāśegaṇaśasthsitvāhatvātāṃharivāhinīm |
aśmaśastramahāvṛṣṭyāprāpayāmayamakṣayam || 17 ||
evañcedupasarpetāmanayaṃrāmalakṣmaṇau |
avaśyamapanītenajahatāmevajīvitam || 18 ||
kaumbhakarṇistatovīronikumbhonāmavīryavān |
abravītparamakruddhorāvaṇaṃlokarāvaṇam || 19 ||
sarvebhavantastiṣṭhantumahārājenasaṅgatāḥ |
ahamekohaniṣyāmirāghavaṃsahalakṣmaṇam || 20 ||
sugrīvañcahanūmantaṃsarvānnevacavānarān |
tatovajrahanurnāmarākṣasaḥparvatopamaḥ || 21 ||
kruddhaḥ parilihansṛkkāñjihvayāvākyamabravīt |
svairaṅkurvantukarmāṇibhavantovigatajvarāḥ || 22 ||
eko'hambhakṣayiṣyāmitāṃsarvāṃhariyūthapān |
svasthāḥkrīḍantuniścintāḥpibantumadhuvāruṇīm || 23 ||
ahamekovadhiṣyāmisugrīvaṃsahalakṣmaṇam |
sāṅgadañcahanūmantaṃrāmañcaraṇakuñjaram || 24 ||
ityārṣe śrīmadrāmāyaṇe vālmīkīya ādikāvye yuddhakāṇḍe aṣṭamassargaḥ ||
Sanskrit — Devanagari (original)
श्रीमद्वाल्मीकीय रामायणे युद्धकाण्डम् ।
अथ अष्टमस्सर्गः ।
ततोनीलाम्बुदनिभः प्रहस्तोनामराक्षसः ।
अब्रवीत्प्राञ्जलिर्वाक्यंशूरस्सेनापतिस्तदा ॥ 1 ॥
देवदानवगन्धर्वाःपिशाचपतगोरगाः ।
नत्वान्धर्षयितुंशक्याःकिम्पुनर्वानरारणे ॥ 2 ॥
सर्वेप्रमत्ताविश्वस्तावञ्चितास्स्महनूमता ।
नहिमेजीवतोगच्छेज्जीवन् सवनगोचरः ॥ 3 ॥
सर्वांसागरपर्यन्तांसशैलवनकाननाम् ।
करोम्यवानराम्भूमिमाज्ञापयतुमाम्भवान् ॥ 4 ॥
रक्षाञ्चैवविधास्यामिवानराद्रजनीचर ।
नागमिष्यतितेदुःखङ्किञ्चिदात्मापराधजम् ॥ 5 ॥
अब्रवीच्चसुसङ्कृद्धोदुर्मुखोनामराक्षसः ।
इदन्नक्षमणीयंहिसर्वेषान्नःप्रधर्षणम् ॥ 6 ॥
अयम्परिभवोभूयःपुरस्यान्तःपुरस्यच ।
श्रीमतोराक्षसेन्द्रस्यवानरेणप्रधर्षणम् ॥ 7 ॥
अस्मिन् मुहूर्तेगत्वैकोनिवर्तिष्यामिवानरान् ।
प्रविष्टान् सागरम्भीममम्बरंवारसातलम् ॥ 8 ॥
ततोऽब्रवीत्सुसङ्कृद्धोवज्रदंष्ट्रोमहाबलः ।
प्रगृह्यपरिघङ्घोरम्मांसशोणितरूषितम् ॥ 9 ॥
किंवोहनुमताकार्यङ्कृपणेनतपस्विना ।
रामेतिष्ठतिदुर्धर्षेससुग्रीवेऽपिसलक्ष्मणे ॥ 10 ॥
अद्यरामंससुग्रीवम्परिघेणसलक्ष्मणम् ।
आगमिष्यामिहत्वैकोविक्षोभ्यहरिवाहिनीम् ॥ 11 ॥
इदम्ममापरंवाक्यंशृणुराजन् यदीच्छसि ।
उपायकुशलोह्येवजयेच्छत्रूनतन्द्रितः ॥ 12 ॥
कामरूपधराश्शूरास्सुभीमाभीमदर्शनाः ।
राक्षसावैसहस्राणिराक्षसाधिपनिश्चिताः ॥ 13 ॥
काकुत्स्थमुपसङ्गम्यबिभ्रतोमानुषंवपुः ।
सर्वेह्यसम्भ्रमाभूत्वाब्रुवन्तुरघुसत्तमम् ॥ 14 ॥
प्रेषिताभरतेनैवभ्रात्रातवयवीयसा ।
सहिसेनांसमुत्थाप्यक्षिप्रमेवोपयास्यति ॥ 15 ॥
ततोवयमितस्तूर्णंशूलशक्तिगदाधराः ।
चापबाणासिहस्ताश्चत्वरितास्तत्रयामहे ॥ 16 ॥
आकाशेगणशस्थ्सित्वाहत्वातांहरिवाहिनीम् ।
अश्मशस्त्रमहावृष्ट्याप्रापयामयमक्षयम् ॥ 17 ॥
एवञ्चेदुपसर्पेतामनयंरामलक्ष्मणौ ।
अवश्यमपनीतेनजहतामेवजीवितम् ॥ 18 ॥
कौम्भकर्णिस्ततोवीरोनिकुम्भोनामवीर्यवान् ।
अब्रवीत्परमक्रुद्धोरावणंलोकरावणम् ॥ 19 ॥
सर्वेभवन्तस्तिष्ठन्तुमहाराजेनसङ्गताः ।
अहमेकोहनिष्यामिराघवंसहलक्ष्मणम् ॥ 20 ॥
सुग्रीवञ्चहनूमन्तंसर्वान्नेवचवानरान् ।
ततोवज्रहनुर्नामराक्षसःपर्वतोपमः ॥ 21 ॥
क्रुद्धः परिलिहन्सृक्काञ्जिह्वयावाक्यमब्रवीत् ।
स्वैरङ्कुर्वन्तुकर्माणिभवन्तोविगतज्वराः ॥ 22 ॥
एकोऽहम्भक्षयिष्यामितांसर्वांहरियूथपान् ।
स्वस्थाःक्रीडन्तुनिश्चिन्ताःपिबन्तुमधुवारुणीम् ॥ 23 ॥
अहमेकोवधिष्यामिसुग्रीवंसहलक्ष्मणम् ।
साङ्गदञ्चहनूमन्तंरामञ्चरणकुञ्जरम् ॥ 24 ॥
इत्यार्षे श्रीमद्रामायणे वाल्मीकीय आदिकाव्ये युद्धकाण्डे अष्टमस्सर्गः ॥
śrīmadvālmīkīya rāmāyaṇe yuddhakāṇḍam |
atha aṣṭamassargaḥ |
tatonīlāmbudanibhaḥ prahastonāmarākṣasaḥ |
abravītprāñjalirvākyaṃśūrassenāpatistadā || 1 ||
devadānavagandharvāḥpiśācapatagoragāḥ |
natvāndharṣayituṃśakyāḥkimpunarvānarāraṇe || 2 ||
sarvepramattāviśvastāvañcitāssmahanūmatā |
nahimejīvatogacchejjīvan savanagocaraḥ || 3 ||
sarvāṃsāgaraparyantāṃsaśailavanakānanām |
karomyavānarāmbhūmimājñāpayatumāmbhavān || 4 ||
rakṣāñcaivavidhāsyāmivānarādrajanīcara |
nāgamiṣyatiteduḥkhaṅkiñcidātmāparādhajam || 5 ||
abravīccasusaṅkṛddhodurmukhonāmarākṣasaḥ |
idannakṣamaṇīyaṃhisarveṣānnaḥpradharṣaṇam || 6 ||
ayamparibhavobhūyaḥpurasyāntaḥpurasyaca |
śrīmatorākṣasendrasyavānareṇapradharṣaṇam || 7 ||
asmin muhūrtegatvaikonivartiṣyāmivānarān |
praviṣṭān sāgarambhīmamambaraṃvārasātalam || 8 ||
tato'bravītsusaṅkṛddhovajradaṃṣṭromahābalaḥ |
pragṛhyaparighaṅghorammāṃsaśoṇitarūṣitam || 9 ||
kiṃvohanumatākāryaṅkṛpaṇenatapasvinā |
rāmetiṣṭhatidurdharṣesasugrīve'pisalakṣmaṇe || 10 ||
adyarāmaṃsasugrīvamparigheṇasalakṣmaṇam |
āgamiṣyāmihatvaikovikṣobhyaharivāhinīm || 11 ||
idammamāparaṃvākyaṃśṛṇurājan yadīcchasi |
upāyakuśalohyevajayecchatrūnatandritaḥ || 12 ||
kāmarūpadharāśśūrāssubhīmābhīmadarśanāḥ |
rākṣasāvaisahasrāṇirākṣasādhipaniścitāḥ || 13 ||
kākutsthamupasaṅgamyabibhratomānuṣaṃvapuḥ |
sarvehyasambhramābhūtvābruvanturaghusattamam || 14 ||
preṣitābharatenaivabhrātrātavayavīyasā |
sahisenāṃsamutthāpyakṣipramevopayāsyati || 15 ||
tatovayamitastūrṇaṃśūlaśaktigadādharāḥ |
cāpabāṇāsihastāścatvaritāstatrayāmahe || 16 ||
ākāśegaṇaśasthsitvāhatvātāṃharivāhinīm |
aśmaśastramahāvṛṣṭyāprāpayāmayamakṣayam || 17 ||
evañcedupasarpetāmanayaṃrāmalakṣmaṇau |
avaśyamapanītenajahatāmevajīvitam || 18 ||
kaumbhakarṇistatovīronikumbhonāmavīryavān |
abravītparamakruddhorāvaṇaṃlokarāvaṇam || 19 ||
sarvebhavantastiṣṭhantumahārājenasaṅgatāḥ |
ahamekohaniṣyāmirāghavaṃsahalakṣmaṇam || 20 ||
sugrīvañcahanūmantaṃsarvānnevacavānarān |
tatovajrahanurnāmarākṣasaḥparvatopamaḥ || 21 ||
kruddhaḥ parilihansṛkkāñjihvayāvākyamabravīt |
svairaṅkurvantukarmāṇibhavantovigatajvarāḥ || 22 ||
eko'hambhakṣayiṣyāmitāṃsarvāṃhariyūthapān |
svasthāḥkrīḍantuniścintāḥpibantumadhuvāruṇīm || 23 ||
ahamekovadhiṣyāmisugrīvaṃsahalakṣmaṇam |
sāṅgadañcahanūmantaṃrāmañcaraṇakuñjaram || 24 ||
ityārṣe śrīmadrāmāyaṇe vālmīkīya ādikāvye yuddhakāṇḍe aṣṭamassargaḥ ||
🕉️ This is the original Sanskrit rendered in Sinhala script.
Pronunciation is identical to the Sanskrit Devanagari version.