ශ්රීමද්වාල්මීකීය රාමායණේ යුද්ධකාණ්ඩම් .
අථ චතුශ්චත්වාරිංශස්සර්ගඃ .
යුධ්යතාමේනතේෂාන්තුතදාවානරරාක්ෂසාම් .
රවිරස්තඞ්ගතෝරාත්රිඃප්රවෘත්තාප්රාණහාරිණී .. 1 ..
අන්යෝන්යම්බද්ධවෛරාණාඞ්ඝෝරාණාඤ්ජයමිච්ඡතාම් .
සම්ප්රවෘත්තන්නිශායුද්ධන්තදාවානරරක්ෂසාම් .. 2 ..
රාක්ෂසෝ(අ)සීතිහරයෝහරිශ්චා(අ)සීතිරාක්ෂසාඃ .
අන්යෝන්යංසමරේජඝ්නුස්තස්මිංස්තමසිදාරුණේ .. 3 ..
ජහිදාරයචෛහීතිකථංවිද්රවසීතිච .
ඒවංසුතුමුලශ්ශබ්දස්තස්මිංස්තමසිශුශ්රුවේ .. 4 ..
කාලාඃකාඤ්චනසන්නාහාස්තස්මිංස්තමසිරාක්ෂසාඃ .
සම්ප්රදෘශ්යන්තශෛලේන්ද්රාදීප්තෞෂධිවනාඉව .. 5 ..
තස්මිංස්තමසිදුෂ්පාරේරාක්ෂසාඃක්රෝධමූර්ඡිතාඃ .
පරිපේතුර්මහාවේගාභක්ෂයන්තඃප්ලවඞ්ගමාන් .. 6 ..
තේහයාන් කාඤ්චනාපීඩාන් ධ්වජාංශ්චාශීවිෂෝපමාන් .
ආප්ලුත්යදශනෛස්තීක්ෂ්ණෛර්භීමකෝපාව්යදාරයන් .. 7 ..
වානරාබලිනෝයුද්ධේ(අ)ක්ෂෝභයන් රාක්ෂසීඤ්චමූම් .
කුඤ්ජරාන් කුඤ්ජරාරෝහාන් පතාකාධ්වජිනෝරථාන් .. 8 ..
කර්ෂුශ්චදදංශුශ්චදශනෛඃක්රෝධමූර්ඡිතාඃ .
ලක්ෂ්මණශ්චාපිරාමශ්චශරෛරාශීවිෂෝපමෛඃ .. 9 ..
දෘශ්යාදෘශ්යානිරක්ෂාංසිප්රවරාණිනිජඝ්නතුඃ .
තුරඞ්ගඛුරවිධ්වස්තංරථනේමිසමුත්ථිතම් .. 10 ..
රුරෝධකර්ණනේත්රාණියුධ්යතාන්ධරණීරජඃ .
වර්තමානේතථාඝෝරේසඞ්ග්රාමේරෝමහර්ෂණේ .. 11 ..
රුධිරෝධාමහාඝෝරානද්යස්තත්රප්රසුස්රුවුඃ .
තතෝභේරීමෘදඞ්ගානාම්පණවානාඤ්චනිස්ස්වනඃ .. 12 ..
ශඞ්ඛවේණුස්වනෝන්මිශ්රස්සම්භූවාද්භුතෝපමඃ .
හතානාංස්තනමානානාංරාක්ෂසානාඤ්චනිඃස්වනඃ .. 13 ..
ශස්තානාංවානරාණාඤ්චසම්බභූවාතිදාරුණඃ .
හතෛර්වානරවීරෛශ්චශක්තිශූලපරශ්වධෛඃ .. 14 ..
නිහතෛඃපර්වතාකාරෛරාක්ෂසෛඃකාමරූපිභිඃ .
ශස්ත්රපුෂ්පෝපහාරාචතත්රාසීද්යුද්ධමේදිනී .. 15 ..
දුර් ජ්ඤේයාදුර්නිවේශාචශෝණිතාස්රාවකර්දමා .
සාබභූවනිශාඝෝරාහරිරාක්ෂසහාරිණී .. 16 ..
කාලරාත්රීවභූතානාංසර්වේෂාන්දුරතික්රමා .
තතස්තේරාක්ෂසාස්තත්රතස්මිංස්තමසිදාරුණේ .. 17 ..
රාමමේවාභ්යවර්තන්තසම්හෘෂ්ටාශ්ශරවෘෂ්ටිභිඃ .
තේෂාමාපතතාංශබ්දඃක්රුද්ධානාමපිගර්ජතාම් .. 18 ..
උද්වර්ත;ඉව සප්තානාං සමුද්රාණාං අභූත් ස්වනඃ .
තේෂාං රාමහ් ශාරෛහ් ෂඩ්භිහ් ෂඩ් ජඝාන නිශාඅ චරාන් .. 19 ..
නිමේෂාන්තරමාත්රේණශිතෛරග්නිශිඛෝපමෛඃ .
යමශත්රුශ්චදුර්ධර්ෂෝමහාපාර්ශ්වමහෝදරෞ .. 20 ..
වජ්රදංෂ්ට්රෝමහාකායස්තෞචෝභෞශුකසාරණෞ .
තේතුරාමේණබාණෞඝෛස්සර්වේමර්මසුතාඩිතාඃ .. 21 ..
යුද්ධාදපසෘතාස්තත්රසාවශේෂායුෂෝ(අ)භවන් .
තත්රකාඤ්චනචිත්රාඞ්ගෛශ්ශරෛරග්නිශිඛෝපමෛඃ .. 22 ..
දිශශ්චකාරවිමලාඃප්රදිශශ්චමහාරථඃ .
යේත්වන්යේරාක්ෂසාභීමාරාමස්යාභිමුඛේස්ථිතාඃ .. 23 ..
තේ(අ)පිනෂ්ටාඃසමාසාද්යපතඞ්ගාඉවපාවකම් .
සුවර්ණපුඞ්ඛෛර්විශිඛෛස්සපතද්භිස්සහස්රශඃ .. 24 ..
බභූවරජනීචිත්රාඛද්යෝතෛරිවශාරදී .
රාක්ෂසානාඤ්චනිනදෛර්හරීණාඤ්චාපිනිස්ස්වනෛඃ .. 25 ..
සාබභූවනිශාඝෝරාභූයෝඝෝරතරාතදා .
තේනශබ්දේනමහතාප්රවෘද්ධේනසමන්තතඃ .. 26 ..
ත්රිකූටඃකන්දරාකීර්ණඃප්රව්යාහරදිවාචලඃ .
ගෝලාඞ්ගූලාමහාකායාස්තමසාතුල්යවර්චසඃ .. 27 ..
සම්පරිෂ්වජ්යබාහුභ්යාම්භක්ෂයන්රජනීචරාන් .
අඞ්ගදස්තුරණේශත්රූනනිහන්තුංසමුපස්ථිතඃ .. 28 ..
රාවණින්නිජඝානාශුසාරථිඤ්චහයානපි .
වර්තමානේතදාඝෝරේසඞ්ග්රාමේභෘශදාරුණේ .. 29 ..
ඉන්ද්රජිත්තුරථන්ත්යක්ත්වාහතාශ්වෝහතසාරථිඃ .
අඞ්ගදේනමහාමායස්තත්රෛවාන්තරධීයත .. 30 ..
තත්කර්මවාලිපුත්රස්යසර්වේදේවාස්සහර්ෂිභිඃ .
තුෂ්ටුවුඃපූජනාර්හස්යතෞචෝභෞරාමලක්ෂ්මණෞ .. 31 ..
ප්රභාවංසර්වභූතානිවිදුරින්ද්රජිතෝයුධි .
තේනතේතම්මහාත්මානන්තුෂ්ටාඃදෘෂ්ටවාප්රධර්ෂිතම් .. 32 ..
තතඃප්රහෘෂ්ටාඃකපයස්සසුග්රීවවිභීෂණාඃ .
සාධුසාධ්විතිනේදුශ්චදෘෂ්ටවාශත්රුම්ප්රධර්ෂිතම් .. 33 ..
ඉන්ද්රජිත්තුතදාතේනනිර්ජිතෝභීමකර්මණා .
සංයුගේවාලිපුත්රේණක්රෝධඤ්චක්රේසුදාරුණම් .. 34 ..
සෝ(අ)න්තර්ධානගතඃපාපෝරාවණීරණකර්කශඃ .
අදෘශ්යෝනිශිතාන්බාණාන්මුමෝචාශනිවර්චසඃ .. 35 ..
සරාමංලක්ෂ්මණඤ්චෛවඝෝරෛර්නාගමයෛශ්ශරෛඃ .
බිභේදසමරේක්රුද්ධඃසර්වගාත්රේෂුරාක්ෂසඃ .. 36 ..
මායයාසම්වෘතස්තත්රමෝහයන්රාඝවෞයුධි .
අදෘශ්යස්සර්වභූතානාඞ්කූටයෝධීනිශාචරඃ .. 37 ..
බබන්ධශරබන්ධේනභ්රාතරෞරාමලක්ෂ්මණෞ .
තේනතෞපුරුෂව්යාඝ්රෞක්රුද්ධේනාශීවිෂෛශ්ශරෛඃ .. 38 ..
සහසානිහතෞවීරෞතදාප්රෛක්ෂන්තවානරාඃ .
ප්රකාශරූපස්තුතදානශක්තස්තෞබාධිතුංරාක්ෂසරාජපුත්රඃ .
මායාම්ප්රයෝක්තුංසමුපාජගාමබබන්ධතෞරාජසුතෞදුරාත්මා .. 39 ..
ඉත්යාර්ෂේ ශ්රීමද්රාමායණේ වාල්මීකීය ආදිකාව්යේ යුද්ධකාණ්ඩේ චතුශ්චත්වාරිංශස්සර්ගඃ ..
Roman (IAST) Transliteration
śrīmadvālmīkīya rāmāyaṇe yuddhakāṇḍam |
atha catuścatvāriṃśassargaḥ |
yudhyatāmenateṣāntutadāvānararākṣasām |
ravirastaṅgatorātriḥpravṛttāprāṇahāriṇī || 1 ||
anyonyambaddhavairāṇāṅghorāṇāñjayamicchatām |
sampravṛttanniśāyuddhantadāvānararakṣasām || 2 ||
rākṣaso'sītiharayohariścā'sītirākṣasāḥ |
anyonyaṃsamarejaghnustasmiṃstamasidāruṇe || 3 ||
jahidārayacaihītikathaṃvidravasītica |
evaṃsutumulaśśabdastasmiṃstamasiśuśruve || 4 ||
kālāḥkāñcanasannāhāstasmiṃstamasirākṣasāḥ |
sampradṛśyantaśailendrādīptauṣadhivanāiva || 5 ||
tasmiṃstamasiduṣpārerākṣasāḥkrodhamūrchitāḥ |
paripeturmahāvegābhakṣayantaḥplavaṅgamān || 6 ||
tehayān kāñcanāpīḍān dhvajāṃścāśīviṣopamān |
āplutyadaśanaistīkṣṇairbhīmakopāvyadārayan || 7 ||
vānarābalinoyuddhe'kṣobhayan rākṣasīñcamūm |
kuñjarān kuñjarārohān patākādhvajinorathān || 8 ||
karṣuścadadaṃśuścadaśanaiḥkrodhamūrchitāḥ |
lakṣmaṇaścāpirāmaścaśarairāśīviṣopamaiḥ || 9 ||
dṛśyādṛśyānirakṣāṃsipravarāṇinijaghnatuḥ |
turaṅgakhuravidhvastaṃrathanemisamutthitam || 10 ||
rurodhakarṇanetrāṇiyudhyatāndharaṇīrajaḥ |
vartamānetathāghoresaṅgrāmeromaharṣaṇe || 11 ||
rudhirodhāmahāghorānadyastatraprasusruvuḥ |
tatobherīmṛdaṅgānāmpaṇavānāñcanissvanaḥ || 12 ||
śaṅkhaveṇusvanonmiśrassambhūvādbhutopamaḥ |
hatānāṃstanamānānāṃrākṣasānāñcaniḥsvanaḥ || 13 ||
śastānāṃvānarāṇāñcasambabhūvātidāruṇaḥ |
hatairvānaravīraiścaśaktiśūlaparaśvadhaiḥ || 14 ||
nihataiḥparvatākārairākṣasaiḥkāmarūpibhiḥ |
śastrapuṣpopahārācatatrāsīdyuddhamedinī || 15 ||
dur jñeyādurniveśācaśoṇitāsrāvakardamā |
sābabhūvaniśāghorāharirākṣasahāriṇī || 16 ||
kālarātrīvabhūtānāṃsarveṣānduratikramā |
tatasterākṣasāstatratasmiṃstamasidāruṇe || 17 ||
rāmamevābhyavartantasamhṛṣṭāśśaravṛṣṭibhiḥ |
teṣāmāpatatāṃśabdaḥkruddhānāmapigarjatām || 18 ||
udvarta;iva saptānāṃ samudrāṇāṃ abhūt svanaḥ |
teṣāṃ rāmah śāraih ṣaḍbhih ṣaḍ jaghāna niśāa carān || 19 ||
nimeṣāntaramātreṇaśitairagniśikhopamaiḥ |
yamaśatruścadurdharṣomahāpārśvamahodarau || 20 ||
vajradaṃṣṭromahākāyastaucobhauśukasāraṇau |
teturāmeṇabāṇaughaissarvemarmasutāḍitāḥ || 21 ||
yuddhādapasṛtāstatrasāvaśeṣāyuṣo'bhavan |
tatrakāñcanacitrāṅgaiśśarairagniśikhopamaiḥ || 22 ||
diśaścakāravimalāḥpradiśaścamahārathaḥ |
yetvanyerākṣasābhīmārāmasyābhimukhesthitāḥ || 23 ||
te'pinaṣṭāḥsamāsādyapataṅgāivapāvakam |
suvarṇapuṅkhairviśikhaissapatadbhissahasraśaḥ || 24 ||
babhūvarajanīcitrākhadyotairivaśāradī |
rākṣasānāñcaninadairharīṇāñcāpinissvanaiḥ || 25 ||
sābabhūvaniśāghorābhūyoghoratarātadā |
tenaśabdenamahatāpravṛddhenasamantataḥ || 26 ||
trikūṭaḥkandarākīrṇaḥpravyāharadivācalaḥ |
golāṅgūlāmahākāyāstamasātulyavarcasaḥ || 27 ||
sampariṣvajyabāhubhyāmbhakṣayanrajanīcarān |
aṅgadasturaṇeśatrūnanihantuṃsamupasthitaḥ || 28 ||
rāvaṇinnijaghānāśusārathiñcahayānapi |
vartamānetadāghoresaṅgrāmebhṛśadāruṇe || 29 ||
indrajitturathantyaktvāhatāśvohatasārathiḥ |
aṅgadenamahāmāyastatraivāntaradhīyata || 30 ||
tatkarmavāliputrasyasarvedevāssaharṣibhiḥ |
tuṣṭuvuḥpūjanārhasyataucobhaurāmalakṣmaṇau || 31 ||
prabhāvaṃsarvabhūtānividurindrajitoyudhi |
tenatetammahātmānantuṣṭāḥdṛṣṭavāpradharṣitam || 32 ||
tataḥprahṛṣṭāḥkapayassasugrīvavibhīṣaṇāḥ |
sādhusādhvitineduścadṛṣṭavāśatrumpradharṣitam || 33 ||
indrajittutadātenanirjitobhīmakarmaṇā |
saṃyugevāliputreṇakrodhañcakresudāruṇam || 34 ||
so'ntardhānagataḥpāporāvaṇīraṇakarkaśaḥ |
adṛśyoniśitānbāṇānmumocāśanivarcasaḥ || 35 ||
sarāmaṃlakṣmaṇañcaivaghorairnāgamayaiśśaraiḥ |
bibhedasamarekruddhaḥsarvagātreṣurākṣasaḥ || 36 ||
māyayāsamvṛtastatramohayanrāghavauyudhi |
adṛśyassarvabhūtānāṅkūṭayodhīniśācaraḥ || 37 ||
babandhaśarabandhenabhrātaraurāmalakṣmaṇau |
tenataupuruṣavyāghraukruddhenāśīviṣaiśśaraiḥ || 38 ||
sahasānihatauvīrautadāpraikṣantavānarāḥ |
prakāśarūpastutadānaśaktastaubādhituṃrākṣasarājaputraḥ |
māyāmprayoktuṃsamupājagāmababandhataurājasutaudurātmā || 39 ||
ityārṣe śrīmadrāmāyaṇe vālmīkīya ādikāvye yuddhakāṇḍe catuścatvāriṃśassargaḥ ||
Sanskrit — Devanagari (original)
श्रीमद्वाल्मीकीय रामायणे युद्धकाण्डम् ।
अथ चतुश्चत्वारिंशस्सर्गः ।
युध्यतामेनतेषान्तुतदावानरराक्षसाम् ।
रविरस्तङ्गतोरात्रिःप्रवृत्ताप्राणहारिणी ॥ 1 ॥
अन्योन्यम्बद्धवैराणाङ्घोराणाञ्जयमिच्छताम् ।
सम्प्रवृत्तन्निशायुद्धन्तदावानररक्षसाम् ॥ 2 ॥
राक्षसोऽसीतिहरयोहरिश्चाऽसीतिराक्षसाः ।
अन्योन्यंसमरेजघ्नुस्तस्मिंस्तमसिदारुणे ॥ 3 ॥
जहिदारयचैहीतिकथंविद्रवसीतिच ।
एवंसुतुमुलश्शब्दस्तस्मिंस्तमसिशुश्रुवे ॥ 4 ॥
कालाःकाञ्चनसन्नाहास्तस्मिंस्तमसिराक्षसाः ।
सम्प्रदृश्यन्तशैलेन्द्रादीप्तौषधिवनाइव ॥ 5 ॥
तस्मिंस्तमसिदुष्पारेराक्षसाःक्रोधमूर्छिताः ।
परिपेतुर्महावेगाभक्षयन्तःप्लवङ्गमान् ॥ 6 ॥
तेहयान् काञ्चनापीडान् ध्वजांश्चाशीविषोपमान् ।
आप्लुत्यदशनैस्तीक्ष्णैर्भीमकोपाव्यदारयन् ॥ 7 ॥
वानराबलिनोयुद्धेऽक्षोभयन् राक्षसीञ्चमूम् ।
कुञ्जरान् कुञ्जरारोहान् पताकाध्वजिनोरथान् ॥ 8 ॥
कर्षुश्चददंशुश्चदशनैःक्रोधमूर्छिताः ।
लक्ष्मणश्चापिरामश्चशरैराशीविषोपमैः ॥ 9 ॥
दृश्यादृश्यानिरक्षांसिप्रवराणिनिजघ्नतुः ।
तुरङ्गखुरविध्वस्तंरथनेमिसमुत्थितम् ॥ 10 ॥
रुरोधकर्णनेत्राणियुध्यतान्धरणीरजः ।
वर्तमानेतथाघोरेसङ्ग्रामेरोमहर्षणे ॥ 11 ॥
रुधिरोधामहाघोरानद्यस्तत्रप्रसुस्रुवुः ।
ततोभेरीमृदङ्गानाम्पणवानाञ्चनिस्स्वनः ॥ 12 ॥
शङ्खवेणुस्वनोन्मिश्रस्सम्भूवाद्भुतोपमः ।
हतानांस्तनमानानांराक्षसानाञ्चनिःस्वनः ॥ 13 ॥
शस्तानांवानराणाञ्चसम्बभूवातिदारुणः ।
हतैर्वानरवीरैश्चशक्तिशूलपरश्वधैः ॥ 14 ॥
निहतैःपर्वताकारैराक्षसैःकामरूपिभिः ।
शस्त्रपुष्पोपहाराचतत्रासीद्युद्धमेदिनी ॥ 15 ॥
दुर् ज्ञेयादुर्निवेशाचशोणितास्रावकर्दमा ।
साबभूवनिशाघोराहरिराक्षसहारिणी ॥ 16 ॥
कालरात्रीवभूतानांसर्वेषान्दुरतिक्रमा ।
ततस्तेराक्षसास्तत्रतस्मिंस्तमसिदारुणे ॥ 17 ॥
राममेवाभ्यवर्तन्तसम्हृष्टाश्शरवृष्टिभिः ।
तेषामापततांशब्दःक्रुद्धानामपिगर्जताम् ॥ 18 ॥
उद्वर्त;इव सप्तानां समुद्राणां अभूत् स्वनः ।
तेषां रामह् शारैह् षड्भिह् षड् जघान निशाअ चरान् ॥ 19 ॥
निमेषान्तरमात्रेणशितैरग्निशिखोपमैः ।
यमशत्रुश्चदुर्धर्षोमहापार्श्वमहोदरौ ॥ 20 ॥
वज्रदंष्ट्रोमहाकायस्तौचोभौशुकसारणौ ।
तेतुरामेणबाणौघैस्सर्वेमर्मसुताडिताः ॥ 21 ॥
युद्धादपसृतास्तत्रसावशेषायुषोऽभवन् ।
तत्रकाञ्चनचित्राङ्गैश्शरैरग्निशिखोपमैः ॥ 22 ॥
दिशश्चकारविमलाःप्रदिशश्चमहारथः ।
येत्वन्येराक्षसाभीमारामस्याभिमुखेस्थिताः ॥ 23 ॥
तेऽपिनष्टाःसमासाद्यपतङ्गाइवपावकम् ।
सुवर्णपुङ्खैर्विशिखैस्सपतद्भिस्सहस्रशः ॥ 24 ॥
बभूवरजनीचित्राखद्योतैरिवशारदी ।
राक्षसानाञ्चनिनदैर्हरीणाञ्चापिनिस्स्वनैः ॥ 25 ॥
साबभूवनिशाघोराभूयोघोरतरातदा ।
तेनशब्देनमहताप्रवृद्धेनसमन्ततः ॥ 26 ॥
त्रिकूटःकन्दराकीर्णःप्रव्याहरदिवाचलः ।
गोलाङ्गूलामहाकायास्तमसातुल्यवर्चसः ॥ 27 ॥
सम्परिष्वज्यबाहुभ्याम्भक्षयन्रजनीचरान् ।
अङ्गदस्तुरणेशत्रूननिहन्तुंसमुपस्थितः ॥ 28 ॥
रावणिन्निजघानाशुसारथिञ्चहयानपि ।
वर्तमानेतदाघोरेसङ्ग्रामेभृशदारुणे ॥ 29 ॥
इन्द्रजित्तुरथन्त्यक्त्वाहताश्वोहतसारथिः ।
अङ्गदेनमहामायस्तत्रैवान्तरधीयत ॥ 30 ॥
तत्कर्मवालिपुत्रस्यसर्वेदेवास्सहर्षिभिः ।
तुष्टुवुःपूजनार्हस्यतौचोभौरामलक्ष्मणौ ॥ 31 ॥
प्रभावंसर्वभूतानिविदुरिन्द्रजितोयुधि ।
तेनतेतम्महात्मानन्तुष्टाःदृष्टवाप्रधर्षितम् ॥ 32 ॥
ततःप्रहृष्टाःकपयस्ससुग्रीवविभीषणाः ।
साधुसाध्वितिनेदुश्चदृष्टवाशत्रुम्प्रधर्षितम् ॥ 33 ॥
इन्द्रजित्तुतदातेननिर्जितोभीमकर्मणा ।
संयुगेवालिपुत्रेणक्रोधञ्चक्रेसुदारुणम् ॥ 34 ॥
सोऽन्तर्धानगतःपापोरावणीरणकर्कशः ।
अदृश्योनिशितान्बाणान्मुमोचाशनिवर्चसः ॥ 35 ॥
सरामंलक्ष्मणञ्चैवघोरैर्नागमयैश्शरैः ।
बिभेदसमरेक्रुद्धःसर्वगात्रेषुराक्षसः ॥ 36 ॥
माययासम्वृतस्तत्रमोहयन्राघवौयुधि ।
अदृश्यस्सर्वभूतानाङ्कूटयोधीनिशाचरः ॥ 37 ॥
बबन्धशरबन्धेनभ्रातरौरामलक्ष्मणौ ।
तेनतौपुरुषव्याघ्रौक्रुद्धेनाशीविषैश्शरैः ॥ 38 ॥
सहसानिहतौवीरौतदाप्रैक्षन्तवानराः ।
प्रकाशरूपस्तुतदानशक्तस्तौबाधितुंराक्षसराजपुत्रः ।
मायाम्प्रयोक्तुंसमुपाजगामबबन्धतौराजसुतौदुरात्मा ॥ 39 ॥
इत्यार्षे श्रीमद्रामायणे वाल्मीकीय आदिकाव्ये युद्धकाण्डे चतुश्चत्वारिंशस्सर्गः ॥
śrīmadvālmīkīya rāmāyaṇe yuddhakāṇḍam |
atha catuścatvāriṃśassargaḥ |
yudhyatāmenateṣāntutadāvānararākṣasām |
ravirastaṅgatorātriḥpravṛttāprāṇahāriṇī || 1 ||
anyonyambaddhavairāṇāṅghorāṇāñjayamicchatām |
sampravṛttanniśāyuddhantadāvānararakṣasām || 2 ||
rākṣaso'sītiharayohariścā'sītirākṣasāḥ |
anyonyaṃsamarejaghnustasmiṃstamasidāruṇe || 3 ||
jahidārayacaihītikathaṃvidravasītica |
evaṃsutumulaśśabdastasmiṃstamasiśuśruve || 4 ||
kālāḥkāñcanasannāhāstasmiṃstamasirākṣasāḥ |
sampradṛśyantaśailendrādīptauṣadhivanāiva || 5 ||
tasmiṃstamasiduṣpārerākṣasāḥkrodhamūrchitāḥ |
paripeturmahāvegābhakṣayantaḥplavaṅgamān || 6 ||
tehayān kāñcanāpīḍān dhvajāṃścāśīviṣopamān |
āplutyadaśanaistīkṣṇairbhīmakopāvyadārayan || 7 ||
vānarābalinoyuddhe'kṣobhayan rākṣasīñcamūm |
kuñjarān kuñjarārohān patākādhvajinorathān || 8 ||
karṣuścadadaṃśuścadaśanaiḥkrodhamūrchitāḥ |
lakṣmaṇaścāpirāmaścaśarairāśīviṣopamaiḥ || 9 ||
dṛśyādṛśyānirakṣāṃsipravarāṇinijaghnatuḥ |
turaṅgakhuravidhvastaṃrathanemisamutthitam || 10 ||
rurodhakarṇanetrāṇiyudhyatāndharaṇīrajaḥ |
vartamānetathāghoresaṅgrāmeromaharṣaṇe || 11 ||
rudhirodhāmahāghorānadyastatraprasusruvuḥ |
tatobherīmṛdaṅgānāmpaṇavānāñcanissvanaḥ || 12 ||
śaṅkhaveṇusvanonmiśrassambhūvādbhutopamaḥ |
hatānāṃstanamānānāṃrākṣasānāñcaniḥsvanaḥ || 13 ||
śastānāṃvānarāṇāñcasambabhūvātidāruṇaḥ |
hatairvānaravīraiścaśaktiśūlaparaśvadhaiḥ || 14 ||
nihataiḥparvatākārairākṣasaiḥkāmarūpibhiḥ |
śastrapuṣpopahārācatatrāsīdyuddhamedinī || 15 ||
dur jñeyādurniveśācaśoṇitāsrāvakardamā |
sābabhūvaniśāghorāharirākṣasahāriṇī || 16 ||
kālarātrīvabhūtānāṃsarveṣānduratikramā |
tatasterākṣasāstatratasmiṃstamasidāruṇe || 17 ||
rāmamevābhyavartantasamhṛṣṭāśśaravṛṣṭibhiḥ |
teṣāmāpatatāṃśabdaḥkruddhānāmapigarjatām || 18 ||
udvarta;iva saptānāṃ samudrāṇāṃ abhūt svanaḥ |
teṣāṃ rāmah śāraih ṣaḍbhih ṣaḍ jaghāna niśāa carān || 19 ||
nimeṣāntaramātreṇaśitairagniśikhopamaiḥ |
yamaśatruścadurdharṣomahāpārśvamahodarau || 20 ||
vajradaṃṣṭromahākāyastaucobhauśukasāraṇau |
teturāmeṇabāṇaughaissarvemarmasutāḍitāḥ || 21 ||
yuddhādapasṛtāstatrasāvaśeṣāyuṣo'bhavan |
tatrakāñcanacitrāṅgaiśśarairagniśikhopamaiḥ || 22 ||
diśaścakāravimalāḥpradiśaścamahārathaḥ |
yetvanyerākṣasābhīmārāmasyābhimukhesthitāḥ || 23 ||
te'pinaṣṭāḥsamāsādyapataṅgāivapāvakam |
suvarṇapuṅkhairviśikhaissapatadbhissahasraśaḥ || 24 ||
babhūvarajanīcitrākhadyotairivaśāradī |
rākṣasānāñcaninadairharīṇāñcāpinissvanaiḥ || 25 ||
sābabhūvaniśāghorābhūyoghoratarātadā |
tenaśabdenamahatāpravṛddhenasamantataḥ || 26 ||
trikūṭaḥkandarākīrṇaḥpravyāharadivācalaḥ |
golāṅgūlāmahākāyāstamasātulyavarcasaḥ || 27 ||
sampariṣvajyabāhubhyāmbhakṣayanrajanīcarān |
aṅgadasturaṇeśatrūnanihantuṃsamupasthitaḥ || 28 ||
rāvaṇinnijaghānāśusārathiñcahayānapi |
vartamānetadāghoresaṅgrāmebhṛśadāruṇe || 29 ||
indrajitturathantyaktvāhatāśvohatasārathiḥ |
aṅgadenamahāmāyastatraivāntaradhīyata || 30 ||
tatkarmavāliputrasyasarvedevāssaharṣibhiḥ |
tuṣṭuvuḥpūjanārhasyataucobhaurāmalakṣmaṇau || 31 ||
prabhāvaṃsarvabhūtānividurindrajitoyudhi |
tenatetammahātmānantuṣṭāḥdṛṣṭavāpradharṣitam || 32 ||
tataḥprahṛṣṭāḥkapayassasugrīvavibhīṣaṇāḥ |
sādhusādhvitineduścadṛṣṭavāśatrumpradharṣitam || 33 ||
indrajittutadātenanirjitobhīmakarmaṇā |
saṃyugevāliputreṇakrodhañcakresudāruṇam || 34 ||
so'ntardhānagataḥpāporāvaṇīraṇakarkaśaḥ |
adṛśyoniśitānbāṇānmumocāśanivarcasaḥ || 35 ||
sarāmaṃlakṣmaṇañcaivaghorairnāgamayaiśśaraiḥ |
bibhedasamarekruddhaḥsarvagātreṣurākṣasaḥ || 36 ||
māyayāsamvṛtastatramohayanrāghavauyudhi |
adṛśyassarvabhūtānāṅkūṭayodhīniśācaraḥ || 37 ||
babandhaśarabandhenabhrātaraurāmalakṣmaṇau |
tenataupuruṣavyāghraukruddhenāśīviṣaiśśaraiḥ || 38 ||
sahasānihatauvīrautadāpraikṣantavānarāḥ |
prakāśarūpastutadānaśaktastaubādhituṃrākṣasarājaputraḥ |
māyāmprayoktuṃsamupājagāmababandhataurājasutaudurātmā || 39 ||
ityārṣe śrīmadrāmāyaṇe vālmīkīya ādikāvye yuddhakāṇḍe catuścatvāriṃśassargaḥ ||
🕉️ This is the original Sanskrit rendered in Sinhala script.
Pronunciation is identical to the Sanskrit Devanagari version.