ଶ୍ରୀମଦ୍ଵାଲ୍ମୀକୀଯ ରାମାଯଣେ ଅରଣ୍ଯକାଣ୍ଡମ୍ ।
ଅଥ ଏକଵିଂଶସ୍ସର୍ଗଃ ।
ସ ପୁନଃ ପତିତାଂ ଦୃଷ୍ଟ୍ଵା କ୍ରୋଧାଚ୍ଛୂର୍ପଣଖାଂ ଖରଃ ।
ଉଵାଚ ଵ୍ଯକ୍ତଯା ଵାଚା ତାମନର୍ଥାର୍ଥମାଗତାମ୍ ॥ 1 ॥
ମଯା ତ୍ଵିଦାନୀଂ ଶୂରାସ୍ତେ ରାକ୍ଷସା ରୁଧିରାଶନାଃ ।
ତ୍ଵତ୍ପ୍ରିଯାର୍ଥଂ ଵିନିର୍ଦିଷ୍ଟାଃ କିମର୍ଥଂ ରୁଦ୍ଯତେ ପୁନଃ ॥ 2 ॥
ଭକ୍ତାଶ୍ଚୈଵାନୁରକ୍ତାଶ୍ଚ ହିତାଶ୍ଚ ମମ ନିତ୍ଯଶଃ ।
ହନ୍ଯମାନା ନ ହନ୍ଯନ୍ତେ ନ ନ କୁର୍ଯୁର୍ଵଚୋ ମମ ॥ 3 ॥
କିମେତଚ୍ଛ୍ରୋତୁମିଚ୍ଛାମି କାରଣଂ ଯତ୍କୃତେ ପୁନଃ ।
ହା ନାଥେତି ଵିନର୍ଦନ୍ତୀ ସର୍ପଵଲ୍ଲୁଠସି କ୍ଷିତୌ ॥ 4 ॥
ଅନାଥଵଦ୍ଵିଲପସି ନାଥେ ତୁ ମଯି ସଂସ୍ଥିତେ ।
ଉତ୍ତିଷ୍ଠୋତ୍ତିଷ୍ଠ ମାଭୈଷୀର୍ଵୈକ୍ଲଵ୍ଯଂ ତ୍ଯଜ୍ଯତାମିହ ॥ 5 ॥
ଇତ୍ଯେଵମୁକ୍ତା ଦୁର୍ଧର୍ଷା ଖରେଣ ପରିସାନ୍ତ୍ଵିତା ।
ଵିମୃଜ୍ଯ ନଯନେ ସାସ୍ରେ ଖରଂ ଭ୍ରାତରମବ୍ରଵୀତ୍ ॥ 6 ॥
ଅସ୍ମୀଦାନୀମହଂ ପ୍ରାପ୍ତା ହୃତଶ୍ରଵଣନାସିକା ।
ଶୋଣିତୌଘପରିକ୍ଲିନ୍ନା ତ୍ଵଯା ଚ ପରିସାନ୍ତ୍ଵିତା ॥ 7 ॥
ପ୍ରେଷିତାଶ୍ଚ ତ୍ଵଯା ଵୀର ରାକ୍ଷସାସ୍ତେ ଚତୁର୍ଦଶ ।
ନିହନ୍ତୁଂ ରାଘଵଂ କ୍ରୋଧାନ୍ମତ୍ପ୍ରିଯାର୍ଥଂ ସଲକ୍ଷଣମ୍ ॥ 8 ॥
ତେ ତୁ ରାମେଣ ସାମର୍ଷାଃ ଶୂଲପଟ୍ଟସପାଣଯଃ ।
ସମରେ ନିହତାସ୍ସର୍ଵେ ସାଯକୈର୍ମର୍ମଭେଦିଭିଃ ॥ 9 ॥
ତାନ୍ଦୃଷ୍ଟ୍ଵା ପତିତାନ୍ଭୂମୌ କ୍ଷଣେନୈଵ ମହାବଲାନ୍ ।
ରାମସ୍ଯ ଚ ମହତ୍କର୍ମ ମହାଂସ୍ତ୍ରାସୋଽଭଵନ୍ମମ ॥ 10 ॥
ଅହମସ୍ମି ସମୁଦ୍ଵିଗ୍ନା ଵିଷଣ୍ଣା ଚ ନିଶାଚର ।
ଶରଣଂ ତ୍ଵାଂ ପୁନଃ ପ୍ରାପ୍ତା ସର୍ଵତୋଭଯଦର୍ଶିନୀ ॥ 11 ॥
ଵିଷାଦନକ୍ରାଧ୍ଯୁଷିତେ ପରିତ୍ରାସୋର୍ମିମାଲିନି ।
କିଂ ମାଂ ନ ତ୍ରାଯସେ ମଗ୍ନାଂ ଵିପୁଲେ ଶୋକସାଗରେ ॥ 12 ॥
ଏତେ ଚ ନିହତା ଭୂମୌ ରାମେଣ ନିଶିତୈଃ ଶରୈଃ ।
ଯେଽପି ମେ ପଦଵୀଂ ପ୍ରାପ୍ତା ରାକ୍ଷସାଃ ପିଶିତାଶନାଃ ॥ 13 ॥
ମଯି ତେ ଯଦ୍ଯନୁକ୍ରୋଶୋ ଯଦି ରକ୍ଷସ୍ସୁ ତେଷୁ ଚ ।
ରାମେଣ ଯଦି ତେ ଶକ୍ତିସ୍ତେଜୋ ଵାସ୍ତି ନିଶାଚର ॥ 14 ॥
ଦଣ୍ଡକାରଣ୍ଯନିଲଯଂ ଜହି ରାକ୍ଷସକଣ୍ଟକମ୍ ।
ଯଦି ରାମଂ ମମାମିତ୍ରଂ ନ ତ୍ଵମଦ୍ଯଵଧିଷ୍ଯସି ॥ 15 ॥
ତଵୈଵ ଚାଗ୍ରତଃ ପ୍ରାଣାଂସ୍ତ୍ଯକ୍ଷାମି ନିରପତ୍ରପ ।
ବୁଦ୍ଧ୍ଯାହମନୁପଶ୍ଯାମି ନ ତ୍ଵଂ ରାମସ୍ଯ ସଂଯୁଗେ ॥ 16 ॥
ସ୍ଥାତୁଂ ପ୍ରତିମୁଖେ ଶକ୍ତସ୍ସବଲଶ୍ଚ ମହାତ୍ମନଃ ।
ଶୂରମାନୀ ନ ଶୂରସ୍ତ୍ଵଂ ମିଥ୍ଯାରୋପିତଵିକ୍ରମଃ ॥ 17 ॥
ମାନୁଷୌ ଯୋ ନ ଶକ୍ନୋଷି ହନ୍ତୁଂ ତୌ ରାମଲକ୍ଷ୍ମଣୌ ।
ରାମେଣ ଯଦି ତେ ଶକ୍ତିସ୍ତେଜୋ ଵାସ୍ତି ନିଶାଚର ॥ 18 ॥
ଦଣ୍ଡକାରଣ୍ଯନିଲଯଂ ଜହି ତଂ କୁଲପାଂସନ ।
ନିସ୍ସତ୍ଵସ୍ଯାଲ୍ପ ଵୀର୍ଯସ୍ଯ ଵାସସ୍ତେ କୀଦୃଶସ୍ତ୍ଵିହ ॥ 19 ॥
ଅପଯାହି ଜନସ୍ଥାନାତତ୍ଵରିତସ୍ସହବାନ୍ଧଵଃ ।
ରାମତେଜୋଭିଭୂତୋ ହି ତ୍ଵଂ କ୍ଷିପ୍ରଂ ଵିନଶିଷ୍ଯସି ॥ 20 ॥
ସ ହି ତେଜସ୍ସମାଯୁକ୍ତୋ ରାମୋ ଦଶରଥାତ୍ମଜଃ ।
ଭ୍ରାତା ଚାସ୍ଯ ମହାଵୀର୍ଯୋ ଯେନ ଚାସ୍ମି ଵିରୂପିତା ॥ 21 ॥
ଏଵଂ ଵିଲପ୍ଯ ବହୁଶୋ ରାକ୍ଷସୀ ଵିତତୋଦରୀ ।
କରାଭ୍ଯାମୁଦରଂ ହତ୍ଵା ରୁରୋଦ ଭୃଶଦୁଃଖିତା ॥ 22 ॥
ଇତ୍ଯାର୍ଷେ ଶ୍ରୀମଦ୍ରାମାଯଣେ ଵାଲ୍ମୀକୀଯ ଆଦିକାଵ୍ଯେ ଅରଣ୍ଯକାଣ୍ଡେ ଏକଵିଂଶସ୍ସର୍ଗଃ ॥
Roman (IAST) Transliteration
śrīmadvālmīkīya rāmāyaṇe araṇyakāṇḍam |
atha ekaviṃśassargaḥ |
sa punaḥ patitāṃ dṛṣṭvā krodhācchūrpaṇakhāṃ kharaḥ |
uvāca vyaktayā vācā tāmanarthārthamāgatām || 1 ||
mayā tvidānīṃ śūrāste rākṣasā rudhirāśanāḥ |
tvatpriyārthaṃ vinirdiṣṭāḥ kimarthaṃ rudyate punaḥ || 2 ||
bhaktāścaivānuraktāśca hitāśca mama nityaśaḥ |
hanyamānā na hanyante na na kuryurvaco mama || 3 ||
kimetacchrotumicchāmi kāraṇaṃ yatkṛte punaḥ |
hā nātheti vinardantī sarpavalluṭhasi kṣitau || 4 ||
anāthavadvilapasi nāthe tu mayi saṃsthite |
uttiṣṭhottiṣṭha mābhaiṣīrvaiklavyaṃ tyajyatāmiha || 5 ||
ityevamuktā durdharṣā khareṇa parisāntvitā |
vimṛjya nayane sāsre kharaṃ bhrātaramabravīt || 6 ||
asmīdānīmahaṃ prāptā hṛtaśravaṇanāsikā |
śoṇitaughapariklinnā tvayā ca parisāntvitā || 7 ||
preṣitāśca tvayā vīra rākṣasāste caturdaśa |
nihantuṃ rāghavaṃ krodhānmatpriyārthaṃ salakṣaṇam || 8 ||
te tu rāmeṇa sāmarṣāḥ śūlapaṭṭasapāṇayaḥ |
samare nihatāssarve sāyakairmarmabhedibhiḥ || 9 ||
tāndṛṣṭvā patitānbhūmau kṣaṇenaiva mahābalān |
rāmasya ca mahatkarma mahāṃstrāso'bhavanmama || 10 ||
ahamasmi samudvignā viṣaṇṇā ca niśācara |
śaraṇaṃ tvāṃ punaḥ prāptā sarvatobhayadarśinī || 11 ||
viṣādanakrādhyuṣite paritrāsormimālini |
kiṃ māṃ na trāyase magnāṃ vipule śokasāgare || 12 ||
ete ca nihatā bhūmau rāmeṇa niśitaiḥ śaraiḥ |
ye'pi me padavīṃ prāptā rākṣasāḥ piśitāśanāḥ || 13 ||
mayi te yadyanukrośo yadi rakṣassu teṣu ca |
rāmeṇa yadi te śaktistejo vāsti niśācara || 14 ||
daṇḍakāraṇyanilayaṃ jahi rākṣasakaṇṭakam |
yadi rāmaṃ mamāmitraṃ na tvamadyavadhiṣyasi || 15 ||
tavaiva cāgrataḥ prāṇāṃstyakṣāmi nirapatrapa |
buddhyāhamanupaśyāmi na tvaṃ rāmasya saṃyuge || 16 ||
sthātuṃ pratimukhe śaktassabalaśca mahātmanaḥ |
śūramānī na śūrastvaṃ mithyāropitavikramaḥ || 17 ||
mānuṣau yo na śaknoṣi hantuṃ tau rāmalakṣmaṇau |
rāmeṇa yadi te śaktistejo vāsti niśācara || 18 ||
daṇḍakāraṇyanilayaṃ jahi taṃ kulapāṃsana |
nissatvasyālpa vīryasya vāsaste kīdṛśastviha || 19 ||
apayāhi janasthānātatvaritassahabāndhavaḥ |
rāmatejobhibhūto hi tvaṃ kṣipraṃ vinaśiṣyasi || 20 ||
sa hi tejassamāyukto rāmo daśarathātmajaḥ |
bhrātā cāsya mahāvīryo yena cāsmi virūpitā || 21 ||
evaṃ vilapya bahuśo rākṣasī vitatodarī |
karābhyāmudaraṃ hatvā ruroda bhṛśaduḥkhitā || 22 ||
ityārṣe śrīmadrāmāyaṇe vālmīkīya ādikāvye araṇyakāṇḍe ekaviṃśassargaḥ ||
Sanskrit — Devanagari (original)
श्रीमद्वाल्मीकीय रामायणे अरण्यकाण्डम् ।
अथ एकविंशस्सर्गः ।
स पुनः पतितां दृष्ट्वा क्रोधाच्छूर्पणखां खरः ।
उवाच व्यक्तया वाचा तामनर्थार्थमागताम् ॥ 1 ॥
मया त्विदानीं शूरास्ते राक्षसा रुधिराशनाः ।
त्वत्प्रियार्थं विनिर्दिष्टाः किमर्थं रुद्यते पुनः ॥ 2 ॥
भक्ताश्चैवानुरक्ताश्च हिताश्च मम नित्यशः ।
हन्यमाना न हन्यन्ते न न कुर्युर्वचो मम ॥ 3 ॥
किमेतच्छ्रोतुमिच्छामि कारणं यत्कृते पुनः ।
हा नाथेति विनर्दन्ती सर्पवल्लुठसि क्षितौ ॥ 4 ॥
अनाथवद्विलपसि नाथे तु मयि संस्थिते ।
उत्तिष्ठोत्तिष्ठ माभैषीर्वैक्लव्यं त्यज्यतामिह ॥ 5 ॥
इत्येवमुक्ता दुर्धर्षा खरेण परिसान्त्विता ।
विमृज्य नयने सास्रे खरं भ्रातरमब्रवीत् ॥ 6 ॥
अस्मीदानीमहं प्राप्ता हृतश्रवणनासिका ।
शोणितौघपरिक्लिन्ना त्वया च परिसान्त्विता ॥ 7 ॥
प्रेषिताश्च त्वया वीर राक्षसास्ते चतुर्दश ।
निहन्तुं राघवं क्रोधान्मत्प्रियार्थं सलक्षणम् ॥ 8 ॥
ते तु रामेण सामर्षाः शूलपट्टसपाणयः ।
समरे निहतास्सर्वे सायकैर्मर्मभेदिभिः ॥ 9 ॥
तान्दृष्ट्वा पतितान्भूमौ क्षणेनैव महाबलान् ।
रामस्य च महत्कर्म महांस्त्रासोऽभवन्मम ॥ 10 ॥
अहमस्मि समुद्विग्ना विषण्णा च निशाचर ।
शरणं त्वां पुनः प्राप्ता सर्वतोभयदर्शिनी ॥ 11 ॥
विषादनक्राध्युषिते परित्रासोर्मिमालिनि ।
किं मां न त्रायसे मग्नां विपुले शोकसागरे ॥ 12 ॥
एते च निहता भूमौ रामेण निशितैः शरैः ।
येऽपि मे पदवीं प्राप्ता राक्षसाः पिशिताशनाः ॥ 13 ॥
मयि ते यद्यनुक्रोशो यदि रक्षस्सु तेषु च ।
रामेण यदि ते शक्तिस्तेजो वास्ति निशाचर ॥ 14 ॥
दण्डकारण्यनिलयं जहि राक्षसकण्टकम् ।
यदि रामं ममामित्रं न त्वमद्यवधिष्यसि ॥ 15 ॥
तवैव चाग्रतः प्राणांस्त्यक्षामि निरपत्रप ।
बुद्ध्याहमनुपश्यामि न त्वं रामस्य संयुगे ॥ 16 ॥
स्थातुं प्रतिमुखे शक्तस्सबलश्च महात्मनः ।
शूरमानी न शूरस्त्वं मिथ्यारोपितविक्रमः ॥ 17 ॥
मानुषौ यो न शक्नोषि हन्तुं तौ रामलक्ष्मणौ ।
रामेण यदि ते शक्तिस्तेजो वास्ति निशाचर ॥ 18 ॥
दण्डकारण्यनिलयं जहि तं कुलपांसन ।
निस्सत्वस्याल्प वीर्यस्य वासस्ते कीदृशस्त्विह ॥ 19 ॥
अपयाहि जनस्थानातत्वरितस्सहबान्धवः ।
रामतेजोभिभूतो हि त्वं क्षिप्रं विनशिष्यसि ॥ 20 ॥
स हि तेजस्समायुक्तो रामो दशरथात्मजः ।
भ्राता चास्य महावीर्यो येन चास्मि विरूपिता ॥ 21 ॥
एवं विलप्य बहुशो राक्षसी विततोदरी ।
कराभ्यामुदरं हत्वा रुरोद भृशदुःखिता ॥ 22 ॥
इत्यार्षे श्रीमद्रामायणे वाल्मीकीय आदिकाव्ये अरण्यकाण्डे एकविंशस्सर्गः ॥
śrīmadvālmīkīya rāmāyaṇe araṇyakāṇḍam |
atha ekaviṃśassargaḥ |
sa punaḥ patitāṃ dṛṣṭvā krodhācchūrpaṇakhāṃ kharaḥ |
uvāca vyaktayā vācā tāmanarthārthamāgatām || 1 ||
mayā tvidānīṃ śūrāste rākṣasā rudhirāśanāḥ |
tvatpriyārthaṃ vinirdiṣṭāḥ kimarthaṃ rudyate punaḥ || 2 ||
bhaktāścaivānuraktāśca hitāśca mama nityaśaḥ |
hanyamānā na hanyante na na kuryurvaco mama || 3 ||
kimetacchrotumicchāmi kāraṇaṃ yatkṛte punaḥ |
hā nātheti vinardantī sarpavalluṭhasi kṣitau || 4 ||
anāthavadvilapasi nāthe tu mayi saṃsthite |
uttiṣṭhottiṣṭha mābhaiṣīrvaiklavyaṃ tyajyatāmiha || 5 ||
ityevamuktā durdharṣā khareṇa parisāntvitā |
vimṛjya nayane sāsre kharaṃ bhrātaramabravīt || 6 ||
asmīdānīmahaṃ prāptā hṛtaśravaṇanāsikā |
śoṇitaughapariklinnā tvayā ca parisāntvitā || 7 ||
preṣitāśca tvayā vīra rākṣasāste caturdaśa |
nihantuṃ rāghavaṃ krodhānmatpriyārthaṃ salakṣaṇam || 8 ||
te tu rāmeṇa sāmarṣāḥ śūlapaṭṭasapāṇayaḥ |
samare nihatāssarve sāyakairmarmabhedibhiḥ || 9 ||
tāndṛṣṭvā patitānbhūmau kṣaṇenaiva mahābalān |
rāmasya ca mahatkarma mahāṃstrāso'bhavanmama || 10 ||
ahamasmi samudvignā viṣaṇṇā ca niśācara |
śaraṇaṃ tvāṃ punaḥ prāptā sarvatobhayadarśinī || 11 ||
viṣādanakrādhyuṣite paritrāsormimālini |
kiṃ māṃ na trāyase magnāṃ vipule śokasāgare || 12 ||
ete ca nihatā bhūmau rāmeṇa niśitaiḥ śaraiḥ |
ye'pi me padavīṃ prāptā rākṣasāḥ piśitāśanāḥ || 13 ||
mayi te yadyanukrośo yadi rakṣassu teṣu ca |
rāmeṇa yadi te śaktistejo vāsti niśācara || 14 ||
daṇḍakāraṇyanilayaṃ jahi rākṣasakaṇṭakam |
yadi rāmaṃ mamāmitraṃ na tvamadyavadhiṣyasi || 15 ||
tavaiva cāgrataḥ prāṇāṃstyakṣāmi nirapatrapa |
buddhyāhamanupaśyāmi na tvaṃ rāmasya saṃyuge || 16 ||
sthātuṃ pratimukhe śaktassabalaśca mahātmanaḥ |
śūramānī na śūrastvaṃ mithyāropitavikramaḥ || 17 ||
mānuṣau yo na śaknoṣi hantuṃ tau rāmalakṣmaṇau |
rāmeṇa yadi te śaktistejo vāsti niśācara || 18 ||
daṇḍakāraṇyanilayaṃ jahi taṃ kulapāṃsana |
nissatvasyālpa vīryasya vāsaste kīdṛśastviha || 19 ||
apayāhi janasthānātatvaritassahabāndhavaḥ |
rāmatejobhibhūto hi tvaṃ kṣipraṃ vinaśiṣyasi || 20 ||
sa hi tejassamāyukto rāmo daśarathātmajaḥ |
bhrātā cāsya mahāvīryo yena cāsmi virūpitā || 21 ||
evaṃ vilapya bahuśo rākṣasī vitatodarī |
karābhyāmudaraṃ hatvā ruroda bhṛśaduḥkhitā || 22 ||
ityārṣe śrīmadrāmāyaṇe vālmīkīya ādikāvye araṇyakāṇḍe ekaviṃśassargaḥ ||
🕉️ This is the original Sanskrit rendered in Oriya script.
Pronunciation is identical to the Sanskrit Devanagari version.