𑌶𑍍𑌰𑍀𑌮𑌦𑍍𑌵𑌾𑌲𑍍𑌮𑍀𑌕𑍀𑌯 𑌰𑌾𑌮𑌾𑌯𑌣𑍇 𑌅𑌰𑌣𑍍𑌯𑌕𑌾𑌣𑍍𑌡𑌮𑍍 ।
𑌅𑌥 𑌷𑌡𑍍𑌵𑌿𑌂𑌶𑌸𑍍𑌸𑌰𑍍𑌗𑌃 ।
𑌦𑍂𑌷𑌣𑌸𑍍𑌤𑍁 𑌸𑍍𑌵𑌕𑌂 𑌸𑍈𑌨𑍍𑌯𑌂 𑌹𑌨𑍍𑌯𑌮𑌾𑌨𑌂 𑌨𑌿𑌰𑍀𑌕𑍍𑌷𑍍𑌯 𑌸𑌃 ।
𑌸𑌨𑍍𑌦𑌿𑌦𑍇𑌶 𑌮𑌹𑌾𑌬𑌾𑌹𑍁𑌰𑍍𑌭𑍀𑌮𑌵𑍇𑌗𑌾𑌨𑍍𑌦𑍁𑌰𑌾𑌸𑌦𑌾𑌨𑍍 ॥ 1 ॥
𑌰𑌾𑌕𑍍𑌷𑌸𑌾𑌨𑍍𑌪𑌞𑍍𑌚𑌸𑌹𑌸𑍍𑌰𑌾𑌨𑍍𑌸𑌮𑌰𑍇𑌷𑍍𑌵𑌨𑌿𑌵𑌰𑍍𑌤𑌿𑌨𑌃 ।
𑌤𑍇 𑌶𑍂𑌲𑍈𑌃 𑌪𑌟𑍍𑌟𑌿𑌶𑍈𑌃 𑌖𑌙𑍍𑌗𑍈 𑌶𑌿𑌲𑌾𑌵𑌰𑍍𑌷𑍈𑌰𑍍𑌦𑍍𑌰𑍁𑌮𑍈𑌰𑌪𑌿 ॥ 2 ॥
𑌶𑌰𑌵𑌰𑍍𑌷𑍈𑌰𑌵𑌿𑌚𑍍𑌛𑌿𑌨𑍍𑌨𑌂 𑌵𑌵𑌰𑍍𑌷𑍁𑌸𑍍𑌤𑌂 𑌸𑌮𑌨𑍍𑌤𑌤𑌃 ।
𑌸 𑌦𑍃𑌮𑌾𑌣𑌾𑌂 𑌶𑌿𑌲𑌾𑌨𑌾𑌂 𑌚 𑌵𑌰𑍍𑌷𑌂 𑌪𑍍𑌰𑌾𑌣𑌹𑌰𑌂 𑌮𑌹𑌤𑍍 ॥ 3 ॥
𑌪𑍍𑌰𑌤𑌿𑌜𑌗𑍍𑌰𑌾𑌹 𑌧𑌰𑍍𑌮𑌾𑌤𑍍𑌮𑌾 𑌰𑌾𑌘𑌵𑌸𑍍𑌤𑍀𑌕𑍍𑌷𑍍𑌣𑌸𑌾𑌯𑌕𑍈𑌃 ।
𑌪𑍍𑌰𑌤𑌿𑌗𑍃𑌹𑍍𑌯 𑌚 𑌤𑌦𑍍𑌵𑌰𑍍𑌷𑌂 𑌨𑌿𑌮𑍀𑌲𑌿𑌤 𑌇𑌵𑌰𑍍𑌷𑌭𑌃 ॥ 4 ॥
𑌰𑌾𑌮𑌃 𑌕𑍍𑌰𑍋𑌧𑌂 𑌪𑌰𑌂 𑌭𑍇𑌜𑍇 𑌵𑌧𑌾𑌰𑍍𑌥𑌂 𑌸𑌰𑍍𑌵𑌰𑌕𑍍𑌷𑌸𑌾𑌮𑍍 ।
𑌤𑌤𑌃 𑌕𑍍𑌰𑍋𑌧𑌸𑌮𑌾𑌵𑌿𑌷𑍍𑌟𑌃 𑌪𑍍𑌰𑌦𑍀𑌪𑍍𑌤 𑌇𑌵 𑌤𑍇𑌜𑌸𑌾 ॥ 5 ॥
𑌶𑌰𑍈𑌰𑌵𑌾𑌕𑌿𑌰𑌤𑍍𑌸𑍈𑌨𑍍𑌯𑌂 𑌸𑌰𑍍𑌵𑌤𑌸𑍍𑌸𑌹𑌦𑍂𑌷𑌣𑌮𑍍 ।
𑌤𑌤𑌸𑍍𑌸𑍇𑌨𑌾𑌪𑌤𑌿𑌃 𑌕𑍍𑌰𑍁𑌦𑍍𑌧𑍋 𑌦𑍂𑌷𑌣𑌶𑍍𑌶𑌤𑍍𑌰𑍁𑌦𑍂𑌷𑌣𑌃 ॥ 6 ॥
𑌶𑌰𑍈𑌰𑌶𑌨𑌿𑌕𑌲𑍍𑌪𑍈𑌸𑍍𑌤𑌂 𑌰𑌾𑌘𑌵𑌂 𑌸𑌮𑌵𑌾𑌕𑌿𑌰𑌤𑍍 ।
𑌤𑌤𑍋 𑌰𑌾𑌮𑌸𑍍𑌸𑍁𑌸𑌙𑍍𑌕𑍃𑌦𑍍𑌧𑌃 𑌕𑍍𑌷𑍁𑌰𑍇𑌣𑌾𑌸𑍍𑌯 𑌮𑌹𑌦𑍍𑌧𑌨𑍁𑌃 ॥ 7 ॥
𑌚𑌿𑌚𑍍𑌛𑍇𑌦 𑌸𑌮𑌰𑍇 𑌵𑍀𑌰𑌶𑍍𑌚𑌤𑍁𑌰𑍍𑌭𑌿𑌶𑍍𑌚𑌤𑍁𑌰𑍋 𑌹𑌯𑌾𑌨𑍍 ।
𑌹𑌤𑍍𑌵𑌾 𑌚𑌾𑌶𑍍𑌵𑌾𑌨𑍍𑌶𑌰𑍈𑌸𑍍𑌤𑍀𑌕𑍍𑌷𑍍𑌣𑍈𑌰𑌰𑍍𑌧𑌚𑌨𑍍𑌦𑍍𑌰𑍇𑌣 𑌸𑌾𑌰𑌥𑍇𑌃 ॥ 8 ॥
𑌶𑌿𑌰𑍋 𑌜𑌹𑌾𑌰 𑌤𑌦𑍍𑌰𑌕𑍍𑌷𑌸𑍍𑌤𑍍𑌰𑌿𑌭𑌿𑌰𑍍𑌵𑌿𑌵𑍍𑌯𑌾𑌧 𑌵𑌕𑍍𑌷𑌸𑌿 ।
𑌸 𑌚𑍍𑌛𑌿𑌨𑍍𑌨𑌧𑌨𑍍𑌵𑌾 𑌵𑌿𑌰𑌥𑍋 𑌹𑌤𑌾𑌶𑍍𑌵𑍋 𑌹𑌤𑌸𑌾𑌰𑌥𑌿𑌃 ॥ 9 ॥
𑌜𑌗𑍍𑌰𑌾𑌹 𑌗𑌿𑌰𑌿𑌶𑍃𑌙𑍍𑌗𑌾𑌭𑌂 𑌪𑌰𑌿𑌘𑌂 𑌰𑍋𑌮𑌹𑌰𑍍𑌷𑌣𑌮𑍍 ।
𑌵𑍇𑌷𑍍𑌟𑌿𑌤𑌂 𑌕𑌾𑌞𑍍𑌚𑌨𑍈𑌃 𑌪𑌟𑍍𑌟𑍈𑌰𑍍𑌦𑍇𑌵𑌸𑍈𑌨𑍍𑌯𑌪𑍍𑌰𑌮𑌰𑍍𑌦𑌨𑌮𑍍 ॥ 10 ॥
𑌆𑌯𑌸𑍈𑌶𑍍𑌶𑌙𑍍𑌕𑍁𑌭𑌿𑌸𑍍𑌤𑍀𑌕𑍍𑌷𑍍𑌣𑍈𑌃 𑌕𑍀𑌰𑍍𑌣𑌂 𑌪𑌰𑌵𑌸𑍋𑌕𑍍𑌷𑌿𑌤𑌮𑍍 ।
𑌵𑌜𑍍𑌰𑌾𑌶𑌨𑌿𑌸𑌮𑌸𑍍𑌪𑌰𑍍𑌶𑌂 𑌪𑌰𑌗𑍋𑌪𑍁𑌰𑌦𑌾𑌰𑌣𑌮𑍍 ॥ 11 ॥
𑌤𑌂 𑌮𑌹𑍋𑌰𑌗𑌸𑌙𑍍𑌕𑌾𑌶𑌂 𑌪𑍍𑌰𑌗𑍃𑌹𑍍𑌯 𑌪𑌰𑌿𑌘𑌂 𑌰𑌣𑍇 ।
𑌦𑍂𑌷𑌣𑍋𑌽𑌭𑍍𑌯𑌦𑍍𑌰𑌵𑌦𑍍𑌰𑌾𑌮𑌂 𑌕𑍍𑌰𑍂𑌰𑌕𑌰𑍍𑌮𑌾 𑌨𑌿𑌶𑌾𑌚𑌰𑌃 ॥ 12 ॥
𑌤𑌸𑍍𑌯𑌾𑌭𑌿𑌪𑌤𑌮𑌾𑌨𑌸𑍍𑌯 𑌦𑍂𑌷𑌣𑌸𑍍𑌯 𑌸 𑌰𑌾𑌘𑌵𑌃 ।
𑌦𑍍𑌵𑌾𑌭𑍍𑌯𑌾𑌂 𑌶𑌰𑌾𑌭𑍍𑌯𑌾𑌂 𑌚𑌿𑌚𑍍𑌛𑍇𑌦 𑌸𑌹𑌸𑍍𑌤𑌾𑌭𑌰𑌣𑍗 𑌭𑍁𑌜𑍗 ॥ 13 ॥
𑌭𑍍𑌰𑌷𑍍𑌟𑌸𑍍𑌤𑌸𑍍𑌯 𑌮𑌹𑌾𑌕𑌾𑌯𑌃 𑌪𑌪𑌾𑌤 𑌰𑌣𑌮𑍂𑌰𑍍𑌧𑌨𑌿 ।
𑌪𑌰𑌿𑌘𑌶𑍍𑌛𑌿𑌨𑍍𑌨𑌹𑌸𑍍𑌤𑌸𑍍𑌯 𑌶𑌕𑍍𑌰𑌧𑍍𑌵𑌜 𑌇𑌵𑌾𑌗𑍍𑌰𑌤𑌃 ॥ 14 ॥
𑌸 𑌕𑌰𑌾𑌭𑍍𑌯𑌾𑌂 𑌵𑌿𑌕𑍀𑌰𑍍𑌣𑌾𑌭𑍍𑌯𑌾𑌂 𑌪𑌪𑌾𑌤 𑌭𑍁𑌵𑌿 𑌦𑍂𑌷𑌣𑌃 ।
𑌵𑌿𑌷𑌾𑌣𑌾𑌭𑍍𑌯𑌾𑌂 𑌵𑌿𑌶𑍀𑌰𑍍𑌣𑌾𑌭𑍍𑌯𑌾𑌂 𑌮𑌨𑌸𑍍𑌵𑍀𑌵 𑌮𑌹𑌾𑌗𑌜𑌃 ॥ 15 ॥
𑌤𑌂 𑌦𑍃𑌷𑍍𑌟𑍍𑌵𑌾 𑌪𑌤𑌿𑌤𑌂 𑌭𑍂𑌮𑍗 𑌦𑍂𑌷𑌣𑌂 𑌨𑌿𑌹𑌤𑌂 𑌰𑌣𑍇 ।
𑌸𑌾𑌧𑍁𑌸𑌾𑌧𑍍𑌵𑌿𑌤𑌿 𑌕𑌾𑌕𑍁𑌤𑍍𑌸𑍍𑌥𑌂 𑌸𑌰𑍍𑌵𑌭𑍂𑌤𑌾𑌨𑍍𑌯𑌪𑍂𑌜𑌯𑌨𑍍 ॥ 16 ॥
𑌏𑌤𑌸𑍍𑌮𑌿𑌨𑍍𑌨𑌨𑍍𑌤𑌰𑍇 𑌕𑍍𑌰𑍁𑌦𑍍𑌧𑌾𑌸𑍍𑌤𑍍𑌰𑌯𑌃 𑌸𑍇𑌨𑌾𑌗𑍍𑌰𑌯𑌾𑌯𑌿𑌨𑌃 ।
𑌸𑌂𑌹𑍃𑌤𑍍𑌯𑌾𑌭𑍍𑌯𑌦𑍍𑌰𑌵𑌨𑍍 𑌰𑌾𑌮𑌂 𑌮𑍃𑌤𑍍𑌯𑍁𑌪𑌾𑌶𑌾𑌵𑌪𑌾𑌶𑌿𑌤𑌾𑌃 ॥ 17 ॥
𑌮𑌹𑌾𑌕𑌪𑌾𑌲𑌃 𑌸𑍍𑌥𑍂𑌲𑌾𑌕𑍍𑌷𑌃 𑌪𑍍𑌰𑌮𑌾𑌥𑍀 𑌚 𑌮𑌹𑌾𑌬𑌲𑌃 ।
𑌮𑌹𑌾𑌕𑌪𑌾𑌲𑍋 𑌵𑌿𑌪𑍁𑌲𑌂 𑌶𑍂𑌲𑌮𑍁𑌦𑍍𑌯𑌮𑍍𑌯 𑌰𑌾𑌕𑍍𑌷𑌸𑌃 ॥ 18 ॥
𑌸𑍍𑌥𑍂𑌲𑌾𑌕𑍍𑌷𑌃 𑌪𑌟𑍍𑌟𑌿𑌸𑌂 𑌗𑍃𑌹𑍍𑌯 𑌪𑍍𑌰𑌮𑌾𑌥𑍀 𑌚 𑌪𑌰𑌶𑍍𑌵𑌧𑌮𑍍 ।
𑌦𑍃𑌷𑍍𑌟𑍍𑌵𑍈𑌵𑌾𑌪𑌤𑌤𑌸𑍍𑌤𑍂𑌰𑍍𑌣𑌂 𑌰𑌾𑌘𑌵𑌸𑍍𑌸𑌾𑌯𑌕𑍈𑌶𑍍𑌶𑌿𑌤𑍈𑌃 ॥ 19 ॥
𑌤𑍀𑌕𑍍𑌷𑍍𑌣𑌾𑌗𑍍𑌰𑍈𑌃 𑌪𑍍𑌰𑌤𑌿𑌜𑌗𑍍𑌰𑌾𑌹 𑌸𑌮𑍍𑌪𑍍𑌰𑌾𑌪𑍍𑌤𑌾𑌨𑌤𑌿𑌥𑍀𑌨𑌿𑌵 ।
𑌮𑌹𑌾𑌕𑌪𑌾𑌲𑌸𑍍𑌯 𑌶𑌿𑌰𑌶𑍍𑌚𑌿𑌚𑍍𑌛𑍇𑌦 𑌪𑌰𑌮𑍇𑌷𑍁𑌭𑌿𑌃 ॥ 20 ॥
𑌅𑌸𑌙𑍍𑌖𑍍𑌯𑍇𑌯𑍈𑌸𑍍𑌤𑍁 𑌬𑌾𑌣𑍗𑌘𑍈𑌃 𑌪𑍍𑌰𑌮𑌮𑌾𑌥 𑌪𑍍𑌰𑌮𑌾𑌥𑌿𑌨𑌮𑍍 ।
𑌸 𑌪𑌪𑌾𑌤 𑌹𑌤𑍋 𑌭𑍂𑌮𑍗 𑌵𑌿𑌟𑌪𑍀𑌵 𑌮𑌹𑌾𑌦𑍍𑌰𑍁𑌮𑌃 ॥ 21 ॥
𑌸𑍍𑌥𑍂𑌲𑌾𑌕𑍍𑌷𑌸𑍍𑌯𑌾𑌕𑍍𑌷𑌿𑌣𑍀 𑌤𑍀𑌕𑍍𑌷𑍍𑌣𑍈𑌃 𑌪𑍂𑌰𑌯𑌾𑌮𑌾𑌸 𑌸𑌾𑌯𑌕𑍈𑌃 ।
𑌦𑍂𑌷𑌣𑌸𑍍𑌯𑌾𑌨𑍁𑌗𑌾𑌨𑍍𑌪𑌞𑍍𑌚𑌸𑌹𑌸𑍍𑌰𑌾𑌨𑍍𑌕𑍁𑌪𑌿𑌤𑌃 𑌕𑍍𑌷𑌣𑌾𑌤𑍍 ॥ 22 ॥
𑌬𑌾𑌣𑍗𑌘𑍈𑌃 𑌪𑌞𑍍𑌚𑌸𑌾𑌹𑌸𑍍𑌰𑍈𑌰𑌨𑌯𑌦𑍍𑌯𑌮𑌸𑌾𑌦𑌨𑌮𑍍 ।
𑌦𑍂𑌷𑌣𑌂 𑌨𑌿𑌹𑌤𑌂 𑌦𑍃𑌷𑍍𑌟𑍍𑌵𑌾 𑌤𑌸𑍍𑌯 𑌚𑍈𑌵 𑌪𑌦𑌾𑌨𑍁𑌗𑌾𑌨𑍍 ॥ 23 ॥
𑌵𑍍𑌯𑌾𑌦𑌿𑌦𑍇𑌶 𑌖𑌰𑌃 𑌕𑍍𑌰𑍁𑌦𑍍𑌧𑌃 𑌸𑍇𑌨𑌾𑌧𑍍𑌯𑌕𑍍𑌷𑌾𑌨𑍍𑌮𑌹𑌾𑌬𑌲𑌾𑌨𑍍 ।
𑌅𑌯𑌂 𑌵𑌿𑌨𑌿𑌹𑌤𑌸𑍍𑌸𑌙𑍍𑌖𑍍𑌯𑍇 𑌦𑍂𑌷𑌣𑌸𑍍𑌸𑌪𑌦𑌾𑌨𑍁𑌗𑌃 ॥ 24 ॥
𑌮𑌹𑌤𑍍𑌯𑌾 𑌸𑍇𑌨𑌯𑌾 𑌸𑌾𑌰𑍍𑌧𑌂 𑌯𑍁𑌦𑍍𑌧𑍍𑌵𑌾 𑌰𑌾𑌮𑌂 𑌕𑍁𑌮𑌾𑌨𑍁𑌷𑌮𑍍 ।
𑌶𑌸𑍍𑌤𑍍𑌰𑍈𑌰𑍍𑌨𑌾𑌨𑌾𑌵𑌿𑌧𑌾𑌕𑌾𑌰𑍈𑌰𑍍𑌹𑌨𑌧𑍍𑌵𑌂 𑌸𑌰𑍍𑌵𑌰𑌾𑌕𑍍𑌷𑌸𑌾𑌃 ॥ 25 ॥
𑌏𑌵𑌮𑍁𑌕𑍍𑌤𑍍𑌵𑌾 𑌖𑌰𑌃 𑌕𑍍𑌰𑍁𑌦𑍍𑌧𑍋 𑌰𑌾𑌮𑌮𑍇𑌵𑌾𑌭𑌿𑌦𑍁𑌦𑍍𑌰𑍁𑌵𑍇 ।
𑌶𑍍𑌯𑍇𑌨𑌗𑌾𑌮𑍀 𑌪𑍃𑌥𑍁𑌗𑍍𑌰𑍀𑌵𑍋 𑌯𑌜𑍍𑌞𑌶𑌤𑍍𑌰𑍁𑌰𑍍𑌵𑌿𑌹𑌙𑍍𑌗𑌮𑌃 ॥ 26 ॥
𑌦𑍁𑌰𑍍𑌜𑌯𑌃 𑌕𑌰𑌵𑍀𑌰𑌾𑌕𑍍𑌷𑌃 𑌪𑌰𑍁𑌷𑌃 𑌕𑌾𑌲𑌕𑌾𑌰𑍍𑌮𑍁𑌕𑌃 ।
𑌮𑍇𑌘𑌮𑌾𑌲𑍀 𑌮𑌹𑌾𑌮𑌾𑌲𑍀 𑌸𑌰𑍍𑌪𑌾𑌸𑍍𑌯𑍋 𑌰𑍁𑌧𑌿𑌰𑌾𑌶𑌨𑌃 ॥ 27 ॥
𑌦𑍍𑌵𑌾𑌦𑌶𑍈𑌤𑍇 𑌮𑌹𑌾𑌵𑍀𑌰𑍍𑌯𑌾 𑌬𑌲𑌾𑌧𑍍𑌯𑌕𑍍𑌷𑌾𑌸𑍍𑌸𑌸𑍈𑌨𑌿𑌕𑌾𑌃 ।
𑌰𑌾𑌮𑌮𑍇𑌵𑌾𑌭𑍍𑌯𑌧𑌾𑌵𑌨𑍍𑌤 𑌵𑌿𑌸𑍃𑌜𑌨𑍍𑌤𑌶𑍍𑌶𑌰𑍋𑌤𑍍𑌤𑌮𑌾𑌨𑍍 ॥ 28 ॥
𑌤𑌤𑌃 𑌪𑌾𑌵𑌕𑌸𑌙𑍍𑌕𑌾𑌶𑍈𑌰𑍍𑌹𑍇𑌮𑌵𑌜𑍍𑌰𑌵𑌿𑌭𑍂𑌷𑌿𑌤𑍈𑌃 ।
𑌜𑌘𑌾𑌨 𑌶𑍇𑌷𑌂 𑌤𑍇𑌜𑌸𑍍𑌵𑍀 𑌤𑌸𑍍𑌯 𑌸𑍈𑌨𑍍𑌯𑌸𑍍𑌯 𑌸𑌾𑌯𑌕𑍈𑌃 ॥ 29 ॥
𑌤𑍇 𑌰𑍁𑌕𑍍𑌮𑌪𑍁𑌙𑍍𑌖𑌾 𑌵𑌿𑌶𑌿𑌖𑌾𑌸𑍍𑌸𑌧𑍂𑌮𑌾 𑌇𑌵 𑌪𑌾𑌵𑌕𑌾𑌃 ।
𑌨𑌿𑌜𑌘𑍍𑌨𑍁𑌸𑍍𑌤𑌾𑌨𑌿 𑌰𑌕𑍍𑌷𑌾𑌂𑌸𑌿 𑌵𑌜𑍍𑌰𑌾 𑌇𑌵 𑌮𑌹𑌾𑌦𑍍𑌰𑍁𑌮𑌾𑌨𑍍 ॥ 30 ॥
𑌰𑌕𑍍𑌷𑌸𑌾𑌂 𑌤𑍁 𑌶𑌤𑌂 𑌰𑌾𑌮𑌶𑍍𑌶𑌤𑍇𑌨𑍈𑌕𑍇𑌨 𑌕𑌰𑍍𑌣𑌿𑌨𑌾 ।
𑌸𑌹𑌸𑍍𑌰𑌂 𑌚 𑌸𑌹𑌸𑍍𑌰𑍇𑌣 𑌜𑌘𑌾𑌨 𑌰𑌣𑌮𑍂𑌰𑍍𑌧𑌨𑌿 ॥ 31 ॥
𑌤𑍈𑌰𑍍𑌭𑌿𑌨𑍍𑌨𑌵𑌰𑍍𑌮𑌾𑌭𑌰𑌣𑌾𑌶𑍍𑌛𑌿𑌨𑍍𑌨𑌭𑌿𑌨𑍍𑌨𑌶𑌰𑌾𑌸𑌨𑌾𑌃 ।
𑌨𑌿𑌪𑍇𑌤𑍁𑌶𑍍𑌶𑍋𑌣𑌿𑌤𑌾𑌦𑌿𑌗𑍍𑌧𑌾 𑌧𑌰𑌣𑍍𑌯𑌾𑌂 𑌰𑌜𑌨𑍀𑌚𑌰𑌾𑌃 ॥ 32 ॥
𑌤𑍈𑌰𑍍𑌮𑍁𑌕𑍍𑌤𑌕𑍇𑌶𑍈𑌸𑍍𑌸𑌮𑌰𑍇 𑌪𑌤𑌿𑌤𑍈𑌶𑍍𑌶𑍋𑌣𑌿𑌤𑍋𑌕𑍍𑌷𑌿𑌤𑍈𑌃 ।
𑌆𑌸𑍍𑌤𑍀𑌰𑍍𑌣𑌾 𑌵𑌸𑍁𑌧𑌾 𑌕𑍃𑌤𑍍𑌸𑍍𑌨𑌾 𑌮𑌹𑌾𑌵𑍇𑌦𑌿𑌃 𑌕𑍁𑌶𑍈𑌰𑌿𑌵 ॥ 33 ॥
𑌕𑍍𑌷𑌣𑍇𑌨 𑌤𑍁 𑌮𑌹𑌾𑌘𑍋𑌰𑌂 𑌵𑌨𑌂 𑌨𑌿𑌹𑌤𑌰𑌾𑌕𑍍𑌷𑌸𑌮𑍍 ।
𑌬𑌭𑍂𑌵 𑌨𑌿𑌰𑌯𑌪𑍍𑌰𑌖𑍍𑌯𑌂 𑌮𑌾𑌂𑌸𑌶𑍋𑌣𑌿𑌤𑌕𑌰𑍍𑌦𑌮𑌮𑍍 ॥ 34 ॥
𑌚𑌤𑍁𑌰𑍍𑌦𑌶 𑌸𑌹𑌸𑍍𑌰𑌾𑌣𑌿 𑌰𑌕𑍍𑌷𑌸𑌾𑌂 𑌭𑍀𑌮𑌕𑌰𑍍𑌮𑌣𑌾𑌮𑍍 ।
𑌹𑌤𑌾𑌨𑍍𑌯𑍇𑌕𑍇𑌨 𑌰𑌾𑌮𑍇𑌣 𑌮𑌾𑌨𑍁𑌷𑍇𑌣 𑌪𑌦𑌾𑌤𑌿𑌨𑌾 ॥ 35 ॥
𑌤𑌸𑍍𑌯 𑌸𑍈𑌨𑍍𑌯𑌸𑍍𑌯 𑌸𑌰𑍍𑌵𑌸𑍍𑌯 𑌖𑌰𑌶𑍍𑌶𑍇𑌷𑍋 𑌮𑌹𑌾𑌰𑌥𑌃 ।
𑌰𑌾𑌕𑍍𑌷𑌸𑌸𑍍𑌤𑍍𑌰𑌿𑌶𑌿𑌰𑌾𑌶𑍍𑌚𑍈𑌵 𑌰𑌾𑌮𑌶𑍍𑌚 𑌰𑌿𑌪𑍁𑌸𑍂𑌦𑌨𑌃 ॥ 36 ॥
𑌶𑍇𑌷𑌾 𑌹𑌤𑌾 𑌮𑌹𑌾𑌸𑌤𑍍𑌵𑌾 𑌰𑌾𑌕𑍍𑌷𑌸𑌾 𑌰𑌣𑌮𑍂𑌰𑍍𑌧𑌨𑌿 ।
𑌘𑍋𑌰𑌾 𑌦𑍁𑌰𑍍𑌵𑌿𑌷𑌹𑌾𑌃 𑌸𑌰𑍍𑌵𑍇 𑌲𑌕𑍍𑌷𑍍𑌮𑌣𑌸𑍍𑌯𑌾𑌗𑍍𑌰𑌜𑍇𑌨 𑌤𑍇 ॥ 37 ॥
𑌤𑌤𑌸𑍍𑌤𑍁 𑌤𑌦𑍍𑌭𑍀𑌮𑌬𑌲𑌂 𑌮𑌹𑌾𑌹𑌵𑍇 𑌸𑌮𑍀𑌕𑍍𑌷𑍍𑌯 𑌰𑌾𑌮𑍇𑌣 𑌹𑌤𑌂 𑌬𑌲𑍀𑌯𑌸𑌾 ।
𑌰𑌥𑍇𑌨 𑌰𑌾𑌮𑌂 𑌮𑌹𑌤𑌾 𑌖𑌰𑌸𑍍𑌤𑌦𑌾 𑌸𑌮𑌾𑌸𑌸𑌾𑌦𑍇𑌨𑍍𑌦𑍍𑌰 𑌇𑌵𑍋𑌦𑍍𑌯𑌤𑌾𑌶𑌨𑌿𑌃 ॥ 38 ॥
𑌇𑌤𑍍𑌯𑌾𑌰𑍍𑌷𑍇 𑌶𑍍𑌰𑍀𑌮𑌦𑍍𑌰𑌾𑌮𑌾𑌯𑌣𑍇 𑌵𑌾𑌲𑍍𑌮𑍀𑌕𑍀𑌯 𑌆𑌦𑌿𑌕𑌾𑌵𑍍𑌯𑍇 𑌅𑌰𑌣𑍍𑌯𑌕𑌾𑌣𑍍𑌡𑍇 𑌷𑌡𑍍𑌵𑌿𑌂𑌶𑌸𑍍𑌸𑌰𑍍𑌗𑌃 ॥
Roman (IAST) Transliteration
śrīmadvālmīkīya rāmāyaṇe araṇyakāṇḍam |
atha ṣaḍviṃśassargaḥ |
dūṣaṇastu svakaṃ sainyaṃ hanyamānaṃ nirīkṣya saḥ |
sandideśa mahābāhurbhīmavegāndurāsadān || 1 ||
rākṣasānpañcasahasrānsamareṣvanivartinaḥ |
te śūlaiḥ paṭṭiśaiḥ khaṅgai śilāvarṣairdrumairapi || 2 ||
śaravarṣairavicchinnaṃ vavarṣustaṃ samantataḥ |
sa dṛmāṇāṃ śilānāṃ ca varṣaṃ prāṇaharaṃ mahat || 3 ||
pratijagrāha dharmātmā rāghavastīkṣṇasāyakaiḥ |
pratigṛhya ca tadvarṣaṃ nimīlita ivarṣabhaḥ || 4 ||
rāmaḥ krodhaṃ paraṃ bheje vadhārthaṃ sarvarakṣasām |
tataḥ krodhasamāviṣṭaḥ pradīpta iva tejasā || 5 ||
śarairavākiratsainyaṃ sarvatassahadūṣaṇam |
tatassenāpatiḥ kruddho dūṣaṇaśśatrudūṣaṇaḥ || 6 ||
śarairaśanikalpaistaṃ rāghavaṃ samavākirat |
tato rāmassusaṅkṛddhaḥ kṣureṇāsya mahaddhanuḥ || 7 ||
ciccheda samare vīraścaturbhiścaturo hayān |
hatvā cāśvānśaraistīkṣṇairardhacandreṇa sāratheḥ || 8 ||
śiro jahāra tadrakṣastribhirvivyādha vakṣasi |
sa cchinnadhanvā viratho hatāśvo hatasārathiḥ || 9 ||
jagrāha giriśṛṅgābhaṃ parighaṃ romaharṣaṇam |
veṣṭitaṃ kāñcanaiḥ paṭṭairdevasainyapramardanam || 10 ||
āyasaiśśaṅkubhistīkṣṇaiḥ kīrṇaṃ paravasokṣitam |
vajrāśanisamasparśaṃ paragopuradāraṇam || 11 ||
taṃ mahoragasaṅkāśaṃ pragṛhya parighaṃ raṇe |
dūṣaṇo'bhyadravadrāmaṃ krūrakarmā niśācaraḥ || 12 ||
tasyābhipatamānasya dūṣaṇasya sa rāghavaḥ |
dvābhyāṃ śarābhyāṃ ciccheda sahastābharaṇau bhujau || 13 ||
bhraṣṭastasya mahākāyaḥ papāta raṇamūrdhani |
parighaśchinnahastasya śakradhvaja ivāgrataḥ || 14 ||
sa karābhyāṃ vikīrṇābhyāṃ papāta bhuvi dūṣaṇaḥ |
viṣāṇābhyāṃ viśīrṇābhyāṃ manasvīva mahāgajaḥ || 15 ||
taṃ dṛṣṭvā patitaṃ bhūmau dūṣaṇaṃ nihataṃ raṇe |
sādhusādhviti kākutsthaṃ sarvabhūtānyapūjayan || 16 ||
etasminnantare kruddhāstrayaḥ senāgrayāyinaḥ |
saṃhṛtyābhyadravan rāmaṃ mṛtyupāśāvapāśitāḥ || 17 ||
mahākapālaḥ sthūlākṣaḥ pramāthī ca mahābalaḥ |
mahākapālo vipulaṃ śūlamudyamya rākṣasaḥ || 18 ||
sthūlākṣaḥ paṭṭisaṃ gṛhya pramāthī ca paraśvadham |
dṛṣṭvaivāpatatastūrṇaṃ rāghavassāyakaiśśitaiḥ || 19 ||
tīkṣṇāgraiḥ pratijagrāha samprāptānatithīniva |
mahākapālasya śiraściccheda parameṣubhiḥ || 20 ||
asaṅkhyeyaistu bāṇaughaiḥ pramamātha pramāthinam |
sa papāta hato bhūmau viṭapīva mahādrumaḥ || 21 ||
sthūlākṣasyākṣiṇī tīkṣṇaiḥ pūrayāmāsa sāyakaiḥ |
dūṣaṇasyānugānpañcasahasrānkupitaḥ kṣaṇāt || 22 ||
bāṇaughaiḥ pañcasāhasrairanayadyamasādanam |
dūṣaṇaṃ nihataṃ dṛṣṭvā tasya caiva padānugān || 23 ||
vyādideśa kharaḥ kruddhaḥ senādhyakṣānmahābalān |
ayaṃ vinihatassaṅkhye dūṣaṇassapadānugaḥ || 24 ||
mahatyā senayā sārdhaṃ yuddhvā rāmaṃ kumānuṣam |
śastrairnānāvidhākārairhanadhvaṃ sarvarākṣasāḥ || 25 ||
evamuktvā kharaḥ kruddho rāmamevābhidudruve |
śyenagāmī pṛthugrīvo yajñaśatrurvihaṅgamaḥ || 26 ||
durjayaḥ karavīrākṣaḥ paruṣaḥ kālakārmukaḥ |
meghamālī mahāmālī sarpāsyo rudhirāśanaḥ || 27 ||
dvādaśaite mahāvīryā balādhyakṣāssasainikāḥ |
rāmamevābhyadhāvanta visṛjantaśśarottamān || 28 ||
tataḥ pāvakasaṅkāśairhemavajravibhūṣitaiḥ |
jaghāna śeṣaṃ tejasvī tasya sainyasya sāyakaiḥ || 29 ||
te rukmapuṅkhā viśikhāssadhūmā iva pāvakāḥ |
nijaghnustāni rakṣāṃsi vajrā iva mahādrumān || 30 ||
rakṣasāṃ tu śataṃ rāmaśśatenaikena karṇinā |
sahasraṃ ca sahasreṇa jaghāna raṇamūrdhani || 31 ||
tairbhinnavarmābharaṇāśchinnabhinnaśarāsanāḥ |
nipetuśśoṇitādigdhā dharaṇyāṃ rajanīcarāḥ || 32 ||
tairmuktakeśaissamare patitaiśśoṇitokṣitaiḥ |
āstīrṇā vasudhā kṛtsnā mahāvediḥ kuśairiva || 33 ||
kṣaṇena tu mahāghoraṃ vanaṃ nihatarākṣasam |
babhūva nirayaprakhyaṃ māṃsaśoṇitakardamam || 34 ||
caturdaśa sahasrāṇi rakṣasāṃ bhīmakarmaṇām |
hatānyekena rāmeṇa mānuṣeṇa padātinā || 35 ||
tasya sainyasya sarvasya kharaśśeṣo mahārathaḥ |
rākṣasastriśirāścaiva rāmaśca ripusūdanaḥ || 36 ||
śeṣā hatā mahāsatvā rākṣasā raṇamūrdhani |
ghorā durviṣahāḥ sarve lakṣmaṇasyāgrajena te || 37 ||
tatastu tadbhīmabalaṃ mahāhave samīkṣya rāmeṇa hataṃ balīyasā |
rathena rāmaṃ mahatā kharastadā samāsasādendra ivodyatāśaniḥ || 38 ||
ityārṣe śrīmadrāmāyaṇe vālmīkīya ādikāvye araṇyakāṇḍe ṣaḍviṃśassargaḥ ||
Sanskrit — Devanagari (original)
श्रीमद्वाल्मीकीय रामायणे अरण्यकाण्डम् ।
अथ षड्विंशस्सर्गः ।
दूषणस्तु स्वकं सैन्यं हन्यमानं निरीक्ष्य सः ।
सन्दिदेश महाबाहुर्भीमवेगान्दुरासदान् ॥ 1 ॥
राक्षसान्पञ्चसहस्रान्समरेष्वनिवर्तिनः ।
ते शूलैः पट्टिशैः खङ्गै शिलावर्षैर्द्रुमैरपि ॥ 2 ॥
शरवर्षैरविच्छिन्नं ववर्षुस्तं समन्ततः ।
स दृमाणां शिलानां च वर्षं प्राणहरं महत् ॥ 3 ॥
प्रतिजग्राह धर्मात्मा राघवस्तीक्ष्णसायकैः ।
प्रतिगृह्य च तद्वर्षं निमीलित इवर्षभः ॥ 4 ॥
रामः क्रोधं परं भेजे वधार्थं सर्वरक्षसाम् ।
ततः क्रोधसमाविष्टः प्रदीप्त इव तेजसा ॥ 5 ॥
शरैरवाकिरत्सैन्यं सर्वतस्सहदूषणम् ।
ततस्सेनापतिः क्रुद्धो दूषणश्शत्रुदूषणः ॥ 6 ॥
शरैरशनिकल्पैस्तं राघवं समवाकिरत् ।
ततो रामस्सुसङ्कृद्धः क्षुरेणास्य महद्धनुः ॥ 7 ॥
चिच्छेद समरे वीरश्चतुर्भिश्चतुरो हयान् ।
हत्वा चाश्वान्शरैस्तीक्ष्णैरर्धचन्द्रेण सारथेः ॥ 8 ॥
शिरो जहार तद्रक्षस्त्रिभिर्विव्याध वक्षसि ।
स च्छिन्नधन्वा विरथो हताश्वो हतसारथिः ॥ 9 ॥
जग्राह गिरिशृङ्गाभं परिघं रोमहर्षणम् ।
वेष्टितं काञ्चनैः पट्टैर्देवसैन्यप्रमर्दनम् ॥ 10 ॥
आयसैश्शङ्कुभिस्तीक्ष्णैः कीर्णं परवसोक्षितम् ।
वज्राशनिसमस्पर्शं परगोपुरदारणम् ॥ 11 ॥
तं महोरगसङ्काशं प्रगृह्य परिघं रणे ।
दूषणोऽभ्यद्रवद्रामं क्रूरकर्मा निशाचरः ॥ 12 ॥
तस्याभिपतमानस्य दूषणस्य स राघवः ।
द्वाभ्यां शराभ्यां चिच्छेद सहस्ताभरणौ भुजौ ॥ 13 ॥
भ्रष्टस्तस्य महाकायः पपात रणमूर्धनि ।
परिघश्छिन्नहस्तस्य शक्रध्वज इवाग्रतः ॥ 14 ॥
स कराभ्यां विकीर्णाभ्यां पपात भुवि दूषणः ।
विषाणाभ्यां विशीर्णाभ्यां मनस्वीव महागजः ॥ 15 ॥
तं दृष्ट्वा पतितं भूमौ दूषणं निहतं रणे ।
साधुसाध्विति काकुत्स्थं सर्वभूतान्यपूजयन् ॥ 16 ॥
एतस्मिन्नन्तरे क्रुद्धास्त्रयः सेनाग्रयायिनः ।
संहृत्याभ्यद्रवन् रामं मृत्युपाशावपाशिताः ॥ 17 ॥
महाकपालः स्थूलाक्षः प्रमाथी च महाबलः ।
महाकपालो विपुलं शूलमुद्यम्य राक्षसः ॥ 18 ॥
स्थूलाक्षः पट्टिसं गृह्य प्रमाथी च परश्वधम् ।
दृष्ट्वैवापततस्तूर्णं राघवस्सायकैश्शितैः ॥ 19 ॥
तीक्ष्णाग्रैः प्रतिजग्राह सम्प्राप्तानतिथीनिव ।
महाकपालस्य शिरश्चिच्छेद परमेषुभिः ॥ 20 ॥
असङ्ख्येयैस्तु बाणौघैः प्रममाथ प्रमाथिनम् ।
स पपात हतो भूमौ विटपीव महाद्रुमः ॥ 21 ॥
स्थूलाक्षस्याक्षिणी तीक्ष्णैः पूरयामास सायकैः ।
दूषणस्यानुगान्पञ्चसहस्रान्कुपितः क्षणात् ॥ 22 ॥
बाणौघैः पञ्चसाहस्रैरनयद्यमसादनम् ।
दूषणं निहतं दृष्ट्वा तस्य चैव पदानुगान् ॥ 23 ॥
व्यादिदेश खरः क्रुद्धः सेनाध्यक्षान्महाबलान् ।
अयं विनिहतस्सङ्ख्ये दूषणस्सपदानुगः ॥ 24 ॥
महत्या सेनया सार्धं युद्ध्वा रामं कुमानुषम् ।
शस्त्रैर्नानाविधाकारैर्हनध्वं सर्वराक्षसाः ॥ 25 ॥
एवमुक्त्वा खरः क्रुद्धो राममेवाभिदुद्रुवे ।
श्येनगामी पृथुग्रीवो यज्ञशत्रुर्विहङ्गमः ॥ 26 ॥
दुर्जयः करवीराक्षः परुषः कालकार्मुकः ।
मेघमाली महामाली सर्पास्यो रुधिराशनः ॥ 27 ॥
द्वादशैते महावीर्या बलाध्यक्षास्ससैनिकाः ।
राममेवाभ्यधावन्त विसृजन्तश्शरोत्तमान् ॥ 28 ॥
ततः पावकसङ्काशैर्हेमवज्रविभूषितैः ।
जघान शेषं तेजस्वी तस्य सैन्यस्य सायकैः ॥ 29 ॥
ते रुक्मपुङ्खा विशिखास्सधूमा इव पावकाः ।
निजघ्नुस्तानि रक्षांसि वज्रा इव महाद्रुमान् ॥ 30 ॥
रक्षसां तु शतं रामश्शतेनैकेन कर्णिना ।
सहस्रं च सहस्रेण जघान रणमूर्धनि ॥ 31 ॥
तैर्भिन्नवर्माभरणाश्छिन्नभिन्नशरासनाः ।
निपेतुश्शोणितादिग्धा धरण्यां रजनीचराः ॥ 32 ॥
तैर्मुक्तकेशैस्समरे पतितैश्शोणितोक्षितैः ।
आस्तीर्णा वसुधा कृत्स्ना महावेदिः कुशैरिव ॥ 33 ॥
क्षणेन तु महाघोरं वनं निहतराक्षसम् ।
बभूव निरयप्रख्यं मांसशोणितकर्दमम् ॥ 34 ॥
चतुर्दश सहस्राणि रक्षसां भीमकर्मणाम् ।
हतान्येकेन रामेण मानुषेण पदातिना ॥ 35 ॥
तस्य सैन्यस्य सर्वस्य खरश्शेषो महारथः ।
राक्षसस्त्रिशिराश्चैव रामश्च रिपुसूदनः ॥ 36 ॥
शेषा हता महासत्वा राक्षसा रणमूर्धनि ।
घोरा दुर्विषहाः सर्वे लक्ष्मणस्याग्रजेन ते ॥ 37 ॥
ततस्तु तद्भीमबलं महाहवे समीक्ष्य रामेण हतं बलीयसा ।
रथेन रामं महता खरस्तदा समाससादेन्द्र इवोद्यताशनिः ॥ 38 ॥
इत्यार्षे श्रीमद्रामायणे वाल्मीकीय आदिकाव्ये अरण्यकाण्डे षड्विंशस्सर्गः ॥
śrīmadvālmīkīya rāmāyaṇe araṇyakāṇḍam |
atha ṣaḍviṃśassargaḥ |
dūṣaṇastu svakaṃ sainyaṃ hanyamānaṃ nirīkṣya saḥ |
sandideśa mahābāhurbhīmavegāndurāsadān || 1 ||
rākṣasānpañcasahasrānsamareṣvanivartinaḥ |
te śūlaiḥ paṭṭiśaiḥ khaṅgai śilāvarṣairdrumairapi || 2 ||
śaravarṣairavicchinnaṃ vavarṣustaṃ samantataḥ |
sa dṛmāṇāṃ śilānāṃ ca varṣaṃ prāṇaharaṃ mahat || 3 ||
pratijagrāha dharmātmā rāghavastīkṣṇasāyakaiḥ |
pratigṛhya ca tadvarṣaṃ nimīlita ivarṣabhaḥ || 4 ||
rāmaḥ krodhaṃ paraṃ bheje vadhārthaṃ sarvarakṣasām |
tataḥ krodhasamāviṣṭaḥ pradīpta iva tejasā || 5 ||
śarairavākiratsainyaṃ sarvatassahadūṣaṇam |
tatassenāpatiḥ kruddho dūṣaṇaśśatrudūṣaṇaḥ || 6 ||
śarairaśanikalpaistaṃ rāghavaṃ samavākirat |
tato rāmassusaṅkṛddhaḥ kṣureṇāsya mahaddhanuḥ || 7 ||
ciccheda samare vīraścaturbhiścaturo hayān |
hatvā cāśvānśaraistīkṣṇairardhacandreṇa sāratheḥ || 8 ||
śiro jahāra tadrakṣastribhirvivyādha vakṣasi |
sa cchinnadhanvā viratho hatāśvo hatasārathiḥ || 9 ||
jagrāha giriśṛṅgābhaṃ parighaṃ romaharṣaṇam |
veṣṭitaṃ kāñcanaiḥ paṭṭairdevasainyapramardanam || 10 ||
āyasaiśśaṅkubhistīkṣṇaiḥ kīrṇaṃ paravasokṣitam |
vajrāśanisamasparśaṃ paragopuradāraṇam || 11 ||
taṃ mahoragasaṅkāśaṃ pragṛhya parighaṃ raṇe |
dūṣaṇo'bhyadravadrāmaṃ krūrakarmā niśācaraḥ || 12 ||
tasyābhipatamānasya dūṣaṇasya sa rāghavaḥ |
dvābhyāṃ śarābhyāṃ ciccheda sahastābharaṇau bhujau || 13 ||
bhraṣṭastasya mahākāyaḥ papāta raṇamūrdhani |
parighaśchinnahastasya śakradhvaja ivāgrataḥ || 14 ||
sa karābhyāṃ vikīrṇābhyāṃ papāta bhuvi dūṣaṇaḥ |
viṣāṇābhyāṃ viśīrṇābhyāṃ manasvīva mahāgajaḥ || 15 ||
taṃ dṛṣṭvā patitaṃ bhūmau dūṣaṇaṃ nihataṃ raṇe |
sādhusādhviti kākutsthaṃ sarvabhūtānyapūjayan || 16 ||
etasminnantare kruddhāstrayaḥ senāgrayāyinaḥ |
saṃhṛtyābhyadravan rāmaṃ mṛtyupāśāvapāśitāḥ || 17 ||
mahākapālaḥ sthūlākṣaḥ pramāthī ca mahābalaḥ |
mahākapālo vipulaṃ śūlamudyamya rākṣasaḥ || 18 ||
sthūlākṣaḥ paṭṭisaṃ gṛhya pramāthī ca paraśvadham |
dṛṣṭvaivāpatatastūrṇaṃ rāghavassāyakaiśśitaiḥ || 19 ||
tīkṣṇāgraiḥ pratijagrāha samprāptānatithīniva |
mahākapālasya śiraściccheda parameṣubhiḥ || 20 ||
asaṅkhyeyaistu bāṇaughaiḥ pramamātha pramāthinam |
sa papāta hato bhūmau viṭapīva mahādrumaḥ || 21 ||
sthūlākṣasyākṣiṇī tīkṣṇaiḥ pūrayāmāsa sāyakaiḥ |
dūṣaṇasyānugānpañcasahasrānkupitaḥ kṣaṇāt || 22 ||
bāṇaughaiḥ pañcasāhasrairanayadyamasādanam |
dūṣaṇaṃ nihataṃ dṛṣṭvā tasya caiva padānugān || 23 ||
vyādideśa kharaḥ kruddhaḥ senādhyakṣānmahābalān |
ayaṃ vinihatassaṅkhye dūṣaṇassapadānugaḥ || 24 ||
mahatyā senayā sārdhaṃ yuddhvā rāmaṃ kumānuṣam |
śastrairnānāvidhākārairhanadhvaṃ sarvarākṣasāḥ || 25 ||
evamuktvā kharaḥ kruddho rāmamevābhidudruve |
śyenagāmī pṛthugrīvo yajñaśatrurvihaṅgamaḥ || 26 ||
durjayaḥ karavīrākṣaḥ paruṣaḥ kālakārmukaḥ |
meghamālī mahāmālī sarpāsyo rudhirāśanaḥ || 27 ||
dvādaśaite mahāvīryā balādhyakṣāssasainikāḥ |
rāmamevābhyadhāvanta visṛjantaśśarottamān || 28 ||
tataḥ pāvakasaṅkāśairhemavajravibhūṣitaiḥ |
jaghāna śeṣaṃ tejasvī tasya sainyasya sāyakaiḥ || 29 ||
te rukmapuṅkhā viśikhāssadhūmā iva pāvakāḥ |
nijaghnustāni rakṣāṃsi vajrā iva mahādrumān || 30 ||
rakṣasāṃ tu śataṃ rāmaśśatenaikena karṇinā |
sahasraṃ ca sahasreṇa jaghāna raṇamūrdhani || 31 ||
tairbhinnavarmābharaṇāśchinnabhinnaśarāsanāḥ |
nipetuśśoṇitādigdhā dharaṇyāṃ rajanīcarāḥ || 32 ||
tairmuktakeśaissamare patitaiśśoṇitokṣitaiḥ |
āstīrṇā vasudhā kṛtsnā mahāvediḥ kuśairiva || 33 ||
kṣaṇena tu mahāghoraṃ vanaṃ nihatarākṣasam |
babhūva nirayaprakhyaṃ māṃsaśoṇitakardamam || 34 ||
caturdaśa sahasrāṇi rakṣasāṃ bhīmakarmaṇām |
hatānyekena rāmeṇa mānuṣeṇa padātinā || 35 ||
tasya sainyasya sarvasya kharaśśeṣo mahārathaḥ |
rākṣasastriśirāścaiva rāmaśca ripusūdanaḥ || 36 ||
śeṣā hatā mahāsatvā rākṣasā raṇamūrdhani |
ghorā durviṣahāḥ sarve lakṣmaṇasyāgrajena te || 37 ||
tatastu tadbhīmabalaṃ mahāhave samīkṣya rāmeṇa hataṃ balīyasā |
rathena rāmaṃ mahatā kharastadā samāsasādendra ivodyatāśaniḥ || 38 ||
ityārṣe śrīmadrāmāyaṇe vālmīkīya ādikāvye araṇyakāṇḍe ṣaḍviṃśassargaḥ ||
🕉️ This is the original Sanskrit rendered in Grantha script.
Pronunciation is identical to the Sanskrit Devanagari version.