𑌶𑍍𑌰𑍀𑌮𑌦𑍍𑌵𑌾𑌲𑍍𑌮𑍀𑌕𑍀𑌯 𑌰𑌾𑌮𑌾𑌯𑌣𑍇 𑌅𑌰𑌣𑍍𑌯𑌕𑌾𑌣𑍍𑌡𑌮𑍍 ।
𑌅𑌥 𑌷𑌟𑍍𑌪𑌞𑍍𑌚𑌾𑌶𑌸𑍍𑌸𑌰𑍍𑌗𑌃 ।
𑌸𑌾 𑌤𑌥𑍋𑌕𑍍𑌤𑌾 𑌤𑍁 𑌵𑍈𑌦𑍇𑌹𑍀 𑌨𑌿𑌰𑍍𑌭𑌯𑌾 𑌶𑍋𑌕𑌕𑌰𑍍𑌶𑌿𑌤𑌾 ।
𑌤𑍃𑌣𑌮𑌨𑍍𑌤𑌰𑌤𑌃 𑌕𑍃𑌤𑍍𑌵𑌾 𑌰𑌾𑌵𑌣𑌂 𑌪𑍍𑌰𑌤𑍍𑌯𑌭𑌾𑌷𑌤 ॥ 1 ॥
𑌰𑌾𑌜𑌾 𑌦𑌶𑌰𑌥𑍋 𑌨𑌾𑌮 𑌧𑌰𑍍𑌮𑌸𑍇𑌤𑍁𑌰𑌿𑌵𑌾𑌚𑌲𑌃 ।
𑌸𑌤𑍍𑌯𑌸𑌨𑍍𑌧𑌃 𑌪𑌰𑌿𑌜𑍍𑌞𑌾𑌤𑍋 𑌯𑌸𑍍𑌯 𑌪𑍁𑌤𑍍𑌰𑌸𑍍𑌸𑌰𑌾𑌘𑌵𑌃 ॥ 2 ॥
𑌰𑌾𑌮𑍋 𑌨𑌾𑌮 𑌸 𑌧𑌰𑍍𑌮𑌾𑌤𑍍𑌮𑌾 𑌤𑍍𑌰𑌿𑌷𑍁 𑌲𑍋𑌕𑍇𑌷𑍁 𑌵𑌿𑌶𑍍𑌰𑍁𑌤𑌃 ।
𑌦𑍀𑌰𑍍𑌘𑌬𑌾𑌹𑍁𑌰𑍍𑌵𑌿𑌶𑌾𑌲𑌾𑌕𑍍𑌷𑍋 𑌦𑍈𑌵𑌤𑌂 𑌹𑌿 𑌪𑌤𑌿𑌰𑍍𑌮𑌮 ॥ 3 ॥
𑌇𑌕𑍍𑌷𑍍𑌵𑌾𑌕𑍂𑌣𑌾𑌂 𑌕𑍁𑌲𑍇 𑌜𑌾𑌤𑌸𑍍𑌸𑌿𑌂𑌹𑌸𑍍𑌕𑌨𑍍𑌧𑍋 𑌮𑌹𑌾𑌦𑍍𑌯𑍁𑌤𑌿𑌃 ।
𑌲𑌕𑍍𑌷𑍍𑌮𑌣𑍇𑌨 𑌸𑌹 𑌭𑍍𑌰𑌾𑌤𑍍𑌰𑌾 𑌯𑌸𑍍𑌤𑍇 𑌪𑍍𑌰𑌾𑌣𑌾𑌨𑍍𑌹𑌰𑌿𑌷𑍍𑌯𑌤𑌿 ॥ 4 ॥
𑌪𑍍𑌰𑌤𑍍𑌯𑌕𑍍𑌷𑌂 𑌯𑌦𑍍𑌯𑌹𑌂 𑌤𑌸𑍍𑌯 𑌤𑍍𑌵𑌯𑌾 𑌸𑍍𑌯𑌾𑌂 𑌧𑌰𑍍𑌷𑌿𑌤𑌾 𑌬𑌲𑌾𑌤𑍍 ।
𑌶𑌯𑌿𑌤𑌾 𑌤𑍍𑌵𑌂 𑌹𑌤𑌸𑍍𑌸𑌙𑍍𑌖𑍍𑌯𑍇 𑌜𑌨𑌸𑍍𑌥𑌾𑌨𑍇 𑌯𑌥𑌾 𑌖𑌰𑌃 ॥ 5 ॥
𑌯 𑌏𑌤𑍇 𑌰𑌾𑌕𑍍𑌷𑌸𑌾𑌃 𑌪𑍍𑌰𑍋𑌕𑍍𑌤𑌾 𑌘𑍋𑌰𑌰𑍂𑌪𑌾 𑌮𑌹𑌾𑌬𑌲𑌾𑌃 ।
𑌰𑌾𑌘𑌵𑍇 𑌨𑌿𑌰𑍍𑌵𑌿𑌷𑌾𑌸𑍍𑌸𑌰𑍍𑌵𑍇 𑌸𑍁𑌪𑌰𑍍𑌣𑍇 𑌪𑌨𑍍𑌨𑌗𑌾 𑌯𑌥𑌾 ॥ 6 ॥
𑌤𑌸𑍍𑌯 𑌜𑍍𑌯𑌾𑌵𑌿𑌪𑍍𑌰𑌮𑍁𑌕𑍍𑌤𑌾𑌸𑍍𑌤𑍇 𑌶𑌰𑌾𑌃 𑌕𑌾𑌞𑍍𑌚𑌨𑌭𑍂𑌷𑌣𑌾𑌃 ।
𑌶𑌰𑍀𑌰𑌂 𑌵𑌿𑌧𑌮𑌿𑌷𑍍𑌯𑌨𑍍𑌤𑌿 𑌗𑌙𑍍𑌗𑌾𑌕𑍂𑌲𑌮𑌿𑌵𑍋𑌰𑍍𑌮𑌯𑌃 ॥ 7 ॥
𑌅𑌸𑍁𑌰𑍈𑌰𑍍𑌵𑌾 𑌸𑍁𑌰𑍈𑌰𑍍𑌵𑌾 𑌤𑍍𑌵𑌂 𑌯𑌦𑍍𑌯𑌵𑌧𑍍𑌯𑍋𑌽𑌸𑌿 𑌰𑌾𑌵𑌣 ।
𑌉𑌤𑍍𑌪𑌾𑌦𑍍𑌯 𑌸𑍁𑌮𑌹𑌦𑍍𑌵𑍈𑌰𑌂 𑌜𑍀𑌵𑌂𑌸𑍍𑌤𑌸𑍍𑌯 𑌨 𑌮𑍋𑌕𑍍𑌷𑍍𑌯𑌸𑍇 ॥ 8 ॥
𑌸 𑌤𑍇 𑌜𑍀𑌵𑌿𑌤𑌶𑍇𑌷𑌸𑍍𑌯 𑌰𑌾𑌘𑌵𑍋𑌽𑌨𑍍𑌤𑌕𑌰𑍋 𑌬𑌲𑍀 ।
𑌪𑌶𑍋𑌰𑍍𑌯𑍂𑌪𑌗𑌤𑌸𑍍𑌯𑍇𑌵 𑌜𑍀𑌵𑌿𑌤𑌂 𑌤𑌵 𑌦𑍁𑌰𑍍𑌲𑌭𑌮𑍍 ॥ 9 ॥
𑌯𑌦𑌿 𑌪𑌶𑍍𑌯𑍇𑌤𑍍𑌸 𑌰𑌾𑌮𑌸𑍍𑌤𑍍𑌵𑌾𑌂 𑌰𑍋𑌷𑌦𑍀𑌪𑍍𑌤𑍇𑌨 𑌚𑌕𑍍𑌷𑍁𑌷𑌾 ।
𑌰𑌕𑍍𑌷𑌸𑍍𑌤𑍍𑌵𑌮𑌦𑍍𑌯 𑌨𑌿𑌰𑍍𑌧𑌗𑍍𑌧𑍋 𑌗𑌚𑍍𑌛𑍇𑌸𑍍𑌸𑌦𑍍𑌯𑌃 𑌪𑌰𑌾𑌭𑌵𑌮𑍍 ॥ 10 ॥
𑌯𑌶𑍍𑌚𑌨𑍍𑌦𑍍𑌰𑌂 𑌨𑌭𑌸𑍋 𑌭𑍂𑌮𑍗 𑌪𑌾𑌤𑌯𑍇𑌨𑍍𑌨𑌾𑌶𑌯𑍇𑌤 𑌵𑌾 ।
𑌸𑌾𑌗𑌰𑌂 𑌶𑍋𑌷𑌯𑍇𑌦𑍍𑌵𑌾𑌪𑌿 𑌸 𑌸𑍀𑌤𑌾𑌂 𑌮𑍋𑌚𑌯𑍇𑌦𑌿𑌹 ॥ 11 ॥
𑌗𑌤𑌾𑌯𑍁𑌸𑍍𑌤𑍍𑌵𑌂 𑌗𑌤𑌶𑍍𑌰𑍀𑌕𑍋 𑌗𑌤𑌸𑌤𑍍𑌤𑍍𑌵 𑌗𑌤𑍇𑌨𑍍𑌦𑍍𑌰𑌿𑌯𑌃 ।
𑌲𑌙𑍍𑌕𑌾 𑌵𑍈𑌧𑌵𑍍𑌯𑌸𑌂𑌯𑍁𑌕𑍍𑌤𑌾 𑌤𑍍𑌵𑌤𑍍𑌕𑍃𑌤𑍇𑌨 𑌭𑌵𑌿𑌷𑍍𑌯𑌤𑌿 ॥ 12 ॥
𑌨 𑌤𑍇 𑌪𑌾𑌪𑌮𑌿𑌦𑌂 𑌕𑌰𑍍𑌮 𑌶𑍁𑌖𑍋𑌦𑌰𑍍𑌕𑌂 𑌭𑌵𑌿𑌷𑍍𑌯𑌤𑌿 ।
𑌯𑌾𑌽𑌹𑌂 𑌨𑍀𑌤𑌾 𑌵𑌿𑌨𑌾𑌭𑌾𑌵𑌂 𑌪𑌤𑌿𑌪𑌾𑌰𑍍𑌶𑍍𑌵𑌾𑌤𑍍𑌤𑍍𑌵𑌯𑌾 𑌵𑌨𑍇 ॥ 13 ॥
𑌸 𑌹𑌿 𑌦𑍈𑌵𑌤𑌸𑌂𑌯𑍁𑌕𑍍𑌤𑍋 𑌮𑌮 𑌭𑌰𑍍𑌤𑌾 𑌮𑌹𑌾𑌦𑍍𑌯𑍁𑌤𑌿𑌃 ।
𑌨𑌿𑌰𑍍𑌭𑌯𑍋 𑌵𑍀𑌰𑍍𑌯𑌮𑌾𑌶𑍍𑌰𑌿𑌤𑍍𑌯 𑌶𑍂𑌨𑍍𑌯𑍇 𑌵𑌸𑌤𑌿 𑌦𑌣𑍍𑌡𑌕𑍇 ॥ 14 ॥
𑌸 𑌤𑍇 𑌦𑌰𑍍𑌪𑌂 𑌬𑌲𑌂 𑌵𑍀𑌰𑍍𑌯𑌮𑍁𑌤𑍍𑌸𑍇𑌕𑌂 𑌚 𑌤𑌥𑌾𑌵𑌿𑌧𑌮𑍍 ।
𑌅𑌪𑌨𑍇𑌷𑍍𑌯𑌤𑌿 𑌗𑌾𑌤𑍍𑌰𑍇𑌭𑍍𑌯𑌶𑍍𑌶𑌰𑌵𑌰𑍍𑌷𑍇𑌣 𑌸𑌂𑌯𑍁𑌗𑍇 ॥ 15 ॥
𑌯𑌦𑌾 𑌵𑌿𑌨𑌾𑌶𑍋 𑌭𑍂𑌤𑌾𑌨𑌾𑌂 𑌦𑍃𑌶𑍍𑌯𑌤𑍇 𑌕𑌾𑌲𑌚𑍋𑌦𑌿𑌤𑌃 ।
𑌤𑌦𑌾 𑌕𑌾𑌰𑍍𑌯𑍇 𑌪𑍍𑌰𑌮𑌾𑌦𑍍𑌯𑌨𑍍𑌤𑌿 𑌨𑌰𑌾𑌃 𑌕𑌾𑌲𑌵𑌶𑌂 𑌗𑌤𑌾𑌃 ॥ 16 ॥
𑌮𑌾𑌂 𑌪𑍍𑌰𑌧𑍃𑌷𑍍𑌯 𑌸 𑌤𑍇 𑌕𑌾𑌲𑌃 𑌪𑍍𑌰𑌾𑌪𑍍𑌤𑍋𑌽𑌯𑌂 𑌰𑌾𑌕𑍍𑌷𑌸𑌾𑌧𑌮 ।
𑌆𑌤𑍍𑌮𑌨𑍋 𑌰𑌾𑌕𑍍𑌷𑌸𑌾𑌨𑌾𑌂 𑌚 𑌵𑌧𑌾𑌯𑌾𑌨𑍍𑌤𑌃𑌪𑍁𑌰𑌸𑍍𑌯 𑌚 ॥ 17 ॥
𑌨 𑌶𑌕𑍍𑌯𑌾 𑌯𑌜𑍍𑌞𑌮𑌧𑍍𑌯𑌸𑍍𑌥𑌾 𑌵𑍇𑌦𑍀 𑌸𑍃𑌗𑍍𑌭𑌾𑌣𑍍𑌡𑌮𑌣𑍍𑌡𑌿𑌤𑌾 ।
𑌦𑍍𑌵𑌿𑌜𑌾𑌤𑌿𑌮𑌨𑍍𑌤𑍍𑌰𑌪𑍂𑌤𑌾 𑌚 𑌚𑌣𑍍𑌡𑌾𑌲𑍇𑌨𑌾𑌵𑌮𑌰𑍍𑌦𑌿𑌤𑍁𑌮𑍍 ॥ 18 ॥
𑌤𑌥𑌾𑌽𑌹𑌂 𑌧𑌰𑍍𑌮𑌨𑌿𑌤𑍍𑌯𑌸𑍍𑌯 𑌧𑌰𑍍𑌮𑌪𑌤𑍍𑌨𑍀 𑌪𑌤𑌿𑌵𑍍𑌰𑌤𑌾 ।
𑌤𑍍𑌵𑌯𑌾 𑌸𑍍𑌪𑍃𑌷𑍍𑌟𑍁𑌂 𑌨 𑌶𑌕𑍍𑌯𑌾𑌸𑍍𑌮𑌿 𑌰𑌾𑌕𑍍𑌷𑌸𑌾𑌧𑌮 𑌪𑌾𑌪𑌿𑌨𑌾 ॥ 19 ॥
𑌕𑍍𑌰𑍀𑌡𑌨𑍍𑌤𑍀 𑌰𑌾𑌜𑌹𑌂𑌸𑍇𑌨 𑌪𑌦𑍍𑌮𑌷𑌣𑍍𑌡𑍇𑌷𑍁 𑌨𑌿𑌤𑍍𑌯𑌦𑌾 ।
𑌹𑌂𑌸𑍀 𑌸𑌾 𑌤𑍃𑌣𑌷𑌣𑍍𑌡𑌸𑍍𑌥𑌂 𑌕𑌥𑌂 𑌪𑌶𑍍𑌯𑍇𑌤 𑌮𑌦𑍍𑌗𑍁𑌕𑌮𑍍 ॥ 20 ॥
𑌇𑌦𑌂 𑌶𑌰𑍀𑌰𑌂 𑌨𑌿𑌸𑍍𑌸𑌞𑍍𑌜𑍍𑌞𑌂 𑌬𑌨𑍍𑌧 𑌵𑌾 𑌖𑌾𑌤𑌯𑌸𑍍𑌵 𑌵𑌾 ।
𑌨𑍇𑌦𑌂 𑌶𑌰𑍀𑌰𑌂 𑌰𑌕𑍍𑌷𑌯𑌂 𑌮𑍇 𑌜𑍀𑌵𑌿𑌤𑌂 𑌵𑌾𑌪𑌿 𑌰𑌾𑌕𑍍𑌷𑌸 ॥ 21 ॥
𑌨 𑌤𑍁 𑌶𑌕𑍍𑌷𑍍𑌯𑌾𑌮𑍍𑌯𑍁𑌪𑌕𑍍𑌰𑍋𑌶𑌂 𑌪𑍃𑌥𑌿𑌵𑍍𑌯𑌾𑌂 𑌦𑌾𑌤𑍁𑌮𑌾𑌤𑍍𑌮𑌨𑌃 ।
𑌏𑌵𑌮𑍁𑌕𑍍𑌤𑍍𑌵𑌾 𑌤𑍁 𑌵𑍈𑌦𑍇𑌹𑍀 𑌕𑍍𑌰𑍋𑌧𑌾𑌤𑍍𑌸𑍁𑌪𑌰𑍁𑌷𑌂 𑌵𑌚𑌃 ॥ 22 ॥
𑌰𑌾𑌵𑌣𑌂 𑌮𑍈𑌥𑌿𑌲𑍀 𑌤𑌤𑍍𑌰 𑌪𑍁𑌨𑌰𑍍𑌨𑍋𑌵𑌾𑌚 𑌕𑌿𑌞𑍍𑌚𑌨 ।
𑌸𑍀𑌤𑌾𑌯𑌾 𑌵𑌚𑌨𑌂 𑌶𑍍𑌰𑍁𑌤𑍍𑌵𑌾 𑌪𑌰𑍁𑌷𑌂 𑌰𑍋𑌮𑌹𑌰𑍍𑌷𑌣𑌮𑍍 ॥ 23 ॥
𑌪𑍍𑌰𑌤𑍍𑌯𑍁𑌵𑌾𑌚 𑌤𑌤𑌸𑍍𑌸𑍀𑌤𑌾𑌂 𑌭𑌯𑌸𑌨𑍍𑌦𑌰𑍍𑌶𑌨𑌂 𑌵𑌚𑌃 ।
𑌶𑍃𑌣𑍁 𑌮𑍈𑌥𑌿𑌲𑌿 𑌮𑌦𑍍𑌵𑌾𑌕𑍍𑌯𑌂 𑌮𑌾𑌸𑌾𑌨𑍍𑌦𑍍𑌵𑌾𑌦𑌶 𑌭𑌾𑌮𑌿𑌨𑌿 ॥ 24 ॥
𑌕𑌾𑌲𑍇𑌨𑌾𑌨𑍇𑌨 𑌨𑌾𑌭𑍍𑌯𑍇𑌷𑌿 𑌯𑌦𑌿 𑌮𑌾𑌂 𑌚𑌾𑌰𑍁𑌹𑌾𑌸𑌿𑌨𑌿 ।
𑌤𑌤𑌸𑍍𑌤𑍍𑌵𑌾𑌂 𑌪𑍍𑌰𑌾𑌤𑌰𑌾𑌶𑌾𑌰𑍍𑌥𑌂 𑌸𑍂𑌦𑌾𑌶𑍍𑌛𑍇𑌤𑍍𑌸𑍍𑌯𑌨𑍍𑌤𑌿 𑌲𑍇𑌶𑌶𑌃 ॥ 25 ॥
𑌇𑌤𑍍𑌯𑍁𑌕𑍍𑌤𑍍𑌵𑌾 𑌪𑌰𑍁𑌷𑌂 𑌵𑌾𑌕𑍍𑌯𑌂 𑌰𑌾𑌵𑌣𑌶𑍍𑌶𑌤𑍍𑌰𑍁𑌰𑌾𑌵𑌣𑌃 ।
𑌰𑌾𑌕𑍍𑌷𑌸𑍀𑌶𑍍𑌚 𑌤𑌤𑌃 𑌕𑍍𑌰𑍁𑌦𑍍𑌧 𑌇𑌦𑌂 𑌵𑌚𑌨𑌮𑌬𑍍𑌰𑌵𑍀𑌤𑍍 ॥ 26 ॥
𑌶𑍀𑌘𑍍𑌰𑌮𑍇𑌵 𑌹𑌿 𑌰𑌾𑌕𑍍𑌷𑌸𑍍𑌯𑍋 𑌵𑌿𑌕𑍃𑌤𑌾 𑌘𑍋𑌰𑌦𑌰𑍍𑌶𑌨𑌾𑌃 ।
𑌦𑌰𑍍𑌪𑌮𑌸𑍍𑌯𑌾 𑌵𑌿𑌨𑍇𑌷𑍍𑌯𑌧𑍍𑌵𑌂 𑌮𑌾𑌂𑌸𑌶𑍋𑌣𑌿𑌤𑌭𑍋𑌜𑌨𑌾𑌃 ॥ 27 ॥
𑌵𑌚𑌨𑌾𑌦𑍇𑌵 𑌤𑌾𑌸𑍍𑌤𑌸𑍍𑌯 𑌸𑍁𑌘𑍋𑌰𑌾 𑌰𑌾𑌕𑍍𑌷𑌸𑍀𑌗𑌣𑌾𑌃 ।
𑌕𑍃𑌤𑌪𑍍𑌰𑌾𑌞𑍍𑌜𑌲𑌯𑍋 𑌭𑍂𑌤𑍍𑌵𑌾 𑌮𑍈𑌥𑌿𑌲𑍀𑌂 𑌪𑌰𑍍𑌯𑌵𑌾𑌰𑌯𑌨𑍍 ॥ 28 ॥
𑌸 𑌤𑌾𑌃 𑌪𑍍𑌰𑍋𑌵𑌾𑌚 𑌰𑌾𑌜𑌾 𑌤𑍁 𑌰𑌾𑌵𑌣𑍋 𑌘𑍋𑌰𑌦𑌰𑍍𑌶𑌨𑌃 ।
𑌪𑍍𑌰𑌚𑌾𑌲𑍍𑌯 𑌚𑌰𑌣𑍋𑌤𑍍𑌕𑌰𑍍𑌷𑍈𑌰𑍍𑌦𑌾𑌰𑌯𑌨𑍍𑌨𑌿𑌵 𑌮𑍇𑌦𑌿𑌨𑍀𑌮𑍍 ॥ 29 ॥
𑌅𑌶𑍋𑌕𑌵𑌨𑌿𑌕𑌾𑌮𑌧𑍍𑌯𑍇 𑌮𑍈𑌥𑌿𑌲𑍀 𑌨𑍀𑌯𑌤𑌾𑌮𑌿𑌯𑌮𑍍 ।
𑌤𑌤𑍍𑌰𑍇𑌯𑌂 𑌰𑌕𑍍𑌷𑍍𑌯𑌤𑌾𑌂 𑌗𑍂𑌢𑌂 𑌯𑍁𑌷𑍍𑌮𑌾𑌭𑌿𑌃 𑌪𑌰𑌿𑌵𑌾𑌰𑌿𑌤𑌾 ॥ 30 ॥
𑌤𑌤𑍍𑌰𑍈𑌨𑌾𑌂 𑌤𑌰𑍍𑌜𑌨𑍈𑌰𑍍𑌘𑍋𑌰𑍈𑌃 𑌪𑍁𑌨𑌸𑍍𑌸𑌾𑌨𑍍𑌤𑍍𑌵𑍈𑌶𑍍𑌚 𑌮𑍈𑌥𑌿𑌲𑍀𑌮𑍍 ।
𑌆𑌨𑌯𑌧𑍍𑌵𑌂 𑌵𑌶𑌂 𑌸𑌰𑍍𑌵𑌾 𑌵𑌨𑍍𑌯𑌾𑌂 𑌗𑌜𑌵𑌧𑍂𑌮𑌿𑌵 ॥ 31 ॥
𑌇𑌤𑌿 𑌪𑍍𑌰𑌤𑌿𑌸𑌮𑌾𑌦𑌿𑌷𑍍𑌟𑌾 𑌰𑌾𑌕𑍍𑌷𑌸𑍍𑌯𑍋 𑌰𑌾𑌵𑌣𑍇𑌨 𑌤𑌾𑌃 ।
𑌅𑌶𑍋𑌕𑌵𑌨𑌿𑌕𑌾𑌂 𑌜𑌗𑍍𑌮𑍁𑌰𑍍𑌮𑍈𑌥𑌿𑌲𑍀𑌂 𑌪𑌰𑌿𑌗𑍃𑌹𑍍𑌯 𑌤𑍁 ॥ 32 ॥
𑌸𑌰𑍍𑌵𑌕𑌾𑌲𑌫𑌲𑍈𑌰𑍍𑌵𑍃𑌕𑍍𑌷𑍈𑌰𑍍𑌨𑌾𑌨𑌾𑌪𑍁𑌷𑍍𑌪𑌫𑌲𑍈𑌰𑍍𑌵𑍃𑌤𑌾𑌮𑍍 ।
𑌸𑌰𑍍𑌵𑌕𑌾𑌲𑌮𑌦𑍈𑌶𑍍𑌚𑌾𑌪𑌿 𑌦𑍍𑌵𑌿𑌜𑍈𑌸𑍍𑌸𑌮𑍁𑌪𑌸𑍇𑌵𑌿𑌤𑌾𑌮𑍍 ॥ 33 ॥
𑌸𑌾 𑌤𑍁 𑌶𑍋𑌕𑌪𑌰𑍀𑌤𑌾𑌙𑍍𑌗𑍀 𑌮𑍈𑌥𑌿𑌲𑍀 𑌜𑌨𑌕𑌾𑌤𑍍𑌮𑌜𑌾 ।
𑌰𑌾𑌕𑍍𑌷𑌸𑍀𑌵𑌶𑌮𑌾𑌪𑌨𑍍𑌨𑌾 𑌵𑍍𑌯𑌾𑌘𑍍𑌰𑍀𑌣𑌾𑌂 𑌹𑌰𑌿𑌣𑍀 𑌯𑌥𑌾 ॥ 34 ॥
𑌶𑍋𑌕𑍇𑌨 𑌮𑌹𑌤𑌾 𑌗𑍍𑌰𑌸𑍍𑌤𑌾 𑌮𑍈𑌥𑌿𑌲𑍀 𑌜𑌨𑌕𑌾𑌤𑍍𑌮𑌜𑌾 ।
𑌨 𑌶𑌰𑍍𑌮 𑌲𑌭𑌤𑍇 𑌭𑍀𑌰𑍁𑌃 𑌪𑌾𑌶𑌬𑌦𑍍𑌧𑌾 𑌮𑍃𑌗𑍀 𑌯𑌥𑌾 ॥ 35 ॥
𑌨 𑌵𑌿𑌨𑍍𑌦𑌤𑍇 𑌤𑌤𑍍𑌰 𑌤𑍁 𑌶𑌰𑍍𑌮 𑌮𑍈𑌥𑌿𑌲𑍀 𑌵𑌿𑌰𑍂𑌪𑌨𑍇𑌤𑍍𑌰𑌾𑌭𑌿𑌰𑌤𑍀𑌵 𑌤𑌰𑍍𑌜𑌿𑌤𑌾 ।
𑌪𑌤𑌿𑌂 𑌸𑍍𑌮𑌰𑌨𑍍𑌤𑍀 𑌦𑌯𑌿𑌤𑌂 𑌚 𑌦𑍇𑌵𑌤𑌂 𑌵𑌿𑌚𑍇𑌤𑌨𑌾𑌽𑌭𑍂𑌦𑍍𑌭𑌯𑌶𑍋𑌕𑌪𑍀𑌡𑌿𑌤𑌾 ॥ 36 ॥
𑌇𑌤𑍍𑌯𑌾𑌰𑍍𑌷𑍇 𑌶𑍍𑌰𑍀𑌮𑌦𑍍𑌰𑌾𑌮𑌾𑌯𑌣𑍇 𑌵𑌾𑌲𑍍𑌮𑍀𑌕𑍀𑌯 𑌆𑌦𑌿𑌕𑌾𑌵𑍍𑌯𑍇 𑌅𑌰𑌣𑍍𑌯𑌕𑌾𑌣𑍍𑌡𑍇 𑌷𑌟𑍍𑌪𑌞𑍍𑌚𑌾𑌶𑌸𑍍𑌸𑌰𑍍𑌗𑌃 ॥
Roman (IAST) Transliteration
śrīmadvālmīkīya rāmāyaṇe araṇyakāṇḍam |
atha ṣaṭpañcāśassargaḥ |
sā tathoktā tu vaidehī nirbhayā śokakarśitā |
tṛṇamantarataḥ kṛtvā rāvaṇaṃ pratyabhāṣata || 1 ||
rājā daśaratho nāma dharmaseturivācalaḥ |
satyasandhaḥ parijñāto yasya putrassarāghavaḥ || 2 ||
rāmo nāma sa dharmātmā triṣu lokeṣu viśrutaḥ |
dīrghabāhurviśālākṣo daivataṃ hi patirmama || 3 ||
ikṣvākūṇāṃ kule jātassiṃhaskandho mahādyutiḥ |
lakṣmaṇena saha bhrātrā yaste prāṇānhariṣyati || 4 ||
pratyakṣaṃ yadyahaṃ tasya tvayā syāṃ dharṣitā balāt |
śayitā tvaṃ hatassaṅkhye janasthāne yathā kharaḥ || 5 ||
ya ete rākṣasāḥ proktā ghorarūpā mahābalāḥ |
rāghave nirviṣāssarve suparṇe pannagā yathā || 6 ||
tasya jyāvipramuktāste śarāḥ kāñcanabhūṣaṇāḥ |
śarīraṃ vidhamiṣyanti gaṅgākūlamivormayaḥ || 7 ||
asurairvā surairvā tvaṃ yadyavadhyo'si rāvaṇa |
utpādya sumahadvairaṃ jīvaṃstasya na mokṣyase || 8 ||
sa te jīvitaśeṣasya rāghavo'ntakaro balī |
paśoryūpagatasyeva jīvitaṃ tava durlabham || 9 ||
yadi paśyetsa rāmastvāṃ roṣadīptena cakṣuṣā |
rakṣastvamadya nirdhagdho gacchessadyaḥ parābhavam || 10 ||
yaścandraṃ nabhaso bhūmau pātayennāśayeta vā |
sāgaraṃ śoṣayedvāpi sa sītāṃ mocayediha || 11 ||
gatāyustvaṃ gataśrīko gatasattva gatendriyaḥ |
laṅkā vaidhavyasaṃyuktā tvatkṛtena bhaviṣyati || 12 ||
na te pāpamidaṃ karma śukhodarkaṃ bhaviṣyati |
yā'haṃ nītā vinābhāvaṃ patipārśvāttvayā vane || 13 ||
sa hi daivatasaṃyukto mama bhartā mahādyutiḥ |
nirbhayo vīryamāśritya śūnye vasati daṇḍake || 14 ||
sa te darpaṃ balaṃ vīryamutsekaṃ ca tathāvidham |
apaneṣyati gātrebhyaśśaravarṣeṇa saṃyuge || 15 ||
yadā vināśo bhūtānāṃ dṛśyate kālacoditaḥ |
tadā kārye pramādyanti narāḥ kālavaśaṃ gatāḥ || 16 ||
māṃ pradhṛṣya sa te kālaḥ prāpto'yaṃ rākṣasādhama |
ātmano rākṣasānāṃ ca vadhāyāntaḥpurasya ca || 17 ||
na śakyā yajñamadhyasthā vedī sṛgbhāṇḍamaṇḍitā |
dvijātimantrapūtā ca caṇḍālenāvamarditum || 18 ||
tathā'haṃ dharmanityasya dharmapatnī pativratā |
tvayā spṛṣṭuṃ na śakyāsmi rākṣasādhama pāpinā || 19 ||
krīḍantī rājahaṃsena padmaṣaṇḍeṣu nityadā |
haṃsī sā tṛṇaṣaṇḍasthaṃ kathaṃ paśyeta madgukam || 20 ||
idaṃ śarīraṃ nissañjñaṃ bandha vā khātayasva vā |
nedaṃ śarīraṃ rakṣayaṃ me jīvitaṃ vāpi rākṣasa || 21 ||
na tu śakṣyāmyupakrośaṃ pṛthivyāṃ dātumātmanaḥ |
evamuktvā tu vaidehī krodhātsuparuṣaṃ vacaḥ || 22 ||
rāvaṇaṃ maithilī tatra punarnovāca kiñcana |
sītāyā vacanaṃ śrutvā paruṣaṃ romaharṣaṇam || 23 ||
pratyuvāca tatassītāṃ bhayasandarśanaṃ vacaḥ |
śṛṇu maithili madvākyaṃ māsāndvādaśa bhāmini || 24 ||
kālenānena nābhyeṣi yadi māṃ cāruhāsini |
tatastvāṃ prātarāśārthaṃ sūdāśchetsyanti leśaśaḥ || 25 ||
ityuktvā paruṣaṃ vākyaṃ rāvaṇaśśatrurāvaṇaḥ |
rākṣasīśca tataḥ kruddha idaṃ vacanamabravīt || 26 ||
śīghrameva hi rākṣasyo vikṛtā ghoradarśanāḥ |
darpamasyā vineṣyadhvaṃ māṃsaśoṇitabhojanāḥ || 27 ||
vacanādeva tāstasya sughorā rākṣasīgaṇāḥ |
kṛtaprāñjalayo bhūtvā maithilīṃ paryavārayan || 28 ||
sa tāḥ provāca rājā tu rāvaṇo ghoradarśanaḥ |
pracālya caraṇotkarṣairdārayanniva medinīm || 29 ||
aśokavanikāmadhye maithilī nīyatāmiyam |
tatreyaṃ rakṣyatāṃ gūḍhaṃ yuṣmābhiḥ parivāritā || 30 ||
tatraināṃ tarjanairghoraiḥ punassāntvaiśca maithilīm |
ānayadhvaṃ vaśaṃ sarvā vanyāṃ gajavadhūmiva || 31 ||
iti pratisamādiṣṭā rākṣasyo rāvaṇena tāḥ |
aśokavanikāṃ jagmurmaithilīṃ parigṛhya tu || 32 ||
sarvakālaphalairvṛkṣairnānāpuṣpaphalairvṛtām |
sarvakālamadaiścāpi dvijaissamupasevitām || 33 ||
sā tu śokaparītāṅgī maithilī janakātmajā |
rākṣasīvaśamāpannā vyāghrīṇāṃ hariṇī yathā || 34 ||
śokena mahatā grastā maithilī janakātmajā |
na śarma labhate bhīruḥ pāśabaddhā mṛgī yathā || 35 ||
na vindate tatra tu śarma maithilī virūpanetrābhiratīva tarjitā |
patiṃ smarantī dayitaṃ ca devataṃ vicetanā'bhūdbhayaśokapīḍitā || 36 ||
ityārṣe śrīmadrāmāyaṇe vālmīkīya ādikāvye araṇyakāṇḍe ṣaṭpañcāśassargaḥ ||
Sanskrit — Devanagari (original)
श्रीमद्वाल्मीकीय रामायणे अरण्यकाण्डम् ।
अथ षट्पञ्चाशस्सर्गः ।
सा तथोक्ता तु वैदेही निर्भया शोककर्शिता ।
तृणमन्तरतः कृत्वा रावणं प्रत्यभाषत ॥ 1 ॥
राजा दशरथो नाम धर्मसेतुरिवाचलः ।
सत्यसन्धः परिज्ञातो यस्य पुत्रस्सराघवः ॥ 2 ॥
रामो नाम स धर्मात्मा त्रिषु लोकेषु विश्रुतः ।
दीर्घबाहुर्विशालाक्षो दैवतं हि पतिर्मम ॥ 3 ॥
इक्ष्वाकूणां कुले जातस्सिंहस्कन्धो महाद्युतिः ।
लक्ष्मणेन सह भ्रात्रा यस्ते प्राणान्हरिष्यति ॥ 4 ॥
प्रत्यक्षं यद्यहं तस्य त्वया स्यां धर्षिता बलात् ।
शयिता त्वं हतस्सङ्ख्ये जनस्थाने यथा खरः ॥ 5 ॥
य एते राक्षसाः प्रोक्ता घोररूपा महाबलाः ।
राघवे निर्विषास्सर्वे सुपर्णे पन्नगा यथा ॥ 6 ॥
तस्य ज्याविप्रमुक्तास्ते शराः काञ्चनभूषणाः ।
शरीरं विधमिष्यन्ति गङ्गाकूलमिवोर्मयः ॥ 7 ॥
असुरैर्वा सुरैर्वा त्वं यद्यवध्योऽसि रावण ।
उत्पाद्य सुमहद्वैरं जीवंस्तस्य न मोक्ष्यसे ॥ 8 ॥
स ते जीवितशेषस्य राघवोऽन्तकरो बली ।
पशोर्यूपगतस्येव जीवितं तव दुर्लभम् ॥ 9 ॥
यदि पश्येत्स रामस्त्वां रोषदीप्तेन चक्षुषा ।
रक्षस्त्वमद्य निर्धग्धो गच्छेस्सद्यः पराभवम् ॥ 10 ॥
यश्चन्द्रं नभसो भूमौ पातयेन्नाशयेत वा ।
सागरं शोषयेद्वापि स सीतां मोचयेदिह ॥ 11 ॥
गतायुस्त्वं गतश्रीको गतसत्त्व गतेन्द्रियः ।
लङ्का वैधव्यसंयुक्ता त्वत्कृतेन भविष्यति ॥ 12 ॥
न ते पापमिदं कर्म शुखोदर्कं भविष्यति ।
याऽहं नीता विनाभावं पतिपार्श्वात्त्वया वने ॥ 13 ॥
स हि दैवतसंयुक्तो मम भर्ता महाद्युतिः ।
निर्भयो वीर्यमाश्रित्य शून्ये वसति दण्डके ॥ 14 ॥
स ते दर्पं बलं वीर्यमुत्सेकं च तथाविधम् ।
अपनेष्यति गात्रेभ्यश्शरवर्षेण संयुगे ॥ 15 ॥
यदा विनाशो भूतानां दृश्यते कालचोदितः ।
तदा कार्ये प्रमाद्यन्ति नराः कालवशं गताः ॥ 16 ॥
मां प्रधृष्य स ते कालः प्राप्तोऽयं राक्षसाधम ।
आत्मनो राक्षसानां च वधायान्तःपुरस्य च ॥ 17 ॥
न शक्या यज्ञमध्यस्था वेदी सृग्भाण्डमण्डिता ।
द्विजातिमन्त्रपूता च चण्डालेनावमर्दितुम् ॥ 18 ॥
तथाऽहं धर्मनित्यस्य धर्मपत्नी पतिव्रता ।
त्वया स्पृष्टुं न शक्यास्मि राक्षसाधम पापिना ॥ 19 ॥
क्रीडन्ती राजहंसेन पद्मषण्डेषु नित्यदा ।
हंसी सा तृणषण्डस्थं कथं पश्येत मद्गुकम् ॥ 20 ॥
इदं शरीरं निस्सञ्ज्ञं बन्ध वा खातयस्व वा ।
नेदं शरीरं रक्षयं मे जीवितं वापि राक्षस ॥ 21 ॥
न तु शक्ष्याम्युपक्रोशं पृथिव्यां दातुमात्मनः ।
एवमुक्त्वा तु वैदेही क्रोधात्सुपरुषं वचः ॥ 22 ॥
रावणं मैथिली तत्र पुनर्नोवाच किञ्चन ।
सीताया वचनं श्रुत्वा परुषं रोमहर्षणम् ॥ 23 ॥
प्रत्युवाच ततस्सीतां भयसन्दर्शनं वचः ।
शृणु मैथिलि मद्वाक्यं मासान्द्वादश भामिनि ॥ 24 ॥
कालेनानेन नाभ्येषि यदि मां चारुहासिनि ।
ततस्त्वां प्रातराशार्थं सूदाश्छेत्स्यन्ति लेशशः ॥ 25 ॥
इत्युक्त्वा परुषं वाक्यं रावणश्शत्रुरावणः ।
राक्षसीश्च ततः क्रुद्ध इदं वचनमब्रवीत् ॥ 26 ॥
शीघ्रमेव हि राक्षस्यो विकृता घोरदर्शनाः ।
दर्पमस्या विनेष्यध्वं मांसशोणितभोजनाः ॥ 27 ॥
वचनादेव तास्तस्य सुघोरा राक्षसीगणाः ।
कृतप्राञ्जलयो भूत्वा मैथिलीं पर्यवारयन् ॥ 28 ॥
स ताः प्रोवाच राजा तु रावणो घोरदर्शनः ।
प्रचाल्य चरणोत्कर्षैर्दारयन्निव मेदिनीम् ॥ 29 ॥
अशोकवनिकामध्ये मैथिली नीयतामियम् ।
तत्रेयं रक्ष्यतां गूढं युष्माभिः परिवारिता ॥ 30 ॥
तत्रैनां तर्जनैर्घोरैः पुनस्सान्त्वैश्च मैथिलीम् ।
आनयध्वं वशं सर्वा वन्यां गजवधूमिव ॥ 31 ॥
इति प्रतिसमादिष्टा राक्षस्यो रावणेन ताः ।
अशोकवनिकां जग्मुर्मैथिलीं परिगृह्य तु ॥ 32 ॥
सर्वकालफलैर्वृक्षैर्नानापुष्पफलैर्वृताम् ।
सर्वकालमदैश्चापि द्विजैस्समुपसेविताम् ॥ 33 ॥
सा तु शोकपरीताङ्गी मैथिली जनकात्मजा ।
राक्षसीवशमापन्ना व्याघ्रीणां हरिणी यथा ॥ 34 ॥
शोकेन महता ग्रस्ता मैथिली जनकात्मजा ।
न शर्म लभते भीरुः पाशबद्धा मृगी यथा ॥ 35 ॥
न विन्दते तत्र तु शर्म मैथिली विरूपनेत्राभिरतीव तर्जिता ।
पतिं स्मरन्ती दयितं च देवतं विचेतनाऽभूद्भयशोकपीडिता ॥ 36 ॥
इत्यार्षे श्रीमद्रामायणे वाल्मीकीय आदिकाव्ये अरण्यकाण्डे षट्पञ्चाशस्सर्गः ॥
śrīmadvālmīkīya rāmāyaṇe araṇyakāṇḍam |
atha ṣaṭpañcāśassargaḥ |
sā tathoktā tu vaidehī nirbhayā śokakarśitā |
tṛṇamantarataḥ kṛtvā rāvaṇaṃ pratyabhāṣata || 1 ||
rājā daśaratho nāma dharmaseturivācalaḥ |
satyasandhaḥ parijñāto yasya putrassarāghavaḥ || 2 ||
rāmo nāma sa dharmātmā triṣu lokeṣu viśrutaḥ |
dīrghabāhurviśālākṣo daivataṃ hi patirmama || 3 ||
ikṣvākūṇāṃ kule jātassiṃhaskandho mahādyutiḥ |
lakṣmaṇena saha bhrātrā yaste prāṇānhariṣyati || 4 ||
pratyakṣaṃ yadyahaṃ tasya tvayā syāṃ dharṣitā balāt |
śayitā tvaṃ hatassaṅkhye janasthāne yathā kharaḥ || 5 ||
ya ete rākṣasāḥ proktā ghorarūpā mahābalāḥ |
rāghave nirviṣāssarve suparṇe pannagā yathā || 6 ||
tasya jyāvipramuktāste śarāḥ kāñcanabhūṣaṇāḥ |
śarīraṃ vidhamiṣyanti gaṅgākūlamivormayaḥ || 7 ||
asurairvā surairvā tvaṃ yadyavadhyo'si rāvaṇa |
utpādya sumahadvairaṃ jīvaṃstasya na mokṣyase || 8 ||
sa te jīvitaśeṣasya rāghavo'ntakaro balī |
paśoryūpagatasyeva jīvitaṃ tava durlabham || 9 ||
yadi paśyetsa rāmastvāṃ roṣadīptena cakṣuṣā |
rakṣastvamadya nirdhagdho gacchessadyaḥ parābhavam || 10 ||
yaścandraṃ nabhaso bhūmau pātayennāśayeta vā |
sāgaraṃ śoṣayedvāpi sa sītāṃ mocayediha || 11 ||
gatāyustvaṃ gataśrīko gatasattva gatendriyaḥ |
laṅkā vaidhavyasaṃyuktā tvatkṛtena bhaviṣyati || 12 ||
na te pāpamidaṃ karma śukhodarkaṃ bhaviṣyati |
yā'haṃ nītā vinābhāvaṃ patipārśvāttvayā vane || 13 ||
sa hi daivatasaṃyukto mama bhartā mahādyutiḥ |
nirbhayo vīryamāśritya śūnye vasati daṇḍake || 14 ||
sa te darpaṃ balaṃ vīryamutsekaṃ ca tathāvidham |
apaneṣyati gātrebhyaśśaravarṣeṇa saṃyuge || 15 ||
yadā vināśo bhūtānāṃ dṛśyate kālacoditaḥ |
tadā kārye pramādyanti narāḥ kālavaśaṃ gatāḥ || 16 ||
māṃ pradhṛṣya sa te kālaḥ prāpto'yaṃ rākṣasādhama |
ātmano rākṣasānāṃ ca vadhāyāntaḥpurasya ca || 17 ||
na śakyā yajñamadhyasthā vedī sṛgbhāṇḍamaṇḍitā |
dvijātimantrapūtā ca caṇḍālenāvamarditum || 18 ||
tathā'haṃ dharmanityasya dharmapatnī pativratā |
tvayā spṛṣṭuṃ na śakyāsmi rākṣasādhama pāpinā || 19 ||
krīḍantī rājahaṃsena padmaṣaṇḍeṣu nityadā |
haṃsī sā tṛṇaṣaṇḍasthaṃ kathaṃ paśyeta madgukam || 20 ||
idaṃ śarīraṃ nissañjñaṃ bandha vā khātayasva vā |
nedaṃ śarīraṃ rakṣayaṃ me jīvitaṃ vāpi rākṣasa || 21 ||
na tu śakṣyāmyupakrośaṃ pṛthivyāṃ dātumātmanaḥ |
evamuktvā tu vaidehī krodhātsuparuṣaṃ vacaḥ || 22 ||
rāvaṇaṃ maithilī tatra punarnovāca kiñcana |
sītāyā vacanaṃ śrutvā paruṣaṃ romaharṣaṇam || 23 ||
pratyuvāca tatassītāṃ bhayasandarśanaṃ vacaḥ |
śṛṇu maithili madvākyaṃ māsāndvādaśa bhāmini || 24 ||
kālenānena nābhyeṣi yadi māṃ cāruhāsini |
tatastvāṃ prātarāśārthaṃ sūdāśchetsyanti leśaśaḥ || 25 ||
ityuktvā paruṣaṃ vākyaṃ rāvaṇaśśatrurāvaṇaḥ |
rākṣasīśca tataḥ kruddha idaṃ vacanamabravīt || 26 ||
śīghrameva hi rākṣasyo vikṛtā ghoradarśanāḥ |
darpamasyā vineṣyadhvaṃ māṃsaśoṇitabhojanāḥ || 27 ||
vacanādeva tāstasya sughorā rākṣasīgaṇāḥ |
kṛtaprāñjalayo bhūtvā maithilīṃ paryavārayan || 28 ||
sa tāḥ provāca rājā tu rāvaṇo ghoradarśanaḥ |
pracālya caraṇotkarṣairdārayanniva medinīm || 29 ||
aśokavanikāmadhye maithilī nīyatāmiyam |
tatreyaṃ rakṣyatāṃ gūḍhaṃ yuṣmābhiḥ parivāritā || 30 ||
tatraināṃ tarjanairghoraiḥ punassāntvaiśca maithilīm |
ānayadhvaṃ vaśaṃ sarvā vanyāṃ gajavadhūmiva || 31 ||
iti pratisamādiṣṭā rākṣasyo rāvaṇena tāḥ |
aśokavanikāṃ jagmurmaithilīṃ parigṛhya tu || 32 ||
sarvakālaphalairvṛkṣairnānāpuṣpaphalairvṛtām |
sarvakālamadaiścāpi dvijaissamupasevitām || 33 ||
sā tu śokaparītāṅgī maithilī janakātmajā |
rākṣasīvaśamāpannā vyāghrīṇāṃ hariṇī yathā || 34 ||
śokena mahatā grastā maithilī janakātmajā |
na śarma labhate bhīruḥ pāśabaddhā mṛgī yathā || 35 ||
na vindate tatra tu śarma maithilī virūpanetrābhiratīva tarjitā |
patiṃ smarantī dayitaṃ ca devataṃ vicetanā'bhūdbhayaśokapīḍitā || 36 ||
ityārṣe śrīmadrāmāyaṇe vālmīkīya ādikāvye araṇyakāṇḍe ṣaṭpañcāśassargaḥ ||
🕉️ This is the original Sanskrit rendered in Grantha script.
Pronunciation is identical to the Sanskrit Devanagari version.