𑌶𑍍𑌰𑍀𑌮𑌦𑍍𑌵𑌾𑌲𑍍𑌮𑍀𑌕𑍀𑌯 𑌰𑌾𑌮𑌾𑌯𑌣𑍇 𑌅𑌰𑌣𑍍𑌯𑌕𑌾𑌣𑍍𑌡𑌮𑍍 ।
𑌅𑌥 𑌸𑌪𑍍𑌤𑌤𑌿𑌤𑌮𑌸𑍍𑌸𑌰𑍍𑌗𑌃 ।
𑌤𑍗 𑌤𑍁 𑌤𑌤𑍍𑌰 𑌸𑍍𑌥𑌿𑌤𑍗 𑌦𑍃𑌷𑍍𑌟𑍍𑌵𑌾 𑌭𑍍𑌰𑌾𑌤𑌰𑍗 𑌰𑌾𑌮𑌲𑌕𑍍𑌷𑍍𑌮𑌣𑍗 ।
𑌬𑌾𑌹𑍁𑌪𑌾𑌶𑌪𑌰𑌿𑌕𑍍𑌷𑌿𑌪𑍍𑌤𑍗 𑌕𑌬𑌨𑍍𑌧𑍋 𑌵𑌾𑌕𑍍𑌯𑌮𑌬𑍍𑌰𑌵𑍀𑌤𑍍 ॥ 1 ॥
𑌤𑌿𑌷𑍍𑌠𑌤𑌃 𑌕𑌿𑌂 𑌨𑍁 𑌮𑌾𑌂 𑌦𑍃𑌷𑍍𑌟𑍍𑌵𑌾 𑌕𑍍𑌷𑍁𑌧𑌾𑌰𑍍𑌤𑌂 𑌕𑍍𑌷𑌤𑍍𑌰𑌿𑌯𑌰𑍍𑌷𑌭𑍗 ।
𑌆𑌹𑌾𑌰𑌾𑌰𑍍𑌥𑌂 𑌤𑍁 𑌸𑌨𑍍𑌦𑌿𑌷𑍍𑌟𑍗 𑌦𑍈𑌵𑍇𑌨 𑌗𑌤𑌚𑍇𑌤𑌸𑍗 ॥ 2 ॥
𑌤𑌚𑍍𑌛𑍍𑌰𑍁𑌤𑍍𑌵𑌾 𑌲𑌕𑍍𑌷𑍍𑌮𑌣𑍋 𑌵𑌾𑌕𑍍𑌯𑌂 𑌪𑍍𑌰𑌾𑌪𑍍𑌤𑌕𑌾𑌲𑌂 𑌹𑌿𑌤𑌂 𑌤𑌦𑌾 ।
𑌉𑌵𑌾𑌚𑌾𑌽𑌰𑍍𑌤𑌿𑌂 𑌸𑌮𑌾𑌪𑌨𑍍𑌨𑍋 𑌵𑌿𑌕𑍍𑌰𑌮𑍇 𑌕𑍃𑌤𑌲𑌕𑍍𑌷𑌣𑌃 ॥ 3 ॥
𑌤𑍍𑌵𑌾𑌂 𑌚 𑌮𑌾𑌂 𑌚 𑌪𑍁𑌰𑌾 𑌤𑍂𑌰𑍍𑌣𑌮𑌾𑌦𑌤𑍍𑌤𑍇 𑌰𑌾𑌕𑍍𑌷𑌸𑌾𑌧𑌮𑌃 ।
𑌤𑌸𑍍𑌮𑌾𑌦𑌸𑌿𑌭𑍍𑌯𑌾𑌮𑌸𑍍𑌯𑌾𑌶𑍁 𑌬𑌾𑌹𑍂 𑌛𑌿𑌨𑍍𑌦𑌾𑌵𑌹𑍈 𑌗𑍁𑌰𑍂 ॥ 4 ॥
𑌭𑍀𑌷𑌣𑍋𑌽𑌯𑌂 𑌮𑌹𑌾𑌕𑌾𑌯𑍋 𑌰𑌾𑌕𑍍𑌷𑌸𑍋 𑌭𑍁𑌜𑌵𑌿𑌕𑍍𑌰𑌮𑌃 ।
𑌲𑍋𑌕𑌂 𑌹𑍍𑌯𑌤𑌿𑌜𑌿𑌤𑌂 𑌕𑍃𑌤𑍍𑌵𑌾 𑌹𑍍𑌯𑌾𑌵𑌾𑌂 𑌹𑌨𑍍𑌤𑍁𑌮𑌿𑌹𑍇𑌚𑍍𑌛𑌤𑌿 ॥ 5 ॥
𑌨𑌿𑌶𑍍𑌚𑍇𑌷𑍍𑌟𑌾𑌨𑌾𑌂 𑌵𑌧𑍋 𑌰𑌾𑌜𑌨𑍍𑌕𑍁𑌤𑍍𑌸𑌿𑌤𑍋 𑌜𑌗𑌤𑍀𑌪𑌤𑍇𑌃 ।
𑌕𑍍𑌰𑌤𑍁𑌮𑌧𑍍𑌯𑍋𑌪𑌨𑍀𑌤𑌾𑌨𑌾𑌂 𑌪𑌶𑍂𑌨𑌾𑌮𑌿𑌵 𑌰𑌾𑌘𑌵 ॥ 6 ॥
𑌏𑌤𑌤𑍍𑌸𑌞𑍍𑌜𑌲𑍍𑌪𑌿𑌤𑌂 𑌶𑍍𑌰𑍁𑌤𑍍𑌵𑌾 𑌤𑌯𑍋𑌃 𑌕𑍍𑌰𑍁𑌦𑍍𑌧𑌸𑍍𑌤𑍁 𑌰𑌾𑌕𑍍𑌷𑌸𑌃 ।
𑌵𑌿𑌦𑌾𑌰𑍍𑌯𑌾𑌽𑌸𑍍𑌯𑌂 𑌤𑌦𑌾 𑌰𑍗𑌦𑍍𑌰𑌸𑍍𑌤𑍗 𑌭𑌕𑍍𑌷𑌯𑌿𑌤𑍁𑌮𑌾𑌰𑌭𑌤𑍍 ॥ 7 ॥
𑌤𑌤𑌸𑍍𑌤𑍗 𑌦𑍇𑌶𑌕𑌾𑌲𑌜𑍍𑌞𑍗 𑌖𑌡𑍍𑌗𑌾𑌭𑍍𑌯𑌾𑌮𑍇𑌵 𑌰𑌾𑌘𑌵𑍗 ।
𑌅𑌚𑍍𑌛𑌿𑌨𑍍𑌦𑌤𑌾𑌂 𑌸𑍁𑌸𑌂𑌵𑌿𑌗𑍍𑌨𑍗 𑌬𑌾𑌹𑍂 𑌤𑌸𑍍𑌯𑌾𑌂𑌸𑌦𑍇𑌶𑌤𑌃 ॥ 8 ॥
𑌦𑌕𑍍𑌷𑌿𑌣𑍋 𑌦𑌕𑍍𑌷𑌿𑌣𑌂 𑌬𑌾𑌹𑍁𑌮𑌸𑌕𑍍𑌤𑌮𑌸𑌿𑌨𑌾 𑌤𑌤𑌃 ।
𑌚𑌿𑌚𑍍𑌛𑍇𑌦 𑌰𑌾𑌮𑍋 𑌵𑍇𑌗𑍇𑌨 𑌸𑌵𑍍𑌯𑌂 𑌵𑍀𑌰𑌸𑍍𑌤𑍁 𑌲𑌕𑍍𑌷𑍍𑌮𑌣𑌃 ॥ 9 ॥
𑌸 𑌪𑌪𑌾𑌤 𑌮𑌹𑌾𑌬𑌾𑌹𑍁𑌶𑍍𑌛𑌿𑌨𑍍𑌨𑌬𑌾𑌹𑍁𑌰𑍍𑌮𑌹𑌾𑌸𑍍𑌵𑌨𑌃 ।
𑌖𑌂 𑌚 𑌗𑌾𑌂 𑌚 𑌦𑌿𑌶𑌶𑍍𑌚𑍈𑌵 𑌨𑌾𑌦𑌯𑌞𑍍𑌜𑌲𑌦𑍋 𑌯𑌥𑌾 ॥ 10 ॥
𑌸 𑌨𑌿𑌕𑍃𑌤𑍍𑌤𑍗 𑌭𑍁𑌜𑍗 𑌦𑍃𑌷𑍍𑌟𑍍𑌵𑌾 𑌶𑍋𑌣𑌿𑌤𑍗𑌘𑌪𑌰𑌿𑌪𑍍𑌲𑍁𑌤𑌃 ।
𑌦𑍀𑌨𑌃 𑌪𑌪𑍍𑌰𑌚𑍍𑌛 𑌤𑍗 𑌵𑍀𑌰𑍗 𑌕𑍗 𑌯𑍁𑌵𑌾𑌮𑌿𑌤𑌿 𑌦𑌾𑌨𑌵𑌃 ॥ 11 ॥
𑌇𑌤𑌿 𑌤𑌸𑍍𑌯 𑌬𑍍𑌰𑍁𑌵𑌾𑌣𑌸𑍍𑌯 𑌲𑌕𑍍𑌷𑍍𑌮𑌣𑌶𑍍𑌶𑍁𑌭𑌲𑌕𑍍𑌷𑌣𑌃 ।
𑌶𑌶𑌂𑌸 𑌰𑌾𑌘𑌵𑌂 𑌤𑌸𑍍𑌯 𑌕𑌬𑌨𑍍𑌧𑌸𑍍𑌯 𑌮𑌹𑌾𑌤𑍍𑌮𑌨𑌃 ॥ 12 ॥
𑌅𑌯𑌮𑌿𑌕𑍍𑌷𑍍𑌵𑌾𑌕𑍁𑌦𑌾𑌯𑌾𑌦𑍋 𑌰𑌾𑌮𑍋 𑌨𑌾𑌮 𑌜𑌨𑍈𑌶𑍍𑌶𑍍𑌰𑍁𑌤𑌃 ।
𑌅𑌸𑍍𑌯𑍈𑌵𑌾𑌵𑌰𑌜𑌂 𑌵𑌿𑌦𑍍𑌦𑌿 𑌭𑍍𑌰𑌾𑌤𑌰𑌂 𑌮𑌾𑌂 𑌚 𑌲𑌕𑍍𑌷𑍍𑌮𑌣𑌮𑍍 ॥ 13 ॥
𑌅𑌸𑍍𑌯 𑌦𑍇𑌵𑌪𑍍𑌰𑌭𑌾𑌵𑌸𑍍𑌯 𑌵𑌸𑌤𑍋 𑌵𑌿𑌜𑌨𑍇 𑌵𑌨𑍇 ।
𑌰𑌕𑍍𑌷𑌸𑌾𑌽𑌪𑌹𑍃𑌤𑌾 𑌪𑌤𑍍𑌨𑍀 𑌯𑌾𑌮𑌿𑌚𑍍𑌛𑌨𑍍𑌤𑌾𑌵𑌿𑌹𑌾𑌗𑌤𑍗 ॥ 14 ॥
𑌤𑍍𑌵𑌂 𑌤𑍁 𑌕𑍋 𑌵𑌾 𑌕𑌿𑌮𑌰𑍍𑌥𑌂 𑌵𑌾 𑌕𑌬𑌨𑍍𑌧𑌸𑌦𑍃𑌶𑍋 𑌵𑌨𑍇 ।
𑌆𑌸𑍍𑌯𑍇𑌨𑍋𑌰𑌸𑌿 𑌦𑍀𑌪𑍍𑌤𑍇𑌨 𑌭𑌗𑍍𑌨𑌜𑌙𑍍𑌘𑍋 𑌵𑌿𑌚𑍇𑌷𑍍𑌟𑌸𑍇 ॥ 15 ॥
𑌏𑌵𑌮𑍁𑌕𑍍𑌤𑌃 𑌕𑌬𑌨𑍍𑌧𑌸𑍍𑌤𑍁 𑌲𑌕𑍍𑌷𑍍𑌮𑌣𑍇𑌨𑍋𑌤𑍍𑌤𑌰𑌂 𑌵𑌚𑌃 ।
𑌉𑌵𑌾𑌚 𑌪𑌰𑌮𑌪𑍍𑌰𑍀𑌤 𑌸𑍍𑌤𑌦𑌿𑌨𑍍𑌦𑍍𑌰𑌵𑌚𑌨𑌂 𑌸𑍍𑌮𑌰𑌨𑍍 ॥ 16 ॥
𑌸𑍍𑌵𑌾𑌗𑌤𑌂 𑌵𑌾𑌂 𑌨𑌰𑌵𑍍𑌯𑌾𑌘𑍍𑌰𑍗 𑌦𑌿𑌷𑍍𑌟𑍍𑌯𑌾 𑌪𑌶𑍍𑌯𑌾𑌮𑌿 𑌚𑌾𑌪𑍍𑌯𑌹𑌮𑍍 ।
𑌦𑌿𑌷𑍍𑌟𑍍𑌯𑌾 𑌚𑍇𑌮𑍗 𑌨𑌿𑌕𑍃𑌤𑍍𑌤𑍗 𑌮𑍇 𑌯𑍁𑌵𑌾𑌭𑍍𑌯𑌾𑌂 𑌬𑌾𑌹𑍁𑌬𑌨𑍍𑌧𑌨𑍗 ॥ 17 ॥
𑌵𑌿𑌰𑍂𑌪𑌂 𑌯𑌚𑍍𑌚 𑌮𑍇 𑌰𑍂𑌪𑌂 𑌪𑍍𑌰𑌾𑌪𑍍𑌤𑌂 𑌹𑍍𑌯𑌵𑌿𑌨𑌯𑌾𑌦𑍍𑌯𑌥𑌾 ।
𑌤𑌨𑍍𑌮𑍇 𑌶𑍃𑌣𑍁 𑌨𑌰𑌵𑍍𑌯𑌾𑌘𑍍𑌰 𑌤𑌤𑍍𑌤𑍍𑌵𑌤𑌶𑍍𑌶𑌂𑌸𑌤𑌸𑍍𑌤𑌵 ॥ 18 ॥
𑌇𑌤𑍍𑌯𑌾𑌰𑍍𑌷𑍇 𑌶𑍍𑌰𑍀𑌮𑌦𑍍𑌰𑌾𑌮𑌾𑌯𑌣𑍇 𑌵𑌾𑌲𑍍𑌮𑍀𑌕𑍀𑌯 𑌆𑌦𑌿𑌕𑌾𑌵𑍍𑌯𑍇 𑌅𑌰𑌣𑍍𑌯𑌕𑌾𑌣𑍍𑌡𑍇 𑌸𑌪𑍍𑌤𑌤𑌿𑌤𑌮𑌸𑍍𑌸𑌰𑍍𑌗𑌃 ॥
Roman (IAST) Transliteration
śrīmadvālmīkīya rāmāyaṇe araṇyakāṇḍam |
atha saptatitamassargaḥ |
tau tu tatra sthitau dṛṣṭvā bhrātarau rāmalakṣmaṇau |
bāhupāśaparikṣiptau kabandho vākyamabravīt || 1 ||
tiṣṭhataḥ kiṃ nu māṃ dṛṣṭvā kṣudhārtaṃ kṣatriyarṣabhau |
āhārārthaṃ tu sandiṣṭau daivena gatacetasau || 2 ||
tacchrutvā lakṣmaṇo vākyaṃ prāptakālaṃ hitaṃ tadā |
uvācā'rtiṃ samāpanno vikrame kṛtalakṣaṇaḥ || 3 ||
tvāṃ ca māṃ ca purā tūrṇamādatte rākṣasādhamaḥ |
tasmādasibhyāmasyāśu bāhū chindāvahai gurū || 4 ||
bhīṣaṇo'yaṃ mahākāyo rākṣaso bhujavikramaḥ |
lokaṃ hyatijitaṃ kṛtvā hyāvāṃ hantumihecchati || 5 ||
niśceṣṭānāṃ vadho rājankutsito jagatīpateḥ |
kratumadhyopanītānāṃ paśūnāmiva rāghava || 6 ||
etatsañjalpitaṃ śrutvā tayoḥ kruddhastu rākṣasaḥ |
vidāryā'syaṃ tadā raudrastau bhakṣayitumārabhat || 7 ||
tatastau deśakālajñau khaḍgābhyāmeva rāghavau |
acchindatāṃ susaṃvignau bāhū tasyāṃsadeśataḥ || 8 ||
dakṣiṇo dakṣiṇaṃ bāhumasaktamasinā tataḥ |
ciccheda rāmo vegena savyaṃ vīrastu lakṣmaṇaḥ || 9 ||
sa papāta mahābāhuśchinnabāhurmahāsvanaḥ |
khaṃ ca gāṃ ca diśaścaiva nādayañjalado yathā || 10 ||
sa nikṛttau bhujau dṛṣṭvā śoṇitaughapariplutaḥ |
dīnaḥ papraccha tau vīrau kau yuvāmiti dānavaḥ || 11 ||
iti tasya bruvāṇasya lakṣmaṇaśśubhalakṣaṇaḥ |
śaśaṃsa rāghavaṃ tasya kabandhasya mahātmanaḥ || 12 ||
ayamikṣvākudāyādo rāmo nāma janaiśśrutaḥ |
asyaivāvarajaṃ viddi bhrātaraṃ māṃ ca lakṣmaṇam || 13 ||
asya devaprabhāvasya vasato vijane vane |
rakṣasā'pahṛtā patnī yāmicchantāvihāgatau || 14 ||
tvaṃ tu ko vā kimarthaṃ vā kabandhasadṛśo vane |
āsyenorasi dīptena bhagnajaṅgho viceṣṭase || 15 ||
evamuktaḥ kabandhastu lakṣmaṇenottaraṃ vacaḥ |
uvāca paramaprīta stadindravacanaṃ smaran || 16 ||
svāgataṃ vāṃ naravyāghrau diṣṭyā paśyāmi cāpyaham |
diṣṭyā cemau nikṛttau me yuvābhyāṃ bāhubandhanau || 17 ||
virūpaṃ yacca me rūpaṃ prāptaṃ hyavinayādyathā |
tanme śṛṇu naravyāghra tattvataśśaṃsatastava || 18 ||
ityārṣe śrīmadrāmāyaṇe vālmīkīya ādikāvye araṇyakāṇḍe saptatitamassargaḥ ||
Sanskrit — Devanagari (original)
श्रीमद्वाल्मीकीय रामायणे अरण्यकाण्डम् ।
अथ सप्ततितमस्सर्गः ।
तौ तु तत्र स्थितौ दृष्ट्वा भ्रातरौ रामलक्ष्मणौ ।
बाहुपाशपरिक्षिप्तौ कबन्धो वाक्यमब्रवीत् ॥ 1 ॥
तिष्ठतः किं नु मां दृष्ट्वा क्षुधार्तं क्षत्रियर्षभौ ।
आहारार्थं तु सन्दिष्टौ दैवेन गतचेतसौ ॥ 2 ॥
तच्छ्रुत्वा लक्ष्मणो वाक्यं प्राप्तकालं हितं तदा ।
उवाचाऽर्तिं समापन्नो विक्रमे कृतलक्षणः ॥ 3 ॥
त्वां च मां च पुरा तूर्णमादत्ते राक्षसाधमः ।
तस्मादसिभ्यामस्याशु बाहू छिन्दावहै गुरू ॥ 4 ॥
भीषणोऽयं महाकायो राक्षसो भुजविक्रमः ।
लोकं ह्यतिजितं कृत्वा ह्यावां हन्तुमिहेच्छति ॥ 5 ॥
निश्चेष्टानां वधो राजन्कुत्सितो जगतीपतेः ।
क्रतुमध्योपनीतानां पशूनामिव राघव ॥ 6 ॥
एतत्सञ्जल्पितं श्रुत्वा तयोः क्रुद्धस्तु राक्षसः ।
विदार्याऽस्यं तदा रौद्रस्तौ भक्षयितुमारभत् ॥ 7 ॥
ततस्तौ देशकालज्ञौ खड्गाभ्यामेव राघवौ ।
अच्छिन्दतां सुसंविग्नौ बाहू तस्यांसदेशतः ॥ 8 ॥
दक्षिणो दक्षिणं बाहुमसक्तमसिना ततः ।
चिच्छेद रामो वेगेन सव्यं वीरस्तु लक्ष्मणः ॥ 9 ॥
स पपात महाबाहुश्छिन्नबाहुर्महास्वनः ।
खं च गां च दिशश्चैव नादयञ्जलदो यथा ॥ 10 ॥
स निकृत्तौ भुजौ दृष्ट्वा शोणितौघपरिप्लुतः ।
दीनः पप्रच्छ तौ वीरौ कौ युवामिति दानवः ॥ 11 ॥
इति तस्य ब्रुवाणस्य लक्ष्मणश्शुभलक्षणः ।
शशंस राघवं तस्य कबन्धस्य महात्मनः ॥ 12 ॥
अयमिक्ष्वाकुदायादो रामो नाम जनैश्श्रुतः ।
अस्यैवावरजं विद्दि भ्रातरं मां च लक्ष्मणम् ॥ 13 ॥
अस्य देवप्रभावस्य वसतो विजने वने ।
रक्षसाऽपहृता पत्नी यामिच्छन्ताविहागतौ ॥ 14 ॥
त्वं तु को वा किमर्थं वा कबन्धसदृशो वने ।
आस्येनोरसि दीप्तेन भग्नजङ्घो विचेष्टसे ॥ 15 ॥
एवमुक्तः कबन्धस्तु लक्ष्मणेनोत्तरं वचः ।
उवाच परमप्रीत स्तदिन्द्रवचनं स्मरन् ॥ 16 ॥
स्वागतं वां नरव्याघ्रौ दिष्ट्या पश्यामि चाप्यहम् ।
दिष्ट्या चेमौ निकृत्तौ मे युवाभ्यां बाहुबन्धनौ ॥ 17 ॥
विरूपं यच्च मे रूपं प्राप्तं ह्यविनयाद्यथा ।
तन्मे शृणु नरव्याघ्र तत्त्वतश्शंसतस्तव ॥ 18 ॥
इत्यार्षे श्रीमद्रामायणे वाल्मीकीय आदिकाव्ये अरण्यकाण्डे सप्ततितमस्सर्गः ॥
śrīmadvālmīkīya rāmāyaṇe araṇyakāṇḍam |
atha saptatitamassargaḥ |
tau tu tatra sthitau dṛṣṭvā bhrātarau rāmalakṣmaṇau |
bāhupāśaparikṣiptau kabandho vākyamabravīt || 1 ||
tiṣṭhataḥ kiṃ nu māṃ dṛṣṭvā kṣudhārtaṃ kṣatriyarṣabhau |
āhārārthaṃ tu sandiṣṭau daivena gatacetasau || 2 ||
tacchrutvā lakṣmaṇo vākyaṃ prāptakālaṃ hitaṃ tadā |
uvācā'rtiṃ samāpanno vikrame kṛtalakṣaṇaḥ || 3 ||
tvāṃ ca māṃ ca purā tūrṇamādatte rākṣasādhamaḥ |
tasmādasibhyāmasyāśu bāhū chindāvahai gurū || 4 ||
bhīṣaṇo'yaṃ mahākāyo rākṣaso bhujavikramaḥ |
lokaṃ hyatijitaṃ kṛtvā hyāvāṃ hantumihecchati || 5 ||
niśceṣṭānāṃ vadho rājankutsito jagatīpateḥ |
kratumadhyopanītānāṃ paśūnāmiva rāghava || 6 ||
etatsañjalpitaṃ śrutvā tayoḥ kruddhastu rākṣasaḥ |
vidāryā'syaṃ tadā raudrastau bhakṣayitumārabhat || 7 ||
tatastau deśakālajñau khaḍgābhyāmeva rāghavau |
acchindatāṃ susaṃvignau bāhū tasyāṃsadeśataḥ || 8 ||
dakṣiṇo dakṣiṇaṃ bāhumasaktamasinā tataḥ |
ciccheda rāmo vegena savyaṃ vīrastu lakṣmaṇaḥ || 9 ||
sa papāta mahābāhuśchinnabāhurmahāsvanaḥ |
khaṃ ca gāṃ ca diśaścaiva nādayañjalado yathā || 10 ||
sa nikṛttau bhujau dṛṣṭvā śoṇitaughapariplutaḥ |
dīnaḥ papraccha tau vīrau kau yuvāmiti dānavaḥ || 11 ||
iti tasya bruvāṇasya lakṣmaṇaśśubhalakṣaṇaḥ |
śaśaṃsa rāghavaṃ tasya kabandhasya mahātmanaḥ || 12 ||
ayamikṣvākudāyādo rāmo nāma janaiśśrutaḥ |
asyaivāvarajaṃ viddi bhrātaraṃ māṃ ca lakṣmaṇam || 13 ||
asya devaprabhāvasya vasato vijane vane |
rakṣasā'pahṛtā patnī yāmicchantāvihāgatau || 14 ||
tvaṃ tu ko vā kimarthaṃ vā kabandhasadṛśo vane |
āsyenorasi dīptena bhagnajaṅgho viceṣṭase || 15 ||
evamuktaḥ kabandhastu lakṣmaṇenottaraṃ vacaḥ |
uvāca paramaprīta stadindravacanaṃ smaran || 16 ||
svāgataṃ vāṃ naravyāghrau diṣṭyā paśyāmi cāpyaham |
diṣṭyā cemau nikṛttau me yuvābhyāṃ bāhubandhanau || 17 ||
virūpaṃ yacca me rūpaṃ prāptaṃ hyavinayādyathā |
tanme śṛṇu naravyāghra tattvataśśaṃsatastava || 18 ||
ityārṣe śrīmadrāmāyaṇe vālmīkīya ādikāvye araṇyakāṇḍe saptatitamassargaḥ ||
🕉️ This is the original Sanskrit rendered in Grantha script.
Pronunciation is identical to the Sanskrit Devanagari version.