Valmiki Ramayana Bala Kanda Sarga 22 — Bengali Script

⚠️ AI-generated translation — the Hindi meaning was produced by AI and automatically cross-checked against the Sanskrit, but it may still contain errors. It has not yet been reviewed by a scholar. Please refer to a traditional commentary for study.

Summary — Hindi

इस सर्ग में राजा दशरथ ने वसिष्ठ के कहने पर राम और लक्ष्मण को विश्वामित्र के साथ भेजा। माता-पिता और वसिष्ठ ने मंगल-मंत्रों से उनका स्वस्त्ययन किया, और दशरथ ने राम को विश्वामित्र को सौंप दिया। राम के प्रस्थान पर देवताओं ने दुंदुभि बजाई और फूलों की वर्षा हुई। विश्वामित्र के पीछे-पीछे धनुषधारी राम और लक्ष्मण चले। सरयू के तट पर विश्वामित्र ने राम को बला और अतिबला विद्याएँ दीं, जिनसे उन्हें न श्रम, न ज्वर, न भूख-प्यास होगी और राक्षस उन्हें नहीं सताएँगे। विद्याएँ ग्रहण करके राम सूर्य के समान शोभित हुए, और वे तीनों उस रात सरयू तट पर सुखपूर्वक रहे।

AI-generated · not yet verified

The Hindi meaning of each verse is shown below the verse.

Meaning —

শ্রীমদ্বাল্মীকীয রামাযণে বালকাণ্ডম্ ।

Shloka 1

অথ দ্বাবিংশস্সর্গঃ ।
তথা বসিষ্ঠে ব্রুবতি রাজা দশরথস্সুতম প্রহৃষ্টবদনো রামমাজুহাব সলক্ষ্মণম্ ॥ 1 ॥

atha dvāviṃśassargaḥ |
tathā vasiṣṭhe bruvati rājā daśarathassutama prahṛṣṭavadano rāmamājuhāva salakṣmaṇam || 1 ||

अथ द्वाविंश सर्ग। जब वसिष्ठ इस प्रकार कह रहे थे, तब राजा दशरथ ने प्रसन्न मुख से अपने पुत्र राम को लक्ष्मण सहित बुलाया। ^AI

Shloka 2

কৃতস্বস্ত্যযনং মাত্রা পিত্রা দশরথেন চ ।
পুরোধসা বসিষ্ঠেন মঙ্গলৈরভিমন্ত্রিতম্ ॥ 2 ॥

kṛtasvastyayanaṃ mātrā pitrā daśarathena ca |
purodhasā vasiṣṭhena maṅgalairabhimantritam || 2 ||

माता, पिता दशरथ तथा पुरोहित वसिष्ठ द्वारा स्वस्त्ययन (कल्याणकारी विधि) किए गए और मंगल-मंत्रों से अभिमंत्रित किए गए। ^AI

Shloka 3

স পুত্রং মূর্ধ্ন্যুপাঘ্রায রাজা দশরথঃ প্রিযম্ ।
দদৌ কুশিকপুত্রায সুপ্রীতেনান্তরাত্মনা ॥ 3 ॥

sa putraṃ mūrdhnyupāghrāya rājā daśarathaḥ priyam |
dadau kuśikaputrāya suprītenāntarātmanā || 3 ||

राजा दशरथ ने अपने प्रिय पुत्र को मस्तक पर सूंघकर (चूमकर) अत्यंत प्रसन्न अंतःकरण से कुशिकपुत्र (विश्वामित्र) को सौंप दिया। ^AI

Shloka 4

ততো বাযুস্সুখস্পর্শো নীরজস্কো ববৌ তদা ।
বিশ্বামিত্রগতং দৃষ্ট্বা রামং রাজীবলোচনম্ ॥ 4 ॥

tato vāyussukhasparśo nīrajasko vavau tadā |
viśvāmitragataṃ dṛṣṭvā rāmaṃ rājīvalocanam || 4 ||

तत्पश्चात् कमलनयन राम को विश्वामित्र के साथ गए देखकर, उस समय सुखद स्पर्श वाली और धूलरहित वायु बहने लगी। ^AI

Shloka 5

পুষ্পবৃষ্টির্মহত্যাসীদ্দেবদুন্দুভিনিস্বনৈঃ ।
শঙ্খদুন্দুভিনির্ঘোষঃ প্রযাতে তু মহাত্মনি ॥ 5 ॥

puṣpavṛṣṭirmahatyāsīddevadundubhinisvanaiḥ |
śaṅkhadundubhinirghoṣaḥ prayāte tu mahātmani || 5 ||

महात्मा (राम) के प्रस्थान करने पर देवताओं की दुंदुभियों की ध्वनि के साथ शंख और दुंदुभि की गूंज के बीच फूलों की महान वर्षा हुई। ^AI

Shloka 6

বিশ্বামিত্রো যযাবগ্রে ততো রামো ধনুর্ধরঃ ।
কাকপক্ষধরো ধন্বী তং চ সৌমিত্রিরন্বগাত্ ॥ 6 ॥

viśvāmitro yayāvagre tato rāmo dhanurdharaḥ |
kākapakṣadharo dhanvī taṃ ca saumitriranvagāt || 6 ||

विश्वामित्र आगे-आगे चले, तत्पश्चात् धनुर्धर राम, जो काकपक्ष धारण किए हुए और धनुषधारी थे, चले, और सौमित्र (लक्ष्मण) उनके पीछे-पीछे गए। ^AI

Shloka 7

কলাপিনৌ ধনুষ্পাণী শোভমানৌ দিশো দশ ।
বিশ্বামিত্রং মহাত্মানং ত্রিশীর্ষাবিব পন্নগৌ ॥ 7 ॥

kalāpinau dhanuṣpāṇī śobhamānau diśo daśa |
viśvāmitraṃ mahātmānaṃ triśīrṣāviva pannagau || 7 ||

कलापी (तूणीरधारी), हाथों में धनुष लिए, दसों दिशाओं को सुशोभित करते हुए, महात्मा विश्वामित्र के पीछे-पीछे तीन सिर वाले सर्पों के समान चले। ^AI

Shloka 8

অনুজগ্মতুরক্ষুদ্রৌ পিতামহমিবাশ্বিনৌ ।
তদা কুশিকপুত্রং তু ধনুষ্পাণী স্বলঙ্কৃতৌ ॥ 8 ॥

anujagmaturakṣudrau pitāmahamivāśvinau |
tadā kuśikaputraṃ tu dhanuṣpāṇī svalaṅkṛtau || 8 ||

वे दोनों अक्षुद्र (महान) वीर, जैसे अश्विनीकुमार पितामह (ब्रह्मा) के पीछे-पीछे जाते हैं, वैसे ही सुसज्जित होकर हाथों में धनुष लिए कुशिकपुत्र (विश्वामित्र) के पीछे-पीछे गए। ^AI

Shloka 9

বদ্ধগোধাঙ্গুলিত্রাণৌ খড্গবন্তৌ মহাদ্যুতী ।
কুমারৌ চারুবপুষৌ ভ্রাতরৌ রামলক্ষ্মণৌ ॥ 9 ॥

baddhagodhāṅgulitrāṇau khaḍgavantau mahādyutī |
kumārau cāruvapuṣau bhrātarau rāmalakṣmaṇau || 9 ||

हाथों में गोधा-चर्म का अंगुलित्राण बाँधे, तलवार धारण किए, महान कांति वाले, सुंदर शरीर वाले, भाई राम और लक्ष्मण दोनों कुमार (साथ-साथ चले) ॥ 9 ॥ ^AI

Shloka 10

অনুযাতৌ শ্রিযা দীপ্তৌ শোভযেতামনিন্দিতৌ ।
স্থাণুং দেবমিবাচিন্ত্যং কুমারাবিব পাবকী ॥ 10 ॥

anuyātau śriyā dīptau śobhayetāmaninditau |
sthāṇuṃ devamivācintyaṃ kumārāviva pāvakī || 10 ||

श्री से युक्त होकर पीछे-पीछे चलते हुए वे निर्दोष कुमार शोभा बढ़ा रहे थे, जैसे अचिन्त्य देव स्थाणु (शिव) के साथ कुमार (कार्तिकेय) अथवा अग्नि के साथ कुमार शोभा देते हैं ॥ 10 ॥ ^AI

Shloka 11

অধ্যর্ধযোজনং গত্বা সরয্বা দক্ষিণে তটে ।
রামেতি মধুরাং বাণীং বিশ্বামিত্রোঽভ্যভাষত ॥ 11 ॥

adhyardhayojanaṃ gatvā sarayvā dakṣiṇe taṭe |
rāmeti madhurāṃ vāṇīṃ viśvāmitro'bhyabhāṣata || 11 ||

सवा योजन चलकर सरयू नदी के दक्षिणी तट पर विश्वामित्र ने 'हे राम' कहकर मधुर वाणी से कहा ॥ 11 ॥ ^AI

Shloka 12

গৃহাণ বত্স সলিলং মা ভূত্কালস্য পর্যযঃ ।
মন্ত্রগ্রামং গৃহাণ ত্বং বলামতিবলাং তথা ॥ 12 ॥

gṛhāṇa vatsa salilaṃ mā bhūtkālasya paryayaḥ |
mantragrāmaṃ gṛhāṇa tvaṃ balāmatibalāṃ tathā || 12 ||

हे वत्स, जल ग्रहण करो, काल का व्यतिक्रम (विलंब) न हो। तुम बला और अतिबला नामक मंत्र-समूह को ग्रहण करो ॥ 12 ॥ ^AI

Shloka 13

ন শ্রমো ন জ্বরো বা তে ন রূপস্য বিপর্যযঃ ।
ন চ সুপ্তং প্রমত্তং বা ধর্ষযিষ্যন্তি নৈরৃতাঃ ॥ 13 ॥

na śramo na jvaro vā te na rūpasya viparyayaḥ |
na ca suptaṃ pramattaṃ vā dharṣayiṣyanti nairṛtāḥ || 13 ||

तुम्हें न श्रम होगा, न ज्वर होगा, न रूप का विकार होगा, और सोए हुए या प्रमाद में पड़े हुए तुम्हें राक्षस (नैरृत) नहीं सताएँगे ॥ 13 ॥ ^AI

Shloka 14

ন বাহ্বোস্সদৃশো বীর্যে পৃথিব্যামস্তি কশ্চন ।
ত্রিষু লোকেষু বৈ রাম ন ভবেত্সদৃশস্তব ॥ 14 ॥

na bāhvossadṛśo vīrye pṛthivyāmasti kaścana |
triṣu lokeṣu vai rāma na bhavetsadṛśastava || 14 ||

हे वीर, पृथ्वी पर बल में तुम्हारे भुजाओं के समान कोई नहीं है। हे राम, तीनों लोकों में भी तुम्हारे समान कोई नहीं हो सकता ॥ 14 ॥ ^AI

Shloka 15

ন সৌভাগ্যে ন দাক্ষিণ্যে ন জ্ঞানে বুদ্ধিনিশ্চযে ।
নোত্তরে প্রতিবক্তব্যে সমো লোকে তবাঽনঘ ॥ 15 ॥

na saubhāgye na dākṣiṇye na jñāne buddhiniścaye |
nottare prativaktavye samo loke tavā'nagha || 15 ||

हे निर्दोष, सौभाग्य में, दाक्षिण्य (उदारता) में, ज्ञान में, बुद्धि के निश्चय में, और उत्तर देने में (प्रतिवक्तव्य में) संसार में तुम्हारे समान कोई नहीं है ॥ 15 ॥ ^AI

Shloka 16

এতদ্বিদ্যাদ্বযে লব্ধে ভবিতা নাস্তি তে সমঃ ।
বলাত্বতিবলা চৈব সর্বজ্ঞানস্য মাতরৌ ॥ 16 ॥

etadvidyādvaye labdhe bhavitā nāsti te samaḥ |
balātvatibalā caiva sarvajñānasya mātarau || 16 ||

ये दोनों विद्याएँ प्राप्त हो जाने पर तुम्हारे समान कोई नहीं होगा। बला और अतिबला ये दोनों समस्त ज्ञान की माताएँ हैं ॥ 16 ॥ ^AI

Shloka 17

ক্ষুত্পিপাসে ন তে রাম ভবিষ্যেতে নরোত্তম ।
বলামতিবলাং চৈব পঠতঃ পথি রাঘব ॥ 17 ॥

kṣutpipāse na te rāma bhaviṣyete narottama |
balāmatibalāṃ caiva paṭhataḥ pathi rāghava || 17 ||

हे नरोत्तम राम! तुम्हें भूख और प्यास नहीं होंगी। हे राघव! मार्ग में बला और अतिबला विद्याओं का पाठ करते हुए तुम्हें ये नहीं सताएँगी। ^AI

Shloka 18

বিদ্যাদ্বযমধীযানে যশশ্চাপ্যতুলং ত্বযি ।
পিতামহসুতে হ্যেতে বিদ্যে তেজস্সমন্বিতে ॥ 18 ॥

vidyādvayamadhīyāne yaśaścāpyatulaṃ tvayi |
pitāmahasute hyete vidye tejassamanvite || 18 ||

इन दोनों विद्याओं का अध्ययन करते हुए तुम्हें अतुलनीय यश भी प्राप्त होगा। ये दोनों विद्याएँ पितामह ब्रह्मा की पुत्रियाँ हैं और तेज से युक्त हैं। ^AI

Shloka 19

প্রদাতুং তব কাকুত্স্থ সদৃশস্ত্বং হি ধার্মিক ।
কামং বহুগুণাস্সর্বে ত্বয্যেতে নাত্র সংশযঃ ।
তপসা সম্ভৃতে চৈতে বহুরূপে ভবিষ্যতঃ ॥ 19 ॥

pradātuṃ tava kākutstha sadṛśastvaṃ hi dhārmika |
kāmaṃ bahuguṇāssarve tvayyete nātra saṃśayaḥ |
tapasā sambhṛte caite bahurūpe bhaviṣyataḥ || 19 ||

हे काकुत्स्थ! हे धार्मिक! तुम इन्हें देने के योग्य हो। ये सभी बहुत गुणों वाली हैं और तुममें इनका निवास निःसंदेह होगा। तप से संचित ये विद्याएँ बहुरूपा हो जाएँगी। ^AI

Shloka 20

ততো রামো জলং স্পৃষ্ট্বা প্রহৃষ্টবদনশ্শুচিঃ ।
প্রতিজগ্রাহ তে বিদ্যে মহর্ষের্ভাবিতাত্মনঃ ॥ 20 ॥

tato rāmo jalaṃ spṛṣṭvā prahṛṣṭavadanaśśuciḥ |
pratijagrāha te vidye maharṣerbhāvitātmanaḥ || 20 ||

तब राम ने जल का स्पर्श किया और प्रसन्न मुख तथा पवित्र होकर उन भावितात्मा महर्षि से उन विद्याओं को ग्रहण किया। ^AI

Shloka 21

বিদ্যাসমুদিতো রামশ্শুশুভে ভূরিবিক্রমঃ ।
সহস্ররশ্মির্ভগবান্ শরদীব দিবাকরঃ ॥ 21 ॥

vidyāsamudito rāmaśśuśubhe bhūrivikramaḥ |
sahasraraśmirbhagavān śaradīva divākaraḥ || 21 ||

विद्याओं से युक्त और महापराक्रमी राम उस समय शरद ऋतु में सहस्र किरणों वाले भगवान सूर्य के समान शोभा पाने लगे। ^AI

Shloka 22

গুরুকার্যাণি সর্বাণি নিযুজ্য কুশিকাত্মজে ।
ঊষুস্তাং রজনীং তত্র সরয্বাং সুসুখং ত্রযঃ ॥ 22 ॥

gurukāryāṇi sarvāṇi niyujya kuśikātmaje |
ūṣustāṃ rajanīṃ tatra sarayvāṃ susukhaṃ trayaḥ || 22 ||

कुशिक के पुत्र विश्वामित्र के सभी गुरु-कार्यों को पूर्ण करके वे तीनों वहाँ सरयू के तट पर उस रात को बड़े सुख से रहे। ^AI

Shloka 23

দশরথনৃপসূনুসত্তমাভ্যাং তৃণশযনেঽনুচিতে সহোষিতাভ্যাম্ ।
কুশিকসুতবচোঽনুলালিতাভ্যাং সুখমিব সা বিবভৌ বিভাবরী চ ॥ 23 ॥

daśarathanṛpasūnusattamābhyāṃ tṛṇaśayane'nucite sahoṣitābhyām |
kuśikasutavaco'nulālitābhyāṃ sukhamiva sā vibabhau vibhāvarī ca || 23 ||

राजा दशरथ के श्रेष्ठ पुत्रों के साथ, जो अनुपयुक्त तृण-शय्या पर सोए थे, कुशिक-पुत्र विश्वामित्र के वचनों से लाड़-प्यार पाते हुए, वह रात सुखमय प्रतीत हुई। ^AI

ইত্যার্ষে শ্রীমদ্রামাযণে বাল্মীকীয আদিকাব্যে বালকাণ্ডে দ্বাবিংশস্সর্গঃ ॥

Sanskrit — Devanagari (original)

श्रीमद्वाल्मीकीय रामायणे बालकाण्डम् ।

अथ द्वाविंशस्सर्गः ।

तथा वसिष्ठे ब्रुवति राजा दशरथस्सुतम प्रहृष्टवदनो राममाजुहाव सलक्ष्मणम् ॥ 1 ॥

कृतस्वस्त्ययनं मात्रा पित्रा दशरथेन च ।

पुरोधसा वसिष्ठेन मङ्गलैरभिमन्त्रितम् ॥ 2 ॥

स पुत्रं मूर्ध्न्युपाघ्राय राजा दशरथः प्रियम् ।

ददौ कुशिकपुत्राय सुप्रीतेनान्तरात्मना ॥ 3 ॥

ततो वायुस्सुखस्पर्शो नीरजस्को ववौ तदा ।

विश्वामित्रगतं दृष्ट्वा रामं राजीवलोचनम् ॥ 4 ॥

पुष्पवृष्टिर्महत्यासीद्देवदुन्दुभिनिस्वनैः ।

शङ्खदुन्दुभिनिर्घोषः प्रयाते तु महात्मनि ॥ 5 ॥

विश्वामित्रो ययावग्रे ततो रामो धनुर्धरः ।

काकपक्षधरो धन्वी तं च सौमित्रिरन्वगात् ॥ 6 ॥

कलापिनौ धनुष्पाणी शोभमानौ दिशो दश ।

विश्वामित्रं महात्मानं त्रिशीर्षाविव पन्नगौ ॥ 7 ॥

अनुजग्मतुरक्षुद्रौ पितामहमिवाश्विनौ ।

तदा कुशिकपुत्रं तु धनुष्पाणी स्वलङ्कृतौ ॥ 8 ॥

बद्धगोधाङ्गुलित्राणौ खड्गवन्तौ महाद्युती ।

कुमारौ चारुवपुषौ भ्रातरौ रामलक्ष्मणौ ॥ 9 ॥

अनुयातौ श्रिया दीप्तौ शोभयेतामनिन्दितौ ।

स्थाणुं देवमिवाचिन्त्यं कुमाराविव पावकी ॥ 10 ॥

अध्यर्धयोजनं गत्वा सरय्वा दक्षिणे तटे ।

रामेति मधुरां वाणीं विश्वामित्रोऽभ्यभाषत ॥ 11 ॥

गृहाण वत्स सलिलं मा भूत्कालस्य पर्ययः ।

मन्त्रग्रामं गृहाण त्वं बलामतिबलां तथा ॥ 12 ॥

न श्रमो न ज्वरो वा ते न रूपस्य विपर्ययः ।

न च सुप्तं प्रमत्तं वा धर्षयिष्यन्ति नैरृताः ॥ 13 ॥

न बाह्वोस्सदृशो वीर्ये पृथिव्यामस्ति कश्चन ।

त्रिषु लोकेषु वै राम न भवेत्सदृशस्तव ॥ 14 ॥

न सौभाग्ये न दाक्षिण्ये न ज्ञाने बुद्धिनिश्चये ।

नोत्तरे प्रतिवक्तव्ये समो लोके तवाऽनघ ॥ 15 ॥

एतद्विद्याद्वये लब्धे भविता नास्ति ते समः ।

बलात्वतिबला चैव सर्वज्ञानस्य मातरौ ॥ 16 ॥

क्षुत्पिपासे न ते राम भविष्येते नरोत्तम ।

बलामतिबलां चैव पठतः पथि राघव ॥ 17 ॥

विद्याद्वयमधीयाने यशश्चाप्यतुलं त्वयि ।

पितामहसुते ह्येते विद्ये तेजस्समन्विते ॥ 18 ॥

प्रदातुं तव काकुत्स्थ सदृशस्त्वं हि धार्मिक ।

कामं बहुगुणास्सर्वे त्वय्येते नात्र संशयः ।

तपसा सम्भृते चैते बहुरूपे भविष्यतः ॥ 19 ॥

ततो रामो जलं स्पृष्ट्वा प्रहृष्टवदनश्शुचिः ।

प्रतिजग्राह ते विद्ये महर्षेर्भावितात्मनः ॥ 20 ॥

विद्यासमुदितो रामश्शुशुभे भूरिविक्रमः ।

सहस्ररश्मिर्भगवान् शरदीव दिवाकरः ॥ 21 ॥

गुरुकार्याणि सर्वाणि नियुज्य कुशिकात्मजे ।

ऊषुस्तां रजनीं तत्र सरय्वां सुसुखं त्रयः ॥ 22 ॥

दशरथनृपसूनुसत्तमाभ्यां तृणशयनेऽनुचिते सहोषिताभ्याम् ।

कुशिकसुतवचोऽनुलालिताभ्यां सुखमिव सा विबभौ विभावरी च ॥ 23 ॥

इत्यार्षे श्रीमद्रामायणे वाल्मीकीय आदिकाव्ये बालकाण्डे द्वाविंशस्सर्गः ॥

🕉️ This is the original Sanskrit rendered in Bengali script. Pronunciation is identical to the Sanskrit Devanagari version. It is a transliteration, not a translation — see “Meaning” for translations where available.

1.22 বালকাণ্ড - দ্বাবিংশ সর্গঃ