ଶ୍ରୀମଦ୍ଵାଲ୍ମୀକୀଯ ରାମାଯଣେ ବାଲକାଣ୍ଡମ୍ ।
ଅଥ ସପ୍ତଵିଂଶସ୍ସର୍ଗଃ ।
ଅଥ ତାଂ ରଜନୀମୁଷ୍ଯ ଵିଶ୍ଵାମିତ୍ରୋ ମହାଯଶାଃ ।
ପ୍ରହସ୍ଯ ରାଘଵଂ ଵାକ୍ଯମୁଵାଚ ମଧୁରାକ୍ଷରମ୍ ॥ 1 ॥
ପରିତୁଷ୍ଟୋଽସ୍ମି ଭଦ୍ରଂ ତେ ରାଜପୁତ୍ର ମହାଯଶଃ ।
ପ୍ରୀତ୍ଯା ପରମଯା ଯୁକ୍ତୋ ଦଦାମ୍ଯସ୍ତ୍ରାଣି ସର୍ଵଶଃ ॥ 2 ॥
ଦେଵାସୁରଗଣାନ୍ଵାପି ସଗନ୍ଧର୍ଵୋରଗାନପି ।
ଯୈରମିତ୍ରାନ୍ ପ୍ରସହ୍ଯାଜୌ ଵଶୀକୃତ୍ଯ ଜଯିଷ୍ଯସି ॥ 3 ॥
ତାନି ଦିଵ୍ଯାନି ଭଦ୍ରଂ ତେ ଦଦାମ୍ଯସ୍ତ୍ରାଣି ସର୍ଵଶଃ ।
ଦଣ୍ଡଚକ୍ରଂ ମହଦ୍ଦିଵ୍ଯଂ ତଵ ଦାସ୍ଯାମି ରାଘଵ ॥ 4 ॥
ଧର୍ମଚକ୍ରଂ ତତୋ ଵୀର କାଲଚକ୍ରଂ ତଥୈଵ ଚ ।
ଵିଷ୍ଣୁଚକ୍ରଂ ତଥାତ୍ଯୁଗ୍ରମୈନ୍ଦ୍ରମସ୍ତ୍ରଂ ତଥୈଵ ଚ ॥ 5 ॥
ଵଜ୍ରମସ୍ତ୍ରଂ ନରଶ୍ରେଷ୍ଠ ଶୈଵଂ ଶୂଲଵରଂ ତଥା ।
ଅସ୍ତ୍ରଂ ବ୍ରହ୍ମଶିରଶ୍ଚୈଵ ଐଷୀକମପି ରାଘଵ ॥ 6 ॥
ଦଦାମି ତେ ମହାବାହୋ ବ୍ରାହ୍ମମସ୍ତ୍ରମନୁତ୍ତମମ୍ ।
ଗଦେ ଦ୍ଵେ ଚୈଵ କାକୁତ୍ସ୍ଥ ମୋଦକୀ ଶିଖରୀ ଉଭେ ॥ 7 ॥
ପ୍ରଦୀପ୍ତେ ନରଶାର୍ଦୂଲ ପ୍ରଯଚ୍ଛାମି ନୃପାତ୍ମଜ ।
ଧର୍ମପାଶମହଂ ରାମ କାଲପାଶଂ ତଥୈଵ ଚ ॥ 8 ॥
ପାଶଂ ଵାରୁଣମସ୍ତ୍ରଂ ଚ ଦଦାମ୍ଯହମନୁତ୍ତମମ୍ ।
ଅଶନୀ ଦ୍ଵେ ପ୍ରଯଚ୍ଛାମି ଶୁଷ୍କାର୍ଦ୍ରେ ରଘୁନନ୍ଦନ ॥ 9 ॥
ଦଦାମି ଚାସ୍ତ୍ରଂ ପୈନାକମସ୍ତ୍ରଂ ନାରାଯଣଂ ତଥା ।
ଆଗ୍ନେଯମସ୍ତ୍ରଂ ଦଯିତଂ ଶିଖରଂ ନାମ ନାମତଃ ॥ 10 ॥
ଵାଯଵ୍ଯଂ ପ୍ରଥନଂ ନାମ ଦଦାମି ଚ ତଵାନଘ ।
ଅସ୍ତ୍ରଂ ହଯଶିରୋ ନାମ କ୍ରୌଞ୍ଚମସ୍ତ୍ରଂ ତଥୈଵ ଚ ।
ଶକ୍ତିଦ୍ଵଯଂ ଚ କାକୁତ୍ସ୍ଥ ଦଦାମି ତଵ ରାଘଵ ॥ 11 ॥
କଙ୍କାଲଂ ମୁସଲଂ ଘୋରଂ କାପାଲମଥ କଙ୍କଣମ୍ ।
ଧାରଯନ୍ତ୍ଯସୁରା ଯାନି ଦଦାମ୍ଯେତାନି ସର୍ଵଶଃ ॥ 12 ॥
ଵୈଦ୍ଯାଧରଂ ମହାସ୍ତ୍ରଂ ଚ ନନ୍ଦନଂ ନାମ ନାମତଃ ।
ଅସିରତ୍ନଂ ମହାବାହୋ ଦଦାମି ଚ ନୃପାତ୍ମଜ ॥ 13 ॥
ଗାନ୍ଧର୍ଵମସ୍ତ୍ରଂ ଦଯିତଂ ମାନଵଂ ନାମ ନାମତଃ ।
ପ୍ରସ୍ଵାପନପ୍ରଶମନେ ଦଦ୍ମି ସୌରଂ ଚ ରାଘଵ ॥ 14 ॥
ଦର୍ପଣଂ ଶୋଷଣଂ ଚୈଵ ସନ୍ତାପନଵିଲାପନେ ।
ମଦନଂ ଚୈଵ ଦୁର୍ଧର୍ଷଂ କନ୍ଦର୍ପଦଯିତଂ ତଥା ॥ 15 ॥
ପୈଶାଚମସ୍ତ୍ରଂ ଦଯିତଂ ମୋହନଂ ନାମ ନାମତଃ ।
ପ୍ରତୀଚ୍ଛ ନରଶାର୍ଦୂଲ ରାଜପୁତ୍ର ମହାଯଶଃ ॥ 16 ॥
ତାମସଂ ନରଶାର୍ଦୂଲ ସୌମନଂ ଚ ମହାବଲ ।
ସଂଵର୍ଧଂ ଚୈଵ ଦୁର୍ଧର୍ଷଂ ମୌସଲଂ ଚ ନୃପାତ୍ମଜ ॥ 17 ॥
ସତ୍ଯମସ୍ତ୍ରଂ ମହାବାହୋ ତଥା ମାଯାଧରଂ ପରମ୍ ।
ଘୋରଂ ତେଜଃ ପ୍ରଭଂ ନାମ ପରତେଜୋଽପକର୍ଷଣମ୍ ॥ 18 ॥
ସୌମ୍ଯାସ୍ତ୍ରଂ ଶିଶିରଂ ନାମ ତ୍ଵଷ୍ଟୁରସ୍ତ୍ରଂ ସୁଦାମନମ୍ ।
ଦାରୁଣଂ ଚ ଭଗସ୍ଯାପି ଶିତେଷୁ ମଥ ମାନଵମ୍ ॥ 19 ॥
ଏତାନ୍ ରାମ ମହାବାହୋ କାମରୂପାନ୍ ମହାବଲାନ୍ ।
ଗୃହାଣ ପରମୋଦାରାନ୍ କ୍ଷିପ୍ରମେଵ ନୃପାତ୍ମଜ ॥ 20 ॥
ସ୍ଥିତସ୍ତୁ ପ୍ରାଙ୍ମୁଖୋ ଭୂତ୍ଵା ଶୁଚିର୍ମୁନିଵରସ୍ତଦା ।
ଦଦୌ ରାମାଯ ସୁପ୍ରୀତୋ ମନ୍ତ୍ରଗ୍ରାମମନୁତ୍ତମମ୍ ॥ 21 ॥
ସର୍ଵସଙ୍ଗ୍ରହଣଂ ଯେଷାଂ ଦୈଵତୈରପି ଦୁର୍ଲଭମ୍ ।
ତାନ୍ଯସ୍ତ୍ରାଣି ତଦା ଵିପ୍ରୋ ରାଘଵାଯ ନ୍ଯଵେଦଯତ୍ ॥ 22 ॥
ଜପତସ୍ତୁ ମୁନେସ୍ତସ୍ଯ ଵିଶ୍ଵାମିତ୍ରସ୍ଯ ଧୀମତଃ ।
ଉପତସ୍ଥୁର୍ମହାର୍ହାଣି ସର୍ଵାଣ୍ଯସ୍ତ୍ରାଣି ରାଘଵମ୍ ॥ 23 ॥
ଊଚୁଶ୍ଚ ମୁଦିତାସ୍ସର୍ଵେ ରାମଂ ପ୍ରାଞ୍ଜଲଯସ୍ତଦା ।
ଇମେ ସ୍ମ ପରମୋଦାରାଃ କିଙ୍କରାସ୍ତଵ ରାଘଵ ॥ 24 ॥
ପ୍ରତିଗୃହ୍ଯ ଚ କାକୁତ୍ସ୍ଥଃ ସମାଲଭ୍ଯ ଚ ପାଣିନା ।
ମାନସା ମେ ଭଵିଷ୍ଯଧ୍ଵମିତି ତାନଭ୍ଯଚୋଦଯତ୍ ॥ 25 ॥
ତତଃ ପ୍ରୀତମନା ରାମୋ ଵିଶ୍ଵାମିତ୍ରଂ ମହାମୁନିମ୍ ।
ଅଭିଵାଦ୍ଯ ମହାତେଜା ଗମନାଯୋପଚକ୍ରମେ ॥ 26 ॥
ଇତ୍ଯାର୍ଷେ ଶ୍ରୀମଦ୍ରାମାଯଣେ ଵାଲ୍ମୀକୀଯ ଆଦିକାଵ୍ଯେ ବାଲକାଣ୍ଡେ ସପ୍ତଵିଂଶସ୍ସର୍ଗଃ ॥
Roman (IAST) Transliteration
śrīmadvālmīkīya rāmāyaṇe bālakāṇḍam |
atha saptaviṃśassargaḥ |
atha tāṃ rajanīmuṣya viśvāmitro mahāyaśāḥ |
prahasya rāghavaṃ vākyamuvāca madhurākṣaram || 1 ||
parituṣṭo'smi bhadraṃ te rājaputra mahāyaśaḥ |
prītyā paramayā yukto dadāmyastrāṇi sarvaśaḥ || 2 ||
devāsuragaṇānvāpi sagandharvoragānapi |
yairamitrān prasahyājau vaśīkṛtya jayiṣyasi || 3 ||
tāni divyāni bhadraṃ te dadāmyastrāṇi sarvaśaḥ |
daṇḍacakraṃ mahaddivyaṃ tava dāsyāmi rāghava || 4 ||
dharmacakraṃ tato vīra kālacakraṃ tathaiva ca |
viṣṇucakraṃ tathātyugramaindramastraṃ tathaiva ca || 5 ||
vajramastraṃ naraśreṣṭha śaivaṃ śūlavaraṃ tathā |
astraṃ brahmaśiraścaiva aiṣīkamapi rāghava || 6 ||
dadāmi te mahābāho brāhmamastramanuttamam |
gade dve caiva kākutstha modakī śikharī ubhe || 7 ||
pradīpte naraśārdūla prayacchāmi nṛpātmaja |
dharmapāśamahaṃ rāma kālapāśaṃ tathaiva ca || 8 ||
pāśaṃ vāruṇamastraṃ ca dadāmyahamanuttamam |
aśanī dve prayacchāmi śuṣkārdre raghunandana || 9 ||
dadāmi cāstraṃ painākamastraṃ nārāyaṇaṃ tathā |
āgneyamastraṃ dayitaṃ śikharaṃ nāma nāmataḥ || 10 ||
vāyavyaṃ prathanaṃ nāma dadāmi ca tavānagha |
astraṃ hayaśiro nāma krauñcamastraṃ tathaiva ca |
śaktidvayaṃ ca kākutstha dadāmi tava rāghava || 11 ||
kaṅkālaṃ musalaṃ ghoraṃ kāpālamatha kaṅkaṇam |
dhārayantyasurā yāni dadāmyetāni sarvaśaḥ || 12 ||
vaidyādharaṃ mahāstraṃ ca nandanaṃ nāma nāmataḥ |
asiratnaṃ mahābāho dadāmi ca nṛpātmaja || 13 ||
gāndharvamastraṃ dayitaṃ mānavaṃ nāma nāmataḥ |
prasvāpanapraśamane dadmi sauraṃ ca rāghava || 14 ||
darpaṇaṃ śoṣaṇaṃ caiva santāpanavilāpane |
madanaṃ caiva durdharṣaṃ kandarpadayitaṃ tathā || 15 ||
paiśācamastraṃ dayitaṃ mohanaṃ nāma nāmataḥ |
pratīccha naraśārdūla rājaputra mahāyaśaḥ || 16 ||
tāmasaṃ naraśārdūla saumanaṃ ca mahābala |
saṃvardhaṃ caiva durdharṣaṃ mausalaṃ ca nṛpātmaja || 17 ||
satyamastraṃ mahābāho tathā māyādharaṃ param |
ghoraṃ tejaḥ prabhaṃ nāma paratejo'pakarṣaṇam || 18 ||
saumyāstraṃ śiśiraṃ nāma tvaṣṭurastraṃ sudāmanam |
dāruṇaṃ ca bhagasyāpi śiteṣu matha mānavam || 19 ||
etān rāma mahābāho kāmarūpān mahābalān |
gṛhāṇa paramodārān kṣiprameva nṛpātmaja || 20 ||
sthitastu prāṅmukho bhūtvā śucirmunivarastadā |
dadau rāmāya suprīto mantragrāmamanuttamam || 21 ||
sarvasaṅgrahaṇaṃ yeṣāṃ daivatairapi durlabham |
tānyastrāṇi tadā vipro rāghavāya nyavedayat || 22 ||
japatastu munestasya viśvāmitrasya dhīmataḥ |
upatasthurmahārhāṇi sarvāṇyastrāṇi rāghavam || 23 ||
ūcuśca muditāssarve rāmaṃ prāñjalayastadā |
ime sma paramodārāḥ kiṅkarāstava rāghava || 24 ||
pratigṛhya ca kākutsthaḥ samālabhya ca pāṇinā |
mānasā me bhaviṣyadhvamiti tānabhyacodayat || 25 ||
tataḥ prītamanā rāmo viśvāmitraṃ mahāmunim |
abhivādya mahātejā gamanāyopacakrame || 26 ||
ityārṣe śrīmadrāmāyaṇe vālmīkīya ādikāvye bālakāṇḍe saptaviṃśassargaḥ ||
Sanskrit — Devanagari (original)
श्रीमद्वाल्मीकीय रामायणे बालकाण्डम् ।
अथ सप्तविंशस्सर्गः ।
अथ तां रजनीमुष्य विश्वामित्रो महायशाः ।
प्रहस्य राघवं वाक्यमुवाच मधुराक्षरम् ॥ 1 ॥
परितुष्टोऽस्मि भद्रं ते राजपुत्र महायशः ।
प्रीत्या परमया युक्तो ददाम्यस्त्राणि सर्वशः ॥ 2 ॥
देवासुरगणान्वापि सगन्धर्वोरगानपि ।
यैरमित्रान् प्रसह्याजौ वशीकृत्य जयिष्यसि ॥ 3 ॥
तानि दिव्यानि भद्रं ते ददाम्यस्त्राणि सर्वशः ।
दण्डचक्रं महद्दिव्यं तव दास्यामि राघव ॥ 4 ॥
धर्मचक्रं ततो वीर कालचक्रं तथैव च ।
विष्णुचक्रं तथात्युग्रमैन्द्रमस्त्रं तथैव च ॥ 5 ॥
वज्रमस्त्रं नरश्रेष्ठ शैवं शूलवरं तथा ।
अस्त्रं ब्रह्मशिरश्चैव ऐषीकमपि राघव ॥ 6 ॥
ददामि ते महाबाहो ब्राह्ममस्त्रमनुत्तमम् ।
गदे द्वे चैव काकुत्स्थ मोदकी शिखरी उभे ॥ 7 ॥
प्रदीप्ते नरशार्दूल प्रयच्छामि नृपात्मज ।
धर्मपाशमहं राम कालपाशं तथैव च ॥ 8 ॥
पाशं वारुणमस्त्रं च ददाम्यहमनुत्तमम् ।
अशनी द्वे प्रयच्छामि शुष्कार्द्रे रघुनन्दन ॥ 9 ॥
ददामि चास्त्रं पैनाकमस्त्रं नारायणं तथा ।
आग्नेयमस्त्रं दयितं शिखरं नाम नामतः ॥ 10 ॥
वायव्यं प्रथनं नाम ददामि च तवानघ ।
अस्त्रं हयशिरो नाम क्रौञ्चमस्त्रं तथैव च ।
शक्तिद्वयं च काकुत्स्थ ददामि तव राघव ॥ 11 ॥
कङ्कालं मुसलं घोरं कापालमथ कङ्कणम् ।
धारयन्त्यसुरा यानि ददाम्येतानि सर्वशः ॥ 12 ॥
वैद्याधरं महास्त्रं च नन्दनं नाम नामतः ।
असिरत्नं महाबाहो ददामि च नृपात्मज ॥ 13 ॥
गान्धर्वमस्त्रं दयितं मानवं नाम नामतः ।
प्रस्वापनप्रशमने दद्मि सौरं च राघव ॥ 14 ॥
दर्पणं शोषणं चैव सन्तापनविलापने ।
मदनं चैव दुर्धर्षं कन्दर्पदयितं तथा ॥ 15 ॥
पैशाचमस्त्रं दयितं मोहनं नाम नामतः ।
प्रतीच्छ नरशार्दूल राजपुत्र महायशः ॥ 16 ॥
तामसं नरशार्दूल सौमनं च महाबल ।
संवर्धं चैव दुर्धर्षं मौसलं च नृपात्मज ॥ 17 ॥
सत्यमस्त्रं महाबाहो तथा मायाधरं परम् ।
घोरं तेजः प्रभं नाम परतेजोऽपकर्षणम् ॥ 18 ॥
सौम्यास्त्रं शिशिरं नाम त्वष्टुरस्त्रं सुदामनम् ।
दारुणं च भगस्यापि शितेषु मथ मानवम् ॥ 19 ॥
एतान् राम महाबाहो कामरूपान् महाबलान् ।
गृहाण परमोदारान् क्षिप्रमेव नृपात्मज ॥ 20 ॥
स्थितस्तु प्राङ्मुखो भूत्वा शुचिर्मुनिवरस्तदा ।
ददौ रामाय सुप्रीतो मन्त्रग्राममनुत्तमम् ॥ 21 ॥
सर्वसङ्ग्रहणं येषां दैवतैरपि दुर्लभम् ।
तान्यस्त्राणि तदा विप्रो राघवाय न्यवेदयत् ॥ 22 ॥
जपतस्तु मुनेस्तस्य विश्वामित्रस्य धीमतः ।
उपतस्थुर्महार्हाणि सर्वाण्यस्त्राणि राघवम् ॥ 23 ॥
ऊचुश्च मुदितास्सर्वे रामं प्राञ्जलयस्तदा ।
इमे स्म परमोदाराः किङ्करास्तव राघव ॥ 24 ॥
प्रतिगृह्य च काकुत्स्थः समालभ्य च पाणिना ।
मानसा मे भविष्यध्वमिति तानभ्यचोदयत् ॥ 25 ॥
ततः प्रीतमना रामो विश्वामित्रं महामुनिम् ।
अभिवाद्य महातेजा गमनायोपचक्रमे ॥ 26 ॥
इत्यार्षे श्रीमद्रामायणे वाल्मीकीय आदिकाव्ये बालकाण्डे सप्तविंशस्सर्गः ॥
śrīmadvālmīkīya rāmāyaṇe bālakāṇḍam |
atha saptaviṃśassargaḥ |
atha tāṃ rajanīmuṣya viśvāmitro mahāyaśāḥ |
prahasya rāghavaṃ vākyamuvāca madhurākṣaram || 1 ||
parituṣṭo'smi bhadraṃ te rājaputra mahāyaśaḥ |
prītyā paramayā yukto dadāmyastrāṇi sarvaśaḥ || 2 ||
devāsuragaṇānvāpi sagandharvoragānapi |
yairamitrān prasahyājau vaśīkṛtya jayiṣyasi || 3 ||
tāni divyāni bhadraṃ te dadāmyastrāṇi sarvaśaḥ |
daṇḍacakraṃ mahaddivyaṃ tava dāsyāmi rāghava || 4 ||
dharmacakraṃ tato vīra kālacakraṃ tathaiva ca |
viṣṇucakraṃ tathātyugramaindramastraṃ tathaiva ca || 5 ||
vajramastraṃ naraśreṣṭha śaivaṃ śūlavaraṃ tathā |
astraṃ brahmaśiraścaiva aiṣīkamapi rāghava || 6 ||
dadāmi te mahābāho brāhmamastramanuttamam |
gade dve caiva kākutstha modakī śikharī ubhe || 7 ||
pradīpte naraśārdūla prayacchāmi nṛpātmaja |
dharmapāśamahaṃ rāma kālapāśaṃ tathaiva ca || 8 ||
pāśaṃ vāruṇamastraṃ ca dadāmyahamanuttamam |
aśanī dve prayacchāmi śuṣkārdre raghunandana || 9 ||
dadāmi cāstraṃ painākamastraṃ nārāyaṇaṃ tathā |
āgneyamastraṃ dayitaṃ śikharaṃ nāma nāmataḥ || 10 ||
vāyavyaṃ prathanaṃ nāma dadāmi ca tavānagha |
astraṃ hayaśiro nāma krauñcamastraṃ tathaiva ca |
śaktidvayaṃ ca kākutstha dadāmi tava rāghava || 11 ||
kaṅkālaṃ musalaṃ ghoraṃ kāpālamatha kaṅkaṇam |
dhārayantyasurā yāni dadāmyetāni sarvaśaḥ || 12 ||
vaidyādharaṃ mahāstraṃ ca nandanaṃ nāma nāmataḥ |
asiratnaṃ mahābāho dadāmi ca nṛpātmaja || 13 ||
gāndharvamastraṃ dayitaṃ mānavaṃ nāma nāmataḥ |
prasvāpanapraśamane dadmi sauraṃ ca rāghava || 14 ||
darpaṇaṃ śoṣaṇaṃ caiva santāpanavilāpane |
madanaṃ caiva durdharṣaṃ kandarpadayitaṃ tathā || 15 ||
paiśācamastraṃ dayitaṃ mohanaṃ nāma nāmataḥ |
pratīccha naraśārdūla rājaputra mahāyaśaḥ || 16 ||
tāmasaṃ naraśārdūla saumanaṃ ca mahābala |
saṃvardhaṃ caiva durdharṣaṃ mausalaṃ ca nṛpātmaja || 17 ||
satyamastraṃ mahābāho tathā māyādharaṃ param |
ghoraṃ tejaḥ prabhaṃ nāma paratejo'pakarṣaṇam || 18 ||
saumyāstraṃ śiśiraṃ nāma tvaṣṭurastraṃ sudāmanam |
dāruṇaṃ ca bhagasyāpi śiteṣu matha mānavam || 19 ||
etān rāma mahābāho kāmarūpān mahābalān |
gṛhāṇa paramodārān kṣiprameva nṛpātmaja || 20 ||
sthitastu prāṅmukho bhūtvā śucirmunivarastadā |
dadau rāmāya suprīto mantragrāmamanuttamam || 21 ||
sarvasaṅgrahaṇaṃ yeṣāṃ daivatairapi durlabham |
tānyastrāṇi tadā vipro rāghavāya nyavedayat || 22 ||
japatastu munestasya viśvāmitrasya dhīmataḥ |
upatasthurmahārhāṇi sarvāṇyastrāṇi rāghavam || 23 ||
ūcuśca muditāssarve rāmaṃ prāñjalayastadā |
ime sma paramodārāḥ kiṅkarāstava rāghava || 24 ||
pratigṛhya ca kākutsthaḥ samālabhya ca pāṇinā |
mānasā me bhaviṣyadhvamiti tānabhyacodayat || 25 ||
tataḥ prītamanā rāmo viśvāmitraṃ mahāmunim |
abhivādya mahātejā gamanāyopacakrame || 26 ||
ityārṣe śrīmadrāmāyaṇe vālmīkīya ādikāvye bālakāṇḍe saptaviṃśassargaḥ ||
🕉️ This is the original Sanskrit rendered in Oriya script.
Pronunciation is identical to the Sanskrit Devanagari version.