Valmiki Ramayana Ayodhya Kanda Sarga 105 — Kannada Script

⚠️ AI-generated translation — the Bengali meaning was produced by AI and automatically cross-checked against the Sanskrit, but it may still contain errors. It has not yet been reviewed by a scholar. Please refer to a traditional commentary for study.

Summary — Bengali

বাল্মীকি রামায়ণের অযোধ্যাকাণ্ডের ১০৫তম সর্গে ভরত রামকে রাজ্য ফিরিয়ে দিতে অনুরোধ করেন এবং নিজের অক্ষমতার কথা বলেন। রাম তাঁকে সান্ত্বনা দিয়ে বলেন যে কোনো প্রাণীই স্বাধীন নয়, কাল সবাইকে টেনে নিয়ে যায়, এবং সকল সংযোগের অন্তে বিয়োগ ও জন্মের অন্তে মৃত্যু অবশ্যম্ভাবী। তিনি বলেন যে পিতা দশরথ ধর্মপূর্বক যজ্ঞ সম্পন্ন করে স্বর্গলাভ করেছেন, তাই তাঁর জন্য শোক করা উচিত নয়। রাম ভরতকে শোক ত্যাগ করে নগরীতে ফিরে গিয়ে পিতার আদেশ পালন করতে বলেন এবং নিজে বনবাসের মাধ্যমে সেই আদেশ পালন করবেন বলে জানান।

AI-generated · not yet verified

The Bengali meaning of each verse is shown below the verse.

Meaning —

ಶ್ರೀಮದ್ವಾಲ್ಮೀಕೀಯ ರಾಮಾಯಣೇ ಅಯೋಧ್ಯಾಕಾಣ್ಡಮ್ ।

ಅಥ ಪಞ್ಚಾಧಿಕಶತತಮಸ್ಸರ್ಗಃ ।

Shloka 1

ತತಃ ಪುರುಷಸಿಂಹಾನಾಂ ವೃತಾನಾಂ ತೈ ಸ್ಸುಹೃದ್ಗಣೈಃ ।
ಶೋಚತಾಮೇವ ರಜನೀ ದುಃಖೇನ ವ್ಯತ್ಯವರ್ತತ ॥ 1 ॥

tataḥ puruṣasiṃhānāṃ vṛtānāṃ tai ssuhṛdgaṇaiḥ |
śocatāmeva rajanī duḥkhena vyatyavartata || 1 ||

তারপর সেই সুহৃদগণের দ্বারা বেষ্টিত পুরুষসিংহগণ শোক করতে করতে দুঃখের সঙ্গে সেই রজনী কাটালেন। ^AI

Shloka 2

ರಜನ್ಯಾಂ ಸುಪ್ರಭಾತಾಯಾಂ ಭ್ರಾತರಸ್ತೇ ಸುಹೃದ್ವೃತಾಃ ।
ಮನ್ದಾಕಿನ್ಯಾಂ ಹುತಂ ಜಪ್ಯಂ ಕೃತ್ವಾ ರಾಮಮುಪಾಗಮನ್ ॥ 2 ॥

rajanyāṃ suprabhātāyāṃ bhrātaraste suhṛdvṛtāḥ |
mandākinyāṃ hutaṃ japyaṃ kṛtvā rāmamupāgaman || 2 ||

রজনী সুপ্রভাত হলে সুহৃদগণে বেষ্টিত সেই ভ্রাতারা মন্দাকিনী নদীতে হোম ও জপ সম্পন্ন করে রামের কাছে এলেন। ^AI

Shloka 3

ತೂಷ್ಣೀಂ ತೇ ಸಮುಪಾಸೀನಾ ನ ಕಶ್ಚಿತ್ಕಿಞ್ಚಿದಬ್ರವೀತ್ ।
ಭರತಸ್ತು ಸುಹೃನ್ಮಧ್ಯೇ ರಾಮಂ ವಚನಮಬ್ರವೀತ್ ॥ 3 ॥

tūṣṇīṃ te samupāsīnā na kaścitkiñcidabravīt |
bharatastu suhṛnmadhye rāmaṃ vacanamabravīt || 3 ||

তাঁরা নীরবে উপবিষ্ট হয়ে রইলেন, কেউ কিছুই বললেন না; কিন্তু ভরত সুহৃদগণের মধ্যে রামকে এই কথা বললেন। ^AI

Shloka 4

ಸಾನ್ತ್ವಿತಾ ಮಾಮಿಕಾ ಮಾತಾ ದತ್ತಂ ರಾಜ್ಯಮಿದಂ ಮಮ ।
ತದ್ದದಾಮಿ ತವೈವಾಹಂ ಭುಙ್ಕ್ಷ್ವ ರಾಜ್ಯಮಕಣ್ಟಕಮ್ ॥ 4 ॥

sāntvitā māmikā mātā dattaṃ rājyamidaṃ mama |
taddadāmi tavaivāhaṃ bhuṅkṣva rājyamakaṇṭakam || 4 ||

আমার মাতা সান্ত্বনা পেয়েছেন, এই রাজ্য আমাকে দেওয়া হয়েছে; আমি সেই রাজ্য তোমাকেই দান করছি, তুমি নিষ্কণ্টকভাবে এই রাজ্য ভোগ করো। ^AI

Shloka 5

ಮಹತೇವಾಮ್ಬುವೇಗೇನ ಭಿನ್ನಸ್ಸೇತುರ್ಜಲಾಗಮೇ ।
ದುರಾವಾರಂ ತ್ವದನ್ಯೇನ ರಾಜ್ಯಖಣ್ಡಮಿದಂ ಮಹತ್ ॥ 5 ॥

mahatevāmbuvegena bhinnasseturjalāgame |
durāvāraṃ tvadanyena rājyakhaṇḍamidaṃ mahat || 5 ||

জলাগমের সময় প্রবল জলস্রোতে যেমন সেতু ভেঙে যায়, তেমনি এই বিশাল রাজ্যখণ্ড তোমা ছাড়া অন্য কারও পক্ষে দুর্ধর্ষ। ^AI

Shloka 6

ಗತಿಂ ಖರ ಇವಾಶ್ವಸ್ಯ ತಾರ್ಕ್ಷ್ಯಸ್ಯೇವ ಪತತ್ರಿಣಃ ।
ಅನುಗನ್ತುಂ ನ ಶಕ್ತಿರ್ಮೇ ಗತಿಂ ತವ ಮಹೀಪತೇ ॥ 6 ॥

gatiṃ khara ivāśvasya tārkṣyasyeva patatriṇaḥ |
anugantuṃ na śaktirme gatiṃ tava mahīpate || 6 ||

হে মহারাজ, অশ্বের সম্মুখে খরের গতি এবং পক্ষীর মধ্যে গরুড়ের গতির মতো তোমার গতির অনুসরণ করার শক্তি আমার নেই। ^AI

Shloka 7

ಸುಜೀವಂ ನಿತ್ಯಶಸ್ತಸ್ಯ ಯಃ ಪರೈರುಪಜೀವ್ಯತೇ ।
ರಾಮ ತೇನ ತು ದುರ್ಜೀವಂ ಯಃ ಪರಾನುಪಜೀವತಿ ॥ 7 ॥

sujīvaṃ nityaśastasya yaḥ parairupajīvyate |
rāma tena tu durjīvaṃ yaḥ parānupajīvati || 7 ||

হে রাম, যে ব্যক্তি পরের দ্বারা উপজীবিত হয়, তার পক্ষে সর্বদা সুখে বেঁচে থাকা সহজ; কিন্তু যে পরকে উপজীবিত করে, তার পক্ষে বেঁচে থাকা দুঃসাধ্য। ^AI

Shloka 8

ಯಥಾ ತು ರೋಪಿತೋ ವೃಕ್ಷಃ ಪುರುಷೇಣ ವಿವರ್ಧಿತಃ ।
ಹ್ರಸ್ವಕೇಣ ದುರಾರೋಹೋ ರೂಢಸ್ಕನ್ಧೋ ಮಹಾದ್ರುಮಃ ॥ 8 ॥

yathā tu ropito vṛkṣaḥ puruṣeṇa vivardhitaḥ |
hrasvakeṇa durāroho rūḍhaskandho mahādrumaḥ || 8 ||

যেমন একজন পুরুষের দ্বারা রোপিত ও লালিত বৃক্ষ প্রথমে ক্ষুদ্র থাকে, কিন্তু তার কাণ্ড বেড়ে মহাবৃক্ষ হয়ে গেলে তাতে আরোহণ করা দুঃসাধ্য হয়। ^AI

Shloka 9

ಸ ಯದಾ ಪುಷ್ಪಿತೋ ಭೂತ್ವಾ ಫಲಾನಿ ನ ವಿದರ್ಶಯೇತ್ ।
ಸ ತಾಂ ನಾನುಭವೇತ್ಪ್ರೀತಿಂ ಯಸ್ಯ ಹೇತೋಃ ಪ್ರರೋಪಿತಃ ॥ 9 ॥

sa yadā puṣpito bhūtvā phalāni na vidarśayet |
sa tāṃ nānubhavetprītiṃ yasya hetoḥ praropitaḥ || 9 ||

সেই যে বৃক্ষ রোপণ করা হয় এবং মানুষ দ্বারা বর্ধিত হয়, সে যদি পুষ্পিত হয়েও ফল প্রদর্শন না করে, তবে যে কারণে সে রোপিত হয়েছিল, সেই আনন্দ সে ভোগ করে না। ^AI

Shloka 10

ಏಷೋಪಮಾ ಮಹಾಬಾಹೋ ತಮರ್ಥಂ ವೇತ್ತು ಮರ್ಹಸಿ ।
ಯದಿ ತ್ವಮಸ್ಮಾನ್ವೃಷಭೋ ಭರ್ತಾ ಭೃತ್ಯಾನ್ನ ಶಾಧಿ ಹಿ ॥ 10 ॥

eṣopamā mahābāho tamarthaṃ vettu marhasi |
yadi tvamasmānvṛṣabho bhartā bhṛtyānna śādhi hi || 10 ||

হে মহাবাহু, এই উপমাটি (তোমার প্রতি প্রযোজ্য); তুমি সেই অর্থ জানার যোগ্য। হে বৃষভ, যদি তুমি আমাদের স্বামী হও, তবে ভৃত্য অর্থাৎ আমাদের শাসন করো। ^AI

Shloka 11

ಶ್ರೇಣಯಸ್ತ್ವಾಂ ಮಹಾರಾಜ ಪಶ್ಯನ್ತ್ವಗ್ಯ್ರಾಶ್ಚ ಸರ್ವಶಃ ।
ಪ್ರತಪನ್ತಮಿವಾದಿತ್ಯಂ ರಾಜ್ಯೇ ಸ್ಥಿತ ಮರಿನ್ದಮಮ್ ॥ 11 ॥

śreṇayastvāṃ mahārāja paśyantvagyrāśca sarvaśaḥ |
pratapantamivādityaṃ rājye sthita marindamam || 11 ||

হে মহারাজ, শ্রেষ্ঠ ও সর্বপ্রকার শিল্পিগণ তোমাকে সর্বদা দেখুক — রাজ্যে প্রতিষ্ঠিত, শত্রুদমনকারী, প্রজ্বলিত সূর্যের মতো দীপ্তিমান। ^AI

Shloka 12

ತವಾನುಯಾನೇ ಕಾಕುತ್ಸ್ಥ ಮತ್ತಾ ನರ್ದನ್ತು ಕುಞ್ಜರಾಃ ।
ಅನ್ತಃಪುರಗತಾ ನಾರ್ಯೋ ನನ್ದನ್ತು ಸುಸಮಾಹಿತಾಃ ॥ 12 ॥

tavānuyāne kākutstha mattā nardantu kuñjarāḥ |
antaḥpuragatā nāryo nandantu susamāhitāḥ || 12 ||

হে কাকুত্স্থ, তোমার অনুগমনে মত্ত হস্তীগণ নাদ করুক; অন্তঃপুরবাসিনী নারীরা সুপ্রসন্নচিত্তে আনন্দ করুক। ^AI

Shloka 13

ತಸ್ಯ ಸಾಧ್ವಿತ್ಯಮನ್ಯನ್ತ ನಾಗರಾ ವಿವಿಧಾ ಜನಾಃ ।
ಭರತಸ್ಯ ವಚ ಶ್ಶ್ರುತ್ವಾ ರಾಮಂ ಪ್ರತ್ಯನುಯಾಚತಃ ॥ 13 ॥

tasya sādhvityamanyanta nāgarā vividhā janāḥ |
bharatasya vaca śśrutvā rāmaṃ pratyanuyācataḥ || 13 ||

রামের অনুগমন করতে ইচ্ছুক ভরতের সেই বাক্য শুনে নগরবাসী নানা লোকেরা 'সাধু, সাধু' বলে মনে করল। ^AI

Shloka 14

ತಮೇವಂ ದುಃಖಿತಂ ಪ್ರೇಕ್ಷ್ಯ ವಿಲಪನ್ತಂ ಯಶಸ್ವಿನಮ್ ।
ರಾಮಃ ಕೃತಾತ್ಮಾ ಭರತಂ ಸಮಾಶ್ವಾಸಯದಾತ್ಮವಾನ್ ॥ 14 ॥

tamevaṃ duḥkhitaṃ prekṣya vilapantaṃ yaśasvinam |
rāmaḥ kṛtātmā bharataṃ samāśvāsayadātmavān || 14 ||

এইভাবে দুঃখিত, বিলাপকারী, কীর্তিমান ভরতকে দেখে আত্মসংযমী ও কৃতাত্মা রাম ভরতকে সান্ত্বনা দিলেন। ^AI

Shloka 15

ನಾಽತ್ಮನಃ ಕಾಮಕಾರೋಽಸ್ತಿ ಪುರುಷೋಽಯಮನೀಶ್ವರಃ ।
ಇತಶ್ಚೇತರತಶ್ಚೈನಂ ಕೃತಾನ್ತಃ ಪರಿಕರ್ಷತಿ ॥ 15 ॥

nā'tmanaḥ kāmakāro'sti puruṣo'yamanīśvaraḥ |
itaścetarataścainaṃ kṛtāntaḥ parikarṣati || 15 ||

নিজের ইচ্ছানুযায়ী কাজ করার অধিকার এই পুরুষের নেই; সে অস্বাধীন। এদিক ও ওদিক থেকে কাল তাকে টেনে নিয়ে যায়। ^AI

Shloka 16

ಸರ್ವೇ ಕ್ಷಯಾನ್ತಾಃ ನಿಚಯಾಃ ಪತನಾನ್ತಾ ಸಮುಚ್ಛ್ರಯಾಃ ।
ಸಂಯೋಗಾ ವಿಪ್ರಯೋಗಾನ್ತಾ ಮರಣಾನ್ತಂ ಚ ಜೀವಿತಮ್ ॥ 16 ॥

sarve kṣayāntāḥ nicayāḥ patanāntā samucchrayāḥ |
saṃyogā viprayogāntā maraṇāntaṃ ca jīvitam || 16 ||

সকল সঞ্চয়ের অন্ত ক্ষয়, সকল উত্থানের অন্ত পতন, সকল সংযোগের অন্ত বিয়োগ এবং জীবনের অন্ত মরণ। ^AI

Shloka 17

ಯಥಾ ಫಲಾನಾಂ ಪಕ್ವಾನಾಂ ನಾನ್ಯತ್ರ ಪತನಾದ್ಭಯಮ್ ।
ಏವಂ ನರಸ್ಯ ಜಾತಸ್ಯ ನಾನ್ಯತ್ರ ಮರಣಾದ್ಭಯಮ್ ॥ 17 ॥

yathā phalānāṃ pakvānāṃ nānyatra patanādbhayam |
evaṃ narasya jātasya nānyatra maraṇādbhayam || 17 ||

যেমন পাকা ফলের পতন ছাড়া আর কোনো ভয় থাকে না, তেমনি জন্মগ্রহণকারী মানুষের মৃত্যু ছাড়া আর কোনো ভয় থাকে না। ^AI

Shloka 18

ಯಥಾಽಗಾರಂ ದೃಢಸ್ಥೂಣಂ ಜೀರ್ಣಂ ಭೂತ್ವಾಽವಸೀದತಿ ।
ತಥೈವ ಸೀದನ್ತಿ ನರಾ ಜರಾಮೃತ್ಯುವಶಂ ಗತಾಃ ॥ 18 ॥

yathā'gāraṃ dṛḍhasthūṇaṃ jīrṇaṃ bhūtvā'vasīdati |
tathaiva sīdanti narā jarāmṛtyuvaśaṃ gatāḥ || 18 ||

যেমন দৃঢ় স্তম্ভযুক্ত গৃহও জীর্ণ হয়ে পড়ে যায়, তেমনি জরা ও মৃত্যুর অধীন হয়ে পড়া মানুষও বিনষ্ট হয়। ^AI

Shloka 19

ಅತ್ಯೇತಿ ರಜನೀ ಯಾ ತು ಸಾ ನ ಪ್ರತಿನಿವರ್ತತೇ ।
ಯಾತ್ಯೇವ ಯಮುನಾ ಪೂರ್ಣಾ ಸಮುದ್ರಮುದಕಾಕುಲಮ್ ॥ 19 ॥

atyeti rajanī yā tu sā na pratinivartate |
yātyeva yamunā pūrṇā samudramudakākulam || 19 ||

যে রাত্রি অতিবাহিত হয়, সে আর ফিরে আসে না; পূর্ণা যমুনাও জলপূর্ণ হয়ে সমুদ্রের দিকে চলে যায়। ^AI

Shloka 20

ಅಹೋ ರಾತ್ರಾಣಿ ಗಗ್ಚ್ಛನ್ತಿ ಸರ್ವೇಷಾಂ ಪ್ರಾಣಿನಾಂ ಇಹ ।
ಆಯೂಮ್ಷಿ ಕ್ಷಪಯನ್ತ್ಯ್ ಆಶು ಗ್ರೀಷ್ಮೇ ಜಲಂ ಇವ ಅಂಶವಃ ॥ 20 ॥

aho rātrāṇi gagcchanti sarveṣāṃ prāṇināṃ iha |
āyūmṣi kṣapayanty āśu grīṣme jalaṃ iva aṃśavaḥ || 20 ||

আহা, এখানে সকল প্রাণীরই দিন ও রাত্রি অতিবাহিত হয়; সূর্যকিরণ যেমন গ্রীষ্মকালে জল শোষণ করে, তেমনি তারা শীঘ্রই আয়ু ক্ষয় করে। ^AI

Shloka 21

ಆತ್ಮಾನಮನುಶೋಚ ತ್ವಂ ಕಿಮನ್ಯಮನುಶೋಚಸಿ ।
ಆಯುಸ್ತೇ ಹೀಯತೇ ಯಸ್ಯ ಸ್ಥಿತಸ್ಯ ಚ ಗತಸ್ಯ ಚ ॥ 21 ॥

ātmānamanuśoca tvaṃ kimanyamanuśocasi |
āyuste hīyate yasya sthitasya ca gatasya ca || 21 ||

তুমি নিজের জন্য শোক কর; অন্য কার জন্য শোক করছ? যে স্থিত আছে এবং যে গত হয়েছে, উভয়েরই আয়ু ক্ষয় পাচ্ছে। ^AI

Shloka 22

ಸಹೈವ ಮೃತ್ಯುರ್ವ್ರಜತಿ ಸಹ ಮೃತ್ಯುರ್ನಿಷೀದತಿ ।
ಗತ್ವಾಸುದೀರ್ಘಮಧ್ವಾನಂ ಸಹಮೃತ್ಯುರ್ನಿವರ್ತತೇ ॥ 22 ॥

sahaiva mṛtyurvrajati saha mṛtyurniṣīdati |
gatvāsudīrghamadhvānaṃ sahamṛtyurnivartate || 22 ||

মৃত্যু সঙ্গে সঙ্গে গমন করে, মৃত্যু সঙ্গে সঙ্গে উপবেশন করে; অতি দীর্ঘ পথ অতিক্রম করে মৃত্যুর সঙ্গে সঙ্গেই ফিরে আসে। ^AI

Shloka 23

ಗಾತ್ರೇಷು ವಲಯಃ ಪ್ರಾಪ್ತಾ ಶ್ಶ್ವೇತಾಶ್ಚೈವ ಶಿರೋರುಹಾಃ ।
ಜರಯಾ ಪುರುಷೋ ಜೀರ್ಣಃ ಕಿಂ ಹಿ ಕೃತ್ವಾ ಪ್ರಭಾವಯೇತ್ ॥ 23 ॥

gātreṣu valayaḥ prāptā śśvetāścaiva śiroruhāḥ |
jarayā puruṣo jīrṇaḥ kiṃ hi kṛtvā prabhāvayet || 23 ||

শরীরে বলিরেখা এসেছে, মাথার চুল শুভ্র হয়েছে; জরায় মানুষ জীর্ণ হয়েছে — তবে কী করলে সে পুনরায় যৌবন লাভ করতে পারে? ^AI

Shloka 24

ನನ್ದನ್ತ್ಯುದಿತ ಆದಿತ್ಯೇ ನನ್ದನ್ತ್ಯಸ್ತಮಿತೇಽಹನಿ ।
ಆತ್ಮನೋ ನಾವಬುಧ್ಯನ್ತೇ ಮನುಷ್ಯಾ ಜೀವಿತಕ್ಷಯಮ್ ॥ 24 ॥

nandantyudita āditye nandantyastamite'hani |
ātmano nāvabudhyante manuṣyā jīvitakṣayam || 24 ||

সূর্য উদিত হলে মানুষ আনন্দ করে, অস্তমিত হলে আনন্দ করে; কিন্তু মানুষ নিজের জীবনের ক্ষয় উপলব্ধি করে না। ^AI

Shloka 25

ಹೃಷ್ಯನ್ತ್ಯೃತುಮುಖಂ ದೃಷ್ಟ್ವಾ ನವಂ ನವಮಿಹಾಗತಮ್ ।
ಋತೂನಾಂ ಪರಿವರ್ತೇನ ಪ್ರಾಣಿನಾಂ ಪ್ರಾಣಸಙ್ಕ್ಷಯಃ ॥ 25 ॥

hṛṣyantyṛtumukhaṃ dṛṣṭvā navaṃ navamihāgatam |
ṛtūnāṃ parivartena prāṇināṃ prāṇasaṅkṣayaḥ || 25 ||

নতুন নতুন করে আগত ঋতুর মুখ দেখে মানুষ আনন্দিত হয়; কিন্তু ঋতুদের পরিবর্তনের সঙ্গে সঙ্গে প্রাণীদের প্রাণের ক্ষয় ঘটে। ^AI

Shloka 26

ಯಥಾ ಕಾಷ್ಠಂ ಚ ಕಾಷ್ಠಂ ಚ ಸಮೇಯಾತಾಂ ಮಹಾರ್ಣವೇ ।
ಸಮೇತ್ಯ ಚ ವ್ಯಪೇಯಾತಾಂ ಕಾಲಮಾಸಾದ್ಯ ಕಞ್ಚನ ॥ 26 ॥

yathā kāṣṭhaṃ ca kāṣṭhaṃ ca sameyātāṃ mahārṇave |
sametya ca vyapeyātāṃ kālamāsādya kañcana || 26 ||

যেমন মহাসাগরে দুটি কাঠ একসঙ্গে মিলিত হয়, এবং কিছুকাল পরে মিলিত হয়ে আবার পরস্পর থেকে বিচ্ছিন্ন হয়ে যায়। ^AI

Shloka 27

ಏವಂ ಭಾರ್ಯಾಶ್ಚಪುತ್ರಾಶ್ಚ ಜ್ಞಾತಯಶ್ಚ ಧನಾನಿ ಚ ।
ಸಮೇತ್ಯ ವ್ಯವಧಾವನ್ತಿ ಧ್ರುವೋ ಹ್ಯೇಷಾಂ ವಿನಾಭವಃ ॥ 27 ॥

evaṃ bhāryāścaputrāśca jñātayaśca dhanāni ca |
sametya vyavadhāvanti dhruvo hyeṣāṃ vinābhavaḥ || 27 ||

তেমনি স্ত্রী, পুত্র, জ্ঞাতিগণ ও ধনসম্পদ একসঙ্গে মিলিত হয়, আবার বিচ্ছিন্ন হয়ে চলে যায়; এদের বিনাশ নিশ্চিত। ^AI

Shloka 28

ಯಥಾ ಕಾಷ್ಠಂ ಚ ಕಾಷ್ಠಂ ಚ ಸಮೇಯಾತಾಂ ಮಹಾರ್ಣವೇ ।
ಸಮೇತ್ಯ ಚ ವ್ಯಪೇಯಾತಾಂ ಕಾಲಮಾಸಾದ್ಯ ಕಞ್ಚನ ॥ 28 ॥

yathā kāṣṭhaṃ ca kāṣṭhaṃ ca sameyātāṃ mahārṇave |
sametya ca vyapeyātāṃ kālamāsādya kañcana || 28 ||

Shloka 29

ಏವಂ ಭಾರ್ಯಾಶ್ಚಪುತ್ರಾಶ್ಚ ಜ್ಞಾತಯಶ್ಚ ಧನಾನಿ ಚ ।
ಸಮೇತ್ಯ ವ್ಯವಧಾವನ್ತಿ ಧ್ರುವೋ ಹ್ಯೇಷಾಂ ವಿನಾಭವಃ ॥ 29 ॥

evaṃ bhāryāścaputrāśca jñātayaśca dhanāni ca |
sametya vyavadhāvanti dhruvo hyeṣāṃ vinābhavaḥ || 29 ||

Shloka 30

ನಾತ್ರ ಕಶ್ಚಿದ್ಯಥಾಭಾವಂ ಪ್ರಾಣೀ ಸಮಭಿವರ್ತತೇ ।
ತೇನ ತಸ್ಮಿನ್ನ ಸಾಮರ್ಥ್ಯಂ ಪ್ರೇತಸ್ಯಾ ಸ್ತ್ಯನುಶೋಚತಃ ॥ 30 ॥

nātra kaścidyathābhāvaṃ prāṇī samabhivartate |
tena tasminna sāmarthyaṃ pretasyā styanuśocataḥ || 30 ||

এখানে কোনো প্রাণীই নিজের ইচ্ছামতো থাকে না; তাই মৃতের জন্য শোককারীর সেই বিষয়ে কোনো সামর্থ্য (প্রতিবিধান) নেই। ^AI

Shloka 31

ಯಥಾ ಹಿ ಸಾರ್ಥಂ ಗಚ್ಛನ್ತಂ ಬ್ರೂಯಾತ್ಕಶ್ಚಿತ್ಪಥಿ ಸ್ಥಿತಃ ।
ಅಹಮಪ್ಯಾಗಮಿಷ್ಯಾಮಿ ಪೃಷ್ಠತೋ ಭವತಾ ಮಿತಿ ॥ 31 ॥

yathā hi sārthaṃ gacchantaṃ brūyātkaścitpathi sthitaḥ |
ahamapyāgamiṣyāmi pṛṣṭhato bhavatā miti || 31 ||

যেমন পথে দাঁড়ানো কেউ কোনো যাত্রীদলকে যেতে দেখে বলতে পারে, 'আমিও আপনার পিছনে পিছনে আসব।' ^AI

Shloka 32

ಏವಂ ಪೂರ್ವೈರ್ಗತೋ ಮಾರ್ಗಃ ಪಿತೃಪೈತಾಮಹೋ ಧ್ರುವಃ ।
ತಮಾಪನ್ನಃ ಕಥಂ ಶೋಚೇದ್ಯಸ್ಯ ನಾಸ್ತಿ ವ್ಯತಿಕ್ರಮಃ ॥ 32 ॥

evaṃ pūrvairgato mārgaḥ pitṛpaitāmaho dhruvaḥ |
tamāpannaḥ kathaṃ śocedyasya nāsti vyatikramaḥ || 32 ||

তেমনি পূর্বপুরুষদের গমন করা পথ পিতৃপিতামহের নিশ্চিত পথ; সেই পথে উপনীত হয়ে কে শোক করবে, যার এই পথ অতিক্রম করার উপায় নেই? ^AI

Shloka 33

ವಯಸಃ ಪತಮಾನಸ್ಯ ಸ್ರೋತಸೋ ವಾಽನಿವರ್ತಿನಃ ।
ಆತ್ಮಾ ಸುಖೇ ನಿಯೋಕ್ತವ್ಯಸ್ಸುಖಭಾಜಃ ಪ್ರಜಾಃ ಸ್ಮೃತಾಃ ॥ 33 ॥

vayasaḥ patamānasya srotaso vā'nivartinaḥ |
ātmā sukhe niyoktavyassukhabhājaḥ prajāḥ smṛtāḥ || 33 ||

যে বয়স ক্রমশ পতিত হচ্ছে এবং যে স্রোত আর ফিরে আসে না — সেই অবস্থায় আত্মাকে সুখে নিয়োজিত করা উচিত; প্রজারা সুখভাগী বলে কথিত হয়। ^AI

Shloka 34

ಧರ್ಮಾತ್ಮಾ ಸ ಶುಭೈಃ ಕೃತ್ಸ್ನೈಃ ಕ್ರತುಭಿಶ್ಚಾಪ್ತದಕ್ಷಿಣೈಃ ।
ಸ್ವರ್ಗಂ ದಶರಥಃ ಪ್ರಾಪ್ತಃ ಪಿತಾ ನಃ ಪೃಥಿವೀಪತಿಃ ॥ 34 ॥

dharmātmā sa śubhaiḥ kṛtsnaiḥ kratubhiścāptadakṣiṇaiḥ |
svargaṃ daśarathaḥ prāptaḥ pitā naḥ pṛthivīpatiḥ || 34 ||

ধর্মাত্মা, সমস্ত শুভ ও যথোচিত দক্ষিণাসহ যাগযজ্ঞে সম্পন্ন, আমাদের পিতা পৃথিবীপতি দশরথ স্বর্গলাভ করেছেন। ^AI

Shloka 35

ಭೃತ್ಯಾನಾಂ ಭರಣಾತ್ಸಮ್ಯಕ್ಪ್ರಜಾನಾಂ ಪರಿಪಾಲನಾತ್ ।
ಅರ್ಥಾದಾನಾಚ್ಚ ಧರ್ಮೇಣ ಪಿತಾ ನ ಸ್ತ್ರಿದಿವಙ್ಗತಃ ॥ 35 ॥

bhṛtyānāṃ bharaṇātsamyakprajānāṃ paripālanāt |
arthādānācca dharmeṇa pitā na stridivaṅgataḥ || 35 ||

ভৃত্যবর্গের যথাযথ ভরণপোষণ, প্রজাদের পরিপালন এবং ধর্মপূর্বক অর্থদান দ্বারা আমাদের পিতা স্বর্গে গমন করেছেন। ^AI

Shloka 36

ಕರ್ಮಭಿ ಸ್ತು ಶುಭೈರಿಷ್ಟೈಃ ಕ್ರತುಭಿಶ್ಚಾಪ್ತದಕ್ಷಿಣೈಃ ।
ಸ್ವರ್ಗಂ ದಶರಥಃ ಪ್ರಾಪ್ತಃ ಪಿತಾ ನಃ ಪೃಥಿವೀಪತಿಃ ॥ 36 ॥

karmabhi stu śubhairiṣṭaiḥ kratubhiścāptadakṣiṇaiḥ |
svargaṃ daśarathaḥ prāptaḥ pitā naḥ pṛthivīpatiḥ || 36 ||

শুভ ও অভীষ্ট কর্ম এবং যথোচিত দক্ষিণাসহ যাগযজ্ঞ দ্বারা আমাদের পিতা পৃথিবীপতি দশরথ স্বর্গলাভ করেছেন। ^AI

Shloka 37

ಇಷ್ಟ್ವಾ ಬಹುವಿಧೈರ್ಯಜ್ಞೈರ್ಭೋಗಾಂ ಶ್ಚಾವಾಪ್ಯ ಪುಷ್ಕಲಾನ್ ।
ಉತ್ತಮಂ ಚಾಯುರಾಸಾದ್ಯ ಸ್ವರ್ಗತಃ ಪೃಥಿವೀಪತಿಃ ॥ 37 ॥

iṣṭvā bahuvidhairyajñairbhogāṃ ścāvāpya puṣkalān |
uttamaṃ cāyurāsādya svargataḥ pṛthivīpatiḥ || 37 ||

নানা বিধ যজ্ঞে ইষ্টি করে, প্রচুর ভোগ লাভ করে এবং উত্তম আয়ু প্রাপ্ত হয়ে পৃথিবীপতি স্বর্গে গমন করেছেন। ^AI

Shloka 38

ಆಯುರುತ್ತಮಮಾಸಾದ್ಯ ಭೋಗಾನಪಿ ಚ ರಾಘವಃ ।
ಸ ನ ಶೋಚ್ಯಃ ಪಿತಾ ತಾತ ಸ್ವರ್ಗತ ಸ್ಸತ್ಕೃತ ಸ್ಸತಾಮ್ ॥ 38 ॥

āyuruttamamāsādya bhogānapi ca rāghavaḥ |
sa na śocyaḥ pitā tāta svargata ssatkṛta ssatām || 38 ||

হে তাত, রাঘব উত্তম আয়ু ও ভোগসমূহ লাভ করে সৎপুরুষদের দ্বারা সৎকৃত হয়ে স্বর্গে গমন করেছেন; তাই পিতাকে শোক করা উচিত নয়। ^AI

Shloka 39

ಸ ಜೀರ್ಣಂ ಮಾನುಷಂ ದೇಹಂ ಪರಿತ್ಯಜ್ಯ ಪಿತಾ ಹಿ ನಃ ।
ದೈವೀಮೃದ್ಧಿಮನುಪ್ರಾಪ್ತೋ ಬ್ರಹ್ಮಲೋಕವಿಹಾರಿಣೀಮ್ ॥ 39 ॥

sa jīrṇaṃ mānuṣaṃ dehaṃ parityajya pitā hi naḥ |
daivīmṛddhimanuprāpto brahmalokavihāriṇīm || 39 ||

আমাদের পিতা জীর্ণ মানবদেহ পরিত্যাগ করে ব্রহ্মলোক-বিহারিণী দৈবী সমৃদ্ধি লাভ করেছেন। ^AI

Shloka 40

ತಂ ತು ನೈವಂವಿಧಃ ಕಶ್ಚಿತ್ಪ್ರಾಜ್ಞ ಶ್ಶೋಚಿತುಮರ್ಹತಿ ।
ತತ್ವಿಧೋ ಮದ್ವಿಧಶ್ಚಾಪಿ ಶ್ರುತವಾನ್ಬುದ್ಧಿಮತ್ತರಃ ॥ 40 ॥

taṃ tu naivaṃvidhaḥ kaścitprājña śśocitumarhati |
tatvidho madvidhaścāpi śrutavānbuddhimattaraḥ || 40 ||

হে প্রাজ্ঞ, তাঁর জন্য এরূপ কোনো ব্যক্তি — তা সে আমার মতো হোক বা শাস্ত্রজ্ঞ বুদ্ধিমান হোক — শোক করা উচিত নয়। ^AI

Shloka 41

ಏತೇ ಬಹುವಿಧಾ ಶೋಕಾ ವಿಲಾಪರುದಿತೇ ತಥಾ ।
ವರ್ಜನೀಯಾ ಹಿ ಧೀರೇಣ ಸರ್ವಾವಸ್ಥಾಸು ಧೀಮತಾ ॥ 41 ॥

ete bahuvidhā śokā vilāparudite tathā |
varjanīyā hi dhīreṇa sarvāvasthāsu dhīmatā || 41 ||

এই বহুবিধ শোক, বিলাপ ও কান্না — বুদ্ধিমান ধৈর্যশীল ব্যক্তির সর্বাবস্থায় এগুলি বর্জন করা উচিত। ^AI

Shloka 42

ಸ ಸ್ವಸ್ಥೋ ಭವ ಮಾ ಶೋಚೇರ್ಯಾತ್ವಾ ಚಾವಸತಾಂ ಪುರೀಮ್ ।
ತಥಾ ಪಿತ್ರಾ ನಿಯುಕ್ತೋಽಸಿ ವಶಿನಾ ವದತಾಂ ವರ ॥ 42 ॥

sa svastho bhava mā śoceryātvā cāvasatāṃ purīm |
tathā pitrā niyukto'si vaśinā vadatāṃ vara || 42 ||

হে বাক্যবিশারদ, তুমি সুস্থ হও, শোক করো না; নগরীতে গিয়ে বাস করো। সংযমী পিতা তোমাকে সেইরূপ আদেশ দিয়েছেন। ^AI

Shloka 43

ಯತ್ರಾಹಮಪಿ ತೇನೈವ ನಿಯುಕ್ತಃ ಪುಣ್ಯಕರ್ಮಣಾ ।
ತತ್ರೈವಾಹಂ ಕರಿಷ್ಯಾಮಿ ಪಿತುರಾರ್ಯಸ್ಯ ಶಾಸನಮ್ ॥ 43 ॥

yatrāhamapi tenaiva niyuktaḥ puṇyakarmaṇā |
tatraivāhaṃ kariṣyāmi piturāryasya śāsanam || 43 ||

যে পুণ্যকর্মা পিতা আমাকেও সেইরূপ আদেশ দিয়েছেন, আমি সেখানেই পূজনীয় পিতার আদেশ পালন করব। ^AI

Shloka 44

ನ ಮಯಾ ಶಾಸನಂ ತಸ್ಯ ತ್ಯಕ್ತುಂ ನ್ಯಾಯ್ಯ ಮರಿನ್ದಮ ।
ಸ ತ್ವಯಾಪಿ ಸದಾ ಮಾನ್ಯಂ ಸ ವೈ ಬನ್ಧು ಸ ನಃ ಪಿತಾ ॥ 44 ॥

na mayā śāsanaṃ tasya tyaktuṃ nyāyya marindama |
sa tvayāpi sadā mānyaṃ sa vai bandhu sa naḥ pitā || 44 ||

হে শত্রুদমন, আমি তাঁর আদেশ ত্যাগ করা ন্যায়সংগত মনে করি না; তুমিও তাঁকে সর্বদা মান্য করবে — তিনিই আমাদের বন্ধু, তিনিই আমাদের পিতা। ^AI

Shloka 45

ತದ್ವಚಃ ಪಿತುರೇವಾಹಂ ಸಮ್ಮತಂ ಧರ್ಮಚಾರಿಣಃ ।
ಕರ್ಮಣಾ ಪಾಲಯಿಷ್ಯಾಮಿ ವನವಾಸೇನ ರಾಘವ ॥ 45 ॥

tadvacaḥ piturevāhaṃ sammataṃ dharmacāriṇaḥ |
karmaṇā pālayiṣyāmi vanavāsena rāghava || 45 ||

হে রাঘব, ধর্মাচরণকারী পিতার সেই বাক্য আমি সম্মত মনে করি; বনবাসের মাধ্যমে কর্মদ্বারা তা পালন করব। ^AI

Shloka 46

ಧಾರ್ಮಿಕೇಣಾನೃಶಂಸೇನ ನರೇಣ ಗುರುವರ್ತಿನಾ ।
ಭವಿತವ್ಯಂ ನರವ್ಯಾಘ್ರ ಪರಲೋಕಂ ಜಿಗೀಷತಾ ॥ 46 ॥

dhārmikeṇānṛśaṃsena nareṇa guruvartinā |
bhavitavyaṃ naravyāghra paralokaṃ jigīṣatā || 46 ||

হে নরশ্রেষ্ঠ, যে ব্যক্তি পরলোক জয় করতে চায়, তাকে ধার্মিক, নির্দয়তাহীন ও গুরুভক্ত হতে হবে। ^AI

Shloka 47

ಆತ್ಮಾನಮನುತಿಷ್ಠತ್ವಂ ಸ್ವಭಾವೇನ ನರರ್ಷಭ ।
ನಿಶಾಮ್ಯತು ಶುಭಂ ವೃತ್ತಂ ಪಿತುರ್ದಶರಥಸ್ಯ ನಃ ॥ 47 ॥

ātmānamanutiṣṭhatvaṃ svabhāvena nararṣabha |
niśāmyatu śubhaṃ vṛttaṃ piturdaśarathasya naḥ || 47 ||

হে নরর্ষভ, তুমি স্বভাব অনুসারে নিজের কর্তব্য পালন করো; আমাদের পিতা দশরথের শুভ আচরণের কথা স্মরণ করো। ^AI

Shloka 48

ಇತ್ಯೇವಮುಕ್ತ್ವಾ ವಚನಂ ಮಹಾತ್ಮಾ ಪಿತುರ್ನಿದೇಶ ಪ್ರತಿಪಾಲನಾರ್ಥಮ್ ।
ಯವೀಯಸಂ ಭ್ರಾತರಮರ್ಥವಚ್ಚ ಪ್ರಭುರ್ಮುಹೂರ್ತಾದ್ವಿರರಾಮ ರಾಮಃ ॥ 48 ॥

ityevamuktvā vacanaṃ mahātmā piturnideśa pratipālanārtham |
yavīyasaṃ bhrātaramarthavacca prabhurmuhūrtādvirarāma rāmaḥ || 48 ||

এইভাবে পিতার আদেশ পালনের জন্য মহাত্মা প্রভু রাম অর্থযুক্ত বাক্যে কনিষ্ঠ ভ্রাতাকে সম্বোধন করে কিছুক্ষণ পর বিরত হলেন। ^AI

ಇತ್ಯಾರ್ಷೇ ಶ್ರೀಮದ್ರಾಮಾಯಣೇ ವಾಲ್ಮೀಕೀಯ ಆದಿಕಾವ್ಯೇ ಅಯೋಧ್ಯಾಕಾಣ್ಡೇ ಪಞ್ಚಾಧಿಕಶತತಮಸ್ಸರ್ಗಃ ॥

Sanskrit — Devanagari (original)

श्रीमद्वाल्मीकीय रामायणे अयोध्याकाण्डम् ।

अथ पञ्चाधिकशततमस्सर्गः ।

ततः पुरुषसिंहानां वृतानां तै स्सुहृद्गणैः ।

शोचतामेव रजनी दुःखेन व्यत्यवर्तत ॥ 1 ॥

रजन्यां सुप्रभातायां भ्रातरस्ते सुहृद्वृताः ।

मन्दाकिन्यां हुतं जप्यं कृत्वा राममुपागमन् ॥ 2 ॥

तूष्णीं ते समुपासीना न कश्चित्किञ्चिदब्रवीत् ।

भरतस्तु सुहृन्मध्ये रामं वचनमब्रवीत् ॥ 3 ॥

सान्त्विता मामिका माता दत्तं राज्यमिदं मम ।

तद्ददामि तवैवाहं भुङ्क्ष्व राज्यमकण्टकम् ॥ 4 ॥

महतेवाम्बुवेगेन भिन्नस्सेतुर्जलागमे ।

दुरावारं त्वदन्येन राज्यखण्डमिदं महत् ॥ 5 ॥

गतिं खर इवाश्वस्य तार्क्ष्यस्येव पतत्रिणः ।

अनुगन्तुं न शक्तिर्मे गतिं तव महीपते ॥ 6 ॥

सुजीवं नित्यशस्तस्य यः परैरुपजीव्यते ।

राम तेन तु दुर्जीवं यः परानुपजीवति ॥ 7 ॥

यथा तु रोपितो वृक्षः पुरुषेण विवर्धितः ।

ह्रस्वकेण दुरारोहो रूढस्कन्धो महाद्रुमः ॥ 8 ॥

स यदा पुष्पितो भूत्वा फलानि न विदर्शयेत् ।

स तां नानुभवेत्प्रीतिं यस्य हेतोः प्ररोपितः ॥ 9 ॥

एषोपमा महाबाहो तमर्थं वेत्तु मर्हसि ।

यदि त्वमस्मान्वृषभो भर्ता भृत्यान्न शाधि हि ॥ 10 ॥

श्रेणयस्त्वां महाराज पश्यन्त्वग्य्राश्च सर्वशः ।

प्रतपन्तमिवादित्यं राज्ये स्थित मरिन्दमम् ॥ 11 ॥

तवानुयाने काकुत्स्थ मत्ता नर्दन्तु कुञ्जराः ।

अन्तःपुरगता नार्यो नन्दन्तु सुसमाहिताः ॥ 12 ॥

तस्य साध्वित्यमन्यन्त नागरा विविधा जनाः ।

भरतस्य वच श्श्रुत्वा रामं प्रत्यनुयाचतः ॥ 13 ॥

तमेवं दुःखितं प्रेक्ष्य विलपन्तं यशस्विनम् ।

रामः कृतात्मा भरतं समाश्वासयदात्मवान् ॥ 14 ॥

नाऽत्मनः कामकारोऽस्ति पुरुषोऽयमनीश्वरः ।

इतश्चेतरतश्चैनं कृतान्तः परिकर्षति ॥ 15 ॥

सर्वे क्षयान्ताः निचयाः पतनान्ता समुच्छ्रयाः ।

संयोगा विप्रयोगान्ता मरणान्तं च जीवितम् ॥ 16 ॥

यथा फलानां पक्वानां नान्यत्र पतनाद्भयम् ।

एवं नरस्य जातस्य नान्यत्र मरणाद्भयम् ॥ 17 ॥

यथाऽगारं दृढस्थूणं जीर्णं भूत्वाऽवसीदति ।

तथैव सीदन्ति नरा जरामृत्युवशं गताः ॥ 18 ॥

अत्येति रजनी या तु सा न प्रतिनिवर्तते ।

यात्येव यमुना पूर्णा समुद्रमुदकाकुलम् ॥ 19 ॥

अहो रात्राणि गग्च्छन्ति सर्वेषां प्राणिनां इह ।

आयूम्षि क्षपयन्त्य् आशु ग्रीष्मे जलं इव अंशवः ॥ 20 ॥

आत्मानमनुशोच त्वं किमन्यमनुशोचसि ।

आयुस्ते हीयते यस्य स्थितस्य च गतस्य च ॥ 21 ॥

सहैव मृत्युर्व्रजति सह मृत्युर्निषीदति ।

गत्वासुदीर्घमध्वानं सहमृत्युर्निवर्तते ॥ 22 ॥

गात्रेषु वलयः प्राप्ता श्श्वेताश्चैव शिरोरुहाः ।

जरया पुरुषो जीर्णः किं हि कृत्वा प्रभावयेत् ॥ 23 ॥

नन्दन्त्युदित आदित्ये नन्दन्त्यस्तमितेऽहनि ।

आत्मनो नावबुध्यन्ते मनुष्या जीवितक्षयम् ॥ 24 ॥

हृष्यन्त्यृतुमुखं दृष्ट्वा नवं नवमिहागतम् ।

ऋतूनां परिवर्तेन प्राणिनां प्राणसङ्क्षयः ॥ 25 ॥

यथा काष्ठं च काष्ठं च समेयातां महार्णवे ।

समेत्य च व्यपेयातां कालमासाद्य कञ्चन ॥ 26 ॥

एवं भार्याश्चपुत्राश्च ज्ञातयश्च धनानि च ।

समेत्य व्यवधावन्ति ध्रुवो ह्येषां विनाभवः ॥ 27 ॥

यथा काष्ठं च काष्ठं च समेयातां महार्णवे ।

समेत्य च व्यपेयातां कालमासाद्य कञ्चन ॥ 28 ॥

एवं भार्याश्चपुत्राश्च ज्ञातयश्च धनानि च ।

समेत्य व्यवधावन्ति ध्रुवो ह्येषां विनाभवः ॥ 29 ॥

नात्र कश्चिद्यथाभावं प्राणी समभिवर्तते ।

तेन तस्मिन्न सामर्थ्यं प्रेतस्या स्त्यनुशोचतः ॥ 30 ॥

यथा हि सार्थं गच्छन्तं ब्रूयात्कश्चित्पथि स्थितः ।

अहमप्यागमिष्यामि पृष्ठतो भवता मिति ॥ 31 ॥

एवं पूर्वैर्गतो मार्गः पितृपैतामहो ध्रुवः ।

तमापन्नः कथं शोचेद्यस्य नास्ति व्यतिक्रमः ॥ 32 ॥

वयसः पतमानस्य स्रोतसो वाऽनिवर्तिनः ।

आत्मा सुखे नियोक्तव्यस्सुखभाजः प्रजाः स्मृताः ॥ 33 ॥

धर्मात्मा स शुभैः कृत्स्नैः क्रतुभिश्चाप्तदक्षिणैः ।

स्वर्गं दशरथः प्राप्तः पिता नः पृथिवीपतिः ॥ 34 ॥

भृत्यानां भरणात्सम्यक्प्रजानां परिपालनात् ।

अर्थादानाच्च धर्मेण पिता न स्त्रिदिवङ्गतः ॥ 35 ॥

कर्मभि स्तु शुभैरिष्टैः क्रतुभिश्चाप्तदक्षिणैः ।

स्वर्गं दशरथः प्राप्तः पिता नः पृथिवीपतिः ॥ 36 ॥

इष्ट्वा बहुविधैर्यज्ञैर्भोगां श्चावाप्य पुष्कलान् ।

उत्तमं चायुरासाद्य स्वर्गतः पृथिवीपतिः ॥ 37 ॥

आयुरुत्तममासाद्य भोगानपि च राघवः ।

स न शोच्यः पिता तात स्वर्गत स्सत्कृत स्सताम् ॥ 38 ॥

स जीर्णं मानुषं देहं परित्यज्य पिता हि नः ।

दैवीमृद्धिमनुप्राप्तो ब्रह्मलोकविहारिणीम् ॥ 39 ॥

तं तु नैवंविधः कश्चित्प्राज्ञ श्शोचितुमर्हति ।

तत्विधो मद्विधश्चापि श्रुतवान्बुद्धिमत्तरः ॥ 40 ॥

एते बहुविधा शोका विलापरुदिते तथा ।

वर्जनीया हि धीरेण सर्वावस्थासु धीमता ॥ 41 ॥

स स्वस्थो भव मा शोचेर्यात्वा चावसतां पुरीम् ।

तथा पित्रा नियुक्तोऽसि वशिना वदतां वर ॥ 42 ॥

यत्राहमपि तेनैव नियुक्तः पुण्यकर्मणा ।

तत्रैवाहं करिष्यामि पितुरार्यस्य शासनम् ॥ 43 ॥

न मया शासनं तस्य त्यक्तुं न्याय्य मरिन्दम ।

स त्वयापि सदा मान्यं स वै बन्धु स नः पिता ॥ 44 ॥

तद्वचः पितुरेवाहं सम्मतं धर्मचारिणः ।

कर्मणा पालयिष्यामि वनवासेन राघव ॥ 45 ॥

धार्मिकेणानृशंसेन नरेण गुरुवर्तिना ।

भवितव्यं नरव्याघ्र परलोकं जिगीषता ॥ 46 ॥

आत्मानमनुतिष्ठत्वं स्वभावेन नरर्षभ ।

निशाम्यतु शुभं वृत्तं पितुर्दशरथस्य नः ॥ 47 ॥

इत्येवमुक्त्वा वचनं महात्मा पितुर्निदेश प्रतिपालनार्थम् ।

यवीयसं भ्रातरमर्थवच्च प्रभुर्मुहूर्ताद्विरराम रामः ॥ 48 ॥

इत्यार्षे श्रीमद्रामायणे वाल्मीकीय आदिकाव्ये अयोध्याकाण्डे पञ्चाधिकशततमस्सर्गः ॥

🕉️ This is the original Sanskrit rendered in Kannada script. Pronunciation is identical to the Sanskrit Devanagari version. It is a transliteration, not a translation — see “Meaning” for translations where available.

2.105 ಅಯೋಧ್ಯಾಕಾಣ್ಡ - ಪಞ್ಚಾಧಿಕಶತತಮ ಸರ್ಗಃ