ਸ਼੍ਰੀਮਦ੍ਵਾਲ੍ਮੀਕੀਯ ਰਾਮਾਯਣੇ ਬਾਲਕਾਣ੍ਡਮ੍ ।
ਅਥ ਏਕਸਪ੍ਤਤਿਤਮਸ੍ਸਰ੍ਗਃ ।
ਏਵਂ ਬ੍ਰੁਵਾਣਂ ਜਨਕਃ ਪ੍ਰਤ੍ਯੁਵਾਚ ਕृਤਾਞ੍ਜਲਿਃ ।
ਸ਼੍ਰੋਤੁਮਰ੍ਹਸਿ ਭਦ੍ਰਂ ਤੇ ਕੁਲਂ ਨਃ ਪਰਿਕੀਰ੍ਤਿਤਮ੍ ॥ 1 ॥
ਪ੍ਰਦਾਨੇ ਹਿ ਮੁਨਿਸ਼੍ਰੇष੍ਠ ਕੁਲਂ ਨਿਰਵਸ਼ੇषਤਃ ।
ਵਕ੍ਤਵ੍ਯਂ ਕੁਲਜਾਤੇਨ ਤਨ੍ਨਿਬੋਧ ਮਹਾਮੁਨੇ ॥ 2 ॥
ਰਾਜਾऽਭੂਤ੍ ਤ੍ਰਿषੁ ਲੋਕੇषੁ ਵਿਸ਼੍ਰੁਤ ਸ੍ਸ੍ਵੇਨ ਕਰ੍ਮਣਾ ।
ਨਿਮਿਃ ਪਰਮਧਰ੍ਮਾਤ੍ਮਾ ਸਰ੍ਵਸਤ੍ਤ੍ਵਵਤਾਂ ਵਰਃ ॥ 3 ॥
ਤਸ੍ਯ ਪੁਤ੍ਰੋਮਿਥਿਰ੍ਨਾਮ ਮਿਥਿਲਾ ਯੇਨ ਨਿਰ੍ਮਿਤਾ ।
ਪ੍ਰਥਮੋ ਜਨਕੋ ਨਾਮ ਜਨਕਾਦਪ੍ਯੁਦਾਵਸੁਃ ॥ 4 ॥
ਉਦਾਵਸੋਸ੍ਤੁ ਧਰ੍ਮਾਤ੍ਮਾ ਜਾਤੋ ਵੈ ਨਨ੍ਦਿਵਰ੍ਧਨਃ ।
ਨਨ੍ਦਿਵਰ੍ਧਨਪੁਤ੍ਰਸ੍ਤੁ ਸੁਕੇਤੁਰ੍ਨਾਮ ਨਾਮਤਃ ॥ 5 ॥
ਸੁਕੇਤੋਰਪਿ ਧਰ੍ਮਾਤ੍ਮਾ ਦੇਵਰਾਤੋ ਮਹਾਬਲਃ ।
ਦੇਵਰਾਤਸ੍ਯ ਰਾਜਰ੍षੇਰ੍ਬृਹਦ੍ਰਥ ਇਤਿ ਸ੍ਮृਤਃ ॥ 6 ॥
ਬृਹਦ੍ਰਥਸ੍ਯ ਸ਼ੂਰੋऽਭੂਨ੍ਮਹਾਵੀਰਃ ਪ੍ਰਤਾਪਵਾਨ੍ ।
ਮਹਾਵੀਰਸ੍ਯ ਧृਤਿਮਾਨ੍ ਸੁਧृਤਿਸ੍ਸਤ੍ਯਵਿਕ੍ਰਮਃ ॥ 7 ॥
ਸੁਧृਤੇਰਪਿ ਧਰ੍ਮਾਤ੍ਮਾ ਦृष੍ਟਕੇਤੁਸ੍ਸੁਧਾਰ੍ਮਿਕਃ ।
ਦृष੍ਟਕੇਤੋਸ੍ਤੁ ਰਾਜਰ੍षੇਰ੍ਹਰ੍ਯਸ਼੍ਵ ਇਤਿ ਵਿਸ਼੍ਰੁਤਃ ॥ 8 ॥
ਹਰ੍ਯਸ਼੍ਵਸ੍ਯ ਮਰੁਃ ਪੁਤ੍ਰੋ ਮਰੋਃ ਪੁਤ੍ਰਃ ਪ੍ਰਤਿਨ੍ਧਕਃ ।
ਪ੍ਰਤਿਨ੍ਧਕਸ੍ਯ ਧਰ੍ਮਾਤ੍ਮਾ ਰਾਜਾ ਕੀਰ੍ਤਿਰਥਸ੍ਸੁਤਃ ॥ 9 ॥
ਪੁਤ੍ਰਃ ਕੀਰ੍ਤਿਰਥਸ੍ਯਾਪਿ ਦੇਵਮੀਢ ਇਤਿ ਸ੍ਮृਤਃ ।
ਦੇਵਮੀਢਸ੍ਯ ਵਿਬੁਧੋ ਵਿਬੁਧਸ੍ਯ ਮਹੀਧ੍ਰਕਃ ॥ 10 ॥
ਮਹੀਧ੍ਰਕਸੁਤੋ ਰਾਜਾ ਕੀਰ੍ਤਿਰਾਤੋ ਮਹਾਬਲਃ ।
ਕੀਰ੍ਤਿਰਾਤਸ੍ਯ ਰਾਜਰ੍षੇਰ੍ਮਹਾਰੋਮਾ ਵ੍ਯਜਾਯਤ ॥ 11 ॥
ਮਹਾਰੋਮ੍ਣਸ੍ਤੁ ਧਰ੍ਮਾਤ੍ਮਾ ਸ੍ਵਰ੍ਣਰੋਮਾ ਵ੍ਯਜਾਯਤ ।
ਸ੍ਵਰ੍ਣਰੋਮ੍ਣਸ੍ਤੁ ਰਾਜਰ੍षੇਰ੍ਹ੍ਰਸ੍ਵਰੋਮਾ ਵ੍ਯਜਾਯਤ ॥ 12 ॥
ਤਸ੍ਯ ਪੁਤ੍ਰਦ੍ਵਯਂ ਜਜ੍ਞੇ ਧਰ੍ਮਜ੍ਞਸ੍ਯ ਮਹਾਤ੍ਮਨਃ ।
ਜ੍ਯੇष੍ਠੋऽਹਮਨੁਜੋ ਭ੍ਰਾਤਾ ਮਮ ਵੀਰਃ ਕੁਸ਼ਧ੍ਵਜਃ ॥ 13 ॥
ਮਾਂ ਤੁ ਜ੍ਯੇष੍ਠਂ ਪਿਤਾ ਰਾਜ੍ਯੇ ਸੋऽਭਿषਿਚ੍ਯ ਨਰਾਧਿਪਃ ।
ਕੁਸ਼ਧ੍ਵਜਂ ਸਮਾਵੇਸ਼੍ਯ ਭਾਰਂ ਮਯਿ ਵਨਂ ਗਤਃ ॥ 14 ॥
ਵृਦ੍ਧੇ ਪਿਤਰਿ ਸ੍ਵਰ੍ਯਾਤੇ ਧਰ੍ਮੇਣ ਧੁਰਮਾਵਹਮ੍ ।
ਭ੍ਰਾਤਰਂ ਦੇਵਸਙ੍ਕਾਸ਼ਂ ਸ੍ਨੇਹਾਤ੍ਪਸ਼੍ਯਨ੍ ਕੁਸ਼ਧ੍ਵਜਮ੍ ॥ 15 ॥
ਕਸ੍ਯ ਚਿਤ੍ਤ੍ਵਥਕਾਲਸ੍ਯ ਸਾਙ੍ਕਾਸ਼੍ਯਾਦਗਮਤ੍ਪੁਰਾਤ੍ ।
ਸੁਧਨ੍ਵਾ ਵੀਰ੍ਯਵਾਨ੍ਰਾਜਾ ਮਿਥਿਲਾਮਵਰੋਧਕਃ ॥ 16 ॥
ਸ ਚ ਮੇ ਪ੍ਰੇषਯਾਮਾਸ ਸ਼ੈਵਂ ਧਨੁਰਨੁਤ੍ਤਮਮ੍ ।
ਸੀਤਾ ਕਨ੍ਯਾ ਚ ਪਦ੍ਮਾਕ੍षੀ ਮਹ੍ਯਂ ਵੈ ਦੀਯਤਾਮਿਤਿ ॥ 17 ॥
ਤਸ੍ਯਾਪ੍ਰਦਾਨਾਦ੍ਬ੍ਰਹ੍ਮਰ੍षੇ ਯੁਦ੍ਧਮਾਸੀਨ੍ਮਯਾ ਸਹ ।
ਸ ਹਤੋऽਭਿਮੁਖੋ ਰਾਜਾ ਸੁਧਨ੍ਵਾ ਤੁ ਮਯਾ ਰਣੇ ॥ 18 ॥
ਨਿਹਤ੍ਯ ਤਂ ਮੁਨਿਸ਼੍ਰੇष੍ਠ ਸੁਧਨ੍ਵਾਨਂ ਨਰਾਧਿਪਮ੍ ।
ਸਾਙ੍ਕਾਸ਼੍ਯੇ ਭ੍ਰਾਤਰਂ ਵੀਰਮਭ੍ਯषਿਞ੍ਚਂ ਕੁਸ਼ਧ੍ਵਜਮ੍ ॥ 19 ॥
ਕਨੀਯਾਨੇष ਮੇ ਭ੍ਰਾਤਾ ਅਹਂ ਜ੍ਯੇष੍ਠੋ ਮਹਾਮੁਨੇ ।
ਦਦਾਮਿ ਪਰਮਪ੍ਰੀਤੋ ਵਧ੍ਵੌ ਤੇ ਮੁਨਿਪੁਙ੍ਗਵ ॥ 20 ॥
ਸੀਤਾਂ ਰਾਮਾਯ ਭਦ੍ਰਂ ਤੇ ਊਰ੍ਮਿਲਾ ਲਕ੍ष੍ਮਣਾਯ ਚ ।
ਵੀਰ੍ਯਸ਼ੁਲ੍ਕਾਂ ਮਮ ਸੁਤਾਂ ਸੀਤਾਂ ਸੁਰਸੁਤੋਪਮਾਮ੍ ॥ 21 ॥
ਦ੍ਵਿਤੀਯਾਮੂਰ੍ਮਿਲਾਂ ਚੈਵ ਤ੍ਰਿਰ੍ਦਦਾਮਿ ਨ ਸਂਸ਼ਯਃ ।
ਦਦਾਮਿ ਪਰਮਪ੍ਰੀਤੋ ਵਧ੍ਵੌ ਤੇ ਰਘੁਨਨ੍ਦਨ ॥ 22 ॥
ਰਾਮਲਕ੍ष੍ਮਣਯੋ ਰਾਜਨ੍ ਗੋਦਾਨਂ ਕਾਰਯਸ੍ਵ ਹ ।
ਪਿਤृਕਾਰ੍ਯਂ ਚ ਭਦ੍ਰਂ ਤੇ ਤਤੋ ਵੈਵਾਹਿਕਂ ਕੁਰੁ ॥ 23 ॥
ਮਖਾ ਹ੍ਯਦ੍ਯ ਮਹਾਬਾਹੋ ਤृਤੀਯੇ ਦਿਵਸੇ ਪ੍ਰਭੋ ।
ਫਲ੍ਗੁਨ੍ਯਾਮੁਤ੍ਤਰੇ ਰਾਜਂਸ੍ਤਸ੍ਮਿਨ੍ਵੈਵਾਹਿਕਂ ਕੁਰੁ ॥ 24 ॥
ਇਤ੍ਯਾਰ੍षੇ ਸ਼੍ਰੀਮਦ੍ਰਾਮਾਯਣੇ ਵਾਲ੍ਮੀਕੀਯ ਆਦਿਕਾਵ੍ਯੇ ਬਾਲਕਾਣ੍ਡੇ ਏਕਸਪ੍ਤਤਿਤਮਸ੍ਸਰ੍ਗਃ ॥
Roman (IAST) Transliteration
śrīmadvālmīkīya rāmāyaṇe bālakāṇḍam |
atha ekasaptatitamassargaḥ |
evaṃ bruvāṇaṃ janakaḥ pratyuvāca kṛtāñjaliḥ |
śrotumarhasi bhadraṃ te kulaṃ naḥ parikīrtitam || 1 ||
pradāne hi muniśreṣṭha kulaṃ niravaśeṣataḥ |
vaktavyaṃ kulajātena tannibodha mahāmune || 2 ||
rājā'bhūt triṣu lokeṣu viśruta ssvena karmaṇā |
nimiḥ paramadharmātmā sarvasattvavatāṃ varaḥ || 3 ||
tasya putromithirnāma mithilā yena nirmitā |
prathamo janako nāma janakādapyudāvasuḥ || 4 ||
udāvasostu dharmātmā jāto vai nandivardhanaḥ |
nandivardhanaputrastu suketurnāma nāmataḥ || 5 ||
suketorapi dharmātmā devarāto mahābalaḥ |
devarātasya rājarṣerbṛhadratha iti smṛtaḥ || 6 ||
bṛhadrathasya śūro'bhūnmahāvīraḥ pratāpavān |
mahāvīrasya dhṛtimān sudhṛtissatyavikramaḥ || 7 ||
sudhṛterapi dharmātmā dṛṣṭaketussudhārmikaḥ |
dṛṣṭaketostu rājarṣerharyaśva iti viśrutaḥ || 8 ||
haryaśvasya maruḥ putro maroḥ putraḥ pratindhakaḥ |
pratindhakasya dharmātmā rājā kīrtirathassutaḥ || 9 ||
putraḥ kīrtirathasyāpi devamīḍha iti smṛtaḥ |
devamīḍhasya vibudho vibudhasya mahīdhrakaḥ || 10 ||
mahīdhrakasuto rājā kīrtirāto mahābalaḥ |
kīrtirātasya rājarṣermahāromā vyajāyata || 11 ||
mahāromṇastu dharmātmā svarṇaromā vyajāyata |
svarṇaromṇastu rājarṣerhrasvaromā vyajāyata || 12 ||
tasya putradvayaṃ jajñe dharmajñasya mahātmanaḥ |
jyeṣṭho'hamanujo bhrātā mama vīraḥ kuśadhvajaḥ || 13 ||
māṃ tu jyeṣṭhaṃ pitā rājye so'bhiṣicya narādhipaḥ |
kuśadhvajaṃ samāveśya bhāraṃ mayi vanaṃ gataḥ || 14 ||
vṛddhe pitari svaryāte dharmeṇa dhuramāvaham |
bhrātaraṃ devasaṅkāśaṃ snehātpaśyan kuśadhvajam || 15 ||
kasya cittvathakālasya sāṅkāśyādagamatpurāt |
sudhanvā vīryavānrājā mithilāmavarodhakaḥ || 16 ||
sa ca me preṣayāmāsa śaivaṃ dhanuranuttamam |
sītā kanyā ca padmākṣī mahyaṃ vai dīyatāmiti || 17 ||
tasyāpradānādbrahmarṣe yuddhamāsīnmayā saha |
sa hato'bhimukho rājā sudhanvā tu mayā raṇe || 18 ||
nihatya taṃ muniśreṣṭha sudhanvānaṃ narādhipam |
sāṅkāśye bhrātaraṃ vīramabhyaṣiñcaṃ kuśadhvajam || 19 ||
kanīyāneṣa me bhrātā ahaṃ jyeṣṭho mahāmune |
dadāmi paramaprīto vadhvau te munipuṅgava || 20 ||
sītāṃ rāmāya bhadraṃ te ūrmilā lakṣmaṇāya ca |
vīryaśulkāṃ mama sutāṃ sītāṃ surasutopamām || 21 ||
dvitīyāmūrmilāṃ caiva trirdadāmi na saṃśayaḥ |
dadāmi paramaprīto vadhvau te raghunandana || 22 ||
rāmalakṣmaṇayo rājan godānaṃ kārayasva ha |
pitṛkāryaṃ ca bhadraṃ te tato vaivāhikaṃ kuru || 23 ||
makhā hyadya mahābāho tṛtīye divase prabho |
phalgunyāmuttare rājaṃstasminvaivāhikaṃ kuru || 24 ||
ityārṣe śrīmadrāmāyaṇe vālmīkīya ādikāvye bālakāṇḍe ekasaptatitamassargaḥ ||
Sanskrit — Devanagari (original)
श्रीमद्वाल्मीकीय रामायणे बालकाण्डम् ।
अथ एकसप्ततितमस्सर्गः ।
एवं ब्रुवाणं जनकः प्रत्युवाच कृताञ्जलिः ।
श्रोतुमर्हसि भद्रं ते कुलं नः परिकीर्तितम् ॥ 1 ॥
प्रदाने हि मुनिश्रेष्ठ कुलं निरवशेषतः ।
वक्तव्यं कुलजातेन तन्निबोध महामुने ॥ 2 ॥
राजाऽभूत् त्रिषु लोकेषु विश्रुत स्स्वेन कर्मणा ।
निमिः परमधर्मात्मा सर्वसत्त्ववतां वरः ॥ 3 ॥
तस्य पुत्रोमिथिर्नाम मिथिला येन निर्मिता ।
प्रथमो जनको नाम जनकादप्युदावसुः ॥ 4 ॥
उदावसोस्तु धर्मात्मा जातो वै नन्दिवर्धनः ।
नन्दिवर्धनपुत्रस्तु सुकेतुर्नाम नामतः ॥ 5 ॥
सुकेतोरपि धर्मात्मा देवरातो महाबलः ।
देवरातस्य राजर्षेर्बृहद्रथ इति स्मृतः ॥ 6 ॥
बृहद्रथस्य शूरोऽभून्महावीरः प्रतापवान् ।
महावीरस्य धृतिमान् सुधृतिस्सत्यविक्रमः ॥ 7 ॥
सुधृतेरपि धर्मात्मा दृष्टकेतुस्सुधार्मिकः ।
दृष्टकेतोस्तु राजर्षेर्हर्यश्व इति विश्रुतः ॥ 8 ॥
हर्यश्वस्य मरुः पुत्रो मरोः पुत्रः प्रतिन्धकः ।
प्रतिन्धकस्य धर्मात्मा राजा कीर्तिरथस्सुतः ॥ 9 ॥
पुत्रः कीर्तिरथस्यापि देवमीढ इति स्मृतः ।
देवमीढस्य विबुधो विबुधस्य महीध्रकः ॥ 10 ॥
महीध्रकसुतो राजा कीर्तिरातो महाबलः ।
कीर्तिरातस्य राजर्षेर्महारोमा व्यजायत ॥ 11 ॥
महारोम्णस्तु धर्मात्मा स्वर्णरोमा व्यजायत ।
स्वर्णरोम्णस्तु राजर्षेर्ह्रस्वरोमा व्यजायत ॥ 12 ॥
तस्य पुत्रद्वयं जज्ञे धर्मज्ञस्य महात्मनः ।
ज्येष्ठोऽहमनुजो भ्राता मम वीरः कुशध्वजः ॥ 13 ॥
मां तु ज्येष्ठं पिता राज्ये सोऽभिषिच्य नराधिपः ।
कुशध्वजं समावेश्य भारं मयि वनं गतः ॥ 14 ॥
वृद्धे पितरि स्वर्याते धर्मेण धुरमावहम् ।
भ्रातरं देवसङ्काशं स्नेहात्पश्यन् कुशध्वजम् ॥ 15 ॥
कस्य चित्त्वथकालस्य साङ्काश्यादगमत्पुरात् ।
सुधन्वा वीर्यवान्राजा मिथिलामवरोधकः ॥ 16 ॥
स च मे प्रेषयामास शैवं धनुरनुत्तमम् ।
सीता कन्या च पद्माक्षी मह्यं वै दीयतामिति ॥ 17 ॥
तस्याप्रदानाद्ब्रह्मर्षे युद्धमासीन्मया सह ।
स हतोऽभिमुखो राजा सुधन्वा तु मया रणे ॥ 18 ॥
निहत्य तं मुनिश्रेष्ठ सुधन्वानं नराधिपम् ।
साङ्काश्ये भ्रातरं वीरमभ्यषिञ्चं कुशध्वजम् ॥ 19 ॥
कनीयानेष मे भ्राता अहं ज्येष्ठो महामुने ।
ददामि परमप्रीतो वध्वौ ते मुनिपुङ्गव ॥ 20 ॥
सीतां रामाय भद्रं ते ऊर्मिला लक्ष्मणाय च ।
वीर्यशुल्कां मम सुतां सीतां सुरसुतोपमाम् ॥ 21 ॥
द्वितीयामूर्मिलां चैव त्रिर्ददामि न संशयः ।
ददामि परमप्रीतो वध्वौ ते रघुनन्दन ॥ 22 ॥
रामलक्ष्मणयो राजन् गोदानं कारयस्व ह ।
पितृकार्यं च भद्रं ते ततो वैवाहिकं कुरु ॥ 23 ॥
मखा ह्यद्य महाबाहो तृतीये दिवसे प्रभो ।
फल्गुन्यामुत्तरे राजंस्तस्मिन्वैवाहिकं कुरु ॥ 24 ॥
इत्यार्षे श्रीमद्रामायणे वाल्मीकीय आदिकाव्ये बालकाण्डे एकसप्ततितमस्सर्गः ॥
śrīmadvālmīkīya rāmāyaṇe bālakāṇḍam |
atha ekasaptatitamassargaḥ |
evaṃ bruvāṇaṃ janakaḥ pratyuvāca kṛtāñjaliḥ |
śrotumarhasi bhadraṃ te kulaṃ naḥ parikīrtitam || 1 ||
pradāne hi muniśreṣṭha kulaṃ niravaśeṣataḥ |
vaktavyaṃ kulajātena tannibodha mahāmune || 2 ||
rājā'bhūt triṣu lokeṣu viśruta ssvena karmaṇā |
nimiḥ paramadharmātmā sarvasattvavatāṃ varaḥ || 3 ||
tasya putromithirnāma mithilā yena nirmitā |
prathamo janako nāma janakādapyudāvasuḥ || 4 ||
udāvasostu dharmātmā jāto vai nandivardhanaḥ |
nandivardhanaputrastu suketurnāma nāmataḥ || 5 ||
suketorapi dharmātmā devarāto mahābalaḥ |
devarātasya rājarṣerbṛhadratha iti smṛtaḥ || 6 ||
bṛhadrathasya śūro'bhūnmahāvīraḥ pratāpavān |
mahāvīrasya dhṛtimān sudhṛtissatyavikramaḥ || 7 ||
sudhṛterapi dharmātmā dṛṣṭaketussudhārmikaḥ |
dṛṣṭaketostu rājarṣerharyaśva iti viśrutaḥ || 8 ||
haryaśvasya maruḥ putro maroḥ putraḥ pratindhakaḥ |
pratindhakasya dharmātmā rājā kīrtirathassutaḥ || 9 ||
putraḥ kīrtirathasyāpi devamīḍha iti smṛtaḥ |
devamīḍhasya vibudho vibudhasya mahīdhrakaḥ || 10 ||
mahīdhrakasuto rājā kīrtirāto mahābalaḥ |
kīrtirātasya rājarṣermahāromā vyajāyata || 11 ||
mahāromṇastu dharmātmā svarṇaromā vyajāyata |
svarṇaromṇastu rājarṣerhrasvaromā vyajāyata || 12 ||
tasya putradvayaṃ jajñe dharmajñasya mahātmanaḥ |
jyeṣṭho'hamanujo bhrātā mama vīraḥ kuśadhvajaḥ || 13 ||
māṃ tu jyeṣṭhaṃ pitā rājye so'bhiṣicya narādhipaḥ |
kuśadhvajaṃ samāveśya bhāraṃ mayi vanaṃ gataḥ || 14 ||
vṛddhe pitari svaryāte dharmeṇa dhuramāvaham |
bhrātaraṃ devasaṅkāśaṃ snehātpaśyan kuśadhvajam || 15 ||
kasya cittvathakālasya sāṅkāśyādagamatpurāt |
sudhanvā vīryavānrājā mithilāmavarodhakaḥ || 16 ||
sa ca me preṣayāmāsa śaivaṃ dhanuranuttamam |
sītā kanyā ca padmākṣī mahyaṃ vai dīyatāmiti || 17 ||
tasyāpradānādbrahmarṣe yuddhamāsīnmayā saha |
sa hato'bhimukho rājā sudhanvā tu mayā raṇe || 18 ||
nihatya taṃ muniśreṣṭha sudhanvānaṃ narādhipam |
sāṅkāśye bhrātaraṃ vīramabhyaṣiñcaṃ kuśadhvajam || 19 ||
kanīyāneṣa me bhrātā ahaṃ jyeṣṭho mahāmune |
dadāmi paramaprīto vadhvau te munipuṅgava || 20 ||
sītāṃ rāmāya bhadraṃ te ūrmilā lakṣmaṇāya ca |
vīryaśulkāṃ mama sutāṃ sītāṃ surasutopamām || 21 ||
dvitīyāmūrmilāṃ caiva trirdadāmi na saṃśayaḥ |
dadāmi paramaprīto vadhvau te raghunandana || 22 ||
rāmalakṣmaṇayo rājan godānaṃ kārayasva ha |
pitṛkāryaṃ ca bhadraṃ te tato vaivāhikaṃ kuru || 23 ||
makhā hyadya mahābāho tṛtīye divase prabho |
phalgunyāmuttare rājaṃstasminvaivāhikaṃ kuru || 24 ||
ityārṣe śrīmadrāmāyaṇe vālmīkīya ādikāvye bālakāṇḍe ekasaptatitamassargaḥ ||
🕉️ This is the original Sanskrit rendered in Gurmukhi script.
Pronunciation is identical to the Sanskrit Devanagari version.