ஶ்ரீமத்வால்மீகீய ராமாயணே கிஷ்கிந்தாகாண்டம் ।
அத பஞ்சபஞ்சாஶஸ்ஸர்கஃ ।
ஶ்ருத்வா ஹநுமதோ வாக்யம் ப்ரஶ்ரிதம் தர்மஸம்ஹிதம் ।
ஸ்வாமிஸத்காரஸம்யுக்தமங்கதோ வாக்யமப்ரவீத் ॥ 1 ॥
ஸ்தைர்யமாத்மமநஶ்ஶௌசமாந்ரு'ஶம்ஸ்யமதாऽர்ஜவம் ।
விக்ரமஶ்சைவ தைர்யம் ச ஸுக்ரீவே நோபபத்யதே ॥ 2 ॥
ப்ராதுர்ஜ்யேஷ்டஸ்ய யோ பார்யாம் ஜீவதோ மஹிஷீம் ப்ரியாம் ।
தர்மேண மாதரம் யஸ்து ஸ்வீகரோதி ஜுகுப்ஸிதஃ ॥ 3 ॥
கதம் ஸ தர்மம் ஜாநீதே யேந ப்ராத்ரா மஹாத்மநா ।
யுத்தாயாபிநியுக்தேந பிலஸ்ய பிஹிதம் முகம் ॥ 4 ॥
ஸத்யாத்பாணிக்ரு'ஹீதஶ்ச க்ரு'தகர்மா மஹாயஶாஃ ।
விஸ்ம்ரு'தோ ராகவோ யேந ஸ கஸ்ய து க்ரு'தம் ஸ்மரேத் ॥ 5 ॥
லக்ஷ்மணஸ்ய பயாத்யேந நாதர்மபயபீருணா ।
ஆதிஷ்டா மார்கிதும் ஸீதாம் தர்மமஸ்மிந்கதம் பவேத் ॥ 6 ॥
தஸ்மிந்பாபே க்ரு'தக்நே து ஸ்ம்ரு'திஹீநே சலாத்மநி ।
ஆர்யஃ கோ விஶ்வஸேஜ்ஜாது தத்குலீநோ ஜிஜீவிஷுஃ ॥ 7 ॥
ராஜ்யே புத்ரஃ ப்ரதிஷ்டாப்யஸ்ஸகுணோ விகுணோऽபி வா ।
கதம் ஶத்ருகுலீநம் மாம் ஸுக்ரீவோ ஜீவயிஷ்யதி ॥ 8 ॥
பிந்நமந்த்ரோऽபராத்தஶ்ச ஹீநஶக்திஃ கதம் ஹ்யஹம் ।
கிஷ்கிந்தாம் ப்ராப்ய ஜீவேயமநாத இவ துர்பலஃ ॥ 9 ॥
பாம்ஶுதண்டேந ஹி மாம் பந்தநே நோபபாதயேத் ।
ஶடஃ க்ரூரோ ந்ரு'ஶம்ஸஶ்ச ஸுக்ரீவோ ராஜ்யகாரணாத் ॥ 10 ॥
பந்தநாத்வாऽவஸாதாந்மே ஶ்ரேயஃ ப்ராயோபவேஶநம் ।
அநுஜாநீத மாம் ஸர்வே க்ரு'ஹம் கச்சந்து வாநராஃ ॥ 11 ॥
அஹம் வஃ ப்ரதிஜாநாமி நாகமிஷ்யாம்யஹம் புரீம் ।
இஹைவ ப்ராயமாஸிஷ்யே ஶ்ரேயோ மரணமேவ மே ॥ 12 ॥
அபிவாதநபூர்வம் ஹி ராகவௌ பலஶாலிநௌ ।
அபிவாதநபூர்வம் து ராஜா குஶலமேவ ச ॥ 13 ॥
வாச்யஸ்தாதோ யவீயாந்மே ஸுக்ரீவோ வாநரேஶ்வரஃ ।
ஆரோக்யபூர்வம் குஶலம் வாச்யா மாதா ருமா ச மே ॥ 14 ॥
மாதரம் சைவ மே தாராமாஶ்வாஸயிதுமர்ஹத ।
ப்ரக்ரு'த்யா ப்ரியபுத்ரா ஸா ஸாநுக்ரோஶா தபஸ்விநீ ॥ 15 ॥
விநஷ்டமிஹ மாம் ஶ்ருத்வா வ்யக்தம் ஹாஸ்யதி ஜீவிதம் ।
ஏதாவதுக்த்வா வசநம் வ்ரு'த்தாம்ஸ்தாநபிவாத்ய ச ॥ 16 ॥
விவேஶ சாங்கதோ பூமௌ ருதந்தர்பேஷு துர்மநாஃ ।
தஸ்ய ஸம்விஶதஸ்தத்ர ருதந்தோ வாநரர்ஷபாஃ ॥ 17 ॥
நயநேப்யஃ ப்ரமுமுசுருஷ்ணம் வை வாரி துஃகிதாஃ ।
ஸுக்ரீவம் சைவ நிந்தந்தஃ ப்ரஶம்ஸந்தஶ்ச வாலிநம் ॥ 18 ॥
பரிவார்யாங்கதம் ஸர்வே வ்யவஸந்ப்ராயமாஸிதும் ।
மதம் தத்வாலிபுத்ரஸ்ய விஜ்ஞாய ப்லவகர்ஷபாஃ ॥ 19 ॥
உபஸ்ப்ரு'ஶ்யோதகம் தத்ர ப்ராங்முகாஸ்ஸமுபாவிஶந் ।
தக்ஷிணாக்ரேஷு தர்பேஷு உதக்தீரம் ஸமாஶ்ரிதாஃ ॥ 20 ॥
முமூர்ஷவோ ஹரிஶ்ரேஷ்டா ஏதத் க்ஷமமிதி ஸ்ம ஹ ।
ராமஸ்ய வநவாஸம் ச க்ஷயம் தஶரதஸ்ய ச ॥ 21 ॥
ஜநஸ்தாநவதம் சைவ வதம் சைவ ஜடாயுஷஃ ।
ஹரணம் சைவ வைதேஹ்யா வாலிநஶ்ச வதம் ரணே ॥ 22 ॥
ராமகோபம் ச வததாம் ஹரீணாம் பயமாகதம் ।
ஸ ஸம்விஶத்பிபஹுபிர்மஹீதரோ மஹாத்ரிகூடப்ரதிமைஃ ப்லவங்கமைஃ ।
பபூவ ஸந்நாதிதநிர்தராந்தரோ ப்ரு'ஶம் நதத்பிர்ஜலதைரிவோல்பணைஃ ॥ 23 ॥
இத்யார்ஷே ஶ்ரீமத்ராமாயணே வால்மீகீய ஆதிகாவ்யே கிஷ்கிந்தாகாண்டே பஞ்சபஞ்சாஶஸ்ஸர்கஃ ॥
Roman (IAST) Transliteration
śrīmadvālmīkīya rāmāyaṇe kiṣkindhākāṇḍam |
atha pañcapañcāśassargaḥ |
śrutvā hanumato vākyaṃ praśritaṃ dharmasaṃhitam |
svāmisatkārasaṃyuktamaṅgado vākyamabravīt || 1 ||
sthairyamātmamanaśśaucamānṛśaṃsyamathā'rjavam |
vikramaścaiva dhairyaṃ ca sugrīve nopapadyate || 2 ||
bhrāturjyeṣṭhasya yo bhāryāṃ jīvato mahiṣīṃ priyām |
dharmeṇa mātaraṃ yastu svīkaroti jugupsitaḥ || 3 ||
kathaṃ sa dharmaṃ jānīte yena bhrātrā mahātmanā |
yuddhāyābhiniyuktena bilasya pihitaṃ mukham || 4 ||
satyātpāṇigṛhītaśca kṛtakarmā mahāyaśāḥ |
vismṛto rāghavo yena sa kasya tu kṛtaṃ smaret || 5 ||
lakṣmaṇasya bhayādyena nādharmabhayabhīruṇā |
ādiṣṭā mārgituṃ sītāṃ dharmamasminkathaṃ bhavet || 6 ||
tasminpāpe kṛtaghne tu smṛtihīne calātmani |
āryaḥ ko viśvasejjātu tatkulīno jijīviṣuḥ || 7 ||
rājye putraḥ pratiṣṭhāpyassaguṇo viguṇo'pi vā |
kathaṃ śatrukulīnaṃ māṃ sugrīvo jīvayiṣyati || 8 ||
bhinnamantro'parāddhaśca hīnaśaktiḥ kathaṃ hyaham |
kiṣkindhāṃ prāpya jīveyamanātha iva durbalaḥ || 9 ||
pāṃśudaṇḍena hi māṃ bandhane nopapādayet |
śaṭhaḥ krūro nṛśaṃsaśca sugrīvo rājyakāraṇāt || 10 ||
bandhanādvā'vasādānme śreyaḥ prāyopaveśanam |
anujānīta māṃ sarve gṛhaṃ gacchantu vānarāḥ || 11 ||
ahaṃ vaḥ pratijānāmi nāgamiṣyāmyahaṃ purīm |
ihaiva prāyamāsiṣye śreyo maraṇameva me || 12 ||
abhivādanapūrvaṃ hi rāghavau balaśālinau |
abhivādanapūrvaṃ tu rājā kuśalameva ca || 13 ||
vācyastāto yavīyānme sugrīvo vānareśvaraḥ |
ārogyapūrvaṃ kuśalaṃ vācyā mātā rumā ca me || 14 ||
mātaraṃ caiva me tārāmāśvāsayitumarhatha |
prakṛtyā priyaputrā sā sānukrośā tapasvinī || 15 ||
vinaṣṭamiha māṃ śrutvā vyaktaṃ hāsyati jīvitam |
etāvaduktvā vacanaṃ vṛddhāṃstānabhivādya ca || 16 ||
viveśa cāṅgado bhūmau rudandarbheṣu durmanāḥ |
tasya saṃviśatastatra rudanto vānararṣabhāḥ || 17 ||
nayanebhyaḥ pramumucuruṣṇaṃ vai vāri duḥkhitāḥ |
sugrīvaṃ caiva nindantaḥ praśaṃsantaśca vālinam || 18 ||
parivāryāṅgadaṃ sarve vyavasanprāyamāsitum |
mataṃ tadvāliputrasya vijñāya plavagarṣabhāḥ || 19 ||
upaspṛśyodakaṃ tatra prāṅmukhāssamupāviśan |
dakṣiṇāgreṣu darbheṣu udaktīraṃ samāśritāḥ || 20 ||
mumūrṣavo hariśreṣṭhā etat kṣamamiti sma ha |
rāmasya vanavāsaṃ ca kṣayaṃ daśarathasya ca || 21 ||
janasthānavadhaṃ caiva vadhaṃ caiva jaṭāyuṣaḥ |
haraṇaṃ caiva vaidehyā vālinaśca vadhaṃ raṇe || 22 ||
rāmakopaṃ ca vadatāṃ harīṇāṃ bhayamāgatam |
sa saṃviśadbhibahubhirmahīdharo mahādrikūṭapratimaiḥ plavaṅgamaiḥ |
babhūva sannāditanirdarāntaro bhṛśaṃ nadadbhirjaladairivolbaṇaiḥ || 23 ||
ityārṣe śrīmadrāmāyaṇe vālmīkīya ādikāvye kiṣkindhākāṇḍe pañcapañcāśassargaḥ ||
Sanskrit — Devanagari (original)
श्रीमद्वाल्मीकीय रामायणे किष्किन्धाकाण्डम् ।
अथ पञ्चपञ्चाशस्सर्गः ।
श्रुत्वा हनुमतो वाक्यं प्रश्रितं धर्मसंहितम् ।
स्वामिसत्कारसंयुक्तमङ्गदो वाक्यमब्रवीत् ॥ 1 ॥
स्थैर्यमात्ममनश्शौचमानृशंस्यमथाऽर्जवम् ।
विक्रमश्चैव धैर्यं च सुग्रीवे नोपपद्यते ॥ 2 ॥
भ्रातुर्ज्येष्ठस्य यो भार्यां जीवतो महिषीं प्रियाम् ।
धर्मेण मातरं यस्तु स्वीकरोति जुगुप्सितः ॥ 3 ॥
कथं स धर्मं जानीते येन भ्रात्रा महात्मना ।
युद्धायाभिनियुक्तेन बिलस्य पिहितं मुखम् ॥ 4 ॥
सत्यात्पाणिगृहीतश्च कृतकर्मा महायशाः ।
विस्मृतो राघवो येन स कस्य तु कृतं स्मरेत् ॥ 5 ॥
लक्ष्मणस्य भयाद्येन नाधर्मभयभीरुणा ।
आदिष्टा मार्गितुं सीतां धर्ममस्मिन्कथं भवेत् ॥ 6 ॥
तस्मिन्पापे कृतघ्ने तु स्मृतिहीने चलात्मनि ।
आर्यः को विश्वसेज्जातु तत्कुलीनो जिजीविषुः ॥ 7 ॥
राज्ये पुत्रः प्रतिष्ठाप्यस्सगुणो विगुणोऽपि वा ।
कथं शत्रुकुलीनं मां सुग्रीवो जीवयिष्यति ॥ 8 ॥
भिन्नमन्त्रोऽपराद्धश्च हीनशक्तिः कथं ह्यहम् ।
किष्किन्धां प्राप्य जीवेयमनाथ इव दुर्बलः ॥ 9 ॥
पांशुदण्डेन हि मां बन्धने नोपपादयेत् ।
शठः क्रूरो नृशंसश्च सुग्रीवो राज्यकारणात् ॥ 10 ॥
बन्धनाद्वाऽवसादान्मे श्रेयः प्रायोपवेशनम् ।
अनुजानीत मां सर्वे गृहं गच्छन्तु वानराः ॥ 11 ॥
अहं वः प्रतिजानामि नागमिष्याम्यहं पुरीम् ।
इहैव प्रायमासिष्ये श्रेयो मरणमेव मे ॥ 12 ॥
अभिवादनपूर्वं हि राघवौ बलशालिनौ ।
अभिवादनपूर्वं तु राजा कुशलमेव च ॥ 13 ॥
वाच्यस्तातो यवीयान्मे सुग्रीवो वानरेश्वरः ।
आरोग्यपूर्वं कुशलं वाच्या माता रुमा च मे ॥ 14 ॥
मातरं चैव मे तारामाश्वासयितुमर्हथ ।
प्रकृत्या प्रियपुत्रा सा सानुक्रोशा तपस्विनी ॥ 15 ॥
विनष्टमिह मां श्रुत्वा व्यक्तं हास्यति जीवितम् ।
एतावदुक्त्वा वचनं वृद्धांस्तानभिवाद्य च ॥ 16 ॥
विवेश चाङ्गदो भूमौ रुदन्दर्भेषु दुर्मनाः ।
तस्य संविशतस्तत्र रुदन्तो वानरर्षभाः ॥ 17 ॥
नयनेभ्यः प्रमुमुचुरुष्णं वै वारि दुःखिताः ।
सुग्रीवं चैव निन्दन्तः प्रशंसन्तश्च वालिनम् ॥ 18 ॥
परिवार्याङ्गदं सर्वे व्यवसन्प्रायमासितुम् ।
मतं तद्वालिपुत्रस्य विज्ञाय प्लवगर्षभाः ॥ 19 ॥
उपस्पृश्योदकं तत्र प्राङ्मुखास्समुपाविशन् ।
दक्षिणाग्रेषु दर्भेषु उदक्तीरं समाश्रिताः ॥ 20 ॥
मुमूर्षवो हरिश्रेष्ठा एतत् क्षममिति स्म ह ।
रामस्य वनवासं च क्षयं दशरथस्य च ॥ 21 ॥
जनस्थानवधं चैव वधं चैव जटायुषः ।
हरणं चैव वैदेह्या वालिनश्च वधं रणे ॥ 22 ॥
रामकोपं च वदतां हरीणां भयमागतम् ।
स संविशद्भिबहुभिर्महीधरो महाद्रिकूटप्रतिमैः प्लवङ्गमैः ।
बभूव सन्नादितनिर्दरान्तरो भृशं नदद्भिर्जलदैरिवोल्बणैः ॥ 23 ॥
इत्यार्षे श्रीमद्रामायणे वाल्मीकीय आदिकाव्ये किष्किन्धाकाण्डे पञ्चपञ्चाशस्सर्गः ॥
śrīmadvālmīkīya rāmāyaṇe kiṣkindhākāṇḍam |
atha pañcapañcāśassargaḥ |
śrutvā hanumato vākyaṃ praśritaṃ dharmasaṃhitam |
svāmisatkārasaṃyuktamaṅgado vākyamabravīt || 1 ||
sthairyamātmamanaśśaucamānṛśaṃsyamathā'rjavam |
vikramaścaiva dhairyaṃ ca sugrīve nopapadyate || 2 ||
bhrāturjyeṣṭhasya yo bhāryāṃ jīvato mahiṣīṃ priyām |
dharmeṇa mātaraṃ yastu svīkaroti jugupsitaḥ || 3 ||
kathaṃ sa dharmaṃ jānīte yena bhrātrā mahātmanā |
yuddhāyābhiniyuktena bilasya pihitaṃ mukham || 4 ||
satyātpāṇigṛhītaśca kṛtakarmā mahāyaśāḥ |
vismṛto rāghavo yena sa kasya tu kṛtaṃ smaret || 5 ||
lakṣmaṇasya bhayādyena nādharmabhayabhīruṇā |
ādiṣṭā mārgituṃ sītāṃ dharmamasminkathaṃ bhavet || 6 ||
tasminpāpe kṛtaghne tu smṛtihīne calātmani |
āryaḥ ko viśvasejjātu tatkulīno jijīviṣuḥ || 7 ||
rājye putraḥ pratiṣṭhāpyassaguṇo viguṇo'pi vā |
kathaṃ śatrukulīnaṃ māṃ sugrīvo jīvayiṣyati || 8 ||
bhinnamantro'parāddhaśca hīnaśaktiḥ kathaṃ hyaham |
kiṣkindhāṃ prāpya jīveyamanātha iva durbalaḥ || 9 ||
pāṃśudaṇḍena hi māṃ bandhane nopapādayet |
śaṭhaḥ krūro nṛśaṃsaśca sugrīvo rājyakāraṇāt || 10 ||
bandhanādvā'vasādānme śreyaḥ prāyopaveśanam |
anujānīta māṃ sarve gṛhaṃ gacchantu vānarāḥ || 11 ||
ahaṃ vaḥ pratijānāmi nāgamiṣyāmyahaṃ purīm |
ihaiva prāyamāsiṣye śreyo maraṇameva me || 12 ||
abhivādanapūrvaṃ hi rāghavau balaśālinau |
abhivādanapūrvaṃ tu rājā kuśalameva ca || 13 ||
vācyastāto yavīyānme sugrīvo vānareśvaraḥ |
ārogyapūrvaṃ kuśalaṃ vācyā mātā rumā ca me || 14 ||
mātaraṃ caiva me tārāmāśvāsayitumarhatha |
prakṛtyā priyaputrā sā sānukrośā tapasvinī || 15 ||
vinaṣṭamiha māṃ śrutvā vyaktaṃ hāsyati jīvitam |
etāvaduktvā vacanaṃ vṛddhāṃstānabhivādya ca || 16 ||
viveśa cāṅgado bhūmau rudandarbheṣu durmanāḥ |
tasya saṃviśatastatra rudanto vānararṣabhāḥ || 17 ||
nayanebhyaḥ pramumucuruṣṇaṃ vai vāri duḥkhitāḥ |
sugrīvaṃ caiva nindantaḥ praśaṃsantaśca vālinam || 18 ||
parivāryāṅgadaṃ sarve vyavasanprāyamāsitum |
mataṃ tadvāliputrasya vijñāya plavagarṣabhāḥ || 19 ||
upaspṛśyodakaṃ tatra prāṅmukhāssamupāviśan |
dakṣiṇāgreṣu darbheṣu udaktīraṃ samāśritāḥ || 20 ||
mumūrṣavo hariśreṣṭhā etat kṣamamiti sma ha |
rāmasya vanavāsaṃ ca kṣayaṃ daśarathasya ca || 21 ||
janasthānavadhaṃ caiva vadhaṃ caiva jaṭāyuṣaḥ |
haraṇaṃ caiva vaidehyā vālinaśca vadhaṃ raṇe || 22 ||
rāmakopaṃ ca vadatāṃ harīṇāṃ bhayamāgatam |
sa saṃviśadbhibahubhirmahīdharo mahādrikūṭapratimaiḥ plavaṅgamaiḥ |
babhūva sannāditanirdarāntaro bhṛśaṃ nadadbhirjaladairivolbaṇaiḥ || 23 ||
ityārṣe śrīmadrāmāyaṇe vālmīkīya ādikāvye kiṣkindhākāṇḍe pañcapañcāśassargaḥ ||
🕉️ This is the original Sanskrit rendered in Tamil script.
Pronunciation is identical to the Sanskrit Devanagari version.