ஶ்ரீமத்வால்மீகீய ராமாயணே கிஷ்கிந்தாகாண்டம் ।
அத ஏகஷஷ்டிதமஸ்ஸர்கஃ ।
ததஸ்தத்தாருணம் கர்ம துஷ்கரம் ஸஹஸாத்க்ரு'தம் ।
ஆசசக்ஷே முநேஸ்ஸர்வம் ஸூர்யாநுகமநம் ததா ॥ 1 ॥
பகவந்வ்ரணயுக்தத்வால்லஜ்ஜயா வ்யாகுலேந்த்ரியஃ ।
பரிஶ்ராந்தோ ந ஶக்நோமி வசநம் பரிபாஷிதும் ॥ 2 ॥
அஹம் சைவ ஜடாயுஶ்ச ஸங்கர்ஷாத்தர்பமோஹிதௌ ।
ஆகாஶம் பதிதௌ வீரௌ ஜிஜ்ஞாஸந்தௌ பராக்ரமம் ॥ 3 ॥
கைலாஸஶிகரே பத்த்வா முநீநாமக்ரதஃ பணம் ।
ரவிஸ்ஸ்யாதநுயாதவ்யோ யாவதஸ்தம் மஹாகிரிம் ॥ 4 ॥
அதாऽவாம் யுகபத்ப்ராப்தாவபஶ்யாவ மஹீதலே ।
ரதசக்ரப்ரமாணாநி நகராணி ப்ரு'தக்ப்ரு'தக் ॥ 5 ॥
க்வசித்வாதித்ரகோஷாம்ஶ்ச ப்ரஹ்மகோஷாம்ஶ்ச ஶுஶ்ருவஃ ।
காயந்தீஶ்சாங்கநா பஹ்வீஃ பஶ்யாவோ ரக்தவாஸஸஃ ॥ 6 ॥
தூர்ணமுத்பத்ய சாகாஶமாதித்யபதமாஶ்ரிதௌ ।
ஆவாமாலோகயாவஸ்தத்வநம் ஶாத்வலஸந்நிபம் ॥ 7 ॥
உபலைரிவ ஸஞ்சந்நா த்ரு'ஶ்யதே பூஶ்ஶிலோச்சயைஃ ।
ஆபகாபிஶ்ச ஸம்வீதா ஸூத்ரைரிவ வஸுந்தரா ॥ 8 ॥
ஹிமவாம்ஶ்சைவ விந்த்யஶ்ச மேருஶ்ச ஸுமஹாந்நகஃ ।
பூதலே ஸம்ப்ரகாஶந்தே நாகா இவ ஜலாஶயே ॥ 9 ॥
தீவ்ரஸ்ஸ்வேதஶ்ச கேதஶ்ச பயம் சாஸீத்ததாऽऽவயோஃ ।
ஸமாவிஶதி மோஹஶ்ச தமோ மூர்சா ச தாருணா ॥ 10 ॥
ந திக்விஜ்ஞாயதே யாம்யா நாக்நேயீ ந ச வாருணீ ।
யுகாந்தே நியதோ லோகோ ஹதோ தக்த இவாக்நிநா ॥ 11 ॥
மநஶ்ச மே ஹதம் பூயஸ்ஸந்நிவர்த்யது ஸம்ஶ்ரயம் ।
யத்நேந மஹதா ஹ்யஸ்மிந்புநஸ்ஸந்தாய சக்ஷுஷீ ॥ 12 ॥
யத்நேந மஹதா பூயோ பாஸ்கரஃ ப்ரதிலோகிதஃ ।
துல்யஃ ப்ரு'த்வீப்ரமாணேந பாஸ்கரஃ ப்ரதிபாதி நௌ ॥ 13 ॥
ஜடாயுர்மாமநாப்ரு'ச்ச்ய நிபபாத மஹீம் ததஃ ।
தம் த்ரு'ஷ்ட்வா தூர்ணமாகாஶாதாத்மாநம் முக்தவாநஹம் ॥ 14 ॥
பக்ஷாப்யாம் ச மயா குப்தோ ஜடாயுர்ந ப்ரதஹ்யதே ।
ப்ரமாதாத்தத்ர நிர்தக்தஃ பதந்வாயுபதாதஹம் ॥ 15 ॥
ஆஶங்கே தம் நிபதிதம் ஜநஸ்தாநே ஜடாயுஷம் ।
அஹம் து பதிதோ விந்த்யே தக்தபக்ஷோ ஜடீக்ரு'தஃ ॥ 16 ॥
ராஜ்யேந ஹீநோ ப்ராத்ரா ச பக்ஷாப்யாம் விக்ரமேண ச ।
ஸர்வதா மர்துமேவேச்சந்பதிஷ்யே ஶிகராத்கீரேஃ ॥ 17 ॥
இத்யார்ஷே ஶ்ரீமத்ராமாயணே வால்மீகீய ஆதிகாவ்யே கிஷ்கிந்தாகாண்டே ஏகஷஷ்டிதமஸ்ஸர்கஃ ॥
Roman (IAST) Transliteration
śrīmadvālmīkīya rāmāyaṇe kiṣkindhākāṇḍam |
atha ekaṣaṣṭitamassargaḥ |
tatastaddāruṇaṃ karma duṣkaraṃ sahasātkṛtam |
ācacakṣe munessarvaṃ sūryānugamanaṃ tathā || 1 ||
bhagavanvraṇayuktatvāllajjayā vyākulendriyaḥ |
pariśrānto na śaknomi vacanaṃ paribhāṣitum || 2 ||
ahaṃ caiva jaṭāyuśca saṅgharṣāddharpamohitau |
ākāśaṃ patitau vīrau jijñāsantau parākramam || 3 ||
kailāsaśikhare baddhvā munīnāmagrataḥ paṇam |
ravissyādanuyātavyo yāvadastaṃ mahāgirim || 4 ||
athā'vāṃ yugapatprāptāvapaśyāva mahītale |
rathacakrapramāṇāni nagarāṇi pṛthakpṛthak || 5 ||
kvacidvāditraghoṣāṃśca brahmaghoṣāṃśca śuśruvaḥ |
gāyantīścāṅganā bahvīḥ paśyāvo raktavāsasaḥ || 6 ||
tūrṇamutpatya cākāśamādityapathamāśritau |
āvāmālokayāvastadvanaṃ śādvalasannibham || 7 ||
upalairiva sañchannā dṛśyate bhūśśiloccayaiḥ |
āpagābhiśca saṃvītā sūtrairiva vasundharā || 8 ||
himavāṃścaiva vindhyaśca meruśca sumahānnagaḥ |
bhūtale samprakāśante nāgā iva jalāśaye || 9 ||
tīvrassvedaśca khedaśca bhayaṃ cāsīttadā''vayoḥ |
samāviśati mohaśca tamo mūrchā ca dāruṇā || 10 ||
na digvijñāyate yāmyā nāgneyī na ca vāruṇī |
yugānte niyato loko hato dagdha ivāgninā || 11 ||
manaśca me hataṃ bhūyassannivartyatu saṃśrayam |
yatnena mahatā hyasminpunassandhāya cakṣuṣī || 12 ||
yatnena mahatā bhūyo bhāskaraḥ pratilokitaḥ |
tulyaḥ pṛthvīpramāṇena bhāskaraḥ pratibhāti nau || 13 ||
jaṭāyurmāmanāpṛcchya nipapāta mahīṃ tataḥ |
taṃ dṛṣṭvā tūrṇamākāśādātmānaṃ muktavānaham || 14 ||
pakṣābhyāṃ ca mayā gupto jaṭāyurna pradahyate |
pramādāttatra nirdagdhaḥ patanvāyupathādaham || 15 ||
āśaṅke taṃ nipatitaṃ janasthāne jaṭāyuṣam |
ahaṃ tu patito vindhye dagdhapakṣo jaḍīkṛtaḥ || 16 ||
rājyena hīno bhrātrā ca pakṣābhyāṃ vikrameṇa ca |
sarvathā martumevecchanpatiṣye śikharādgīreḥ || 17 ||
ityārṣe śrīmadrāmāyaṇe vālmīkīya ādikāvye kiṣkindhākāṇḍe ekaṣaṣṭitamassargaḥ ||
Sanskrit — Devanagari (original)
श्रीमद्वाल्मीकीय रामायणे किष्किन्धाकाण्डम् ।
अथ एकषष्टितमस्सर्गः ।
ततस्तद्दारुणं कर्म दुष्करं सहसात्कृतम् ।
आचचक्षे मुनेस्सर्वं सूर्यानुगमनं तथा ॥ 1 ॥
भगवन्व्रणयुक्तत्वाल्लज्जया व्याकुलेन्द्रियः ।
परिश्रान्तो न शक्नोमि वचनं परिभाषितुम् ॥ 2 ॥
अहं चैव जटायुश्च सङ्घर्षाद्धर्पमोहितौ ।
आकाशं पतितौ वीरौ जिज्ञासन्तौ पराक्रमम् ॥ 3 ॥
कैलासशिखरे बद्ध्वा मुनीनामग्रतः पणम् ।
रविस्स्यादनुयातव्यो यावदस्तं महागिरिम् ॥ 4 ॥
अथाऽवां युगपत्प्राप्तावपश्याव महीतले ।
रथचक्रप्रमाणानि नगराणि पृथक्पृथक् ॥ 5 ॥
क्वचिद्वादित्रघोषांश्च ब्रह्मघोषांश्च शुश्रुवः ।
गायन्तीश्चाङ्गना बह्वीः पश्यावो रक्तवाससः ॥ 6 ॥
तूर्णमुत्पत्य चाकाशमादित्यपथमाश्रितौ ।
आवामालोकयावस्तद्वनं शाद्वलसन्निभम् ॥ 7 ॥
उपलैरिव सञ्छन्ना दृश्यते भूश्शिलोच्चयैः ।
आपगाभिश्च संवीता सूत्रैरिव वसुन्धरा ॥ 8 ॥
हिमवांश्चैव विन्ध्यश्च मेरुश्च सुमहान्नगः ।
भूतले सम्प्रकाशन्ते नागा इव जलाशये ॥ 9 ॥
तीव्रस्स्वेदश्च खेदश्च भयं चासीत्तदाऽऽवयोः ।
समाविशति मोहश्च तमो मूर्छा च दारुणा ॥ 10 ॥
न दिग्विज्ञायते याम्या नाग्नेयी न च वारुणी ।
युगान्ते नियतो लोको हतो दग्ध इवाग्निना ॥ 11 ॥
मनश्च मे हतं भूयस्सन्निवर्त्यतु संश्रयम् ।
यत्नेन महता ह्यस्मिन्पुनस्सन्धाय चक्षुषी ॥ 12 ॥
यत्नेन महता भूयो भास्करः प्रतिलोकितः ।
तुल्यः पृथ्वीप्रमाणेन भास्करः प्रतिभाति नौ ॥ 13 ॥
जटायुर्मामनापृच्छ्य निपपात महीं ततः ।
तं दृष्ट्वा तूर्णमाकाशादात्मानं मुक्तवानहम् ॥ 14 ॥
पक्षाभ्यां च मया गुप्तो जटायुर्न प्रदह्यते ।
प्रमादात्तत्र निर्दग्धः पतन्वायुपथादहम् ॥ 15 ॥
आशङ्के तं निपतितं जनस्थाने जटायुषम् ।
अहं तु पतितो विन्ध्ये दग्धपक्षो जडीकृतः ॥ 16 ॥
राज्येन हीनो भ्रात्रा च पक्षाभ्यां विक्रमेण च ।
सर्वथा मर्तुमेवेच्छन्पतिष्ये शिखराद्गीरेः ॥ 17 ॥
इत्यार्षे श्रीमद्रामायणे वाल्मीकीय आदिकाव्ये किष्किन्धाकाण्डे एकषष्टितमस्सर्गः ॥
śrīmadvālmīkīya rāmāyaṇe kiṣkindhākāṇḍam |
atha ekaṣaṣṭitamassargaḥ |
tatastaddāruṇaṃ karma duṣkaraṃ sahasātkṛtam |
ācacakṣe munessarvaṃ sūryānugamanaṃ tathā || 1 ||
bhagavanvraṇayuktatvāllajjayā vyākulendriyaḥ |
pariśrānto na śaknomi vacanaṃ paribhāṣitum || 2 ||
ahaṃ caiva jaṭāyuśca saṅgharṣāddharpamohitau |
ākāśaṃ patitau vīrau jijñāsantau parākramam || 3 ||
kailāsaśikhare baddhvā munīnāmagrataḥ paṇam |
ravissyādanuyātavyo yāvadastaṃ mahāgirim || 4 ||
athā'vāṃ yugapatprāptāvapaśyāva mahītale |
rathacakrapramāṇāni nagarāṇi pṛthakpṛthak || 5 ||
kvacidvāditraghoṣāṃśca brahmaghoṣāṃśca śuśruvaḥ |
gāyantīścāṅganā bahvīḥ paśyāvo raktavāsasaḥ || 6 ||
tūrṇamutpatya cākāśamādityapathamāśritau |
āvāmālokayāvastadvanaṃ śādvalasannibham || 7 ||
upalairiva sañchannā dṛśyate bhūśśiloccayaiḥ |
āpagābhiśca saṃvītā sūtrairiva vasundharā || 8 ||
himavāṃścaiva vindhyaśca meruśca sumahānnagaḥ |
bhūtale samprakāśante nāgā iva jalāśaye || 9 ||
tīvrassvedaśca khedaśca bhayaṃ cāsīttadā''vayoḥ |
samāviśati mohaśca tamo mūrchā ca dāruṇā || 10 ||
na digvijñāyate yāmyā nāgneyī na ca vāruṇī |
yugānte niyato loko hato dagdha ivāgninā || 11 ||
manaśca me hataṃ bhūyassannivartyatu saṃśrayam |
yatnena mahatā hyasminpunassandhāya cakṣuṣī || 12 ||
yatnena mahatā bhūyo bhāskaraḥ pratilokitaḥ |
tulyaḥ pṛthvīpramāṇena bhāskaraḥ pratibhāti nau || 13 ||
jaṭāyurmāmanāpṛcchya nipapāta mahīṃ tataḥ |
taṃ dṛṣṭvā tūrṇamākāśādātmānaṃ muktavānaham || 14 ||
pakṣābhyāṃ ca mayā gupto jaṭāyurna pradahyate |
pramādāttatra nirdagdhaḥ patanvāyupathādaham || 15 ||
āśaṅke taṃ nipatitaṃ janasthāne jaṭāyuṣam |
ahaṃ tu patito vindhye dagdhapakṣo jaḍīkṛtaḥ || 16 ||
rājyena hīno bhrātrā ca pakṣābhyāṃ vikrameṇa ca |
sarvathā martumevecchanpatiṣye śikharādgīreḥ || 17 ||
ityārṣe śrīmadrāmāyaṇe vālmīkīya ādikāvye kiṣkindhākāṇḍe ekaṣaṣṭitamassargaḥ ||
🕉️ This is the original Sanskrit rendered in Tamil script.
Pronunciation is identical to the Sanskrit Devanagari version.