📚 Valmiki Ramayana · Sundara Kanda

5.34 సున్దరకాణ్డ - చతుస్త్రింశ సర్గః

Sarga 34

✍️ Author Maharishi Valmiki 🖋️ Telugu script 🔢 41 verses 29 views
📄 Download PDF
View: Text in this script too →
🖋️ Script: తెలుగు ▾
⚠️ AI-generated translation — the Sinhala meaning was produced by AI and automatically cross-checked against the Sanskrit, but it may still contain errors. It has not yet been reviewed by a scholar. Please refer to a traditional commentary for study.
Summary — Sinhala
සුන්දරකාණ්ඩයේ තිස්හතරවන සර්ගයේ, හනුමාන් රාමගේ දූතයා ලෙස සීතාට පණිවිඩය ගෙන දෙයි. රාම, ලක්ෂ්මණ සහ සුග්‍රීව සුවපත් බවත් ඇය නුදුරේදීම දකින බවත් ඔහු පවසයි. රාක්ෂසයන්ට රූපය වෙනස් කළ හැකි බැවින් සීතා මුලින් ඔහු රාවණ යැයි සැක කරයි. පසුව ඔහු තමා හනුමාන් බවත් රාවණාගේ හිස මත පාදය තබා ඇය දැකීමට පැමිණි බවත් පවසා සැකය අත්හරින ලෙස ඉල්ලයි.

AI-generated · not yet verified

The Sinhala meaning of each verse is shown below the verse.

Meaning —
శ్రీమద్వాల్మీకీయ రామాయణే సున్దరకాణ్డమ్ ।
అథ చతుస్త్రింశస్సర్గః ।
Shloka 1
తస్యాస్తద్వచనం శ్రుత్వా హనుమాన్హరిపుఙ్గవః ।
దుఃఖాద్దుఃఖాభిభూతాయా స్సాన్త్వముత్తరమబ్రవీత్ ॥ 1 ॥
tasyāstadvacanaṃ śrutvā hanumānharipuṅgavaḥ |
duḥkhādduḥkhābhibhūtāyā ssāntvamuttaramabravīt || 1 ||

එම වචන ඇසූ හනුමාන නම් වූ වානර ශ්‍රේෂ්ඨයා, දුකින් දුකට පත් වූ ඇයට සැනසිල්ල ගෙන දෙන පිළිතුරක් පැවසීය. AI

Shloka 2
అహం రామస్య సన్దేశాద్దేవి దూతస్తవాగతః ।
వైదేహి కుశలీ రామస్త్వాం చ కౌశలమబ్రవీత్ ॥ 2 ॥
ahaṃ rāmasya sandeśāddevi dūtastavāgataḥ |
vaidehi kuśalī rāmastvāṃ ca kauśalamabravīt || 2 ||

දේවියනි, මම රාමගේ පණිවිඩය රැගෙන ඔබ වෙත පැමිණි දූතයා වෙමි. වෛදේහියනි, රාම සුවපත් වෙයි; ඔබට ද සුවපත් බව පැවසීය. AI

Shloka 3
యో బ్రహ్మమస్త్రం వేదాంశ్చ వేద వేదవిదాంవరః ।
స త్వాం దాశరథీ రామో దేవి కౌశలమబ్రవీత్ ॥ 3 ॥
yo brahmamastraṃ vedāṃśca veda vedavidāṃvaraḥ |
sa tvāṃ dāśarathī rāmo devi kauśalamabravīt || 3 ||

දේවියනි, බ්‍රහ්මාස්ත්‍රය ද වේද ද දන්නා, වේද දත්තවුන් අතර ශ්‍රේෂ්ඨ වූ දශරථ පුත්‍ර රාම ඔබට සුවපත් බව පැවසීය. AI

Shloka 4
లక్ష్మణశ్చ మహాతేజా భర్తుస్తేఽనుచరః ప్రియః ।
కృతవాన్శోకసన్తప్తశ్శిరసా తేఽభివాదనమ్ ॥ 4 ॥
lakṣmaṇaśca mahātejā bhartuste'nucaraḥ priyaḥ |
kṛtavānśokasantaptaśśirasā te'bhivādanam || 4 ||

මහා තේජස් ඇති, ඔබ ස්වාමියාගේ ප්‍රිය අනුචර ලක්ෂ්මණ ද ශෝකයෙන් තැවී ඔබට හිස නමා ආචාර කළේය. AI

Shloka 5
సా తయోః కుశలం దేవీ నిశమ్య నరసింహయోః ।
ప్రీతిసంహృష్టసర్వాఙ్గీ హనుమన్తమథాబ్రవీత్ ॥ 5 ॥
sā tayoḥ kuśalaṃ devī niśamya narasiṃhayoḥ |
prītisaṃhṛṣṭasarvāṅgī hanumantamathābravīt || 5 ||

එම නරසිංහයන් දෙදෙනාගේ සුවපත් බව අසා දේවිය ප්‍රීතියෙන් සියලු අවයව පිනා ගියාය; ඉන්පසු හනුමානයාට මෙසේ පැවසීය. AI

Shloka 6
కల్యాణీ బత గాథేయం లౌకికీ ప్రతిభాతి మా ।
ఏతి జీవన్తమానన్దో నరం వర్షశతాదపి ॥ 6 ॥
kalyāṇī bata gātheyaṃ laukikī pratibhāti mā |
eti jīvantamānando naraṃ varṣaśatādapi || 6 ||

මෙය ලෝකයේ පවතින යහපත් පැවසුමක් ලෙස මට පෙනේ: වසර සියයක් ගත වුවද ජීවත් වන මිනිසාට සතුට පැමිණේ. AI

Shloka 7
తయా సమాగతే తస్మిన్ప్రీతిరుత్పాదితాఽద్భుతా ।
పరస్పరేణ చాలాపం విశ్వస్తౌ తౌ ప్రచక్రతుః ॥ 7 ॥
tayā samāgate tasminprītirutpāditā'dbhutā |
paraspareṇa cālāpaṃ viśvastau tau pracakratuḥ || 7 ||

ඔහු එහි පැමිණි විට ඇය අපූරු ප්‍රීතියක් ඇති කළාය; ඔවුන් දෙදෙනා එකිනෙකා සමඟ විශ්වාසයෙන් යුතුව කතාබහ කළහ. AI

Shloka 8
తస్యాస్తద్వచనం శ్రుత్వా హనుమాన్హరియూథపః ।
సీతాయాశ్శోకదీనాయాస్సమీపముపచక్రమే ॥ 8 ॥
tasyāstadvacanaṃ śrutvā hanumānhariyūthapaḥ |
sītāyāśśokadīnāyāssamīpamupacakrame || 8 ||

ඇයගේ එම වචන ඇසූ වානර සේනාපති හනුමාන, ශෝකයෙන් දුක් වූ සීතාවගේ සමීපයට පැමිණියේය. AI

Shloka 9
యథా యథా సమీపం స హనుమానుపసర్పతి ।
తథా తథా రావణం సా తం సీతా పరిశఙ్కతే ॥ 9 ॥
yathā yathā samīpaṃ sa hanumānupasarpati |
tathā tathā rāvaṇaṃ sā taṃ sītā pariśaṅkate || 9 ||

ඒ හනුමාන් තෙමේ එන්න එන්නා වූ විට, එසේම එසේ සීතා තොමෝ ඔහු රාවණයා යැයි සැක කරන්නීය. AI

Shloka 10
అహో ధిగ్దుష్కృతమిదం కథితం హి యదస్య మే ।
రూపాన్తరముపాగమ్య స ఏవాయం హి రావణః ॥ 10 ॥
aho dhigduṣkṛtamidaṃ kathitaṃ hi yadasya me |
rūpāntaramupāgamya sa evāyaṃ hi rāvaṇaḥ || 10 ||

අහෝ! මා විසින් මෙසේ කීම නපුරු ක්‍රියාවකි. වෙනත් රූපයක් ගෙන පැමිණියේ මොහුම වන රාවණයා ය. AI

Shloka 11
తామశోకస్య శాఖాం సా విముక్త్వా శోకకర్శితా ।
తస్యామేవానవద్యాఙ్గీ ధరణ్యాం సముపావిశత్ ॥ 11 ॥
tāmaśokasya śākhāṃ sā vimuktvā śokakarśitā |
tasyāmevānavadyāṅgī dharaṇyāṃ samupāviśat || 11 ||

ශෝකයෙන් වෙහෙසට පත් ඒ නිර්දෝෂාංගිය සීතා තොමෝ අශෝක ගසේ අත්ත අත්හැර එහිම පොළොව මත වාඩි වූවාය. AI

Shloka 12
హనుమానపి దుఃఖార్తాం తాం దృష్ట్వా భయమోహితామ్ ।
అవన్దత మహాబాహుస్తతస్తాం జనకాత్మజామ్ ॥ 12 ॥
hanumānapi duḥkhārtāṃ tāṃ dṛṣṭvā bhayamohitām |
avandata mahābāhustatastāṃ janakātmajām || 12 ||

මහත් බාහු ඇති හනුමාන් තෙමේ ද දුකින් පීඩිතව භයින් මුළා වූ ඒ ජනක රජුගේ දියණියට එවිට වන්දනා කළේය. AI

Shloka 13
సా చైనం భయవిత్రస్తా భూయో నైవాభ్యుదైక్షత ।
తం దృష్ట్వా వన్దమానం తు సీతా శశినిభాననా ॥ 13 ॥
sā cainaṃ bhayavitrastā bhūyo naivābhyudaikṣata |
taṃ dṛṣṭvā vandamānaṃ tu sītā śaśinibhānanā || 13 ||

භයින් තැති ගත් ඇය ඔහු දෙස නැවත බැලුවේ නැත. චන්ද්‍රයා වැනි මුහුණක් ඇති සීතා තොමෝ වන්දනා කරන ඔහු දැක, AI

Shloka 14
అబ్రవీద్ధీర్ఘముచ్ఛవస్య వానరం మధురస్వరా ।
మాయాం ప్రవిష్టో మాయావీ యది త్వం రావణస్స్వయమ్ ॥ 14 ॥
abravīddhīrghamucchavasya vānaraṃ madhurasvarā |
māyāṃ praviṣṭo māyāvī yadi tvaṃ rāvaṇassvayam || 14 ||

මිහිරි හඬ ඇති ඇය දිගු උච්ඡ්වාසයක් සහිතව වානරයාට මෙසේ කීවාය: "මායාවී රාවණ තෙමේ නම් මායාවට පිවිස ඔබම වන්නෙහි නම්, AI

Shloka 15
ఉత్పాదయసి మే భూయస్సన్తాపం తన్న శోభనమ్ ।
స్వం పరిత్యజ్య రూపం యః పరివ్రాజకరూపధ్రుత్ ।
జనస్థానే మయా దృష్టస్త్వం స ఏవాసి రావణః ॥ 15 ॥
utpādayasi me bhūyassantāpaṃ tanna śobhanam |
svaṃ parityajya rūpaṃ yaḥ parivrājakarūpadhrut |
janasthāne mayā dṛṣṭastvaṃ sa evāsi rāvaṇaḥ || 15 ||

මට තවත් සන්තාපය උපදවන්නෙහිය; එය නොහොඳය. තම රූපය අත්හැර පරිව්‍රාජක රූපයක් ගෙන ජනස්ථානයේදී මා විසින් දකින ලද ඔබම වන රාවණයා ය. AI

Shloka 16
ఉపవాసకృశాం దీనాం కామరూప నిశాచర ।
సన్తాపయసి మాం భూయస్సన్తప్తాం తన్న శోభనమ్ ॥ 16 ॥
upavāsakṛśāṃ dīnāṃ kāmarūpa niśācara |
santāpayasi māṃ bhūyassantaptāṃ tanna śobhanam || 16 ||

කැමති රූප ගන්නා නිශාචරය, උපවාසයෙන් කෙට්ටු වූ දීන වූ මා තවත් සන්තාපයට පත් කරන්නෙහිය; දැනටමත් සන්තප්ත වූ මා එසේ කිරීම නොහොඳය. AI

Shloka 17
అథవా నైతదేవం హి యన్మయా పరిశఙ్కితమ్ ॥ 17 ॥
athavā naitadevaṃ hi yanmayā pariśaṅkitam || 17 ||

එසේ නොවේ; මා විසින් සැක කරන ලද දෙය එසේ නොවේ. AI

Shloka 18
మనసో హి మమ ప్రీతిరుత్పన్నా తవ దర్శనాత్ ।
యది రామస్య దూతస్త్వమాగతో భద్రమస్తు తే ॥ 18 ॥
manaso hi mama prītirutpannā tava darśanāt |
yadi rāmasya dūtastvamāgato bhadramastu te || 18 ||

ඔබ දැකීමෙන් මාගේ සිතට ප්‍රීතිය උපන්නේය. ඔබ රාමගේ දූතයෙකු වී පැමිණියේ නම්, ඔබට යහපත වේවා. AI

Shloka 19
పృచ్ఛామి త్వాం హరిశ్రేష్ఠ ప్రియా రామకథా హి మే ।
గుణాన్రామస్య కథయ ప్రియస్య మమ వానర ॥ 19 ॥
pṛcchāmi tvāṃ hariśreṣṭha priyā rāmakathā hi me |
guṇānrāmasya kathaya priyasya mama vānara || 19 ||

හරිශ්‍රේෂ්ඨය, මම ඔබෙන් අසමි; මට රාම කථාව ප්‍රියය. වානරය, මාගේ ප්‍රිය රාමගේ ගුණ කියන්න. AI

Shloka 20
చిత్తం హరసి మే సౌమ్య నదీకూలం యథా రయః ।
అహో స్వప్నస్య సుఖతా యాహమేవం చిరాహృతా ॥ 20 ॥
cittaṃ harasi me saumya nadīkūlaṃ yathā rayaḥ |
aho svapnasya sukhatā yāhamevaṃ cirāhṛtā || 20 ||

සෞම්‍යය, ගං ඉවුරට ගලා යන දිය දහර මෙන් ඔබ මාගේ සිත හරණය කරන්නෙහිය. අහෝ! සිහිනයක සුවය කෙසේද; මම මෙසේ බොහෝ කලක් ගෙන යනු ලැබුවෙමි. AI

Shloka 21
ప్రేషితం నామ పశ్యామి రాఘవేణ వనౌకసమ్ ।
స్వప్నేఽపి యద్యహం వీరం రాఘవం సహలక్ష్మణమ్ ॥ 21 ॥
preṣitaṃ nāma paśyāmi rāghaveṇa vanaukasam |
svapne'pi yadyahaṃ vīraṃ rāghavaṃ sahalakṣmaṇam || 21 ||

රාඝව විසින් එවන ලද වනවාසියෙකු ලෙස මම ඔබ දකිමි. සිහිනයෙන් වුවද මම වීර රාඝව ලක්ෂ්මණ සමඟ දකින්නෙම් නම්! AI

Shloka 22
పశ్యేయం నావసీదేయం స్వప్నోఽపి మమ మత్సరీ ।
నాహం స్వప్నమిమం మన్యే స్వప్నే దృష్ట్వా హి వానరమ్ ॥ 22 ॥
paśyeyaṃ nāvasīdeyaṃ svapno'pi mama matsarī |
nāhaṃ svapnamimaṃ manye svapne dṛṣṭvā hi vānaram || 22 ||

මම දකින්නෙම් නම්, මා අධෛර්යයට පත් නොවන්නෙමි; මාගේ සිහිනයද ඊර්ෂ්‍යාසහගතය. මම මෙය සිහිනයක් නොසිතමි; සිහිනයෙන් වානරයෙකු දැක... AI

Shloka 23
న శక్యోఽభ్యుదయః ప్రాప్తుం ప్రాప్తశ్చాభ్యుదయో మమ ।
కిన్ను స్యాచిత్తమోహోఽయం భవేద్వాతగతిస్త్వియమ్ ॥ 23 ॥
na śakyo'bhyudayaḥ prāptuṃ prāptaścābhyudayo mama |
kinnu syācittamoho'yaṃ bhavedvātagatistviyam || 23 ||

සමෘද්ධිය ලැබීමට නොහැකි විය හැක; එහෙත් මට සමෘද්ධිය ලැබී ඇත. මෙය සිත් මුළාවක් විය හැකිද? නැතහොත් මෙය සුළඟේ ගමනක් විය හැකිද? AI

Shloka 24
ఉన్మాదజో వికారో వా స్యాదియం మృగతృష్ణికా ।
అథవా నాయమున్మాదో మోహోఽప్యున్మాదలక్షణః ॥ 24 ॥
unmādajo vikāro vā syādiyaṃ mṛgatṛṣṇikā |
athavā nāyamunmādo moho'pyunmādalakṣaṇaḥ || 24 ||

මෙය උන්මාදයෙන් උපන් විකාරයක් හෝ මායා දිය දහරක් විය හැක. එසේ නොවේ නම්, මෙය උන්මාදය නොවේ; මුළාවද උන්මාදයේ ලක්ෂණ ඇත්තේය. AI

Shloka 25
సమ్బుధ్యే చాహమాత్మానమియం చాపి వనౌకసమ్ ।
ఇత్యేవం బహుధా సీతా సమ్ప్రధార్య బలాబలమ్ ॥ 25 ॥
sambudhye cāhamātmānamiyaṃ cāpi vanaukasam |
ityevaṃ bahudhā sītā sampradhārya balābalam || 25 ||

“මම තමා ගැනම සිහියට ගනිමි; මොහු ද වනයෙහි වසන්නෙකි” යැයි සීතා බොහෝ ආකාරයෙන් බලාබල පරීක්ෂා කළාය. AI

Shloka 26
రక్షసాం కామరూపత్వాన్మేనే తం రాక్షసాధిపమ్ ।
ఏతాం బుద్ధిం తదా కృత్వా సీతా సా తనుమధ్యమా ॥ 26 ॥
rakṣasāṃ kāmarūpatvānmene taṃ rākṣasādhipam |
etāṃ buddhiṃ tadā kṛtvā sītā sā tanumadhyamā || 26 ||

රාක්ෂසයන්ට කැමති රූපයක් ගැනීමේ හැකියාව ඇති බැවින්, ඇය ඔහු රාක්ෂස රජු යැයි සිතුවාය. එසේ තීරණය කළ තුනු මධ්‍යම වූ ඒ සීතා එකල්හි මෙසේ සිතුවාය. AI

Shloka 27
న ప్రతివ్యాజహారాథ వానరం జనకాత్మజా ।
సీతాయాశ్చిన్తితం బుద్ధ్వా హనుమాన్మారుతాత్మజః ॥ 27 ॥
na prativyājahārātha vānaraṃ janakātmajā |
sītāyāścintitaṃ buddhvā hanumānmārutātmajaḥ || 27 ||

ඉන්පසු ජනක රජුගේ දියණිය ඒ වානරයාට කිසිවක් පිළිතුරු නොදුන්නාය. සීතා සිතූ දේ දැනගත් වායු දෙවියන්ගේ පුත් හනුමාන්, AI

Shloka 28
శ్రోత్రానుకూలైర్వచనైస్తదా తాం సమ్ప్రహర్షయత్ ।
ఆదిత్య ఇవ తేజస్వీ లోకకాన్తశ్శశీ యథా ॥ 28 ॥
śrotrānukūlairvacanaistadā tāṃ sampraharṣayat |
āditya iva tejasvī lokakāntaśśaśī yathā || 28 ||

කනට මිහිරි වචනවලින් ඇය සතුටු කළේය; තේජසින් ආදිත්‍යයා මෙන් ද, ලෝකයාට ප්‍රිය වූ චන්ද්‍රයා මෙන් ද විය. AI

Shloka 29
రాజా సర్వస్య లోకస్య దేవో వైశ్రవణో యథా ।
విక్రమేణోపపన్నశ్చ యథా విష్ణుర్మహాయశాః ॥ 29 ॥
rājā sarvasya lokasya devo vaiśravaṇo yathā |
vikrameṇopapannaśca yathā viṣṇurmahāyaśāḥ || 29 ||

සියලු ලෝකයාගේ රජු වූ කුවේර දෙවියා මෙන් ද, පරාක්‍රමයෙන් යුත් මහා කීර්තිමත් විෂ්ණු මෙන් ද විය. AI

Shloka 30
సత్యవాదీ మధురవాగ్దేవో వాచస్పతిర్యథా ।
రూపవాన్సుభగ శ్రీమాన్ కన్దర్ప ఇవ మూర్తిమాన్ ॥ 30 ॥
satyavādī madhuravāgdevo vācaspatiryathā |
rūpavānsubhaga śrīmān kandarpa iva mūrtimān || 30 ||

සත්‍ය කියන්නා වූ, මිහිරි වචන ඇත්තා වූ, වාග්පති දෙවියා මෙන් ද, රූප සම්පන්න, භාග්‍යවත්, ශ්‍රීමත්, මූර්තිමත් කන්දර්පයා මෙන් ද විය. AI

Shloka 31
స్థానక్రోధః ప్రహర్తా చ శ్రేష్ఠో లోకే మహారథః ।
బాహుచ్ఛాయామవష్టబ్ధో యస్య లోకో మహాత్మనః ॥ 31 ॥
sthānakrodhaḥ prahartā ca śreṣṭho loke mahārathaḥ |
bāhucchāyāmavaṣṭabdho yasya loko mahātmanaḥ || 31 ||

ස්ථානයට සුදුසු ලෙස කිපෙන, පහර දෙන, ලෝකයෙහි ශ්‍රේෂ්ඨ මහා රථයාණන් වූ, යම් මහාත්මයෙකුගේ බාහුවේ සෙවණෙහි ලෝකයා රැඳී සිටී ද ඔහු විය. AI

Shloka 32
అపకృష్యాశ్రమపదాన్మృగరూపేణ రాఘవమ్ ।
శూన్యే యేనాపనీతాసి తస్య ద్రక్ష్యసి యత్ఫలమ్ ॥ 32 ॥
apakṛṣyāśramapadānmṛgarūpeṇa rāghavam |
śūnye yenāpanītāsi tasya drakṣyasi yatphalam || 32 ||

මුව රූපයක් ගෙන රාඝවයන් ආශ්‍රම පදයෙන් ඈත් කර, හිස් තැනක යමෙකු විසින් ඔබ ගෙන යන ලද්දේ ද, ඔහු එහි ඵලය දකිනු ඇත. AI

Shloka 33
న చిరాద్రావణం సఙ్ఖ్యే యో వధిష్యతి వీర్యవాన్ ।
రోషప్రముక్తైరిషుభిర్జ్వలద్భిరివ పావకైః ॥ 33 ॥
na cirādrāvaṇaṃ saṅkhye yo vadhiṣyati vīryavān |
roṣapramuktairiṣubhirjvaladbhiriva pāvakaiḥ || 33 ||

මහත් බලය ඇති ඔහු, කිපී මුදා හළ ගිනි සිළු මෙන් දිලෙන ඊතලවලින් යුද්ධයේදී රාවණා බොහෝ කලක් නොගොස් මරා දමනු ඇත. AI

Shloka 34
తేనాహం ప్రేషితో దూత స్త్వత్సకాశమిహాగతః ।
త్వద్వియోగేన దుఃఖార్త స్స త్వాం కౌశలమబ్రవీత్ ॥ 34 ॥
tenāhaṃ preṣito dūta stvatsakāśamihāgataḥ |
tvadviyogena duḥkhārta ssa tvāṃ kauśalamabravīt || 34 ||

එතුමා විසින් යවන ලද දූතයා මම වෙමි; ඔබ වෙත මෙහි පැමිණියෙමි. ඔබගේ වියෝගයෙන් දුකට පත් එතුමා ඔබට සුවදුක් විමසා කීය. AI

Shloka 35
లక్ష్మణశ్చ మహాతేజాస్సుమిత్రానన్దవర్ధనః ।
అభివాద్య మహాబాహుస్స త్వాం కౌశలమబ్రవీత్ ॥ 35 ॥
lakṣmaṇaśca mahātejāssumitrānandavardhanaḥ |
abhivādya mahābāhussa tvāṃ kauśalamabravīt || 35 ||

මහත් තේජස් ඇති, සුමිත්‍රා දේවියගේ ප්‍රීතිය වර්ධනය කරන්නා වූ, මහත් බාහු ඇති ලක්ෂ්මණයන්ද ඔබට වැඳ නමස්කාර කර සුවදුක් විමසා කීය. AI

Shloka 36
రామస్య చ సఖా దేవి సుగ్రీవో నామ వానరః ।
రాజా వానరముఖ్యానాం స త్వాం కౌశలమబ్రవీత్ ॥ 36 ॥
rāmasya ca sakhā devi sugrīvo nāma vānaraḥ |
rājā vānaramukhyānāṃ sa tvāṃ kauśalamabravīt || 36 ||

දේවියනි, රාමගේ මිතුරා වූ සුග්‍රීව නම් වානරයෙක් වෙයි. වානර නායකයන්ගේ රජු වූ ඔහුද ඔබට සුවදුක් විමසා කීය. AI

Shloka 37
నిత్యం స్మరతి రామస్త్వాం ససుగ్రీవ స్సలక్ష్మణః ।
దిష్ట్యా జీవసి వైదేహి రాక్షసీవశమాగతా ॥ 37 ॥
nityaṃ smarati rāmastvāṃ sasugrīva ssalakṣmaṇaḥ |
diṣṭyā jīvasi vaidehi rākṣasīvaśamāgatā || 37 ||

සුග්‍රීව සහ ලක්ෂ්මණ සමඟ රාම නිතරම ඔබ සිහිපත් කරයි. වෛදේහියනි, රාක්ෂසියන්ගේ වසඟයට පත්ව සිටියද ඔබ ජීවත්ව සිටීම භාග්‍යයකි. AI

Shloka 38
నచిరాద్ద్రక్ష్యసే రామం లక్ష్మణం చ మహాబలమ్ ।
మధ్యే వానరకోటీనాం సుగ్రీవం చామితౌజసమ్ ॥ 38 ॥
nacirāddrakṣyase rāmaṃ lakṣmaṇaṃ ca mahābalam |
madhye vānarakoṭīnāṃ sugrīvaṃ cāmitaujasam || 38 ||

බොහෝ කලක් නොගොස් ඔබ රාම සහ මහත් බලය ඇති ලක්ෂ්මණ ද, වානර සමූහයා මධ්‍යයේ අසීමිත බලය ඇති සුග්‍රීව ද දකිනු ඇත. AI

Shloka 39
అహం సుగ్రీవసచివో హనుమాన్నామ వానరః ।
ప్రవిష్టో నగరీం లఙ్కాం లఙ్ఘయిత్వా మహోదధిమ్ ॥ 39 ॥
ahaṃ sugrīvasacivo hanumānnāma vānaraḥ |
praviṣṭo nagarīṃ laṅkāṃ laṅghayitvā mahodadhim || 39 ||

මම සුග්‍රීවගේ අමාත්‍යයෙකු වූ හනුමාන් නම් වානරයා වෙමි. මහා සාගරය ඉක්මවා ලංකා නගරයට පිවිසියෙමි. AI

Shloka 40
కృత్వా మూర్ధ్ని పదన్యాసం రావణస్య దురాత్మనః ।
త్వాం ద్రష్టుముపయాతోఽహం సమాశ్రిత్య పరాక్రమమ్ ॥ 40 ॥
kṛtvā mūrdhni padanyāsaṃ rāvaṇasya durātmanaḥ |
tvāṃ draṣṭumupayāto'haṃ samāśritya parākramam || 40 ||

දුෂ්ට සිත් ඇති රාවණාගේ හිස මත පාදය තබා, මාගේ පරාක්‍රමය ආශ්‍රය කරමින් ඔබ දැකීමට මෙහි පැමිණියෙමි. AI

Shloka 41
నాహమస్మి తథా దేవి యథా మామవగచ్ఛసి ।
విశఙ్కా త్యజ్యతామేషా శ్రద్ధత్స్వ వదతో మమ ॥ 41 ॥
nāhamasmi tathā devi yathā māmavagacchasi |
viśaṅkā tyajyatāmeṣā śraddhatsva vadato mama || 41 ||

දේවියනි, ඔබ මා ගැන සිතන ආකාරයේ පුද්ගලයෙක් මම නොවෙමි. මේ සැකය අත්හරින්න; මා කියන දෙය විශ්වාස කරන්න. AI

ఇత్యార్షే శ్రీమద్రామాయణే వాల్మీకీయ ఆదికావ్యే సున్దరకాణ్డే చతుస్త్రింశస్సర్గః ॥
Sanskrit — Devanagari (original)
श्रीमद्वाल्मीकीय रामायणे सुन्दरकाण्डम् ।
अथ चतुस्त्रिंशस्सर्गः ।
तस्यास्तद्वचनं श्रुत्वा हनुमान्हरिपुङ्गवः ।
दुःखाद्दुःखाभिभूताया स्सान्त्वमुत्तरमब्रवीत् ॥ 1 ॥
अहं रामस्य सन्देशाद्देवि दूतस्तवागतः ।
वैदेहि कुशली रामस्त्वां च कौशलमब्रवीत् ॥ 2 ॥
यो ब्रह्ममस्त्रं वेदांश्च वेद वेदविदांवरः ।
स त्वां दाशरथी रामो देवि कौशलमब्रवीत् ॥ 3 ॥
लक्ष्मणश्च महातेजा भर्तुस्तेऽनुचरः प्रियः ।
कृतवान्शोकसन्तप्तश्शिरसा तेऽभिवादनम् ॥ 4 ॥
सा तयोः कुशलं देवी निशम्य नरसिंहयोः ।
प्रीतिसंहृष्टसर्वाङ्गी हनुमन्तमथाब्रवीत् ॥ 5 ॥
कल्याणी बत गाथेयं लौकिकी प्रतिभाति मा ।
एति जीवन्तमानन्दो नरं वर्षशतादपि ॥ 6 ॥
तया समागते तस्मिन्प्रीतिरुत्पादिताऽद्भुता ।
परस्परेण चालापं विश्वस्तौ तौ प्रचक्रतुः ॥ 7 ॥
तस्यास्तद्वचनं श्रुत्वा हनुमान्हरियूथपः ।
सीतायाश्शोकदीनायास्समीपमुपचक्रमे ॥ 8 ॥
यथा यथा समीपं स हनुमानुपसर्पति ।
तथा तथा रावणं सा तं सीता परिशङ्कते ॥ 9 ॥
अहो धिग्दुष्कृतमिदं कथितं हि यदस्य मे ।
रूपान्तरमुपागम्य स एवायं हि रावणः ॥ 10 ॥
तामशोकस्य शाखां सा विमुक्त्वा शोककर्शिता ।
तस्यामेवानवद्याङ्गी धरण्यां समुपाविशत् ॥ 11 ॥
हनुमानपि दुःखार्तां तां दृष्ट्वा भयमोहिताम् ।
अवन्दत महाबाहुस्ततस्तां जनकात्मजाम् ॥ 12 ॥
सा चैनं भयवित्रस्ता भूयो नैवाभ्युदैक्षत ।
तं दृष्ट्वा वन्दमानं तु सीता शशिनिभानना ॥ 13 ॥
अब्रवीद्धीर्घमुच्छवस्य वानरं मधुरस्वरा ।
मायां प्रविष्टो मायावी यदि त्वं रावणस्स्वयम् ॥ 14 ॥
उत्पादयसि मे भूयस्सन्तापं तन्न शोभनम् ।
स्वं परित्यज्य रूपं यः परिव्राजकरूपध्रुत् ।
जनस्थाने मया दृष्टस्त्वं स एवासि रावणः ॥ 15 ॥
उपवासकृशां दीनां कामरूप निशाचर ।
सन्तापयसि मां भूयस्सन्तप्तां तन्न शोभनम् ॥ 16 ॥
अथवा नैतदेवं हि यन्मया परिशङ्कितम् ॥ 17 ॥
मनसो हि मम प्रीतिरुत्पन्ना तव दर्शनात् ।
यदि रामस्य दूतस्त्वमागतो भद्रमस्तु ते ॥ 18 ॥
पृच्छामि त्वां हरिश्रेष्ठ प्रिया रामकथा हि मे ।
गुणान्रामस्य कथय प्रियस्य मम वानर ॥ 19 ॥
चित्तं हरसि मे सौम्य नदीकूलं यथा रयः ।
अहो स्वप्नस्य सुखता याहमेवं चिराहृता ॥ 20 ॥
प्रेषितं नाम पश्यामि राघवेण वनौकसम् ।
स्वप्नेऽपि यद्यहं वीरं राघवं सहलक्ष्मणम् ॥ 21 ॥
पश्येयं नावसीदेयं स्वप्नोऽपि मम मत्सरी ।
नाहं स्वप्नमिमं मन्ये स्वप्ने दृष्ट्वा हि वानरम् ॥ 22 ॥
न शक्योऽभ्युदयः प्राप्तुं प्राप्तश्चाभ्युदयो मम ।
किन्नु स्याचित्तमोहोऽयं भवेद्वातगतिस्त्वियम् ॥ 23 ॥
उन्मादजो विकारो वा स्यादियं मृगतृष्णिका ।
अथवा नायमुन्मादो मोहोऽप्युन्मादलक्षणः ॥ 24 ॥
सम्बुध्ये चाहमात्मानमियं चापि वनौकसम् ।
इत्येवं बहुधा सीता सम्प्रधार्य बलाबलम् ॥ 25 ॥
रक्षसां कामरूपत्वान्मेने तं राक्षसाधिपम् ।
एतां बुद्धिं तदा कृत्वा सीता सा तनुमध्यमा ॥ 26 ॥
न प्रतिव्याजहाराथ वानरं जनकात्मजा ।
सीतायाश्चिन्तितं बुद्ध्वा हनुमान्मारुतात्मजः ॥ 27 ॥
श्रोत्रानुकूलैर्वचनैस्तदा तां सम्प्रहर्षयत् ।
आदित्य इव तेजस्वी लोककान्तश्शशी यथा ॥ 28 ॥
राजा सर्वस्य लोकस्य देवो वैश्रवणो यथा ।
विक्रमेणोपपन्नश्च यथा विष्णुर्महायशाः ॥ 29 ॥
सत्यवादी मधुरवाग्देवो वाचस्पतिर्यथा ।
रूपवान्सुभग श्रीमान् कन्दर्प इव मूर्तिमान् ॥ 30 ॥
स्थानक्रोधः प्रहर्ता च श्रेष्ठो लोके महारथः ।
बाहुच्छायामवष्टब्धो यस्य लोको महात्मनः ॥ 31 ॥
अपकृष्याश्रमपदान्मृगरूपेण राघवम् ।
शून्ये येनापनीतासि तस्य द्रक्ष्यसि यत्फलम् ॥ 32 ॥
न चिराद्रावणं सङ्ख्ये यो वधिष्यति वीर्यवान् ।
रोषप्रमुक्तैरिषुभिर्ज्वलद्भिरिव पावकैः ॥ 33 ॥
तेनाहं प्रेषितो दूत स्त्वत्सकाशमिहागतः ।
त्वद्वियोगेन दुःखार्त स्स त्वां कौशलमब्रवीत् ॥ 34 ॥
लक्ष्मणश्च महातेजास्सुमित्रानन्दवर्धनः ।
अभिवाद्य महाबाहुस्स त्वां कौशलमब्रवीत् ॥ 35 ॥
रामस्य च सखा देवि सुग्रीवो नाम वानरः ।
राजा वानरमुख्यानां स त्वां कौशलमब्रवीत् ॥ 36 ॥
नित्यं स्मरति रामस्त्वां ससुग्रीव स्सलक्ष्मणः ।
दिष्ट्या जीवसि वैदेहि राक्षसीवशमागता ॥ 37 ॥
नचिराद्द्रक्ष्यसे रामं लक्ष्मणं च महाबलम् ।
मध्ये वानरकोटीनां सुग्रीवं चामितौजसम् ॥ 38 ॥
अहं सुग्रीवसचिवो हनुमान्नाम वानरः ।
प्रविष्टो नगरीं लङ्कां लङ्घयित्वा महोदधिम् ॥ 39 ॥
कृत्वा मूर्ध्नि पदन्यासं रावणस्य दुरात्मनः ।
त्वां द्रष्टुमुपयातोऽहं समाश्रित्य पराक्रमम् ॥ 40 ॥
नाहमस्मि तथा देवि यथा मामवगच्छसि ।
विशङ्का त्यज्यतामेषा श्रद्धत्स्व वदतो मम ॥ 41 ॥
इत्यार्षे श्रीमद्रामायणे वाल्मीकीय आदिकाव्ये सुन्दरकाण्डे चतुस्त्रिंशस्सर्गः ॥
🕉️ This is the original Sanskrit rendered in Telugu script. Pronunciation is identical to the Sanskrit Devanagari version. It is a transliteration, not a translation — see “Meaning” for translations where available.
🕉 InfoLyter.in