Meaning —
⏳ The meaning of this text is being prepared (AI translation with an accuracy check). This usually takes a few minutes — this page will refresh when it is ready.
The meaning is ready. Show it.
The meaning could not be prepared right now.
A translation in is not yet available for this text.
The original text and transliteration are shown below.
అస్య శ్రీ ఆదిత్యకవచస్తోత్రమహామన్త్రస్య అగస్త్యో భగవానృషిః అనుష్టుప్ఛన్దః ఆదిత్యో దేవతా శ్రీం బీజం ణీం శక్తిః సూం కీలకం మమ ఆదిత్యప్రసాదసిద్ధ్యర్థే జపే వినియోగః ।
asya śrī ādityakavacastotramahāmantrasya agastyo bhagavānṛṣiḥ anuṣṭupchandaḥ ādityo devatā śrīṃ bījaṃ ṇīṃ śaktiḥ sūṃ kīlakaṃ mama ādityaprasādasiddhyarthe jape viniyogaḥ |
ధ్యానం
dhyānaṃ
జపాకుసుమసఙ్కాశం ద్విభుజం పద్మహస్తకమ్
japākusumasaṅkāśaṃ dvibhujaṃ padmahastakam
సిన్దూరామ్బరమాల్యం చ రక్తగన్ధానులేపనమ్ ।
sindūrāmbaramālyaṃ ca raktagandhānulepanam |
మాణిక్యరత్నఖచిత-సర్వాభరణభూషితమ్
māṇikyaratnakhacita-sarvābharaṇabhūṣitam
సప్తాశ్వరథవాహం తు మేరుం చైవ ప్రదక్షిణమ్ ॥
saptāśvarathavāhaṃ tu meruṃ caiva pradakṣiṇam ||
దేవాసురవరైర్వన్ద్యం ఘృణిభిః పరిసేవితమ్ ।
devāsuravarairvandyaṃ ghṛṇibhiḥ parisevitam |
ధ్యాయేత్పఠేత్సువర్ణాభం సూర్యస్య కవచం ముదా ॥
dhyāyetpaṭhetsuvarṇābhaṃ sūryasya kavacaṃ mudā ||
కవచం
kavacaṃ
ఘృణిః పాతు శిరోదేశే సూర్యః పాతు లలాటకమ్ ।
ghṛṇiḥ pātu śirodeśe sūryaḥ pātu lalāṭakam |
ఆదిత్యో లోచనే పాతు శ్రుతీ పాతు దివాకరః ॥
ādityo locane pātu śrutī pātu divākaraḥ ||
ఘ్రాణం పాతు సదా భానుః ముఖం పాతు సదారవిః ।
ghrāṇaṃ pātu sadā bhānuḥ mukhaṃ pātu sadāraviḥ |
జిహ్వాం పాతు జగన్నేత్రః కణ్ఠం పాతు విభావసుః ॥
jihvāṃ pātu jagannetraḥ kaṇṭhaṃ pātu vibhāvasuḥ ||
స్కన్ధౌ గ్రహపతిః పాతు భుజౌ పాతు ప్రభాకరః ।
skandhau grahapatiḥ pātu bhujau pātu prabhākaraḥ |
కరావబ్జకరః పాతు హృదయం పాతు నభోమణిః ॥
karāvabjakaraḥ pātu hṛdayaṃ pātu nabhomaṇiḥ ||
ద్వాదశాత్మా కటిం పాతు సవితా పాతు సక్థినీ ।
dvādaśātmā kaṭiṃ pātu savitā pātu sakthinī |
ఊరూ పాతు సురశ్రేష్టో జానునీ పాతు భాస్కరః ॥
ūrū pātu suraśreṣṭo jānunī pātu bhāskaraḥ ||
జఙ్ఘే మే పాతు మార్తాణ్డో గుల్ఫౌ పాతు త్విషామ్పతిః ।
jaṅghe me pātu mārtāṇḍo gulphau pātu tviṣāmpatiḥ |
పాదౌ దినమణిః పాతు పాతు మిత్రోఽఖిలం వపుః ॥
pādau dinamaṇiḥ pātu pātu mitro'khilaṃ vapuḥ ||
ఆదిత్యకవచం పుణ్యమభేద్యం వజ్రసన్నిభమ్ ।
ādityakavacaṃ puṇyamabhedyaṃ vajrasannibham |
సర్వరోగభయాదిభ్యో ముచ్యతే నాత్ర సంశయః ॥
sarvarogabhayādibhyo mucyate nātra saṃśayaḥ ||
సంవత్సరముపాసిత్వా సామ్రాజ్యపదవీం లభేత్ ।
saṃvatsaramupāsitvā sāmrājyapadavīṃ labhet |
అశేషరోగశాన్త్యర్థం ధ్యాయేదాదిత్యమణ్డలమ్ ।
aśeṣarogaśāntyarthaṃ dhyāyedādityamaṇḍalam |
ఆదిత్య మణ్డల స్తుతిః –
āditya maṇḍala stutiḥ –
అనేకరత్నసంయుక్తం స్వర్ణమాణిక్యభూషణమ్ ।
anekaratnasaṃyuktaṃ svarṇamāṇikyabhūṣaṇam |
కల్పవృక్షసమాకీర్ణం కదమ్బకుసుమప్రియమ్ ॥
kalpavṛkṣasamākīrṇaṃ kadambakusumapriyam ||
సిన్దూరవర్ణాయ సుమణ్డలాయ
sindūravarṇāya sumaṇḍalāya
సువర్ణరత్నాభరణాయ తుభ్యమ్ ।
suvarṇaratnābharaṇāya tubhyam |
పద్మాదినేత్రే చ సుపఙ్కజాయ
padmādinetre ca supaṅkajāya
బ్రహ్మేన్ద్ర-నారాయణ-శఙ్కరాయ ॥
brahmendra-nārāyaṇa-śaṅkarāya ||
సంరక్తచూర్ణం ససువర్ణతోయం
saṃraktacūrṇaṃ sasuvarṇatoyaṃ
సకుఙ్కుమాభం సకుశం సపుష్పమ్ ।
sakuṅkumābhaṃ sakuśaṃ sapuṣpam |
ప్రదత్తమాదాయ చ హేమపాత్రే
pradattamādāya ca hemapātre
ప్రశస్తనాదం భగవన్ ప్రసీద ॥
praśastanādaṃ bhagavan prasīda ||
ఇతి ఆదిత్యకవచమ్ ।
Sanskrit — Devanagari (original)
अस्य श्री आदित्यकवचस्तोत्रमहामन्त्रस्य अगस्त्यो भगवानृषिः अनुष्टुप्छन्दः आदित्यो देवता श्रीं बीजं णीं शक्तिः सूं कीलकं मम आदित्यप्रसादसिद्ध्यर्थे जपे विनियोगः ।
ध्यानं
जपाकुसुमसङ्काशं द्विभुजं पद्महस्तकम्
सिन्दूराम्बरमाल्यं च रक्तगन्धानुलेपनम् ।
माणिक्यरत्नखचित-सर्वाभरणभूषितम्
सप्ताश्वरथवाहं तु मेरुं चैव प्रदक्षिणम् ॥
देवासुरवरैर्वन्द्यं घृणिभिः परिसेवितम् ।
ध्यायेत्पठेत्सुवर्णाभं सूर्यस्य कवचं मुदा ॥
कवचं
घृणिः पातु शिरोदेशे सूर्यः पातु ललाटकम् ।
आदित्यो लोचने पातु श्रुती पातु दिवाकरः ॥
घ्राणं पातु सदा भानुः मुखं पातु सदारविः ।
जिह्वां पातु जगन्नेत्रः कण्ठं पातु विभावसुः ॥
स्कन्धौ ग्रहपतिः पातु भुजौ पातु प्रभाकरः ।
करावब्जकरः पातु हृदयं पातु नभोमणिः ॥
द्वादशात्मा कटिं पातु सविता पातु सक्थिनी ।
ऊरू पातु सुरश्रेष्टो जानुनी पातु भास्करः ॥
जङ्घे मे पातु मार्ताण्डो गुल्फौ पातु त्विषाम्पतिः ।
पादौ दिनमणिः पातु पातु मित्रोऽखिलं वपुः ॥
आदित्यकवचं पुण्यमभेद्यं वज्रसन्निभम् ।
सर्वरोगभयादिभ्यो मुच्यते नात्र संशयः ॥
संवत्सरमुपासित्वा साम्राज्यपदवीं लभेत् ।
अशेषरोगशान्त्यर्थं ध्यायेदादित्यमण्डलम् ।
आदित्य मण्डल स्तुतिः –
अनेकरत्नसंयुक्तं स्वर्णमाणिक्यभूषणम् ।
कल्पवृक्षसमाकीर्णं कदम्बकुसुमप्रियम् ॥
सिन्दूरवर्णाय सुमण्डलाय
सुवर्णरत्नाभरणाय तुभ्यम् ।
पद्मादिनेत्रे च सुपङ्कजाय
ब्रह्मेन्द्र-नारायण-शङ्कराय ॥
संरक्तचूर्णं ससुवर्णतोयं
सकुङ्कुमाभं सकुशं सपुष्पम् ।
प्रदत्तमादाय च हेमपात्रे
प्रशस्तनादं भगवन् प्रसीद ॥
इति आदित्यकवचम् ।
🕉️ This is the original Sanskrit rendered in Telugu script. Pronunciation is identical to the Sanskrit Devanagari version.
It is a transliteration, not a translation — see “Meaning” for translations where available.