Meaning —
⏳ The meaning of this text is being prepared (AI translation with an accuracy check). This usually takes a few minutes — this page will refresh when it is ready.
The meaning is ready. Show it.
The meaning could not be prepared right now.
A translation in is not yet available for this text.
The original text and transliteration are shown below.
અસ્ય શ્રી આદિત્યકવચસ્તોત્રમહામન્ત્રસ્ય અગસ્ત્યો ભગવાનૃષિઃ અનુષ્ટુપ્છન્દઃ આદિત્યો દેવતા શ્રીં બીજં ણીં શક્તિઃ સૂં કીલકં મમ આદિત્યપ્રસાદસિદ્ધ્યર્થે જપે વિનિયોગઃ ।
asya śrī ādityakavacastotramahāmantrasya agastyo bhagavānṛṣiḥ anuṣṭupchandaḥ ādityo devatā śrīṃ bījaṃ ṇīṃ śaktiḥ sūṃ kīlakaṃ mama ādityaprasādasiddhyarthe jape viniyogaḥ |
ધ્યાનં
dhyānaṃ
જપાકુસુમસઙ્કાશં દ્વિભુજં પદ્મહસ્તકમ્
japākusumasaṅkāśaṃ dvibhujaṃ padmahastakam
સિન્દૂરામ્બરમાલ્યં ચ રક્તગન્ધાનુલેપનમ્ ।
sindūrāmbaramālyaṃ ca raktagandhānulepanam |
માણિક્યરત્નખચિત-સર્વાભરણભૂષિતમ્
māṇikyaratnakhacita-sarvābharaṇabhūṣitam
સપ્તાશ્વરથવાહં તુ મેરું ચૈવ પ્રદક્ષિણમ્ ॥
saptāśvarathavāhaṃ tu meruṃ caiva pradakṣiṇam ||
દેવાસુરવરૈર્વન્દ્યં ઘૃણિભિઃ પરિસેવિતમ્ ।
devāsuravarairvandyaṃ ghṛṇibhiḥ parisevitam |
ધ્યાયેત્પઠેત્સુવર્ણાભં સૂર્યસ્ય કવચં મુદા ॥
dhyāyetpaṭhetsuvarṇābhaṃ sūryasya kavacaṃ mudā ||
કવચં
kavacaṃ
ઘૃણિઃ પાતુ શિરોદેશે સૂર્યઃ પાતુ લલાટકમ્ ।
ghṛṇiḥ pātu śirodeśe sūryaḥ pātu lalāṭakam |
આદિત્યો લોચને પાતુ શ્રુતી પાતુ દિવાકરઃ ॥
ādityo locane pātu śrutī pātu divākaraḥ ||
ઘ્રાણં પાતુ સદા ભાનુઃ મુખં પાતુ સદારવિઃ ।
ghrāṇaṃ pātu sadā bhānuḥ mukhaṃ pātu sadāraviḥ |
જિહ્વાં પાતુ જગન્નેત્રઃ કણ્ઠં પાતુ વિભાવસુઃ ॥
jihvāṃ pātu jagannetraḥ kaṇṭhaṃ pātu vibhāvasuḥ ||
સ્કન્ધૌ ગ્રહપતિઃ પાતુ ભુજૌ પાતુ પ્રભાકરઃ ।
skandhau grahapatiḥ pātu bhujau pātu prabhākaraḥ |
કરાવબ્જકરઃ પાતુ હૃદયં પાતુ નભોમણિઃ ॥
karāvabjakaraḥ pātu hṛdayaṃ pātu nabhomaṇiḥ ||
દ્વાદશાત્મા કટિં પાતુ સવિતા પાતુ સક્થિની ।
dvādaśātmā kaṭiṃ pātu savitā pātu sakthinī |
ઊરૂ પાતુ સુરશ્રેષ્ટો જાનુની પાતુ ભાસ્કરઃ ॥
ūrū pātu suraśreṣṭo jānunī pātu bhāskaraḥ ||
જઙ્ઘે મે પાતુ માર્તાણ્ડો ગુલ્ફૌ પાતુ ત્વિષામ્પતિઃ ।
jaṅghe me pātu mārtāṇḍo gulphau pātu tviṣāmpatiḥ |
પાદૌ દિનમણિઃ પાતુ પાતુ મિત્રોઽખિલં વપુઃ ॥
pādau dinamaṇiḥ pātu pātu mitro'khilaṃ vapuḥ ||
આદિત્યકવચં પુણ્યમભેદ્યં વજ્રસન્નિભમ્ ।
ādityakavacaṃ puṇyamabhedyaṃ vajrasannibham |
સર્વરોગભયાદિભ્યો મુચ્યતે નાત્ર સંશયઃ ॥
sarvarogabhayādibhyo mucyate nātra saṃśayaḥ ||
સંવત્સરમુપાસિત્વા સામ્રાજ્યપદવીં લભેત્ ।
saṃvatsaramupāsitvā sāmrājyapadavīṃ labhet |
અશેષરોગશાન્ત્યર્થં ધ્યાયેદાદિત્યમણ્ડલમ્ ।
aśeṣarogaśāntyarthaṃ dhyāyedādityamaṇḍalam |
આદિત્ય મણ્ડલ સ્તુતિઃ –
āditya maṇḍala stutiḥ –
અનેકરત્નસંયુક્તં સ્વર્ણમાણિક્યભૂષણમ્ ।
anekaratnasaṃyuktaṃ svarṇamāṇikyabhūṣaṇam |
કલ્પવૃક્ષસમાકીર્ણં કદમ્બકુસુમપ્રિયમ્ ॥
kalpavṛkṣasamākīrṇaṃ kadambakusumapriyam ||
સિન્દૂરવર્ણાય સુમણ્ડલાય
sindūravarṇāya sumaṇḍalāya
સુવર્ણરત્નાભરણાય તુભ્યમ્ ।
suvarṇaratnābharaṇāya tubhyam |
પદ્માદિનેત્રે ચ સુપઙ્કજાય
padmādinetre ca supaṅkajāya
બ્રહ્મેન્દ્ર-નારાયણ-શઙ્કરાય ॥
brahmendra-nārāyaṇa-śaṅkarāya ||
સંરક્તચૂર્ણં સસુવર્ણતોયં
saṃraktacūrṇaṃ sasuvarṇatoyaṃ
સકુઙ્કુમાભં સકુશં સપુષ્પમ્ ।
sakuṅkumābhaṃ sakuśaṃ sapuṣpam |
પ્રદત્તમાદાય ચ હેમપાત્રે
pradattamādāya ca hemapātre
પ્રશસ્તનાદં ભગવન્ પ્રસીદ ॥
praśastanādaṃ bhagavan prasīda ||
ઇતિ આદિત્યકવચમ્ ।
Sanskrit — Devanagari (original)
अस्य श्री आदित्यकवचस्तोत्रमहामन्त्रस्य अगस्त्यो भगवानृषिः अनुष्टुप्छन्दः आदित्यो देवता श्रीं बीजं णीं शक्तिः सूं कीलकं मम आदित्यप्रसादसिद्ध्यर्थे जपे विनियोगः ।
ध्यानं
जपाकुसुमसङ्काशं द्विभुजं पद्महस्तकम्
सिन्दूराम्बरमाल्यं च रक्तगन्धानुलेपनम् ।
माणिक्यरत्नखचित-सर्वाभरणभूषितम्
सप्ताश्वरथवाहं तु मेरुं चैव प्रदक्षिणम् ॥
देवासुरवरैर्वन्द्यं घृणिभिः परिसेवितम् ।
ध्यायेत्पठेत्सुवर्णाभं सूर्यस्य कवचं मुदा ॥
कवचं
घृणिः पातु शिरोदेशे सूर्यः पातु ललाटकम् ।
आदित्यो लोचने पातु श्रुती पातु दिवाकरः ॥
घ्राणं पातु सदा भानुः मुखं पातु सदारविः ।
जिह्वां पातु जगन्नेत्रः कण्ठं पातु विभावसुः ॥
स्कन्धौ ग्रहपतिः पातु भुजौ पातु प्रभाकरः ।
करावब्जकरः पातु हृदयं पातु नभोमणिः ॥
द्वादशात्मा कटिं पातु सविता पातु सक्थिनी ।
ऊरू पातु सुरश्रेष्टो जानुनी पातु भास्करः ॥
जङ्घे मे पातु मार्ताण्डो गुल्फौ पातु त्विषाम्पतिः ।
पादौ दिनमणिः पातु पातु मित्रोऽखिलं वपुः ॥
आदित्यकवचं पुण्यमभेद्यं वज्रसन्निभम् ।
सर्वरोगभयादिभ्यो मुच्यते नात्र संशयः ॥
संवत्सरमुपासित्वा साम्राज्यपदवीं लभेत् ।
अशेषरोगशान्त्यर्थं ध्यायेदादित्यमण्डलम् ।
आदित्य मण्डल स्तुतिः –
अनेकरत्नसंयुक्तं स्वर्णमाणिक्यभूषणम् ।
कल्पवृक्षसमाकीर्णं कदम्बकुसुमप्रियम् ॥
सिन्दूरवर्णाय सुमण्डलाय
सुवर्णरत्नाभरणाय तुभ्यम् ।
पद्मादिनेत्रे च सुपङ्कजाय
ब्रह्मेन्द्र-नारायण-शङ्कराय ॥
संरक्तचूर्णं ससुवर्णतोयं
सकुङ्कुमाभं सकुशं सपुष्पम् ।
प्रदत्तमादाय च हेमपात्रे
प्रशस्तनादं भगवन् प्रसीद ॥
इति आदित्यकवचम् ।
🕉️ This is the original Sanskrit rendered in Gujarati script. Pronunciation is identical to the Sanskrit Devanagari version.
It is a transliteration, not a translation — see “Meaning” for translations where available.