📄 Save this Stotram as PDF Click the button to open the Save dialog
How to save: 1 Click "Save as PDF" → 2 A dialog opens → 3 Choose "Save as PDF" as printer → 4 Click Save
ॐ
આદિત્ય કવચમ્
Aditya Kavacham
Surya Kavacham Gujarati
અસ્ય શ્રી આદિત્યકવચસ્તોત્રમહામન્ત્રસ્ય અગસ્ત્યો ભગવાનૃષિઃ અનુષ્ટુપ્છન્દઃ આદિત્યો દેવતા શ્રીં બીજં ણીં શક્તિઃ સૂં કીલકં મમ આદિત્યપ્રસાદસિદ્ધ્યર્થે જપે વિનિયોગઃ ।
ધ્યાનં
જપાકુસુમસઙ્કાશં દ્વિભુજં પદ્મહસ્તકમ્
સિન્દૂરામ્બરમાલ્યં ચ રક્તગન્ધાનુલેપનમ્ ।
માણિક્યરત્નખચિત-સર્વાભરણભૂષિતમ્
સપ્તાશ્વરથવાહં તુ મેરું ચૈવ પ્રદક્ષિણમ્ ॥
દેવાસુરવરૈર્વન્દ્યં ઘૃણિભિઃ પરિસેવિતમ્ ।
ધ્યાયેત્પઠેત્સુવર્ણાભં સૂર્યસ્ય કવચં મુદા ॥
કવચં
ઘૃણિઃ પાતુ શિરોદેશે સૂર્યઃ પાતુ લલાટકમ્ ।
આદિત્યો લોચને પાતુ શ્રુતી પાતુ દિવાકરઃ ॥
ઘ્રાણં પાતુ સદા ભાનુઃ મુખં પાતુ સદારવિઃ ।
જિહ્વાં પાતુ જગન્નેત્રઃ કણ્ઠં પાતુ વિભાવસુઃ ॥
સ્કન્ધૌ ગ્રહપતિઃ પાતુ ભુજૌ પાતુ પ્રભાકરઃ ।
કરાવબ્જકરઃ પાતુ હૃદયં પાતુ નભોમણિઃ ॥
દ્વાદશાત્મા કટિં પાતુ સવિતા પાતુ સક્થિની ।
ઊરૂ પાતુ સુરશ્રેષ્ટો જાનુની પાતુ ભાસ્કરઃ ॥
જઙ્ઘે મે પાતુ માર્તાણ્ડો ગુલ્ફૌ પાતુ ત્વિષામ્પતિઃ ।
પાદૌ દિનમણિઃ પાતુ પાતુ મિત્રોઽખિલં વપુઃ ॥
આદિત્યકવચં પુણ્યમભેદ્યં વજ્રસન્નિભમ્ ।
સર્વરોગભયાદિભ્યો મુચ્યતે નાત્ર સંશયઃ ॥
સંવત્સરમુપાસિત્વા સામ્રાજ્યપદવીં લભેત્ ।
અશેષરોગશાન્ત્યર્થં ધ્યાયેદાદિત્યમણ્ડલમ્ ।
આદિત્ય મણ્ડલ સ્તુતિઃ –
અનેકરત્નસંયુક્તં સ્વર્ણમાણિક્યભૂષણમ્ ।
કલ્પવૃક્ષસમાકીર્ણં કદમ્બકુસુમપ્રિયમ્ ॥
સિન્દૂરવર્ણાય સુમણ્ડલાય
સુવર્ણરત્નાભરણાય તુભ્યમ્ ।
પદ્માદિનેત્રે ચ સુપઙ્કજાય
બ્રહ્મેન્દ્ર-નારાયણ-શઙ્કરાય ॥
સંરક્તચૂર્ણં સસુવર્ણતોયં
સકુઙ્કુમાભં સકુશં સપુષ્પમ્ ।
પ્રદત્તમાદાય ચ હેમપાત્રે
પ્રશસ્તનાદં ભગવન્ પ્રસીદ ॥
ઇતિ આદિત્યકવચમ્ ।
Roman (IAST) Transliteration
asya śrī ādityakavacastotramahāmantrasya agastyo bhagavānṛṣiḥ anuṣṭupchandaḥ ādityo devatā śrīṃ bījaṃ ṇīṃ śaktiḥ sūṃ kīlakaṃ mama ādityaprasādasiddhyarthe jape viniyogaḥ |
dhyānaṃ
japākusumasaṅkāśaṃ dvibhujaṃ padmahastakam
sindūrāmbaramālyaṃ ca raktagandhānulepanam |
māṇikyaratnakhacita-sarvābharaṇabhūṣitam
saptāśvarathavāhaṃ tu meruṃ caiva pradakṣiṇam ||
devāsuravarairvandyaṃ ghṛṇibhiḥ parisevitam |
dhyāyetpaṭhetsuvarṇābhaṃ sūryasya kavacaṃ mudā ||
kavacaṃ
ghṛṇiḥ pātu śirodeśe sūryaḥ pātu lalāṭakam |
ādityo locane pātu śrutī pātu divākaraḥ ||
ghrāṇaṃ pātu sadā bhānuḥ mukhaṃ pātu sadāraviḥ |
jihvāṃ pātu jagannetraḥ kaṇṭhaṃ pātu vibhāvasuḥ ||
skandhau grahapatiḥ pātu bhujau pātu prabhākaraḥ |
karāvabjakaraḥ pātu hṛdayaṃ pātu nabhomaṇiḥ ||
dvādaśātmā kaṭiṃ pātu savitā pātu sakthinī |
ūrū pātu suraśreṣṭo jānunī pātu bhāskaraḥ ||
jaṅghe me pātu mārtāṇḍo gulphau pātu tviṣāmpatiḥ |
pādau dinamaṇiḥ pātu pātu mitro'khilaṃ vapuḥ ||
ādityakavacaṃ puṇyamabhedyaṃ vajrasannibham |
sarvarogabhayādibhyo mucyate nātra saṃśayaḥ ||
saṃvatsaramupāsitvā sāmrājyapadavīṃ labhet |
aśeṣarogaśāntyarthaṃ dhyāyedādityamaṇḍalam |
āditya maṇḍala stutiḥ –
anekaratnasaṃyuktaṃ svarṇamāṇikyabhūṣaṇam |
kalpavṛkṣasamākīrṇaṃ kadambakusumapriyam ||
sindūravarṇāya sumaṇḍalāya
suvarṇaratnābharaṇāya tubhyam |
padmādinetre ca supaṅkajāya
brahmendra-nārāyaṇa-śaṅkarāya ||
saṃraktacūrṇaṃ sasuvarṇatoyaṃ
sakuṅkumābhaṃ sakuśaṃ sapuṣpam |
pradattamādāya ca hemapātre
praśastanādaṃ bhagavan prasīda ||
iti ādityakavacam |
InfoLyter.in — Sacred Vedic Knowledge Portal · Free forever