தநஹீநோ ந ஹீநஶ்ச தநிகஃ ஸ ஸுநிஶ்சயஃ ।
வித்யாரத்நேந ஹீநோ யஃ ஸ ஹீநஃ ஸர்வவஸ்துஷு ॥ 01 ॥
த்ரு'ஷ்டிபூதம் ந்யஸேத்பாதம் வஸ்த்ரபூதம் பிபேஜ்ஜலம் ।
ஶாஸ்த்ரபூதம் வதேத்வாக்யஃ மநஃபூதம் ஸமாசரேத் ॥ 02 ॥
ஸுகார்தீ சேத்த்யஜேத்வித்யாம் வித்யார்தீ சேத்த்யஜேத்ஸுகம் ।
ஸுகார்திநஃ குதோ வித்யா ஸுகம் வித்யார்திநஃ குதஃ ॥ 03 ॥
கவயஃ கிம் ந பஶ்யந்தி கிம் ந பக்ஷந்தி வாயஸாஃ ।
மத்யபாஃ கிம் ந ஜல்பந்தி கிம் ந குர்வந்தி யோஷிதஃ ॥ 04 ॥
ரங்கம் கரோதி ராஜாநம் ராஜாநம் ரங்கமேவ ச ।
தநிநம் நிர்தநம் சைவ நிர்தநம் தநிநம் விதிஃ ॥ 05 ॥
லுப்தாநாம் யாசகஃ ஶத்ருர்மூர்காநாம் போதகோ ரிபுஃ ।
ஜாரஸ்த்ரீணாம் பதிஃ ஶத்ருஶ்சௌராணாம் சந்த்ரமா ரிபுஃ ॥ 06 ॥
யேஷாம் ந வித்யா ந தபோ ந தாநம்
ஜ்ஞாநம் ந ஶீலாம் ந குணோ ந தர்மஃ ।
தே மர்த்யலோகே புவி பாரபூதா
மநுஷ்யரூபேண ம்ரு'காஶ்சரந்தி ॥ 07 ॥
அந்தஃஸாரவிஹீநாநாமுபதேஶோ ந ஜாயதே ।
மலயாசலஸம்ஸர்காந்ந வேணுஶ்சந்தநாயதே ॥ 08 ॥
யஸ்ய நாஸ்தி ஸ்வயம் ப்ரஜ்ஞா ஶாஸ்த்ரம் தஸ்ய கரோதி கிம் ।
லோசநாப்யாம் விஹீநஸ்ய தர்பணஃ கிம் கரிஷ்யதி ॥ 09 ॥
துர்ஜநம் ஸஜ்ஜநம் கர்துமுபாயோ நஹி பூதலே ।
அபாநம் ஶாததா தௌதம் ந ஶ்ரேஷ்டமிந்த்ரியம் பவேத் ॥ 10 ॥
ஆப்தத்வேஷாத்பவேந்ம்ரு'த்யுஃ பரத்வேஷாத்தநக்ஷயஃ ।
ராஜத்வேஷாத்பவேந்நாஶோ ப்ரஹ்மத்வேஷாத்குலக்ஷயஃ ॥ 11 ॥
வரம் வநம் வ்யாக்ரகஜேந்த்ரஸேவிதம்
த்ருமாலயம் பத்ரபலாம்புஸேவநம் ।
த்ரு'ணேஷு ஶய்யா ஶதஜீர்ணவல்கலம்
ந பந்துமத்யே தநஹீநஜீவநம் ॥ 12 ॥
விப்ரோ வ்ரு'க்ஷஸ்தஸ்ய மூலம் ச ஸந்த்யா
வேதஃ ஶாகா தர்மகர்மாணி பத்ரம் ।
தஸ்மாந்மூலம் யத்நதோ ரக்ஷணீயம்
சிந்நே மூலே நைவ ஶாகா ந பத்ரம் ॥ 13 ॥
மாதா ச கமலா தேவீ பிதா தேவோ ஜநார்தநஃ ।
பாந்தவா விஷ்ணுபக்தாஶ்ச ஸ்வதேஶோ புவநத்ரயம் ॥ 14 ॥
ஏகவ்ரு'க்ஷஸமாரூடா நாநாவர்ணா விஹங்கமாஃ ।
ப்ரபாதே திக்ஷு தஶஸு யாந்தி கா தத்ர வேதநா ॥ 15 ॥
புத்திர்யஸ்ய பலம் தஸ்ய நிர்புத்தேஶ்ச குதோ பலம் ।
வநே ஸிம்ஹோ யதோந்மத்தஃ மஶகேந நிபாதிதஃ ॥ 16 ॥
கா சிந்தா மம ஜீவநே யதி ஹரிர்விஶ்வம்பரோ கீயதே
நோ சேதர்பகஜீவநாய ஜநநீஸ்தந்யம் கதம் நிர்மமே ।
இத்யாலோச்ய முஹுர்முஹுர்யதுபதே லக்ஷ்மீபதே கேவலம்
த்வத்பாதாம்புஜஸேவநேந ஸததம் காலோ மயா நீயதே ॥ 17 ॥
கீர்வாணவாணீஷு விஶிஷ்டபுத்தி-
ஸ்ததாபி பாஷாந்தரலோலுபோऽஹம் ।
யதா ஸுதாயாமமரேஷு ஸத்யாம்
ஸ்வர்காங்கநாநாமதராஸவே ருசிஃ ॥ 18 ॥
அந்நாத்தஶகுணம் பிஷ்டம் பிஷ்டாத்தஶகுணம் பயஃ ।
பயஸோऽஷ்டகுணம் மாம்ஸாம் மாம்ஸாத்தஶகுணம் க்ரு'தம் ॥ 19 ॥
ஶோகேந ரோகா வர்தந்தே பயஸா வர்ததே தநுஃ ।
க்ரு'தேந வர்ததே வீர்யம் மாம்ஸாந்மாம்ஸம் ப்ரவர்ததே ॥ 20 ॥
Roman (IAST) Transliteration
dhanahīno na hīnaśca dhanikaḥ sa suniścayaḥ |
vidyāratnena hīno yaḥ sa hīnaḥ sarvavastuṣu || 01 ||
dṛṣṭipūtaṃ nyasetpādaṃ vastrapūtaṃ pibejjalam |
śāstrapūtaṃ vadedvākyaḥ manaḥpūtaṃ samācaret || 02 ||
sukhārthī cettyajedvidyāṃ vidyārthī cettyajetsukham |
sukhārthinaḥ kuto vidyā sukhaṃ vidyārthinaḥ kutaḥ || 03 ||
kavayaḥ kiṃ na paśyanti kiṃ na bhakṣanti vāyasāḥ |
madyapāḥ kiṃ na jalpanti kiṃ na kurvanti yoṣitaḥ || 04 ||
raṅkaṃ karoti rājānaṃ rājānaṃ raṅkameva ca |
dhaninaṃ nirdhanaṃ caiva nirdhanaṃ dhaninaṃ vidhiḥ || 05 ||
lubdhānāṃ yācakaḥ śatrurmūrkhānāṃ bodhako ripuḥ |
jārastrīṇāṃ patiḥ śatruścaurāṇāṃ candramā ripuḥ || 06 ||
yeṣāṃ na vidyā na tapo na dānaṃ
jñānaṃ na śīlāṃ na guṇo na dharmaḥ |
te martyaloke bhuvi bhārabhūtā
manuṣyarūpeṇa mṛgāścaranti || 07 ||
antaḥsāravihīnānāmupadeśo na jāyate |
malayācalasaṃsargānna veṇuścandanāyate || 08 ||
yasya nāsti svayaṃ prajñā śāstraṃ tasya karoti kim |
locanābhyāṃ vihīnasya darpaṇaḥ kiṃ kariṣyati || 09 ||
durjanaṃ sajjanaṃ kartumupāyo nahi bhūtale |
apānaṃ śātadhā dhautaṃ na śreṣṭhamindriyaṃ bhavet || 10 ||
āptadveṣādbhavenmṛtyuḥ paradveṣāddhanakṣayaḥ |
rājadveṣādbhavennāśo brahmadveṣātkulakṣayaḥ || 11 ||
varaṃ vanaṃ vyāghragajendrasevitaṃ
drumālayaṃ patraphalāmbusevanam |
tṛṇeṣu śayyā śatajīrṇavalkalaṃ
na bandhumadhye dhanahīnajīvanam || 12 ||
vipro vṛkṣastasya mūlaṃ ca sandhyā
vedaḥ śākhā dharmakarmāṇi patram |
tasmānmūlaṃ yatnato rakṣaṇīyaṃ
chinne mūle naiva śākhā na patram || 13 ||
mātā ca kamalā devī pitā devo janārdanaḥ |
bāndhavā viṣṇubhaktāśca svadeśo bhuvanatrayam || 14 ||
ekavṛkṣasamārūḍhā nānāvarṇā vihaṅgamāḥ |
prabhāte dikṣu daśasu yānti kā tatra vedanā || 15 ||
buddhiryasya balaṃ tasya nirbuddheśca kuto balam |
vane siṃho yadonmattaḥ maśakena nipātitaḥ || 16 ||
kā cintā mama jīvane yadi harirviśvambharo gīyate
no cedarbhakajīvanāya jananīstanyaṃ kathaṃ nirmame |
ityālocya muhurmuhuryadupate lakṣmīpate kevalaṃ
tvatpādāmbujasevanena satataṃ kālo mayā nīyate || 17 ||
gīrvāṇavāṇīṣu viśiṣṭabuddhi-
stathāpi bhāṣāntaralolupo'ham |
yathā sudhāyāmamareṣu satyāṃ
svargāṅganānāmadharāsave ruciḥ || 18 ||
annāddaśaguṇaṃ piṣṭaṃ piṣṭāddaśaguṇaṃ payaḥ |
payaso'ṣṭaguṇaṃ māṃsāṃ māṃsāddaśaguṇaṃ ghṛtam || 19 ||
śokena rogā vardhante payasā vardhate tanuḥ |
ghṛtena vardhate vīryaṃ māṃsānmāṃsaṃ pravardhate || 20 ||
Sanskrit — Devanagari (original)
धनहीनो न हीनश्च धनिकः स सुनिश्चयः ।
विद्यारत्नेन हीनो यः स हीनः सर्ववस्तुषु ॥ 01 ॥
दृष्टिपूतं न्यसेत्पादं वस्त्रपूतं पिबेज्जलम् ।
शास्त्रपूतं वदेद्वाक्यः मनःपूतं समाचरेत् ॥ 02 ॥
सुखार्थी चेत्त्यजेद्विद्यां विद्यार्थी चेत्त्यजेत्सुखम् ।
सुखार्थिनः कुतो विद्या सुखं विद्यार्थिनः कुतः ॥ 03 ॥
कवयः किं न पश्यन्ति किं न भक्षन्ति वायसाः ।
मद्यपाः किं न जल्पन्ति किं न कुर्वन्ति योषितः ॥ 04 ॥
रङ्कं करोति राजानं राजानं रङ्कमेव च ।
धनिनं निर्धनं चैव निर्धनं धनिनं विधिः ॥ 05 ॥
लुब्धानां याचकः शत्रुर्मूर्खानां बोधको रिपुः ।
जारस्त्रीणां पतिः शत्रुश्चौराणां चन्द्रमा रिपुः ॥ 06 ॥
येषां न विद्या न तपो न दानं
ज्ञानं न शीलां न गुणो न धर्मः ।
ते मर्त्यलोके भुवि भारभूता
मनुष्यरूपेण मृगाश्चरन्ति ॥ 07 ॥
अन्तःसारविहीनानामुपदेशो न जायते ।
मलयाचलसंसर्गान्न वेणुश्चन्दनायते ॥ 08 ॥
यस्य नास्ति स्वयं प्रज्ञा शास्त्रं तस्य करोति किम् ।
लोचनाभ्यां विहीनस्य दर्पणः किं करिष्यति ॥ 09 ॥
दुर्जनं सज्जनं कर्तुमुपायो नहि भूतले ।
अपानं शातधा धौतं न श्रेष्ठमिन्द्रियं भवेत् ॥ 10 ॥
आप्तद्वेषाद्भवेन्मृत्युः परद्वेषाद्धनक्षयः ।
राजद्वेषाद्भवेन्नाशो ब्रह्मद्वेषात्कुलक्षयः ॥ 11 ॥
वरं वनं व्याघ्रगजेन्द्रसेवितं
द्रुमालयं पत्रफलाम्बुसेवनम् ।
तृणेषु शय्या शतजीर्णवल्कलं
न बन्धुमध्ये धनहीनजीवनम् ॥ 12 ॥
विप्रो वृक्षस्तस्य मूलं च सन्ध्या
वेदः शाखा धर्मकर्माणि पत्रम् ।
तस्मान्मूलं यत्नतो रक्षणीयं
छिन्ने मूले नैव शाखा न पत्रम् ॥ 13 ॥
माता च कमला देवी पिता देवो जनार्दनः ।
बान्धवा विष्णुभक्ताश्च स्वदेशो भुवनत्रयम् ॥ 14 ॥
एकवृक्षसमारूढा नानावर्णा विहङ्गमाः ।
प्रभाते दिक्षु दशसु यान्ति का तत्र वेदना ॥ 15 ॥
बुद्धिर्यस्य बलं तस्य निर्बुद्धेश्च कुतो बलम् ।
वने सिंहो यदोन्मत्तः मशकेन निपातितः ॥ 16 ॥
का चिन्ता मम जीवने यदि हरिर्विश्वम्भरो गीयते
नो चेदर्भकजीवनाय जननीस्तन्यं कथं निर्ममे ।
इत्यालोच्य मुहुर्मुहुर्यदुपते लक्ष्मीपते केवलं
त्वत्पादाम्बुजसेवनेन सततं कालो मया नीयते ॥ 17 ॥
गीर्वाणवाणीषु विशिष्टबुद्धि-
स्तथापि भाषान्तरलोलुपोऽहम् ।
यथा सुधायाममरेषु सत्यां
स्वर्गाङ्गनानामधरासवे रुचिः ॥ 18 ॥
अन्नाद्दशगुणं पिष्टं पिष्टाद्दशगुणं पयः ।
पयसोऽष्टगुणं मांसां मांसाद्दशगुणं घृतम् ॥ 19 ॥
शोकेन रोगा वर्धन्ते पयसा वर्धते तनुः ।
घृतेन वर्धते वीर्यं मांसान्मांसं प्रवर्धते ॥ 20 ॥
dhanahīno na hīnaśca dhanikaḥ sa suniścayaḥ |
vidyāratnena hīno yaḥ sa hīnaḥ sarvavastuṣu || 01 ||
dṛṣṭipūtaṃ nyasetpādaṃ vastrapūtaṃ pibejjalam |
śāstrapūtaṃ vadedvākyaḥ manaḥpūtaṃ samācaret || 02 ||
sukhārthī cettyajedvidyāṃ vidyārthī cettyajetsukham |
sukhārthinaḥ kuto vidyā sukhaṃ vidyārthinaḥ kutaḥ || 03 ||
kavayaḥ kiṃ na paśyanti kiṃ na bhakṣanti vāyasāḥ |
madyapāḥ kiṃ na jalpanti kiṃ na kurvanti yoṣitaḥ || 04 ||
raṅkaṃ karoti rājānaṃ rājānaṃ raṅkameva ca |
dhaninaṃ nirdhanaṃ caiva nirdhanaṃ dhaninaṃ vidhiḥ || 05 ||
lubdhānāṃ yācakaḥ śatrurmūrkhānāṃ bodhako ripuḥ |
jārastrīṇāṃ patiḥ śatruścaurāṇāṃ candramā ripuḥ || 06 ||
yeṣāṃ na vidyā na tapo na dānaṃ
jñānaṃ na śīlāṃ na guṇo na dharmaḥ |
te martyaloke bhuvi bhārabhūtā
manuṣyarūpeṇa mṛgāścaranti || 07 ||
antaḥsāravihīnānāmupadeśo na jāyate |
malayācalasaṃsargānna veṇuścandanāyate || 08 ||
yasya nāsti svayaṃ prajñā śāstraṃ tasya karoti kim |
locanābhyāṃ vihīnasya darpaṇaḥ kiṃ kariṣyati || 09 ||
durjanaṃ sajjanaṃ kartumupāyo nahi bhūtale |
apānaṃ śātadhā dhautaṃ na śreṣṭhamindriyaṃ bhavet || 10 ||
āptadveṣādbhavenmṛtyuḥ paradveṣāddhanakṣayaḥ |
rājadveṣādbhavennāśo brahmadveṣātkulakṣayaḥ || 11 ||
varaṃ vanaṃ vyāghragajendrasevitaṃ
drumālayaṃ patraphalāmbusevanam |
tṛṇeṣu śayyā śatajīrṇavalkalaṃ
na bandhumadhye dhanahīnajīvanam || 12 ||
vipro vṛkṣastasya mūlaṃ ca sandhyā
vedaḥ śākhā dharmakarmāṇi patram |
tasmānmūlaṃ yatnato rakṣaṇīyaṃ
chinne mūle naiva śākhā na patram || 13 ||
mātā ca kamalā devī pitā devo janārdanaḥ |
bāndhavā viṣṇubhaktāśca svadeśo bhuvanatrayam || 14 ||
ekavṛkṣasamārūḍhā nānāvarṇā vihaṅgamāḥ |
prabhāte dikṣu daśasu yānti kā tatra vedanā || 15 ||
buddhiryasya balaṃ tasya nirbuddheśca kuto balam |
vane siṃho yadonmattaḥ maśakena nipātitaḥ || 16 ||
kā cintā mama jīvane yadi harirviśvambharo gīyate
no cedarbhakajīvanāya jananīstanyaṃ kathaṃ nirmame |
ityālocya muhurmuhuryadupate lakṣmīpate kevalaṃ
tvatpādāmbujasevanena satataṃ kālo mayā nīyate || 17 ||
gīrvāṇavāṇīṣu viśiṣṭabuddhi-
stathāpi bhāṣāntaralolupo'ham |
yathā sudhāyāmamareṣu satyāṃ
svargāṅganānāmadharāsave ruciḥ || 18 ||
annāddaśaguṇaṃ piṣṭaṃ piṣṭāddaśaguṇaṃ payaḥ |
payaso'ṣṭaguṇaṃ māṃsāṃ māṃsāddaśaguṇaṃ ghṛtam || 19 ||
śokena rogā vardhante payasā vardhate tanuḥ |
ghṛtena vardhate vīryaṃ māṃsānmāṃsaṃ pravardhate || 20 ||
🕉️ This is the original Sanskrit rendered in Tamil script.
Pronunciation is identical to the Sanskrit Devanagari version.