ந த்யாதம் பதமீஶ்வரஸ்ய விதிவத்ஸம்ஸாரவிச்சித்தயே
ஸ்வர்கத்வாரகபாடபாடநபடுர்தர்மோऽபி நோபார்ஜிதஃ ।
நாரீபீநபயோதரோருயுகலா ஸ்வப்நேऽபி நாலிங்கிதம்
மாதுஃ கேவலமேவ யௌவநவநச்சேதே குடாரா வயம் ॥ 01 ॥
ஜல்பந்தி ஸார்தமந்யேந பஶ்யந்த்யந்யம் ஸவிப்ரமாஃ ।
ஹ்ரு'தயே சிந்தயந்த்யந்யம் ந ஸ்த்ரீணாமேகதோ ரதிஃ ॥ 02 ॥
யோ மோஹாந்மந்யதே மூடோ ரக்தேயம் மயி காமிநீ ।
ஸ தஸ்யா வஶகோ பூத்வா ந்ரு'த்யேத் க்ரீடாஶகுந்தவத் ॥ 03 ॥
கோऽர்தாந்ப்ராப்ய ந கர்விதோ விஷயிணஃ கஸ்யாபதோऽஸ்தம் கதாஃ
ஸ்த்ரீபிஃ கஸ்ய ந கண்டிதம் புவி மநஃ கோ நாம ராஜப்ரியஃ ।
கஃ காலஸ்ய ந கோசரத்வமகமத் கோऽர்தீ கதோ கௌரவம்
கோ வா துர்ஜநதுர்கமேஷு பதிதஃ க்ஷேமேண யாதஃ பதி ॥ 04 ॥
ந நிர்மிதோ ந சைவ ந த்ரு'ஷ்டபூர்வோ
ந ஶ்ரூயதே ஹேமமயஃ குரங்கஃ ।
ததாऽபி த்ரு'ஷ்ணா ரகுநந்தநஸ்ய
விநாஶகாலே விபரீதபுத்திஃ ॥ 05 ॥
குணைருத்தமதாம் யாதி நோச்சைராஸநஸம்ஸ்திதாஃ ।
ப்ராஸாதஶிகரஸ்தோऽபி காகஃ கிம் கருடாயதே ॥ 06 ॥
குணாஃ ஸர்வத்ர பூஜ்யந்தே ந மஹத்யோऽபி ஸம்பதஃ ।
பூர்ணேந்துஃ கிம் ததா வந்த்யோ நிஷ்கலங்கோ யதா க்ரு'ஶஃ ॥ 07 ॥
பரைருக்தகுணோ யஸ்து நிர்குணோऽபி குணீ பவேத் ।
இந்த்ரோऽபி லகுதாம் யாதி ஸ்வயம் ப்ரக்யாபிதைர்குணைஃ ॥ 08 ॥
விவேகிநமநுப்ராப்தா குணா யாந்தி மநோஜ்ஞதாம் ।
ஸுதராம் ரத்நமாபாதி சாமீகரநியோஜிதம் ॥ 09 ॥
குணைஃ ஸர்வஜ்ஞதுல்யோऽபி ஸீதத்யேகோ நிராஶ்ரயஃ ।
அநர்க்யமபி மாணிக்யம் ஹேமாஶ்ரயமபேக்ஷதே ॥ 10 ॥
அதிக்லேஶேந யத்த்ரவ்யமதிலோபேந யத்ஸுகம் ।
ஶத்ரூணாம் ப்ரணிபாதேந தே ஹ்யர்தா மா பவந்து மே ॥ 11 ॥
கிம் தயா க்ரியதே லக்ஷ்ம்யா யா வதூரிவ கேவலா ।
யா து வேஶ்யேவ ஸாமாந்யா பதிகைரபி புஜ்யதே ॥ 12 ॥
தநேஷு ஜீவிதவ்யேஷு ஸ்த்ரீஷு சாஹாரகர்மஸு ।
அத்ரு'ப்தாஃ ப்ராணிநஃ ஸர்வே யாதா யாஸ்யந்தி யாந்தி ச ॥ 13 ॥
க்ஷீயந்தே ஸர்வதாநாநி யஜ்ஞஹோமபலிக்ரியாஃ ।
ந க்ஷீயதே பாத்ரதாநமபயம் ஸர்வதேஹிநாம் ॥ 14 ॥
த்ரு'ணம் லகு த்ரு'ணாத்தூலம் தூலாதபி ச யாசகஃ ।
வாயுநா கிம் ந நீதோऽஸௌ மாமயம் யாசயிஷ்யதி ॥ 15 ॥
வரம் ப்ராணபரித்யாகோ மாநபங்கேந ஜீவநாத் ।
ப்ராணத்யாகே க்ஷணம் துஃகம் மாநபங்கே திநே திநே ॥ 16 ॥
ப்ரியவாக்யப்ரதாநேந ஸர்வே துஷ்யந்தி ஜந்தவஃ ।
தஸ்மாத்ததேவ வக்தவ்யம் வசநே கா தரித்ரதா ॥ 17 ॥
ஸம்ஸாரகடுவ்ரு'க்ஷஸ்ய த்வே பலேऽம்ரு'தோபமே ।
ஸுபாஷிதம் ச ஸுஸ்வாது ஸங்கதிஃ ஸஜ்ஜநே ஜநே ॥ 18 ॥
ஜந்ம ஜந்ம யதப்யஸ்தம் தாநமத்யயநம் தபஃ ।
தேநைவாऽப்யாஸயோகேந தேஹீ சாப்யஸ்யதே புநஃ ॥ 19 ॥
புஸ்தகஸ்தா து யா வித்யா பரஹஸ்தகதம் தநம் ।
கார்யகாலே ஸமுத்பந்நே ந ஸா வித்யா ந தத்தநம் ॥ 20 ॥
Roman (IAST) Transliteration
na dhyātaṃ padamīśvarasya vidhivatsaṃsāravicchittaye
svargadvārakapāṭapāṭanapaṭurdharmo'pi nopārjitaḥ |
nārīpīnapayodharoruyugalā svapne'pi nāliṅgitaṃ
mātuḥ kevalameva yauvanavanacchede kuṭhārā vayam || 01 ||
jalpanti sārdhamanyena paśyantyanyaṃ savibhramāḥ |
hṛdaye cintayantyanyaṃ na strīṇāmekato ratiḥ || 02 ||
yo mohānmanyate mūḍho rakteyaṃ mayi kāminī |
sa tasyā vaśago bhūtvā nṛtyet krīḍāśakuntavat || 03 ||
ko'rthānprāpya na garvito viṣayiṇaḥ kasyāpado'staṃ gatāḥ
strībhiḥ kasya na khaṇḍitaṃ bhuvi manaḥ ko nāma rājapriyaḥ |
kaḥ kālasya na gocaratvamagamat ko'rthī gato gauravaṃ
ko vā durjanadurgameṣu patitaḥ kṣemeṇa yātaḥ pathi || 04 ||
na nirmito na caiva na dṛṣṭapūrvo
na śrūyate hemamayaḥ kuraṅgaḥ |
tathā'pi tṛṣṇā raghunandanasya
vināśakāle viparītabuddhiḥ || 05 ||
guṇairuttamatāṃ yāti noccairāsanasaṃsthitāḥ |
prāsādaśikharastho'pi kākaḥ kiṃ garuḍāyate || 06 ||
guṇāḥ sarvatra pūjyante na mahatyo'pi sampadaḥ |
pūrṇenduḥ kiṃ tathā vandyo niṣkalaṅko yathā kṛśaḥ || 07 ||
parairuktaguṇo yastu nirguṇo'pi guṇī bhavet |
indro'pi laghutāṃ yāti svayaṃ prakhyāpitairguṇaiḥ || 08 ||
vivekinamanuprāptā guṇā yānti manojñatām |
sutarāṃ ratnamābhāti cāmīkaraniyojitam || 09 ||
guṇaiḥ sarvajñatulyo'pi sīdatyeko nirāśrayaḥ |
anarghyamapi māṇikyaṃ hemāśrayamapekṣate || 10 ||
atikleśena yaddravyamatilobhena yatsukham |
śatrūṇāṃ praṇipātena te hyarthā mā bhavantu me || 11 ||
kiṃ tayā kriyate lakṣmyā yā vadhūriva kevalā |
yā tu veśyeva sāmānyā pathikairapi bhujyate || 12 ||
dhaneṣu jīvitavyeṣu strīṣu cāhārakarmasu |
atṛptāḥ prāṇinaḥ sarve yātā yāsyanti yānti ca || 13 ||
kṣīyante sarvadānāni yajñahomabalikriyāḥ |
na kṣīyate pātradānamabhayaṃ sarvadehinām || 14 ||
tṛṇaṃ laghu tṛṇāttūlaṃ tūlādapi ca yācakaḥ |
vāyunā kiṃ na nīto'sau māmayaṃ yācayiṣyati || 15 ||
varaṃ prāṇaparityāgo mānabhaṅgena jīvanāt |
prāṇatyāge kṣaṇaṃ duḥkhaṃ mānabhaṅge dine dine || 16 ||
priyavākyapradānena sarve tuṣyanti jantavaḥ |
tasmāttadeva vaktavyaṃ vacane kā daridratā || 17 ||
saṃsārakaṭuvṛkṣasya dve phale'mṛtopame |
subhāṣitaṃ ca susvādu saṅgatiḥ sajjane jane || 18 ||
janma janma yadabhyastaṃ dānamadhyayanaṃ tapaḥ |
tenaivā'bhyāsayogena dehī cābhyasyate punaḥ || 19 ||
pustakasthā tu yā vidyā parahastagataṃ dhanam |
kāryakāle samutpanne na sā vidyā na taddhanam || 20 ||
Sanskrit — Devanagari (original)
न ध्यातं पदमीश्वरस्य विधिवत्संसारविच्छित्तये
स्वर्गद्वारकपाटपाटनपटुर्धर्मोऽपि नोपार्जितः ।
नारीपीनपयोधरोरुयुगला स्वप्नेऽपि नालिङ्गितं
मातुः केवलमेव यौवनवनच्छेदे कुठारा वयम् ॥ 01 ॥
जल्पन्ति सार्धमन्येन पश्यन्त्यन्यं सविभ्रमाः ।
हृदये चिन्तयन्त्यन्यं न स्त्रीणामेकतो रतिः ॥ 02 ॥
यो मोहान्मन्यते मूढो रक्तेयं मयि कामिनी ।
स तस्या वशगो भूत्वा नृत्येत् क्रीडाशकुन्तवत् ॥ 03 ॥
कोऽर्थान्प्राप्य न गर्वितो विषयिणः कस्यापदोऽस्तं गताः
स्त्रीभिः कस्य न खण्डितं भुवि मनः को नाम राजप्रियः ।
कः कालस्य न गोचरत्वमगमत् कोऽर्थी गतो गौरवं
को वा दुर्जनदुर्गमेषु पतितः क्षेमेण यातः पथि ॥ 04 ॥
न निर्मितो न चैव न दृष्टपूर्वो
न श्रूयते हेममयः कुरङ्गः ।
तथाऽपि तृष्णा रघुनन्दनस्य
विनाशकाले विपरीतबुद्धिः ॥ 05 ॥
गुणैरुत्तमतां याति नोच्चैरासनसंस्थिताः ।
प्रासादशिखरस्थोऽपि काकः किं गरुडायते ॥ 06 ॥
गुणाः सर्वत्र पूज्यन्ते न महत्योऽपि सम्पदः ।
पूर्णेन्दुः किं तथा वन्द्यो निष्कलङ्को यथा कृशः ॥ 07 ॥
परैरुक्तगुणो यस्तु निर्गुणोऽपि गुणी भवेत् ।
इन्द्रोऽपि लघुतां याति स्वयं प्रख्यापितैर्गुणैः ॥ 08 ॥
विवेकिनमनुप्राप्ता गुणा यान्ति मनोज्ञताम् ।
सुतरां रत्नमाभाति चामीकरनियोजितम् ॥ 09 ॥
गुणैः सर्वज्ञतुल्योऽपि सीदत्येको निराश्रयः ।
अनर्घ्यमपि माणिक्यं हेमाश्रयमपेक्षते ॥ 10 ॥
अतिक्लेशेन यद्द्रव्यमतिलोभेन यत्सुखम् ।
शत्रूणां प्रणिपातेन ते ह्यर्था मा भवन्तु मे ॥ 11 ॥
किं तया क्रियते लक्ष्म्या या वधूरिव केवला ।
या तु वेश्येव सामान्या पथिकैरपि भुज्यते ॥ 12 ॥
धनेषु जीवितव्येषु स्त्रीषु चाहारकर्मसु ।
अतृप्ताः प्राणिनः सर्वे याता यास्यन्ति यान्ति च ॥ 13 ॥
क्षीयन्ते सर्वदानानि यज्ञहोमबलिक्रियाः ।
न क्षीयते पात्रदानमभयं सर्वदेहिनाम् ॥ 14 ॥
तृणं लघु तृणात्तूलं तूलादपि च याचकः ।
वायुना किं न नीतोऽसौ मामयं याचयिष्यति ॥ 15 ॥
वरं प्राणपरित्यागो मानभङ्गेन जीवनात् ।
प्राणत्यागे क्षणं दुःखं मानभङ्गे दिने दिने ॥ 16 ॥
प्रियवाक्यप्रदानेन सर्वे तुष्यन्ति जन्तवः ।
तस्मात्तदेव वक्तव्यं वचने का दरिद्रता ॥ 17 ॥
संसारकटुवृक्षस्य द्वे फलेऽमृतोपमे ।
सुभाषितं च सुस्वादु सङ्गतिः सज्जने जने ॥ 18 ॥
जन्म जन्म यदभ्यस्तं दानमध्ययनं तपः ।
तेनैवाऽभ्यासयोगेन देही चाभ्यस्यते पुनः ॥ 19 ॥
पुस्तकस्था तु या विद्या परहस्तगतं धनम् ।
कार्यकाले समुत्पन्ने न सा विद्या न तद्धनम् ॥ 20 ॥
na dhyātaṃ padamīśvarasya vidhivatsaṃsāravicchittaye
svargadvārakapāṭapāṭanapaṭurdharmo'pi nopārjitaḥ |
nārīpīnapayodharoruyugalā svapne'pi nāliṅgitaṃ
mātuḥ kevalameva yauvanavanacchede kuṭhārā vayam || 01 ||
jalpanti sārdhamanyena paśyantyanyaṃ savibhramāḥ |
hṛdaye cintayantyanyaṃ na strīṇāmekato ratiḥ || 02 ||
yo mohānmanyate mūḍho rakteyaṃ mayi kāminī |
sa tasyā vaśago bhūtvā nṛtyet krīḍāśakuntavat || 03 ||
ko'rthānprāpya na garvito viṣayiṇaḥ kasyāpado'staṃ gatāḥ
strībhiḥ kasya na khaṇḍitaṃ bhuvi manaḥ ko nāma rājapriyaḥ |
kaḥ kālasya na gocaratvamagamat ko'rthī gato gauravaṃ
ko vā durjanadurgameṣu patitaḥ kṣemeṇa yātaḥ pathi || 04 ||
na nirmito na caiva na dṛṣṭapūrvo
na śrūyate hemamayaḥ kuraṅgaḥ |
tathā'pi tṛṣṇā raghunandanasya
vināśakāle viparītabuddhiḥ || 05 ||
guṇairuttamatāṃ yāti noccairāsanasaṃsthitāḥ |
prāsādaśikharastho'pi kākaḥ kiṃ garuḍāyate || 06 ||
guṇāḥ sarvatra pūjyante na mahatyo'pi sampadaḥ |
pūrṇenduḥ kiṃ tathā vandyo niṣkalaṅko yathā kṛśaḥ || 07 ||
parairuktaguṇo yastu nirguṇo'pi guṇī bhavet |
indro'pi laghutāṃ yāti svayaṃ prakhyāpitairguṇaiḥ || 08 ||
vivekinamanuprāptā guṇā yānti manojñatām |
sutarāṃ ratnamābhāti cāmīkaraniyojitam || 09 ||
guṇaiḥ sarvajñatulyo'pi sīdatyeko nirāśrayaḥ |
anarghyamapi māṇikyaṃ hemāśrayamapekṣate || 10 ||
atikleśena yaddravyamatilobhena yatsukham |
śatrūṇāṃ praṇipātena te hyarthā mā bhavantu me || 11 ||
kiṃ tayā kriyate lakṣmyā yā vadhūriva kevalā |
yā tu veśyeva sāmānyā pathikairapi bhujyate || 12 ||
dhaneṣu jīvitavyeṣu strīṣu cāhārakarmasu |
atṛptāḥ prāṇinaḥ sarve yātā yāsyanti yānti ca || 13 ||
kṣīyante sarvadānāni yajñahomabalikriyāḥ |
na kṣīyate pātradānamabhayaṃ sarvadehinām || 14 ||
tṛṇaṃ laghu tṛṇāttūlaṃ tūlādapi ca yācakaḥ |
vāyunā kiṃ na nīto'sau māmayaṃ yācayiṣyati || 15 ||
varaṃ prāṇaparityāgo mānabhaṅgena jīvanāt |
prāṇatyāge kṣaṇaṃ duḥkhaṃ mānabhaṅge dine dine || 16 ||
priyavākyapradānena sarve tuṣyanti jantavaḥ |
tasmāttadeva vaktavyaṃ vacane kā daridratā || 17 ||
saṃsārakaṭuvṛkṣasya dve phale'mṛtopame |
subhāṣitaṃ ca susvādu saṅgatiḥ sajjane jane || 18 ||
janma janma yadabhyastaṃ dānamadhyayanaṃ tapaḥ |
tenaivā'bhyāsayogena dehī cābhyasyate punaḥ || 19 ||
pustakasthā tu yā vidyā parahastagataṃ dhanam |
kāryakāle samutpanne na sā vidyā na taddhanam || 20 ||
🕉️ This is the original Sanskrit rendered in Tamil script.
Pronunciation is identical to the Sanskrit Devanagari version.