ඕං ශ්රී පරමාත්මනේ නමඃ
අථ සප්තදශෝ(අ)ධ්යායඃ .
ශ්රද්ධාත්රයවිභාගයෝගඃ
අර්ජුන උවාච
යේ ශාස්ත්රවිධිමුත්සෘජ්ය යජන්තේ ශ්රද්ධයාන්විතාඃ .
තේෂාං නිෂ්ඨා තු කා කෘෂ්ණ සත්ත්වමාහෝ රජස්තමඃ .. 1 ..
ශ්රීභගවානුවාච
ත්රිවිධා භවති ශ්රද්ධා දේහිනාං සා ස්වභාවජා .
සාත්ත්විකී රාජසී චෛව තාමසී චේති තාං ශෘණු .. 2 ..
සත්ත්වානුරූපා සර්වස්ය ශ්රද්ධා භවති භාරත .
ශ්රද්ධාමයෝ(අ)යං පුරුෂෝ යෝ යච්ඡ්රද්ධඃ ස ඒව සඃ .. 3 ..
යජන්තේ සාත්ත්විකා දේවාන්යක්ෂරක්ෂාංසි රාජසාඃ .
ප්රේතාන්භූතගණාංශ්චාන්යේ යජන්තේ තාමසා ජනාඃ .. 4 ..
අශාස්ත්රවිහිතං ඝෝරං තප්යන්තේ යේ තපෝ ජනාඃ .
දම්භාහඞ්කාරසංයුක්තාඃ කාමරාගබලාන්විතාඃ .. 5 ..
කර්ෂයන්තඃ ශරීරස්ථං භූතග්රාමමචේතසඃ .
මාං චෛවාන්තඃශරීරස්ථං තාන්විද්ධ්යාසුරනිශ්චයාන් .. 6 ..
ආහාරස්ත්වපි සර්වස්ය ත්රිවිධෝ භවති ප්රියඃ .
යජ්ඤස්තපස්තථා දානං තේෂාං භේදමිමං ශෘණු .. 7 ..
ආයුඃසත්ත්වබලාරෝග්යසුඛප්රීතිවිවර්ධනාඃ .
රස්යාඃ ස්නිග්ධාඃ ස්ථිරා හෘද්යා ආහාරාඃ සාත්ත්විකප්රියාඃ .. 8 ..
කට්වම්ලලවණාත්යුෂ්ණතීක්ෂ්ණරූක්ෂවිදාහිනඃ .
ආහාරා රාජසස්යේෂ්ටා දුඃඛශෝකාමයප්රදාඃ .. 9 ..
යාතයාමං ගතරසං පූති පර්යුෂිතං ච යත් .
උච්ඡිෂ්ටමපි චාමේධ්යං භෝජනං තාමසප්රියම් .. 10 ..
අඵලාකාඞ්ක්ෂිභිර්යජ්ඤෝ විධිදෘෂ්ටෝ ය ඉජ්යතේ .
යෂ්ටව්යමේවේති මනඃ සමාධාය ස සාත්ත්විකඃ .. 11 ..
අභිසන්ධාය තු ඵලං දම්භාර්ථමපි චෛව යත් .
ඉජ්යතේ භරතශ්රේෂ්ඨ තං යජ්ඤං විද්ධි රාජසම් .. 12 ..
විධිහීනමසෘෂ්ටාන්නං මන්ත්රහීනමදක්ෂිණම් .
ශ්රද්ධාවිරහිතං යජ්ඤං තාමසං පරිචක්ෂතේ .. 13 ..
දේවද්විජගුරුප්රාජ්ඤපූජනං ශෞචමාර්ජවම් .
බ්රහ්මචර්යමහිංසා ච ශාරීරං තප උච්යතේ .. 14 ..
අනුද්වේගකරං වාක්යං සත්යං ප්රියහිතං ච යත් .
ස්වාධ්යායාභ්යසනං චෛව වාඞ්මයං තප උච්යතේ .. 15 ..
මනඃ ප්රසාදඃ සෞම්යත්වං මෞනමාත්මවිනිග්රහඃ .
භාවසංශුද්ධිරිත්යේතත්තපෝ මානසමුච්යතේ .. 16 ..
ශ්රද්ධයා පරයා තප්තං තපස්තත්ත්රිවිධං නරෛඃ .
අඵලාකාඞ්ක්ෂිභිර්යුක්තෛඃ සාත්ත්විකං පරිචක්ෂතේ .. 17 ..
සත්කාරමානපූජාර්ථං තපෝ දම්භේන චෛව යත් .
ක්රියතේ තදිහ ප්රෝක්තං රාජසං චලමධ්රුවම් .. 18 ..
මූඪග්රාහේණාත්මනෝ යත්පීඩයා ක්රියතේ තපඃ .
පරස්යෝත්සාදනාර්ථං වා තත්තාමසමුදාහෘතම් .. 19 ..
දාතව්යමිති යද්දානං දීයතේ(අ)නුපකාරිණේ .
දේශේ කාලේ ච පාත්රේ ච තද්දානං සාත්ත්විකං ස්මෘතම් .. 20 ..
යත්තු ප්රත්ත්යුපකාරාර්ථං ඵලමුද්දිශ්ය වා පුනඃ .
දීයතේ ච පරික්ලිෂ්ටං තද්දානං රාජසං ස්මෘතම් .. 21 ..
අදේශකාලේ යද්දානමපාත්රේභ්යශ්ච දීයතේ .
අසත්කෘතමවජ්ඤාතං තත්තාමසමුදාහෘතම් .. 22 ..
ඕං තත්සදිති නිර්දේශෝ බ්රහ්මණස්ත්රිවිධඃ ස්මෘතඃ .
බ්රාහ්මණාස්තේන වේදාශ්ච යජ්ඤාශ්ච විහිතාඃ පුරා .. 23 ..
තස්මාදෝමිත්යුදාහෘත්ය යජ්ඤදානතපඃක්රියාඃ .
ප්රවර්තන්තේ විධානෝක්තාඃ සතතං බ්රහ්මවාදිනාම් .. 24 ..
තදිත්යනභිසන්ධාය ඵලං යජ්ඤතපඃක්රියාඃ .
දානක්රියාශ්ච විවිධාඃ ක්රියන්තේ මෝක්ෂකාඞ්ක්ෂිභිඃ .. 25 ..
සද්භාවේ සාධුභාවේ ච සදිත්යේතත්ප්රයුජ්යතේ .
ප්රශස්තේ කර්මණි තථා සච්ඡබ්දඃ පාර්ථ යුජ්යතේ .. 26 ..
යජ්ඤේ තපසි දානේ ච ස්ථිතිඃ සදිති චෝච්යතේ .
කර්ම චෛව තදර්ථීයං සදිත්යේවාභිධීයතේ .. 27 ..
අශ්රද්ධයා හුතං දත්තං තපස්තප්තං කෘතං ච යත් .
අසදිත්යුච්යතේ පාර්ථ න ච තත්ප්රේප්ය නෝ ඉහ .. 28 ..
ඕං තත්සදිති ශ්රීමද්භගවද්ගීතාසූපනිෂත්සු බ්රහ්මවිද්යායාං යෝගශාස්ත්රේ
ශ්රීකෘෂ්ණාර්ජුනසංවාදේ ශ්රද්ධාත්රයවිභාගයෝගෝ නාම සප්තදශෝ(අ)ධ්යායඃ ..17 ..
Roman (IAST) Transliteration
oṃ śrī paramātmane namaḥ
atha saptadaśo'dhyāyaḥ |
śraddhātrayavibhāgayogaḥ
arjuna uvāca
ye śāstravidhimutsṛjya yajante śraddhayānvitāḥ |
teṣāṃ niṣṭhā tu kā kṛṣṇa sattvamāho rajastamaḥ || 1 ||
śrībhagavānuvāca
trividhā bhavati śraddhā dehināṃ sā svabhāvajā |
sāttvikī rājasī caiva tāmasī ceti tāṃ śṛṇu || 2 ||
sattvānurūpā sarvasya śraddhā bhavati bhārata |
śraddhāmayo'yaṃ puruṣo yo yacchraddhaḥ sa eva saḥ || 3 ||
yajante sāttvikā devānyakṣarakṣāṃsi rājasāḥ |
pretānbhūtagaṇāṃścānye yajante tāmasā janāḥ || 4 ||
aśāstravihitaṃ ghoraṃ tapyante ye tapo janāḥ |
dambhāhaṅkārasaṃyuktāḥ kāmarāgabalānvitāḥ || 5 ||
karṣayantaḥ śarīrasthaṃ bhūtagrāmamacetasaḥ |
māṃ caivāntaḥśarīrasthaṃ tānviddhyāsuraniścayān || 6 ||
āhārastvapi sarvasya trividho bhavati priyaḥ |
yajñastapastathā dānaṃ teṣāṃ bhedamimaṃ śṛṇu || 7 ||
āyuḥsattvabalārogyasukhaprītivivardhanāḥ |
rasyāḥ snigdhāḥ sthirā hṛdyā āhārāḥ sāttvikapriyāḥ || 8 ||
kaṭvamlalavaṇātyuṣṇatīkṣṇarūkṣavidāhinaḥ |
āhārā rājasasyeṣṭā duḥkhaśokāmayapradāḥ || 9 ||
yātayāmaṃ gatarasaṃ pūti paryuṣitaṃ ca yat |
ucchiṣṭamapi cāmedhyaṃ bhojanaṃ tāmasapriyam || 10 ||
aphalākāṅkṣibhiryajño vidhidṛṣṭo ya ijyate |
yaṣṭavyameveti manaḥ samādhāya sa sāttvikaḥ || 11 ||
abhisandhāya tu phalaṃ dambhārthamapi caiva yat |
ijyate bharataśreṣṭha taṃ yajñaṃ viddhi rājasam || 12 ||
vidhihīnamasṛṣṭānnaṃ mantrahīnamadakṣiṇam |
śraddhāvirahitaṃ yajñaṃ tāmasaṃ paricakṣate || 13 ||
devadvijaguruprājñapūjanaṃ śaucamārjavam |
brahmacaryamahiṃsā ca śārīraṃ tapa ucyate || 14 ||
anudvegakaraṃ vākyaṃ satyaṃ priyahitaṃ ca yat |
svādhyāyābhyasanaṃ caiva vāṅmayaṃ tapa ucyate || 15 ||
manaḥ prasādaḥ saumyatvaṃ maunamātmavinigrahaḥ |
bhāvasaṃśuddhirityetattapo mānasamucyate || 16 ||
śraddhayā parayā taptaṃ tapastattrividhaṃ naraiḥ |
aphalākāṅkṣibhiryuktaiḥ sāttvikaṃ paricakṣate || 17 ||
satkāramānapūjārthaṃ tapo dambhena caiva yat |
kriyate tadiha proktaṃ rājasaṃ calamadhruvam || 18 ||
mūḍhagrāheṇātmano yatpīḍayā kriyate tapaḥ |
parasyotsādanārthaṃ vā tattāmasamudāhṛtam || 19 ||
dātavyamiti yaddānaṃ dīyate'nupakāriṇe |
deśe kāle ca pātre ca taddānaṃ sāttvikaṃ smṛtam || 20 ||
yattu prattyupakārārthaṃ phalamuddiśya vā punaḥ |
dīyate ca parikliṣṭaṃ taddānaṃ rājasaṃ smṛtam || 21 ||
adeśakāle yaddānamapātrebhyaśca dīyate |
asatkṛtamavajñātaṃ tattāmasamudāhṛtam || 22 ||
oṃ tatsaditi nirdeśo brahmaṇastrividhaḥ smṛtaḥ |
brāhmaṇāstena vedāśca yajñāśca vihitāḥ purā || 23 ||
tasmādomityudāhṛtya yajñadānatapaḥkriyāḥ |
pravartante vidhānoktāḥ satataṃ brahmavādinām || 24 ||
tadityanabhisandhāya phalaṃ yajñatapaḥkriyāḥ |
dānakriyāśca vividhāḥ kriyante mokṣakāṅkṣibhiḥ || 25 ||
sadbhāve sādhubhāve ca sadityetatprayujyate |
praśaste karmaṇi tathā sacchabdaḥ pārtha yujyate || 26 ||
yajñe tapasi dāne ca sthitiḥ saditi cocyate |
karma caiva tadarthīyaṃ sadityevābhidhīyate || 27 ||
aśraddhayā hutaṃ dattaṃ tapastaptaṃ kṛtaṃ ca yat |
asadityucyate pārtha na ca tatprepya no iha || 28 ||
oṃ tatsaditi śrīmadbhagavadgītāsūpaniṣatsu brahmavidyāyāṃ yogaśāstre
śrīkṛṣṇārjunasaṃvāde śraddhātrayavibhāgayogo nāma saptadaśo'dhyāyaḥ ||17 ||
Sanskrit — Devanagari (original)
ॐ श्री परमात्मने नमः
अथ सप्तदशोऽध्यायः ।
श्रद्धात्रयविभागयोगः
अर्जुन उवाच
ये शास्त्रविधिमुत्सृज्य यजन्ते श्रद्धयान्विताः ।
तेषां निष्ठा तु का कृष्ण सत्त्वमाहो रजस्तमः ॥ 1 ॥
श्रीभगवानुवाच
त्रिविधा भवति श्रद्धा देहिनां सा स्वभावजा ।
सात्त्विकी राजसी चैव तामसी चेति तां शृणु ॥ 2 ॥
सत्त्वानुरूपा सर्वस्य श्रद्धा भवति भारत ।
श्रद्धामयोऽयं पुरुषो यो यच्छ्रद्धः स एव सः ॥ 3 ॥
यजन्ते सात्त्विका देवान्यक्षरक्षांसि राजसाः ।
प्रेतान्भूतगणांश्चान्ये यजन्ते तामसा जनाः ॥ 4 ॥
अशास्त्रविहितं घोरं तप्यन्ते ये तपो जनाः ।
दम्भाहङ्कारसंयुक्ताः कामरागबलान्विताः ॥ 5 ॥
कर्षयन्तः शरीरस्थं भूतग्राममचेतसः ।
मां चैवान्तःशरीरस्थं तान्विद्ध्यासुरनिश्चयान् ॥ 6 ॥
आहारस्त्वपि सर्वस्य त्रिविधो भवति प्रियः ।
यज्ञस्तपस्तथा दानं तेषां भेदमिमं शृणु ॥ 7 ॥
आयुःसत्त्वबलारोग्यसुखप्रीतिविवर्धनाः ।
रस्याः स्निग्धाः स्थिरा हृद्या आहाराः सात्त्विकप्रियाः ॥ 8 ॥
कट्वम्ललवणात्युष्णतीक्ष्णरूक्षविदाहिनः ।
आहारा राजसस्येष्टा दुःखशोकामयप्रदाः ॥ 9 ॥
यातयामं गतरसं पूति पर्युषितं च यत् ।
उच्छिष्टमपि चामेध्यं भोजनं तामसप्रियम् ॥ 10 ॥
अफलाकाङ्क्षिभिर्यज्ञो विधिदृष्टो य इज्यते ।
यष्टव्यमेवेति मनः समाधाय स सात्त्विकः ॥ 11 ॥
अभिसन्धाय तु फलं दम्भार्थमपि चैव यत् ।
इज्यते भरतश्रेष्ठ तं यज्ञं विद्धि राजसम् ॥ 12 ॥
विधिहीनमसृष्टान्नं मन्त्रहीनमदक्षिणम् ।
श्रद्धाविरहितं यज्ञं तामसं परिचक्षते ॥ 13 ॥
देवद्विजगुरुप्राज्ञपूजनं शौचमार्जवम् ।
ब्रह्मचर्यमहिंसा च शारीरं तप उच्यते ॥ 14 ॥
अनुद्वेगकरं वाक्यं सत्यं प्रियहितं च यत् ।
स्वाध्यायाभ्यसनं चैव वाङ्मयं तप उच्यते ॥ 15 ॥
मनः प्रसादः सौम्यत्वं मौनमात्मविनिग्रहः ।
भावसंशुद्धिरित्येतत्तपो मानसमुच्यते ॥ 16 ॥
श्रद्धया परया तप्तं तपस्तत्त्रिविधं नरैः ।
अफलाकाङ्क्षिभिर्युक्तैः सात्त्विकं परिचक्षते ॥ 17 ॥
सत्कारमानपूजार्थं तपो दम्भेन चैव यत् ।
क्रियते तदिह प्रोक्तं राजसं चलमध्रुवम् ॥ 18 ॥
मूढग्राहेणात्मनो यत्पीडया क्रियते तपः ।
परस्योत्सादनार्थं वा तत्तामसमुदाहृतम् ॥ 19 ॥
दातव्यमिति यद्दानं दीयतेऽनुपकारिणे ।
देशे काले च पात्रे च तद्दानं सात्त्विकं स्मृतम् ॥ 20 ॥
यत्तु प्रत्त्युपकारार्थं फलमुद्दिश्य वा पुनः ।
दीयते च परिक्लिष्टं तद्दानं राजसं स्मृतम् ॥ 21 ॥
अदेशकाले यद्दानमपात्रेभ्यश्च दीयते ।
असत्कृतमवज्ञातं तत्तामसमुदाहृतम् ॥ 22 ॥
ॐ तत्सदिति निर्देशो ब्रह्मणस्त्रिविधः स्मृतः ।
ब्राह्मणास्तेन वेदाश्च यज्ञाश्च विहिताः पुरा ॥ 23 ॥
तस्मादोमित्युदाहृत्य यज्ञदानतपःक्रियाः ।
प्रवर्तन्ते विधानोक्ताः सततं ब्रह्मवादिनाम् ॥ 24 ॥
तदित्यनभिसन्धाय फलं यज्ञतपःक्रियाः ।
दानक्रियाश्च विविधाः क्रियन्ते मोक्षकाङ्क्षिभिः ॥ 25 ॥
सद्भावे साधुभावे च सदित्येतत्प्रयुज्यते ।
प्रशस्ते कर्मणि तथा सच्छब्दः पार्थ युज्यते ॥ 26 ॥
यज्ञे तपसि दाने च स्थितिः सदिति चोच्यते ।
कर्म चैव तदर्थीयं सदित्येवाभिधीयते ॥ 27 ॥
अश्रद्धया हुतं दत्तं तपस्तप्तं कृतं च यत् ।
असदित्युच्यते पार्थ न च तत्प्रेप्य नो इह ॥ 28 ॥
ॐ तत्सदिति श्रीमद्भगवद्गीतासूपनिषत्सु ब्रह्मविद्यायां योगशास्त्रे
श्रीकृष्णार्जुनसंवादे श्रद्धात्रयविभागयोगो नाम सप्तदशोऽध्यायः ॥17 ॥
oṃ śrī paramātmane namaḥ
atha saptadaśo'dhyāyaḥ |
śraddhātrayavibhāgayogaḥ
arjuna uvāca
ye śāstravidhimutsṛjya yajante śraddhayānvitāḥ |
teṣāṃ niṣṭhā tu kā kṛṣṇa sattvamāho rajastamaḥ || 1 ||
śrībhagavānuvāca
trividhā bhavati śraddhā dehināṃ sā svabhāvajā |
sāttvikī rājasī caiva tāmasī ceti tāṃ śṛṇu || 2 ||
sattvānurūpā sarvasya śraddhā bhavati bhārata |
śraddhāmayo'yaṃ puruṣo yo yacchraddhaḥ sa eva saḥ || 3 ||
yajante sāttvikā devānyakṣarakṣāṃsi rājasāḥ |
pretānbhūtagaṇāṃścānye yajante tāmasā janāḥ || 4 ||
aśāstravihitaṃ ghoraṃ tapyante ye tapo janāḥ |
dambhāhaṅkārasaṃyuktāḥ kāmarāgabalānvitāḥ || 5 ||
karṣayantaḥ śarīrasthaṃ bhūtagrāmamacetasaḥ |
māṃ caivāntaḥśarīrasthaṃ tānviddhyāsuraniścayān || 6 ||
āhārastvapi sarvasya trividho bhavati priyaḥ |
yajñastapastathā dānaṃ teṣāṃ bhedamimaṃ śṛṇu || 7 ||
āyuḥsattvabalārogyasukhaprītivivardhanāḥ |
rasyāḥ snigdhāḥ sthirā hṛdyā āhārāḥ sāttvikapriyāḥ || 8 ||
kaṭvamlalavaṇātyuṣṇatīkṣṇarūkṣavidāhinaḥ |
āhārā rājasasyeṣṭā duḥkhaśokāmayapradāḥ || 9 ||
yātayāmaṃ gatarasaṃ pūti paryuṣitaṃ ca yat |
ucchiṣṭamapi cāmedhyaṃ bhojanaṃ tāmasapriyam || 10 ||
aphalākāṅkṣibhiryajño vidhidṛṣṭo ya ijyate |
yaṣṭavyameveti manaḥ samādhāya sa sāttvikaḥ || 11 ||
abhisandhāya tu phalaṃ dambhārthamapi caiva yat |
ijyate bharataśreṣṭha taṃ yajñaṃ viddhi rājasam || 12 ||
vidhihīnamasṛṣṭānnaṃ mantrahīnamadakṣiṇam |
śraddhāvirahitaṃ yajñaṃ tāmasaṃ paricakṣate || 13 ||
devadvijaguruprājñapūjanaṃ śaucamārjavam |
brahmacaryamahiṃsā ca śārīraṃ tapa ucyate || 14 ||
anudvegakaraṃ vākyaṃ satyaṃ priyahitaṃ ca yat |
svādhyāyābhyasanaṃ caiva vāṅmayaṃ tapa ucyate || 15 ||
manaḥ prasādaḥ saumyatvaṃ maunamātmavinigrahaḥ |
bhāvasaṃśuddhirityetattapo mānasamucyate || 16 ||
śraddhayā parayā taptaṃ tapastattrividhaṃ naraiḥ |
aphalākāṅkṣibhiryuktaiḥ sāttvikaṃ paricakṣate || 17 ||
satkāramānapūjārthaṃ tapo dambhena caiva yat |
kriyate tadiha proktaṃ rājasaṃ calamadhruvam || 18 ||
mūḍhagrāheṇātmano yatpīḍayā kriyate tapaḥ |
parasyotsādanārthaṃ vā tattāmasamudāhṛtam || 19 ||
dātavyamiti yaddānaṃ dīyate'nupakāriṇe |
deśe kāle ca pātre ca taddānaṃ sāttvikaṃ smṛtam || 20 ||
yattu prattyupakārārthaṃ phalamuddiśya vā punaḥ |
dīyate ca parikliṣṭaṃ taddānaṃ rājasaṃ smṛtam || 21 ||
adeśakāle yaddānamapātrebhyaśca dīyate |
asatkṛtamavajñātaṃ tattāmasamudāhṛtam || 22 ||
oṃ tatsaditi nirdeśo brahmaṇastrividhaḥ smṛtaḥ |
brāhmaṇāstena vedāśca yajñāśca vihitāḥ purā || 23 ||
tasmādomityudāhṛtya yajñadānatapaḥkriyāḥ |
pravartante vidhānoktāḥ satataṃ brahmavādinām || 24 ||
tadityanabhisandhāya phalaṃ yajñatapaḥkriyāḥ |
dānakriyāśca vividhāḥ kriyante mokṣakāṅkṣibhiḥ || 25 ||
sadbhāve sādhubhāve ca sadityetatprayujyate |
praśaste karmaṇi tathā sacchabdaḥ pārtha yujyate || 26 ||
yajñe tapasi dāne ca sthitiḥ saditi cocyate |
karma caiva tadarthīyaṃ sadityevābhidhīyate || 27 ||
aśraddhayā hutaṃ dattaṃ tapastaptaṃ kṛtaṃ ca yat |
asadityucyate pārtha na ca tatprepya no iha || 28 ||
oṃ tatsaditi śrīmadbhagavadgītāsūpaniṣatsu brahmavidyāyāṃ yogaśāstre
śrīkṛṣṇārjunasaṃvāde śraddhātrayavibhāgayogo nāma saptadaśo'dhyāyaḥ ||17 ||
🕉️ This is the original Sanskrit rendered in Sinhala script.
Pronunciation is identical to the Sanskrit Devanagari version.