Shrimadbhagavadgita Parayana - Saptadasho'dhyayah — Sinhala Script

Meaning —

ඕං ශ්රී පරමාත්මනේ නමඃ

අථ සප්තදශෝ(අ)ධ්යායඃ

ශ්රද්ධාත්රයවිභාගයෝගඃ

අර්ජුන උවාච

Verse 1

යේ ශාස්ත්රවිධිමුත්සෘජ්ය යජන්තේ ශ්රද්ධයාන්විතාඃ .
තේෂාං නිෂ්ඨා තු කා කෘෂ්ණ සත්ත්වමාහෝ රජස්තමඃ ..1..

ye śāstravidhimutsṛjya yajante śraddhayānvitāḥ |
teṣāṃ niṣṭhā tu kā kṛṣṇa sattvamāho rajastamaḥ ||1||

ශ්රී භගවානුවාච

Verse 2

ත්රිවිධා භවති ශ්රද්ධා දේහිනාං සා ස්වභාවජා .
සාත්ත්විකී රාජසී චෛව තාමසී චේති තාං ශෘණු ..2..

trividhā bhavati śraddhā dehināṃ sā svabhāvajā |
sāttvikī rājasī caiva tāmasī ceti tāṃ śṛṇu ||2||

Verse 3

සත්ත්වානුරූපා සර්වස්ය ශ්රද්ධා භවති භාරත .
ශ්රද්ධාමයෝ(අ)යං පුරුෂඃ යෝ යච්ඡ්රද්ධඃ ස ඒව සඃ ..3..

sattvānurūpā sarvasya śraddhā bhavati bhārata |
śraddhāmayo'yaṃ puruṣaḥ yo yacchraddhaḥ sa eva saḥ ||3||

Verse 4

යජන්තේ සාත්ත්විකා දේවාන් යක්ෂරක්ෂාංසි රාජසාඃ .
ප්රේතාන්භූතගණාංශ්චාන්යේ යජන්තේ තාමසා ජනාඃ ..4..

yajante sāttvikā devān yakṣarakṣāṃsi rājasāḥ |
pretānbhūtagaṇāṃścānye yajante tāmasā janāḥ ||4||

Verse 5

අශාස්ත්රවිහිතං ඝෝරං තප්යන්තේ යේ තපෝ ජනාඃ .
දම්භාහඞ්කාරසංයුක්තාඃ කාමරාගබලාන්විතාඃ ..5..

aśāstravihitaṃ ghoraṃ tapyante ye tapo janāḥ |
dambhāhaṅkārasaṃyuktāḥ kāmarāgabalānvitāḥ ||5||

Verse 6

කර්ශයන්තඃ ශරීරස්ථං භූතග්රාමමචේතසඃ .
මාං චෛවාන්තඃ ශරීරස්ථං තාන්විද්ධ්යාසුරනිශ්චයාන් ..6..

karśayantaḥ śarīrasthaṃ bhūtagrāmamacetasaḥ |
māṃ caivāntaḥ śarīrasthaṃ tānviddhyāsuraniścayān ||6||

Verse 7

ආහාරස්ත්වපි සර්වස්ය ත්රිවිධෝ භවති ප්රියඃ .
යජ්ඤස්තපස්තථා දානං තේෂාං භේදමිමං ශෘණු ..7..

āhārastvapi sarvasya trividho bhavati priyaḥ |
yajñastapastathā dānaṃ teṣāṃ bhedamimaṃ śṛṇu ||7||

Verse 8

ආයුඃසත්ත්වබලාරෝග්ය-සුඛප්රීතිවිවර්ධනාඃ .
රස්යාඃ ස්නිග්ධාඃ ස්ථිරා හෘද්යාඃ ආහාරාඃ සාත්ත්විකප්රියාඃ ..8..

āyuḥsattvabalārogya-sukhaprītivivardhanāḥ |
rasyāḥ snigdhāḥ sthirā hṛdyāḥ āhārāḥ sāttvikapriyāḥ ||8||

Verse 9

කට්වම්ලලවණාත්යුෂ්ණ-තීක්ෂ්ණරූක්ෂවිදාහිනඃ .
ආහාරා රාජසස්යේෂ්ටාඃ දුඃඛශෝකාමයප්රදාඃ ..9..

kaṭvamlalavaṇātyuṣṇa-tīkṣṇarūkṣavidāhinaḥ |
āhārā rājasasyeṣṭāḥ duḥkhaśokāmayapradāḥ ||9||

Verse 10

යාතයාමං ගතරසං පූති පර්යුෂිතං ච යත් .
උච්ඡිෂ්ටමපි චාමේධ්යං භෝජනං තාමසප්රියම් ..10..

yātayāmaṃ gatarasaṃ pūti paryuṣitaṃ ca yat |
ucchiṣṭamapi cāmedhyaṃ bhojanaṃ tāmasapriyam ||10||

Verse 11

අඵලාකාඞ්ක්ෂිභිර්යජ්ඤඃ විධිදෘෂ්ටෝ ය ඉජ්යතේ .
යෂ්ටව්යමේවේති මනඃ සමාධාය ස සාත්ත්විකඃ ..11..

aphalākāṅkṣibhiryajñaḥ vidhidṛṣṭo ya ijyate |
yaṣṭavyameveti manaḥ samādhāya sa sāttvikaḥ ||11||

Verse 12

අභිසන්ධාය තු ඵලං දම්භාර්ථමපි චෛව යත් .
ඉජ්යතේ භරතශ්රේෂ්ඨ තං යජ්ඤං විද්ධි රාජසම් ..12..

abhisandhāya tu phalaṃ dambhārthamapi caiva yat |
ijyate bharataśreṣṭha taṃ yajñaṃ viddhi rājasam ||12||

Verse 13

විධිහීනමසෘෂ්ටාන්නං මන්ත්රහීනමදක්ෂිණම් .
ශ්රද්ධාවිරහිතං යජ්ඤං තාමසං පරිචක්ෂතේ ..13..

vidhihīnamasṛṣṭānnaṃ mantrahīnamadakṣiṇam |
śraddhāvirahitaṃ yajñaṃ tāmasaṃ paricakṣate ||13||

Verse 14

දේවද්විජගුරුප්රාජ්ඤ-පූජනං ශෞචමාර්ජවම් .
බ්රහ්මචර්යමහිංසා ච ශාරීරං තප උච්යතේ ..14..

devadvijaguruprājña-pūjanaṃ śaucamārjavam |
brahmacaryamahiṃsā ca śārīraṃ tapa ucyate ||14||

Verse 15

අනුද්වේගකරං වාක්යං සත්යං ප්රියහිතං ච යත් .
ස්වාධ්යායාභ්යසනං චෛව වාඞ්මයං තප උච්යතේ ..15..

anudvegakaraṃ vākyaṃ satyaṃ priyahitaṃ ca yat |
svādhyāyābhyasanaṃ caiva vāṅmayaṃ tapa ucyate ||15||

Verse 16

මනඃ ප්රසාදඃ සෞම්යත්වං මෞනමාත්මවිනිග්රහඃ .
භාවසංශුද්ධිරිත්යේතත් තපෝ මානසමුච්යතේ ..16..

manaḥ prasādaḥ saumyatvaṃ maunamātmavinigrahaḥ |
bhāvasaṃśuddhirityetat tapo mānasamucyate ||16||

Verse 17

ශ්රද්ධයා පරයා තප්තං තපස්තත්ත්රිවිධං නරෛඃ .
අඵලාකාඞ්ක්ෂිභිර්යුක්තෛඃ සාත්ත්විකං පරිචක්ෂතේ ..17..

śraddhayā parayā taptaṃ tapastattrividhaṃ naraiḥ |
aphalākāṅkṣibhiryuktaiḥ sāttvikaṃ paricakṣate ||17||

Verse 18

සත්කාරමානපූජාර්ථං තපෝ දම්භේන චෛව යත් .
ක්රියතේ තදිහ ප්රෝක්තං රාජසං චලමධ්රුවම් ..18..

satkāramānapūjārthaṃ tapo dambhena caiva yat |
kriyate tadiha proktaṃ rājasaṃ calamadhruvam ||18||

Verse 19

මූඪග්රාහේණාත්මනෝ යත් පීඩයා ක්රියතේ තපඃ .
පරස්යෝත්සාදනාර්ථං වා තත්තාමසමුදාහෘතම් ..19..

mūḍhagrāheṇātmano yat pīḍayā kriyate tapaḥ |
parasyotsādanārthaṃ vā tattāmasamudāhṛtam ||19||

Verse 20

දාතව්යමිති යද්දානං දීයතේ(අ)නුපකාරිණේ .
දේශේ කාලේ ච පාත්රේ ච තද්දානං සාත්ත්විකං ස්මෘතම් ..20..

dātavyamiti yaddānaṃ dīyate'nupakāriṇe |
deśe kāle ca pātre ca taddānaṃ sāttvikaṃ smṛtam ||20||

Verse 21

යත්තු ප්රත්යුපකාරාර්ථං ඵලමුද්දිශ්ය වා පුනඃ .
දීයතේ ච පරික්ලිෂ්ටං තද්දානං රාජසං ස්මෘතම් ..21..

yattu pratyupakārārthaṃ phalamuddiśya vā punaḥ |
dīyate ca parikliṣṭaṃ taddānaṃ rājasaṃ smṛtam ||21||

Verse 22

අදේශකාලේ යද්දානම් අපාත්රේභ්යශ්ච දීයතේ .
අසත්කෘතමවජ්ඤාතං තත්තාමසමුදාහෘතම් ..22..

adeśakāle yaddānam apātrebhyaśca dīyate |
asatkṛtamavajñātaṃ tattāmasamudāhṛtam ||22||

ඕං තත්සදිති නිර්දේශඃ බ්රහ්මණස්ත්රිවිධඃ ස්මෘතඃ .
බ්රාහ්මණාස්තේන වේදාශ්ච යජ්ඤාශ්ච විහිතාඃ පුරා ..23..

Verse 24

තස්මාදෝමිත්යුදාහෘත්ය යජ්ඤදානතපඃක්රියාඃ .
ප්රවර්තන්තේ විධානෝක්තාඃ සතතං බ්රහ්මවාදිනාම් ..24..

tasmādomityudāhṛtya yajñadānatapaḥkriyāḥ |
pravartante vidhānoktāḥ satataṃ brahmavādinām ||24||

Verse 25

තදිත්යනභිසන්ධාය ඵලං යජ්ඤතපඃක්රියාඃ .
දානක්රියාශ්ච විවිධාඃ ක්රියන්තේ මෝක්ෂකාඞ්ක්ෂිභිඃ ..25..

tadityanabhisandhāya phalaṃ yajñatapaḥkriyāḥ |
dānakriyāśca vividhāḥ kriyante mokṣakāṅkṣibhiḥ ||25||

Verse 26

සද්භාවේ සාධුභාවේ ච සදිත්යේතත්ප්රයුජ්යතේ .
ප්රශස්තේ කර්මණි තථා සච්ඡබ්දඃ පාර්ථ යුජ්යතේ ..26..

sadbhāve sādhubhāve ca sadityetatprayujyate |
praśaste karmaṇi tathā sacchabdaḥ pārtha yujyate ||26||

Verse 27

යජ්ඤේ තපසි දානේ ච ස්ථිතිඃ සදිති චෝච්යතේ .
කර්ම චෛව තදර්ථීයං සදිත්යේවාභිධීයතේ ..27..

yajñe tapasi dāne ca sthitiḥ saditi cocyate |
karma caiva tadarthīyaṃ sadityevābhidhīyate ||27||

Verse 28

අශ්රද්ධයා හුතං දත්තං තපස්තප්තං කෘතං ච යත් .
අසදිත්යුච්යතේ පාර්ථ න ච තත්ප්රේත්ය නෝ ඉහ ..28..

aśraddhayā hutaṃ dattaṃ tapastaptaṃ kṛtaṃ ca yat |
asadityucyate pārtha na ca tatpretya no iha ||28||

.. ඕං තත්සදිති ශ්රීමද්භගවද්ගීතාසු උපනිෂත්සු බ්රහ්මවිද්යායාං
යෝගශාස්ත්රේ ශ්රීකෘෂ්ණාර්ජුනසංවාදේ ශ්රද්ධාත්රයවිභාගයෝගෝ නාම සප්තදශෝ(අ)ධ්යායඃ ..

Sanskrit — Devanagari (original)

ॐ श्री परमात्मने नमः

अथ सप्तदशोऽध्यायः

श्रद्धात्रयविभागयोगः

अर्जुन उवाच

ये शास्त्रविधिमुत्सृज्य यजन्ते श्रद्धयान्विताः ।

तेषां निष्ठा तु का कृष्ण सत्त्वमाहो रजस्तमः ॥1॥

श्री भगवानुवाच

त्रिविधा भवति श्रद्धा देहिनां सा स्वभावजा ।

सात्त्विकी राजसी चैव तामसी चेति तां शृणु ॥2॥

सत्त्वानुरूपा सर्वस्य श्रद्धा भवति भारत ।

श्रद्धामयोऽयं पुरुषः यो यच्छ्रद्धः स एव सः ॥3॥

यजन्ते सात्त्विका देवान् यक्षरक्षांसि राजसाः ।

प्रेतान्भूतगणांश्चान्ये यजन्ते तामसा जनाः ॥4॥

अशास्त्रविहितं घोरं तप्यन्ते ये तपो जनाः ।

दम्भाहङ्कारसंयुक्ताः कामरागबलान्विताः ॥5॥

कर्शयन्तः शरीरस्थं भूतग्राममचेतसः ।

मां चैवान्तः शरीरस्थं तान्विद्ध्यासुरनिश्चयान् ॥6॥

आहारस्त्वपि सर्वस्य त्रिविधो भवति प्रियः ।

यज्ञस्तपस्तथा दानं तेषां भेदमिमं शृणु ॥7॥

आयुःसत्त्वबलारोग्य-सुखप्रीतिविवर्धनाः ।

रस्याः स्निग्धाः स्थिरा हृद्याः आहाराः सात्त्विकप्रियाः ॥8॥

कट्वम्ललवणात्युष्ण-तीक्ष्णरूक्षविदाहिनः ।

आहारा राजसस्येष्टाः दुःखशोकामयप्रदाः ॥9॥

यातयामं गतरसं पूति पर्युषितं च यत् ।

उच्छिष्टमपि चामेध्यं भोजनं तामसप्रियम् ॥10॥

अफलाकाङ्क्षिभिर्यज्ञः विधिदृष्टो य इज्यते ।

यष्टव्यमेवेति मनः समाधाय स सात्त्विकः ॥11॥

अभिसन्धाय तु फलं दम्भार्थमपि चैव यत् ।

इज्यते भरतश्रेष्ठ तं यज्ञं विद्धि राजसम् ॥12॥

विधिहीनमसृष्टान्नं मन्त्रहीनमदक्षिणम् ।

श्रद्धाविरहितं यज्ञं तामसं परिचक्षते ॥13॥

देवद्विजगुरुप्राज्ञ-पूजनं शौचमार्जवम् ।

ब्रह्मचर्यमहिंसा च शारीरं तप उच्यते ॥14॥

अनुद्वेगकरं वाक्यं सत्यं प्रियहितं च यत् ।

स्वाध्यायाभ्यसनं चैव वाङ्मयं तप उच्यते ॥15॥

मनः प्रसादः सौम्यत्वं मौनमात्मविनिग्रहः ।

भावसंशुद्धिरित्येतत् तपो मानसमुच्यते ॥16॥

श्रद्धया परया तप्तं तपस्तत्त्रिविधं नरैः ।

अफलाकाङ्क्षिभिर्युक्तैः सात्त्विकं परिचक्षते ॥17॥

सत्कारमानपूजार्थं तपो दम्भेन चैव यत् ।

क्रियते तदिह प्रोक्तं राजसं चलमध्रुवम् ॥18॥

मूढग्राहेणात्मनो यत् पीडया क्रियते तपः ।

परस्योत्सादनार्थं वा तत्तामसमुदाहृतम् ॥19॥

दातव्यमिति यद्दानं दीयतेऽनुपकारिणे ।

देशे काले च पात्रे च तद्दानं सात्त्विकं स्मृतम् ॥20॥

यत्तु प्रत्युपकारार्थं फलमुद्दिश्य वा पुनः ।

दीयते च परिक्लिष्टं तद्दानं राजसं स्मृतम् ॥21॥

अदेशकाले यद्दानम् अपात्रेभ्यश्च दीयते ।

असत्कृतमवज्ञातं तत्तामसमुदाहृतम् ॥22॥

ॐ तत्सदिति निर्देशः ब्रह्मणस्त्रिविधः स्मृतः ।

ब्राह्मणास्तेन वेदाश्च यज्ञाश्च विहिताः पुरा ॥23॥

तस्मादोमित्युदाहृत्य यज्ञदानतपःक्रियाः ।

प्रवर्तन्ते विधानोक्ताः सततं ब्रह्मवादिनाम् ॥24॥

तदित्यनभिसन्धाय फलं यज्ञतपःक्रियाः ।

दानक्रियाश्च विविधाः क्रियन्ते मोक्षकाङ्क्षिभिः ॥25॥

सद्भावे साधुभावे च सदित्येतत्प्रयुज्यते ।

प्रशस्ते कर्मणि तथा सच्छब्दः पार्थ युज्यते ॥26॥

यज्ञे तपसि दाने च स्थितिः सदिति चोच्यते ।

कर्म चैव तदर्थीयं सदित्येवाभिधीयते ॥27॥

अश्रद्धया हुतं दत्तं तपस्तप्तं कृतं च यत् ।

असदित्युच्यते पार्थ न च तत्प्रेत्य नो इह ॥28॥

॥ ॐ तत्सदिति श्रीमद्भगवद्गीतासु उपनिषत्सु ब्रह्मविद्यायां

योगशास्त्रे श्रीकृष्णार्जुनसंवादे श्रद्धात्रयविभागयोगो नाम सप्तदशोऽध्यायः ॥

🕉️ This is the original Sanskrit rendered in Sinhala script. Pronunciation is identical to the Sanskrit Devanagari version. It is a transliteration, not a translation — see “Meaning” for translations where available.

ශ්රීමද්භගවද්ගීතා පාරායණ - සප්තදශෝ(අ)ධ්යායඃ