Valmiki Ramayana Aranya Kanda Sarga 40 — Devanagari Script

⚠️ AI-generated translation — the Hindi meaning was produced by AI and automatically cross-checked against the Sanskrit, but it may still contain errors. It has not yet been reviewed by a scholar. Please refer to a traditional commentary for study.

Summary — Hindi

इस सर्ग में रावण मारीच को राम के विरुद्ध योजना बताता है। मारीच के हितकारी वचनों को रावण अस्वीकार कर देता है और कहता है कि उसका निश्चय अटल है। रावण मारीच को स्वर्ण मृग बनकर सीता के सामने विचरने और फिर 'हा सीते! हे लक्ष्मण!' पुकारकर राम और लक्ष्मण को दूर ले जाने का आदेश देता है, ताकि वह सीता का हरण कर सके। रावण मारीच को राज्य का आधा भाग देने का प्रलोभन देता है और असहयोग पर मृत्यु की चेतावनी देता है।

AI-generated · not yet verified

The Hindi meaning of each verse is shown below the verse.

Meaning —

श्रीमद्वाल्मीकीय रामायणे अरण्यकाण्डम् ।

अथ चत्वारिंशस्सर्गः ।

Shloka 1

मारीचेन तु तद्वाक्यं क्षमं युक्तं च निशाचरः ।
उक्तो न प्रतिजग्राह मर्तुकाम इवौषधम् ॥ 1 ॥

mārīcena tu tadvākyaṃ kṣamaṃ yuktaṃ ca niśācaraḥ |
ukto na pratijagrāha martukāma ivauṣadham || 1 ||

हे निशाचर! मारीच ने उस उचित और योग्य वचन को नहीं स्वीकार किया, जैसे मरने की इच्छा वाला मनुष्य औषधि को ग्रहण नहीं करता ॥ 1 ॥ ^AI

Shloka 2

तं पथ्यहितवक्तारं मारीचं राक्षसाधिपः ।
अब्रवीत्परुषं वाक्यमयुक्तं कालचोदितः ॥ 2 ॥

taṃ pathyahitavaktāraṃ mārīcaṃ rākṣasādhipaḥ |
abravītparuṣaṃ vākyamayuktaṃ kālacoditaḥ || 2 ||

काल से प्रेरित उस राक्षसाधिप ने हित और पथ्य कहने वाले उस मारीच से कठोर और अनुचित वचन कहे ॥ 2 ॥ ^AI

Shloka 3

यत्किलैतदयुक्तार्थं मारीच मयि कथ्यते ।
वाक्यं निष्फलमत्यर्थमुप्तं बीजमिवोषरे ॥ 3 ॥

yatkilaitadayuktārthaṃ mārīca mayi kathyate |
vākyaṃ niṣphalamatyarthamuptaṃ bījamivoṣare || 3 ||

हे मारीच! जो यह अनुचित अर्थ वाला वचन मुझसे कहा जा रहा है, वह ऊसर भूमि में बोए हुए बीज के समान अत्यंत निष्फल है ॥ 3 ॥ ^AI

Shloka 4

त्वद्वाक्यैर्न तु मां शक्यं भेत्तुं रामस्य संयुगे ।
पापशीलस्य मूर्खस्य मानुषस्य विशेषतः ॥ 4 ॥

tvadvākyairna tu māṃ śakyaṃ bhettuṃ rāmasya saṃyuge |
pāpaśīlasya mūrkhasya mānuṣasya viśeṣataḥ || 4 ||

तुम्हारे वचनों से मुझे युद्ध में राम से विचलित नहीं किया जा सकता, विशेषकर उस पापी, मूर्ख और मनुष्य राम से ॥ 4 ॥ ^AI

Shloka 5

यस्त्यक्त्वा सुहृदो राज्यं मातरं पितरं तथा ।
स्त्रीवाक्यं प्राकृतं श्रुत्वा वनमेकपदे गतः ॥ 5 ॥

yastyaktvā suhṛdo rājyaṃ mātaraṃ pitaraṃ tathā |
strīvākyaṃ prākṛtaṃ śrutvā vanamekapade gataḥ || 5 ||

जिसने सुहृदों, राज्य, माता और पिता को त्यागकर, स्त्री के साधारण वचन को सुनकर एक ही क्षण में वन को चला गया ॥ 5 ॥ ^AI

Shloka 6

अवश्यन्तु मया तस्य संयुगे खरघातिनः ।
प्राणैः प्रियतरा सीता हर्तव्या तव सन्निधौ ॥ 6 ॥

avaśyantu mayā tasya saṃyuge kharaghātinaḥ |
prāṇaiḥ priyatarā sītā hartavyā tava sannidhau || 6 ||

मुझे निश्चय ही युद्ध में खर का वध करने वाले उस राम की प्राणों से भी अधिक प्रिय सीता को तुम्हारे सामने हर लेना है ॥ 6 ॥ ^AI

Shloka 7

एवं मे निश्चिता बुद्धिर्हृदि मारीच वर्तते ।
न व्यावर्तयितुं शक्या सेन्द्रैरपि सुरासुरैः ॥ 7 ॥

evaṃ me niścitā buddhirhṛdi mārīca vartate |
na vyāvartayituṃ śakyā sendrairapi surāsuraiḥ || 7 ||

हे मारीच! इस प्रकार मेरी बुद्धि निश्चित होकर हृदय में स्थित है; इसे इंद्र सहित देवता और असुर भी विचलित नहीं कर सकते ॥ 7 ॥ ^AI

Shloka 8

दोषं गुणं वा सम्पृष्टस्त्वमेवं वक्तुमर्हसि ।
अपायं वाप्युपायं वा कार्यस्यास्य विनिश्चये ॥ 8 ॥

doṣaṃ guṇaṃ vā sampṛṣṭastvamevaṃ vaktumarhasi |
apāyaṃ vāpyupāyaṃ vā kāryasyāsya viniścaye || 8 ||

दोष या गुण पूछे जाने पर तुम्हें इस कार्य के निश्चय में हानि या उपाय बताना चाहिए ॥ 8 ॥ ^AI

Shloka 9

सम्पृष्टेन तु वक्तव्यं सचिवेन विपश्चिता ।
उद्यताञ्जलिना राज्ञे य इच्छेद्भूतिमात्मनः ॥ 9 ॥

sampṛṣṭena tu vaktavyaṃ sacivena vipaścitā |
udyatāñjalinā rājñe ya icchedbhūtimātmanaḥ || 9 ||

जो मंत्री अपना कल्याण चाहता है, उसे चतुर होकर, हाथ जोड़कर, राजा के पूछे जाने पर सच बात कहनी चाहिए। ^AI

Shloka 10

वाक्यमप्रितकूलं तु मृदुपूर्वं हितं शुभम् ।
उपचारेण युक्तं च वक्तव्यो वसुधाधिपः ॥ 10 ॥

vākyamapritakūlaṃ tu mṛdupūrvaṃ hitaṃ śubham |
upacāreṇa yuktaṃ ca vaktavyo vasudhādhipaḥ || 10 ||

राजा से प्रतिकूल न होने वाला, कोमलता से युक्त, हितकारी, शुभ तथा आदर-सत्कार से युक्त वचन राजा से कहना चाहिए। ^AI

Shloka 11

सावमर्दं तु यद्वाक्यं मारीच हितमुच्यते ।
नाभिनन्दति तद्राजा मानार्हो मानवर्जितम् ॥ 11 ॥

sāvamardaṃ tu yadvākyaṃ mārīca hitamucyate |
nābhinandati tadrājā mānārho mānavarjitam || 11 ||

हे मारीच! जो वचन अवमानना से भरा हो, वह हितकारी कहा जाए तो भी मान के योग्य राजा उस अपमान से युक्त वचन को नहीं स्वीकार करता। ^AI

Shloka 12

पञ्च रूपाणि राजानो धारयन्त्यमितौजसः ।
अग्नेरिन्द्रस्य सोमस्य वरुणस्य यमस्य च ॥ 12 ॥

pañca rūpāṇi rājāno dhārayantyamitaujasaḥ |
agnerindrasya somasya varuṇasya yamasya ca || 12 ||

अमित तेजस्वी राजा पाँच रूप धारण करते हैं — अग्नि, इंद्र, सोम, वरुण और यम के। ^AI

Shloka 13

औष्ण्यं तथा विक्रमं च सौम्यं दण्डं प्रसन्नताम् ।
धारयन्ति महात्मानो राजानः क्षणदाचर ॥ 13 ॥

auṣṇyaṃ tathā vikramaṃ ca saumyaṃ daṇḍaṃ prasannatām |
dhārayanti mahātmāno rājānaḥ kṣaṇadācara || 13 ||

हे निशाचर! महात्मा राजा अग्नि का उष्ण स्वभाव, इंद्र का पराक्रम, सोम की सौम्यता, यम का दंड और वरुण की प्रसन्नता धारण करते हैं। ^AI

Shloka 14

तस्मात्सर्वास्ववस्थासु मान्याः पूज्याश्च पार्थिवाः ।
त्वं तु धर्ममविज्ञाय केवलं मोहमास्थितः ।
अभ्यागतं मां दौरात्म्यात्परुषं वक्तुमिच्छसि ॥ 14 ॥

tasmātsarvāsvavasthāsu mānyāḥ pūjyāśca pārthivāḥ |
tvaṃ tu dharmamavijñāya kevalaṃ mohamāsthitaḥ |
abhyāgataṃ māṃ daurātmyātparuṣaṃ vaktumicchasi || 14 ||

इसलिए सभी अवस्थाओं में राजा माननीय और पूजनीय होते हैं। परंतु तुम धर्म को न जानकर केवल मोह में पड़े हो; दुरात्मा होने के कारण अभ्यागत अर्थात् शरण में आए मुझसे कठोर वचन कहना चाहते हो। ^AI

Shloka 15

गुणदोषौ न पृच्छामि क्षमं चात्मनि राक्षस ।
मयोक्तं तव चैतावत्सम्प्रत्यमितविक्रमः ॥ 15 ॥

guṇadoṣau na pṛcchāmi kṣamaṃ cātmani rākṣasa |
mayoktaṃ tava caitāvatsampratyamitavikramaḥ || 15 ||

हे राक्षस! मैं तुम्हारे गुण-दोष नहीं पूछता और न ही तुम्हारे अपराध को क्षमा करने योग्य मानता हूँ; मैंने तुमसे इतना ही कहा है, अब तुम अपना पराक्रम दिखाओ। ^AI

Shloka 16

अस्मिंस्तु त्वं महाकृत्ये साहाय्यं कर्तुमर्हसि ।
शृणु तत्कर्म साहाय्ये यत्कार्यं वचनान्मम ॥ 16 ॥

asmiṃstu tvaṃ mahākṛtye sāhāyyaṃ kartumarhasi |
śṛṇu tatkarma sāhāyye yatkāryaṃ vacanānmama || 16 ||

इस महान कार्य में तुम्हें सहायता करनी चाहिए। सहायता के लिए जो कार्य मेरे वचन से करना है, वह सुनो। ^AI

Shloka 17

सौवर्णस्त्वं मृगो भूत्वा चित्रो रजतबिन्दुभिः ।
आश्रमे तस्य रामस्य सीतायाः प्रमुखे चर ॥ 17 ॥

sauvarṇastvaṃ mṛgo bhūtvā citro rajatabindubhiḥ |
āśrame tasya rāmasya sītāyāḥ pramukhe cara || 17 ||

तुम सोने के बने, चाँदी की बिंदुओं से विचित्र दिखने वाले मृग बनकर उस राम के आश्रम में सीता के सामने विचरो। ^AI

Shloka 18

सौवर्णस्त्वं मृगो भूत्वा चित्रो रजतबिन्दुभिः ।
आश्रमे तस्य रामस्य सीतायाः प्रमुखे चर ।
प्रलोभयित्वा वैदेहीं यथेष्टं गन्तुमर्हसि ॥ 18 ॥

sauvarṇastvaṃ mṛgo bhūtvā citro rajatabindubhiḥ |
āśrame tasya rāmasya sītāyāḥ pramukhe cara |
pralobhayitvā vaidehīṃ yatheṣṭaṃ gantumarhasi || 18 ||

तुम सोने के बने, चाँदी की बिंदुओं से विचित्र दिखने वाले मृग बनकर उस राम के आश्रम में सीता के सामने विचरो। वैदेही को लुभाकर तुम अपनी इच्छा से जाने योग्य हो। ^AI

Shloka 19

त्वां तु मायामृगं दृष्ट्वा काञ्चनं जातविस्मया ।
आनयैनमिति क्षिप्रं रामं वक्ष्यति मैथिली ॥ 19 ॥

tvāṃ tu māyāmṛgaṃ dṛṣṭvā kāñcanaṃ jātavismayā |
ānayainamiti kṣipraṃ rāmaṃ vakṣyati maithilī || 19 ||

तुम्हें सोने का मायामृग देखकर विस्मित हुई मैथिली शीघ्र ही राम से कहेगी—इसे ले आओ। ^AI

Shloka 20

अपक्रान्ते तु काकुत्स्थे दूरं यात्वाप्युदाहर ।
हा सीते लक्ष्मणेत्येवं रामवाक्यानुरूपकम् ॥ 20 ॥

apakrānte tu kākutsthe dūraṃ yātvāpyudāhara |
hā sīte lakṣmaṇetyevaṃ rāmavākyānurūpakam || 20 ||

काकुत्स्थ के दूर चले जाने पर तुम दूर जाकर भी राम के वचनों के अनुरूप 'हा सीते! हे लक्ष्मण!' इस प्रकार पुकारो। ^AI

Shloka 21

तच्छ्रुत्वा रामपदवीं सीतया च प्रचोदितः ।
अनुगच्छति सम्भ्रान्तः सौमित्रिरपि सौहृदात् ॥ 21 ॥

tacchrutvā rāmapadavīṃ sītayā ca pracoditaḥ |
anugacchati sambhrāntaḥ saumitrirapi sauhṛdāt || 21 ||

वह सुनकर और सीता से प्रेरित होकर सौमित्र भी सौहार्द के कारण व्याकुल होकर राम के पदचिह्नों का अनुसरण करेगा। ^AI

Shloka 22

अपक्रान्ते च काकुत्स्थे लक्ष्मणे च यथासुखम् ।
आनयिष्यामि वैदेहीं सहस्राक्षश्शचीमिव ॥ 22 ॥

apakrānte ca kākutsthe lakṣmaṇe ca yathāsukham |
ānayiṣyāmi vaidehīṃ sahasrākṣaśśacīmiva || 22 ||

काकुत्स्थ के चले जाने पर और लक्ष्मण के भी यथासुख चले जाने पर मैं सहस्राक्ष इंद्र के समान शची को ले जाने की तरह वैदेही को ले आऊँगा। ^AI

Shloka 23

एवं कृत्वा त्विदं कार्यं यथेष्टं गच्छ राक्षस ।
राज्यस्यार्धं प्रयच्छामि मारीच तव सुव्रत ॥ 23 ॥

evaṃ kṛtvā tvidaṃ kāryaṃ yatheṣṭaṃ gaccha rākṣasa |
rājyasyārdhaṃ prayacchāmi mārīca tava suvrata || 23 ||

हे राक्षस! इस प्रकार यह कार्य करके तुम अपनी इच्छा से जाओ। हे सुव्रत मारीच! मैं तुम्हें राज्य का आधा भाग देता हूँ। ^AI

Shloka 24

गच्छ सौम्य शिवं मार्गं कार्यस्यास्य विवृद्धये ।
अहं त्वानुगमिष्यामि सरथो दण्डकावनम् ॥ 24 ॥

gaccha saumya śivaṃ mārgaṃ kāryasyāsya vivṛddhaye |
ahaṃ tvānugamiṣyāmi saratho daṇḍakāvanam || 24 ||

हे सौम्य! इस कार्य की वृद्धि के लिए तुम कल्याणकारी मार्ग से जाओ। मैं रथ के साथ दंडक वन को तुम्हारे पीछे आऊँगा। ^AI

Shloka 25

प्राप्य सीतामयुद्धेन वञ्चयित्वा तु राघवम् ।
लङ्कां प्रतिगमिष्यामि कृतकार्यस्सह त्वया ॥ 25 ॥

prāpya sītāmayuddhena vañcayitvā tu rāghavam |
laṅkāṃ pratigamiṣyāmi kṛtakāryassaha tvayā || 25 ||

सीता को बिना युद्ध के प्राप्त करके और राघव को धोखा देकर, मैं तुम्हारे साथ कृतकार्य होकर लंका को लौट जाऊँगा। ^AI

Shloka 26

न चेत्करोषि मारीच हन्मि त्वामहमद्य वै ।
एतत्कार्यमवश्यं मे बलादपि करिष्यसि ।
राज्ञो हि प्रतिकूलस्थो न जातु सुखमेधते ॥ 26 ॥

na cetkaroṣi mārīca hanmi tvāmahamadya vai |
etatkāryamavaśyaṃ me balādapi kariṣyasi |
rājño hi pratikūlastho na jātu sukhamedhate || 26 ||

यदि तुम ऐसा नहीं करोगे, मारीच, तो मैं आज तुम्हें मार डालूँगा। यह कार्य मेरे लिए अवश्य है, तुम इसे बलपूर्वक भी करोगे। राजा के प्रतिकूल रहने वाला कभी सुख को प्राप्त नहीं होता। ^AI

Shloka 27

आसाद्य तं जीवितसंशयस्ते मृत्युर्ध्रुवो ह्यद्य मया विरुध्य ।
एतद्यथावत्प्रतिगृह्य बुद्ध्या यदत्र पथ्यं कुरु तत्तथा त्वम् ॥ 27 ॥

āsādya taṃ jīvitasaṃśayaste mṛtyurdhruvo hyadya mayā virudhya |
etadyathāvatpratigṛhya buddhyā yadatra pathyaṃ kuru tattathā tvam || 27 ||

मुझसे विरोध करके तुम्हारे जीवन का संशय है और आज मेरे द्वारा तुम्हारी मृत्यु निश्चित है। इस बात को भली-भाँति बुद्धि से स्वीकार करके जो इसमें हितकर हो, वैसा ही तुम करो। ^AI

इत्यार्षे श्रीमद्रामायणे वाल्मीकीय आदिकाव्ये अरण्यकाण्डे चत्वारिंशस्सर्गः ॥

Sanskrit — Devanagari (original)

श्रीमद्वाल्मीकीय रामायणे अरण्यकाण्डम् ।

अथ चत्वारिंशस्सर्गः ।

मारीचेन तु तद्वाक्यं क्षमं युक्तं च निशाचरः ।

उक्तो न प्रतिजग्राह मर्तुकाम इवौषधम् ॥ 1 ॥

तं पथ्यहितवक्तारं मारीचं राक्षसाधिपः ।

अब्रवीत्परुषं वाक्यमयुक्तं कालचोदितः ॥ 2 ॥

यत्किलैतदयुक्तार्थं मारीच मयि कथ्यते ।

वाक्यं निष्फलमत्यर्थमुप्तं बीजमिवोषरे ॥ 3 ॥

त्वद्वाक्यैर्न तु मां शक्यं भेत्तुं रामस्य संयुगे ।

पापशीलस्य मूर्खस्य मानुषस्य विशेषतः ॥ 4 ॥

यस्त्यक्त्वा सुहृदो राज्यं मातरं पितरं तथा ।

स्त्रीवाक्यं प्राकृतं श्रुत्वा वनमेकपदे गतः ॥ 5 ॥

अवश्यन्तु मया तस्य संयुगे खरघातिनः ।

प्राणैः प्रियतरा सीता हर्तव्या तव सन्निधौ ॥ 6 ॥

एवं मे निश्चिता बुद्धिर्हृदि मारीच वर्तते ।

न व्यावर्तयितुं शक्या सेन्द्रैरपि सुरासुरैः ॥ 7 ॥

दोषं गुणं वा सम्पृष्टस्त्वमेवं वक्तुमर्हसि ।

अपायं वाप्युपायं वा कार्यस्यास्य विनिश्चये ॥ 8 ॥

सम्पृष्टेन तु वक्तव्यं सचिवेन विपश्चिता ।

उद्यताञ्जलिना राज्ञे य इच्छेद्भूतिमात्मनः ॥ 9 ॥

वाक्यमप्रितकूलं तु मृदुपूर्वं हितं शुभम् ।

उपचारेण युक्तं च वक्तव्यो वसुधाधिपः ॥ 10 ॥

सावमर्दं तु यद्वाक्यं मारीच हितमुच्यते ।

नाभिनन्दति तद्राजा मानार्हो मानवर्जितम् ॥ 11 ॥

पञ्च रूपाणि राजानो धारयन्त्यमितौजसः ।

अग्नेरिन्द्रस्य सोमस्य वरुणस्य यमस्य च ॥ 12 ॥

औष्ण्यं तथा विक्रमं च सौम्यं दण्डं प्रसन्नताम् ।

धारयन्ति महात्मानो राजानः क्षणदाचर ॥ 13 ॥

तस्मात्सर्वास्ववस्थासु मान्याः पूज्याश्च पार्थिवाः ।

त्वं तु धर्ममविज्ञाय केवलं मोहमास्थितः ।

अभ्यागतं मां दौरात्म्यात्परुषं वक्तुमिच्छसि ॥ 14 ॥

गुणदोषौ न पृच्छामि क्षमं चात्मनि राक्षस ।

मयोक्तं तव चैतावत्सम्प्रत्यमितविक्रमः ॥ 15 ॥

अस्मिंस्तु त्वं महाकृत्ये साहाय्यं कर्तुमर्हसि ।

शृणु तत्कर्म साहाय्ये यत्कार्यं वचनान्मम ॥ 16 ॥

सौवर्णस्त्वं मृगो भूत्वा चित्रो रजतबिन्दुभिः ।

आश्रमे तस्य रामस्य सीतायाः प्रमुखे चर ॥ 17 ॥

सौवर्णस्त्वं मृगो भूत्वा चित्रो रजतबिन्दुभिः ।

आश्रमे तस्य रामस्य सीतायाः प्रमुखे चर ।

प्रलोभयित्वा वैदेहीं यथेष्टं गन्तुमर्हसि ॥ 18 ॥

त्वां तु मायामृगं दृष्ट्वा काञ्चनं जातविस्मया ।

आनयैनमिति क्षिप्रं रामं वक्ष्यति मैथिली ॥ 19 ॥

अपक्रान्ते तु काकुत्स्थे दूरं यात्वाप्युदाहर ।

हा सीते लक्ष्मणेत्येवं रामवाक्यानुरूपकम् ॥ 20 ॥

तच्छ्रुत्वा रामपदवीं सीतया च प्रचोदितः ।

अनुगच्छति सम्भ्रान्तः सौमित्रिरपि सौहृदात् ॥ 21 ॥

अपक्रान्ते च काकुत्स्थे लक्ष्मणे च यथासुखम् ।

आनयिष्यामि वैदेहीं सहस्राक्षश्शचीमिव ॥ 22 ॥

एवं कृत्वा त्विदं कार्यं यथेष्टं गच्छ राक्षस ।

राज्यस्यार्धं प्रयच्छामि मारीच तव सुव्रत ॥ 23 ॥

गच्छ सौम्य शिवं मार्गं कार्यस्यास्य विवृद्धये ।

अहं त्वानुगमिष्यामि सरथो दण्डकावनम् ॥ 24 ॥

प्राप्य सीतामयुद्धेन वञ्चयित्वा तु राघवम् ।

लङ्कां प्रतिगमिष्यामि कृतकार्यस्सह त्वया ॥ 25 ॥

न चेत्करोषि मारीच हन्मि त्वामहमद्य वै ।

एतत्कार्यमवश्यं मे बलादपि करिष्यसि ।

राज्ञो हि प्रतिकूलस्थो न जातु सुखमेधते ॥ 26 ॥

आसाद्य तं जीवितसंशयस्ते मृत्युर्ध्रुवो ह्यद्य मया विरुध्य ।

एतद्यथावत्प्रतिगृह्य बुद्ध्या यदत्र पथ्यं कुरु तत्तथा त्वम् ॥ 27 ॥

🕉️ This is the original Sanskrit rendered in Devanagari script. Pronunciation is identical to the Sanskrit Devanagari version. It is a transliteration, not a translation — see “Meaning” for translations where available.

3.40 अरण्यकाण्ड - चत्वारिंश सर्गः