Devi Mahatmyam (Durga Saptashati) Chapter 8 — Sinhala Script

Meaning —

රක්තබීජවධෝ නාම අෂ්ටමෝධ්යාය ..

ධ්යානං

අරුණාං කරුණා තරඞ්ගිතාක්ෂීං ධෘතපාශාඞ්කුශ පුෂ්පබාණචාපාම් .

Mantra 1

අණිමාධිභිරාවෘතාං මයූඛෛ රහමිත්යේව විභාවයේ භවානීම් ..
ඍෂිරුවාච ..1..

aṇimādhibhirāvṛtāṃ mayūkhai rahamityeva vibhāvaye bhavānīm ||
ṛṣiruvāca ||1||

Mantra 2

චණ්ඩේ ච නිහතේ දෛත්යේ මුණ්ඩේ ච විනිපාතිතේ .
බහුලේෂු ච සෛන්යේෂු ක්ෂයිතේෂ්වසුරේශ්වරඃ .. 2 ..

caṇḍe ca nihate daitye muṇḍe ca vinipātite |
bahuleṣu ca sainyeṣu kṣayiteṣvasureśvaraḥ || 2 ||

Mantra 3

තතඃ කෝපපරාධීනචේතාඃ ශුම්භඃ ප්රතාපවාන් .
උද්යෝගං සර්ව සෛන්යානාං දෛත්යානාමාදිදේශ හ ..3..

tataḥ kopaparādhīnacetāḥ śumbhaḥ pratāpavān |
udyogaṃ sarva sainyānāṃ daityānāmādideśa ha ||3||

Mantra 4

අද්ය සර්ව බලෛර්දෛත්යාඃ ෂඩශීතිරුදායුධාඃ .
කම්බූනාං චතුරශීතිර්නිර්යාන්තු ස්වබලෛර්වෘතාඃ ..4..

adya sarva balairdaityāḥ ṣaḍaśītirudāyudhāḥ |
kambūnāṃ caturaśītirniryāntu svabalairvṛtāḥ ||4||

Mantra 5

කෝටිවීර්යාණි පඤ්චාශදසුරාණාං කුලානි වෛ .
ශතං කුලානි ධෞම්රාණාං නිර්ගච්ඡන්තු මමාජ්ඤයා ..5..

koṭivīryāṇi pañcāśadasurāṇāṃ kulāni vai |
śataṃ kulāni dhaumrāṇāṃ nirgacchantu mamājñayā ||5||

Mantra 6

කාලකා දෞර්හෘදා මෞර්වාඃ කාලිකේයාස්තථාසුරාඃ .
යුද්ධාය සජ්ජා නිර්යාන්තු ආජ්ඤයා ත්වරිතා මම ..6..

kālakā daurhṛdā maurvāḥ kālikeyāstathāsurāḥ |
yuddhāya sajjā niryāntu ājñayā tvaritā mama ||6||

Mantra 7

ඉත්යාජ්ඤාප්යාසුරාපතිඃ ශුම්භෝ භෛරවශාසනඃ .
නිර්ජගාම මහාසෛන්යසහස්ත්රෛර්භහුභිර්වෘතඃ ..7..

ityājñāpyāsurāpatiḥ śumbho bhairavaśāsanaḥ |
nirjagāma mahāsainyasahastrairbhahubhirvṛtaḥ ||7||

Mantra 8

ආයාන්තං චණ්ඩිකා දෘෂ්ට්වා තත්සෛන්යමතිභීෂණම් .
ජ්යාස්වනෛඃ පූරයාමාස ධරණීගගනාන්තරම් ..8..

āyāntaṃ caṇḍikā dṛṣṭvā tatsainyamatibhīṣaṇam |
jyāsvanaiḥ pūrayāmāsa dharaṇīgaganāntaram ||8||

Mantra 9

තතඃසිංහො මහානාදමතීව කෘතවාන්නෘප .
ඝණ්ටාස්වනේන තාන්නාදානම්බිකා චෝපබෘංහයත් ..9..

tataḥsiṃhò mahānādamatīva kṛtavānnṛpa |
ghaṇṭāsvanena tānnādānambikā copabṛṃhayat ||9||

Mantra 10

ධනුර්ජ්යාසිංහඝණ්ටානාං නාදාපූරිතදිඞ්මුඛා .
නිනාදෛර්භීෂණෛඃ කාලී ජිග්යේ විස්තාරිතානනා ..10..

dhanurjyāsiṃhaghaṇṭānāṃ nādāpūritadiṅmukhā |
ninādairbhīṣaṇaiḥ kālī jigye vistāritānanā ||10||

Mantra 11

තං නිනාදමුපශ්රුත්ය දෛත්ය සෛන්යෛශ්චතුර්දිශම් .
දේවී සිංහස්තථා කාලී සරෝෂෛඃ පරිවාරිතාඃ..11..

taṃ ninādamupaśrutya daitya sainyaiścaturdiśam |
devī siṃhastathā kālī saroṣaiḥ parivāritāḥ||11||

Mantra 12

ඒතස්මින්නන්තරේ භූප විනාශාය සුරද්විෂාම් .
භවායාමරසිංහනාමතිවීර්යබලාන්විතාඃ ..12..

etasminnantare bhūpa vināśāya suradviṣām |
bhavāyāmarasiṃhanāmativīryabalānvitāḥ ||12||

Mantra 13

බ්රහ්මේශගුහවිෂ්ණූනාං තථේන්ද්රස්ය ච ශක්තයඃ .
ශරීරේභ්යෝවිනිෂ්ක්රම්ය තද්රූපෛශ්චණ්ඩිකාං යයුඃ ..13..

brahmeśaguhaviṣṇūnāṃ tathendrasya ca śaktayaḥ |
śarīrebhyoviniṣkramya tadrūpaiścaṇḍikāṃ yayuḥ ||13||

Mantra 14

යස්ය දේවස්ය යද්රූපං යථා භූෂණවාහනම් .
තද්වදේව හි තච්චක්තිරසුරාන්යෝද්ධුමායමෞ ..14..

yasya devasya yadrūpaṃ yathā bhūṣaṇavāhanam |
tadvadeva hi taccaktirasurānyoddhumāyamau ||14||

Mantra 15

හංසයුක්තවිමානාග්රේ සාක්ෂසූත්රක මණ්ඩලුඃ .
ආයාතා බ්රහ්මණඃ ශක්තිබ්රහ්මාණී ත්යභිධීයතේ ..15..

haṃsayuktavimānāgre sākṣasūtraka maṇḍaluḥ |
āyātā brahmaṇaḥ śaktibrahmāṇī tyabhidhīyate ||15||

Mantra 16

මහේශ්වරී වෘෂාරූඪා ත්රිශූලවරධාරිණී .
මහාහිවලයා ප්රාප්තාචන්ද්රරේඛාවිභූෂණා ..16..

maheśvarī vṛṣārūḍhā triśūlavaradhāriṇī |
mahāhivalayā prāptācandrarekhāvibhūṣaṇā ||16||

Mantra 17

කෞමාරී ශක්තිහස්තා ච මයූරවරවාහනා .
යෝද්ධුමභ්යායයෞ දෛත්යානම්බිකා ගුහරූපිණී ..17..

kaumārī śaktihastā ca mayūravaravāhanā |
yoddhumabhyāyayau daityānambikā guharūpiṇī ||17||

Mantra 18

තථෛව වෛෂ්ණවී ශක්තිර්ගරුඩෝපරි සංස්ථිතා .
ශඞ්ඛචක්රගධාශාඞ්ඛර් ඛඩ්ගහස්තාභ්යුපායයෞ ..18..

tathaiva vaiṣṇavī śaktirgaruḍopari saṃsthitā |
śaṅkhacakragadhāśāṅkhar khaḍgahastābhyupāyayau ||18||

Mantra 19

යජ්ඤවාරාහමතුලං රූපං යා භිභ්රතෝ හරේඃ .
ශක්තිඃ සාප්යායයෞ තත්ර වාරාහීං බිභ්රතී තනුම් ..19..

yajñavārāhamatulaṃ rūpaṃ yā bhibhrato hareḥ |
śaktiḥ sāpyāyayau tatra vārāhīṃ bibhratī tanum ||19||

Mantra 20

නාරසිංහී නෘසිංහස්ය බිභ්රතී සදෘශං වපුඃ .
ප්රාප්තා තත්ර සටාක්ෂේපක්ෂිප්තනක්ෂත්ර සංහතිඃ ..20..

nārasiṃhī nṛsiṃhasya bibhratī sadṛśaṃ vapuḥ |
prāptā tatra saṭākṣepakṣiptanakṣatra saṃhatiḥ ||20||

Mantra 21

වජ්ර හස්තා තථෛවෛන්ද්රී ගජරාජෝ පරිස්ථිතා .
ප්රාප්තා සහස්ර නයනා යථා ශක්රස්තථෛව සා ..21..

vajra hastā tathaivaindrī gajarājo paristhitā |
prāptā sahasra nayanā yathā śakrastathaiva sā ||21||

Mantra 22

තතඃ පරිවෘත්තස්තාභිරීශානෝ දේව ශක්තිභිඃ .
හන්යන්තාමසුරාඃ ශීඝ්රං මම ප්රීත්යාහ චණ්ඩිකාං ..22..

tataḥ parivṛttastābhirīśāno deva śaktibhiḥ |
hanyantāmasurāḥ śīghraṃ mama prītyāha caṇḍikāṃ ||22||

Mantra 23

තතෝ දේවී ශරීරාත්තු විනිෂ්ක්රාන්තාතිභීෂණා .
චණ්ඩිකා ශක්තිරත්යුග්රා ශිවාශතනිනාදිනී ..23..

tato devī śarīrāttu viniṣkrāntātibhīṣaṇā |
caṇḍikā śaktiratyugrā śivāśataninādinī ||23||

Mantra 24

සා චාහ ධූම්රජටිලං ඊශානමපරාජිතා .
දූතත්වං ගච්ඡ භගවන් පාර්ශ්වං ශුම්භනිශුම්භයෝඃ ..24..

sā cāha dhūmrajaṭilaṃ īśānamaparājitā |
dūtatvaṃ gaccha bhagavan pārśvaṃ śumbhaniśumbhayoḥ ||24||

Mantra 25

බ්රූහි ශුම්භං නිශුම්භං ච දානවාවතිගර්විතෞ .
යේ චාන්යේ දානවාස්තත්ර යුද්ධාය සමුපස්ථිතාඃ ..25..

brūhi śumbhaṃ niśumbhaṃ ca dānavāvatigarvitau |
ye cānye dānavāstatra yuddhāya samupasthitāḥ ||25||

Mantra 26

ත්රෛලෝක්යමින්ද්රෝ ලභතාං දේවාඃ සන්තු හවිර්භුජඃ .
යූයං ප්රයාත පාතාලං යදි ජීවිතුමිච්ඡථ ..26..

trailokyamindro labhatāṃ devāḥ santu havirbhujaḥ |
yūyaṃ prayāta pātālaṃ yadi jīvitumicchatha ||26||

Mantra 27

බලාවලේපාදථ චේද්භවන්තෝ යුද්ධකාඞ්ක්ෂිණඃ .
තදා ගච්ඡත තෘප්යන්තු මච්ඡිවාඃ පිශිතේන වඃ ..27..

balāvalepādatha cedbhavanto yuddhakāṅkṣiṇaḥ |
tadā gacchata tṛpyantu macchivāḥ piśitena vaḥ ||27||

Mantra 28

යතෝ නියුක්තෝ දෞත්යේන තයා දේව්යා ශිවඃ ස්වයම් .
ශිවදූතීති ලෝකේ(අ)ස්මිංස්තතඃ සා ඛ්යාති මාගතා ..28..

yato niyukto dautyena tayā devyā śivaḥ svayam |
śivadūtīti loke'smiṃstataḥ sā khyāti māgatā ||28||

Mantra 29

තේ(අ)පි ශ්රුත්වා වචෝ දේව්යාඃ ශර්වාඛ්යාතං මහාසුරාඃ .
අමර්ෂාපූරිතා ජග්මුර්යත්ර කාත්යායනී ස්ථිතා ..29..

te'pi śrutvā vaco devyāḥ śarvākhyātaṃ mahāsurāḥ |
amarṣāpūritā jagmuryatra kātyāyanī sthitā ||29||

Mantra 30

තතඃ ප්රථමමේවාග්රේ ශරශක්ත්යෘෂ්ටිවෘෂ්ටිභිඃ .
වවර්ෂුරුද්ධතාමර්ෂාඃ ස්තාං දේවීමමරාරයඃ ..30..

tataḥ prathamamevāgre śaraśaktyṛṣṭivṛṣṭibhiḥ |
vavarṣuruddhatāmarṣāḥ stāṃ devīmamarārayaḥ ||30||

Mantra 31

සා ච තාන් ප්රහිතාන් බාණාන් ඤ්ඡූලශක්තිපරශ්වධාන් .
චිච්ඡේද ලීලයාධ්මාතධනුර්මුක්තෛර්මහේෂුභිඃ ..31..

sā ca tān prahitān bāṇān ñchūlaśaktiparaśvadhān |
ciccheda līlayādhmātadhanurmuktairmaheṣubhiḥ ||31||

Mantra 32

තස්යාග්රතස්තථා කාලී ශූලපාතවිදාරිතාන් .
ඛට්වාඞ්ගපෝථිතාංශ්චාරීන්කුර්වන්තී ව්යචරත්තදා ..32..

tasyāgratastathā kālī śūlapātavidāritān |
khaṭvāṅgapothitāṃścārīnkurvantī vyacarattadā ||32||

Mantra 33

කමණ්ඩලුජලාක්ෂේපහතවීර්යාන් හතෞජසඃ .
බ්රහ්මාණී චාකරෝච්ඡත්රූන්යේන යේන ස්ම ධාවති ..33..

kamaṇḍalujalākṣepahatavīryān hataujasaḥ |
brahmāṇī cākarocchatrūnyena yena sma dhāvati ||33||

Mantra 34

මාහේශ්වරී ත්රිශූලේන තථා චක්රේණ වෛෂ්ණවී .
දෛත්යාඞ්ජඝාන කෞමාරී තථා ශත්යාති කෝපනා ..34..

māheśvarī triśūlena tathā cakreṇa vaiṣṇavī |
daityāṅjaghāna kaumārī tathā śatyāti kopanā ||34||

Mantra 35

ඓන්ද්රී කුලිශපාතේන ශතශෝ දෛත්යදානවාඃ .
පේතුර්විදාරිතාඃ පෘථ්ව්යාං රුධිරෞඝප්රවර්ෂිණඃ ..35..

aindrī kuliśapātena śataśo daityadānavāḥ |
peturvidāritāḥ pṛthvyāṃ rudhiraughapravarṣiṇaḥ ||35||

Mantra 36

තුණ්ඩප්රහාරවිධ්වස්තා දංෂ්ට්රා ග්රක්ෂත වක්ෂසඃ .
වාරාහමූර්ත්යා න්යපතංශ්චක්රේණ ච විදාරිතාඃ ..36..

tuṇḍaprahāravidhvastā daṃṣṭrā grakṣata vakṣasaḥ |
vārāhamūrtyā nyapataṃścakreṇa ca vidāritāḥ ||36||

Mantra 37

නඛෛර්විදාරිතාංශ්චාන්යාන් භක්ෂයන්තී මහාසුරාන් .
නාරසිංහී චචාරාජෞ නාදා පූර්ණදිගම්බරා ..37..

nakhairvidāritāṃścānyān bhakṣayantī mahāsurān |
nārasiṃhī cacārājau nādā pūrṇadigambarā ||37||

Mantra 38

චණ්ඩාට්ටහාසෛරසුරාඃ ශිවදූත්යභිදූෂිතාඃ .
පේතුඃ පෘථිව්යාං පතිතාංස්තාංශ්චඛාදාථ සා තදා ..38..

caṇḍāṭṭahāsairasurāḥ śivadūtyabhidūṣitāḥ |
petuḥ pṛthivyāṃ patitāṃstāṃścakhādātha sā tadā ||38||

ඉති මාතෘ ගණං ක්රුද්ධං මර්ද යන්තං මහාසුරාන් .
දෘෂ්ට්වාභ්යුපායෛර්විවිධෛර්නේශුර්දේවාරිසෛනිකාඃ ..39..

Mantra 40

පලායනපරාන්දෘෂ්ට්වා දෛත්යාන්මාතෘගණාර්දිතාන් .
යෝද්ධුමභ්යායයෞ ක්රුද්ධෝ රක්තබීජෝ මහාසුරඃ ..40..

palāyanaparāndṛṣṭvā daityānmātṛgaṇārditān |
yoddhumabhyāyayau kruddho raktabījo mahāsuraḥ ||40||

Mantra 41

රක්තබින්දුර්යදා භූමෞ පතත්යස්ය ශරීරතඃ .
සමුත්පතති මේදින්යාං තත්ප්රමාණෝ මහාසුරඃ ..41..

raktabinduryadā bhūmau patatyasya śarīrataḥ |
samutpatati medinyāṃ tatpramāṇo mahāsuraḥ ||41||

Mantra 42

යුයුධේ ස ගදාපාණිරින්ද්රශක්ත්යා මහාසුරඃ .
තතශ්චෛන්ද්රී ස්වවජ්රේණ රක්තබීජමතාඩයත් ..42..

yuyudhe sa gadāpāṇirindraśaktyā mahāsuraḥ |
tataścaindrī svavajreṇa raktabījamatāḍayat ||42||

Mantra 43

කුලිශේනාහතස්යාශු බහු සුස්රාව ශෝණිතම් .
සමුත්තස්ථුස්තතෝ යෝධාස්තද්රපාස්තත්පරාක්රමාඃ ..43..

kuliśenāhatasyāśu bahu susrāva śoṇitam |
samuttasthustato yodhāstadrapāstatparākramāḥ ||43||

Mantra 44

යාවන්තඃ පතිතාස්තස්ය ශරීරාද්රක්තබින්දවඃ .
තාවන්තඃ පුරුෂා ජාතාඃ ස්තද්වීර්යබලවික්රමාඃ ..44..

yāvantaḥ patitāstasya śarīrādraktabindavaḥ |
tāvantaḥ puruṣā jātāḥ stadvīryabalavikramāḥ ||44||

Mantra 45

තේ චාපි යුයුධුස්තත්ර පුරුෂා රක්ත සම්භවාඃ .
සමං මාතෘභිරත්යුග්රශස්ත්රපාතාතිභීෂණං ..45..

te cāpi yuyudhustatra puruṣā rakta sambhavāḥ |
samaṃ mātṛbhiratyugraśastrapātātibhīṣaṇaṃ ||45||

Mantra 46

පුනශ්ච වජ්ර පාතේන ක්ෂත මශ්ය ශිරෝ යදා .
වවාහ රක්තං පුරුෂාස්තතෝ ජාතාඃ සහස්රශඃ ..46..

punaśca vajra pātena kṣata maśya śiro yadā |
vavāha raktaṃ puruṣāstato jātāḥ sahasraśaḥ ||46||

Mantra 47

වෛෂ්ණවී සමරේ චෛනං චක්රේණාභිජඝාන හ .
ගදයා තාඩයාමාස ඓන්ද්රී තමසුරේශ්වරම්..47..

vaiṣṇavī samare cainaṃ cakreṇābhijaghāna ha |
gadayā tāḍayāmāsa aindrī tamasureśvaram||47||

Mantra 48

වෛෂ්ණවී චක්රභින්නස්ය රුධිරස්රාව සම්භවෛඃ .
සහස්රශෝ ජගද්ව්යාප්තං තත්ප්රමාණෛර්මහාසුරෛඃ ..48..

vaiṣṇavī cakrabhinnasya rudhirasrāva sambhavaiḥ |
sahasraśo jagadvyāptaṃ tatpramāṇairmahāsuraiḥ ||48||

Mantra 49

ශක්ත්යා ජඝාන කෞමාරී වාරාහී ච තථාසිනා .
මාහේශ්වරී ත්රිශූලේන රක්තබීජං මහාසුරම් ..49..

śaktyā jaghāna kaumārī vārāhī ca tathāsinā |
māheśvarī triśūlena raktabījaṃ mahāsuram ||49||

Mantra 50

ස චාපි ගදයා දෛත්යඃ සර්වා ඒවාහනත් පෘථක් .
මාතෲඃ කෝපසමාවිෂ්ටෝ රක්තබීජෝ මහාසුරඃ ..50..

sa cāpi gadayā daityaḥ sarvā evāhanat pṛthak |
mātṝḥ kopasamāviṣṭo raktabījo mahāsuraḥ ||50||

Mantra 51

තස්යාහතස්ය බහුධා ශක්තිශූලාදි භිර්භුවිඃ .
පපාත යෝ වෛ රක්තෞඝස්තේනාසඤ්චතශෝ(අ)සුරාඃ ..51..

tasyāhatasya bahudhā śaktiśūlādi bhirbhuviḥ |
papāta yo vai raktaughastenāsañcataśo'surāḥ ||51||

Mantra 52

තෛශ්චාසුරාසෘක්සම්භූතෛරසුරෛඃ සකලං ජගත් .
ව්යාප්තමාසීත්තතෝ දේවා භයමාජග්මුරුත්තමම් ..52..

taiścāsurāsṛksambhūtairasuraiḥ sakalaṃ jagat |
vyāptamāsīttato devā bhayamājagmuruttamam ||52||

Mantra 53

තාන් විෂණ්ණා න් සුරාන් දෘෂ්ට්වා චණ්ඩිකා ප්රාහසත්වරම් .
උවාච කාලීං චාමුණ්ඩේ විස්තීර්ණං වදනං කුරු ..53..

tān viṣaṇṇā n surān dṛṣṭvā caṇḍikā prāhasatvaram |
uvāca kālīṃ cāmuṇḍe vistīrṇaṃ vadanaṃ kuru ||53||

Mantra 54

මච්ඡස්ත්රපාතසම්භූතාන් රක්තබින්දූන් මහාසුරාන් .
රක්තබින්දෝඃ ප්රතීච්ඡ ත්වං වක්ත්රේණානේන වේගිනා ..54..

macchastrapātasambhūtān raktabindūn mahāsurān |
raktabindoḥ pratīccha tvaṃ vaktreṇānena veginā ||54||

Mantra 55

භක්ෂයන්තී චර රණෝ තදුත්පන්නාන්මහාසුරාන් .
ඒවමේෂ ක්ෂයං දෛත්යඃ ක්ෂේණ රක්තෝ ගමිෂ්යති ..55..

bhakṣayantī cara raṇo tadutpannānmahāsurān |
evameṣa kṣayaṃ daityaḥ kṣeṇa rakto gamiṣyati ||55||

Mantra 56

භක්ෂ්ය මාණා ස්ත්වයා චෝග්රා න චෝත්පත්ස්යන්ති චාපරේ .
ඉත්යුක්ත්වා තාං තතෝ දේවී ශූලේනාභිජඝාන තම් ..56..

bhakṣya māṇā stvayā cogrā na cotpatsyanti cāpare |
ityuktvā tāṃ tato devī śūlenābhijaghāna tam ||56||

Mantra 57

මුඛේන කාලී ජගෘහේ රක්තබීජස්ය ශෝණිතම් .
තතෝ(අ)සාවාජඝානාථ ගදයා තත්ර චණ්ඩිකාං ..57..

mukhena kālī jagṛhe raktabījasya śoṇitam |
tato'sāvājaghānātha gadayā tatra caṇḍikāṃ ||57||

Mantra 58

න චාස්යා වේදනාං චක්රේ ගදාපාතෝ(අ)ල්පිකාමපි .
තස්යාහතස්ය දේහාත්තු බහු සුස්රාව ශෝණිතම් ..58..

na cāsyā vedanāṃ cakre gadāpāto'lpikāmapi |
tasyāhatasya dehāttu bahu susrāva śoṇitam ||58||

Mantra 59

යතස්තතස්තද්වක්ත්රේණ චාමුණ්ඩා සම්ප්රතීච්ඡති .
මුඛේ සමුද්ගතා යේ(අ)ස්යා රක්තපාතාන්මහාසුරාඃ ..59..

yatastatastadvaktreṇa cāmuṇḍā sampratīcchati |
mukhe samudgatā ye'syā raktapātānmahāsurāḥ ||59||

Mantra 60

තාංශ්චඛාදාථ චාමුණ්ඩා පපෞ තස්ය ච ශෝණිතම් ..60..

tāṃścakhādātha cāmuṇḍā papau tasya ca śoṇitam ||60||

Mantra 61

දේවී ශූලේන වජ්රේණ බාණෛරසිභිර් ඍෂ්ටිභිඃ .
ජඝාන රක්තබීජං තං චාමුණ්ඩා පීත ශෝණිතම් ..61..

devī śūlena vajreṇa bāṇairasibhir ṛṣṭibhiḥ |
jaghāna raktabījaṃ taṃ cāmuṇḍā pīta śoṇitam ||61||

Mantra 62

ස පපාත මහීපෘෂ්ඨේ ශස්ත්රසඞ්ඝසමාහතඃ .
නීරක්තශ්ච මහීපාල රක්තබීජෝ මහාසුරඃ ..62..

sa papāta mahīpṛṣṭhe śastrasaṅghasamāhataḥ |
nīraktaśca mahīpāla raktabījo mahāsuraḥ ||62||

Mantra 63

තතස්තේ හර්ෂ මතුලං අවාපුස්ත්රිදශා නෘප .
තේෂාං මාතෘගණෝ ජාතෝ නනර්තාසෘංඞ්ගමදෝද්ධතඃ ..63..

tataste harṣa matulaṃ avāpustridaśā nṛpa |
teṣāṃ mātṛgaṇo jāto nanartāsṛṃṅgamadoddhataḥ ||63||

.. ස්වස්ති ශ්රී මාර්කණ්ඩේය පුරාණේ සාවර්නිකේ මන්වන්තරේ දේවි මහත්ම්යේ රක්තබීජවධෝනාම අෂ්ටමෝධ්යාය සමාප්තම් ..
ආහුති
ඕං ජයන්තී සාඞ්ගායෛ සශක්තිකායෛ සපරිවාරායෛ සවාහනායෛ රක්තාක්ෂ්යෛ අෂ්ටමාතෘ සහිතායෛ මහාහුතිං සමර්පයාමි නමඃ ස්වාහා ..

|| svasti śrī mārkaṇḍeya purāṇe sāvarnike manvantare devi mahatmye raktabījavadhonāma aṣṭamodhyāya samāptam ||
āhuti
oṃ jayantī sāṅgāyai saśaktikāyai saparivārāyai savāhanāyai raktākṣyai aṣṭamātṛ sahitāyai mahāhutiṃ samarpayāmi namaḥ svāhā ||

Sanskrit — Devanagari (original)

रक्तबीजवधो नाम अष्टमोध्याय ॥

ध्यानं

अरुणां करुणा तरङ्गिताक्षीं धृतपाशाङ्कुश पुष्पबाणचापाम् ।

अणिमाधिभिरावृतां मयूखै रहमित्येव विभावये भवानीम् ॥

ऋषिरुवाच ॥1॥

चण्डे च निहते दैत्ये मुण्डे च विनिपातिते ।

बहुलेषु च सैन्येषु क्षयितेष्वसुरेश्वरः ॥ 2 ॥

ततः कोपपराधीनचेताः शुम्भः प्रतापवान् ।

उद्योगं सर्व सैन्यानां दैत्यानामादिदेश ह ॥3॥

अद्य सर्व बलैर्दैत्याः षडशीतिरुदायुधाः ।

कम्बूनां चतुरशीतिर्निर्यान्तु स्वबलैर्वृताः ॥4॥

कोटिवीर्याणि पञ्चाशदसुराणां कुलानि वै ।

शतं कुलानि धौम्राणां निर्गच्छन्तु ममाज्ञया ॥5॥

कालका दौर्हृदा मौर्वाः कालिकेयास्तथासुराः ।

युद्धाय सज्जा निर्यान्तु आज्ञया त्वरिता मम ॥6॥

इत्याज्ञाप्यासुरापतिः शुम्भो भैरवशासनः ।

निर्जगाम महासैन्यसहस्त्रैर्भहुभिर्वृतः ॥7॥

आयान्तं चण्डिका दृष्ट्वा तत्सैन्यमतिभीषणम् ।

ज्यास्वनैः पूरयामास धरणीगगनान्तरम् ॥8॥

ततःसिंहॊ महानादमतीव कृतवान्नृप ।

घण्टास्वनेन तान्नादानम्बिका चोपबृंहयत् ॥9॥

धनुर्ज्यासिंहघण्टानां नादापूरितदिङ्मुखा ।

निनादैर्भीषणैः काली जिग्ये विस्तारितानना ॥10॥

तं निनादमुपश्रुत्य दैत्य सैन्यैश्चतुर्दिशम् ।

देवी सिंहस्तथा काली सरोषैः परिवारिताः॥11॥

एतस्मिन्नन्तरे भूप विनाशाय सुरद्विषाम् ।

भवायामरसिंहनामतिवीर्यबलान्विताः ॥12॥

ब्रह्मेशगुहविष्णूनां तथेन्द्रस्य च शक्तयः ।

शरीरेभ्योविनिष्क्रम्य तद्रूपैश्चण्डिकां ययुः ॥13॥

यस्य देवस्य यद्रूपं यथा भूषणवाहनम् ।

तद्वदेव हि तच्चक्तिरसुरान्योद्धुमायमौ ॥14॥

हंसयुक्तविमानाग्रे साक्षसूत्रक मण्डलुः ।

आयाता ब्रह्मणः शक्तिब्रह्माणी त्यभिधीयते ॥15॥

महेश्वरी वृषारूढा त्रिशूलवरधारिणी ।

महाहिवलया प्राप्ताचन्द्ररेखाविभूषणा ॥16॥

कौमारी शक्तिहस्ता च मयूरवरवाहना ।

योद्धुमभ्याययौ दैत्यानम्बिका गुहरूपिणी ॥17॥

तथैव वैष्णवी शक्तिर्गरुडोपरि संस्थिता ।

शङ्खचक्रगधाशाङ्खर् खड्गहस्ताभ्युपाययौ ॥18॥

यज्ञवाराहमतुलं रूपं या भिभ्रतो हरेः ।

शक्तिः साप्याययौ तत्र वाराहीं बिभ्रती तनुम् ॥19॥

नारसिंही नृसिंहस्य बिभ्रती सदृशं वपुः ।

प्राप्ता तत्र सटाक्षेपक्षिप्तनक्षत्र संहतिः ॥20॥

वज्र हस्ता तथैवैन्द्री गजराजो परिस्थिता ।

प्राप्ता सहस्र नयना यथा शक्रस्तथैव सा ॥21॥

ततः परिवृत्तस्ताभिरीशानो देव शक्तिभिः ।

हन्यन्तामसुराः शीघ्रं मम प्रीत्याह चण्डिकां ॥22॥

ततो देवी शरीरात्तु विनिष्क्रान्तातिभीषणा ।

चण्डिका शक्तिरत्युग्रा शिवाशतनिनादिनी ॥23॥

सा चाह धूम्रजटिलं ईशानमपराजिता ।

दूतत्वं गच्छ भगवन् पार्श्वं शुम्भनिशुम्भयोः ॥24॥

ब्रूहि शुम्भं निशुम्भं च दानवावतिगर्वितौ ।

ये चान्ये दानवास्तत्र युद्धाय समुपस्थिताः ॥25॥

त्रैलोक्यमिन्द्रो लभतां देवाः सन्तु हविर्भुजः ।

यूयं प्रयात पातालं यदि जीवितुमिच्छथ ॥26॥

बलावलेपादथ चेद्भवन्तो युद्धकाङ्क्षिणः ।

तदा गच्छत तृप्यन्तु मच्छिवाः पिशितेन वः ॥27॥

यतो नियुक्तो दौत्येन तया देव्या शिवः स्वयम् ।

शिवदूतीति लोकेऽस्मिंस्ततः सा ख्याति मागता ॥28॥

तेऽपि श्रुत्वा वचो देव्याः शर्वाख्यातं महासुराः ।

अमर्षापूरिता जग्मुर्यत्र कात्यायनी स्थिता ॥29॥

ततः प्रथममेवाग्रे शरशक्त्यृष्टिवृष्टिभिः ।

ववर्षुरुद्धतामर्षाः स्तां देवीममरारयः ॥30॥

सा च तान् प्रहितान् बाणान् ञ्छूलशक्तिपरश्वधान् ।

चिच्छेद लीलयाध्मातधनुर्मुक्तैर्महेषुभिः ॥31॥

तस्याग्रतस्तथा काली शूलपातविदारितान् ।

खट्वाङ्गपोथितांश्चारीन्कुर्वन्ती व्यचरत्तदा ॥32॥

कमण्डलुजलाक्षेपहतवीर्यान् हतौजसः ।

ब्रह्माणी चाकरोच्छत्रून्येन येन स्म धावति ॥33॥

माहेश्वरी त्रिशूलेन तथा चक्रेण वैष्णवी ।

दैत्याङ्जघान कौमारी तथा शत्याति कोपना ॥34॥

ऐन्द्री कुलिशपातेन शतशो दैत्यदानवाः ।

पेतुर्विदारिताः पृथ्व्यां रुधिरौघप्रवर्षिणः ॥35॥

तुण्डप्रहारविध्वस्ता दंष्ट्रा ग्रक्षत वक्षसः ।

वाराहमूर्त्या न्यपतंश्चक्रेण च विदारिताः ॥36॥

नखैर्विदारितांश्चान्यान् भक्षयन्ती महासुरान् ।

नारसिंही चचाराजौ नादा पूर्णदिगम्बरा ॥37॥

चण्डाट्टहासैरसुराः शिवदूत्यभिदूषिताः ।

पेतुः पृथिव्यां पतितांस्तांश्चखादाथ सा तदा ॥38॥

इति मातृ गणं क्रुद्धं मर्द यन्तं महासुरान् ।

दृष्ट्वाभ्युपायैर्विविधैर्नेशुर्देवारिसैनिकाः ॥39॥

पलायनपरान्दृष्ट्वा दैत्यान्मातृगणार्दितान् ।

योद्धुमभ्याययौ क्रुद्धो रक्तबीजो महासुरः ॥40॥

रक्तबिन्दुर्यदा भूमौ पतत्यस्य शरीरतः ।

समुत्पतति मेदिन्यां तत्प्रमाणो महासुरः ॥41॥

युयुधे स गदापाणिरिन्द्रशक्त्या महासुरः ।

ततश्चैन्द्री स्ववज्रेण रक्तबीजमताडयत् ॥42॥

कुलिशेनाहतस्याशु बहु सुस्राव शोणितम् ।

समुत्तस्थुस्ततो योधास्तद्रपास्तत्पराक्रमाः ॥43॥

यावन्तः पतितास्तस्य शरीराद्रक्तबिन्दवः ।

तावन्तः पुरुषा जाताः स्तद्वीर्यबलविक्रमाः ॥44॥

ते चापि युयुधुस्तत्र पुरुषा रक्त सम्भवाः ।

समं मातृभिरत्युग्रशस्त्रपातातिभीषणं ॥45॥

पुनश्च वज्र पातेन क्षत मश्य शिरो यदा ।

ववाह रक्तं पुरुषास्ततो जाताः सहस्रशः ॥46॥

वैष्णवी समरे चैनं चक्रेणाभिजघान ह ।

गदया ताडयामास ऐन्द्री तमसुरेश्वरम्॥47॥

वैष्णवी चक्रभिन्नस्य रुधिरस्राव सम्भवैः ।

सहस्रशो जगद्व्याप्तं तत्प्रमाणैर्महासुरैः ॥48॥

शक्त्या जघान कौमारी वाराही च तथासिना ।

माहेश्वरी त्रिशूलेन रक्तबीजं महासुरम् ॥49॥

स चापि गदया दैत्यः सर्वा एवाहनत् पृथक् ।

मातॄः कोपसमाविष्टो रक्तबीजो महासुरः ॥50॥

तस्याहतस्य बहुधा शक्तिशूलादि भिर्भुविः ।

पपात यो वै रक्तौघस्तेनासञ्चतशोऽसुराः ॥51॥

तैश्चासुरासृक्सम्भूतैरसुरैः सकलं जगत् ।

व्याप्तमासीत्ततो देवा भयमाजग्मुरुत्तमम् ॥52॥

तान् विषण्णा न् सुरान् दृष्ट्वा चण्डिका प्राहसत्वरम् ।

उवाच कालीं चामुण्डे विस्तीर्णं वदनं कुरु ॥53॥

मच्छस्त्रपातसम्भूतान् रक्तबिन्दून् महासुरान् ।

रक्तबिन्दोः प्रतीच्छ त्वं वक्त्रेणानेन वेगिना ॥54॥

भक्षयन्ती चर रणो तदुत्पन्नान्महासुरान् ।

एवमेष क्षयं दैत्यः क्षेण रक्तो गमिष्यति ॥55॥

भक्ष्य माणा स्त्वया चोग्रा न चोत्पत्स्यन्ति चापरे ।

इत्युक्त्वा तां ततो देवी शूलेनाभिजघान तम् ॥56॥

मुखेन काली जगृहे रक्तबीजस्य शोणितम् ।

ततोऽसावाजघानाथ गदया तत्र चण्डिकां ॥57॥

न चास्या वेदनां चक्रे गदापातोऽल्पिकामपि ।

तस्याहतस्य देहात्तु बहु सुस्राव शोणितम् ॥58॥

यतस्ततस्तद्वक्त्रेण चामुण्डा सम्प्रतीच्छति ।

मुखे समुद्गता येऽस्या रक्तपातान्महासुराः ॥59॥

तांश्चखादाथ चामुण्डा पपौ तस्य च शोणितम् ॥60॥

देवी शूलेन वज्रेण बाणैरसिभिर् ऋष्टिभिः ।

जघान रक्तबीजं तं चामुण्डा पीत शोणितम् ॥61॥

स पपात महीपृष्ठे शस्त्रसङ्घसमाहतः ।

नीरक्तश्च महीपाल रक्तबीजो महासुरः ॥62॥

ततस्ते हर्ष मतुलं अवापुस्त्रिदशा नृप ।

तेषां मातृगणो जातो ननर्तासृंङ्गमदोद्धतः ॥63॥

॥ स्वस्ति श्री मार्कण्डेय पुराणे सावर्निके मन्वन्तरे देवि महत्म्ये रक्तबीजवधोनाम अष्टमोध्याय समाप्तम् ॥

आहुति

ॐ जयन्ती साङ्गायै सशक्तिकायै सपरिवारायै सवाहनायै रक्ताक्ष्यै अष्टमातृ सहितायै महाहुतिं समर्पयामि नमः स्वाहा ॥

🕉️ This is the original Sanskrit rendered in Sinhala script. Pronunciation is identical to the Sanskrit Devanagari version. It is a transliteration, not a translation — see “Meaning” for translations where available.

දේවී මාහාත්ම්යං දුර්ගා සප්තශති අෂ්ටමෝ(අ)ධ්යායඃ