Devi Mahatmyam Durga Saptashati Chaturtho'dhyayah — Sinhala Script

ශක්රාදිස්තුතිර්නාම චතුර්ධෝ(අ)ධ්යායඃ ..

ධ්යානං

කාලාභ්රාභාං කටාක්ෂෛර් අරි කුල භයදාං මෞලි බද්ධේන්දු රේඛාං

ශඞ්ඛ-චක්රං කෘපාණං ත්රිශිඛමපි කරෛ-රුද්වහන්තීං ත්රිනේऱ්ත්රම් .

සිංහ ස්කන්දාධිරූඪාං ත්රිභුවන-මඛිලං තේජසා පූරයන්තීං

ධ්යායේ-ද්දුර්ගාං ජයාඛ්යාං ත්රිදශ-පරිවෘතාං සේවිතාං සිද්ධි කාමෛඃ ..

ඍෂිරුවාච ..1..

ශක්රාදයඃ සුරගණා නිහතේ(අ)තිවීර්යේ

තස්මින්දුරාත්මනි සුරාරිබලේ ච දේව්යා .

තාං තුෂ්ටුවුඃ ප්රණතිනම්රශිරෝධරාංසා

වාග්භිඃ ප්රහර්ෂපුලකෝද්ගමචාරුදේහාඃ .. 2 ..

දේව්යා යයා තතමිදං ජගදාත්මශක්ත්යා

නිඃශේෂදේවගණශක්තිසමූහමූර්ත්යා .

තාමම්බිකාමඛිලදේවමහර්ෂිපූජ්යාං

භක්ත්යා නතාඃ ස්ම විදධාතුශුභානි සා නඃ ..3..

යස්යාඃ ප්රභාවමතුලං භගවානනන්තෝ

බ්රහ්මා හරශ්ච නහි වක්තුමලං බලං ච .

සා චණ්ඩිකා(අ)ඛිල ජගත්පරිපාලනාය

නාශාය චාශුභභයස්ය මතිං කරෝතු ..4..

යා ශ්රීඃ ස්වයං සුකෘතිනාං භවනේෂ්වලක්ෂ්මීඃ

පාපාත්මනාං කෘතධියාං හෘදයේෂු බුද්ධිඃ .

ශ්රද්ථා සතාං කුලජනප්රභවස්ය ලජ්ජා

තාං ත්වාං නතාඃ ස්ම පරිපාලය දේවි විශ්වම් ..5..

කිං වර්ණයාම තවරූප මචින්ත්යමේතත්

කිඤ්චාතිවීර්යමසුරක්ෂයකාරි භූරි .

කිං චාහවේෂු චරිතානි තවාත්භුතානි

සර්වේෂු දේව්යසුරදේවගණාදිකේෂු . ..6..

හේතුඃ සමස්තජගතාං ත්රිගුණාපි දෝෂෛඃ

න ජ්ඤායසේ හරිහරාදිභිරව්යපාරා .

සර්වාශ්රයාඛිලමිදං ජගදංශභූතං

අව්යාකෘතා හි පරමා ප්රකෘතිස්ත්වමාද්යා ..6..

යස්යාඃ සමස්තසුරතා සමුදීරණේන

තෘප්තිං ප්රයාති සකලේෂු මඛේෂු දේවි .

ස්වාහාසි වෛ පිතෘ ගණස්ය ච තෘප්ති හේතු

රුච්චාර්යසේ ත්වමත ඒව ජනෛඃ ස්වධාච ..8..

යා මුක්තිහේතුරවිචින්ත්ය මහාව්රතා ත්වං

අභ්යස්යසේ සුනියතේන්ද්රියතත්වසාරෛඃ .

මෝක්ෂාර්ථිභිර්මුනිභිරස්තසමස්තදෝෂෛ

ර්විද්යා(අ)සි සා භගවතී පරමා හි දේවි ..9..

ශබ්දාත්මිකා සුවිමලර්ග්යජුෂාං නිධානං

මුද්ගීථරම්යපදපාඨවතාං ච සාම්නාම් .

දේවී ත්රයී භගවතී භවභාවනාය

වාර්තාසි සර්ව ජගතාං පරමාර්තිහන්ත්රී ..10..

මේධාසි දේවි විදිතාඛිලශාස්ත්රසාරා

දුර්ගා(අ)සි දුර්ගභවසාගරසනෞරසඞ්ගා .

ශ්රීඃ කෛට භාරිහෘදයෛකකෘතාධිවාසා

ගෞරී ත්වමේව ශශිමෞලිකෘත ප්රතිෂ්ඨා ..11..

ඊෂත්සහාසමමලං පරිපූර්ණ චන්ද්ර

බිම්බානුකාරි කනකෝත්තමකාන්තිකාන්තම් .

අත්යද්භුතං ප්රහෘතමාත්තරුෂා තථාපි

වක්ත්රං විලෝක්ය සහසා මහිෂාසුරේණ ..12..

දෘෂ්ට්වාතු දේවි කුපිතං භ්රුකුටීකරාල

මුද්යච්ඡශාඞ්කසදෘශච්ඡවි යන්න සද්යඃ .

ප්රාණාන් මුමෝච මහිෂස්තදතීව චිත්රං

කෛර්ජීව්යතේ හි කුපිතාන්තකදර්ශනේන . ..13..

දේවිප්රසීද පරමා භවතී භවාය

සද්යෝ විනාශයසි කෝපවතී කුලානි .

විජ්ඤාතමේතදධුනෛව යදස්තමේතත්

න්නීතං බලං සුවිපුලං මහිෂාසුරස්ය ..14..

තේ සම්මතා ජනපදේෂු ධනානි තේෂාං

තේෂාං යශාංසි න ච සීදති ධර්මවර්ගඃ .

ධන්යාස්තඒව නිභෘතාත්මජභෘත්යදාරා

යේෂාං සදාභ්යුදයදා භවතී ප්රසන්නා..15..

ධර්ම්යාණි දේවි සකලානි සදෛව කර්මානි

ණ්යත්යාදෘතඃ ප්රතිදිනං සුකෘතී කරෝති .

ස්වර්ගං ප්රයාති ච තතෝ භවතී ප්රසාදා

ල්ලෝකත්රයේ(අ)පි ඵලදා නනු දේවි තේන ..16..

දුර්ගේ ස්මෘතා හරසි භීති මශේශ ජන්තෝඃ

ස්වස්ථෛඃ ස්මෘතා මතිමතීව ශුභාං දදාසි .

දාරිද්ර්යදුඃඛභයහාරිණි කා ත්වදන්යා

සර්වෝපකාරකරණාය සදාර්ද්රචිත්තා ..17..

ඒභිර්හතෛර්ජගදුපෛති සුඛං තථෛතේ

කුර්වන්තු නාම නරකාය චිරාය පාපම් .

සඞ්ග්රාමමෘත්යුමධිගම්ය දිවම්ප්රයාන්තු

මත්වේති නූනමහිතාන්විනිහංසි දේවි ..18..

දෘෂ්ට්වෛව කිං න භවතී ප්රකරෝති භස්ම

සර්වාසුරානරිෂු යත්ප්රහිණෝෂි ශස්ත්රම් .

ලෝකාන්ප්රයාන්තු රිපවෝ(අ)පි හි ශස්ත්රපූතා

ඉත්ථං මතිර්භවති තේෂ්වහි තේ(අ)ෂුසාධ්වී ..19..

ඛඩ්ග ප්රභානිකරවිස්ඵුරණෛස්තධෝග්රෛඃ

ශූලාග්රකාන්තිනිවහේන දෘශෝ(අ)සුරාණාම් .

යන්නාගතා විලයමංශුමදින්දුඛණ්ඩ

යෝග්යානනං තව විලෝක යතාං තදේතත් ..20..

දුර්වෘත්ත වෘත්ත ශමනං තව දේවි ශීලං

රූපං තථෛතදවිචින්ත්යමතුල්යමන්යෛඃ .

වීර්යං ච හන්තෘ හෘතදේවපරාක්රමාණාං

වෛරිෂ්වපි ප්රකටිතෛව දයා ත්වයේත්ථම් ..21..

කේනෝපමා භවතු තේ(අ)ස්ය පරාක්රමස්ය

රූපං ච ශතෘභය කාර්යතිහාරි කුත්ර .

චිත්තේකෘපා සමරනිෂ්ටුරතා ච දෘෂ්ටා

ත්වය්යේව දේවි වරදේ භුවනත්රයේ(අ)පි ..22..

ත්රෛලෝක්යමේතදඛිලං රිපුනාශනේන

ත්රාතං ත්වයා සමරමූර්ධනි තේ(අ)පි හත්වා .

නීතා දිවං රිපුගණා භයමප්යපාස්තං

අස්මාකමුන්මදසුරාරිභවං නමස්තේ ..23..

ශූලේන පාහි නෝ දේවි පාහි ඛඩ්ගේන චාම්භිකේ .

ඝණ්ටාස්වනේන නඃ පාහි චාපජ්යානිස්වනේන ච ..24..

ප්රාච්යාං රක්ෂ ප්රතීච්යාං ච චණ්ඩිකේ රක්ෂ දක්ෂිණේ .

භ්රාමණේනාත්මශූලස්ය උත්තරස්යාං තථේශ්වරී..25..

සෞම්යානි යානි රූපාණි ත්රෛලෝක්යේ විචරන්තිතේ .

යානි චාත්යන්ත ඝෝරාණි තෛරක්ෂාස්මාංස්තථාභුවම් ..26..

ඛඩ්ගශූලගදාදීනි යානි චාස්ත්රාණි තේ(අ)ම්බිකේ .

කරපල්ලවසඞ්ගීනි තෛරස්මාන්රක්ෂ සර්වතඃ ..27..

ඍෂිරුවාච ..28..

ඒවං ස්තුතා සුරෛර්දිව්යෛඃ කුසුමෛර්නන්දනෝද්භවෛඃ .

අර්චිතා ජගතාං ධාත්රී තථා ගන්ධානු ලේපනෛඃ ..29..

භක්ත්යා සමස්තෛස්රි ශෛර්දිව්යෛර්ධූපෛඃ සුධූපිතා .

ප්රාහ ප්රසාදසුමුඛී සමස්තාන් ප්රණතාන් සුරාන්. ..30..

දේව්යුවාච ..31..

ව්රියතාං ත්රිදශාඃ සර්වේ යදස්මත්තෝ(අ)භිවාඤ්ඡිතම් ..32..

දේවා ඌචු ..33..

භගවත්යා කෘතං සර්වං න කිඤ්චිදවශිෂ්යතේ .

යදයං නිහතඃ ශත්රු රස්මාකං මහිෂාසුරඃ ..34..

යදිචාපි වරෝ දේය ස්ත්වයා(අ)ස්මාකං මහේශ්වරි .

සංස්මෘතා සංස්මෘතා ත්වං නෝ හිං සේථාඃපරමාපදඃ..35..

යශ්ච මර්ත්යඃ ස්තවෛරේභිස්ත්වාං ස්තෝෂ්යත්යමලානනේ .

තස්ය විත්තර්ද්ධිවිභවෛර්ධනදාරාදි සම්පදාම් ..36..

වෘද්දයේ(අ) ස්මත්ප්රසන්නා ත්වං භවේථාඃ සර්වදාම්භිකේ ..37..

ඍෂිරුවාච ..38..

ඉති ප්රසාදිතා දේවෛර්ජගතෝ(අ)ර්ථේ තථාත්මනඃ .

තථේත්යුක්ත්වා භද්රකාලී බභූවාන්තර්හිතා නෘප ..39..

ඉත්යේතත්කථිතං භූප සම්භූතා සා යථාපුරා .

දේවී දේවශරීරේභ්යෝ ජගත්ප්රයහිතෛෂිණී ..40..

පුනශ්ච ගෞරී දේහාත්සා සමුද්භූතා යථාභවත් .

වධාය දුෂ්ට දෛත්යානාං තථා ශුම්භනිශුම්භයෝඃ ..41..

රක්ෂණාය ච ලෝකානාං දේවානාමුපකාරිණී .

තච්ඡෘ ණුෂ්ව මයාඛ්යාතං යථාවත්කථයාමිතේ

හ්රීං ඕං ..42..

.. ජය ජය ශ්රී මාර්කණ්ඩේය පුරාණේ සාවර්නිකේ මන්වන්තරේ දේවි මහත්ම්යේ ශක්රාදිස්තුතිර්නාම චතුර්ධෝ(අ)ධ්යායඃ සමාප්තම් ..

ආහුති

හ්රීං ජයන්තී සාඞ්ගායෛ සායුධායෛ සශක්තිකායෛ සපරිවාරායෛ සවාහනායෛ ශ්රී මහාලක්ෂ්ම්යෛ ලක්ෂ්මී බීජාදිෂ්ටායෛ මහාහුතිං සමර්පයාමි නමඃ ස්වාහා ..

Roman (IAST) Transliteration

śakrādistutirnāma caturdho'dhyāyaḥ ||

dhyānaṃ

kālābhrābhāṃ kaṭākṣair ari kula bhayadāṃ mauli baddhendu rekhāṃ

śaṅkha-cakraṃ kṛpāṇaṃ triśikhamapi karai-rudvahantīṃ trineṟtram |

siṃha skandādhirūḍhāṃ tribhuvana-makhilaṃ tejasā pūrayantīṃ

dhyāye-ddurgāṃ jayākhyāṃ tridaśa-parivṛtāṃ sevitāṃ siddhi kāmaiḥ ||

ṛṣiruvāca ||1||

śakrādayaḥ suragaṇā nihate'tivīrye

tasmindurātmani surāribale ca devyā |

tāṃ tuṣṭuvuḥ praṇatinamraśirodharāṃsā

vāgbhiḥ praharṣapulakodgamacārudehāḥ || 2 ||

devyā yayā tatamidaṃ jagadātmaśaktyā

niḥśeṣadevagaṇaśaktisamūhamūrtyā |

tāmambikāmakhiladevamaharṣipūjyāṃ

bhaktyā natāḥ sma vidadhātuśubhāni sā naḥ ||3||

yasyāḥ prabhāvamatulaṃ bhagavānananto

brahmā haraśca nahi vaktumalaṃ balaṃ ca |

sā caṇḍikā'khila jagatparipālanāya

nāśāya cāśubhabhayasya matiṃ karotu ||4||

yā śrīḥ svayaṃ sukṛtināṃ bhavaneṣvalakṣmīḥ

pāpātmanāṃ kṛtadhiyāṃ hṛdayeṣu buddhiḥ |

śradthā satāṃ kulajanaprabhavasya lajjā

tāṃ tvāṃ natāḥ sma paripālaya devi viśvam ||5||

kiṃ varṇayāma tavarūpa macintyametat

kiñcātivīryamasurakṣayakāri bhūri |

kiṃ cāhaveṣu caritāni tavātbhutāni

sarveṣu devyasuradevagaṇādikeṣu | ||6||

hetuḥ samastajagatāṃ triguṇāpi doṣaiḥ

na jñāyase hariharādibhiravyapārā |

sarvāśrayākhilamidaṃ jagadaṃśabhūtaṃ

avyākṛtā hi paramā prakṛtistvamādyā ||6||

yasyāḥ samastasuratā samudīraṇena

tṛptiṃ prayāti sakaleṣu makheṣu devi |

svāhāsi vai pitṛ gaṇasya ca tṛpti hetu

ruccāryase tvamata eva janaiḥ svadhāca ||8||

yā muktiheturavicintya mahāvratā tvaṃ

abhyasyase suniyatendriyatatvasāraiḥ |

mokṣārthibhirmunibhirastasamastadoṣai

rvidyā'si sā bhagavatī paramā hi devi ||9||

śabdātmikā suvimalargyajuṣāṃ nidhānaṃ

mudgītharamyapadapāṭhavatāṃ ca sāmnām |

devī trayī bhagavatī bhavabhāvanāya

vārtāsi sarva jagatāṃ paramārtihantrī ||10||

medhāsi devi viditākhilaśāstrasārā

durgā'si durgabhavasāgarasanaurasaṅgā |

śrīḥ kaiṭa bhārihṛdayaikakṛtādhivāsā

gaurī tvameva śaśimaulikṛta pratiṣṭhā ||11||

īṣatsahāsamamalaṃ paripūrṇa candra

bimbānukāri kanakottamakāntikāntam |

atyadbhutaṃ prahṛtamāttaruṣā tathāpi

vaktraṃ vilokya sahasā mahiṣāsureṇa ||12||

dṛṣṭvātu devi kupitaṃ bhrukuṭīkarāla

mudyacchaśāṅkasadṛśacchavi yanna sadyaḥ |

prāṇān mumoca mahiṣastadatīva citraṃ

kairjīvyate hi kupitāntakadarśanena | ||13||

deviprasīda paramā bhavatī bhavāya

sadyo vināśayasi kopavatī kulāni |

vijñātametadadhunaiva yadastametat

nnītaṃ balaṃ suvipulaṃ mahiṣāsurasya ||14||

te sammatā janapadeṣu dhanāni teṣāṃ

teṣāṃ yaśāṃsi na ca sīdati dharmavargaḥ |

dhanyāstaeva nibhṛtātmajabhṛtyadārā

yeṣāṃ sadābhyudayadā bhavatī prasannā||15||

dharmyāṇi devi sakalāni sadaiva karmāni

ṇyatyādṛtaḥ pratidinaṃ sukṛtī karoti |

svargaṃ prayāti ca tato bhavatī prasādā

llokatraye'pi phaladā nanu devi tena ||16||

durge smṛtā harasi bhīti maśeśa jantoḥ

svasthaiḥ smṛtā matimatīva śubhāṃ dadāsi |

dāridryaduḥkhabhayahāriṇi kā tvadanyā

sarvopakārakaraṇāya sadārdracittā ||17||

ebhirhatairjagadupaiti sukhaṃ tathaite

kurvantu nāma narakāya cirāya pāpam |

saṅgrāmamṛtyumadhigamya divamprayāntu

matveti nūnamahitānvinihaṃsi devi ||18||

dṛṣṭvaiva kiṃ na bhavatī prakaroti bhasma

sarvāsurānariṣu yatprahiṇoṣi śastram |

lokānprayāntu ripavo'pi hi śastrapūtā

itthaṃ matirbhavati teṣvahi te'ṣusādhvī ||19||

khaḍga prabhānikaravisphuraṇaistadhograiḥ

śūlāgrakāntinivahena dṛśo'surāṇām |

yannāgatā vilayamaṃśumadindukhaṇḍa

yogyānanaṃ tava viloka yatāṃ tadetat ||20||

durvṛtta vṛtta śamanaṃ tava devi śīlaṃ

rūpaṃ tathaitadavicintyamatulyamanyaiḥ |

vīryaṃ ca hantṛ hṛtadevaparākramāṇāṃ

vairiṣvapi prakaṭitaiva dayā tvayettham ||21||

kenopamā bhavatu te'sya parākramasya

rūpaṃ ca śatṛbhaya kāryatihāri kutra |

cittekṛpā samaraniṣṭuratā ca dṛṣṭā

tvayyeva devi varade bhuvanatraye'pi ||22||

trailokyametadakhilaṃ ripunāśanena

trātaṃ tvayā samaramūrdhani te'pi hatvā |

nītā divaṃ ripugaṇā bhayamapyapāstaṃ

asmākamunmadasurāribhavaṃ namaste ||23||

śūlena pāhi no devi pāhi khaḍgena cāmbhike |

ghaṇṭāsvanena naḥ pāhi cāpajyānisvanena ca ||24||

prācyāṃ rakṣa pratīcyāṃ ca caṇḍike rakṣa dakṣiṇe |

bhrāmaṇenātmaśūlasya uttarasyāṃ tatheśvarī||25||

saumyāni yāni rūpāṇi trailokye vicarantite |

yāni cātyanta ghorāṇi tairakṣāsmāṃstathābhuvam ||26||

khaḍgaśūlagadādīni yāni cāstrāṇi te'mbike |

karapallavasaṅgīni tairasmānrakṣa sarvataḥ ||27||

ṛṣiruvāca ||28||

evaṃ stutā surairdivyaiḥ kusumairnandanodbhavaiḥ |

arcitā jagatāṃ dhātrī tathā gandhānu lepanaiḥ ||29||

bhaktyā samastaisri śairdivyairdhūpaiḥ sudhūpitā |

prāha prasādasumukhī samastān praṇatān surān| ||30||

devyuvāca ||31||

vriyatāṃ tridaśāḥ sarve yadasmatto'bhivāñchitam ||32||

devā ūcu ||33||

bhagavatyā kṛtaṃ sarvaṃ na kiñcidavaśiṣyate |

yadayaṃ nihataḥ śatru rasmākaṃ mahiṣāsuraḥ ||34||

yadicāpi varo deya stvayā'smākaṃ maheśvari |

saṃsmṛtā saṃsmṛtā tvaṃ no hiṃ sethāḥparamāpadaḥ||35||

yaśca martyaḥ stavairebhistvāṃ stoṣyatyamalānane |

tasya vittarddhivibhavairdhanadārādi sampadām ||36||

vṛddaye' smatprasannā tvaṃ bhavethāḥ sarvadāmbhike ||37||

ṛṣiruvāca ||38||

iti prasāditā devairjagato'rthe tathātmanaḥ |

tathetyuktvā bhadrakālī babhūvāntarhitā nṛpa ||39||

ityetatkathitaṃ bhūpa sambhūtā sā yathāpurā |

devī devaśarīrebhyo jagatprayahitaiṣiṇī ||40||

punaśca gaurī dehātsā samudbhūtā yathābhavat |

vadhāya duṣṭa daityānāṃ tathā śumbhaniśumbhayoḥ ||41||

rakṣaṇāya ca lokānāṃ devānāmupakāriṇī |

tacchṛ ṇuṣva mayākhyātaṃ yathāvatkathayāmite

hrīṃ oṃ ||42||

|| jaya jaya śrī mārkaṇḍeya purāṇe sāvarnike manvantare devi mahatmye śakrādistutirnāma caturdho'dhyāyaḥ samāptam ||

āhuti

hrīṃ jayantī sāṅgāyai sāyudhāyai saśaktikāyai saparivārāyai savāhanāyai śrī mahālakṣmyai lakṣmī bījādiṣṭāyai mahāhutiṃ samarpayāmi namaḥ svāhā ||

Sanskrit — Devanagari (original)

शक्रादिस्तुतिर्नाम चतुर्धोऽध्यायः ॥

ध्यानं

कालाभ्राभां कटाक्षैर् अरि कुल भयदां मौलि बद्धेन्दु रेखां

शङ्ख-चक्रं कृपाणं त्रिशिखमपि करै-रुद्वहन्तीं त्रिनेऱ्त्रम् ।

सिंह स्कन्दाधिरूढां त्रिभुवन-मखिलं तेजसा पूरयन्तीं

ध्याये-द्दुर्गां जयाख्यां त्रिदश-परिवृतां सेवितां सिद्धि कामैः ॥

ऋषिरुवाच ॥1॥

शक्रादयः सुरगणा निहतेऽतिवीर्ये

तस्मिन्दुरात्मनि सुरारिबले च देव्या ।

तां तुष्टुवुः प्रणतिनम्रशिरोधरांसा

वाग्भिः प्रहर्षपुलकोद्गमचारुदेहाः ॥ 2 ॥

देव्या यया ततमिदं जगदात्मशक्त्या

निःशेषदेवगणशक्तिसमूहमूर्त्या ।

तामम्बिकामखिलदेवमहर्षिपूज्यां

भक्त्या नताः स्म विदधातुशुभानि सा नः ॥3॥

यस्याः प्रभावमतुलं भगवाननन्तो

ब्रह्मा हरश्च नहि वक्तुमलं बलं च ।

सा चण्डिकाऽखिल जगत्परिपालनाय

नाशाय चाशुभभयस्य मतिं करोतु ॥4॥

या श्रीः स्वयं सुकृतिनां भवनेष्वलक्ष्मीः

पापात्मनां कृतधियां हृदयेषु बुद्धिः ।

श्रद्था सतां कुलजनप्रभवस्य लज्जा

तां त्वां नताः स्म परिपालय देवि विश्वम् ॥5॥

किं वर्णयाम तवरूप मचिन्त्यमेतत्

किञ्चातिवीर्यमसुरक्षयकारि भूरि ।

किं चाहवेषु चरितानि तवात्भुतानि

सर्वेषु देव्यसुरदेवगणादिकेषु । ॥6॥

हेतुः समस्तजगतां त्रिगुणापि दोषैः

न ज्ञायसे हरिहरादिभिरव्यपारा ।

सर्वाश्रयाखिलमिदं जगदंशभूतं

अव्याकृता हि परमा प्रकृतिस्त्वमाद्या ॥6॥

यस्याः समस्तसुरता समुदीरणेन

तृप्तिं प्रयाति सकलेषु मखेषु देवि ।

स्वाहासि वै पितृ गणस्य च तृप्ति हेतु

रुच्चार्यसे त्वमत एव जनैः स्वधाच ॥8॥

या मुक्तिहेतुरविचिन्त्य महाव्रता त्वं

अभ्यस्यसे सुनियतेन्द्रियतत्वसारैः ।

मोक्षार्थिभिर्मुनिभिरस्तसमस्तदोषै

र्विद्याऽसि सा भगवती परमा हि देवि ॥9॥

शब्दात्मिका सुविमलर्ग्यजुषां निधानं

मुद्गीथरम्यपदपाठवतां च साम्नाम् ।

देवी त्रयी भगवती भवभावनाय

वार्तासि सर्व जगतां परमार्तिहन्त्री ॥10॥

मेधासि देवि विदिताखिलशास्त्रसारा

दुर्गाऽसि दुर्गभवसागरसनौरसङ्गा ।

श्रीः कैट भारिहृदयैककृताधिवासा

गौरी त्वमेव शशिमौलिकृत प्रतिष्ठा ॥11॥

ईषत्सहासममलं परिपूर्ण चन्द्र

बिम्बानुकारि कनकोत्तमकान्तिकान्तम् ।

अत्यद्भुतं प्रहृतमात्तरुषा तथापि

वक्त्रं विलोक्य सहसा महिषासुरेण ॥12॥

दृष्ट्वातु देवि कुपितं भ्रुकुटीकराल

मुद्यच्छशाङ्कसदृशच्छवि यन्न सद्यः ।

प्राणान् मुमोच महिषस्तदतीव चित्रं

कैर्जीव्यते हि कुपितान्तकदर्शनेन । ॥13॥

देविप्रसीद परमा भवती भवाय

सद्यो विनाशयसि कोपवती कुलानि ।

विज्ञातमेतदधुनैव यदस्तमेतत्

न्नीतं बलं सुविपुलं महिषासुरस्य ॥14॥

ते सम्मता जनपदेषु धनानि तेषां

तेषां यशांसि न च सीदति धर्मवर्गः ।

धन्यास्तएव निभृतात्मजभृत्यदारा

येषां सदाभ्युदयदा भवती प्रसन्ना॥15॥

धर्म्याणि देवि सकलानि सदैव कर्मानि

ण्यत्यादृतः प्रतिदिनं सुकृती करोति ।

स्वर्गं प्रयाति च ततो भवती प्रसादा

ल्लोकत्रयेऽपि फलदा ननु देवि तेन ॥16॥

दुर्गे स्मृता हरसि भीति मशेश जन्तोः

स्वस्थैः स्मृता मतिमतीव शुभां ददासि ।

दारिद्र्यदुःखभयहारिणि का त्वदन्या

सर्वोपकारकरणाय सदार्द्रचित्ता ॥17॥

एभिर्हतैर्जगदुपैति सुखं तथैते

कुर्वन्तु नाम नरकाय चिराय पापम् ।

सङ्ग्राममृत्युमधिगम्य दिवम्प्रयान्तु

मत्वेति नूनमहितान्विनिहंसि देवि ॥18॥

दृष्ट्वैव किं न भवती प्रकरोति भस्म

सर्वासुरानरिषु यत्प्रहिणोषि शस्त्रम् ।

लोकान्प्रयान्तु रिपवोऽपि हि शस्त्रपूता

इत्थं मतिर्भवति तेष्वहि तेऽषुसाध्वी ॥19॥

खड्ग प्रभानिकरविस्फुरणैस्तधोग्रैः

शूलाग्रकान्तिनिवहेन दृशोऽसुराणाम् ।

यन्नागता विलयमंशुमदिन्दुखण्ड

योग्याननं तव विलोक यतां तदेतत् ॥20॥

दुर्वृत्त वृत्त शमनं तव देवि शीलं

रूपं तथैतदविचिन्त्यमतुल्यमन्यैः ।

वीर्यं च हन्तृ हृतदेवपराक्रमाणां

वैरिष्वपि प्रकटितैव दया त्वयेत्थम् ॥21॥

केनोपमा भवतु तेऽस्य पराक्रमस्य

रूपं च शतृभय कार्यतिहारि कुत्र ।

चित्तेकृपा समरनिष्टुरता च दृष्टा

त्वय्येव देवि वरदे भुवनत्रयेऽपि ॥22॥

त्रैलोक्यमेतदखिलं रिपुनाशनेन

त्रातं त्वया समरमूर्धनि तेऽपि हत्वा ।

नीता दिवं रिपुगणा भयमप्यपास्तं

अस्माकमुन्मदसुरारिभवं नमस्ते ॥23॥

शूलेन पाहि नो देवि पाहि खड्गेन चाम्भिके ।

घण्टास्वनेन नः पाहि चापज्यानिस्वनेन च ॥24॥

प्राच्यां रक्ष प्रतीच्यां च चण्डिके रक्ष दक्षिणे ।

भ्रामणेनात्मशूलस्य उत्तरस्यां तथेश्वरी॥25॥

सौम्यानि यानि रूपाणि त्रैलोक्ये विचरन्तिते ।

यानि चात्यन्त घोराणि तैरक्षास्मांस्तथाभुवम् ॥26॥

खड्गशूलगदादीनि यानि चास्त्राणि तेऽम्बिके ।

करपल्लवसङ्गीनि तैरस्मान्रक्ष सर्वतः ॥27॥

ऋषिरुवाच ॥28॥

एवं स्तुता सुरैर्दिव्यैः कुसुमैर्नन्दनोद्भवैः ।

अर्चिता जगतां धात्री तथा गन्धानु लेपनैः ॥29॥

भक्त्या समस्तैस्रि शैर्दिव्यैर्धूपैः सुधूपिता ।

प्राह प्रसादसुमुखी समस्तान् प्रणतान् सुरान्। ॥30॥

देव्युवाच ॥31॥

व्रियतां त्रिदशाः सर्वे यदस्मत्तोऽभिवाञ्छितम् ॥32॥

देवा ऊचु ॥33॥

भगवत्या कृतं सर्वं न किञ्चिदवशिष्यते ।

यदयं निहतः शत्रु रस्माकं महिषासुरः ॥34॥

यदिचापि वरो देय स्त्वयाऽस्माकं महेश्वरि ।

संस्मृता संस्मृता त्वं नो हिं सेथाःपरमापदः॥35॥

यश्च मर्त्यः स्तवैरेभिस्त्वां स्तोष्यत्यमलानने ।

तस्य वित्तर्द्धिविभवैर्धनदारादि सम्पदाम् ॥36॥

वृद्दयेऽ स्मत्प्रसन्ना त्वं भवेथाः सर्वदाम्भिके ॥37॥

ऋषिरुवाच ॥38॥

इति प्रसादिता देवैर्जगतोऽर्थे तथात्मनः ।

तथेत्युक्त्वा भद्रकाली बभूवान्तर्हिता नृप ॥39॥

इत्येतत्कथितं भूप सम्भूता सा यथापुरा ।

देवी देवशरीरेभ्यो जगत्प्रयहितैषिणी ॥40॥

पुनश्च गौरी देहात्सा समुद्भूता यथाभवत् ।

वधाय दुष्ट दैत्यानां तथा शुम्भनिशुम्भयोः ॥41॥

रक्षणाय च लोकानां देवानामुपकारिणी ।

तच्छृ णुष्व मयाख्यातं यथावत्कथयामिते

ह्रीं ॐ ॥42॥

॥ जय जय श्री मार्कण्डेय पुराणे सावर्निके मन्वन्तरे देवि महत्म्ये शक्रादिस्तुतिर्नाम चतुर्धोऽध्यायः समाप्तम् ॥

आहुति

ह्रीं जयन्ती साङ्गायै सायुधायै सशक्तिकायै सपरिवारायै सवाहनायै श्री महालक्ष्म्यै लक्ष्मी बीजादिष्टायै महाहुतिं समर्पयामि नमः स्वाहा ॥